Uttara-khaṇḍa · Chapter 247
Sourceरुद्र उवाच- हत्वाथ यवनं तत्र मुचुकुंदेन धीमता । दत्त्वा तस्मै वरं मुक्तिं निष्क्रांतो यदुनंदनः १। हतं च यवनं श्रुत्वा जरासंधः सुदुर्मतिः । ययुधे रामकृष्णाभ्यां स्वबलेन समावृतः २। कृष्णेन निहतं सैन्यं सर्वं तस्य दुरात्मनः । स पपात महीपृष्ठे मूर्च्छितो मगधाधिपः ३। चिरेण लब्ध्वा संज्ञां तु विह्वलांगो भयातुरः । न शशाक रणे योद्धुं रामेण मगधेश्वरः ४। विमुखः प्राद्रवत्तूर्णं हतशेषबलानुगः । अजेयाविति तौ मत्वा रामकृष्णौ महाबलौ ५। तयोर्विरोधं त्यक्त्वाथ नगरीं स्वां विवेश ह । अथ तौ वसुदेवस्य तनयौ सह सेनया ६। मथुरां त्यज्य नगरीं प्रविष्टौ द्वारिकां पुरीम् । इंद्रेण प्रेषितो वायुः सभां तत्र दिवौकसाम् ७। कृष्णाय प्रददौ प्रीत्या निर्मितां विश्वकर्मणा । वज्रवैडूर्यरचितां बह्वासनविचित्रिताम् ८। नानारत्नमयैर्दिव्यैः स्वर्णच्छत्रैर्विराजिताम् । तां प्राप्य रम्यां तु सभामुग्रसेनादयो नृपाः ९। मोदंते नैगमैः सार्द्धं दिवि देवगणा इव । इक्ष्वाकुवंशसंभूतो रैवतो नाम पार्थिवः १०। कन्यां दुहितरं स्वस्य सर्वलक्षणसंयुताम् । रामाय प्रददौ प्रीत्या रेवती नाम नामतः ११। उपयेमे विधानेन स रामस्तां च रेवतीम् । रमयामास च तया शच्या इव सुरेश्वरः १२। विदर्भराजो धर्मात्मा भीष्मको नाम धार्मिकः । बभूवुस्तस्य पुत्रास्तु रुक्मप्रभृतयः शुभाः १३। तेषामवरजा कन्या रुक्मिणी वरवर्णिनी । कमलांशेन संभूता सर्वलक्षणसंयुता १४। राघवत्वेभवत्सीता रुक्मिणी कृष्णजन्मनि । अन्येष्वेवावतारेषु विष्णोरेषा सहायिनी १५। हिरण्यक हिरण्याक्षौ संभूतौ द्वापरे पुनः । शिशुपालो दंतवक्त्र इति नाम समन्वितौ १६। चैद्यान्वये समुद्भूतौ महाबलपराक्रमौ । रुक्मिणी शिशुपालाय दातुमैच्छत्तदात्मजः १७। तं नेच्छती पतिं सा तु शिशुपालं शुभानना । बाल्यात्प्रभृति वै विष्णुमनुरक्ता दृढव्रता १८। उद्दिश्य कृष्णं भर्त्तारं सुराणामर्चनं सदा । चकार रुक्मिणी कन्या दानानि विविधानि च १९। व्रतचर्यापराभूत्वा ध्यायंती पुरुषोत्तमम् । आत्मेशं स्वस्य भर्तारमुवास पितृमंदिरे २०। कर्त्तुं तां शिशुपालाय विवाहं पार्थिवोत्तमः । चकार यत्नं पुत्रेण रुक्मिणा सविधीमता २१। पुरोहितसुतं विप्रं प्रेषयामास रुक्मिणी । उद्दिश्य कृष्णं भर्त्तारं स तूर्णं द्वारकां ययौ २२। समेत्य कृष्णं रामं च ताभ्यां विधिवदर्चितः । एकांते सर्वमाचष्ट रुक्मिणीभाषितं तयोः २३। तच्छ्रुत्वा रामकृष्णौ तु तेन विप्रेण धीमता । सर्वशस्त्रास्त्रसंपूर्णं रथमाकाशगं प्रभुः २४। आरुह्य सूतमुख्येन दारुकेण महात्मना । विदर्भनगरीं तूर्णं जग्मतुः पुरुषोत्तमौ २५। राजानः सर्वराष्ट्रेभ्यो विवाहं द्रष्टुमागताः । जरासंधमुखाः सर्वे शिशुपालस्य धीमतः २६। तस्मिन्नुद्वाहसमये रुक्मिणी रुक्मभूषणा । दुर्गां निःसृतार्चयितुं सखीभिर्नगराद्बहिः २७। एतस्मिन्नेव काले तु संप्राप्तो देवकीसुतः । रथस्थां तां च जग्राह बलवान्मधुसूदनः २८। सहसा रथमारोप्य ययौ तूर्णं स्वमालयम् । ततः क्रोधसमाविष्टा जरासंधमुखा नृपाः २९। रुक्मिणा राजपुत्रेण युद्धाय समुपस्थिताः । अनुयाता हरिं क्रुद्धाश्चतुरंगबलान्विताः ३०। बलभद्रो महाबाहुरवरुह्य रथोत्तमात् । लांगलं मुशलं गृह्य निजघान क्षणादरीन् ३१। रथानश्वान्महानागांस्तथा पादचरानपि । लांगलमुशलाम्यां वै निजघान बलाद्रणे ३२। तस्य लांगलपातेन चूर्णिता रथपंक्तयः । नागाश्च पतिता भूमौ वज्रेणेव महीधराः ३३। निर्भिन्नमस्तकाः सर्वे वमंतो रुधिरं बहु । क्षणेनैव हतं सैन्यं बलरामेण वै तदा ३४। साश्वं सनागं सरथं सपदातिं महारणे । समंतात्समरे तत्र सुस्रुवुः शोणितापगाः ३५। प्रभग्नाः पार्थिवाः सर्वे दुद्रुवुर्भयपीडिताः । कृष्णेन कदनं चक्रे रुक्मी क्रोधवशाद्बली ३६। धनुरुद्यम्य बाणौघैस्ताडयामास शार्ङ्गिणम् । ततः प्रहस्य गोविंदः शार्ङ्गमादाय लीलया ३७। जघानैकेनबाणेन रथाश्वांस्तस्य सारथिम् । रथंध्वजं पताकां च चिच्छेद धरणीधरः ३८। विरथः खङ्गमादाय धरण्यां स उपस्थितः । कृष्णस्तु खङ्गं चिच्छेद बाणेनैकेन वीर्यवान् ३९। ततः स मुष्टिमुद्यम्य कृष्णं वक्षस्यताडयत् । तं जग्राह रणे वीरं निबध्य निबिडं हरिः ४०। तीक्ष्णं क्षुरप्रमादाय प्रहसन्मधुसूदनः । शिरसो मुंडनं कृत्वा मुमोच च जनार्दनः ४१। स तु शोकसमाविष्टो निःश्वसन्नुरगो यथा । आविवेश पुरं स्वीयं स तु तत्रैव चावसत् ४२। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमामहेश्वरसंवादे श्रीकृष्णचरिते विदर्भसेनाविध्वंसनंनाम सप्तचत्वारिंशदधिकद्विशततमोऽध्यायः २४७।
rudra uvāca- hatvātha yavanaṃ tatra mucukuṃdena dhīmatā | dattvā tasmai varaṃ muktiṃ niṣkrāṃto yadunaṃdanaḥ 1| hataṃ ca yavanaṃ śrutvā jarāsaṃdhaḥ sudurmatiḥ | yayudhe rāmakṛṣṇābhyāṃ svabalena samāvṛtaḥ 2| kṛṣṇena nihataṃ sainyaṃ sarvaṃ tasya durātmanaḥ | sa papāta mahīpṛṣṭhe mūrcchito magadhādhipaḥ 3| cireṇa labdhvā saṃjñāṃ tu vihvalāṃgo bhayāturaḥ | na śaśāka raṇe yoddhuṃ rāmeṇa magadheśvaraḥ 4| vimukhaḥ prādravattūrṇaṃ hataśeṣabalānugaḥ | ajeyāviti tau matvā rāmakṛṣṇau mahābalau 5| tayorvirodhaṃ tyaktvātha nagarīṃ svāṃ viveśa ha | atha tau vasudevasya tanayau saha senayā 6| mathurāṃ tyajya nagarīṃ praviṣṭau dvārikāṃ purīm | iṃdreṇa preṣito vāyuḥ sabhāṃ tatra divaukasām 7| kṛṣṇāya pradadau prītyā nirmitāṃ viśvakarmaṇā | vajravaiḍūryaracitāṃ bahvāsanavicitritām 8| nānāratnamayairdivyaiḥ svarṇacchatrairvirājitām | tāṃ prāpya ramyāṃ tu sabhāmugrasenādayo nṛpāḥ 9| modaṃte naigamaiḥ sārddhaṃ divi devagaṇā iva | ikṣvākuvaṃśasaṃbhūto raivato nāma pārthivaḥ 10| kanyāṃ duhitaraṃ svasya sarvalakṣaṇasaṃyutām | rāmāya pradadau prītyā revatī nāma nāmataḥ 11| upayeme vidhānena sa rāmastāṃ ca revatīm | ramayāmāsa ca tayā śacyā iva sureśvaraḥ 12| vidarbharājo dharmātmā bhīṣmako nāma dhārmikaḥ | babhūvustasya putrāstu rukmaprabhṛtayaḥ śubhāḥ 13| teṣāmavarajā kanyā rukmiṇī varavarṇinī | kamalāṃśena saṃbhūtā sarvalakṣaṇasaṃyutā 14| rāghavatvebhavatsītā rukmiṇī kṛṣṇajanmani | anyeṣvevāvatāreṣu viṣṇoreṣā sahāyinī 15| hiraṇyaka hiraṇyākṣau saṃbhūtau dvāpare punaḥ | śiśupālo daṃtavaktra iti nāma samanvitau 16| caidyānvaye samudbhūtau mahābalaparākramau | rukmiṇī śiśupālāya dātumaicchattadātmajaḥ 17| taṃ necchatī patiṃ sā tu śiśupālaṃ śubhānanā | bālyātprabhṛti vai viṣṇumanuraktā dṛḍhavratā 18| uddiśya kṛṣṇaṃ bharttāraṃ surāṇāmarcanaṃ sadā | cakāra rukmiṇī kanyā dānāni vividhāni ca 19| vratacaryāparābhūtvā dhyāyaṃtī puruṣottamam | ātmeśaṃ svasya bhartāramuvāsa pitṛmaṃdire 20| karttuṃ tāṃ śiśupālāya vivāhaṃ pārthivottamaḥ | cakāra yatnaṃ putreṇa rukmiṇā savidhīmatā 21| purohitasutaṃ vipraṃ preṣayāmāsa rukmiṇī | uddiśya kṛṣṇaṃ bharttāraṃ sa tūrṇaṃ dvārakāṃ yayau 22| sametya kṛṣṇaṃ rāmaṃ ca tābhyāṃ vidhivadarcitaḥ | ekāṃte sarvamācaṣṭa rukmiṇībhāṣitaṃ tayoḥ 23| tacchrutvā rāmakṛṣṇau tu tena vipreṇa dhīmatā | sarvaśastrāstrasaṃpūrṇaṃ rathamākāśagaṃ prabhuḥ 24| āruhya sūtamukhyena dārukeṇa mahātmanā | vidarbhanagarīṃ tūrṇaṃ jagmatuḥ puruṣottamau 25| rājānaḥ sarvarāṣṭrebhyo vivāhaṃ draṣṭumāgatāḥ | jarāsaṃdhamukhāḥ sarve śiśupālasya dhīmataḥ 26| tasminnudvāhasamaye rukmiṇī rukmabhūṣaṇā | durgāṃ niḥsṛtārcayituṃ sakhībhirnagarādbahiḥ 27| etasminneva kāle tu saṃprāpto devakīsutaḥ | rathasthāṃ tāṃ ca jagrāha balavānmadhusūdanaḥ 28| sahasā rathamāropya yayau tūrṇaṃ svamālayam | tataḥ krodhasamāviṣṭā jarāsaṃdhamukhā nṛpāḥ 29| rukmiṇā rājaputreṇa yuddhāya samupasthitāḥ | anuyātā hariṃ kruddhāścaturaṃgabalānvitāḥ 30| balabhadro mahābāhuravaruhya rathottamāt | lāṃgalaṃ muśalaṃ gṛhya nijaghāna kṣaṇādarīn 31| rathānaśvānmahānāgāṃstathā pādacarānapi | lāṃgalamuśalāmyāṃ vai nijaghāna balādraṇe 32| tasya lāṃgalapātena cūrṇitā rathapaṃktayaḥ | nāgāśca patitā bhūmau vajreṇeva mahīdharāḥ 33| nirbhinnamastakāḥ sarve vamaṃto rudhiraṃ bahu | kṣaṇenaiva hataṃ sainyaṃ balarāmeṇa vai tadā 34| sāśvaṃ sanāgaṃ sarathaṃ sapadātiṃ mahāraṇe | samaṃtātsamare tatra susruvuḥ śoṇitāpagāḥ 35| prabhagnāḥ pārthivāḥ sarve dudruvurbhayapīḍitāḥ | kṛṣṇena kadanaṃ cakre rukmī krodhavaśādbalī 36| dhanurudyamya bāṇaughaistāḍayāmāsa śārṅgiṇam | tataḥ prahasya goviṃdaḥ śārṅgamādāya līlayā 37| jaghānaikenabāṇena rathāśvāṃstasya sārathim | rathaṃdhvajaṃ patākāṃ ca ciccheda dharaṇīdharaḥ 38| virathaḥ khaṅgamādāya dharaṇyāṃ sa upasthitaḥ | kṛṣṇastu khaṅgaṃ ciccheda bāṇenaikena vīryavān 39| tataḥ sa muṣṭimudyamya kṛṣṇaṃ vakṣasyatāḍayat | taṃ jagrāha raṇe vīraṃ nibadhya nibiḍaṃ hariḥ 40| tīkṣṇaṃ kṣurapramādāya prahasanmadhusūdanaḥ | śiraso muṃḍanaṃ kṛtvā mumoca ca janārdanaḥ 41| sa tu śokasamāviṣṭo niḥśvasannurago yathā | āviveśa puraṃ svīyaṃ sa tu tatraiva cāvasat 42| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde śrīkṛṣṇacarite vidarbhasenāvidhvaṃsanaṃnāma saptacatvāriṃśadadhikadviśatatamo'dhyāyaḥ 247|
English translation
Rudra said :
1-3. After the intelligent Mucukunda had killed Yavana , the descendant of Yadu gave him a boon, and went out (of the cave). Having heard that Yavana was killed, the very wicked Jarāsandha , surrounded by his army, fought with Rāma and Kṛṣṇa . Kṛṣṇa killed the entire army of that wicked one. The lord of Magadha , having fainted, fell on the ground.
4-7a. The lord of Magadha, having regained consciousness after a long time, and being distressed by fear and his body afflicted by fear, could not fight with Rāma in the battle. With his remaining army and followers killed, he, turning away (from the battle) ran away. Taking the (two) Rāma and Kṛṣṇa as unconquerable, he gave up hostility against them and entered his own city. Then the two sons of Vasudeva , along with their army left the city of Mathurā and entered the city of Dvārikā.
7b-10a. Vāyu , sent by Indra , affectionately gave Kṛṣṇa the assembly(-hall) of gods, which was fashioned by Viśvakarman , was decorated with diamonds and lapis lazuli, graced with many seats, which shone with divine golden umbrellas, full of (i.e. decked with) various gems. The kings like Ugrasena along with the traders, on arriving at the charming assembly(-hall), were delighted as hosts of gods (are delighted) in heaven.
10b-12. The king named Raivata , born in the Ikṣvāku family, affectionately gave Rāma his daughter named Revatī who was endowed with all (auspicious) marks. That Rāma duly married that Revatī and amused himself with her as Indra with Śacī .
13-19. Bhīṣmaka , the king of Vidarbha , was pious and virtuous. He had good sons like Rukma . (Bhīṣmaka’s) daughter, their youngest sister was Rukmiṇī , of an excellent complexion. She was born with a portion of Lakṣmī and had all auspicious marks. She was Sītā in (the lord’s) existence as Rāma, and was Rukmiṇī in his birth as Kṛṣṇa. She accompanied Viṣṇu in his other incarnations also. In the Dvāpara (age) Hiraṇyaka and Hiraṇyākṣa were again born with the names Śiśupāla and Dantavaktra . The two very mighty and brave ones were born in the family of the Cedi (king). His son desired to give Rukmiṇī (in marriage) to Śiśupāla. The beautiful-faced (Rukmiṇī) did not want Śiśupala as her husband. She, of a firm vow, was attached to Viṣṇu from her childhood. That virgin Rukmiṇī, dedicated to Viṣṇu, always worshipped the deities and gave various presents (to brāhmaṇas ).
20-21. Highly devoted to practising vows, and thinking of Viṣṇu, the lord of the soul, as her husband, she lived in her father’s house. Through his intelligent son Rukmin, the best king tried to get her married to Śiśupāla.
22-23. Intending to have Kṛṣṇa as her husband, she sent a brāhmaṇa , the son of her family-priest (to Kṛṣṇa). He quickly went to Dvārakā . Having approached Kṛṣṇa and Rāma and being duly honoured by them, he told them in private what Rukmiṇī had said.
24-26. Having heard it, the two best among men, Rāma and Kṛṣṇa, along with that intelligent brāhmaṇa, got into the chariot full of all weapons and missiles and moving (even) in the sky along with the noble Dāruka , quickly went to the (capital) city of Vidarbha. All kings, led by Jarāsandha, from all countries had come to witness the marriage(-ceremony) of the intelligent Śiśupāla.
27-30. At the time of the marriage, Rukmiṇī, having put on golden ornaments, went out of the city with her friends to worship Durgā . At that time only Devakī ’s son (Kṛṣṇa) reached (there). The strong Kṛṣṇa seized her who was in her chariot. Suddenly putting her into his chariot he quickly came home. Then kings like Jarāsandha, full of anger, went along with prince Rukmin, to fight (with Kṛṣṇa). With their army having the fourfold division, the angry ones pursued Kṛṣṇa.
31-35. The powerful Balabhadra , having got down from his excellent chariot, took the plough and the pestle and in a moment struck the enemies. With force he struck the chariots, horses, great elephants and foot-soldiers also with his plough and pestle in the battle. Due to the fall of his plough the rows of chariots were pounded. The elephants also fell on the ground as mountains due to (the fall of) the thunderbolt (on them). The heads of all were broken; all vomitted blood profusely. At that time, in a moment, Balarāma struck down the army along with the horses, the elephants and the chariots in the great battle. On the battlefield there rivers of blood flowed on all sides.
36-42. All the kings that were routed, being tormented by fear, fled away. The powerful Rukmin, through anger, fought with Kṛṣṇa. Raising his bow, he struck Kṛṣṇa with volleys of arrows. Then Kṛṣṇa laughed and taking his Śārṅga (bow) struck with one arrow the horses of his chariot and the charioteer. The supporter of the earth rent his chariot, flag and banner. He, deprived of his chariot, stood on the ground. The powerful Kṛṣṇa cut off his sword with one arrow. Then raising his fist, he struck Kṛṣṇa on his chest. Kṛṣṇa binding him, seized him on the battlefield. Kṛṣṇa (i.e. Viṣṇu), the killer of (the demon) Madhu , smiled, and taking an arrow with a sharp horse-shoe-shaped head, shaved his head and left him. He, full of grief, and hissing like a serpent, entered his own city and stayed there only.
Complete chapter-aligned witnesses. Sanskrit Wikisource page 17750, revision 336707 (2022-04-26T10:43:16Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365832.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.