Uttara-khaṇḍa · Chapter 243
Sourceशंकर उवाच- अथ तस्मिन्दिने पुण्ये शुभलग्ने शुभान्विते । मंगलस्याभिषेकार्थं मंगलं चक्रिरे जनाः १। वसिष्ठो वामदेवश्च जाबालिरथ कश्यपः । मार्कंडेयश्च मौद्गल्यः पर्वतो नारदस्तथा २। एते महर्षयस्तत्र जपहोमपुरस्सरम् । अभिषेकं शुभं चक्रुर्मुनयो राजसत्तमम् ३। नानारत्नमये दिव्ये हेमपीठे शुभान्विते । निवेश्य सीतया सार्द्धं श्रिया इव जनार्दनम् ४। सौवर्णकलशैर्दिव्यैर्नानारत्नमयैः शुभैः । सर्वतीर्थोदकैः पुण्यैर्माङ्गल्यद्रव्यसंयुतैः ५। दूर्वाग्रतुलसीपत्रपुष्पगंधसमन्वितैः । मंत्रपूतजलैः शुद्धैर्मुनयः संशितव्रताः ६। अजपन्वैष्णवान्सूक्तान्चतुर्वेदमयान्शुभान् । अभिषेकं शुभं चक्रुः काकुत्स्थं जगतः पतिम् ७। तस्मिन्शुभतमे लग्ने देवदुंदुभयो दिवि । विनेदुः पुष्पवर्षाणि ववृषुश्च समंततः ८। दिव्यांबरैर्भूषणैश्च दिव्यगंधानुलेपनैः । पुष्पैर्नानाविधैर्दिव्यैर्देव्या सह रघूद्वहः ९। अलंकृतश्च शुशुभे मुनिभिर्वेदपारगैः । छत्रं च चामरं दिव्यं धृतवान्लक्ष्मणस्तदा १०। पार्श्वे भरतशत्रुघ्नौ तालवृंतौ विरेजतुः । दर्पणं प्रददौ श्रीमान्राक्षसेंद्रो विभीषणः ११। दधार पूर्णकलशं सुग्रीवो वानरेश्वरः । जाम्बवांश्च महातेजाः पुष्पमालां मनोहराम् १२। वालिपुत्रस्तु तांबूलं सकर्पूरं ददौ हरेः । हनुमान्दीपकां दिव्यां सुषेणश्च ध्वजं शुभम् १३। परिवार्य महात्मानं मंत्रिणः समुपासिरे । सृष्टिर्जयंतो विजयः सौराष्ट्रो राष्ट्रवर्द्धनः १४। अकोपो धर्मपालश्च सुमंत्रो मंत्रिणः स्मृताः । राजानश्च नरव्याघ्रा नानाजनपदेश्वराः १५। पौराश्च नैगमा वृद्धा राजानं पर्युपासत । ऋक्षैश्च वानरेंद्रैश्च मंत्रिभिः पृथिवीश्वरैः १६। राक्षसैर्द्विजमुख्यैश्च किंकरैश्च समावृतः । परे व्योम्नि यथा लीनो दैवतैः कमलापतिः १७। तथा नृपवरः श्रीमान्साकेते शुशुभे तदा । इंदीवरदलश्यामं पद्मपत्रनिभेक्षणम् १८। आजानुबाहुं काकुत्स्थं पीतवस्त्रधरं हरिम् । कंबुग्रीवं महोरस्कं विचित्राभरणैर्युतम् १९। देव्या सह समासीनमभिषिक्तं रघूत्तमम् । विमानस्थाः सुरगणा हर्षनिर्भरमानसाः २०। तुष्टुवुर्जयशब्देन गंधर्वाप्सरसां गणाः । अभिषिक्तस्ततो रामो वसिष्ठाद्यैर्महर्षिभिः २१। शुशुभे सीतया देव्या नारायण इव श्रिया । अतिमर्त्यतयाभीत उपासितुं पदांबुजम् २२। दृष्ट्वा तुष्टाव हृष्टात्मा शंकरो हृष्टमागतः । कृतांजलिपुटो भूत्वा सानंदो गद्गदाकुलः । हर्षयन्सकलान्देवान्मुनीनपि च वानरान् २३। महादेव उवाच- नमो मूलप्रकृतये नित्याय परमात्मने । सच्चिदानंदरूपाय विश्वरूपाय वेधसे २४। नमो निरंतरानंद कन्दमूलाय विष्णवे । जगत्त्रयकृतानंद मूर्त्तये दिव्यमूर्त्तये २५। नमो ब्रह्मेंद्रपूज्याय शंकराभयदाय च । नमो विष्णुस्वरूपाय सर्वरूपनमोनमः २६। उत्पत्तिस्थितिसंहारकारिणे त्रिगुणात्मने । नमोस्तु निर्गतोपाधिस्वरूपाय महात्मने २७। अनया विद्यया देव्या सीतयोपाधिकारिणे । नमः पुंप्रकृतिभ्यां च युवाभ्यां जगतां कृते २८। जगन्मातापितृभ्यां च जनन्यै राघवाय च । नमः प्रपंचरूपिण्यै निष्प्रपंचस्वरूपिणे २९। नमो ध्यानस्वरूपिण्यै योगिध्येयात्ममूर्त्तये । परिणामापरीणामरिक्ताभ्यां च नमोनमः ३०। कूटस्थबीजरूपिण्यै सीतायै राघवाय च । सीता लक्ष्मीर्भवान्विष्णुः सीता गौरी भवान्शिवः ३१। सीता स्वयं हि सावित्रि भवान्ब्रह्मा चतुर्मुखः । सीता शची भवान्शक्रः सीता स्वाहानलो भवान् ३२। सीता संहारिणी देवी यमरूपधरो भवान् । सीता हि सर्वसम्पत्तिः कुबेरस्त्वं रघूत्तम ३३। सीता देवी च रुद्राणी भवान्रुद्रो महाबलः । सीता तु रोहिणी देवी चंद्रस्त्वं लोकसौख्यदः ३४। सीता संज्ञा भवान्सूर्यः सीता रात्रिर्दिवा भवान् । सीतादेवी महाकाली महाकालो भवान्सदा ३५। स्त्रीलिङ्गेषु त्रिलोकेषु यत्तत्सर्वं हि जानकी । पुन्नाम लांछितं यत्तु तत्सर्वं हि भवान्प्रभो ३६। सर्वत्र सर्वदेवेश सीता सर्वत्र धारिणी । तदात्वमपिचत्रातुंतच्छक्तिर्विश्वधारिणी ३७। तस्मात्कोटिगुणं पुण्यं युवाभ्यां परिचिह्नितम् । चिह्नितं शिवशक्तिभ्यां चरितं तव शांतिदम् ३८। आवां राम जगत्पूज्यौ मम पूज्यौ सदा युवाम् । त्वन्नामजापिनी गौरी त्वन्मंत्रजपवानहम् ३९। मुमूर्षोर्मणिकर्ण्यां तु अर्द्धोदकनिवासिनः । अहं दिशामि ते मंत्रं तारकं ब्रह्मदायकम् ४०। अतस्त्वं जानकीनाथ परब्रह्मासि निश्चितम् । त्वन्मायामोहितास्सर्वे न त्वां जानंति तत्वतः ४१। ईश्वर उवाच- इत्युक्तः शंभुना रामः प्रसादप्रवणोऽभवत् । दिव्यरूपधरः श्रीमानद्भुताद्भुतदर्शनः ४२। तथा तं रूपमालोक्य नरवानरदेवताः । न द्रष्टुमपिशक्तास्ते तेजसं महदद्भुतम् ४३। भयाद्वै त्रिदशश्रेष्ठाः प्रणेमुश्चातिभक्तितः । भीता विज्ञाय रामोऽपि नरवानरदेवताः । मायामानुषतां प्राप्य स देवानब्रवीत्पुनः ४४। रामचंद्र उवाच- शृणुध्वं देवता यो मां प्रत्यहं संस्तुविष्यति । स्तवेन शंभुनोक्तेन देवतुल्यो भवेन्नरः ४५। विमुक्तः सर्वपापेभ्यो मत्स्वरूपं समश्नुते । रणे जयमवाप्नोति न क्वचित्प्रतिहन्यते ४६। भूतवेतालकृत्याभिर्ग्रहैश्चापि न बाध्यते । अपुत्रो लभते पुत्रं पतिं विंदति कन्यका ४७। दरिद्रः श्रियमाप्नोति सत्ववाञ्शीलवान्भवेत् । आत्मतुल्यबलः श्रीमाञ्जायते नात्र संशयः ४८। निर्विघ्नं सर्वकार्येषु सर्वारंभेषु वै नृणाम् । यंयं कामयते मर्त्यः सुदुर्लभमनोरथम् ४९। षण्मासात्सिद्धिमाप्नोति स्तवस्यास्य प्रसादतः । यत्पुण्यं सर्वतीर्थेषु सर्वयज्ञेषु यत्फलम् । तत्फलं कोटिगुणितं स्तवेनानेन लभ्यते ५०। ईश्वर उवाच- इत्युक्त्वा रामचंद्रोऽसौ विससर्ज महेश्वरम् । ब्रह्मादि त्रिदशान्सर्वान्विससर्ज समागतान् ५१। अर्चिता मानवाः सर्वे नरवानरदेवताः । विसृष्टा रामचंद्रेण प्रीत्या परमया युताः ५२। इत्थं विसृष्टाः खलु ते च सर्वे सुखं तदा जग्मुरतीवहृष्टाः । परं पठंतः स्तवमीश्वरोक्तं रामं स्मरंतो वरविश्वरूपम् ५३।
śaṃkara uvāca- atha tasmindine puṇye śubhalagne śubhānvite | maṃgalasyābhiṣekārthaṃ maṃgalaṃ cakrire janāḥ 1| vasiṣṭho vāmadevaśca jābāliratha kaśyapaḥ | mārkaṃḍeyaśca maudgalyaḥ parvato nāradastathā 2| ete maharṣayastatra japahomapurassaram | abhiṣekaṃ śubhaṃ cakrurmunayo rājasattamam 3| nānāratnamaye divye hemapīṭhe śubhānvite | niveśya sītayā sārddhaṃ śriyā iva janārdanam 4| sauvarṇakalaśairdivyairnānāratnamayaiḥ śubhaiḥ | sarvatīrthodakaiḥ puṇyairmāṅgalyadravyasaṃyutaiḥ 5| dūrvāgratulasīpatrapuṣpagaṃdhasamanvitaiḥ | maṃtrapūtajalaiḥ śuddhairmunayaḥ saṃśitavratāḥ 6| ajapanvaiṣṇavānsūktāncaturvedamayānśubhān | abhiṣekaṃ śubhaṃ cakruḥ kākutsthaṃ jagataḥ patim 7| tasminśubhatame lagne devaduṃdubhayo divi | vineduḥ puṣpavarṣāṇi vavṛṣuśca samaṃtataḥ 8| divyāṃbarairbhūṣaṇaiśca divyagaṃdhānulepanaiḥ | puṣpairnānāvidhairdivyairdevyā saha raghūdvahaḥ 9| alaṃkṛtaśca śuśubhe munibhirvedapāragaiḥ | chatraṃ ca cāmaraṃ divyaṃ dhṛtavānlakṣmaṇastadā 10| pārśve bharataśatrughnau tālavṛṃtau virejatuḥ | darpaṇaṃ pradadau śrīmānrākṣaseṃdro vibhīṣaṇaḥ 11| dadhāra pūrṇakalaśaṃ sugrīvo vānareśvaraḥ | jāmbavāṃśca mahātejāḥ puṣpamālāṃ manoharām 12| vāliputrastu tāṃbūlaṃ sakarpūraṃ dadau hareḥ | hanumāndīpakāṃ divyāṃ suṣeṇaśca dhvajaṃ śubham 13| parivārya mahātmānaṃ maṃtriṇaḥ samupāsire | sṛṣṭirjayaṃto vijayaḥ saurāṣṭro rāṣṭravarddhanaḥ 14| akopo dharmapālaśca sumaṃtro maṃtriṇaḥ smṛtāḥ | rājānaśca naravyāghrā nānājanapadeśvarāḥ 15| paurāśca naigamā vṛddhā rājānaṃ paryupāsata | ṛkṣaiśca vānareṃdraiśca maṃtribhiḥ pṛthivīśvaraiḥ 16| rākṣasairdvijamukhyaiśca kiṃkaraiśca samāvṛtaḥ | pare vyomni yathā līno daivataiḥ kamalāpatiḥ 17| tathā nṛpavaraḥ śrīmānsākete śuśubhe tadā | iṃdīvaradalaśyāmaṃ padmapatranibhekṣaṇam 18| ājānubāhuṃ kākutsthaṃ pītavastradharaṃ harim | kaṃbugrīvaṃ mahoraskaṃ vicitrābharaṇairyutam 19| devyā saha samāsīnamabhiṣiktaṃ raghūttamam | vimānasthāḥ suragaṇā harṣanirbharamānasāḥ 20| tuṣṭuvurjayaśabdena gaṃdharvāpsarasāṃ gaṇāḥ | abhiṣiktastato rāmo vasiṣṭhādyairmaharṣibhiḥ 21| śuśubhe sītayā devyā nārāyaṇa iva śriyā | atimartyatayābhīta upāsituṃ padāṃbujam 22| dṛṣṭvā tuṣṭāva hṛṣṭātmā śaṃkaro hṛṣṭamāgataḥ | kṛtāṃjalipuṭo bhūtvā sānaṃdo gadgadākulaḥ | harṣayansakalāndevānmunīnapi ca vānarān 23| mahādeva uvāca- namo mūlaprakṛtaye nityāya paramātmane | saccidānaṃdarūpāya viśvarūpāya vedhase 24| namo niraṃtarānaṃda kandamūlāya viṣṇave | jagattrayakṛtānaṃda mūrttaye divyamūrttaye 25| namo brahmeṃdrapūjyāya śaṃkarābhayadāya ca | namo viṣṇusvarūpāya sarvarūpanamonamaḥ 26| utpattisthitisaṃhārakāriṇe triguṇātmane | namostu nirgatopādhisvarūpāya mahātmane 27| anayā vidyayā devyā sītayopādhikāriṇe | namaḥ puṃprakṛtibhyāṃ ca yuvābhyāṃ jagatāṃ kṛte 28| jaganmātāpitṛbhyāṃ ca jananyai rāghavāya ca | namaḥ prapaṃcarūpiṇyai niṣprapaṃcasvarūpiṇe 29| namo dhyānasvarūpiṇyai yogidhyeyātmamūrttaye | pariṇāmāparīṇāmariktābhyāṃ ca namonamaḥ 30| kūṭasthabījarūpiṇyai sītāyai rāghavāya ca | sītā lakṣmīrbhavānviṣṇuḥ sītā gaurī bhavānśivaḥ 31| sītā svayaṃ hi sāvitri bhavānbrahmā caturmukhaḥ | sītā śacī bhavānśakraḥ sītā svāhānalo bhavān 32| sītā saṃhāriṇī devī yamarūpadharo bhavān | sītā hi sarvasampattiḥ kuberastvaṃ raghūttama 33| sītā devī ca rudrāṇī bhavānrudro mahābalaḥ | sītā tu rohiṇī devī caṃdrastvaṃ lokasaukhyadaḥ 34| sītā saṃjñā bhavānsūryaḥ sītā rātrirdivā bhavān | sītādevī mahākālī mahākālo bhavānsadā 35| strīliṅgeṣu trilokeṣu yattatsarvaṃ hi jānakī | punnāma lāṃchitaṃ yattu tatsarvaṃ hi bhavānprabho 36| sarvatra sarvadeveśa sītā sarvatra dhāriṇī | tadātvamapicatrātuṃtacchaktirviśvadhāriṇī 37| tasmātkoṭiguṇaṃ puṇyaṃ yuvābhyāṃ paricihnitam | cihnitaṃ śivaśaktibhyāṃ caritaṃ tava śāṃtidam 38| āvāṃ rāma jagatpūjyau mama pūjyau sadā yuvām | tvannāmajāpinī gaurī tvanmaṃtrajapavānaham 39| mumūrṣormaṇikarṇyāṃ tu arddhodakanivāsinaḥ | ahaṃ diśāmi te maṃtraṃ tārakaṃ brahmadāyakam 40| atastvaṃ jānakīnātha parabrahmāsi niścitam | tvanmāyāmohitāssarve na tvāṃ jānaṃti tatvataḥ 41| īśvara uvāca- ityuktaḥ śaṃbhunā rāmaḥ prasādapravaṇo'bhavat | divyarūpadharaḥ śrīmānadbhutādbhutadarśanaḥ 42| tathā taṃ rūpamālokya naravānaradevatāḥ | na draṣṭumapiśaktāste tejasaṃ mahadadbhutam 43| bhayādvai tridaśaśreṣṭhāḥ praṇemuścātibhaktitaḥ | bhītā vijñāya rāmo'pi naravānaradevatāḥ | māyāmānuṣatāṃ prāpya sa devānabravītpunaḥ 44| rāmacaṃdra uvāca- śṛṇudhvaṃ devatā yo māṃ pratyahaṃ saṃstuviṣyati | stavena śaṃbhunoktena devatulyo bhavennaraḥ 45| vimuktaḥ sarvapāpebhyo matsvarūpaṃ samaśnute | raṇe jayamavāpnoti na kvacitpratihanyate 46| bhūtavetālakṛtyābhirgrahaiścāpi na bādhyate | aputro labhate putraṃ patiṃ viṃdati kanyakā 47| daridraḥ śriyamāpnoti satvavāñśīlavānbhavet | ātmatulyabalaḥ śrīmāñjāyate nātra saṃśayaḥ 48| nirvighnaṃ sarvakāryeṣu sarvāraṃbheṣu vai nṛṇām | yaṃyaṃ kāmayate martyaḥ sudurlabhamanoratham 49| ṣaṇmāsātsiddhimāpnoti stavasyāsya prasādataḥ | yatpuṇyaṃ sarvatīrtheṣu sarvayajñeṣu yatphalam | tatphalaṃ koṭiguṇitaṃ stavenānena labhyate 50| īśvara uvāca- ityuktvā rāmacaṃdro'sau visasarja maheśvaram | brahmādi tridaśānsarvānvisasarja samāgatān 51| arcitā mānavāḥ sarve naravānaradevatāḥ | visṛṣṭā rāmacaṃdreṇa prītyā paramayā yutāḥ 52| itthaṃ visṛṣṭāḥ khalu te ca sarve sukhaṃ tadā jagmuratīvahṛṣṭāḥ | paraṃ paṭhaṃtaḥ stavamīśvaroktaṃ rāmaṃ smaraṃto varaviśvarūpam 53|
English translation
Śaṅkara said :
1-17a. On that auspicious day at an auspicious moment people performed auspicious acts for the consecration of the pious one. These sages— Vasiṣṭha , Vāmadeva , Jābāli , and Kaśyapa , Mārkaṇḍeya , Maudgalya , Parvata , so also Nārada , performed the auspicious consecration of the best king there with muttering of hymns and sacrifices. Having seated Rāma along with Sītā on an auspicious golden seat full of (i.e. decked with) jewels, as Viṣṇu with Lakṣmī , the sages who had fulfilled their vows, muttered the auspicious Vedic hymns in honour of Viṣṇu and consecrated the descendant of Kakutstha and the lord of the world with pure water which was purified with hymns, was (brought) from all holy places, was holy, which had auspicious substances in it, was furnished with tips of dūrvā grass, tulasī -leaves, flowers and sandal. At that most auspicious moment gods beat drums in heaven and dropped showers of flowers from all sides. With his queen (Sītā) the descendant of Raghu adorned with divine garments, ornaments, divine sandal and unguents and with various kinds of flowers looked superb in the company of the sages, the masters of the Vedas . At that time Lakṣmaṇa held the divine umbrella and chowrie. By his side(s) Bharata and Śatrughna stood brilliantly with fans. Bibhīṣaṇa , the lord of demons, gave him the mirror. Sugrīva , the lord of the monkeys, held a pitcher full (of water), and the very lustrous Jāmbavat (held) a charming garland of flowers. Vālin ’s son gave Rāma a tāmbūla with camphor. Hunūmat (held) many divine lamps, and Suṣeṇa (held) an auspicious flag. The ministers, surrounding the noble one, waited upon him. Sṛṣṭi , Jayanta , Vijaya , Saurāṣṭra , Rāṣṭravardhana , Akopa, Dharmapāla , and Sumantra are said to be (his) ministers. Kings, best men, lords of various countries, citizens, traders, old men waited upon the king. He was surrounded by bears, chief monkeys, ministers, kings, demons, principal brāhmaṇas and servants.
17b-23. As the lord of Lakṣmī completely united with deities in the highest heaven (shines), similarly the best glorious king then shone in Sāketa . The hosts of gods seated in aeroplanes and with their minds full of joy, so also gandharvas and hosts of the celestial nymphs, praised with shouts of victory the descendant of Kakutstha, the best of the Raghus , whose hands reached his knees, who had worn a yellow garment, whose neck was like a conch, whose chest was large, who had (put on) beautiful ornaments, who was seated with queen (Sītā), and who was consecrated. Then Rāma, consecrated by great sages like Vasiṣṭha, shone with Sītā like god Viṣṇu with Lakṣmī. Śiva afraid due to Rāma’s being a great mortal, of waiting on his lotus-like feet, seeing Rāma was pleased and with delight praised him. He folded the palms of his hands, was full of joy, and had a faltering (voice). He delighted all gods, sages and monkeys also.
Mahādeva said :
24-30. Salutation to the original source, to the eternal highest soul, to the one having the nature of existence, consciousness and bliss, to the one identical with the universe, to the creator. Salutation to Viṣṇu the bulb, the root of continuous joy, to the form delighting the three worlds; salutation to the one venerable to Brahmā and Indra , to one bringing about the welfare and giving protection from fear. Salutation to the one of the form of Viṣṇu. O you of the form of everything, salutation to you. Salutation to (you) the cause of creation, sustenance and destruction (of the world), to (you) of three qualities, to you of the form having no limitation, to the great soul. (Salutation to you) causing Nescience in the form of this goddess Sītā as a limiting adjunct. Salutation to both of you, the Puruṣa (the soul) and the Prakṛti (the primordial matter), the author of the worlds. Salutation to the mother and the father of the world, to the mother (Sītā) and to Rāghava (i.e. Rāma). Salutation to you, of the form of visible world, and of the form without the visible world. Salutation to you, of the form of meditation, to the form of the Supreme Soul fit to be meditated upon by the meditating saints. Salutation to both of you devoid of change and no-change.
31-40. Salutation to you the supreme soul, of the form of the seed, to Sītā and to Rāma. Sītā is Lakṣmī; you are Viṣṇu. Sītā is Pārvatī ; you are Śiva. Sītā herself is Sāvitrī ; you are the four-faced Brahmā. Sītā is Indrāṇī ; you are Indra. Sītā is Svāhā (the oblation made to all gods); you are Fire. Sītā is the destructive goddess; you are of the form of Yama . Sītā is all wealth; you are Kubera , O best of Raghus. Sītā is goddess Rudrāṇī ; you are very strong Rudra . Sītā is goddess Rohiṇī ; you are the Moon giving pleasure to the world. Sītā is Saṃjñā ; you are the Sun. Sītā is the Night; you are the Day. Sītā is goddess Mahākālī . You always are Mahākāla . In the three worlds whatever is of the feminine gender is Sītā. Whatever is marked with the masculine gender is you, O lord. O lord of all gods, Sītā is the supporter everywhere. Then you are also there to protect. Her power sustains the universe. Therefore, the merit marked (acquired?) by you two is a crore-fold. Your deeds marked (described?) by Śiva and Śakti , give peace. O Rāma, we two are venerable to the world. You two are always venerable to us. Gaurī mutters your name. I mutter your formula. To one desiring to die at Maṇikarṇikā and remaining in half of its water I give your emancipating formula, giving (i.e. leading to) Brahman .
41. Therefore, O lord of Jānakī , you are certainly the highest Brahman. All deluded by you do not know you truly.
The lord, said :
42-50. Thus addressed by Śambhu , Rāma who had assumed a divine form and was of a wonderful appearance, became disposed to favour. Seeing him of that form, men, monkeys and deities were not able even to see that lustrous, great, wonderful (form). The best gods, through fear saluted him devoutly. Rāma, realising that men, monkeys and deities were frightened, took up the illusory human form and again spoke to the gods:
Rāmacandra said :
O gods, listen. That man who will everyday praise me with the hymn told by Śiva, will be equal to a god. Freed from all sins he obtains my nature. In a battle he gets victory and is never repulsed. He is not tormented by ghosts, vampires and female deities to whom sacrifices are offered for destructive and magical purposes. A sonless man obtains a son. A maiden gets a husband. A poor man obtains wealth and would become virtuous and of good disposition. The glorious one has the power equal to that of the (highest) soul. There is no doubt about it. In all acts and undertakings men have no obstacle. Whatever desire, difficult to be fulfilled, is entertained by a man is satisfied within six months due to the grace of this eulogy. By means of this hymn is obtained the fruit a crore times more than the religious merit obtained in all holy places and all sacrifices.
The lord said :
51-53. Speaking like this Rāmacandra dismissed Maheśvara . He (also) dismissed all gods like Brahma that had come there. Rāmacandra honoured all men and dismissed with affection all men, monkeys and deities full of love. All of them thus dismissed by him, went very much delighted, reciting the great hymn uttered by the lord and remembering Rāma of a universal form.
Complete chapter-aligned witnesses. Sanskrit Wikisource page 28717, revision 336703 (2022-04-26T10:36:27Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365827.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.