Bhūmi-khaṇḍa · Chapter 121
Sourceकामोदोवाच- न विदुर्देवताः सर्वा यस्यांतं रूपमेव च । यस्मिल्लीँनस्तु सर्वोयं स चैकात्मा प्रकथ्यते १। यस्या मायाप्रपंचस्तु संसारः शृणु नारद । कस्मात्प्रयाति संसारं मम स्वामी जगत्पतिः २। पापैश्चापि सुपुण्यैश्च नरोबद्धस्तु कर्मभिः । संसारं सरते विप्र हरिः कस्माद्व्रजेद्वद ३। नारद उवाच- शृणु देवि प्रवक्ष्यामि यत्कृतं तेन चक्रिणा । भृगोरग्रे प्रतिज्ञातं यज्ञरक्षां करोम्यहम् ४। इंद्रस्य वचनात्सद्यो गतोऽसौ दानवैः सह । योद्धुं विहाय गोविंदो भृगोश्चैव मखोत्तमम् ५। मखं त्यक्त्वा गते देवे पश्चात्तैर्दानवोत्तमैः । आगत्य ध्वंसितः सर्वः स यज्ञः पापचेतनैः ६। हरिं क्रुद्धः स योगींद्रः शशाप भृगुरेव तम् । दशजन्मानि भुंक्ष्व त्वं मच्छापकलुषीकृतः ७। कर्मणः स्वस्य संभोगं संभोक्ष्यति जनार्दनः । तन्निमित्तं त्वया देवि दुःस्वप्नः परिवीक्षितः ८। इत्युक्त्वा तां गतो विप्रो ब्रह्मलोकं स नारदः । कृष्णस्यापि सुदुःखेन दुःखिता साभवत्तदा ९। रुरोद करुणं बाला हाहेति वदती मुहुः । गङ्गातीरोपविष्टा सा जलांते शृणु नन्दन १०। सुनेत्राभ्यां तथाश्रूणि दुःखेनापि प्रमुंचति । तान्यश्रूणि प्रमुक्तानि गंगातोये पतंत्यपि ११। जले चैव निमज्जंति तस्याश्चाप्यश्रुबिंदवः । संभवंति पुनस्तात पद्मरूपाणि तानि च १२। गंगातोये प्रफुल्लानि वाहितानि प्रयांति वै । ददृशे दानवश्रेष्ठो विष्णुमायाप्रमोहितः १३। दुःखजानि न जानाति मुनिना कथितान्यपि । हर्षेण महताविष्टः परिजग्राह सोऽसुरः १४। पद्मैस्तु पुष्पितैः सोपि पूजयेद्गिरिजाप्रियम् । सप्तकोटिभिर्दैत्येंद्रो विष्णुमायाप्रमोहितः १५। अथ क्रुद्धा जगद्धात्री शंकरं वाक्यमब्रवीत् । पश्यैतस्य विकर्म त्वं दानवस्य महामते १६। शोकोत्पन्नानि पद्मानि गंगातोयगतानि वै । अयमेष प्रगृह्णाति कामाकुलितचेतनः १७। पूजयेच्चापि दुष्टात्मा शोकसंतापकारकैः । दुःखजैः शोकजैः पुष्पैस्तैः सुश्रेयः कथं भवेत् १८। यादृशेनापि भावेन मामेव परिपूजयेत् । तादृशेनापि भावेन अस्य सिद्धिर्भविष्यति १९। सत्यध्यानविहीनोयं कामोदा न्यस्तमानसः । संजातः पापचारित्रो जहि देवि स्वतेजसा २०। एवमाकर्ण्य तद्वाक्यं शंभोश्चैव महात्मनः । अस्यैव संक्षयं शंभो करिष्ये तव शासनात् २१। एवमुक्त्वा ततो देवी तस्यापि वधकांक्षया । वर्त्तते हि विहुंडस्य वधोपायं व्यचिंतयत् २२। कृत्वा मायामयं रूपं ब्राह्मणस्य महात्मनः । पूजयेच्छंकरं नाथं सुपुष्पैः पारिजातजैः २३। समेत्य दानवः पापो दिव्यां पूजां विनाशयेत् । कामाकुलः सुदुःखार्तस्तद्गतो भावतत्परः २४। विष्णोश्चैव महामायां पूर्वदृष्टां स दानवः । सस्मार दानवः पापः कामबाणैः प्रपीडितः २५। तस्याः स्मरणमात्रेण कंदर्पेण बलीयसा । विरहाकुलदुःखार्तो रोदते हि मुहुर्मुहुः २६। कालाकृष्टः स दुष्टात्मा शोकजातानि तानि सः । परिगृह्य समायातः पूजनार्थी महेश्वरम् २७। देव्या कृतां हि पूजां च सुपुष्पैः पारिजातजैः । तां निर्णाश्य सुलोभेन शोकजैः परिपूजयेत् २८। नेत्राभ्यां तस्य दुष्टस्य बिंदवस्तेऽश्रुसंभवाः । अविरलास्ततो वत्स पतंति लिंगमस्तके २९। देवी ब्राह्मणरूपेण तमुवाच महामते । को भवान्पूजयेद्देवं शोकाकुलमनाः सदा ३०। पतंत्यश्रूणि देवस्य मस्तके शोकजानि ते । अपवित्राणि मे ब्रूहि एतमर्थं ममाग्रतः ३१। विहुंड उवाच- पूर्वं दृष्टा मया नारी सर्वसौभाग्यसंपदा । सर्वलक्षणसंपन्ना कामस्यायतनं महत् ३२। तस्या मोहेन संदग्धः कामेनाकुलतां गतः । तया प्रोक्तं हि संभोगे देहि मे दायमुत्तमम् ३३। कामोदसंभवैः पुष्पैः पूजयस्व महेश्वरम् । तेषां पुष्पकृतां मालां मम कंठे परिक्षिप ३४। कोटिभिः सप्तसंख्यातैः पूजयस्व महेश्वरम् । तदर्थं पूजयाम्येव ईश्वरं फलदायकम् ३५। कामोदसंभवैः पुष्पैर्दुर्लभैर्देवदानवैः । श्रीदेव्युवाच- क्व ते भावः क्व ते ध्यानं क्व ते ज्ञानं दुरात्मनः ३६। ईश्वरस्यापि संबंधो नास्ति किंचित्त्वयैव हि । कामोदाया वरं रूपं कीदृशं वद सांप्रतम् ३७। क्व लब्धानि सुपुष्पाणि तस्या हास्योद्भवानि च । विहुंड उवाच- भावं ध्यानं न जानामि न दृष्टा सा मया कदा ३८। गंगातोयगतान्येव परिगृह्णामि नित्यशः । तैरहं पूजयाम्येकं शंकरं प्रवदाम्यहम् ३९। ममाग्रे कथितं विप्र शुक्रेणापि महात्मना । वचनात्तस्य देवेशमर्चयामि दिनदिने ४०। एतत्ते सर्वमाख्यातं यच्च पृष्टोस्मि सांप्रतम् । श्रीदेव्युवाच- कामोदारोदनाज्जातैः पुष्पैस्तैर्दुःखसंभवैः ४१। लिंगमर्चयसे दुष्ट प्रभाते नित्यमेव च । यादृशेनापि भावेन पुष्पैश्च यादृशैस्त्वया ४२। अर्चितो देवदेवेशस्तादृशं फलमाप्नुहि । दिव्यपूजां विनाश्यैवं शोकपुष्पैः प्रपूजसि ४३। असौ दोषस्तवैवाद्य समुत्पन्नः सुदारुणः । तस्माद्दण्डं प्रदास्यामि भुंक्ष्व स्वकर्मजं फलम् ४४। तस्या वाक्यं समाकर्ण्य कालकृष्टो बभाष ताम् । रे रे दुष्ट दुराचार मम कर्मप्रदूषक ४५। हन्मि त्वामिह खड्गेन अनेनापि न संशयः । इत्युक्त्वा ब्राह्मणं तं स निशितं खड्गमाददे ४६। हंतुकामः स दुष्टात्मा अभ्यधावत दानवः । सा देवी विप्ररूपेण संक्रुद्धा परमेश्वरी ४७। हन्मि त्वामिह खड्गेन अनेनापि न संशयः । स्वस्थानमागतं दृष्ट्वा हुंकारं विससर्ज ह । तेन हुंकारनादेन पतितो दानवाधमः ४८। निश्चेष्टः कामरूपेण वज्राहत इवाचलः । पतिते दानवे तस्मिन्सर्वलोकविनाशके ४९। लोकाः स्वास्थ्यं गताः सर्वे दुःखतापविवर्जिताः । एतस्मात्कारणाद्वत्स सा स्त्री वै परिदेवति ५०। गंगातीरे वरारोहा दुःखव्याकुलमानसा । एतत्ते सर्वमाख्यातं यत्त्वया परिपृच्छितम् ५१। विष्णुरुवाच- एवमुक्त्वा सुपुत्रं तं कुंजलो अंडजेश्वरः । विरराम महाप्राज्ञः किञ्चिन्नोवाच भूपते ५२।
kāmodovāca- na vidurdevatāḥ sarvā yasyāṃtaṃ rūpameva ca | yasmillī~nastu sarvoyaṃ sa caikātmā prakathyate 1| yasyā māyāprapaṃcastu saṃsāraḥ śṛṇu nārada | kasmātprayāti saṃsāraṃ mama svāmī jagatpatiḥ 2| pāpaiścāpi supuṇyaiśca narobaddhastu karmabhiḥ | saṃsāraṃ sarate vipra hariḥ kasmādvrajedvada 3| nārada uvāca- śṛṇu devi pravakṣyāmi yatkṛtaṃ tena cakriṇā | bhṛgoragre pratijñātaṃ yajñarakṣāṃ karomyaham 4| iṃdrasya vacanātsadyo gato'sau dānavaiḥ saha | yoddhuṃ vihāya goviṃdo bhṛgoścaiva makhottamam 5| makhaṃ tyaktvā gate deve paścāttairdānavottamaiḥ | āgatya dhvaṃsitaḥ sarvaḥ sa yajñaḥ pāpacetanaiḥ 6| hariṃ kruddhaḥ sa yogīṃdraḥ śaśāpa bhṛgureva tam | daśajanmāni bhuṃkṣva tvaṃ macchāpakaluṣīkṛtaḥ 7| karmaṇaḥ svasya saṃbhogaṃ saṃbhokṣyati janārdanaḥ | tannimittaṃ tvayā devi duḥsvapnaḥ parivīkṣitaḥ 8| ityuktvā tāṃ gato vipro brahmalokaṃ sa nāradaḥ | kṛṣṇasyāpi suduḥkhena duḥkhitā sābhavattadā 9| ruroda karuṇaṃ bālā hāheti vadatī muhuḥ | gaṅgātīropaviṣṭā sā jalāṃte śṛṇu nandana 10| sunetrābhyāṃ tathāśrūṇi duḥkhenāpi pramuṃcati | tānyaśrūṇi pramuktāni gaṃgātoye pataṃtyapi 11| jale caiva nimajjaṃti tasyāścāpyaśrubiṃdavaḥ | saṃbhavaṃti punastāta padmarūpāṇi tāni ca 12| gaṃgātoye praphullāni vāhitāni prayāṃti vai | dadṛśe dānavaśreṣṭho viṣṇumāyāpramohitaḥ 13| duḥkhajāni na jānāti muninā kathitānyapi | harṣeṇa mahatāviṣṭaḥ parijagrāha so'suraḥ 14| padmaistu puṣpitaiḥ sopi pūjayedgirijāpriyam | saptakoṭibhirdaityeṃdro viṣṇumāyāpramohitaḥ 15| atha kruddhā jagaddhātrī śaṃkaraṃ vākyamabravīt | paśyaitasya vikarma tvaṃ dānavasya mahāmate 16| śokotpannāni padmāni gaṃgātoyagatāni vai | ayameṣa pragṛhṇāti kāmākulitacetanaḥ 17| pūjayeccāpi duṣṭātmā śokasaṃtāpakārakaiḥ | duḥkhajaiḥ śokajaiḥ puṣpaistaiḥ suśreyaḥ kathaṃ bhavet 18| yādṛśenāpi bhāvena māmeva paripūjayet | tādṛśenāpi bhāvena asya siddhirbhaviṣyati 19| satyadhyānavihīnoyaṃ kāmodā nyastamānasaḥ | saṃjātaḥ pāpacāritro jahi devi svatejasā 20| evamākarṇya tadvākyaṃ śaṃbhoścaiva mahātmanaḥ | asyaiva saṃkṣayaṃ śaṃbho kariṣye tava śāsanāt 21| evamuktvā tato devī tasyāpi vadhakāṃkṣayā | varttate hi vihuṃḍasya vadhopāyaṃ vyaciṃtayat 22| kṛtvā māyāmayaṃ rūpaṃ brāhmaṇasya mahātmanaḥ | pūjayecchaṃkaraṃ nāthaṃ supuṣpaiḥ pārijātajaiḥ 23| sametya dānavaḥ pāpo divyāṃ pūjāṃ vināśayet | kāmākulaḥ suduḥkhārtastadgato bhāvatatparaḥ 24| viṣṇoścaiva mahāmāyāṃ pūrvadṛṣṭāṃ sa dānavaḥ | sasmāra dānavaḥ pāpaḥ kāmabāṇaiḥ prapīḍitaḥ 25| tasyāḥ smaraṇamātreṇa kaṃdarpeṇa balīyasā | virahākuladuḥkhārto rodate hi muhurmuhuḥ 26| kālākṛṣṭaḥ sa duṣṭātmā śokajātāni tāni saḥ | parigṛhya samāyātaḥ pūjanārthī maheśvaram 27| devyā kṛtāṃ hi pūjāṃ ca supuṣpaiḥ pārijātajaiḥ | tāṃ nirṇāśya sulobhena śokajaiḥ paripūjayet 28| netrābhyāṃ tasya duṣṭasya biṃdavaste'śrusaṃbhavāḥ | aviralāstato vatsa pataṃti liṃgamastake 29| devī brāhmaṇarūpeṇa tamuvāca mahāmate | ko bhavānpūjayeddevaṃ śokākulamanāḥ sadā 30| pataṃtyaśrūṇi devasya mastake śokajāni te | apavitrāṇi me brūhi etamarthaṃ mamāgrataḥ 31| vihuṃḍa uvāca- pūrvaṃ dṛṣṭā mayā nārī sarvasaubhāgyasaṃpadā | sarvalakṣaṇasaṃpannā kāmasyāyatanaṃ mahat 32| tasyā mohena saṃdagdhaḥ kāmenākulatāṃ gataḥ | tayā proktaṃ hi saṃbhoge dehi me dāyamuttamam 33| kāmodasaṃbhavaiḥ puṣpaiḥ pūjayasva maheśvaram | teṣāṃ puṣpakṛtāṃ mālāṃ mama kaṃṭhe parikṣipa 34| koṭibhiḥ saptasaṃkhyātaiḥ pūjayasva maheśvaram | tadarthaṃ pūjayāmyeva īśvaraṃ phaladāyakam 35| kāmodasaṃbhavaiḥ puṣpairdurlabhairdevadānavaiḥ | śrīdevyuvāca- kva te bhāvaḥ kva te dhyānaṃ kva te jñānaṃ durātmanaḥ 36| īśvarasyāpi saṃbaṃdho nāsti kiṃcittvayaiva hi | kāmodāyā varaṃ rūpaṃ kīdṛśaṃ vada sāṃpratam 37| kva labdhāni supuṣpāṇi tasyā hāsyodbhavāni ca | vihuṃḍa uvāca- bhāvaṃ dhyānaṃ na jānāmi na dṛṣṭā sā mayā kadā 38| gaṃgātoyagatānyeva parigṛhṇāmi nityaśaḥ | tairahaṃ pūjayāmyekaṃ śaṃkaraṃ pravadāmyaham 39| mamāgre kathitaṃ vipra śukreṇāpi mahātmanā | vacanāttasya deveśamarcayāmi dinadine 40| etatte sarvamākhyātaṃ yacca pṛṣṭosmi sāṃpratam | śrīdevyuvāca- kāmodārodanājjātaiḥ puṣpaistairduḥkhasaṃbhavaiḥ 41| liṃgamarcayase duṣṭa prabhāte nityameva ca | yādṛśenāpi bhāvena puṣpaiśca yādṛśaistvayā 42| arcito devadeveśastādṛśaṃ phalamāpnuhi | divyapūjāṃ vināśyaivaṃ śokapuṣpaiḥ prapūjasi 43| asau doṣastavaivādya samutpannaḥ sudāruṇaḥ | tasmāddaṇḍaṃ pradāsyāmi bhuṃkṣva svakarmajaṃ phalam 44| tasyā vākyaṃ samākarṇya kālakṛṣṭo babhāṣa tām | re re duṣṭa durācāra mama karmapradūṣaka 45| hanmi tvāmiha khaḍgena anenāpi na saṃśayaḥ | ityuktvā brāhmaṇaṃ taṃ sa niśitaṃ khaḍgamādade 46| haṃtukāmaḥ sa duṣṭātmā abhyadhāvata dānavaḥ | sā devī viprarūpeṇa saṃkruddhā parameśvarī 47| hanmi tvāmiha khaḍgena anenāpi na saṃśayaḥ | svasthānamāgataṃ dṛṣṭvā huṃkāraṃ visasarja ha | tena huṃkāranādena patito dānavādhamaḥ 48| niśceṣṭaḥ kāmarūpeṇa vajrāhata ivācalaḥ | patite dānave tasminsarvalokavināśake 49| lokāḥ svāsthyaṃ gatāḥ sarve duḥkhatāpavivarjitāḥ | etasmātkāraṇādvatsa sā strī vai paridevati 50| gaṃgātīre varārohā duḥkhavyākulamānasā | etatte sarvamākhyātaṃ yattvayā paripṛcchitam 51| viṣṇuruvāca- evamuktvā suputraṃ taṃ kuṃjalo aṃḍajeśvaraḥ | virarāma mahāprājñaḥ kiñcinnovāca bhūpate 52|
English translation
Kāmodā said :
1-3. He is said to be soul, whose limit or form (even) all deities do not know, and in which all this is merged; and the expansion of whose illusion is this worldly existence. Listen, O Nārada . For what reason does my lord, the master of the world go to the worldly existence? A man, who is bound by sinful and even meritorious acts, moves to the worldly existence. O brāhmaṇa , tell (me) why Viṣṇu would go to worldly existence?
Nārada said :
4. O respectable lady, listen, listen to what the disc-holder (i.e. Viṣṇu) did. In front of Bhṛgu he took a pledge: “I shall protect the sacrifice.”
5-8. But at the words of Indra , Govinda (i.e. Viṣṇu) suddenly left the best sacrifice and went to fight with demons. When the god left the sacrifice and went (to fight with the demons), then the best wicked-minded demons came and destroyed the entire sacrifice. That Bhṛgu, the best among the meditating saints, cursed him: “Censured by my curse, haveten existences. Janār- dana (i.e. Viṣṇu) will take the fruit of his own act.” For that reason, O respectable lady, you saw the bad dream.
9-21. Saying so, that brāhmaṇa, Nārada, went to Brahma ’s heaven. Due to the great misery of Kṛṣṇa (i.e. Viṣṇu) she was afflicted at that time. The young lady wept piteously and repeatedly (expressed her grief by) uttering words like ‘alas’. O son, listen, she sat on the bank of the Ganges near the water; and due to grief she shed tears from her beautiful eyes. Those tears shed by her fell into the water of the Ganges; and her tears sank just into the water, and they again sprang up in the form of lotuses. Drifted in (the stream of) the water of the Ganges, they flowed. The best demon, deluded by Viṣṇu’s Māyā , saw them. Though told by the sage (viz. Nārada) he did not realize that they were due to grief. The demon being full of great joy, took them. That lord of demons, deluded by Viṣṇu’s Māyā, would worship (i.e. worshipped) Girijā’s husband (i.e. Śiva ) with those seven crores of blooming lotuses. Then the mother of the world got angry, and said (these) words to Śiva: “O you highly intelligent one, see the impious act of this demon. With his mind overpowered by the passion of love, he is taking the lotuses, sprung from grief, and gone to (i.e. found in) the water of the Ganges. With those flowers, sprung from grief and sorrow, and causing distress and tormentation, the wicked-minded one would worship (you). How would great felicity be possible for him?” “He will succeed in the same manner as he would worship me. He is bereft of truth and meditation. He has set his mind on Kāmodā . He has been (a demon) of a bad behaviour. O goddess. kill him with your lustre.” Hearing these words of the noble Śiva, (she said:) “O Śiva, by your order, I shall destroy him only.”
22-29. Saying so, the goddess ( Pārvatī ) remained (there) desiring to kill that Vihuṇḍa . She thought of a means to kill him. Taking up an illusory form of a magnanimous brāhmaṇa, she would worship (i.e. worshipped) lord Śiva with good flowers of Pārijāta . That wicked demon, overpowered by passion of love, very much afflicted, thinking about her, and his mind set upon her would come (there) and destroy that divine worship. The sinful demon, tormented by Cupid’s arrows remembered that great Illusion of Viṣṇu, seen before. Merely by remembering her, he (tormented) by strong Cupid (i.e. feeling of love), and afflicted by the grief due to separation (from her), he wept again and again. Overpowered by Death, the wicked-minded one took those (lotuses) sprung from grief, came there, desiring to worship the great lord (Śiva). Having destroyed the worship offered by goddess (Pārvatī), he would worship (i.e. worshipped Śiva) with (the lotuses) sprung from grief, through great greed. Tears fell continuously from the eyes of the wicked one on the top of the Phallus.
30. The goddess (i.e. Pārvatī) with (i.e. who had taken up) the form of a brāhmaṇa said to him, O you very intelligent one: “Who are you that worship the god with your mind always full of grief.
31. Your tears, impure, due to grief, are falling on the head of the god. Tell me the meaning of this.”
Vihuṇḍa said :
32-36a. Formerly I saw a lady, the wealth of all blissful things, endowed with all (good) marks, and a great abode of Cupid. Through attraction for her, being parched by Cupid, I became distressed. She said (to me): “For union (with you) give me an excellent share (of your wealth). Worship the great lord with flowers springing from Kāmodā and difficult to be obtained. Throw round my neck the garland made of those flowers. Worship the great lord with flowers numbering seven crores.” For her I am worshipping the lord who gives the fruit (of one’s act) with the flowers of Kāmodā, difficult to be obtained by gods and demons.”
Śrīdevī (i.e. Pārvatī ) spoke :
36b-38a. Where is the devotion, where is the meditation, where is the knowledge of you, the wicked-minded one? God has absolutely no connection with you. Tell me now as to how the excellent form of Kāmodā is. Where did you get the good flowers sprung from her laughter?
Vihuṇḍa said :
38b-41a. I do not know devotion or meditation. I have never seen her. I have been everyday collecting them from the water of the Ganges. With those I worship Śiva alone. (This is what) I (have to) say. Magnanimous Śukra also told it to me. On his word I am everyday worshipping the lord of gods. I have now told you all that you asked me about.
Śrīdevī said :
41b-51. O wicked one, every morning you are worshipping the Phallus with flowers sprung from the weeping of Kāmodā due to grief. Obtain the fruit in the same way as you have worshipped the lord of lords with flowers. Having destroyed the divine worship you are worshipping (the lord) with flowers sprung from grief. This very terrible sin has arisen in your case. Therefore I will give you punishment. Enjoy the fruit of your deed!
Hearing her words he, dragged by Death, said to her: “O you wicked one, O you of a bad conduct, O you who are spoiling my undertaking, I shall undoubtedly kill you with this sword only.” Speaking thus to the brāhmaṇa, he took the sharp sword and the wicked-minded demon, desiring to kill him, ran to him. That goddess, the spouse of the lord, who was in the form of a brāhmaṇa, got angry. Seeing Vihuṇḍa to have come to her seat, she sent out a 'hum’ sound. Due to that ‘hum’ sound, the mean demon fell down unconscious, like a mountain struck with the thunderbolt by (Indra) taking many forms. When that demon, destroying all people, fell down, people obtained peace, free from all misery and tormentation. For this reason, O child, that beautiful lady, with her mind full of grief, is lamenting on the bank of the Ganges. I have told you all this that you had asked.
Viṣṇu said :
52. O king, speaking thus to his good son, very intelligent Kuñjala , the lord of birds, ceased (speaking). He did not say anything more.
Complete chapter-aligned witnesses. Sanskrit Wikisource page 25491, revision 335690 (2022-04-12T19:13:11Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365214.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.