Uttara-khaṇḍa · Chapter 190
Sourceईश्वर उवाच- अतः परं प्रवक्ष्यामि षोडशाध्यायगौरवम् । आकर्णय कुरंगाक्षि हर्षोत्कंठप्रवर्षिणि १। अस्ति सौराष्ट्रिकं नाम्ना पुरं गुर्जरमंडले । तत्रासीत्खङ्गबाहुश्च राजा चंद्र इवापरः २। यदीय कुसुमामोदमालासुरभितोदरे । वारांनिधौ हरिः स्वास्थ्यादशेत सह पद्मया ३। यदीय कीर्तिकर्पूरकणाभांतिनभोंगणे । कीर्णा वैरिकृतश्वास मारुतैस्तारकाछलात् ४। यस्यासिधारा तीर्थेषु स्नाता वै रिपुभूभुजः । व्यावर्त्तं ते दिवोऽद्यापि स्वर्गस्त्रीवाग्विमोहिताः ५। तस्यारिमर्दनोनाम मदहस्ती मदोद्धुरः । मदांबुधारा सलिले गुंजद्भ्रमरमंडलः ६। कपोलफलकोत्तीर्ण मदधाराजलाविलः । बभौ यो निर्झरोद्गोरैरंजनाद्रिरिवाच्चकैः ७। यस्यांगेषु व्यराजंत चामराश्चंद्रिकोज्ज्वलाः । किरणाइव शीतांशोः पतिताः काननोदरे ८। सिंदूरपांसुपटली राजत्कुंभस्थलो बभौ । यः संध्यावारिदव्याप्तं वियत्खंडमिव स्थितम् ९। स कदाचिन्मोचयित्वा शृंखलान्निगडानपि । भंक्त्वा लौहदृढस्तंभं प्रसह्य निशि निर्गतः १०। आधोरणगणान्सर्वान्पार्ष्णिविस्फूर्जदंकुशान् । क्रोधादवगणय्यैव निजशालां बभंज सः ११। तीक्ष्णांकुशमुखैर्विष्वक्हन्यमानोऽपि वैणवैः । दंडैस्तु त्रासयामासुः सादिनो न मनागपि १२। ततो राजा समागत्य निशम्येदं कुतूहलम् । तत्र हस्तिकलाभिज्ञैः समं राजकुमारकैः १३। अदृश्यत समागत्य राज्ञा दंतावलो बली । मोहयन्नुद्भटाटोपो हृताट्टालिकमालिकः १४। ददृशुस्तं महाभीमं पौरा दूरतरं स्थिताः । गोपायंतः शिशून्भीत्या निवृत्तान्यकुतूहलाः १५। रुद्धेषु तत्र मार्गेषु पलायनपरैर्जनैः । वासितेषु तदीयोग्रदानधारांबुसीकरैः १६। स्नात्वा तेनाध्वना यातः सरसः कश्चन द्विजः । गीतानां षोडशाध्यायश्लोकान्कतिपयाञ्जपन् १७ भगवद्गीता/दैवासुरसम्पद्विभागयोगः। निषिद्ध्यमानो बहुधा पौरैराधोरणैरपि १८। अमन्यमानः करिणो भीतान्चलितवांस्ततः । फूत्कारेण स आवृण्वञ्जनान्विपरिमर्दयन् १९। स्पृशन्दानांबुजं तस्य स्वस्तिमान्निर्गतो द्विजः । ततो महानभूत्तत्र विस्मयो वागगोचरः २०। मानसे भूमिपालस्य पौराणामपि पश्यताम् । समाहूय ततो राजा फुल्लराजीवलोचनः २१। तमापृच्छद्द्विजं वाहादवतीर्य प्रणम्य च २२। राजोवाच- अलौकिकमिदं विप्र त्वयाद्याचरितं महत् । कृतांतकल्पादेतस्मात्कथं निर्यातवान्गजात् २३। कमर्चयसि गीर्वाणं कं मंत्रं जपसि प्रभो । का च सिद्धिस्तवास्तीति द्विजन्मन्समुदीरय २४। द्विज उवाच । गीतायाः षोडशोध्यायः श्लोकान्कतिपयानहम् । जपामि प्रत्यहं भूप तेनैताः सर्वसिद्धयः २५। ततो विहाय द्विरदं कौतूहलरसं नृपः । आजगाम द्विजन्मानमादाय निजमंदिरम् २६। शुभं मुहूर्तमन्वीक्ष्य तोषयित्वा द्विजोत्तमम् २७। सुवर्णैर्लक्ष्यसंख्याकैर्गीतामंत्रमुपाददे । गीतायाः षोडशाध्यायश्लोकान्कतिपयानपि २८। समभ्यस्य ततो राजा सत्कारेण सकौतुकः । अथैकदा विनिर्गत्य बाह्यालीं सह सैनिकैः २९। तमेवामोचयद्राजा मत्तमाधोरणाद्गजम् । विस्पष्टमिति वाक्यानि राज्यसौख्यममानयन् ३०। तृणवज्जीवितं राजा गजस्याग्रेविशत्ततः । आदाय गंडफलकं मदपंक्तिनिरंकुशम् ३१। आययौ मंत्रिविश्वासान्नृपः साहसिकाग्रणीः । राहोरिव मुखादिंदुः कालास्यादिव धार्मिकः ३२। साधुः खलस्य वदनान्नृयोनिरगमद्गजात् । आगत्य नगरं राजा त्वभिषिच्य कुमारकम् ३३। गीतायाः षोडशाध्यायादवाप परमां गतिम् ३४। इति श्रीपाद्मे महापुराणे पंचपंचाशत्सहस्रसंहितायामुत्तरंखडे गीतामाहात्म्ये नवत्यधिकशततमोऽध्यायः१९०।
īśvara uvāca- ataḥ paraṃ pravakṣyāmi ṣoḍaśādhyāyagauravam | ākarṇaya kuraṃgākṣi harṣotkaṃṭhapravarṣiṇi 1| asti saurāṣṭrikaṃ nāmnā puraṃ gurjaramaṃḍale | tatrāsītkhaṅgabāhuśca rājā caṃdra ivāparaḥ 2| yadīya kusumāmodamālāsurabhitodare | vārāṃnidhau hariḥ svāsthyādaśeta saha padmayā 3| yadīya kīrtikarpūrakaṇābhāṃtinabhoṃgaṇe | kīrṇā vairikṛtaśvāsa mārutaistārakāchalāt 4| yasyāsidhārā tīrtheṣu snātā vai ripubhūbhujaḥ | vyāvarttaṃ te divo'dyāpi svargastrīvāgvimohitāḥ 5| tasyārimardanonāma madahastī madoddhuraḥ | madāṃbudhārā salile guṃjadbhramaramaṃḍalaḥ 6| kapolaphalakottīrṇa madadhārājalāvilaḥ | babhau yo nirjharodgorairaṃjanādririvāccakaiḥ 7| yasyāṃgeṣu vyarājaṃta cāmarāścaṃdrikojjvalāḥ | kiraṇāiva śītāṃśoḥ patitāḥ kānanodare 8| siṃdūrapāṃsupaṭalī rājatkuṃbhasthalo babhau | yaḥ saṃdhyāvāridavyāptaṃ viyatkhaṃḍamiva sthitam 9| sa kadācinmocayitvā śṛṃkhalānnigaḍānapi | bhaṃktvā lauhadṛḍhastaṃbhaṃ prasahya niśi nirgataḥ 10| ādhoraṇagaṇānsarvānpārṣṇivisphūrjadaṃkuśān | krodhādavagaṇayyaiva nijaśālāṃ babhaṃja saḥ 11| tīkṣṇāṃkuśamukhairviṣvakhanyamāno'pi vaiṇavaiḥ | daṃḍaistu trāsayāmāsuḥ sādino na manāgapi 12| tato rājā samāgatya niśamyedaṃ kutūhalam | tatra hastikalābhijñaiḥ samaṃ rājakumārakaiḥ 13| adṛśyata samāgatya rājñā daṃtāvalo balī | mohayannudbhaṭāṭopo hṛtāṭṭālikamālikaḥ 14| dadṛśustaṃ mahābhīmaṃ paurā dūrataraṃ sthitāḥ | gopāyaṃtaḥ śiśūnbhītyā nivṛttānyakutūhalāḥ 15| ruddheṣu tatra mārgeṣu palāyanaparairjanaiḥ | vāsiteṣu tadīyogradānadhārāṃbusīkaraiḥ 16| snātvā tenādhvanā yātaḥ sarasaḥ kaścana dvijaḥ | gītānāṃ ṣoḍaśādhyāyaślokānkatipayāñjapan 17 bhagavadgītā/daivāsurasampadvibhāgayogaḥ| niṣiddhyamāno bahudhā paurairādhoraṇairapi 18| amanyamānaḥ kariṇo bhītāncalitavāṃstataḥ | phūtkāreṇa sa āvṛṇvañjanānviparimardayan 19| spṛśandānāṃbujaṃ tasya svastimānnirgato dvijaḥ | tato mahānabhūttatra vismayo vāgagocaraḥ 20| mānase bhūmipālasya paurāṇāmapi paśyatām | samāhūya tato rājā phullarājīvalocanaḥ 21| tamāpṛcchaddvijaṃ vāhādavatīrya praṇamya ca 22| rājovāca- alaukikamidaṃ vipra tvayādyācaritaṃ mahat | kṛtāṃtakalpādetasmātkathaṃ niryātavāngajāt 23| kamarcayasi gīrvāṇaṃ kaṃ maṃtraṃ japasi prabho | kā ca siddhistavāstīti dvijanmansamudīraya 24| dvija uvāca | gītāyāḥ ṣoḍaśodhyāyaḥ ślokānkatipayānaham | japāmi pratyahaṃ bhūpa tenaitāḥ sarvasiddhayaḥ 25| tato vihāya dviradaṃ kautūhalarasaṃ nṛpaḥ | ājagāma dvijanmānamādāya nijamaṃdiram 26| śubhaṃ muhūrtamanvīkṣya toṣayitvā dvijottamam 27| suvarṇairlakṣyasaṃkhyākairgītāmaṃtramupādade | gītāyāḥ ṣoḍaśādhyāyaślokānkatipayānapi 28| samabhyasya tato rājā satkāreṇa sakautukaḥ | athaikadā vinirgatya bāhyālīṃ saha sainikaiḥ 29| tamevāmocayadrājā mattamādhoraṇādgajam | vispaṣṭamiti vākyāni rājyasaukhyamamānayan 30| tṛṇavajjīvitaṃ rājā gajasyāgreviśattataḥ | ādāya gaṃḍaphalakaṃ madapaṃktiniraṃkuśam 31| āyayau maṃtriviśvāsānnṛpaḥ sāhasikāgraṇīḥ | rāhoriva mukhādiṃduḥ kālāsyādiva dhārmikaḥ 32| sādhuḥ khalasya vadanānnṛyoniragamadgajāt | āgatya nagaraṃ rājā tvabhiṣicya kumārakam 33| gītāyāḥ ṣoḍaśādhyāyādavāpa paramāṃ gatim 34| iti śrīpādme mahāpurāṇe paṃcapaṃcāśatsahasrasaṃhitāyāmuttaraṃkhaḍe gītāmāhātmye navatyadhikaśatatamo'dhyāyaḥ190|
English translation
[ Note : this page corresponds to chapter 190 of the Book 6 (Uttarakhaṇḍa) of the translation of The Padmapurāṇa ]
The lord said :
1-9. Hereafter I shall narrate the greatness of the sixteenth chapter. Hear it, O fawn-eyed one, O you showering joy and eagerness. In the Gurjara country there was a city by name Saurāṣṭrika. There lived a king Khaḍgabāhu by name. He was, as it were, another moon. The ocean is made fragrant by the string of the fragrance of his flowers and Viṣṇu with Lakṣmī sleeps comfortably in it. The particles of the camphor of his fame shine in the sky, under the pretext of stars, after they were scattered there by the sighs of his enemies. Kings among his enemies who had bathed in the holy place of the edge of his sword, (though) fascinated by the words of divine women, even now turn back from heaven. He had an elephant named Arimardana . He was unrestrained due to rut. He had swarms of bees (hovering round and) humming in the water of the flowing ichor. It shone like mount Añjana with the springs rising, turbid due to being the water in the form of the stream of ichor crossing his large temples. In the interior of the forest the chowries bright like the moonlight shone on his limbs like the rays of the moon falling on them. He looked splendid with his temples shining with the cover of the particles of red lead. He was like a portion of the sky pervaded with the evening clouds.
10-22. Once, at night, he freed himself from the chains and fetters and forcibly broke the iron pillar (to which he was tied) and went out. Angrily ignoring all the hosts of drivers flashing the goads by his side, he broke his abode, though he was being struck in various ways with bamboo sticks to which goads were fixed, and though the drivers frightened him much. Then on hearing this wonder came there the king with those adept in the art. of (the marks of) elephants and with princes. Having come (there) the king saw the mighty elephant stupefying the pride of brave heroes and taking away rows of lofty mansions. The citizens, turning away from any other curiosity and through fear guarding their children, looked at the very fierce elephant by keeping themselves at a distance. The paths were made fragrant by the drops of his rut and blocked by people intent on fleeing. Then a brāhmaṇa , after having bathed and muttering certain verses from the sixteenth chapter of the Gītā , came along the path, though he was prohibited in many ways by the citizens and the drivers of elephants. Not caring for those who were scared of the elephant, he walked on. The elephant covered the people with hissings and crushed them. The brāhmaṇa touched his ichor and went happily. Even when the citizens were watching, there arose a great wonder in the mind of the king which cannot be grasped by words. Then getting down from his horse, saluting the brāhmaṇa. the king asked him:
The king said :
23-24. O brāhmaṇa, today you have done a great, uncommon thing. How did you pass by the elephant resembling Death? Which god do you worship? Which hymn do you mutter, O lord? Which divine power do you possess? Tell it, O brāhmaṇa.
The brāhmaṇa said :
25-34. O king, everyday I mutter a few verses from the sixteenth chapter of the Gītā. All these divine powers are due to that.
Then leaving the elephant, the interesting object of curiosity, the king, taking the brāhmaṇa with him, came home. Having pleased the best brāhmaṇa at an auspicious time with golden coins numbering a lakh , he received from him the Gītā-hymn. The curious king also studied with reverence, a few verses from the sixteenth chapter of the Gītā. Once, with his soldiers, he went out of the city. Clearly not caring for the pleasures of the kingdom, he let loose the intoxicated elephant from his driver. The king offered his life like grass before the elephant. The king, the leader of the daring ones, took him, of large temples and unrestrained due to the line of the rut, and due to his confidence in his ministers came there. The king got away from the elephant as the moon would come out of Rāhu ’s mouth or a righteous person from the mouth of Death or a good one from that of a wicked one. Having come to the city, the king consecrated his son (on the throne), and due to the muttering of the sixteenth chapter, obtained the best position.
Complete chapter-aligned witnesses. Sanskrit Wikisource page 44908, revision 333581 (2022-03-11T23:49:08Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-bhagavad-gita-mahatmya/d/doc365772.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.