Sṛṣṭi-khaṇḍa · Chapter 67
Sourceव्यास उवाच- एतच्छ्रुत्वा तु दैत्येंद्रो हिरण्याक्षो महाबलः। सरोषश्चातिताम्राक्षो ह्यसुरानादिदेश ह१। स्वयं गच्छामि युद्धाय देवानां विजिघांसया। नागच्छंति न युद्ध्यंते तेन मार्गाद्विशन्त्वितः२। एतच्छ्रुत्वा तु वचनं शेषा दैत्यगणाधिपाः। युद्धाय प्रययुः सर्वे शूलपाशातिपंडिताः३। अधिकं पूर्वसैन्याश्च तथा शतगुणैरपि। निरंतरं तथाकाशं प्रययुर्युद्धकांक्षिणः४। ततो रुद्रास्स साध्याश्च विश्वे च वसवस्तथा। स्कंदश्च गणपश्चैव विष्णुजिष्णुपुरोगमाः५। सर्वे योद्धुं गतास्ते च हृष्टा रणसमुत्सुकाः। एतस्मिन्नंतरे युद्धं देवदानवयोरपि६। न भूतं न श्रुतं पूर्वं सर्वलोकभयंकरम्। शस्त्रास्त्रैबर्हुधा युक्तं शिशिरेणेव काननम्७। धरां स्वर्गौक आकाशं संरुध्य युद्धमाबभौ। अन्योन्यं जघ्नुराकाशे तथान्योन्यं महीतले८। शक्तिभिर्मुसलैर्भल्लैर्बहुभिः शरवृष्टिभिः। दारुणैः खड्गपातैश्च तथा चक्रपरःश्वधैः९। अन्यायुधैश्च विविधैर्निर्जघ्नुस्ते परस्परम्। अभवन्घोररूपाणि धराकाशे व्ययानि च१०। शस्त्रैः शरैरसृक्पातैः कंकवायसजंबुकैः। यथा मुसलधाराभिर्घना वर्षंति लोहितम्११। तथैव क्षतजैः स्रस्तैः स्वाङ्गाच्च देवदानवाः। केचित्पतंति मुह्यंति स्खलंति च हसंति च१२। मुंचंति चार्तनादांश्च सिंहनादं मुहुर्मुहुः। केषांचिद्बाहवश्छिन्नाश्छिन्नपादास्तथापरे१३। छिन्नपार्श्वोदराः केचिन्निपेतुः शतशो भुवि। कोटिकोटिसहस्राणि गजवाज्यसुराणि च१४। अपतन्धरणीपृष्ठे रक्तौघे बहुधा भुवि। ततस्तु धरणीपृष्ठे त्वभवल्लोहितार्णवः१५। विपरीतास्ततो नद्यः सद्यस्तत्र विसुस्रुवुः। तृणकाष्ठपरास्तत्र शक्तयो दारुसंचयाः१६। मुद्गरा मुसलाः शूला मकराद्या भवंति च। जयंतिका ध्वजा मीनाः कमठाश्चर्मकायकाः१७। शरादिभिर्महोष्ट्रैश्च निरुद्धाः प्रचुरैस्तथा। केशचामरशैवालाः संपूर्णास्तास्ततःस्ततः१८। पतद्भिश्च तथान्यैश्च विविधैः क्षतजार्णवः। तदा वसुंधरा सर्वा सशैलवनकानना१९। रुधिरौघा महाघोरा सर्वलोकभयंकरा। स्कंदस्य शक्तिपातेन गता दैत्या यमक्षयम्२०। पर्शुना परमेणैव अग्निनाग्निशिखैः शरैः। वरुणस्य च पाशेन बद्धा मग्ना यमक्षये२१। येषां पुत्रैश्च पौत्रैश्च पुरोगैः सचिवैस्तथा। निपातिताश्च दैतेयाः शरशक्त्यृष्टिवृष्टिभिः२२। ग्रहैश्च श्वसनैरेव यक्षगंधर्वकिन्नरैः। महत्या गदया चैव कुबेरेण च धीमता२३। घनानां निकरैर्वज्रैस्तुषारैर्विधुनेरितैः। पन्नगानां विषैर्घोरैर्दैत्याः पेतुर्धरातले२४। अन्यैश्च विविधैर्देवैः कोटिकोटिसहस्रशः। पातिताः प्रययुस्सर्वे धरण्यां तु गतासवः२५। देहांस्त्यक्त्वा दिवं यांति केचिच्च यममंदिरम्। केचिद्गच्छंति पातालं पुण्यापुण्यप्रयोगतः२६। एतस्मिन्नंतरे वेदाञ्जजल्पुः परमर्षयः। स्वस्त्यस्तु ब्राह्मणेभ्यश्च गोभ्यः स्त्रीभ्यस्तपस्विषु२७। प्रयुध्यमानेष्वन्येषु सांप्रतं सर्वजंतुषु। विबुधैरर्दिता दैत्याः शेषाः पर्वतमाश्रिताः२८। प्रजग्मुश्च दिशः सर्वाः कातरा रणभीरवः। दैत्यव्यूहे प्रभग्ने च बलो नाम महाबलः२९। अर्दयामास देवांश्च संयम्याग्निसमैः शरैः। तस्य बाणार्दिता देवा बहवो बलदर्पिताः३०। पतिता धरणीपृष्ठे केचिद्भग्ना रणाजिरे। दृष्ट्वा तस्य महत्कर्म दारुणं लोकभीषणम्३१। शशंसुर्ऋषयो देवास्तत्र शिष्टाः प्रचुक्रुशुः। अथ क्रुद्धो महातेजाश्शतक्रतुररिंदमः३२। जघान शरसंदोहैर्बलं बलवतां वरम्। सोपि क्रुद्धो बलो युद्धे तथा शक्रं ससंभ्रमः३३। रुधिरेणावसिक्तांगौ प्रसृतेन महाबलौ। तौ यथा माधवे मासि पुष्पितौ किंशुकद्रुमौ३४। चक्राणि च सहस्राणि शूलानि मुसलानि च। निचखान रणे शक्रे चपले चासुरोत्तमः३५। तानि चक्राणि शूलानि निचकर्त्त शरोत्तमैः। सुरराट्सहसा भ्रांतो लीलया समरे बली३६। स च दैत्यो महातेजाः शक्त्या चैव पुरंदरम्। निजघान तदा तूर्णं गजस्थं च स्तनांतरे३७। तया विनिहतः शक्रः प्रचचाल गजोपरि। लब्धसंज्ञो बलं जिष्णुर्बिभेद दनुजं क्षणात्३८। रथसंस्थस्य हस्तौ च धनुश्चिच्छेद चेषुणा। चर्मतीक्ष्णं ध्वजं तस्य शरेणैकेन वीरहा३९। चतुर्भिर्निशितैर्बाणैर्विव्याध चतुरो हयान्। शरेणैकेन सूतस्य शिरश्चिच्छेद तत्क्षणात्४०। छिन्नधन्वा हतरथो हताश्वो हतसारथिः। निपत्य मूर्च्छितः पृथ्व्यां मुहूर्तान्मृत्युमाप सः४१। अथ क्रुद्धो महादैत्यो नमुचिः सुरदर्पहा। गदामादाय सहसा स जघान महागजम्४२। यथा मेरुगिरेः शृंगे वज्रपातो भवेद्ध्रुवम्। तथैव च महाशब्दो ह्यभवल्लोमहर्षणः४३। प्रहारेणार्दितः पद्मी संचचाल स विह्वलः। रुधिरेणावसिक्तांगो विमुखो वेदनातुरः४४। शतक्रतुं विधावंति शतशोथ सहस्रशः। अर्धचंद्रैक्षुःरप्रैश्च चिच्छेद पाकशासनः४५। जंतुभिस्तस्य मायाभिरर्दितास्सुरपुंगवाः। भूमौ निपतिताः केचित्केचित्सुप्ता रथोपरि४६। दृष्ट्वा तस्य महत्कर्म माधवो विशिखांस्तथा। जंतुभूतान्स चक्रेण चिच्छेद देहलग्नकान्४७। ततो जिष्णुस्त्रिभिर्बाणैः पातयामास भूतले। पृथिव्यां पतितो दैत्यो मूर्च्छितस्खलितः पुनः४८। दधार मुद्गरं घोरं शक्रं हंतुं समुद्यतः। ततो जघान मघवा कुलिशेन महासुरम्४९। स पपात महीपृष्ठे क्षतवक्षा महाबलः। साधुसाध्विति देवाश्च सिद्धाश्चैव महर्षयः५० 1.67.50 अपूजयंस्तदा शक्रं बहुभिः पुष्पवृष्टिभिः। ततो दैत्यगणाः सर्वे भीतास्तत्र प्रदुद्रुवुः। गीतं गायंति गंधर्वा ननृतुश्चाप्सरोगणाः५१। इति श्रीपाद्मपुराणे प्रथमे सृष्टिखंडे बलनमुचिवधोनाम सप्तषष्टितमोऽध्यायः६७।
vyāsa uvāca- etacchrutvā tu daityeṃdro hiraṇyākṣo mahābalaḥ| saroṣaścātitāmrākṣo hyasurānādideśa ha1| svayaṃ gacchāmi yuddhāya devānāṃ vijighāṃsayā| nāgacchaṃti na yuddhyaṃte tena mārgādviśantvitaḥ2| etacchrutvā tu vacanaṃ śeṣā daityagaṇādhipāḥ| yuddhāya prayayuḥ sarve śūlapāśātipaṃḍitāḥ3| adhikaṃ pūrvasainyāśca tathā śataguṇairapi| niraṃtaraṃ tathākāśaṃ prayayuryuddhakāṃkṣiṇaḥ4| tato rudrāssa sādhyāśca viśve ca vasavastathā| skaṃdaśca gaṇapaścaiva viṣṇujiṣṇupurogamāḥ5| sarve yoddhuṃ gatāste ca hṛṣṭā raṇasamutsukāḥ| etasminnaṃtare yuddhaṃ devadānavayorapi6| na bhūtaṃ na śrutaṃ pūrvaṃ sarvalokabhayaṃkaram| śastrāstraibarhudhā yuktaṃ śiśireṇeva kānanam7| dharāṃ svargauka ākāśaṃ saṃrudhya yuddhamābabhau| anyonyaṃ jaghnurākāśe tathānyonyaṃ mahītale8| śaktibhirmusalairbhallairbahubhiḥ śaravṛṣṭibhiḥ| dāruṇaiḥ khaḍgapātaiśca tathā cakraparaḥśvadhaiḥ9| anyāyudhaiśca vividhairnirjaghnuste parasparam| abhavanghorarūpāṇi dharākāśe vyayāni ca10| śastraiḥ śarairasṛkpātaiḥ kaṃkavāyasajaṃbukaiḥ| yathā musaladhārābhirghanā varṣaṃti lohitam11| tathaiva kṣatajaiḥ srastaiḥ svāṅgācca devadānavāḥ| kecitpataṃti muhyaṃti skhalaṃti ca hasaṃti ca12| muṃcaṃti cārtanādāṃśca siṃhanādaṃ muhurmuhuḥ| keṣāṃcidbāhavaśchinnāśchinnapādāstathāpare13| chinnapārśvodarāḥ kecinnipetuḥ śataśo bhuvi| koṭikoṭisahasrāṇi gajavājyasurāṇi ca14| apatandharaṇīpṛṣṭhe raktaughe bahudhā bhuvi| tatastu dharaṇīpṛṣṭhe tvabhavallohitārṇavaḥ15| viparītāstato nadyaḥ sadyastatra visusruvuḥ| tṛṇakāṣṭhaparāstatra śaktayo dārusaṃcayāḥ16| mudgarā musalāḥ śūlā makarādyā bhavaṃti ca| jayaṃtikā dhvajā mīnāḥ kamaṭhāścarmakāyakāḥ17| śarādibhirmahoṣṭraiśca niruddhāḥ pracuraistathā| keśacāmaraśaivālāḥ saṃpūrṇāstāstataḥstataḥ18| patadbhiśca tathānyaiśca vividhaiḥ kṣatajārṇavaḥ| tadā vasuṃdharā sarvā saśailavanakānanā19| rudhiraughā mahāghorā sarvalokabhayaṃkarā| skaṃdasya śaktipātena gatā daityā yamakṣayam20| parśunā parameṇaiva agnināgniśikhaiḥ śaraiḥ| varuṇasya ca pāśena baddhā magnā yamakṣaye21| yeṣāṃ putraiśca pautraiśca purogaiḥ sacivaistathā| nipātitāśca daiteyāḥ śaraśaktyṛṣṭivṛṣṭibhiḥ22| grahaiśca śvasanaireva yakṣagaṃdharvakinnaraiḥ| mahatyā gadayā caiva kubereṇa ca dhīmatā23| ghanānāṃ nikarairvajraistuṣārairvidhuneritaiḥ| pannagānāṃ viṣairghorairdaityāḥ peturdharātale24| anyaiśca vividhairdevaiḥ koṭikoṭisahasraśaḥ| pātitāḥ prayayussarve dharaṇyāṃ tu gatāsavaḥ25| dehāṃstyaktvā divaṃ yāṃti kecicca yamamaṃdiram| kecidgacchaṃti pātālaṃ puṇyāpuṇyaprayogataḥ26| etasminnaṃtare vedāñjajalpuḥ paramarṣayaḥ| svastyastu brāhmaṇebhyaśca gobhyaḥ strībhyastapasviṣu27| prayudhyamāneṣvanyeṣu sāṃprataṃ sarvajaṃtuṣu| vibudhairarditā daityāḥ śeṣāḥ parvatamāśritāḥ28| prajagmuśca diśaḥ sarvāḥ kātarā raṇabhīravaḥ| daityavyūhe prabhagne ca balo nāma mahābalaḥ29| ardayāmāsa devāṃśca saṃyamyāgnisamaiḥ śaraiḥ| tasya bāṇārditā devā bahavo baladarpitāḥ30| patitā dharaṇīpṛṣṭhe kecidbhagnā raṇājire| dṛṣṭvā tasya mahatkarma dāruṇaṃ lokabhīṣaṇam31| śaśaṃsurṛṣayo devāstatra śiṣṭāḥ pracukruśuḥ| atha kruddho mahātejāśśatakraturariṃdamaḥ32| jaghāna śarasaṃdohairbalaṃ balavatāṃ varam| sopi kruddho balo yuddhe tathā śakraṃ sasaṃbhramaḥ33| rudhireṇāvasiktāṃgau prasṛtena mahābalau| tau yathā mādhave māsi puṣpitau kiṃśukadrumau34| cakrāṇi ca sahasrāṇi śūlāni musalāni ca| nicakhāna raṇe śakre capale cāsurottamaḥ35| tāni cakrāṇi śūlāni nicakartta śarottamaiḥ| surarāṭsahasā bhrāṃto līlayā samare balī36| sa ca daityo mahātejāḥ śaktyā caiva puraṃdaram| nijaghāna tadā tūrṇaṃ gajasthaṃ ca stanāṃtare37| tayā vinihataḥ śakraḥ pracacāla gajopari| labdhasaṃjño balaṃ jiṣṇurbibheda danujaṃ kṣaṇāt38| rathasaṃsthasya hastau ca dhanuściccheda ceṣuṇā| carmatīkṣṇaṃ dhvajaṃ tasya śareṇaikena vīrahā39| caturbhirniśitairbāṇairvivyādha caturo hayān| śareṇaikena sūtasya śiraściccheda tatkṣaṇāt40| chinnadhanvā hataratho hatāśvo hatasārathiḥ| nipatya mūrcchitaḥ pṛthvyāṃ muhūrtānmṛtyumāpa saḥ41| atha kruddho mahādaityo namuciḥ suradarpahā| gadāmādāya sahasā sa jaghāna mahāgajam42| yathā merugireḥ śṛṃge vajrapāto bhaveddhruvam| tathaiva ca mahāśabdo hyabhavallomaharṣaṇaḥ43| prahāreṇārditaḥ padmī saṃcacāla sa vihvalaḥ| rudhireṇāvasiktāṃgo vimukho vedanāturaḥ44| śatakratuṃ vidhāvaṃti śataśotha sahasraśaḥ| ardhacaṃdraikṣuḥrapraiśca ciccheda pākaśāsanaḥ45| jaṃtubhistasya māyābhirarditāssurapuṃgavāḥ| bhūmau nipatitāḥ kecitkecitsuptā rathopari46| dṛṣṭvā tasya mahatkarma mādhavo viśikhāṃstathā| jaṃtubhūtānsa cakreṇa ciccheda dehalagnakān47| tato jiṣṇustribhirbāṇaiḥ pātayāmāsa bhūtale| pṛthivyāṃ patito daityo mūrcchitaskhalitaḥ punaḥ48| dadhāra mudgaraṃ ghoraṃ śakraṃ haṃtuṃ samudyataḥ| tato jaghāna maghavā kuliśena mahāsuram49| sa papāta mahīpṛṣṭhe kṣatavakṣā mahābalaḥ| sādhusādhviti devāśca siddhāścaiva maharṣayaḥ50 1.67.50 apūjayaṃstadā śakraṃ bahubhiḥ puṣpavṛṣṭibhiḥ| tato daityagaṇāḥ sarve bhītāstatra pradudruvuḥ| gītaṃ gāyaṃti gaṃdharvā nanṛtuścāpsarogaṇāḥ51| iti śrīpādmapurāṇe prathame sṛṣṭikhaṃḍe balanamucivadhonāma saptaṣaṣṭitamo'dhyāyaḥ67|
English translation
Vyāsa said :
1. Hearing this (i.e. these words), the very mighty Hiraṇyākṣa , the lord of the demons, with his eyes very red with anger, directed the demons (thus):
2. “With a desire to kill the gods I shall myself go to fight (with them, so that) they will not come and will not fight; let them not come this way.”
3. Hearing these words, the rest of the chiefs of the hosts of demons, all very skilled in using lances and nooses, went to fight (with the gods).
4. They were hundred times more than the former army. Desiring to fight they frequently rose to the sky.
5-6a. Then the Rudras [1] with the Sādhyas , all the Vasus , Skanda , and the lord of the Gaṇas (i.e. Gaṇeśa ), led by Viṣṇu and Indra —all these, being delighted and eager to fight, went to fight.
6b-7. In the meanwhile, the war that took place between the gods and the demons which was full of (i.e. in which) various weapons and missiles (were used) like a grove with frost, was such the like of which did not take place before, was not heard of, and was fearful to all the worlds.
8-9. The war appeared to screen the earth, heaven, (other) shelters like the sky (etc.). The (rival warriors) struck each other with the (missiles called) śakti , pestles, lances, with volleys of arrows, with fearful strokes of swords, and with discs and hatchets in the sky and on the ground.
10-11. With other various kinds of weapons also they struck each other. There was a destruction of a terrible nature on the earth and in the sky due to weapons, arrows, bleeding and (also done by) herons, crows and foxes. As the clouds shower pestle-like streams, in the same way gods and demons showered blood oozing (from their wounds).
12-15. Some fell, some swooned, some tumbled, some laughed, some gave out piteous cries, and some repeatedly roared like lions. The arms of some were cut off; the legs of (some) others were cut off; others with their sides, abdomens cut off lay in hundreds on the ground. Crores of thousands of elephants, horses and demons fell variously on the ground in the stream of blood. So there was an ocean of blood on the ground.
16. From there inauspicious rivers (i.e. streams of blood) flew there. They had grass and wood, missiles like śaktis and heaps of wood in them.
17. There were mallets, pestles, lances, crocodiles, flags, fish, tortoises with (only) skin (left).
18. They were (i.e. their flow was) checked by arrows etc., and by many great camels. They were having the moss in the form of hair and chowries.
19-21. There was (formed) a great ocean of blood due to many other beings falling therein. At that time the entire earth with mountains, forests and thickets was having the stream of blood, was very terrible, and caused fear to all people. Due to the fall of (the missile called) śakti caused by Kārtikeya , the demons went to Yama ’s abode. Suppressed by the great axe, by fire, by arrows with fire-flames and by Varuṇa ’s noose they (i.e. the demons) plunged into Yama’s abode.
22-26. The demons, who were struck down by the sons, grandsons, and ministers (of Kartikeya etc.) with the showers of arrows and śaktis, (the demons who were struck down) by the planets, winds, Yakṣas , Gandharvas , Kinnaras and by the intelligent Kubera with his mace, and with the multitudes of clouds, thunderbolts and snow discharged by the moon, dropped down on the ground due to the terrible poisons of the snakes. They (i.e. the demons) knocked down in thousands of crores by other gods, all fell lifeless to the ground. Casting their bodies some went to heaven and some to Yama’s abode. Some due to the working of their merit or sin went to the nether world.
27. In the meanwhile, the great sages recited the Vedas ; (they said:) “May it be well with the brāhmaṇas , cows, women and ascetics.”
28-29a. When, now, all the other beings are fighting, the rest of the demons, troubled by gods, resorted to mountains; the cowards, afraid of fighting, went into all the directions.
29b-3la. When the army of the demons was broken (i.e. defeated), a very mighty (demon) named Bala , restrained and troubled the gods with arrows. Many gods, who were proud of their power, being tormented by his arrows fell down on the ground, and some were defeated in the battle.
31 b-32a. Seeing his great, fierce act, frightening the worlds, sages praised it (while) the remaining gods were crying.
32b-33. Then the angry Indra, the subduer of enemies, possessing great lustre, struck his (i.e. Bala’s) army and him, the best among the powerful, with volleys of arrows. He, the angry and powerful one, hastily struck Indra in the same way in the battle.
34-36. The two, very mighty ones (i.e. Bala and Indra), with their bodies moistened with blood spreading forth, (appeared) like the blossomed Kiṃśuka trees in the spring. The best demon (i.e. Bala) pierced (the body of) Indra (i.e. threw at him) by thousands of discs, lances and pestles in the battle. Moving to and fro the mighty king of gods easily cut off those lances and pestles.
37. Then that demon of great lustre quickly struck, with (the missile called) śakti, Indra, who was mounted upon an elephant, between his breasts.
38. Struck with it, Indra trembled on the elephant. Regaining consciousness, Indra, in a moment, pierced the mighty demon.
39. With an arrow he cut off the hands and the bow of him (i.e. of Bala) who was seated in a chariot. The killer of soldiers cut off his hand, shield and flag with an arrow.
40-41. With four sharp arrows he pierced his four horses. That moment only he cut off the charioteer’s head with one arrow. He, with his arrow cut off, his chariot destroyed and with his horses and charioteer killed, fell unconscious on the ground, and died in a short time.
42. Then the angry, great demon, Namuci , who destroyed the pride of the gods, took a mace and suddenly struck (Indra’s) great elephant.
43. The great thrilling sound (of the fall of the mace) certainly resembled the sound produced by the fall of the thunderbolt on the peak of the Meru mountain.
44. The elephant, tormented by the stroke and being alarmed, with his body moistened with blood, and afflicted by agony, went away with his face turned away.
45. Many (demons) in hundreds and thousands rushed at Indra. He cut them off with crescent-shaped arrows and arrows with sharp horse-shoe-shaped heads.
46. The best gods were troubled by the illusory creatures
of (i.e. created by) him. Some fell on the ground; some lay on the chariot.
47. Seeing his great deed, Viṣṇu then cut off with his discus those arrows that had turned into creatures and that had stuck to the bodies (of the gods).
48. Then Viṣṇu struck him down on the ground with three-arrows. The demon who had fallen on the ground became unconscious, and again tumbled.
49. He took up a terrible hammer and was ready to strike Indra. Then Indra killed the great demon with his thunderbolt.
50-51. With his chest wounded the very mighty (demon) fell on the ground. The gods, the Siddhas and the great sages (said:) ‘Well (done), well (done)’, and with many showers of flowers honoured Indra at that time. Then all the hosts of demons, being frightened, fled away. The Gandharvas sang songs, the groups of celestial nymphs danced.
[1]: [1] : Rudra—Name of a group of gods, eleven in number, supposed to be inferior manifestations of Śiva or Śaṅkara, who is said to be the head of that group.
Complete chapter-aligned witnesses. Sanskrit Wikisource page 45222, revision 334589 (2022-04-06T08:35:10Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364190.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.