Kriyāyogasāra-khaṇḍa · Chapter 14
Sourceव्यास उवाच- मार्गशीर्षे द्विजश्रेष्ठ महालक्ष्म्या समन्वितम् । पूजयेदव्ययं विष्णुं भक्तिभावेन वैष्णवः १। म्लेच्छदेशे च विप्रेंद्र तथैव पतितालये । दुर्गंधैश्च परिव्याप्ते स्थाने विष्णुं न पूज्येत् २। पाखंडानां समीपे च महापातकिनां तथा । असत्यभाषिणां चैव न कुर्याद्विष्णुपूजनम् ३। क्रंदतां सन्निधौ चापि कलहानपि कुर्वताम् । तथोपहसतां स्थाने न कुर्यात्पूजनं हरेः ४। प्रतिग्रहरतानां च स्थाने विष्णुं न पूजयेत् । कृपणानां गृहे चैव परवित्ताभिलाषिणाम् ५। तथा कपटवृत्तीनां न कुर्याद्विष्णुपूजनम् । नारायणार्चने विप्र परं भक्तिपरायणः ६। अन्यचित्तं परित्यज्य हरिध्यानपरो भवेत् । हाहाकारं च निश्वासं विस्मयं स द्विजोत्तम ७। पाखंडजनसंभाषं न कुर्याद्धरिपूजनम् । अनन्यमानसो भूत्वा देवदेवं जगद्गुरुम् ८। भस्मन्यपि च यत्पुष्पं दीयते लभते हरौ । चिंतागमशतश्रांतः शिलाचक्रेष्वपि द्विज ९। पुष्पं ददाति यन्मर्त्यो न लभेदथ तत्प्रभुः । अनन्यमानसो भूत्वा भक्त्या विष्णुं यजेद्बुधः १०। भ्रांतचित्तेन यत्कर्म क्रियते तच्च निष्फलम् । सर्वकर्म मनोधीनं मनोधीनं जगत्त्रयम् ११। तस्मान्मनो दृढीकृत्य पूजयेत्कमलापतिम् । पूजान्यत्र मनोऽन्यत्र भवेद्यस्य द्विजोत्तम १२। न च तस्य फलेत्कार्यं कल्पकोटिशतैरपि । यत्नाद्विहितशौचोऽपि विष्णुपूजापरोऽपि च १३। मनःशुद्धिविहीनश्चेच्चांडाल इव गम्यते । अभक्त्या यत्तपस्तप्तं सुचिरं विधिना द्विज १४। भवेन्निरर्थकं सर्वं केवलं कायशोधनम् । मेरुप्रमाणकं स्वर्णं ब्राह्मणाय कुटुंबिने १५। दत्तमभ्यर्थनाशाय अभक्त्या श्रेयसेऽपि च । तस्मादेकमना भूत्वा भक्तिश्रद्धासमन्वितः १६। सवास्तुकादि शाकं च दद्यात्सदसि वैष्णवे । नारंगस्य फलं दिव्यं सुपक्वं यस्तु यच्छति १७। केशवाय द्विजश्रेष्ठ सोऽस्माभिरभिपूज्यते । यत्नेन नूतनं वस्तु प्रियं भगवतो हरेः १८। तदेवाग्रयणे मासि भक्त्या दद्यान्मुरारये । पौषे मासि समायाते श्रीकृष्णं वरदं प्रभुम् १९। देवमिक्षुरसैर्दिव्यैः स्नापयेद्वैष्णवो जनः । यः स्नापयति विप्रेन्द्र विष्णुमिक्षुरसैः प्रभुम् २०। इह भुंक्ते सुखं सर्वं मृतो यातीक्षुसागरम् । यो दद्यादिक्षुनैवेद्यं देवदेवाय विष्णवे २१। सोऽपि तत्फलमाप्नोति किमन्यैर्बहुभाषितैः । सुदुग्धपृथुकं पौषे दधिभिर्वा समन्वितम् २२। दत्वा मुरारये मर्त्यः सर्वान्कामानवाप्नुयात् । सर्वैः पुरातनं वस्त्रं दूरीकृत्य मुरारये २३। शीतस्य वारणार्थाय दद्याद्वस्त्रं च नूतनम् । पौषसंक्रमणे विप्र सलक्ष्मीकाय विष्णवे २४। दद्यान्मुमुक्षुर्मनुजो दशवर्णं च पीठकम् । यस्तु शङ्खध्वनिं कुर्यात्संपूज्य कमलापतिम् २५। तस्य पुण्यफलं वच्मि शृणु वत्स समाहितः । अगम्यागमनाद्यैश्च विमुक्तः सर्वपातकैः २६। अंते विष्णुपुरं गत्वा विष्णुना सह मोदते । वैनतेयांकितां घंण्टां यस्तु वादयते हरेः २७। पूजाकाले द्विजश्रेष्ठ तस्य पुण्यं वदाम्यहम् । अभक्ष्यभक्षणाद्यैश्च विमुक्तः सर्वपातकैः २८। प्रयाति मंदिरं विष्णो रथमारुह्य शोभनम् । तत्र भुक्त्वाखिलान्कामान्कल्पकोटिशतावधि २९। पुनरागत्य धरणीं चतुर्वेदी द्विजोत्तमः । तत्र भुक्त्वाखिलान्कामान्कल्पकोटिशतावधि ३०। पुनर्विष्णुपुरं गत्वा मोक्षं प्राप्नोत्यनुत्तमम् । वीणां वादयते यस्तु पूजाकाले जगत्पतेः ३१। पंडितानामग्रणीः स्यात्स मर्त्यः प्रतिजन्मनि । मृदंगवाद्यकृद्यस्तु पूजायां कैटभद्विषः ३२। तस्य प्रसन्नो भगवान्ददात्यभिमतं फलम् । डमरुं डिडिमं चैव झर्झरीं मधुरीं तथा ३३। पटहं दुंदुभिं चैव काहलं सिंधुवारकम् । कांस्यं च करतालं च वेणुं वादयते तु यः ३४। पूजाकाले महाविष्णोस्तस्य पुण्यं निशामय । स्तेयार्थैः पातकैर्मुक्तो मंदिरं याति चक्रिणः ३५। परमं ज्ञानमासाद्य तत्रैव परिमुच्यते । कलशब्दं च यः कुर्यात्पूजाकाले जगद्गुरोः ३६। मुखवाद्यं च विप्रेन्द्र तस्य पुण्यं मयोच्यते । कोटिकोटिकुलैर्युक्तः प्रयाति मन्दिरं हरेः ३७। ज्ञानमासाद्य तत्रैव मोक्षमक्षय्यमाप्नुयात् । विष्णोरायतने यस्तु भक्तियुक्तः प्रनृत्यति ३८। स याति ब्राह्मणश्रेष्ठ तद्विष्णोः परमं पदम् । यस्तु गायति गीतानि भक्त्या नारायणाग्रतः ३९। स नृपत्वमवाप्नोति गन्धर्वाणां पुरेषु च । स्तौति स्तोत्रैर्जगन्नाथं भक्त्या च वैष्णवो जनः ४०। तस्य प्रसन्नो भगवान्सर्वान्कामान्प्रयच्छति । मासेमासे हरिं यस्तु विधिनानेन पूजयेत् ४१। अचिरेणैव विप्रर्षे प्रसादयति सोऽच्युतः ४२। जगदुदधिमिमं ये तर्तुमिच्छंति मर्त्याः प्रचुरतरगभीरं सर्वदुःखप्रदं च । परमपुरुषपादांभोजयुग्मं मनोज्ञं त्रिदशनिवह सेव्यंते च सर्वे यजंतु ४३। इति श्रीपद्मपुराणे क्रियायोगसारे भगवत्पूजामाहात्म्यंनाम चतुर्दशोऽध्यायः १४ ।
vyāsa uvāca- mārgaśīrṣe dvijaśreṣṭha mahālakṣmyā samanvitam | pūjayedavyayaṃ viṣṇuṃ bhaktibhāvena vaiṣṇavaḥ 1| mlecchadeśe ca vipreṃdra tathaiva patitālaye | durgaṃdhaiśca parivyāpte sthāne viṣṇuṃ na pūjyet 2| pākhaṃḍānāṃ samīpe ca mahāpātakināṃ tathā | asatyabhāṣiṇāṃ caiva na kuryādviṣṇupūjanam 3| kraṃdatāṃ sannidhau cāpi kalahānapi kurvatām | tathopahasatāṃ sthāne na kuryātpūjanaṃ hareḥ 4| pratigraharatānāṃ ca sthāne viṣṇuṃ na pūjayet | kṛpaṇānāṃ gṛhe caiva paravittābhilāṣiṇām 5| tathā kapaṭavṛttīnāṃ na kuryādviṣṇupūjanam | nārāyaṇārcane vipra paraṃ bhaktiparāyaṇaḥ 6| anyacittaṃ parityajya haridhyānaparo bhavet | hāhākāraṃ ca niśvāsaṃ vismayaṃ sa dvijottama 7| pākhaṃḍajanasaṃbhāṣaṃ na kuryāddharipūjanam | ananyamānaso bhūtvā devadevaṃ jagadgurum 8| bhasmanyapi ca yatpuṣpaṃ dīyate labhate harau | ciṃtāgamaśataśrāṃtaḥ śilācakreṣvapi dvija 9| puṣpaṃ dadāti yanmartyo na labhedatha tatprabhuḥ | ananyamānaso bhūtvā bhaktyā viṣṇuṃ yajedbudhaḥ 10| bhrāṃtacittena yatkarma kriyate tacca niṣphalam | sarvakarma manodhīnaṃ manodhīnaṃ jagattrayam 11| tasmānmano dṛḍhīkṛtya pūjayetkamalāpatim | pūjānyatra mano'nyatra bhavedyasya dvijottama 12| na ca tasya phaletkāryaṃ kalpakoṭiśatairapi | yatnādvihitaśauco'pi viṣṇupūjāparo'pi ca 13| manaḥśuddhivihīnaśceccāṃḍāla iva gamyate | abhaktyā yattapastaptaṃ suciraṃ vidhinā dvija 14| bhavennirarthakaṃ sarvaṃ kevalaṃ kāyaśodhanam | merupramāṇakaṃ svarṇaṃ brāhmaṇāya kuṭuṃbine 15| dattamabhyarthanāśāya abhaktyā śreyase'pi ca | tasmādekamanā bhūtvā bhaktiśraddhāsamanvitaḥ 16| savāstukādi śākaṃ ca dadyātsadasi vaiṣṇave | nāraṃgasya phalaṃ divyaṃ supakvaṃ yastu yacchati 17| keśavāya dvijaśreṣṭha so'smābhirabhipūjyate | yatnena nūtanaṃ vastu priyaṃ bhagavato hareḥ 18| tadevāgrayaṇe māsi bhaktyā dadyānmurāraye | pauṣe māsi samāyāte śrīkṛṣṇaṃ varadaṃ prabhum 19| devamikṣurasairdivyaiḥ snāpayedvaiṣṇavo janaḥ | yaḥ snāpayati viprendra viṣṇumikṣurasaiḥ prabhum 20| iha bhuṃkte sukhaṃ sarvaṃ mṛto yātīkṣusāgaram | yo dadyādikṣunaivedyaṃ devadevāya viṣṇave 21| so'pi tatphalamāpnoti kimanyairbahubhāṣitaiḥ | sudugdhapṛthukaṃ pauṣe dadhibhirvā samanvitam 22| datvā murāraye martyaḥ sarvānkāmānavāpnuyāt | sarvaiḥ purātanaṃ vastraṃ dūrīkṛtya murāraye 23| śītasya vāraṇārthāya dadyādvastraṃ ca nūtanam | pauṣasaṃkramaṇe vipra salakṣmīkāya viṣṇave 24| dadyānmumukṣurmanujo daśavarṇaṃ ca pīṭhakam | yastu śaṅkhadhvaniṃ kuryātsaṃpūjya kamalāpatim 25| tasya puṇyaphalaṃ vacmi śṛṇu vatsa samāhitaḥ | agamyāgamanādyaiśca vimuktaḥ sarvapātakaiḥ 26| aṃte viṣṇupuraṃ gatvā viṣṇunā saha modate | vainateyāṃkitāṃ ghaṃṇṭāṃ yastu vādayate hareḥ 27| pūjākāle dvijaśreṣṭha tasya puṇyaṃ vadāmyaham | abhakṣyabhakṣaṇādyaiśca vimuktaḥ sarvapātakaiḥ 28| prayāti maṃdiraṃ viṣṇo rathamāruhya śobhanam | tatra bhuktvākhilānkāmānkalpakoṭiśatāvadhi 29| punarāgatya dharaṇīṃ caturvedī dvijottamaḥ | tatra bhuktvākhilānkāmānkalpakoṭiśatāvadhi 30| punarviṣṇupuraṃ gatvā mokṣaṃ prāpnotyanuttamam | vīṇāṃ vādayate yastu pūjākāle jagatpateḥ 31| paṃḍitānāmagraṇīḥ syātsa martyaḥ pratijanmani | mṛdaṃgavādyakṛdyastu pūjāyāṃ kaiṭabhadviṣaḥ 32| tasya prasanno bhagavāndadātyabhimataṃ phalam | ḍamaruṃ ḍiḍimaṃ caiva jharjharīṃ madhurīṃ tathā 33| paṭahaṃ duṃdubhiṃ caiva kāhalaṃ siṃdhuvārakam | kāṃsyaṃ ca karatālaṃ ca veṇuṃ vādayate tu yaḥ 34| pūjākāle mahāviṣṇostasya puṇyaṃ niśāmaya | steyārthaiḥ pātakairmukto maṃdiraṃ yāti cakriṇaḥ 35| paramaṃ jñānamāsādya tatraiva parimucyate | kalaśabdaṃ ca yaḥ kuryātpūjākāle jagadguroḥ 36| mukhavādyaṃ ca viprendra tasya puṇyaṃ mayocyate | koṭikoṭikulairyuktaḥ prayāti mandiraṃ hareḥ 37| jñānamāsādya tatraiva mokṣamakṣayyamāpnuyāt | viṣṇorāyatane yastu bhaktiyuktaḥ pranṛtyati 38| sa yāti brāhmaṇaśreṣṭha tadviṣṇoḥ paramaṃ padam | yastu gāyati gītāni bhaktyā nārāyaṇāgrataḥ 39| sa nṛpatvamavāpnoti gandharvāṇāṃ pureṣu ca | stauti stotrairjagannāthaṃ bhaktyā ca vaiṣṇavo janaḥ 40| tasya prasanno bhagavānsarvānkāmānprayacchati | māsemāse hariṃ yastu vidhinānena pūjayet 41| acireṇaiva viprarṣe prasādayati so'cyutaḥ 42| jagadudadhimimaṃ ye tartumicchaṃti martyāḥ pracurataragabhīraṃ sarvaduḥkhapradaṃ ca | paramapuruṣapādāṃbhojayugmaṃ manojñaṃ tridaśanivaha sevyaṃte ca sarve yajaṃtu 43| iti śrīpadmapurāṇe kriyāyogasāre bhagavatpūjāmāhātmyaṃnāma caturdaśo'dhyāyaḥ 14 |
English translation
Vyāsa said :
1-10. A devotee of Viṣṇu should devoutly worship the immutable Viṣṇu along with the great Lakṣmī in Mārgaśīrṣa , O best brāhmaṇa . So also he should not worship Viṣṇu in a Mleccha region, in the house of a fallen person, or at a place full of bad odour, O best brāhmaṇa. He should not worship Viṣṇu near the heretics or great sinners, so also near those who tell lies. He should not worship Viṣṇu near those who are crying, who are quarrelling or at the place of those who are ridiculing. He should not worship Viṣṇu at the place of those who are engaged in accepting gifts, so also in the house of misers and of those who are greedy of others’ wealth. So also he should not worship Viṣṇu in the house of those whose nature is deceitful. O brāhmaṇa, being highly devoted, he should, giving up attention to any other thing, be intent on meditating upon Viṣṇu at the time of worshipping Viṣṇu. He should not worship Viṣṇu, when there is loud wailing, when there are sighs, when there is a doubt, or a talk with the heretics, O best brāhmaṇa. Viṣṇu receives that flower which is offered even into ash by him whose mind is concentrated, to the god of gods, the lord of the world. O brāhmaṇa, the lord does not receive that flower which a man fatigued due to hundreds of thoughts, offers even on the discs of the ( śālagrāma ) stones. With an undivided mind a wise man should worship Viṣṇu.
11. That act which is done with a confused mind is fruitless. Every act depends upon the mind. The three worlds depend upon the mind.
12-16a. Therefore, after making his mind steady he should worship Lakṣmī’s lord. O best brāhmaṇa, he who worships at one place, but whose mind is somewhere else, would not get the fruit of his act even after hundreds of crores of kalpas . He who has become (bodily) pure with effort, and engaged in Viṣṇu’s worship, is taken to be like a cāṇḍāla if he is without the purity of mind. O brāhmaṇa, that penance which is duly performed for a long time, but without devotion, would all be fruitless, and would only purify the body. That gold, (even) as much as the measure of Meru (mountain), which is given without devotion to a brāhmaṇa with family for (securing) beatitude leads to the loss of the desired object.
16b-25a. Therefore, a devotee with a concentrated mind and full of faith and devotion, should give in his house vegetables with a dwelling etc. to Viṣṇu. O best brāhmaṇa, he who offers a very ripe, divine, orange to Viṣṇu is honoured by us. A devotee should devoutly and with effort give a new thing dear to Viṣṇu, to him, the enemy of Mura , in the month of Mārgaśīrṣa. The devotee of Viṣṇu should bathe with divine sugarcane juice (the image of) god Viṣṇu, the lord Śrī Kṛṣṇa , who grants boons, when the month of Pauṣa has come. O best brāhmaṇa, he who bathes (the image of) Viṣṇu with sugarcane juice, enjoys all pleasures here (i.e. in this world) and after death goes to the Ikṣu - sāgara . So also he who would offer the sugarcane as an eatable to Viṣṇu, the god of gods, obtains the same fruit. What is the use of uttering many (more) words? A man by giving rice parched and flattened along with milk or with curd to Viṣṇu, would obtain all desired objects. Having removed the old garment (from Viṣṇu’s image), he should offer him a new (piece of) cloth for keeping off cold, O brāhmaṇa, when the Sun passes from one Zodiacal sign to another. In Pauṣa (when he is in the Puṣya asterism), a man desiring liberation should give to Viṣṇu with Lakṣmī, a seat of ten colours.
25b-31a. O dear, I (shall) tell (you) the fruit of the religious merit of him who, after worshipping the lord of Lakṣmī, would blow a conch. Listen to it. Being freed from all sins like illicit intercourse, he in the end goes to Viṣṇu’s city and rejoices with him. O best brāhmaṇa, I (shall) tell you about the religious merit of him who sounds at the time of (Viṣṇu’s) worship a bell marked with Garuḍa . He, being freed from all sins like eating articles that are prohibited, goes after getting into a charming chariot to Viṣṇu’s abode. Having enjoyed there all desired objects for a period of hundreds of crores of kalpas, he again comes to (i.e. is born on) the earth as a best brāhmaṇa, well-versed in the four Vedas . Having enjoyed there all desired objects for a period of hundreds of crores of kalpas, he again goes to Viṣṇu’s city and obtains excellent liberation.
31b-36a. That man who plays upon the lute at the time of worship of the lord, would become the chief among the learned in every existence. The lord, being pleased with him who beats a tabor at the time of the worship of the enemy of Kaiṭabha , gives him immense fruit. Listen to the religious merit of(i.e. got by) him who beats a small drum shaped like an hourglass, a small drum, or who sounds sweet cymbals, or beats a tabor, a large kettledrum, a large drum, a sindhuvāraka (?), a gong of bell-metal, or claps, or plays upon a lute, at the time of (Viṣṇu’s) worship; being freed from sins like theft, he goes to the abode of the Disc-holder (i.e. Viṣṇu).
36b-37. Getting the highest knowledge (there), he is freed there only. O best brāhmaṇa, I tell (you) about the religious merit of him who would produce sweet sound at the time of the worship of the lord of the world, or would play on the wind-instrument. With crores and crores (members) of his family, he goes to Viṣṇu’s abode.
38-42. Having obtained knowledge, he would obtain inexhaustible liberation there only. O best brāhmaṇa, he who devoutly dances in the temple of Viṣṇu, goes to that highest position of Viṣṇu. He who devoutly sings songs in front (of the image) of Viṣṇu, becomes a king in cities of gandharvas . With that devotee of Viṣṇu, who devoutly praises the lord of the world with hymns of praise, the lord is pleased and gives him all his desired objects. O brāhmaṇa sage, that Viṣṇu soon favours him who would worship Viṣṇu in this manner every month.
43. All those men who desire to cross this mundane ocean which is very deep and which gives all afflictions, should worship the pair of the lotus-like feet of the Supreme Spirit, that is charming and served by the hosts of gods.
Complete chapter-aligned witnesses. Sanskrit Wikisource page 45194, revision 336762 (2022-04-27T03:43:08Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365855.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.