Bhūmi-khaṇḍa · Chapter 9
Sourceकश्यप उवाच- एवं संबोधितस्तत्र आत्मा ध्यानादिकैस्तदा । त्यक्तुकामः स तत्कार्यं पंचात्मकं स बुद्धिमान् १। निमित्तान्येव पश्यैव प्राप्य तांस्तान्प्रयाति सः । विहाय कायं निर्लक्ष्यं पतितं नैव पश्यति २। सहवर्द्धितयोर्नास्ति संबंधः प्राण देहयोः । धनपुत्रकलत्रैश्च संबंधः केन हेतुना ३। एवं ज्ञात्वा शमं गच्छ क्लैब्यं मा भज सुप्रिये । अयमेव परं ब्रह्म अयमेव सनातनः ४। अयमात्मस्वरूपेण दैत्य देवेषु संस्थितः । अयं ब्रह्मा अयं रुद्रो ह्ययं विष्णुः सनातनः ५। अयं सृजति विश्वानि अयं पालयते प्रजाः । संहरत्येष धर्मात्मा धर्मरूपी जनार्दनः ६। अनेनोत्पादिता देवा दानवाश्चैव सुप्रिय । देवाश्चाधर्मनिर्मुक्ता धर्महीनाः सुतास्तव ७। धर्मोयं माधवस्यांगं सर्वदैवैश्च पालितम् । धर्मं च चिंतयेद्देवि धर्मं चैव तु पालयेत् ८। तस्य विष्णुः स धर्मात्मा सर्वदैव प्रसादवान् । धर्मेण वर्तिता देवाः सत्येन तपसा किल ९। येषां विष्णुः प्रसन्नो वै धर्मस्तैरिह पालितः । विष्णोः कायमिदं धर्मं सत्यं हृदयमेव च १०। यस्तौ पालयते नित्यं तस्य विष्णुः प्रसीदति । दूषयेद्यः सत्यधर्मौ पापमेव प्रपालयेत् ११। तस्य विष्णुः प्रकुप्येत नाशयेदतिवीर्यवान् । वैष्णवैः पालितं धर्मं तपः सत्येन संस्थितैः १२। तेषां प्रसन्नो धर्मात्मा रक्षामेवं करोति च । तव पुत्रा दनोः पुत्राः सैंहिकेयास्तथैव च १३। अधर्मेणापि पापेन वर्तिताः पापचेतसः । सूदिता वासुदेवेन समरे चक्रपाणिना १४। योसावात्मा मयोक्तः पूर्वमेव तवाग्रतः । सोयं विष्णुर्न संदेहो धर्मात्मा सर्वपालकः १५। दैत्यकायेषु यः स्वस्थः पापमेव समास्थितः । जघ्निवान्दानवान्देवि स च क्रुद्धो महामतिः १६। स बाह्याभ्यंतरे भूत्वा तव पुत्रा निपातिताः । येन चोत्पादिता देवि तेनैव विनिपातिताः १७। नैषां मोहस्तु कर्तव्यो भवत्या वचनं शृणु । पापेन वर्तते योसौ स एव निधनं व्रजेत् १८। तस्मान्मोहं परित्यज्य सदाधर्मं समाश्रय । दितिरुवाच- एवमस्तु महाभाग करिष्ये वचनं तव १९। कश्यपं च मुनिश्रेष्ठमेवमाभाष्य दुःखिता । संबोधिता सा मुनिना दुःखं संत्यज्य संस्थिता २०।
kaśyapa uvāca- evaṃ saṃbodhitastatra ātmā dhyānādikaistadā | tyaktukāmaḥ sa tatkāryaṃ paṃcātmakaṃ sa buddhimān 1| nimittānyeva paśyaiva prāpya tāṃstānprayāti saḥ | vihāya kāyaṃ nirlakṣyaṃ patitaṃ naiva paśyati 2| sahavarddhitayornāsti saṃbaṃdhaḥ prāṇa dehayoḥ | dhanaputrakalatraiśca saṃbaṃdhaḥ kena hetunā 3| evaṃ jñātvā śamaṃ gaccha klaibyaṃ mā bhaja supriye | ayameva paraṃ brahma ayameva sanātanaḥ 4| ayamātmasvarūpeṇa daitya deveṣu saṃsthitaḥ | ayaṃ brahmā ayaṃ rudro hyayaṃ viṣṇuḥ sanātanaḥ 5| ayaṃ sṛjati viśvāni ayaṃ pālayate prajāḥ | saṃharatyeṣa dharmātmā dharmarūpī janārdanaḥ 6| anenotpāditā devā dānavāścaiva supriya | devāścādharmanirmuktā dharmahīnāḥ sutāstava 7| dharmoyaṃ mādhavasyāṃgaṃ sarvadaivaiśca pālitam | dharmaṃ ca ciṃtayeddevi dharmaṃ caiva tu pālayet 8| tasya viṣṇuḥ sa dharmātmā sarvadaiva prasādavān | dharmeṇa vartitā devāḥ satyena tapasā kila 9| yeṣāṃ viṣṇuḥ prasanno vai dharmastairiha pālitaḥ | viṣṇoḥ kāyamidaṃ dharmaṃ satyaṃ hṛdayameva ca 10| yastau pālayate nityaṃ tasya viṣṇuḥ prasīdati | dūṣayedyaḥ satyadharmau pāpameva prapālayet 11| tasya viṣṇuḥ prakupyeta nāśayedativīryavān | vaiṣṇavaiḥ pālitaṃ dharmaṃ tapaḥ satyena saṃsthitaiḥ 12| teṣāṃ prasanno dharmātmā rakṣāmevaṃ karoti ca | tava putrā danoḥ putrāḥ saiṃhikeyāstathaiva ca 13| adharmeṇāpi pāpena vartitāḥ pāpacetasaḥ | sūditā vāsudevena samare cakrapāṇinā 14| yosāvātmā mayoktaḥ pūrvameva tavāgrataḥ | soyaṃ viṣṇurna saṃdeho dharmātmā sarvapālakaḥ 15| daityakāyeṣu yaḥ svasthaḥ pāpameva samāsthitaḥ | jaghnivāndānavāndevi sa ca kruddho mahāmatiḥ 16| sa bāhyābhyaṃtare bhūtvā tava putrā nipātitāḥ | yena cotpāditā devi tenaiva vinipātitāḥ 17| naiṣāṃ mohastu kartavyo bhavatyā vacanaṃ śṛṇu | pāpena vartate yosau sa eva nidhanaṃ vrajet 18| tasmānmohaṃ parityajya sadādharmaṃ samāśraya | ditiruvāca- evamastu mahābhāga kariṣye vacanaṃ tava 19| kaśyapaṃ ca muniśreṣṭhamevamābhāṣya duḥkhitā | saṃbodhitā sā muninā duḥkhaṃ saṃtyajya saṃsthitā 20|
English translation
Kaśyapa said :
1-2. The intelligent Ātman , thus addressed by Dhyāna and others, desiring to give up the product of the five-natured ones, and finding out motives, abandoning his aimless body, which he did not notice when it fell down, went to them.
3. There is no connection between life and body that were brought up together. For what reason is there a relation with wealth, sons or wife?
4-13a. O you very dear one, realising thus, be calm; do not be weak-minded. He alone is the highest Brahman ; he alone is eternal. This Ātman lives in demons and gods in his own nature. He is Brahmā ; he is Rudra ; he is the eternal Viṣṇu . He creates all things; he protects the beings. This (Ātman) Janārdana (i.e. Viṣṇu), the pious one and of the nature of virtue withdraws (all). O you very dear one, he has created gods and demons. Gods are liberated due to their piety (while) your sons are wanting in piety. This virtue is Viṣṇu’s body, preserved by all gods. O respectable lady, one (i.e. a man) should think about proper conduct and follow proper conduct only. The meritorious Viṣṇu always favours him. Gods always lived with piety, truth and penances. Those, with whom Viṣṇu is pleased, have practised virtue here (i.e. in this world). This proper conduct is the body of Viṣṇu and truth is his heart. Viṣṇu is pleased with him who always practises them. He, who would defile truth and piety would always have sin. The very powerful Viṣṇu would be angry with him and would destroy him. Viṣṇu’s devotees, abiding by truth and penance practised piety. The virtuous one is pleased with them and protects them thus.
13b-14. Your sons, as well as the sons of Danu and Siṃhikā , who were wicked-hearted, and who lived by (i.e. committed) impiety and sins, were killed in battle by Viṣṇu, having the disc in his hand.
15-17. That Ātman whom I formerly described before (i.e. to) you only, is Viṣṇu (himself); there is no doubt about it. He is meritorious and is the guardian of all. He who lived comfortably in the bodies of the demons, resorted to sin only. He, O respectable lady, the highly intelligent one, became angry, and killed the demons. Being within and without he struck down your sons. O respectable lady, they were struck down by him who had created them.
18-19a. You should not have any infatuation for them. Listen (to my words). He who lives sinfu11y, dies (i.e. perishes). Therefore, give up infatuation, and always practise piety.
Diti said :
l9b-20. Let it be so, O glorious one; I shall do as you have told me.
She, who was afflicted, and who was addressed by the sage, gave up her sorrow, after having said these words.
Complete chapter-aligned witnesses. Sanskrit Wikisource page 24185, revision 333736 (2022-03-16T02:03:01Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364216.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.