Uttara-khaṇḍa · Chapter 35
Sourceमहादेव उवाच- अतस्त्वां संप्रवक्ष्यामि उन्मीलनीमनुत्तमाम् । यस्याः श्रवणमात्रेण जन्मसंसारबंधनात् १। पापात्मा मुच्यते पापैः स्वर्गलोके महीयते । देवताः पितरश्चैव तस्या गतिमवाप्नुयुः २। विद्यार्थी लभते विद्यां सर्वकामानवाप्नुयात् । तस्या व्रतान्न संदेहः स्वर्गलोके महीयते ३। स्वस्थानं तत्र वै प्राप्तः शिवलोके महीयते । अतस्त्वं कुरुषे राजन्वैष्णवानां तु पूजनम् ४। वैष्णवानां तु ये राजन्सेवा कुर्वंति नित्यशः । तेषां दंडं च कुरुषे नो वा तेषां नराधिपः ५। भोजनानंतरं तेषां भोजनं कुरुते नृप । तैरेव पूजितो विष्णुर्यैर्भक्त्या तु प्रपूजितः ६। शालग्रामशिलाभूतां दत्त्वा मूर्द्धनि प्रत्यहम् । त्वं धारयसि भूपाल कंठे नित्यं सुभक्तितः ७। धूपशेषं तु वै विष्णोर्भक्त्या भजसि भूपते । आरार्तिकं सदा कृत्वा भक्तानां वेदयेर्नृप ८। शंखोदकं हरेर्मूर्ध्नि भ्रामयित्वा तु भक्तितः । नित्यं बिभर्षि शिरसि शेषं यच्छसि वैष्णवान् ९। नैवेद्यं प्रत्यहं कृत्वा सर्वोपस्करसंयुतम् । विष्वक्सेनाय दत्वा वै स्वयं भुनक्षि वाडव १०। विष्णोर्निवेदितं चान्नं वैष्णवैः सह भुज्यते । नित्यं नामसहस्रेण भक्त्या स्तौषि जनार्दनम् ११। दीपार्घदानं वै विष्णोः कुरुषे गीतनर्तनम् । श्यामांकुरैः पूजयसे पूज्यंते नृपसत्तम १२। श्यामांकुरैः सदा वत्स पूजनं चाति दुर्ल्लभम् । पृथ्वीदानसमं पुण्यं दूर्वया पूजने कृते १३। अतो वै नास्ति लोकेऽस्मिन्दूर्वायाः सदृशं भुवि । तया वै पूजनं कार्यं विष्णुसायुज्यमिच्छता १४। अतस्त्वं कुरुषे नित्यं पूजनं दूर्वया सह । यवाक्षतैर्विशेषेण पूजनं कुरुषेन वा १५। पक्षेपक्षे नृपश्रेष्ठ विधिवद्द्वादशीव्रतम् । यत्कृतं तु महाराज महापापप्रणाशनम् १६। मोक्षदं सुखदं चैव तथायुष्यप्रदं सदा । एतद्विष्णुव्रतं प्रोक्तं वैष्णवानां तु मोक्षदम् १७। गृहस्थानां तु सुखदं यतीनां मुक्तिदायकम् । सर्वरोगादिशमनं पवित्रं कायशोधनम् १८। व्रतमेतच्च कुरुषे नो वा चैव नराधिप । दशमीवेधरहितं कुरुषे जागरान्वितम् १९। तुलसीपत्रनिकरैर्नित्यं पूजयसे हरिम् । गोपीचंदनजं पत्रं भाले वा नृपसत्तम २०। धारितं सर्वलोकानां पवित्रीकरणं नृप । अतस्त्वं च धारयसे गोपीचंदनसंभवम् २१। ब्रह्महा हेमहारी च मद्यपानी तथैव च । अगम्यगो महापापी तथा ह्यनृतभाषितः २२। ते सर्वे मुक्तिमायांति तिलकं धारणादृताः । बिभर्षि कंठे नित्यं त्वं धात्रीफलसमुद्भवाम् २३। मालां मुख्यायुतसमां तुलसीपत्रसंभवाम् । शालग्रामशिलायुक्तां द्वारकायां समुद्भवाम् २४। नित्यं पूजयसे भूप भुक्तिमुक्तिफलप्रदाम् । पद्मसंज्ञं पुराणं वै पठसे पुरतो हरेः २५। चरितं दैत्यराज्यस्य प्रह्लादस्य च भूपते । वासरं वासुदेवस्य सवेधं कुर्वतो नरान् २६। निवारयसि भूपाल शास्त्रं दृष्ट्वा प्रयत्नतः । सवेधं वासरं विष्णोर्यस्मिन्राष्ट्रे प्रवर्तते २७। लिप्यते तेन पापेन राजा भवति नारकी । वेधं चतुर्विधं त्यक्त्वा समुपोष्य हरेर्दिनम् । कुलकोटिं समुद्धृत्य विष्णुलोके महीयते २८। गौतम उवाच- शृणु भूपाल वक्ष्यामि वैष्णवाख्यं महाव्रतम् । यं श्रुत्वा पापिनः सर्वे मुक्तिमायांति तत्क्षणात् २९। द्वादशीसंभवं पुण्यं मया ख्यातं न कस्यचित् ३०। वैष्णवोऽसि महाराज भक्तो भागवते नृणाम् । वैष्णवं तु महागुह्यं तद्व्रतं त्वं निशामय ३१। उन्मीलनी नाम पुरा भक्त्या मे माधवेन तु । कथिता सुप्रसन्नेन तां ते भूप वदाम्यहम् ३२। एकादशी अहोरात्रं प्रभाते घटिका भवेत् । उन्मीलनी तु सा ज्ञेया विशेषेण हरिप्रिया ३३। त्रैलोक्ये यानि तीर्थानि पुण्यान्यायतनानि च । कोट्यंशे नैव तुल्यानि मखा वेदास्तपांसि च ३४। उन्मीलनी समं किंचिन्न भूतं न भविष्यति । प्रयागो न कुरुक्षेत्रं न काशी न च पुष्करः ३५। शैलो हिमाचलो नैव न मेरुर्गंधमादनः । शैलो न नीलनिषधो न विंध्यो नैव नैमिषम् ३६। गोदावरी न कावेरी चंद्रभागा न वेदिका । न तापी न पयोष्णी च न क्षिप्रा नैव चंदना ३७। चर्मण्वती च सरयूश्चंद्रभागा न गंडिका । गोमती च विपाशा च शोणाख्यश्च महानदः ३८। किमत्र बहुनोक्तेन भूयोभूयो नराधिप । उन्मीलनीसमं किंचिन्न देवः केशवात्परः ३९। उन्मीलनीमनु प्राप्य यैः कृतं केशवार्चनम् । पापचक्रसमूहस्य राशयः पतिताः क्षणात् ४०। यस्मिन्मासे महीपाल तिथिरुन्मीलनी भवेत् । तन्मासनाम्ना गोविंदः पूजनीयः प्रयत्नतः ४१। जातरूपमयः कार्यं मासनाम्ना तु माधवः । स्वशक्त्या विश्वरूपस्तु श्रद्धाभक्तिसमन्वितः ४२। पवित्रोदकसंयुक्तं पंचरत्नसमन्वितम् । गंधपुष्पाक्षतैर्युक्तं कुंभं स्रग्दामभूषितम् ४३। पात्रं च सोदकं कार्यं गोधूमैश्चापि पूरितम् । नानारत्नैश्च संयुक्तं नानागंधैः प्रपूजितम् ४४। मल्लिकामोदसंयुक्तं जातीपुष्पैः प्रपूजितम् । श्वेताख्यैस्तंदुलैश्चैव पूरणीयः प्रयत्नतः ४५। प्रदद्याद्वस्त्रयुग्मं तु उपवीतं तु सोत्तरम् । उपानहौ तु राजर्षे आतपत्रं शिरोपरि ४६। भोजनं जलपात्रं च सप्तधान्यं तिलैः सह । रूप्यं चैव तु कार्पासं पायसं मुद्रिका हरेः ४७। धेनुर्वात्र तु दातव्या वत्सालंकारसंयुता । सुवर्णशृंगी रौप्यखुरी ताम्रपृष्ठी तथैव च ४८। कांस्यदोहीं रत्नपुच्छीं दद्याद्वै गुरवे तदा । शय्यां सोपस्करां दद्यात्साधवे भक्तिपूर्वकम् ४९। धूपं दीपं तु नैवेद्यं फलपत्रं निवेदयेत् । पूजनीयो महाभक्तैर्मंत्रैरेभिस्तु केशवः 6.35.५०। तुलसीपत्रसंयुक्तैः पुष्पैः कालोद्भवैस्तथा । मासनाम्नैव चरणौ जानुनी विष्णुरूपिणे ५१। गुह्ये तु गुह्यपतये कटे वै पीतवाससे । ब्रह्ममूर्तिभृते नाभावुदरे विश्वयोनये ५२। हृदये ज्ञानगम्याय कंठे वैकुंठमूर्तये । ऊर्द्ध्वगाय ललाटे तु बाहौ दक्षांतकारिणे ५३। उत्तमांगे सुरेशाय सर्वांगे सर्वमूर्तये । स्वनाम्ना चायुधादीनि पूजनीयानि भक्तितः ५४। अर्घदानं प्रकर्तव्यं नालिकेरादिभिः समम् । शंखोपरि जले कृत्वा गंधपुष्पाक्षतान्वितम् ५५। सूत्रेणावेष्टितं कृत्वा दद्यादर्घं विधानतः । देवदेव महादेव श्रीकेशव जनार्दन ५६। सुब्रह्मण्य नमस्तेऽस्तु पुण्यराशिविवर्धन । शोकमोहमहापापान्मामुद्धर भवार्णवात् ५७। सुकृतं न कृतं किचिज्जन्मकोटिशतैरपि । तथापि मां महास्वामिन्मामुद्धर भवार्णवात् ५८। व्रतेनानेन देवेश ये चान्ये मम पूर्वजाः । वियोनिं च गताश्चान्ये पापमृत्युवशं गताः ५९। ये भविष्यंति येऽतीताः प्रेतलोकान्समुद्धर । श्रांतोस्म्यहमधीनस्य भक्तिरव्यभिचारिणी ६०। दत्तमर्घं मया तुभ्यं भक्त्या गृह्ण गदाधर । दत्वार्घं धूपदीपाद्यैर्नैवेद्यैर्विष्णुसंभवैः ६१। स्तोत्रैर्नीराजनैर्गीतैर्भृत्यैः संतोषयेद्धरिम् । वस्त्रैर्दानैश्च गोदानैर्भोजनैस्तोषयेद्गुरुम् ६२। तथातथा विधातव्यं गुरुर्वै प्रीतिमाप्नुयात् । लोकानां तारणार्थाय धात्रा सृष्टो गुरुर्यतः ६३। अतो वै गुरुपूजा च कर्त्तव्या वै प्रयत्नतः । अहितं यो नाशयति स्वहितं दर्शयेत्सदा ६४। स गुरुः स च विज्ञेयः सर्वधर्मार्थकोविदः । अकुर्वन्वित्तशाठ्यं तु गुरवे तं निवेदयेत् ६५। गुरोर्निवेदिते भूप परिपूर्णं भवेद्व्रतम् । कृत्वा दिवातनं कर्म भोजनं ब्राह्मणैः सह ६६। कर्त्तव्यं नृपशार्दूल दिनं नेयं कथानकैः । अनेन विधिना यस्तु कुर्यादुन्मीलनीव्रतम् ६७। कल्पकोटिसहस्राणि वसते विष्णुसन्निधौ ६८। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमापतिनारदसंवादे उन्मीलनीव्रतंनाम पंचत्रिंशोऽध्यायः ३५।
mahādeva uvāca- atastvāṃ saṃpravakṣyāmi unmīlanīmanuttamām | yasyāḥ śravaṇamātreṇa janmasaṃsārabaṃdhanāt 1| pāpātmā mucyate pāpaiḥ svargaloke mahīyate | devatāḥ pitaraścaiva tasyā gatimavāpnuyuḥ 2| vidyārthī labhate vidyāṃ sarvakāmānavāpnuyāt | tasyā vratānna saṃdehaḥ svargaloke mahīyate 3| svasthānaṃ tatra vai prāptaḥ śivaloke mahīyate | atastvaṃ kuruṣe rājanvaiṣṇavānāṃ tu pūjanam 4| vaiṣṇavānāṃ tu ye rājansevā kurvaṃti nityaśaḥ | teṣāṃ daṃḍaṃ ca kuruṣe no vā teṣāṃ narādhipaḥ 5| bhojanānaṃtaraṃ teṣāṃ bhojanaṃ kurute nṛpa | taireva pūjito viṣṇuryairbhaktyā tu prapūjitaḥ 6| śālagrāmaśilābhūtāṃ dattvā mūrddhani pratyaham | tvaṃ dhārayasi bhūpāla kaṃṭhe nityaṃ subhaktitaḥ 7| dhūpaśeṣaṃ tu vai viṣṇorbhaktyā bhajasi bhūpate | ārārtikaṃ sadā kṛtvā bhaktānāṃ vedayernṛpa 8| śaṃkhodakaṃ harermūrdhni bhrāmayitvā tu bhaktitaḥ | nityaṃ bibharṣi śirasi śeṣaṃ yacchasi vaiṣṇavān 9| naivedyaṃ pratyahaṃ kṛtvā sarvopaskarasaṃyutam | viṣvaksenāya datvā vai svayaṃ bhunakṣi vāḍava 10| viṣṇorniveditaṃ cānnaṃ vaiṣṇavaiḥ saha bhujyate | nityaṃ nāmasahasreṇa bhaktyā stauṣi janārdanam 11| dīpārghadānaṃ vai viṣṇoḥ kuruṣe gītanartanam | śyāmāṃkuraiḥ pūjayase pūjyaṃte nṛpasattama 12| śyāmāṃkuraiḥ sadā vatsa pūjanaṃ cāti durllabham | pṛthvīdānasamaṃ puṇyaṃ dūrvayā pūjane kṛte 13| ato vai nāsti loke'smindūrvāyāḥ sadṛśaṃ bhuvi | tayā vai pūjanaṃ kāryaṃ viṣṇusāyujyamicchatā 14| atastvaṃ kuruṣe nityaṃ pūjanaṃ dūrvayā saha | yavākṣatairviśeṣeṇa pūjanaṃ kuruṣena vā 15| pakṣepakṣe nṛpaśreṣṭha vidhivaddvādaśīvratam | yatkṛtaṃ tu mahārāja mahāpāpapraṇāśanam 16| mokṣadaṃ sukhadaṃ caiva tathāyuṣyapradaṃ sadā | etadviṣṇuvrataṃ proktaṃ vaiṣṇavānāṃ tu mokṣadam 17| gṛhasthānāṃ tu sukhadaṃ yatīnāṃ muktidāyakam | sarvarogādiśamanaṃ pavitraṃ kāyaśodhanam 18| vratametacca kuruṣe no vā caiva narādhipa | daśamīvedharahitaṃ kuruṣe jāgarānvitam 19| tulasīpatranikarairnityaṃ pūjayase harim | gopīcaṃdanajaṃ patraṃ bhāle vā nṛpasattama 20| dhāritaṃ sarvalokānāṃ pavitrīkaraṇaṃ nṛpa | atastvaṃ ca dhārayase gopīcaṃdanasaṃbhavam 21| brahmahā hemahārī ca madyapānī tathaiva ca | agamyago mahāpāpī tathā hyanṛtabhāṣitaḥ 22| te sarve muktimāyāṃti tilakaṃ dhāraṇādṛtāḥ | bibharṣi kaṃṭhe nityaṃ tvaṃ dhātrīphalasamudbhavām 23| mālāṃ mukhyāyutasamāṃ tulasīpatrasaṃbhavām | śālagrāmaśilāyuktāṃ dvārakāyāṃ samudbhavām 24| nityaṃ pūjayase bhūpa bhuktimuktiphalapradām | padmasaṃjñaṃ purāṇaṃ vai paṭhase purato hareḥ 25| caritaṃ daityarājyasya prahlādasya ca bhūpate | vāsaraṃ vāsudevasya savedhaṃ kurvato narān 26| nivārayasi bhūpāla śāstraṃ dṛṣṭvā prayatnataḥ | savedhaṃ vāsaraṃ viṣṇoryasminrāṣṭre pravartate 27| lipyate tena pāpena rājā bhavati nārakī | vedhaṃ caturvidhaṃ tyaktvā samupoṣya harerdinam | kulakoṭiṃ samuddhṛtya viṣṇuloke mahīyate 28| gautama uvāca- śṛṇu bhūpāla vakṣyāmi vaiṣṇavākhyaṃ mahāvratam | yaṃ śrutvā pāpinaḥ sarve muktimāyāṃti tatkṣaṇāt 29| dvādaśīsaṃbhavaṃ puṇyaṃ mayā khyātaṃ na kasyacit 30| vaiṣṇavo'si mahārāja bhakto bhāgavate nṛṇām | vaiṣṇavaṃ tu mahāguhyaṃ tadvrataṃ tvaṃ niśāmaya 31| unmīlanī nāma purā bhaktyā me mādhavena tu | kathitā suprasannena tāṃ te bhūpa vadāmyaham 32| ekādaśī ahorātraṃ prabhāte ghaṭikā bhavet | unmīlanī tu sā jñeyā viśeṣeṇa haripriyā 33| trailokye yāni tīrthāni puṇyānyāyatanāni ca | koṭyaṃśe naiva tulyāni makhā vedāstapāṃsi ca 34| unmīlanī samaṃ kiṃcinna bhūtaṃ na bhaviṣyati | prayāgo na kurukṣetraṃ na kāśī na ca puṣkaraḥ 35| śailo himācalo naiva na merurgaṃdhamādanaḥ | śailo na nīlaniṣadho na viṃdhyo naiva naimiṣam 36| godāvarī na kāverī caṃdrabhāgā na vedikā | na tāpī na payoṣṇī ca na kṣiprā naiva caṃdanā 37| carmaṇvatī ca sarayūścaṃdrabhāgā na gaṃḍikā | gomatī ca vipāśā ca śoṇākhyaśca mahānadaḥ 38| kimatra bahunoktena bhūyobhūyo narādhipa | unmīlanīsamaṃ kiṃcinna devaḥ keśavātparaḥ 39| unmīlanīmanu prāpya yaiḥ kṛtaṃ keśavārcanam | pāpacakrasamūhasya rāśayaḥ patitāḥ kṣaṇāt 40| yasminmāse mahīpāla tithirunmīlanī bhavet | tanmāsanāmnā goviṃdaḥ pūjanīyaḥ prayatnataḥ 41| jātarūpamayaḥ kāryaṃ māsanāmnā tu mādhavaḥ | svaśaktyā viśvarūpastu śraddhābhaktisamanvitaḥ 42| pavitrodakasaṃyuktaṃ paṃcaratnasamanvitam | gaṃdhapuṣpākṣatairyuktaṃ kuṃbhaṃ sragdāmabhūṣitam 43| pātraṃ ca sodakaṃ kāryaṃ godhūmaiścāpi pūritam | nānāratnaiśca saṃyuktaṃ nānāgaṃdhaiḥ prapūjitam 44| mallikāmodasaṃyuktaṃ jātīpuṣpaiḥ prapūjitam | śvetākhyaistaṃdulaiścaiva pūraṇīyaḥ prayatnataḥ 45| pradadyādvastrayugmaṃ tu upavītaṃ tu sottaram | upānahau tu rājarṣe ātapatraṃ śiropari 46| bhojanaṃ jalapātraṃ ca saptadhānyaṃ tilaiḥ saha | rūpyaṃ caiva tu kārpāsaṃ pāyasaṃ mudrikā hareḥ 47| dhenurvātra tu dātavyā vatsālaṃkārasaṃyutā | suvarṇaśṛṃgī raupyakhurī tāmrapṛṣṭhī tathaiva ca 48| kāṃsyadohīṃ ratnapucchīṃ dadyādvai gurave tadā | śayyāṃ sopaskarāṃ dadyātsādhave bhaktipūrvakam 49| dhūpaṃ dīpaṃ tu naivedyaṃ phalapatraṃ nivedayet | pūjanīyo mahābhaktairmaṃtrairebhistu keśavaḥ 6.35.50| tulasīpatrasaṃyuktaiḥ puṣpaiḥ kālodbhavaistathā | māsanāmnaiva caraṇau jānunī viṣṇurūpiṇe 51| guhye tu guhyapataye kaṭe vai pītavāsase | brahmamūrtibhṛte nābhāvudare viśvayonaye 52| hṛdaye jñānagamyāya kaṃṭhe vaikuṃṭhamūrtaye | ūrddhvagāya lalāṭe tu bāhau dakṣāṃtakāriṇe 53| uttamāṃge sureśāya sarvāṃge sarvamūrtaye | svanāmnā cāyudhādīni pūjanīyāni bhaktitaḥ 54| arghadānaṃ prakartavyaṃ nālikerādibhiḥ samam | śaṃkhopari jale kṛtvā gaṃdhapuṣpākṣatānvitam 55| sūtreṇāveṣṭitaṃ kṛtvā dadyādarghaṃ vidhānataḥ | devadeva mahādeva śrīkeśava janārdana 56| subrahmaṇya namaste'stu puṇyarāśivivardhana | śokamohamahāpāpānmāmuddhara bhavārṇavāt 57| sukṛtaṃ na kṛtaṃ kicijjanmakoṭiśatairapi | tathāpi māṃ mahāsvāminmāmuddhara bhavārṇavāt 58| vratenānena deveśa ye cānye mama pūrvajāḥ | viyoniṃ ca gatāścānye pāpamṛtyuvaśaṃ gatāḥ 59| ye bhaviṣyaṃti ye'tītāḥ pretalokānsamuddhara | śrāṃtosmyahamadhīnasya bhaktiravyabhicāriṇī 60| dattamarghaṃ mayā tubhyaṃ bhaktyā gṛhṇa gadādhara | datvārghaṃ dhūpadīpādyairnaivedyairviṣṇusaṃbhavaiḥ 61| stotrairnīrājanairgītairbhṛtyaiḥ saṃtoṣayeddharim | vastrairdānaiśca godānairbhojanaistoṣayedgurum 62| tathātathā vidhātavyaṃ gururvai prītimāpnuyāt | lokānāṃ tāraṇārthāya dhātrā sṛṣṭo gururyataḥ 63| ato vai gurupūjā ca karttavyā vai prayatnataḥ | ahitaṃ yo nāśayati svahitaṃ darśayetsadā 64| sa guruḥ sa ca vijñeyaḥ sarvadharmārthakovidaḥ | akurvanvittaśāṭhyaṃ tu gurave taṃ nivedayet 65| gurornivedite bhūpa paripūrṇaṃ bhavedvratam | kṛtvā divātanaṃ karma bhojanaṃ brāhmaṇaiḥ saha 66| karttavyaṃ nṛpaśārdūla dinaṃ neyaṃ kathānakaiḥ | anena vidhinā yastu kuryādunmīlanīvratam 67| kalpakoṭisahasrāṇi vasate viṣṇusannidhau 68| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāpatināradasaṃvāde unmīlanīvrataṃnāma paṃcatriṃśo'dhyāyaḥ 35|
English translation
Mahādeva said :
1-9. Hereafter I shall narrate to you the excellent (vow of) the Unmīlanī ( Ekādaśī ), having just heard about which a man is free from the bondage of the worldly existence. A sinner is free from his sins and is honoured in heaven. His deities and manes would obtain a good position. A student gets knowledge and would have all his desires (fulfilled) by means of the vow of that (Ekādaśī). There is no doubt about that. He is honoured in heaven. There only he secures his position, and is honoured in the world of Śiva (also). Therefore, O king, do honour the devotees of Viṣṇu . O king, those who always serve the devotees of Viṣṇu (obtain good position). Do not punish them. O king, a king takes food after they have taken it. They alone have worshipped Viṣṇu who have devoutly honoured (Viṣṇu’s devotees). O king, having daily held the Śālagrāma stone on the head, every day very devoutly wear it round your neck. O king, devoutly partake of the remnant of the incense of (i.e. offered to) Viṣṇu. O king, you always inform the devotees on waving the light before the idol. Having devoutly turned water from the conch round the head of (the idol of) Viṣṇu, you bear it on your head and the remaining you give to Viṣṇu’s devotees.
10-17a. O brāhmaṇa , having every day offered eatables with all ingredients (to Viṣṇu) you eat them. Food offered to Viṣṇu is eaten along with (i.e. in the company of) Viṣṇu’s devotees. Every day devoutly praise him with (the hymn containing) his thousand names. Offer a light and respectful offering and sing and dance. O best king, worship him deserving worship with śyāmā shoots. O child, it is very difficult (to get an opportunity) to worship (the deity) with śyāmā shoots. The religious merit due to the worship performed with dūrvā sprouts is equal to (the one obtained by) the gift of the earth. Therefore, in this world, on this earth, there is nothing like dūrvā. He who desires absorption into Viṣṇu should worship (Viṣṇu) with dūrvā. You may not worship (him) especially with barley (grains) or sacred rice grains, O best king. Dvādaśī-vow which is observed in every fortnight destroys great sins, O great king. It always gives salvation, happiness and also (long) life.
17b-25a. This vow (in honour) of Viṣṇu is said to give salvation to Viṣṇu’s devotees. It gives happiness to the. householders and salvation to the ascetics. It cures all diseases etc., it is pure and it purifies the body. O king, do not observe it merely by words. Observe the tenth without penetration by another day and by keeping awake. Worship Viṣṇu every day with heaps of Tulasī -leaves, O best king. The gopīcandana leaf (i.e. a mark) put on the head purifies all the people, O best king. Therefore, put it made from gopīcandana (on your head). All those who have applied the mark—the killer of a brāhmaṇa, he who has stolen gold, a drunkard, he who has approached one (i.e. a woman) who should not be approached, and he who has told lies—obtain salvation. Put around your neck a garland—pre-eminent, disjoined and even—garland made of Dhātrī -fruits and of Tulasī-leaves. You worship it daily with the Śālagrāma stone having come up in Dvārakā . It gives the fruit of enjoyment and salvation.
25b-28. You read before Viṣṇu the Purāṇa called Padma , so also the account of Prahrāda, king of demons. O King, noting carefully the sacred texts, you keep away those men who observe the day (in honour) of Viṣṇu along with the proximate day. The king in that country in which the day (in honour) of Viṣṇu is observed along with its proximate day is smeared with sin and becomes a resident of hell. Abandoning the proximate (day) of four kinds and having observed a fast on the day of (i.e. sacred to) Viṣṇu, a man, after having emancipated a crore (members of) his family, is honoured in Viṣṇu’s heaven.
Gautama said :
29-32a. O king, listen to the great vow called Vaiṣṇava , hearing which all sinners obtain salvation just at that moment. I have not told anyone (else) the religious merit due to Dvādaśī. O great king, you are a devotee of Viṣṇu and a follower of Viṣṇu among men. (Therefore) listen to that very secret vow (in honour) of Viṣṇu. Formerly, due to my devotion Viṣṇu who was very much pleased, told me about (the vow called) Unmīlanī.
32b-38. O king, I shall tell you (about) it. That day on which the Ekādaśī lasts for the day and night and for a ghaṭikā on the next day, should be known as Unmīlanī, and it is especially dear to Viṣṇu. All the holy places and sacred places that are there in the three worlds can be compared only with a croreth part of the merit of Unmīlanī, so also sacrifices and austerities. There was nothing and will be nothing like Unmīlanī. (Even) Prayāga , Kurukṣetra , Puṣkara , the mountains Himālaya , Meru , Gandhamādana , Nīla , Niṣadha , Vindhya , (the forest) Naimiṣa , (the rivers) Godāvarī , Kāverī , Candrabhāgā , Vedikā , Tāpī , Payoṣṇī , Kṣiprā , Candanā , Carmaṇvatī , Sarayū , Candrabhāgā, Gaṇḍikā , Gomatī , Vipāśā , and the great river called Śoṇa , are not like Unmīlanī.
39-50. O King, what is the use of saying (these things) again and again? There is nothing superior to Unmīlanī, and none greater than Viṣṇu. The heaps of the groups of sins of those who have, on obtaining the Unmīlanī (day), worshipped Viṣṇu, fall at that moment only. O king, Viṣṇu should be carefully worshipped with the name of that month in which Unmīlanī day would fall. A silver (image of) Viṣṇu, giving it the name of the month, and of a universal form, should be fashioned according to one’s capacity and with faith and devotion. A pitcher should be made (ready) containing pure water, and five jewels, and sandal, flowers and sacred grains, and adorned with a chaplet and a garland. A vessel should be made (ready) containing water and filled with wheat, with many gems and adored with many kinds of sandal, with the fragrance of jasmine flowers and adored with jasmine flowers. It should be carefully filled with rice called śveta . O royal sage, he should give (to a brāhmaṇa) a pair of garments, a sacred thread with an upper garment, a pair of shoes, and an umbrella (to be held) over his head. (So also he should give) food, a water-pot, seven kinds of corn along with sesamum-seeds, (also) silver, cotton , sweetened milk, and the image of Viṣṇu. Or a cow along with her calf and ornaments, and having golden horns, silver hoops and red back should be given. Or he should give the representation of a cow having bell metal udders and a jewelled tail, to his preceptor. He should devoutly give a furnished bed to a good (brāhmaṇa). He should offer incense, lamp, articles of food, fruits, leaves to the deity.
51-56a. The great devotees should worship Viṣṇu with Tulasī-leaves and seasonal flowers, and with the hymn. (He should touch his) feet, with (i.e. uttering) the name of the month. (He should touch his) knees (saying ‘My homage) to him of the form of Viṣṇu’. (He should touch his) private parts (saying ‘My homage) to Guhyapati (i.e. the lord of secrets)’. (He should touch his) waist (saying ‘My homage) to Pītavāsas’ (i.e. to him who has put on a yellow garment)’. (He should touch his) navel (saying ‘My homage) to Brahmamūrtibhṛt (i.e. one who holds Brahmā ’s form)’. (He should touch his) belly (saying ‘My homage) to Viśvayoni (i.e. the source of all)’. (He should touch his) heart (saying ‘My homage) to Jñānagamya (i.e. to him who is reached through knowledge)’. (He should touch his) throat (saying ‘My homage) to Vaikuṇṭhamūrti (i.e. to him of the form of Vaikuṇṭha )’. (He should touch his) forehead (saying ‘My homage) to Ūrdhvaga (i.e. to him who goes up)’. (He should touch his arm (saying ‘My homage) to Dakṣāntakārin (i.e. to him who destroyed Dakṣa )’. (He should touch his) head (saying, ‘My homage) to Sureśa (i.e. the lord of gods)’. He should touch his) entire body (saying ‘My homage) to Sarvamūrti (i.e. to the universal form)’. With (i.e. uttering) his name he should devoutly worship all (Viṣṇu’s) weapons. With coconuts etc. he should offer an oblation. He should make a respectful offering after putting water over the conch, after wrapping it with a thread, and with sandal, flowers and sacred grains.
56b-62a. (He should say): ‘O Devadeva (i.e. god of gods), O Mahādeva (i.e. great god), O Śrī Keśava , Janārdana , Subrahmaṇya , my salutation to you who increase the heap of religious merit. Emancipate me from the ocean of the mundane existenee full of grief, infatuation and great sin. I have not done any good deed even during hundreds of crores of existences. Yet, O great master, emancipate me from the ocean of the worldly existence. O lord of gods, by means of this vow emancipate my ancestors who have gone to evil stocks, who have been overpowered by sinful death, or those who will be or who were born from the world of the goblins. I am tired. The devotion of me who am dependent on you is faithful. I have devoutly made a respectful offering (to you). O Gadādhara , (please) accept it’. Having made a respectful offering with incense, lamp etc. due to Viṣṇu, he should please Viṣṇu with hymns of praise, by waving light in front (of his image), songs and dances.
62b-68. He should please his teacher with (gifts of) garments, (other) gifts, gifts of cows and meals. He should do (these)in such a way as the preceptor would be pleased; since the Creator has created the preceptor for emancipating the people, he should carefully honour the preceptor. He who always destroys what is harmful and shows what is beneficial and he who knows all righteous acts and worldly prosperity should be known to be the preceptor. Without practising guile about wealth he should present it to the preceptor. O king, it becomes complete on its being presented to the preceptor. O best king, having done the daily duty he should take food in the company of brāhmaṇas . He should pass the day in (telling or listening to) stories (about Viṣṇu). He who observes the Unmīlanī-vow in this manner, lives near Viṣṇu for thousands of crores of kalpas .
Complete chapter-aligned witnesses. Sanskrit Wikisource page 44614, revision 336358 (2022-04-21T09:18:59Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365612.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.