Bhūmi-khaṇḍa · Chapter 84
Sourceसुकर्मोवाच- एतत्ते सर्वमाख्यातं चरित्रं पापनाशनम् । पुत्राणां तारकं दिव्यं बहुपुण्यप्रदायकम् १। प्रत्यक्षं दृश्यते लोके ययातिचरितं श्रुतम् । पूरुणाप्तं महद्राज्यं दुर्गतिं गतवांस्तुरुः २। पितृप्रसादात्कोपाच्च यथा जातं तथा पुनः । पुत्राणां तारकं पुण्यं यशस्यं धनधान्यदम् ३। शापयुक्ताविमौ चोभौ तुरुश्च यदुरेव च । पितृमातृसमं नास्ति अभीष्टफलदायकम् ४। साभिलाषेण भावेन पिता पुत्रं समाह्वयेत् । माता च पुत्रपुत्रेति तस्य पुण्यफलं शृणु ५। समाहूतो यथा पुत्रः प्रयाति मातरं प्रति । यो याति हर्षसंयुक्तो गंगास्नानफलं लभेत् ६। पादप्रक्षालनं यस्तु कुरुते च महायशाः । सर्वतीर्थफलं भुंक्ते प्रसादात्तु तयोः सुतः ७। अंगसंवाहनाच्चान्यदश्वमेधफलं लभेत् । भोजनाच्छादनस्नानैर्गुरुं यः पोषयेत्सुतः ८। पृथ्वीदानसमं पुण्यं तत्पुत्रे हि प्रजायते । सर्वतीर्थमयी गंगा तथा माता न संशयः ९। बहुपुण्यमयः सिंधुर्यथा लोके प्रतिष्ठितः । अस्मिल्लोँके पिता तद्वत्पुराणकवयो विदुः १०। सुकर्मोवाच- भ्रंशते क्रोशते यस्तु पितरं मातरं पुनः । स पुत्रो नरकं याति रौरवाख्यं न संशयः ११। मातरं पितरं वृद्धौ गृहस्थो यो न पोषयेत् । स पुत्रो नरकं याति वेदनां प्राप्नुयाद्ध्रुवम् १२। कुत्सते पापकर्ता यो गुरुं पुत्रः सुदुर्मतिः । निष्कृतिर्नैव दृष्टा वै पुराणैः कविभिः कदा १३। एवंज्ञात्वाह्यहंविप्रपूजयामिदिनेदिने । मातरं पितरं नित्यं भक्त्या नमितकंधरः १४। कृत्याकृत्यं वदेच्चैव समाहूय गुरुर्मम । तत्करोम्यविचारेण शक्त्या स्वस्य च पिप्पल १५। तेन मे परमं ज्ञानं संजातं गतिदायकम् । एतयोश्च प्रसादेन संसारे परिवर्तते १६। यच्चकिंचित्प्रकुर्वंति मानवा भुवि संस्थिताः । गृहस्थस्तदहं जाने यच्च स्वर्गे प्रवर्तते १७। नागानां च इहस्थोपि चारं जानामि पिप्पल । एतयोश्च प्रसादाच्च त्रैलोक्यं मम वश्यताम् १८। गतं विद्याधरश्रेष्ठ भवानर्चतु माधवम् । विष्णुरुवाच- एवं संचोदितस्तेन पिप्पलो हि स्वकर्मणा १९। आनम्य तं द्विजश्रेष्ठं लज्जितोऽपि दिवं ययौ । सुकर्मासोऽपि धर्मात्मा गुरुं शुश्रूषते नृप २०। एतत्ते सर्वमाख्यातं पितृतीर्थानुगं मया । अन्यत्किं ते प्रवक्ष्यामि वद वेन महामते २१। इति श्रीपद्मपुराणे भूमिखंडेवेनोपाख्याने मातापितृतीर्थमाहात्म्यवर्णनंनाम चतुरशीतितमोऽध्यायः ८४।
sukarmovāca- etatte sarvamākhyātaṃ caritraṃ pāpanāśanam | putrāṇāṃ tārakaṃ divyaṃ bahupuṇyapradāyakam 1| pratyakṣaṃ dṛśyate loke yayāticaritaṃ śrutam | pūruṇāptaṃ mahadrājyaṃ durgatiṃ gatavāṃsturuḥ 2| pitṛprasādātkopācca yathā jātaṃ tathā punaḥ | putrāṇāṃ tārakaṃ puṇyaṃ yaśasyaṃ dhanadhānyadam 3| śāpayuktāvimau cobhau turuśca yadureva ca | pitṛmātṛsamaṃ nāsti abhīṣṭaphaladāyakam 4| sābhilāṣeṇa bhāvena pitā putraṃ samāhvayet | mātā ca putraputreti tasya puṇyaphalaṃ śṛṇu 5| samāhūto yathā putraḥ prayāti mātaraṃ prati | yo yāti harṣasaṃyukto gaṃgāsnānaphalaṃ labhet 6| pādaprakṣālanaṃ yastu kurute ca mahāyaśāḥ | sarvatīrthaphalaṃ bhuṃkte prasādāttu tayoḥ sutaḥ 7| aṃgasaṃvāhanāccānyadaśvamedhaphalaṃ labhet | bhojanācchādanasnānairguruṃ yaḥ poṣayetsutaḥ 8| pṛthvīdānasamaṃ puṇyaṃ tatputre hi prajāyate | sarvatīrthamayī gaṃgā tathā mātā na saṃśayaḥ 9| bahupuṇyamayaḥ siṃdhuryathā loke pratiṣṭhitaḥ | asmillo~ke pitā tadvatpurāṇakavayo viduḥ 10| sukarmovāca- bhraṃśate krośate yastu pitaraṃ mātaraṃ punaḥ | sa putro narakaṃ yāti rauravākhyaṃ na saṃśayaḥ 11| mātaraṃ pitaraṃ vṛddhau gṛhastho yo na poṣayet | sa putro narakaṃ yāti vedanāṃ prāpnuyāddhruvam 12| kutsate pāpakartā yo guruṃ putraḥ sudurmatiḥ | niṣkṛtirnaiva dṛṣṭā vai purāṇaiḥ kavibhiḥ kadā 13| evaṃjñātvāhyahaṃviprapūjayāmidinedine | mātaraṃ pitaraṃ nityaṃ bhaktyā namitakaṃdharaḥ 14| kṛtyākṛtyaṃ vadeccaiva samāhūya gururmama | tatkaromyavicāreṇa śaktyā svasya ca pippala 15| tena me paramaṃ jñānaṃ saṃjātaṃ gatidāyakam | etayośca prasādena saṃsāre parivartate 16| yaccakiṃcitprakurvaṃti mānavā bhuvi saṃsthitāḥ | gṛhasthastadahaṃ jāne yacca svarge pravartate 17| nāgānāṃ ca ihasthopi cāraṃ jānāmi pippala | etayośca prasādācca trailokyaṃ mama vaśyatām 18| gataṃ vidyādharaśreṣṭha bhavānarcatu mādhavam | viṣṇuruvāca- evaṃ saṃcoditastena pippalo hi svakarmaṇā 19| ānamya taṃ dvijaśreṣṭhaṃ lajjito'pi divaṃ yayau | sukarmāso'pi dharmātmā guruṃ śuśrūṣate nṛpa 20| etatte sarvamākhyātaṃ pitṛtīrthānugaṃ mayā | anyatkiṃ te pravakṣyāmi vada vena mahāmate 21| iti śrīpadmapurāṇe bhūmikhaṃḍevenopākhyāne mātāpitṛtīrthamāhātmyavarṇanaṃnāma caturaśītitamo'dhyāyaḥ 84|
English translation
Sukarman said :
1-10. I have narrated to you this entire account, which removes sins, which emancipates sons, which is divine, and which gives great religious merit. The well-known deeds of Yayāti are actually seen in the world. Pūru obtained the great kingdom as it was brought into existence, and Turu was reduced to a bad plight, due (respectively) to the father’s favour and anger. It emancipates sons, gives glory and wealth and grains. Both Turu and Yadu were under the influence of a curse. There is no other giver of desirable fruits like the father or the mother. A father may call his son through love, and a mother (may call him saying:) ‘O son, O son.’ Listen to its meritorious fruit. When a son, who is called by his mother, goes to her with affection, he would get the fruit of having bathed in the Ganges . A very glorious son, who would wash the feet (of his parents) enjoys, through their grace, the fruit of (having visited) all the sacred places; and by shampooing their bodies he would obtain the fruit of a horse-sacrifice. In that son, who would nourish his father (and mother) with food, covering, and bath, merit equal to that obtained by the gift of the earth is produced. The Ganges is full of (the merit of) all sacred places. A mother is like that (only). There is no doubt about it. The ancient poets know that as the ocean is established as full of much merit, similarly is the father in this world.
Sukarman said :
11-19a. That son, who abandons or yells at his father or mother, undoubtedly goes to the hell called Raurava . That son, who, being a householder, does not support his old mother or father, goes to hell and would certainly meet with agony. For a wicked-minded and sinful son, who abuses his father (or mother), the ancient poets have never known any requital. O brāhmaṇa , knowing thus I am everyday worshipping devoutly and with my neck (i.e. head) bent my mother and father. My father, calling me, would tell me what ought and what ought not to be done. I do it with discrimination and according to my strength, O Pippala . Due to that I have obtained the highest knowledge giving me happiness. A man lives in the mundane existence due to the favour of these two (i.e. the parents). I know whatever men remaining on the earth do and when a householder proceeds to heaven. O Pippala, even while being here I know the movement of cruel persons. O best of the Vidyādharas , the three worlds have come under my sway. You should (please) worship Mādhava (i.e. Viṣṇu ).
Viṣṇu said :
19b-21. Pippala, thus directed by him, having bowed down to the best brāhmaṇa, and also being ashamed, went to heaven in accordance with (the fruit of) his deeds. O king, that Sukarman of a religious mind, also served his father (and mother). I have thus told you everything pertaining to the holy place (in the form) of the father (and mother). O very intelligent Vena , tell me what else I should tell you.
Complete chapter-aligned witnesses. Sanskrit Wikisource page 43128, revision 335547 (2022-04-10T23:59:44Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365176.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.