Uttara-khaṇḍa · Chapter 114
Sourceश्रीकृष्णोवाच। ततो धनेश्वरं नीत्वा निरयान्प्रेतपोऽब्रवीत् । प्रदर्शयिष्यंस्तान्सर्वान्यमस्यानुचरस्तदा १। प्रेतप उवाच। पश्येमान्निरयान्घोरान्धनेश्वर महाभयान् । येषु पापकरा नित्यं पच्यंते यमकिंकरैः २। तप्तवालुकनामायं निरयो घोरदर्शनः । यस्मिन्नेते दग्धदेहाः क्रंदंते पापकारिणः ३। अतिथीन्वैश्वदेवान्ते क्षुत्क्षामानागतान्गृहे । ये नार्चंति नरास्ते हि पच्यंते स्वेन कर्मणा ४। गुर्वग्निब्राह्मणान्देवांस्तथा मूर्द्धाभिषिक्तकान् । ताडयंति पदा ये वै ते निर्दग्धांघ्रयस्त्विमे ५। षड्भेदस्त्वेषनिरयो नानापापैः प्रपद्यते । तथैव चांधतामिस्रो द्वितीयो निरयो महान् ६। पश्य सूचीमुखैर्देहो भिद्यते पापकर्मणा । क्रिमिभिर्घोरवक्त्रैश्च तत्संपर्कागमैर्द्विज ७। असावपि स्थितः षोढा श्वकाकमृगपक्षिभिः । परमर्मभिदो मर्त्याः पच्यंते तेषु पापिनः ८। तृतीयः क्रकचो ह्येष निरयो घोरदर्शनः । यत्रेमे क्रकचैर्मर्त्याः पाट्यंते पापकारिणः ९। असिपत्रवनाद्यैस्तु षट्प्रकारो व्यवस्थितः । पत्नीपुत्रादिभिर्ये वै वियोगं कारयंति हि १०। इष्टैरन्यैरपि परान्पच्यंते त इमे नराः । असिपत्रैश्छिद्यमाना छेदभीत्या पलायिताः ११। पच्यंते पापिनः पश्य क्रंदमाना इतस्ततः । अर्गलाख्यो महाघोरश्चतुर्थो निरयो ह्ययम् १२। पश्य नानाविधैः पाशैराबध्य यमकिंकरैः । मुद्गराद्यैर्वध्यमानाः क्रंदंते ते च पापिनः १३। सज्जनान्ब्राह्मणाद्यांश्च विरुंधंतीह ये नराः । कंठग्रहाद्यैस्ते पापाः पच्यंते यमकिंकरैः १४। असावपि हि षड्भेदो वधभेदादिभिः स्थितः । कूटशाल्मलिनामानं निरयं पश्य पंचमम् १५। यत्रांगारनिभा एते शाल्मल्याद्याः स्थिता द्विज । यत्र षोढा विपच्यंते यातनाभिरिमे नराः १६। परदारा परद्रव्य परद्रोह रताः सदा । रक्तपूयमिमं पश्य षष्ठं निरयमद्भुतम् १७। अधोमुखा विपच्यंते यत्र पापकृतो नराः । अभक्ष्यभक्षका निंदा पैशुन्यादि रता इमे १८। भज्यमाना वध्यमानाः क्रंदंते भैरवान्स्वरान् । षट्प्रकारैर्विगंधाढ्यैरसावपि च संस्थितः १९। कुंभीपाकः सप्तमोऽयं निरयो घोरदर्शनः । षोढास्तैलादिभिर्द्रव्यैर्धनेश्वर विलोकय २०। महापातकिनो यत्र क्वथ्यंते यमकिंकरैः । बहून्यब्दसहस्राणि सोन्मज्जननिमज्जनैः २१। चत्वारिंशन्मितानेतान्द्व्यधिकान्पश्य रौरवान् । अकामात्पातकं शुष्कं कामादार्द्रमुदाहृतम् २२। आर्द्रशुष्कादिभिः पापैर्द्विप्रकारानवस्थितान् । चतुरशीतिसंख्याकैः पृथग्भेदैरवस्थितान् २३। यत्प्रकीर्णमपांक्तेयं मलिनीकरणं तथा । ज्ञातिभ्रंशकरं तद्वदुपपातकसंज्ञकम् २४। अतिपापं महापापं सप्तधा पातकं स्मृतम् । एभिः सप्तसु पच्यंते निरयेषु यथाक्रमम् २५। कार्तिकव्रतिभिर्यस्मात्संसर्गो ह्यभवत्तव । तत्पुण्योपचयादेते निर्हृता निरयाः खलु २६। श्रीकृष्ण उवाच। दर्शयित्वेति निरयान्प्रेतपस्तमथाहरत् । धनेश्वरं यक्षलोकं पश्चादासीत्स तत्र हि २७। धनदस्यानुगः सोऽयं धनयक्षेति स स्मृतः । यदाख्यायाकरोत्तीर्थमयोध्यायां तु गाधिजः २८। एवं प्रभावः खलु कार्तिकोऽयं मुक्तिप्रदो मुक्तिकरश्च यस्मात् । प्रयात्यनेकार्जितपातकोऽपि व्रतस्थसंदर्शनतोऽपि मुक्तिम् २९। इति श्रीपाद्मे महापुराणे पंचपंचाशत्सहस्रसंहितायामुत्तरखंडे कार्तिकमाहात्म्ये धनेश्वरोपाख्याने चतुर्दशाधिकशततमोऽध्यायः ११४। ।
śrīkṛṣṇovāca| tato dhaneśvaraṃ nītvā nirayānpretapo'bravīt | pradarśayiṣyaṃstānsarvānyamasyānucarastadā 1| pretapa uvāca| paśyemānnirayānghorāndhaneśvara mahābhayān | yeṣu pāpakarā nityaṃ pacyaṃte yamakiṃkaraiḥ 2| taptavālukanāmāyaṃ nirayo ghoradarśanaḥ | yasminnete dagdhadehāḥ kraṃdaṃte pāpakāriṇaḥ 3| atithīnvaiśvadevānte kṣutkṣāmānāgatāngṛhe | ye nārcaṃti narāste hi pacyaṃte svena karmaṇā 4| gurvagnibrāhmaṇāndevāṃstathā mūrddhābhiṣiktakān | tāḍayaṃti padā ye vai te nirdagdhāṃghrayastvime 5| ṣaḍbhedastveṣanirayo nānāpāpaiḥ prapadyate | tathaiva cāṃdhatāmisro dvitīyo nirayo mahān 6| paśya sūcīmukhairdeho bhidyate pāpakarmaṇā | krimibhirghoravaktraiśca tatsaṃparkāgamairdvija 7| asāvapi sthitaḥ ṣoḍhā śvakākamṛgapakṣibhiḥ | paramarmabhido martyāḥ pacyaṃte teṣu pāpinaḥ 8| tṛtīyaḥ krakaco hyeṣa nirayo ghoradarśanaḥ | yatreme krakacairmartyāḥ pāṭyaṃte pāpakāriṇaḥ 9| asipatravanādyaistu ṣaṭprakāro vyavasthitaḥ | patnīputrādibhirye vai viyogaṃ kārayaṃti hi 10| iṣṭairanyairapi parānpacyaṃte ta ime narāḥ | asipatraiśchidyamānā chedabhītyā palāyitāḥ 11| pacyaṃte pāpinaḥ paśya kraṃdamānā itastataḥ | argalākhyo mahāghoraścaturtho nirayo hyayam 12| paśya nānāvidhaiḥ pāśairābadhya yamakiṃkaraiḥ | mudgarādyairvadhyamānāḥ kraṃdaṃte te ca pāpinaḥ 13| sajjanānbrāhmaṇādyāṃśca viruṃdhaṃtīha ye narāḥ | kaṃṭhagrahādyaiste pāpāḥ pacyaṃte yamakiṃkaraiḥ 14| asāvapi hi ṣaḍbhedo vadhabhedādibhiḥ sthitaḥ | kūṭaśālmalināmānaṃ nirayaṃ paśya paṃcamam 15| yatrāṃgāranibhā ete śālmalyādyāḥ sthitā dvija | yatra ṣoḍhā vipacyaṃte yātanābhirime narāḥ 16| paradārā paradravya paradroha ratāḥ sadā | raktapūyamimaṃ paśya ṣaṣṭhaṃ nirayamadbhutam 17| adhomukhā vipacyaṃte yatra pāpakṛto narāḥ | abhakṣyabhakṣakā niṃdā paiśunyādi ratā ime 18| bhajyamānā vadhyamānāḥ kraṃdaṃte bhairavānsvarān | ṣaṭprakārairvigaṃdhāḍhyairasāvapi ca saṃsthitaḥ 19| kuṃbhīpākaḥ saptamo'yaṃ nirayo ghoradarśanaḥ | ṣoḍhāstailādibhirdravyairdhaneśvara vilokaya 20| mahāpātakino yatra kvathyaṃte yamakiṃkaraiḥ | bahūnyabdasahasrāṇi sonmajjananimajjanaiḥ 21| catvāriṃśanmitānetāndvyadhikānpaśya rauravān | akāmātpātakaṃ śuṣkaṃ kāmādārdramudāhṛtam 22| ārdraśuṣkādibhiḥ pāpairdviprakārānavasthitān | caturaśītisaṃkhyākaiḥ pṛthagbhedairavasthitān 23| yatprakīrṇamapāṃkteyaṃ malinīkaraṇaṃ tathā | jñātibhraṃśakaraṃ tadvadupapātakasaṃjñakam 24| atipāpaṃ mahāpāpaṃ saptadhā pātakaṃ smṛtam | ebhiḥ saptasu pacyaṃte nirayeṣu yathākramam 25| kārtikavratibhiryasmātsaṃsargo hyabhavattava | tatpuṇyopacayādete nirhṛtā nirayāḥ khalu 26| śrīkṛṣṇa uvāca| darśayitveti nirayānpretapastamathāharat | dhaneśvaraṃ yakṣalokaṃ paścādāsītsa tatra hi 27| dhanadasyānugaḥ so'yaṃ dhanayakṣeti sa smṛtaḥ | yadākhyāyākarottīrthamayodhyāyāṃ tu gādhijaḥ 28| evaṃ prabhāvaḥ khalu kārtiko'yaṃ muktiprado muktikaraśca yasmāt | prayātyanekārjitapātako'pi vratasthasaṃdarśanato'pi muktim 29| iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye dhaneśvaropākhyāne caturdaśādhikaśatatamo'dhyāyaḥ 114| |
English translation
Śrī Kṛṣṇa said :
1. Then Yama ’s servant, the official looking after the dead, took Dhaneśvara and showed him all hells.
The official looking after the dead said :
2-24. O Dhaneśvara, see all these very fearful hells into which sinners are always roasted by Yama’s servants. This hell, appearing fearful, is called Taptavāluka in which those sinners whose bodies are burnt, cry. Those men who do not honour the guests emaciated with hunger, who have come to theirhouse after having made an offering to all deities, are roasted here due to their acts. Those who have kicked the preceptor, fire, brāhmaṇas , deities, those that are crowned, have their feet burnt. This hell has six divisions, and is reached by those who have committed various sins. Similarly this is the great hell (called) Andhatāmisra . O brāhmaṇa , see the body (of a man) due to his sinful act, is being pierced by insects of fierce mouths that have come in contact with him. This also has six divisions. In them sinful human beings are roasted with their vitals pierced by horses, crows, beasts and birds. The third hell is Krakaca , appearing fierce, where the sinful human beings are cut with swords. It has six divisions like (the one having) the Asipatra-grove. Those men who separate (others) from their wives, sons etc., so also with other beloved persons, are roasted here. The sinners, crying and running here and there through fear of being cut with blades of swords, are roasted here. See (them). This fourth hell is called Argala . See. Those sinners, being bound by Yama’s servants with various kinds of nooses, and being killed with iron clubs, are crying here. Those sinful men who oppose good men and brāhmaṇas in this world are roasted here after their necks etc. are seized by Yama’s servants. This also is a hell having six divisions like Vadha , etc. See this fifth hell called Kūṭaśālmalī, where, O brāhmaṇa, there are śālmalī and other trees resembling charcoal, where those men who are always engaged in adultery, snatching others’ wealth and treachery, are roasted cruelly in six ways. See this sixth wonderful hell (called) Raktapūya where men committing sins are roasted with their faces turned down. These have eaten prohibited articles, and were engaged in censuring others and wickedness. Being pierced and killed, they are crying in fearful tones. This also is having bad smells of six kinds. O Dhaneśvara, see this seventh hell appearing fierce and called Kumbhīpāka . It is divided into six by means of articles like oil. Here great sinners are, for many thousand years, boiled by plunging them and taking them out (of the oil) by Yama’s servants. These Raurava hells are said to be forty plus two. See them. A non-deliberate sin is called śuṣka , and a deliberate one ārdra . The hells are of two kinds depending upon the two varieties, ārdra and śuṣka. They have eighty-four separate divisions. That which is of a non-specific or general nature, resulting in a person’s not being allowed to dine in the same line, and arising from pollution, and resulting in one’s exclusion from his caste is said to be a minor sin.
25-26. A very heinous sin [1] is a major sin said to be divided into seven divisions. One by one they are roasted in these seven (hells). Due to your collection of religious merit as you had contact with the observers of the Kārtika -vow, you were taken out of them.
Śrī Kṛṣṇa said :
27-29. Thus showing him the hells, the official looking after the dead, took Dhaneśvara to the Yakṣa -world; then he lived there. He is the follower of Kubera , and is known as Dhanayakṣa, and after him Viśvāmitra has fashioned a holy place at Ayodhyā . This Kārtika-vow is having such an efficacy, gives pleasures and salvation. By seeing an observer of this vow even he who has committed many sins, gets salvation.
[1]: [1] : Mahāpāpa—a great, or heinous sin. Murder of a brāhmaṇa, drinking liquor, stealing, violating the preceptor’s bed (i.e. his wife), and company of those who commit these sins are great sins.
Complete chapter-aligned witnesses. Sanskrit Wikisource page 44683, revision 333957 (2022-03-21T11:17:06Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365693.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.