Pātāla-khaṇḍa · Chapter 53
Sourceसुग्रीवस्तु तत्कटकं भग्नं वीक्ष्य रणांगणे । स्वामिनं मूर्च्छितं वापि ययौ योद्धुं नृपं प्रति १। आगच्छ भूप सर्वान्नो मूर्च्छयित्वा कुतो भवान् । गच्छति क्षिप्रं मां देहि युद्धं रणविशारद २। एवमुक्त्वा नगं कंचिद्विशालं शाखया युतम् । उत्पाट्य प्राहरत्तस्य मस्तके बलसंयुतः ३। तेन प्रहारेण महाबलो नृपः । संवीक्ष्यसु ग्रीवमथो स्वचापे । बाणान्समाधाय शितान्सरोषा । ज्जघान वक्षस्यतिपौरुषो बली ४। तान्बाणान्व्यधमत्सर्वान्सुग्रीवः सहसा हसन् । ताडयामास हृदये सुरथं सुमहाबलः ५। पर्वतैः शिखरैश्चैव नगैर्द्विरदवर्ष्मभिः । वेगात्संताडयामास दारयन्सुरथं नखैः ६। तमप्याशु बबंधास्त्राद्रामसंज्ञात्सुदारुणात् । बद्धः कपिवरो मेने सुरथं रामसेवकम् ७। गजो यथायसमयीं शृंखलां पादलंबिताम् । प्राप्य किंचिन्न वै कर्तुं शक्नोति स तथा ह्यभूत् ८। जितं तेन महाराज्ञा सुरथेन सुपुत्रिणा । सर्वान्वीरान्रथे स्थाप्य ययौ स्वनगरं प्रति ९। गत्वा सभायां सुमहान्बद्धं मारुतिमब्रवीत् । स्मर श्रीरघुनाथं त्वं दयालुं भक्तपालकम् १०। यथा त्वां बंधनात्सद्यो मोचयिष्यति सुष्ठुधीः । नान्यथायुतवर्षेण मोचयिष्यामि बंधनात् ११। इत्युक्तमाकर्ण्य समीरजस्तदा । सुबद्धमात्मानमवेक्ष्य वीरान् । संमूर्च्छिताञ्छत्रुशराभिघात -। पीडायुतान्बंधनमुक्तये स्मरत् १२। श्रीरामचंद्रं रघुवंशजातं सीतापतिं पंकजपत्रनेत्रम् । स्वमुक्तये बंधनतः कृपालुं सस्मार सर्वैः करणैर्विशोकैः १३। हनूमानुवाच। हा नाथ हा नरवरोत्तम हा दयालो । सीतापते रुचिरकुंतलशोभिवक्त्र । भक्तार्तिदाहक मनोहररूपधारिन् । मां बंधनात्सपदि मोचय मा विलंबम् १४। संमोचितास्तु भवता गजपुंगवाद्याः । देवाश्च दानवकुलाग्नि सुदह्यमानाः । तत्सुंदरीशिरसिसंस्थितकेशबंधः । संमोचितस्तु करुणालय मां स्मरस्व १५। त्वं यागकर्मनिरतोऽसि मुनीश्वरेंद्रै । र्धर्मं विचारयसि भूमिपतीड्यपाद । अत्राहमद्य सुरथेन विगाढपाश -। बद्धोस्मि मोचय महापुरुषाशु देव १६। नो मोचयस्यथ यदि स्मरणातिरेकात् । त्वं सर्वदेववरपूजितपादपद्म । लोको भवंतमिदमुल्लसितोऽहसिष्य -। त्तस्माद्विलंबमिह माचर मोचयाशु १७। इति श्रुत्वा जगन्नाथो रघुवीरः कृपानिधिः । भक्तं मोचयितुं प्रागात्पुष्पकेणाशुवेगिना १८। लक्ष्मणेनानुगेनाथ भरतेन सुशोभितम् । मुनिवृंदैर्व्यासमुख्यैः समेतं ददृशे कपिः १९। तमागतं निजं नाथं वीक्ष्य भूपं समब्रवीत् । पश्य राजन्निजं मोक्तुमायातं कृपया हरिम् २०। अनेके मोचिताः पूर्वं स्मरणात्सेवका निजाः । तथा मां पाशतो बद्धं संमोचयितुमागतः २१। श्रीरामभद्रमायांतं वीक्ष्यासौ सुरथः क्षणात् । नतीश्च शतशश्चक्रे भक्तिपूरपरिप्लुतः २२। श्रीरामस्तं निजैर्दोर्भिः परिरेभे चतुर्भुजः । मूर्ध्नि सिंचन्नश्रुजलैर्हर्षाद्भक्तं स्वकं मुहुः २३। उवाच धन्यदेहोऽसि महत्कर्म कृतं त्वया । कपीश्वरस्त्वया बद्धो हनूमान्सर्वतो बलः २४। श्रीरामः कपिवर्यं तं मोचयामास बंधनात् । मूर्छितांस्तान्भटान्सर्वान्वीक्ष्य दृष्ट्या स्वजीवयत् २५। ते मूर्च्छां तत्यजुर्दृष्टा रामेण सुरसेविना । उत्थिता ददृशुः श्रीमद्रामचंद्रं मनोरमम् २६। प्रणतास्ते रघुपतिं तेन पृष्टा अनामयम् । सुखीभूता नृपं प्रोचुः सर्वं स्वकुशलं नृपाः २७। सुरथो वीक्ष्य रामं च कृपार्थं सेवकात्मनः । आगतं सकलं राज्यं सहयं सुमुदार्पयत् २८। अनेकवरिवस्याभिः श्रीरामं समतोषयत् । कथयामास मेऽन्याय्यं कृतं ते क्षम राघव । श्रीरामस्तमुवाचाथ कृतं ते वाहरक्षणम् २९। क्षत्त्रियाणामयं धर्मः स्वामिना सह युद्ध्यते । त्वया साधुकृतं कर्म रणे वीराः प्रतोषिताः ३०। इत्युक्तवंतं नृहरिं पूजयन्ससुतोऽभवत् । श्रीरामस्त्रिदिनं स्थित्वा ययौ तमनुमंत्र्य च ३१। कामगेन विमानेन मुनिभिः सहितो महान् । तं दृष्ट्वा विस्मितास्तस्य कथाश्चक्रुर्मनोहराः ३२। चंपकं स्वपुरे स्थाप्य सुरथः क्षत्रियो बली । शत्रुघ्नेन समं यातुं मनश्चक्रे महाबलः ३३। शत्रुघ्नः स्वहयं प्राप्य भेरीनादानकारयत् । शंखनादान्बहुविधान्सर्वत्र समवादयत् ३४। सुरथेन समं वीरो यज्ञवाहममूमुचत् । स बभ्रामापरान्देशान्न कोपि जगृहे बली ३५। यत्रयत्र गतो वाहस्तत्रतत्र परिभ्रमन् । सैन्येन महता यातः शत्रुघ्नः सुरथेन च ३६। कदाचिज्जाह्नवीतीरे वाल्मीकेराश्रमं वरम् । गतो मुनिवरैर्जुष्टं प्रातर्धूमेन चिह्नितम् ३७। इति श्रीपद्मपुराणे पातालखण्डे शेषवात्स्यायनसंवादे रामाश्वमेधे रघुनाथसमागमोनाम त्रिपंचाशत्तमोऽध्यायः ५३।
sugrīvastu tatkaṭakaṃ bhagnaṃ vīkṣya raṇāṃgaṇe | svāminaṃ mūrcchitaṃ vāpi yayau yoddhuṃ nṛpaṃ prati 1| āgaccha bhūpa sarvānno mūrcchayitvā kuto bhavān | gacchati kṣipraṃ māṃ dehi yuddhaṃ raṇaviśārada 2| evamuktvā nagaṃ kaṃcidviśālaṃ śākhayā yutam | utpāṭya prāharattasya mastake balasaṃyutaḥ 3| tena prahāreṇa mahābalo nṛpaḥ | saṃvīkṣyasu grīvamatho svacāpe | bāṇānsamādhāya śitānsaroṣā | jjaghāna vakṣasyatipauruṣo balī 4| tānbāṇānvyadhamatsarvānsugrīvaḥ sahasā hasan | tāḍayāmāsa hṛdaye surathaṃ sumahābalaḥ 5| parvataiḥ śikharaiścaiva nagairdviradavarṣmabhiḥ | vegātsaṃtāḍayāmāsa dārayansurathaṃ nakhaiḥ 6| tamapyāśu babaṃdhāstrādrāmasaṃjñātsudāruṇāt | baddhaḥ kapivaro mene surathaṃ rāmasevakam 7| gajo yathāyasamayīṃ śṛṃkhalāṃ pādalaṃbitām | prāpya kiṃcinna vai kartuṃ śaknoti sa tathā hyabhūt 8| jitaṃ tena mahārājñā surathena suputriṇā | sarvānvīrānrathe sthāpya yayau svanagaraṃ prati 9| gatvā sabhāyāṃ sumahānbaddhaṃ mārutimabravīt | smara śrīraghunāthaṃ tvaṃ dayāluṃ bhaktapālakam 10| yathā tvāṃ baṃdhanātsadyo mocayiṣyati suṣṭhudhīḥ | nānyathāyutavarṣeṇa mocayiṣyāmi baṃdhanāt 11| ityuktamākarṇya samīrajastadā | subaddhamātmānamavekṣya vīrān | saṃmūrcchitāñchatruśarābhighāta -| pīḍāyutānbaṃdhanamuktaye smarat 12| śrīrāmacaṃdraṃ raghuvaṃśajātaṃ sītāpatiṃ paṃkajapatranetram | svamuktaye baṃdhanataḥ kṛpāluṃ sasmāra sarvaiḥ karaṇairviśokaiḥ 13| hanūmānuvāca| hā nātha hā naravarottama hā dayālo | sītāpate rucirakuṃtalaśobhivaktra | bhaktārtidāhaka manohararūpadhārin | māṃ baṃdhanātsapadi mocaya mā vilaṃbam 14| saṃmocitāstu bhavatā gajapuṃgavādyāḥ | devāśca dānavakulāgni sudahyamānāḥ | tatsuṃdarīśirasisaṃsthitakeśabaṃdhaḥ | saṃmocitastu karuṇālaya māṃ smarasva 15| tvaṃ yāgakarmanirato'si munīśvareṃdrai | rdharmaṃ vicārayasi bhūmipatīḍyapāda | atrāhamadya surathena vigāḍhapāśa -| baddhosmi mocaya mahāpuruṣāśu deva 16| no mocayasyatha yadi smaraṇātirekāt | tvaṃ sarvadevavarapūjitapādapadma | loko bhavaṃtamidamullasito'hasiṣya -| ttasmādvilaṃbamiha mācara mocayāśu 17| iti śrutvā jagannātho raghuvīraḥ kṛpānidhiḥ | bhaktaṃ mocayituṃ prāgātpuṣpakeṇāśuveginā 18| lakṣmaṇenānugenātha bharatena suśobhitam | munivṛṃdairvyāsamukhyaiḥ sametaṃ dadṛśe kapiḥ 19| tamāgataṃ nijaṃ nāthaṃ vīkṣya bhūpaṃ samabravīt | paśya rājannijaṃ moktumāyātaṃ kṛpayā harim 20| aneke mocitāḥ pūrvaṃ smaraṇātsevakā nijāḥ | tathā māṃ pāśato baddhaṃ saṃmocayitumāgataḥ 21| śrīrāmabhadramāyāṃtaṃ vīkṣyāsau surathaḥ kṣaṇāt | natīśca śataśaścakre bhaktipūrapariplutaḥ 22| śrīrāmastaṃ nijairdorbhiḥ parirebhe caturbhujaḥ | mūrdhni siṃcannaśrujalairharṣādbhaktaṃ svakaṃ muhuḥ 23| uvāca dhanyadeho'si mahatkarma kṛtaṃ tvayā | kapīśvarastvayā baddho hanūmānsarvato balaḥ 24| śrīrāmaḥ kapivaryaṃ taṃ mocayāmāsa baṃdhanāt | mūrchitāṃstānbhaṭānsarvānvīkṣya dṛṣṭyā svajīvayat 25| te mūrcchāṃ tatyajurdṛṣṭā rāmeṇa surasevinā | utthitā dadṛśuḥ śrīmadrāmacaṃdraṃ manoramam 26| praṇatāste raghupatiṃ tena pṛṣṭā anāmayam | sukhībhūtā nṛpaṃ procuḥ sarvaṃ svakuśalaṃ nṛpāḥ 27| suratho vīkṣya rāmaṃ ca kṛpārthaṃ sevakātmanaḥ | āgataṃ sakalaṃ rājyaṃ sahayaṃ sumudārpayat 28| anekavarivasyābhiḥ śrīrāmaṃ samatoṣayat | kathayāmāsa me'nyāyyaṃ kṛtaṃ te kṣama rāghava | śrīrāmastamuvācātha kṛtaṃ te vāharakṣaṇam 29| kṣattriyāṇāmayaṃ dharmaḥ svāminā saha yuddhyate | tvayā sādhukṛtaṃ karma raṇe vīrāḥ pratoṣitāḥ 30| ityuktavaṃtaṃ nṛhariṃ pūjayansasuto'bhavat | śrīrāmastridinaṃ sthitvā yayau tamanumaṃtrya ca 31| kāmagena vimānena munibhiḥ sahito mahān | taṃ dṛṣṭvā vismitāstasya kathāścakrurmanoharāḥ 32| caṃpakaṃ svapure sthāpya surathaḥ kṣatriyo balī | śatrughnena samaṃ yātuṃ manaścakre mahābalaḥ 33| śatrughnaḥ svahayaṃ prāpya bherīnādānakārayat | śaṃkhanādānbahuvidhānsarvatra samavādayat 34| surathena samaṃ vīro yajñavāhamamūmucat | sa babhrāmāparāndeśānna kopi jagṛhe balī 35| yatrayatra gato vāhastatratatra paribhraman | sainyena mahatā yātaḥ śatrughnaḥ surathena ca 36| kadācijjāhnavītīre vālmīkerāśramaṃ varam | gato munivarairjuṣṭaṃ prātardhūmena cihnitam 37| iti śrīpadmapurāṇe pātālakhaṇḍe śeṣavātsyāyanasaṃvāde rāmāśvamedhe raghunāthasamāgamonāma tripaṃcāśattamo'dhyāyaḥ 53|
English translation
Śeṣa said :
1-11. Seeing the army defeated and also seeing his master (lying) unconscious, Sugrīva went to fight with the king. “Come, O king, where are you going after rendering all the warriors unconscious? O you proficient in fighting, quickly fight with me.” He possessing power saying so uprooted some huge tree with branches and struck it on his head. Due to that stroke the very mighty, very brave king looked at Sugrīva and angrily fixing sharp arrows (on his bow) struck them on his chest. Sugrīva laughed and at once foiled all those arrows. He, the very powerful one, struck Suratha on his chest. Tearing Suratha with his nails he violently struck him with mountains, peaks (of mountains), trees and bodies of elephants. With the very terrible missile called Rāma (i.e. presided over by Rāma) he quickly bound him also. The best monkey (i.e. Sugrīva) took Suratha to be a servant of Rāma. He became like an elephant which, having an iron chain hanging from his feet, cannot do anything. Putting all the warriors into his chariot he went to his own city. Going to his assembly, the very great one said to Hanūmat who was bound: “Remember the kind Raghunātha , the protector of his devotees, so that he of the best mind will instantly release you. Otherwise, even after a myriad years I shall not free you from bondage.”
12-13. Having heard these words Hanūmat seeing himself tightly bound and the warriors unconscious and afflicted with the strokes of the enemy, remembered for freedom from the bondage Śrī Rāmacandra born in Raghu ’s dynasty, husband of Sītā and having eyes like lotus-petals. With all his senses free from grief he remembered the kind one for his own freedom from bondage.
Hanūmat said :
14-17. O lord, O best among excellent men, O kind one, O lord of Śītā , O you whose face is charming on account of beautiful hair, O you who burn (i.e. destroy) the affliction of your devotees, O you having an attractive form, release me at once from the bondage. Do not tarry. O abode of pity, you freed (beings) like the excellent elephant, so also gods who were being profusely burnt by the fire of the family of demons, and you untied the hair-bonds on the heads of their beautiful wives. (Please) remember me. You are engaged in the performance of a sacrifice along with the best sages; you give a thought to religious merit, O you whose feet are praised by kings. O god, O Supreme Being, today I have been firmly tied with a noose by Suratha; quickly release me. If in spite of my remembering you very much, O you whose lotus-like feet are worshipped by excellent gods, you would not release me, then the manifested world would laugh at you; therefore do not delay in this matter; quickly release (me).
18-27. Hearing this (prayer), the Raghu-hero (i.e. Rāma), the lord of the world and the abode of kindness, quickly came by the Puṣpaka (aeroplane) to release his devotee. The monkey (i.e. Hanūmat) saw him who was well accompanied by Lakṣmaṇa who-followed him, and Bharata , and who was accompanied by hosts of sages led by Vyāsa . Seeing his lord having come (he) said to the king: “O king, see Hari who has kindly come to free his own (devotee). Formerly, merely by being remembered he freed many votaries of him. In the same way he has come to free me tied with a noose.” Seeing Śrī Rāmabhadra (who had) come there, that Suratha, full of the flood of devotion, in a moment saluted him hundreds of times. Śrī Rāma having four arms, embraced him with his arms; and, repeatedly sprinkling his devotee with tears of joy, he said: “Your body is blessed. You have done a great feat. You fully tied the powerful lord of monkeys—Hanūmat.” Śrī Rāma freed the excellent monkey from the bondage. He looked at all those unconscious warriors and (merely) by (his) glance he revived them. They gave up their swoon (i.e. they regained consciousness). They were seen by Rāma serving gods. They got up and saw the charming Rāmacandra. They saluted the lord of Raghus . He enquired after their well-being.
28-32. Then Suratha, having seen Rāma to have come there for favouring his votary, gladly presented to him his entire kingdom along with the (sacrificial) horse. He pleased Śrī Rāma with (i.e. by giving him) many excellent garments. He said (to Rāma): “O Rāghava , I did an unjust act; (please) forgive me.” Then Śrī Rāma said: “You have protected the (sacrificial) horse. It is the duty of kṣatriyas to fight along with the lord. You have done a good deed. The warriors are highly pleased on the battlefield.” (The king) along with his sons (then) worshipped Viṣṇu in a human form (i.e. Rāma). Having stayed (there) for three days and having dismissed him with a blessing, the mighty Śrī Rāma along with the sages went back in the divine car (i.e. Puṣpaka) moving according to (the occupants’) will. Seeing him (going like that) all of them were a mazed and told (one another) charming stories about him.
33-37. The powerful and very mighty Suratha, having placed (his son) Campaka in his city, decided to go with Satrughna . Śatrughna , having got (back) his horse, caused the kettledrums to be sounded. He (also) caused the various sounds of conches to be produced everywhere. The hero along with Suratha let loose the sacrificial horse. He roamed in foreign countries. (But) no powerful (man) seized him. Wherever the wandering horse went there Śatrughna along with great army and with Suratha also went. Once he (i.e. the horse) went to the excellent hermitage of Vālmīki which was resorted to by excellent sages and was marked with smoke in the morning (and which was situated) on the bank of Gaṅgā .
Complete chapter-aligned witnesses. Sanskrit Wikisource page 43946, revision 335985 (2022-04-17T11:19:47Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365364.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.