Uttara-khaṇḍa · Chapter 54
Sourceयुधिष्ठिर उवाच- श्रावणस्य सिते पक्षे किंनामैकादशीभवेत् । तन्नः कथय गोविंद वासुदेव नमोऽस्तु ते १। श्रीकृष्ण उवाच- शृणु राजन्प्रवक्ष्यामि आख्यानं पापनाशनम् । यत्प्रोक्तं ब्रह्मणा पूर्वं पृच्छते नारदाय वै २। नारद उवाच- भगवन्श्रोतुमिच्छामि त्वत्तोऽहं कमलासन । श्रावणस्यासिते पक्षे किं नामैकादशी भवेत् ३। को देवः को विधिस्तस्याः किं पुण्यं कथय प्रभो । इति तस्य वचः श्रुत्वा ब्रह्मा वचनमब्रवीत् ४। ब्रह्मोवाच- शृणु नारद ते वच्मि लोकानां हितकाम्यया । श्रावणैकादशी कृष्णा कामिका नाम नामतः ५। अस्याः श्रवणमात्रेण वाजपेयफलं लभेत् । अस्यां यजति देवेशं शंखचक्रगदाधरम् ६। श्रीधराख्यं हरिं विष्णुं माधवं मधुसूदनम् । पूजयेद्ध्यायते यो वै तस्य पुण्यंफलं शृणु ७। न गंगायां न काश्यां च नैमिषे न च पुष्करे । तत्फलं समवाप्नोति यत्फलं कृष्णपूजनात् ८। गोदावर्यां गुरौ सिंहे व्यतीपाते च दंडके । यत्फलं समवाप्नोति तत्फलं कृष्णपूजनात् ९। ससागरवनोपेतां यो ददाति वसुंधराम् । कामिकाव्रतकारी च ह्युभौ समफलौ स्मृतौ १०। प्रसूयमानां यो धेनुं दद्यात्सोपस्करां नरः । तत्फलं समवाप्नोति कामिकाव्रतकारकः ११। श्रावणे श्रीधरं देवं पूजयेद्यो नरोत्तमः । तेनैव पूजिता देवा गंधर्वोरगपन्नगाः १२। तस्मात्सर्वप्रयत्नेन कामिकादिवसे हरिः । पूजनीयो यथाशक्ति मानुषैः पापभीरुभिः १३। ये संसारार्णवे मग्नाः पापपंकसमाकुले । तेषामुद्धरणार्थाय कामिकाव्रतमुत्तमम् १४। नातः परतरा काचित्पवित्रा पापहारिणी । एवं नारद जानीहि स्वयमाह परो हरिः १५। अध्यात्मविद्या निरतैर्यत्फलं प्राप्यते नरैः । ततो बहुतरं विद्धि कामिकाव्रतसेविनाम् १६। रात्रौ जागरणं कृत्वा कामिकाव्रतकृन्नरः । न पश्यति यमं रौद्रं नैव गच्छति दुर्गतिम् १७। न पश्यति कुयोनिं च कामिकाव्रतसेवनात् । कामिकाया व्रते चीर्णे कैवल्यं योगिनो गताः १८। तस्मात्सर्वप्रयत्नेन कर्तव्या नियतात्मभिः । तुलसीप्रभवैः पत्रैः यो नरः पूजयेद्धरिम् १९। न लिप्यते स पापेन पद्मपत्रमिवांभसा । सुवर्णभारमेकं तु रजतं च चतुर्गुणम् २०। तत्फलं समवाप्नोति तुलसीदलपूजनात् । रत्न मौक्तिक वैडूर्य प्रवालादिभिरर्चितः २१। न तुष्यति तथा विष्णुस्तुलसीदलतो यथा । तुलसीमंजरीभिश्च पूजितो येन केशवः २२। या दृष्टा निखिलाघसंघशमनी स्पृष्टा वपुः पावनी। रोगाणामभिवंदितानि रसिनी सिक्तांतकत्रासिनी । प्रत्यासत्तिविधायिनी भगवतः कृष्णस्य संरोपिता। न्यस्ता तच्चरणे विमुक्तिफलदा तस्यै तुलस्यै नमः २३। दीपं ददाति यो मर्त्यो दिवारात्रं हरेर्दिने । तस्य पुण्यस्य संख्यातुं चित्रगुप्तो न वेत्त्यलम् २४। कृष्णाग्रे दीपको यस्य ज्वलत्येकादशीदिने । पितरस्तस्य तृप्यंति अमृतेन दिवि स्थिताः २५। घृतेन दीपं प्रज्वाल्य तिलतैलेन वा पुनः । प्रयाति सूर्यलोकं च दीपकोटिशतार्चितः २६। अयं तवाग्रे कथितः कामिकामहिमा मया । अतो नरैः प्रकर्त्तव्या सर्वपातकहारिणी २७। ब्रह्महत्यापहरणी भ्रूणहत्याविनाशिनी । वैष्णवस्थानदात्री च महापुण्यफलप्रदा २८। श्रुत्वा माहात्म्यमेतस्या नरः श्रद्धासमन्वितः । विष्णुलोकमवाप्नोति सर्वपापैः प्रमुच्यते २९। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमामहेश्वरसंवादे श्रावणकृष्णैकादशीनाम चतुष्पंचाशत्तमोऽध्यायः ५४।
yudhiṣṭhira uvāca- śrāvaṇasya site pakṣe kiṃnāmaikādaśībhavet | tannaḥ kathaya goviṃda vāsudeva namo'stu te 1| śrīkṛṣṇa uvāca- śṛṇu rājanpravakṣyāmi ākhyānaṃ pāpanāśanam | yatproktaṃ brahmaṇā pūrvaṃ pṛcchate nāradāya vai 2| nārada uvāca- bhagavanśrotumicchāmi tvatto'haṃ kamalāsana | śrāvaṇasyāsite pakṣe kiṃ nāmaikādaśī bhavet 3| ko devaḥ ko vidhistasyāḥ kiṃ puṇyaṃ kathaya prabho | iti tasya vacaḥ śrutvā brahmā vacanamabravīt 4| brahmovāca- śṛṇu nārada te vacmi lokānāṃ hitakāmyayā | śrāvaṇaikādaśī kṛṣṇā kāmikā nāma nāmataḥ 5| asyāḥ śravaṇamātreṇa vājapeyaphalaṃ labhet | asyāṃ yajati deveśaṃ śaṃkhacakragadādharam 6| śrīdharākhyaṃ hariṃ viṣṇuṃ mādhavaṃ madhusūdanam | pūjayeddhyāyate yo vai tasya puṇyaṃphalaṃ śṛṇu 7| na gaṃgāyāṃ na kāśyāṃ ca naimiṣe na ca puṣkare | tatphalaṃ samavāpnoti yatphalaṃ kṛṣṇapūjanāt 8| godāvaryāṃ gurau siṃhe vyatīpāte ca daṃḍake | yatphalaṃ samavāpnoti tatphalaṃ kṛṣṇapūjanāt 9| sasāgaravanopetāṃ yo dadāti vasuṃdharām | kāmikāvratakārī ca hyubhau samaphalau smṛtau 10| prasūyamānāṃ yo dhenuṃ dadyātsopaskarāṃ naraḥ | tatphalaṃ samavāpnoti kāmikāvratakārakaḥ 11| śrāvaṇe śrīdharaṃ devaṃ pūjayedyo narottamaḥ | tenaiva pūjitā devā gaṃdharvoragapannagāḥ 12| tasmātsarvaprayatnena kāmikādivase hariḥ | pūjanīyo yathāśakti mānuṣaiḥ pāpabhīrubhiḥ 13| ye saṃsārārṇave magnāḥ pāpapaṃkasamākule | teṣāmuddharaṇārthāya kāmikāvratamuttamam 14| nātaḥ paratarā kācitpavitrā pāpahāriṇī | evaṃ nārada jānīhi svayamāha paro hariḥ 15| adhyātmavidyā niratairyatphalaṃ prāpyate naraiḥ | tato bahutaraṃ viddhi kāmikāvratasevinām 16| rātrau jāgaraṇaṃ kṛtvā kāmikāvratakṛnnaraḥ | na paśyati yamaṃ raudraṃ naiva gacchati durgatim 17| na paśyati kuyoniṃ ca kāmikāvratasevanāt | kāmikāyā vrate cīrṇe kaivalyaṃ yogino gatāḥ 18| tasmātsarvaprayatnena kartavyā niyatātmabhiḥ | tulasīprabhavaiḥ patraiḥ yo naraḥ pūjayeddharim 19| na lipyate sa pāpena padmapatramivāṃbhasā | suvarṇabhāramekaṃ tu rajataṃ ca caturguṇam 20| tatphalaṃ samavāpnoti tulasīdalapūjanāt | ratna mauktika vaiḍūrya pravālādibhirarcitaḥ 21| na tuṣyati tathā viṣṇustulasīdalato yathā | tulasīmaṃjarībhiśca pūjito yena keśavaḥ 22| yā dṛṣṭā nikhilāghasaṃghaśamanī spṛṣṭā vapuḥ pāvanī| rogāṇāmabhivaṃditāni rasinī siktāṃtakatrāsinī | pratyāsattividhāyinī bhagavataḥ kṛṣṇasya saṃropitā| nyastā taccaraṇe vimuktiphaladā tasyai tulasyai namaḥ 23| dīpaṃ dadāti yo martyo divārātraṃ harerdine | tasya puṇyasya saṃkhyātuṃ citragupto na vettyalam 24| kṛṣṇāgre dīpako yasya jvalatyekādaśīdine | pitarastasya tṛpyaṃti amṛtena divi sthitāḥ 25| ghṛtena dīpaṃ prajvālya tilatailena vā punaḥ | prayāti sūryalokaṃ ca dīpakoṭiśatārcitaḥ 26| ayaṃ tavāgre kathitaḥ kāmikāmahimā mayā | ato naraiḥ prakarttavyā sarvapātakahāriṇī 27| brahmahatyāpaharaṇī bhrūṇahatyāvināśinī | vaiṣṇavasthānadātrī ca mahāpuṇyaphalapradā 28| śrutvā māhātmyametasyā naraḥ śraddhāsamanvitaḥ | viṣṇulokamavāpnoti sarvapāpaiḥ pramucyate 29| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde śrāvaṇakṛṣṇaikādaśīnāma catuṣpaṃcāśattamo'dhyāyaḥ 54|
English translation
Yudhiṣṭhira said :
1. What is the name of the Ekādaśī falling in the dark half of Śrāvaṇa ? Tell that to us, O Govinda , salutation to you.
Śrīkṛṣṇa said :
2. O king, listen. I shall narrate to you the account that removes sins and which formerly Brahmā told to Nārada who asked (him about it).
Nārada said :
3-4. O lotus-seated lord, I desire to hear from you, what would be (i.e. is) the name of Ekādaśī in the dark half of Śrāvaṇa. Who is its (presiding) deity? What is the manner (in which it is to be observed)? What is its religious merit. O lord tell (this).
Hearing these words of him Brahma spoke (the following) words:
Brahmā said :
5-7. O Nārada, listen. With the desire for the good of the people, I shall tell you about the Ekādaśī named Kāmikā (which falls) in the dark half of Śrāvaṇa. Merely by hearing about it, one would obtain the fruit of (having performed) a Vājapeya sacrifice. Listen to the fruit which a man who worships the lord of gods holding a conch, a disc, and a mace, gets. Listen to the meritorious fruit of him (i.e. which he gets) who would worship or who meditates upon Hari , Viṣṇu , Madhusūdana , called Śrī Hari.
8-18. He does not obtain that fruit (by bathing) in Gaṅgā , at Kāśī , Naimiṣa or Puṣkara , which he gets by worshipping Kṛṣṇa on that day. He obtains that fruit by worshipping Kṛṣṇa, which he obtains (by bathing) at the time of a portent foreboding a great calamity, when Jupiter is in the Leo sign, in Godāvarī or Daṇḍaka . Both, he who gives the earth along with the oceans and he who observes the Kāmikā-vow, are said to get the same fruit. The man who observes the Kāmikā-vow obtains the fruit which he who would give a milch cow along with articles of household use, gets. The excellent man who would worship god Viṣṇu in Śrāvaṇa, has worshipped gods with gandharvas , uragas and pannagas . Therefore, sin-fearing men should, with all efforts, and according to their capacity, worship Viṣṇu on the Kāmikā day. The Kāmikā-vow is best for the emancipation of those who are plunged in the ocean of the worldly existence, full of the mud of sins. There is no other (vow) than this (so) pure and sin-removing. O Nārada, know it to be like this. Viṣṇu himself has said (so). Know that the fruit of (i.e. got by) the observers of Kāmikā-vow is much superior to the fruit obtained by those devoted to the knowledge of the supreme spirit. The man who, after having kept awake at night, observes the Kāmikā-vow. does not see the fearful Yama , or does not face a calamity. He does not see (i.e. is not born in) a bad stock due to his observing the Kāmikā-vow. The meditating saints have reached final emancipation after observing the Kāmikā-vow.
19-29. Therefore, with all efforts it should be observed by those who have controlled themselves. The man who would worship Viṣṇu with Tulasī -leaves is not tinged with sin, as a lotus-leaf with water. He obtains that fruit by worshipping Viṣṇu with a Tulasī-leaf, which he obtains by giving a bhāra of gold or fourfold silver of it. Worshipped with gems, pearls, lapis lazuli, corals etc. Viṣṇu is not so pleased as he is with Tulasī-leaves. The sin of him, (right) from his birth, who has worshipped Viṣṇu with Tulasī-sprouts certainly perishes. Salutation to Tulasī which, when seen, destroys the entire heap of sins, which, when touched, purifies the body, which, when saluted, removes diseases, which, when sprinkled over, frightens Yama, which, when planted, brings about the vicinity of lord Kṛṣṇa, and which, when placed at his feet, gives salvation instantly. Citragupta is not able to know the measure of the religious merit of the man who gives (i.e. keeps) a light day and night on the day of Viṣṇu (i.e. on the day sacred to Viṣṇu). The dead ancestors of him whose lamp burns in front of Viṣṇu, remain in heaven and are gratified with nectar. Having burnt a lamp with ghee or sesamum oil, he, being honoured with a hundred crores of lamps, goes to the Sun’s world. I have told you this importance of Kāmikā. Men should, therefore, observe it which removes all sins, which removes (the sin of) the murder of a brāhmaṇa , which removes (the sin of) causing abortion. It gives (them) the abode of Viṣṇu, and gives the fruit of great religious merit. A man endowed with faith, on hearing about the greatness of this, obtains (i.e. goes to) Viṣṇu’s world, and is free from all sins.
Complete chapter-aligned witnesses. Sanskrit Wikisource page 44626, revision 336435 (2022-04-22T01:48:45Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365631.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.