Pātāla-khaṇḍa · Chapter 88
Sourceसुमनोवाच- ऋणसंबंधिनं पुत्रं प्रवक्ष्यामि तवाग्रतः । ऋणं यस्य गृहीत्वा यः प्रयाति मरणं किल १। अर्थदाता सुतो भूत्वा भ्रातावाथ पिता प्रिया । मित्ररूपेण वर्तेत अंतर्दुष्टः सदैव सः २। गुणं नैव प्रपश्येत स क्रूरो निष्ठुराकृतिः । जल्पते निष्ठुरं वाक्यं सदैव स्वजनेषु च ३। मिष्टं मिष्टं समश्नाति भोगान्भुंजति नित्यशः । द्यूतकर्मरतो नित्यं चौरकर्मणि सस्पृहः ४। गृहाद्द्रव्यं चोरयति वार्यमाणः स कुप्यति । पितरं मातरं चैव कुत्सते च दिनेदिने ७। एवं संक्षीयते द्रव्यमेवमेतद्वदत्यपि । गृहं क्षेत्रादिकं सर्वं ममैव हि न संशयः ८। पितरं मातरं चैव हिनस्त्येव दिने दिने । सुदंडैर्मुशलैश्चैव केशोत्पाटैश्च दारुणैः ९। मृते तु तस्मिन्पितरि मातरि चातिनिष्ठुरः । निःस्नेहो निष्ठुरश्चैव जायते नात्र संशयः १०। श्राद्धकार्याणि दानानि न करोति सदैव सः । एवंविधाः प्रियाः पुत्रा भवंति च महीपते ११। रिपुं पुत्रं प्रवक्ष्यामि तवाग्रे द्विजसत्तम । बाल्येवयसि संप्राप्ते पुत्रत्वे वर्तते सदा १२। पितरं मातरं चैव क्रीडमानो हि ताडयेत् । ताडयित्वा प्रयात्येवं प्रहस्यैवं पुनः पुनः १३। पुनरायाति तं तत्र पितरं मातरं पुनः । सक्रोधो वर्तते नित्यं कुत्सते च दिनेदिने १४। एवं संवर्तते नित्यं वैरकर्मणि संपदा । पितरं ताडयित्वा च मातरं च ततः पुनः १५। प्रयात्येवं स दुष्टात्मा पूर्ववैरानुभावतः । अथातः संप्रवक्ष्यामि यथालभ्यं भवेत्प्रियम् १६। जातमात्रं प्रियं कुर्याद्बाल्ये क्रीडनताडनैः । वयः प्राप्य प्रियं कुर्यान्मातृपित्रोरनंतरम् १७। भक्त्या संतोषयेन्नित्यं तावुभौ परितोषयेत् । स्नेहेन वचसा चैव प्रियसंभाषणेन च १८। मृतौ गुरू समाज्ञाय स्नेहेन रुदते पुनः । श्राद्धकर्माणि सर्वाणि पिंडदानादिकां क्रियाम् १९। करोत्येवसुदुःखार्तस्तेभ्यो यात्रां प्रयच्छति । ऋणत्रयान्वितः स्नेहान्मोचयेद्यस्तु निश्चितः २०। यस्माल्लभ्यं भवेत्कांत प्रयच्छति न संशयः । पुत्रो भूत्वा महाप्राज्ञ अनेनविधिना किल २१। उदासीनं प्रवक्ष्यामि तवाग्रे प्रिय सांप्रतम् । उदासीनेन भावेन सदैव परिवर्तते २२। ददाति नैव गृह्णाति न च कुप्यति तुष्यति । नो वा प्रयाति संत्यज्य उदासीनो द्विजोत्तम २३। भृत्याश्चापि समाख्याताः पशवस्तुरगास्तथा । गजा महिष्यो दास्यश्च ऋणसंबंधिनस्त्वमी २४। गृहीतमाययैकेन आवाभ्यां तु न कस्य हि । न्यासमेवं न कस्यापि कृतं वै पूर्वजन्मनि २५। राधयामि न कस्यापि क्षणं कांत शृणुष्व हि । न वैरमस्ति केनापि पूर्वजन्मनि वै कृतम् २६। आबाल्येन तु विप्रेंद्र न च त्यक्तो मया पतिः । एवं ज्ञात्वा शमं गच्छ त्यज चिंतामनर्थिकीम् २७। हृतं नैव च कस्यापि नैव दत्तं त्वया पुनः । कथं ते धनमायाति विस्मयं व्रज मा विभो २८। प्राप्तमेव हि यत्रैव रक्षितुश्च न तिष्ठति । एवं ज्ञात्वा शमं गच्छ त्यज चिंतामनर्थिकीम् २९। कस्य पुत्राः प्रिया भार्या कस्य स्वजनबांधवाः । कः कस्य नास्ति संसारे न संबंधो द्विजोत्तम ३०। मायामोहेन संमूढा मानवाः पापचेतनाः । इदं गृहमयं पुत्र इयं भार्या ममैव हि ३१। अनृतं दृश्यते कांत संसारस्य हि बंधनम् ३२। इति श्रीपद्मपुराणे पातालखंडे वैशाखमासमाहात्म्ये अष्टाशीतितमोऽध्यायः ८८।
sumanovāca- ṛṇasaṃbaṃdhinaṃ putraṃ pravakṣyāmi tavāgrataḥ | ṛṇaṃ yasya gṛhītvā yaḥ prayāti maraṇaṃ kila 1| arthadātā suto bhūtvā bhrātāvātha pitā priyā | mitrarūpeṇa varteta aṃtarduṣṭaḥ sadaiva saḥ 2| guṇaṃ naiva prapaśyeta sa krūro niṣṭhurākṛtiḥ | jalpate niṣṭhuraṃ vākyaṃ sadaiva svajaneṣu ca 3| miṣṭaṃ miṣṭaṃ samaśnāti bhogānbhuṃjati nityaśaḥ | dyūtakarmarato nityaṃ caurakarmaṇi saspṛhaḥ 4| gṛhāddravyaṃ corayati vāryamāṇaḥ sa kupyati | pitaraṃ mātaraṃ caiva kutsate ca dinedine 7| evaṃ saṃkṣīyate dravyamevametadvadatyapi | gṛhaṃ kṣetrādikaṃ sarvaṃ mamaiva hi na saṃśayaḥ 8| pitaraṃ mātaraṃ caiva hinastyeva dine dine | sudaṃḍairmuśalaiścaiva keśotpāṭaiśca dāruṇaiḥ 9| mṛte tu tasminpitari mātari cātiniṣṭhuraḥ | niḥsneho niṣṭhuraścaiva jāyate nātra saṃśayaḥ 10| śrāddhakāryāṇi dānāni na karoti sadaiva saḥ | evaṃvidhāḥ priyāḥ putrā bhavaṃti ca mahīpate 11| ripuṃ putraṃ pravakṣyāmi tavāgre dvijasattama | bālyevayasi saṃprāpte putratve vartate sadā 12| pitaraṃ mātaraṃ caiva krīḍamāno hi tāḍayet | tāḍayitvā prayātyevaṃ prahasyaivaṃ punaḥ punaḥ 13| punarāyāti taṃ tatra pitaraṃ mātaraṃ punaḥ | sakrodho vartate nityaṃ kutsate ca dinedine 14| evaṃ saṃvartate nityaṃ vairakarmaṇi saṃpadā | pitaraṃ tāḍayitvā ca mātaraṃ ca tataḥ punaḥ 15| prayātyevaṃ sa duṣṭātmā pūrvavairānubhāvataḥ | athātaḥ saṃpravakṣyāmi yathālabhyaṃ bhavetpriyam 16| jātamātraṃ priyaṃ kuryādbālye krīḍanatāḍanaiḥ | vayaḥ prāpya priyaṃ kuryānmātṛpitroranaṃtaram 17| bhaktyā saṃtoṣayennityaṃ tāvubhau paritoṣayet | snehena vacasā caiva priyasaṃbhāṣaṇena ca 18| mṛtau gurū samājñāya snehena rudate punaḥ | śrāddhakarmāṇi sarvāṇi piṃḍadānādikāṃ kriyām 19| karotyevasuduḥkhārtastebhyo yātrāṃ prayacchati | ṛṇatrayānvitaḥ snehānmocayedyastu niścitaḥ 20| yasmāllabhyaṃ bhavetkāṃta prayacchati na saṃśayaḥ | putro bhūtvā mahāprājña anenavidhinā kila 21| udāsīnaṃ pravakṣyāmi tavāgre priya sāṃpratam | udāsīnena bhāvena sadaiva parivartate 22| dadāti naiva gṛhṇāti na ca kupyati tuṣyati | no vā prayāti saṃtyajya udāsīno dvijottama 23| bhṛtyāścāpi samākhyātāḥ paśavasturagāstathā | gajā mahiṣyo dāsyaśca ṛṇasaṃbaṃdhinastvamī 24| gṛhītamāyayaikena āvābhyāṃ tu na kasya hi | nyāsamevaṃ na kasyāpi kṛtaṃ vai pūrvajanmani 25| rādhayāmi na kasyāpi kṣaṇaṃ kāṃta śṛṇuṣva hi | na vairamasti kenāpi pūrvajanmani vai kṛtam 26| ābālyena tu vipreṃdra na ca tyakto mayā patiḥ | evaṃ jñātvā śamaṃ gaccha tyaja ciṃtāmanarthikīm 27| hṛtaṃ naiva ca kasyāpi naiva dattaṃ tvayā punaḥ | kathaṃ te dhanamāyāti vismayaṃ vraja mā vibho 28| prāptameva hi yatraiva rakṣituśca na tiṣṭhati | evaṃ jñātvā śamaṃ gaccha tyaja ciṃtāmanarthikīm 29| kasya putrāḥ priyā bhāryā kasya svajanabāṃdhavāḥ | kaḥ kasya nāsti saṃsāre na saṃbaṃdho dvijottama 30| māyāmohena saṃmūḍhā mānavāḥ pāpacetanāḥ | idaṃ gṛhamayaṃ putra iyaṃ bhāryā mamaiva hi 31| anṛtaṃ dṛśyate kāṃta saṃsārasya hi baṃdhanam 32| iti śrīpadmapurāṇe pātālakhaṃḍe vaiśākhamāsamāhātmye aṣṭāśītitamo'dhyāyaḥ 88|
English translation
Sumanā said :
1-11. (Now) I shall describe to you the son connected through debt. Someone having taken debt from someone dies. The giver of wealth (lender) being a son, or a brother, or a father, or a beloved, would, always wicked internally, remain in the form of a friend. He, of a rough figure, would not at all notice virtue(s). He always speaks cruel words to his relatives. He eats sweet (articles of food), and always enjoys pleasures. He is always engaged in gambling, and longs for stealing. He steals money from the house, and, when prevented, gets angry. Every day he abuses his father and mother. He is a thief; he frightens (others); he speaks very harsh words. Thus having seized his wealth, he remains happily. In childhood he takes formidable wealth through the ceremony performed at his birth etc. Again on the occasions of marriage etc. (he takes money) many times and in various ways. In this way the wealth is reduced, and he says this much also: ‘All this—the house, the field—is mine. There is no doubt about it.’ Every day he torments his father and mother with strong sticks, pestles and by ruthlessly plucking their hair. On the death of his father and mother the very cruel one becomes affectionless and harsh. There is no doubt about it. He never performs the śrāddha -rites and never gives gifts. O king, dear sons become like this.
12-16a. O best brāhmaṇa , I shall describe to you the inimical son. When childhood has come, he always behaves as a son. He, while sporting, would beat his father and mother. Having beaten them and again and again laughed he goes away. Again he comes there and is always angry with his father and mother, and abuses them every day. Thus, due to wealth he always indulges in inimical acts. Then again having beaten his father and mother, the wicked-souled one just goes away due to the power of the former enmity.
16b-21. Now I shall describe how the proper son would become dear. As soon as he is born, he would do what is agreeable, and by means of sportive beatings (he would do what is agreeable) in his childhood. Then, after he attains youth, he would do what would please his mother and father. Through devotion (to them) he would please them, and by means of affection, words, and conversing with them in a pleasing way, he would gratify both of them. Coming to know of the death of the elders, he weeps through affection (for them). Being extremely afflicted he performs all śrāddha-rites and offers them piṇḍas . He gives them support of life. Being resolute, he, having the three debts, would certainly, through affection, emancipate them. O dear one, since he would be a proper (son), he would give (to him from whom he borrows). There is no doubt about this. O very wise one, he becomes a son in this manner.
22-27a. Now before you I shall describe the neutral son, O dear one. He always behaves in a neutral manner. He does not at all give. He does not receive. He does not get angry, or is not pleased. O best brāhmaṇa, the neutral one does not go away after abandoning (his parents). Servants, beasts, so also horses, elephants, buffaloes—all these are connected (with a man) through debt. One of us, or both of us have not taken anything fraudulently, nor have we made any deposit with anyone in our former existence; I am not pleasing anyone. O dear one, listen for a moment. (Right) from our childhood I have not had enmity with anyone in the former existence; and O best brāhmaṇa, I have not abandoned my husband. Realising this, be calm; give up (this) useless anxiety. O lord, you never snatched (anything) from anybody; nor have you given (anything) to anyone. How will (then) wealth come to you? Do not be surprised, for whatever is obtained by one who guards (i.e. tries to guard) it, does not remain (with him).
27b-32. Realising thus, be calm; give up (this) useless anxiety. To whom do the sons, dear wife, kinsmen and relatives belong? In this mundane existence nobody belongs to anyone (else). There is no connection (between two persons), O best brāhmaṇa. Men of wicked feelings, deluded by infatuation and illusion (say:) “This is my house; this is my son; this is my wife.” O dear one, the bond of the worldly existence appears to be untrue.
Complete chapter-aligned witnesses. Sanskrit Wikisource page 43974, revision 336130 (2022-04-18T20:49:18Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365400.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.