Pātāla-khaṇḍa · Chapter 80
Sourceपार्वत्युवाच- घोरे कलियुगे प्राप्ते विषयग्राहसंकुले । पुत्रदारधनाद्यार्तैस्तत्कथं धार्यते विभो १। तदुपायं महादेव कथयस्व कृपानिधे । ईश्वर उवाच- हरेर्नाम हरेर्नाम हरेर्नामैव केवलम् २। हरेराम हरेकृष्ण कृष्णकृष्णेति मंगलम् । एवं वदंति ये नित्यं न हि तान्बाधते कलि ३। अंतरांतरकर्माणि कृत्वा नामानि च स्मरेत् । कृष्णकृष्णेति कृष्णेति कृष्णेत्याह पुनः पुनः ४। मन्नाम चैव त्वन्नाम योजयित्वा व्यतिक्रमात् । सोऽपि पापात्प्रमुच्येत तूलराशेरिवानलः ५। जयाद्येतत्त्वया वाप्यथवा श्रीशब्दपूर्वकम् । तच्च मे मंगलं नाम जपन्पापात्प्रमुच्यते ६। दिवानिशि च संध्यायां सर्वकालेषु संस्मरेत् । अहर्निशं स्मरन्रामं कृष्णं पश्यति चक्षुषा ७। अशुचिर्वा शुचिर्वापि सर्वकालेषु सर्वदा । नामसंस्मरणादेव संसारान्मुच्यते क्षणात् ८। नानापराधयुक्तस्य नामापि च हरत्यघम् । यज्ञव्रततपोदानं सांगं नैव कलौ युगे ९। गंगास्नानं हरेर्नाम निरपायमिदं द्वयम् १०। हत्यायुतं पापसहस्रमुग्रं गुर्वंगनाकोटिनिषेवणं च । स्तेयान्यथान्यानि हरेः प्रियेण गोविंदनाम्ना न च संति भद्रे ११। अपवित्रः पवित्रो वा सर्वावस्थां गतोऽपि वा । यः स्मरेत्पुंडीकाक्षं स बाह्याभ्यंतरः शुचिः १२। नामसंस्मरणादेव तथा तस्यार्थचिंतनात् । सौवर्णीं राजतीं वापि तथा पैष्टीं स्रगाकृतिम् १३। पादयोश्चिह्नितां कृत्वा पूजां चैव समारभेत् । दक्षिणस्य पदोंगुष्ठमूले चक्रं बिभर्ति यः १४। तत्र नम्रजनस्यापि संसारच्छेदनाय च । मध्यमांगुलिमूले तु धत्ते कमलमच्युतः १५। ध्यातृचित्तद्विरेफाणां लोभनायातिशोभनम् । पद्मस्याधोध्वजं धत्ते सर्वानर्थजयध्वजम् १६। कनिष्ठामूलतो वज्रं भक्तपापौघभेदनम् । पार्श्वमध्येंऽकुशं भक्तचित्ते रभसकारणम् १७। भोगसंपन्मयं धत्ते यवमंगुष्ठपर्वणि । मूले गदां च पापाद्रिभेदनीं सर्वदेहिनाम् १८। सर्वविद्याप्रकाशाय धत्ते स भगवानजः । पद्मादीन्यपि चिह्नानि तत्र दक्षेण यत्पुनः १९। वामपादे वसेत्सोऽयं बिभर्त्ति करुणानिधिः । तस्माद्गोविंदमाहात्म्यमानंदरससुंदरम् २०। शृणुयात्कीर्त्तयेन्नित्यं स निर्मुक्तो न संशयः । मासकृत्यं प्रवक्ष्यामि विष्णोः प्रीतिकरं परम् २१। ज्येष्ठे तु स्नापनं कुर्याच्छ्रीविष्णोर्यत्नतः शुचिः । दैनंदिनं तु दुरितं पक्षमासर्त्तुवर्षजम् २२। ब्रह्महत्यासहस्राणि ज्ञाता ज्ञातकृतानि च । स्वर्णस्तेयसुरापान गुरुतल्पायुतानि च २३। कोटिकोटिसहस्राणि ह्युपपापानि यानि च । सर्वाण्यथ प्रणश्यंति पौर्णमास्यां तु वासरे २४। आसिंचेदच्युतं मूर्ध्नि तदैतत्कलशोदकम् । पुरुषसूक्तेन मंत्रेण पावमानीभिरेव च २५। नालिकेरोदकेनाथ तथा तालफलांबुना । रत्नोदकेन गंधेन तथा पुष्पोदकेन च २६। पंचोपचारैराराध्य यथाविभवविस्तरैः । घं घंटायै नम इति घंटावाद्यं प्रदापयेत् २७। पतितस्य महाध्वानन्यस्तपातकसंचये । पाहि मां पापिनं घोरसंसारार्णवपातिनम् २८। य एवं कुरुते विद्वान्ब्राह्मणः श्रोत्रियः शुचिः । सर्वपापैः प्रमुच्येत विष्णुलोकं स गच्छति २९। आषाढशुक्लैकादश्यां कुर्यात्स्वापमहोत्सवम् । आषाढे च रथं कुर्याच्छ्रावणे श्रवणाविधिम् ३०। भाद्रे च जन्मदिवस उपवासपरो भवेत् । प्रसुप्तस्य परीवर्तमाश्विने मासि कारयेत् ३१। उत्थानं श्रीहरेः कुर्यादन्यथा विष्णुद्रोहकृत् । शुभे चैवाश्विने मासि महामायां च पूजयेत् ३२। सौवर्णीं राजतीं वापि विष्णुरूपां बलिं विना । हिंसाद्वेषौ न कर्तव्यौ धर्मात्मा विष्णुपूजकः ३३। कार्तिके पुष्यमासे च कामतः पुण्यमाचरेत् । दामोदराय दीपं च प्रांशुस्थाने प्रदापयेत् ३४। सप्तवर्तिप्रमाणेन दीपः स्याच्चतुरंगुलः । पक्षांते च प्रकर्तव्या दीपमालावलि शुभा ३५। मार्गशीर्षे सिते पक्षे षष्ठ्यां च सितवस्त्रकैः । पूजयेज्जगदीशं च ब्रह्माणं च विशेषतः ३६। पौषे पुष्पाभिषेकं च वर्जयेच्चंदनं श्लथम् । संक्रांत्यां माघमासे च साधिवासित तंडुलात् ३७। नैवेद्यं विष्णवे दद्यादिमं मंत्रमुदीरयेत् । ब्राह्मणान्भोजयेद्भक्त्या देवदेवपुरः स्थितान् ३८। अभ्यर्च्य भगवद्भक्तान्द्विजांश्च भगवद्धिया । एकस्मिन्भोजिते भक्ते कोटिर्भवति भोजिता ३९। विप्रभोजनमात्रेण व्यंगं सांगं ध्रुवं भवेत् । पंचम्यां शुक्लपक्षे तु स्नापयित्वा च केशवम् ४०। पूजयित्वा विधानेन चूतपल्लवसंयुतैः । फलचूर्णैश्च विविधैर्वासितैः पटसाधितैः ४१। काननं रमणीयं च प्रदीप्तं दीपदीपितम् । द्राक्षेक्षु रंभा जंबीर नागरंगं च पूगकम् ४२। नालिकेरं च धात्रीं च पनसं च हरीतकीम् । अन्यैश्च वृक्षखंडैश्च सर्वर्तुकुसुमान्वितैः ४३। अन्यैश्च विविधैश्चैव फलपुष्पसमन्वितैः । वितानैः कुसुमोद्दामैर्वारिपूर्णघटैस्तथा ४४। चूतशाखोपशाखाभिः शोभितं छत्रचामरैः । जयकृष्णेति संस्मृत्य प्रदक्षिणपुरस्सरम् ४५। विशेषतः कलियुगे दोलोत्सवो विधीयते । फाल्गुने च चतुर्दश्यामष्टमे यामसंज्ञके ४६। अथवा पौर्णमास्यां तु प्रतिपत्संधिसंज्ञके । पूजयेद्विधिवद्भक्त्या फल्गुचूर्णैश्चतुर्विधैः ४७। सितरक्तैर्गौरपीतैः कर्पूरादि विमिश्रितैः । हरिद्रारागयोगाच्च रंगरूपैर्मनोहरैः ४८। अन्यैर्वा रंगरूपैश्च प्रीणयेत्परमेश्वरम् । एकादश्यां समारभ्य पंचम्यां तं समापयेत् ४९। पंचाहानि त्र्यहानि वा दोलोत्सवो विधीयते । दक्षिणाभिमुखं कृष्णं दोलमानं सकृन्नराः ५०। दृष्ट्वापराधनिचयैर्मुक्तास्ते नात्र संशयः । निक्षिप्य जलपात्रे च मासि माधवसंज्ञके ५१। सौवर्णपात्रे रौप्ये वा ताम्रे वाप्यथ मृण्मये । तोयस्थं योऽर्चयेद्देवं शालग्रामसमुद्भवम् ५२। प्रतिमां वा महाभागे तस्य पुण्यं न गण्यते । दमनारोपणं कृत्वा श्रीविष्णौ च समर्पयेत् ५३। वैशाखे श्रावणे भाद्रे कर्तव्यं वा तदर्पणम् । पूर्वेपूर्वे तु वातस्थे दमनादिषु कर्मसु ५४। प्रकर्तव्यं विधानेन अन्यथा निष्फलं भवेत् । वैशाखे च तृतीयायां जलमध्ये विशेषतः ५५। अथवा मंडले कुर्यान्मंडपे वा बृहद्वने । सुगंधचंदनेनांगं सुपुष्टं च दिनेदिने ५६। यथाप्रयत्नतः कुर्यात्कृशांगस्येव पुष्टिदम् । चंदनागुरु ह्रीबेर कृष्णकुंकुम रोचना ५७। जटामांसी मुरा चैव विष्णोर्गंधाष्टकं विदुः । तैस्तैर्गंधयुतैश्चापि विष्णोरंगानि लेपयेत् ५८। धृष्टं च तुलसीकाष्ठं कर्पूरागुरुयोगतः । अथवा केसरैर्योज्यं हरिचंदनमुच्यते ५९। यात्राकाले च ये कृष्णं भक्त्या पश्यंति मानवाः । न तेषां पुनरावृत्तिः कल्पकोटिशतैरपि ६०। सुगंधमिश्रितैस्तोयैर्देवदेवं गलंति ये । अथवा पुष्पमध्ये तु स्थापयेज्जगदीश्वरम् ६१। वृंदावनं तत्र गत्वा उपस्कृत्य फलानि च । विष्णुभक्तेन योग्येन भोजयेत्तदशेषतः ६२। नारिकेलफलं बीजकोशं चोद्धृत्य दापयेत् । घोंटाफलं च पनसं कोशमुद्धृत्य दापयेत् ६३। दध्ना विमिश्रितं चान्नं घृतेनाप्लुत्य दापयेत् । पाचितं पिष्टकं पूपमष्टादशघृतेन च ६४। तैलैश्च तिलसंमिश्रैः फलं पक्वं प्रदापयेत् । यद्यदेवात्मनः प्रीतं तत्तदीशाय दापयेत् ६५। दत्वा नैवेद्यवस्त्रादि नाददीत कथंचन । त्यक्तं च विष्णुमुद्दिश्य तद्भक्तेभ्यो विशेषतः ६६। इति ते कथितं किंचित्समासेन महेश्वरि । गोपनीयं प्रयत्नेन स्वयोनिरिव पार्वति ६७। श्रीकृष्णरूपगुणवर्णन शास्त्रवर्गबोधाधिकार इह चेदलमन्यपाठैः । तत्प्रेमभावरसभक्तिविलास नामहारेषु चेत्खलु मनः किमु कामिनीभिः ६८। तच्चेतसा प्रभजतां व्रजबालकेंद्रं वृंदावनक्षितितलं यमुनाजलं च । तल्लोकनाथपदपंकजधूलिमिश्रलिप्तं वपुः किल वृथागरुचंदनाद्यैः ६९। इति श्रीपद्मपुराणे पातालखंडे उमामहेश्वरसंवादे वृंदावनमाहात्म्ये अशीतितमोऽध्यायः ८०।
pārvatyuvāca- ghore kaliyuge prāpte viṣayagrāhasaṃkule | putradāradhanādyārtaistatkathaṃ dhāryate vibho 1| tadupāyaṃ mahādeva kathayasva kṛpānidhe | īśvara uvāca- harernāma harernāma harernāmaiva kevalam 2| harerāma harekṛṣṇa kṛṣṇakṛṣṇeti maṃgalam | evaṃ vadaṃti ye nityaṃ na hi tānbādhate kali 3| aṃtarāṃtarakarmāṇi kṛtvā nāmāni ca smaret | kṛṣṇakṛṣṇeti kṛṣṇeti kṛṣṇetyāha punaḥ punaḥ 4| mannāma caiva tvannāma yojayitvā vyatikramāt | so'pi pāpātpramucyeta tūlarāśerivānalaḥ 5| jayādyetattvayā vāpyathavā śrīśabdapūrvakam | tacca me maṃgalaṃ nāma japanpāpātpramucyate 6| divāniśi ca saṃdhyāyāṃ sarvakāleṣu saṃsmaret | aharniśaṃ smaranrāmaṃ kṛṣṇaṃ paśyati cakṣuṣā 7| aśucirvā śucirvāpi sarvakāleṣu sarvadā | nāmasaṃsmaraṇādeva saṃsārānmucyate kṣaṇāt 8| nānāparādhayuktasya nāmāpi ca haratyagham | yajñavratatapodānaṃ sāṃgaṃ naiva kalau yuge 9| gaṃgāsnānaṃ harernāma nirapāyamidaṃ dvayam 10| hatyāyutaṃ pāpasahasramugraṃ gurvaṃganākoṭiniṣevaṇaṃ ca | steyānyathānyāni hareḥ priyeṇa goviṃdanāmnā na ca saṃti bhadre 11| apavitraḥ pavitro vā sarvāvasthāṃ gato'pi vā | yaḥ smaretpuṃḍīkākṣaṃ sa bāhyābhyaṃtaraḥ śuciḥ 12| nāmasaṃsmaraṇādeva tathā tasyārthaciṃtanāt | sauvarṇīṃ rājatīṃ vāpi tathā paiṣṭīṃ sragākṛtim 13| pādayościhnitāṃ kṛtvā pūjāṃ caiva samārabhet | dakṣiṇasya padoṃguṣṭhamūle cakraṃ bibharti yaḥ 14| tatra namrajanasyāpi saṃsāracchedanāya ca | madhyamāṃgulimūle tu dhatte kamalamacyutaḥ 15| dhyātṛcittadvirephāṇāṃ lobhanāyātiśobhanam | padmasyādhodhvajaṃ dhatte sarvānarthajayadhvajam 16| kaniṣṭhāmūlato vajraṃ bhaktapāpaughabhedanam | pārśvamadhyeṃ'kuśaṃ bhaktacitte rabhasakāraṇam 17| bhogasaṃpanmayaṃ dhatte yavamaṃguṣṭhaparvaṇi | mūle gadāṃ ca pāpādribhedanīṃ sarvadehinām 18| sarvavidyāprakāśāya dhatte sa bhagavānajaḥ | padmādīnyapi cihnāni tatra dakṣeṇa yatpunaḥ 19| vāmapāde vasetso'yaṃ bibhartti karuṇānidhiḥ | tasmādgoviṃdamāhātmyamānaṃdarasasuṃdaram 20| śṛṇuyātkīrttayennityaṃ sa nirmukto na saṃśayaḥ | māsakṛtyaṃ pravakṣyāmi viṣṇoḥ prītikaraṃ param 21| jyeṣṭhe tu snāpanaṃ kuryācchrīviṣṇoryatnataḥ śuciḥ | dainaṃdinaṃ tu duritaṃ pakṣamāsarttuvarṣajam 22| brahmahatyāsahasrāṇi jñātā jñātakṛtāni ca | svarṇasteyasurāpāna gurutalpāyutāni ca 23| koṭikoṭisahasrāṇi hyupapāpāni yāni ca | sarvāṇyatha praṇaśyaṃti paurṇamāsyāṃ tu vāsare 24| āsiṃcedacyutaṃ mūrdhni tadaitatkalaśodakam | puruṣasūktena maṃtreṇa pāvamānībhireva ca 25| nālikerodakenātha tathā tālaphalāṃbunā | ratnodakena gaṃdhena tathā puṣpodakena ca 26| paṃcopacārairārādhya yathāvibhavavistaraiḥ | ghaṃ ghaṃṭāyai nama iti ghaṃṭāvādyaṃ pradāpayet 27| patitasya mahādhvānanyastapātakasaṃcaye | pāhi māṃ pāpinaṃ ghorasaṃsārārṇavapātinam 28| ya evaṃ kurute vidvānbrāhmaṇaḥ śrotriyaḥ śuciḥ | sarvapāpaiḥ pramucyeta viṣṇulokaṃ sa gacchati 29| āṣāḍhaśuklaikādaśyāṃ kuryātsvāpamahotsavam | āṣāḍhe ca rathaṃ kuryācchrāvaṇe śravaṇāvidhim 30| bhādre ca janmadivasa upavāsaparo bhavet | prasuptasya parīvartamāśvine māsi kārayet 31| utthānaṃ śrīhareḥ kuryādanyathā viṣṇudrohakṛt | śubhe caivāśvine māsi mahāmāyāṃ ca pūjayet 32| sauvarṇīṃ rājatīṃ vāpi viṣṇurūpāṃ baliṃ vinā | hiṃsādveṣau na kartavyau dharmātmā viṣṇupūjakaḥ 33| kārtike puṣyamāse ca kāmataḥ puṇyamācaret | dāmodarāya dīpaṃ ca prāṃśusthāne pradāpayet 34| saptavartipramāṇena dīpaḥ syāccaturaṃgulaḥ | pakṣāṃte ca prakartavyā dīpamālāvali śubhā 35| mārgaśīrṣe site pakṣe ṣaṣṭhyāṃ ca sitavastrakaiḥ | pūjayejjagadīśaṃ ca brahmāṇaṃ ca viśeṣataḥ 36| pauṣe puṣpābhiṣekaṃ ca varjayeccaṃdanaṃ ślatham | saṃkrāṃtyāṃ māghamāse ca sādhivāsita taṃḍulāt 37| naivedyaṃ viṣṇave dadyādimaṃ maṃtramudīrayet | brāhmaṇānbhojayedbhaktyā devadevapuraḥ sthitān 38| abhyarcya bhagavadbhaktāndvijāṃśca bhagavaddhiyā | ekasminbhojite bhakte koṭirbhavati bhojitā 39| viprabhojanamātreṇa vyaṃgaṃ sāṃgaṃ dhruvaṃ bhavet | paṃcamyāṃ śuklapakṣe tu snāpayitvā ca keśavam 40| pūjayitvā vidhānena cūtapallavasaṃyutaiḥ | phalacūrṇaiśca vividhairvāsitaiḥ paṭasādhitaiḥ 41| kānanaṃ ramaṇīyaṃ ca pradīptaṃ dīpadīpitam | drākṣekṣu raṃbhā jaṃbīra nāgaraṃgaṃ ca pūgakam 42| nālikeraṃ ca dhātrīṃ ca panasaṃ ca harītakīm | anyaiśca vṛkṣakhaṃḍaiśca sarvartukusumānvitaiḥ 43| anyaiśca vividhaiścaiva phalapuṣpasamanvitaiḥ | vitānaiḥ kusumoddāmairvāripūrṇaghaṭaistathā 44| cūtaśākhopaśākhābhiḥ śobhitaṃ chatracāmaraiḥ | jayakṛṣṇeti saṃsmṛtya pradakṣiṇapurassaram 45| viśeṣataḥ kaliyuge dolotsavo vidhīyate | phālgune ca caturdaśyāmaṣṭame yāmasaṃjñake 46| athavā paurṇamāsyāṃ tu pratipatsaṃdhisaṃjñake | pūjayedvidhivadbhaktyā phalgucūrṇaiścaturvidhaiḥ 47| sitaraktairgaurapītaiḥ karpūrādi vimiśritaiḥ | haridrārāgayogācca raṃgarūpairmanoharaiḥ 48| anyairvā raṃgarūpaiśca prīṇayetparameśvaram | ekādaśyāṃ samārabhya paṃcamyāṃ taṃ samāpayet 49| paṃcāhāni tryahāni vā dolotsavo vidhīyate | dakṣiṇābhimukhaṃ kṛṣṇaṃ dolamānaṃ sakṛnnarāḥ 50| dṛṣṭvāparādhanicayairmuktāste nātra saṃśayaḥ | nikṣipya jalapātre ca māsi mādhavasaṃjñake 51| sauvarṇapātre raupye vā tāmre vāpyatha mṛṇmaye | toyasthaṃ yo'rcayeddevaṃ śālagrāmasamudbhavam 52| pratimāṃ vā mahābhāge tasya puṇyaṃ na gaṇyate | damanāropaṇaṃ kṛtvā śrīviṣṇau ca samarpayet 53| vaiśākhe śrāvaṇe bhādre kartavyaṃ vā tadarpaṇam | pūrvepūrve tu vātasthe damanādiṣu karmasu 54| prakartavyaṃ vidhānena anyathā niṣphalaṃ bhavet | vaiśākhe ca tṛtīyāyāṃ jalamadhye viśeṣataḥ 55| athavā maṃḍale kuryānmaṃḍape vā bṛhadvane | sugaṃdhacaṃdanenāṃgaṃ supuṣṭaṃ ca dinedine 56| yathāprayatnataḥ kuryātkṛśāṃgasyeva puṣṭidam | caṃdanāguru hrībera kṛṣṇakuṃkuma rocanā 57| jaṭāmāṃsī murā caiva viṣṇorgaṃdhāṣṭakaṃ viduḥ | taistairgaṃdhayutaiścāpi viṣṇoraṃgāni lepayet 58| dhṛṣṭaṃ ca tulasīkāṣṭhaṃ karpūrāguruyogataḥ | athavā kesarairyojyaṃ haricaṃdanamucyate 59| yātrākāle ca ye kṛṣṇaṃ bhaktyā paśyaṃti mānavāḥ | na teṣāṃ punarāvṛttiḥ kalpakoṭiśatairapi 60| sugaṃdhamiśritaistoyairdevadevaṃ galaṃti ye | athavā puṣpamadhye tu sthāpayejjagadīśvaram 61| vṛṃdāvanaṃ tatra gatvā upaskṛtya phalāni ca | viṣṇubhaktena yogyena bhojayettadaśeṣataḥ 62| nārikelaphalaṃ bījakośaṃ coddhṛtya dāpayet | ghoṃṭāphalaṃ ca panasaṃ kośamuddhṛtya dāpayet 63| dadhnā vimiśritaṃ cānnaṃ ghṛtenāplutya dāpayet | pācitaṃ piṣṭakaṃ pūpamaṣṭādaśaghṛtena ca 64| tailaiśca tilasaṃmiśraiḥ phalaṃ pakvaṃ pradāpayet | yadyadevātmanaḥ prītaṃ tattadīśāya dāpayet 65| datvā naivedyavastrādi nādadīta kathaṃcana | tyaktaṃ ca viṣṇumuddiśya tadbhaktebhyo viśeṣataḥ 66| iti te kathitaṃ kiṃcitsamāsena maheśvari | gopanīyaṃ prayatnena svayoniriva pārvati 67| śrīkṛṣṇarūpaguṇavarṇana śāstravargabodhādhikāra iha cedalamanyapāṭhaiḥ | tatpremabhāvarasabhaktivilāsa nāmahāreṣu cetkhalu manaḥ kimu kāminībhiḥ 68| taccetasā prabhajatāṃ vrajabālakeṃdraṃ vṛṃdāvanakṣititalaṃ yamunājalaṃ ca | tallokanāthapadapaṃkajadhūlimiśraliptaṃ vapuḥ kila vṛthāgarucaṃdanādyaiḥ 69| iti śrīpadmapurāṇe pātālakhaṃḍe umāmaheśvarasaṃvāde vṛṃdāvanamāhātmye aśītitamo'dhyāyaḥ 80|
English translation
Pārvatī said :
1-2a. Then, how does (a man) survive, when the terrible Kali age, full of the alligators in the form of objects of senses, and having the distress in the form of a son, a wife and wealth, has arrived, O lord? O great god, O treasure of kindness, tell the remedy for it.
The lord said :
2b-8. Kali does not harass them who always utter the name of Hari and Hari only, or the auspicious (utterance) ‘Hare Rāma , Hare Kṛṣṇa ’ or ‘Kṛṣṇa, Kṛṣṇa’. Doing (his) deeds one after another, a man should remember ( Viṣṇu ’s) epithets. He repeatedly says, ‘Kṛṣṇa, Kṛṣṇa, Kṛṣṇa, Kṛṣṇa’. He should also use your name and my name with inversion. He too would be free from sin as fire (goes away) from a heap of cotton . He who mutters my auspicious name with your name as ‘Victory to the First One’, or preceded by the word ‘Śrī’, is freed from the worldly existence. He should remember it by day, at night, in the evening-at all times. He, remembering Rāma day and night, sees Kṛṣṇa with his eyes. He being pure or impure, just by remembering always and at all times, (Viṣṇu’s) name, is, just at that moment, freed from the worldly existence.
9-12. (Uttering) the name removes the sin of even him who is having many offences. In the Kali age a sacrifice, a vow, penance or charity is not complete in all parts. This couple—bath in Gaṅgā and Viṣṇu’s name—is free from evil. O auspicious lady, horrible thousand sins connected with killing. (sin due to) cohabiting with crores of wives of preceptors, thefts and other (sins) do not take place due to the name ‘ Govinda ’ dear to Hari. He who is impure or pure or who is reduced to every condition, who remembers (Viṣṇu) of lotuslike eyes, is pure from within and without.
13-20a. By remembering his name or by reflecting on his feet he should start worshipping him by fashioning his image with gold, silver, flour or of the shape of a garland. marked with his feet. He bears (the mark of) a disc at the root of his right thumb. He causes the end of the worldly existence of the man who bows there. Acyuta (i.e. Viṣṇu) bears a very beautiful mark of a lotus at the root of the middle finger, which attracts the bees in the form of the hearts of those who meditate (upon Viṣṇu). Below the lotus he bears (the mark of) a flag, which is the victory-flag of all calamities. At the root of the small finger is the mark (like a diamond-pin) that breaks (i.e. destroys) the stream of the sins of a devotee. In the side is a goad, the cause of joy in the devotee’s heart. At the joint of the thumb he bears (the mark of) a barley-corn which is full of pleasures and riches. At the root (of the thumb) there is (the mark of) a mace breaking the mountain of sins of all men. The unborn lord also bears marks like lotuses etc. on the right (foot) to illumine all knowledge. The treasure of kindness would stand on the left foot and has (these marks).
20b-40a. Therefore, he who would always listen to or narrate the greatness of Govinda, which is charming due to the relish of joy, is fully free. There is no doubt about it. I shall (now) tell the rites (to be performed) in (different) months, which give delight to Viṣṇu. In Jyeṣṭha , one, being pure, should carefully bathe Śrī Viṣṇu. On the full-moon day (when this is done), daily sins, sins committed during the fortnight, the month, the season and the year, so also thousands (of sins like) killing a brāhmaṇa , those committed knowingly or unknowingly, (sins like) stealing gold, drinking liquor, violating the teacher’s bed (i.e. wife), so also thousands of crores of minor sins—all these perish. One should sprinkle (the idol of) Acyuta on (its) head with water from a pitcher to the accompaniment of the hymn (called) Puruṣasūkta or (the group called) Pāvamānī hymns. (Or one should sprinkle the idol) with coconut water, or water from the tāla fruit, or fragrant water with gems put into it or water offered with flowers. Having propitiated (Viṣṇu) with the five articles of worship, according to (one’s) expanse of wealth, one should offer the musical instrument viz. bell, saying, ‘Gham, salutation to Ghaṇṭā ’. ‘I am fallen into the heat of sins put along the great path’. ‘Protect me, a sinner—falling into the ocean of the terrible mundane existence’. A learned brāhmaṇa, pure and wise, who does like this, is freed from all sins, and he goes to Viṣṇu’s heaven. One should celebrate the great festival of (Viṣṇu’s going to) sleep on the eleventh day of the bright half of Āṣāḍha . In Āṣāḍha one should take out (Viṣṇu’s) chariot (in procession). In Śrāvaṇa one should perform the ceremony called Śrāvaṇa- vidhi (performed on the full-moon day). He should be intent on a fast on (Viṣṇu’s) birthday in Bḥādrapada. In the month of Āśvina , one should perform the ceremony of (Viṣṇu’s) turning to another side. One should (also) perform (the ceremony of) Śrī Hari’s getting up. Otherwise he will be a traitor to Viṣṇu. In the auspicious Āśvina month one should worship the golden or silver (idol of) Mahāmāyā of the form of Viṣṇu, without making an oblation. A religious-minded worshipper of Viṣṇu should not indulge in killing or hating (anyone). In the months of Kārtika and Pauṣa one should perform (deeds of) religious merit according to his desire. One should also offer a lamp (kept) on a high place to Dāmodara . The lamp should be of the size of four fingers and should have seven wicks. At the end of the fortnight one should arrange an auspicious row of lamps. In the bright half of Mārgaśīrṣa , on the sixth day, one should, with (i.e. having put on) white garments, worship the lord of the world, particularly Brahmā . In Pauṣa one should sprinkle (water over the idol) with flowers. One should avoid loose sandal(-paste). On the Saṃkrānti day and in the month of Māgha one should make an offering of food made from fragrant rice to Viṣṇu, and should recite this prayer. One should also feed brāhmaṇas residing in the city of the god of gods. One should (also) honour Viṣṇu’s devotees and brāhmaṇas looking upon them as the lord. When one devotee is fed, a crore of them are fed. Merely by feeding brāhmaṇas a deficient (deed) certainly becomes complete.
40b-45a. On the fifth day in the bright fortnight one should bathe (the idol of) Keśava , worship it duly with fruits and powders, along with young leaves of mango trees, and with fine, fragrant garments. The house should be (rendered) charming, should be bright and illumined with lights. It should have grapes, sugarcanes, plantain-trees, jambīra , nāgaraṅga , nut-trees, coconuts, dhātrī , jackfruits, and green vegetables. (It should be decorated) with portions of other trees, with flowers of all seasons, with other various fruits and flowers, with canopies, with abundant flowers and pitchers full of water, with branches and twigs of mango-trees and with umbrellas and chowries.
45b-57a. The festival of the swing is laid down after remembering (Kṛṣṇa) with the words ‘Victory to Kṛṣṇa’ and after going round (the idol)—especially in the Kali age (it is celebrated) on the fourteenth day in Phālguna (at the time) called Yāma . Or one should devoutly and duly worship (the idol) with four kinds of powders of figs on the full-moon day on the first day at a time called sandhi . One should please the highest lord with white and red (articles), white and yellow (articles), and (articles) mixed with camphor etc.; so also with (articles) having lovely colour and form due to the colour of turmeric. Or one should please the highest lord with (articles) having other colours and forms. One should start (the festival) on the eleventh day and finish it on the fifth day. The swing-festival is laid down (to last for) five days or three days. Men, seeing Kṛṣṇa facing the south and swinging, get free from heaps of sins. There is no doubt about it. A man should, in the month of Caitra , put the deity rising from (i.e. present in) Śālagrāma , in a pot containing water or in a golden, silver, copper or earthen vessel and should worship him while (the idol) is in water. Or, O magnanimous one, he should worship his image. His religious merit cannot be measured. Having planted the damana (tree), he should offer (the leaves of) it to Śrī Viṣṇu. He should offer it in Vaiśākha or Śrāvaṇa or Bhādrapada . While offering damana etc. he should do so in the foremost sheltered place; otherwise it is fruitless. On the third day of Vaiśākha he should get fashioned (the idol of Viṣṇu) especially in water or in a circle or in a pavilion in a big grove. Day by day he should nourish it well with fragrant sandal. With care as he can bestow, he should do it, which gives nourishment.
57b-66. They recognise these things to be Viṣṇu’s Gandhāṣṭaka ‘eight fragrances’—sandal, agaru (a kind of sandal), hrībera, black saffron, rocanā (a kind of yellow pigment), jaṭāmāṃsī (a kind of black pigment), murā . With these particular (articles) he should smear the body (i.e. the idol) of Viṣṇu. Rubbed Tulasī -wood with camphor and agaru or used with filaments of flowers is called haricandana . The men who, at the time of pilgrimage, see Kṛṣṇa (i.e. his idol) with devotion, are not reborn even after hundreds of crores of kalpas , (so also those) who put (i.e. bathe the idol with) water mixed with fragrant articles. Or having gone to Vṛndāvana , having put in the midst of flowers (the idol of) the lord of the world, and having decorated (it), he should make a worthy devotee of Viṣṇu enjoy (all) that fully. He should pluck a coconut or the seed-vessel of a lotus and offer it (to the deity), so also jujube fruit, bread-fruit, after removing the cover. He should also cause to be offered food mixed with curd, after dipping it into ghee . He should also cause to be offered cooked flour, cake with ghee, so also ripe fruit with oil mixed with sesamum (-seeds). He should give whatever is dear to himself. Having offered (an article) he should never take it back; especially that which is intended for Viṣṇu and given to his devotees.
67-69. O Maheśvarī , O Pārvatī , I have told you something in brief. You should protect it like your own vulva. When there is this section (giving) instruction in the class of sacred texts describing the form and virtues of Śrīkṛṣṇa , enough of other texts. When the (devotee’s) mind is (fixed) on the necklace of love (for him), interest (in him), devotion (to him) and his sports and names, what is the use of beautiful women? With heart worship that lord of the children in Vraja , the ground of Vṛndāvana, water of Yamunā ; a body smeared with dust of the lotus-like feet of the lord of the world (is better than one smeared with) agaru, sandal etc. which are indeed vain.
Complete chapter-aligned witnesses. Sanskrit Wikisource page 43969, revision 336107 (2022-04-18T11:37:57Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365392.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.