Sṛṣṭi-khaṇḍa · Chapter 28
Sourceभीष्म उवाच। पादपानां विधिं ब्रह्मन्यथावद्विस्तराद्वद। विधिना येन कर्त्तव्यं पादपारोपणं बुधैः१। ये च लोकाः स्मृता येषां तानिदानीं वदस्व मे। पुलस्त्य उवाच। पादपानां विधिं वक्ष्ये तथैवोद्यानभूमिषु२। तटाकविधिवत्सर्वं समाप्य जगतीश्वर। ऋत्विङ्मंडपसंभारमाचार्यं चापि तद्विधं३। पूजयेद्ब्राह्मणांस्तद्वद्धेमवस्त्रानुलेपनैः। सर्वौषध्युदकैः सिक्तान्दध्यक्षतविभूषितान्४। वृक्षान्माल्यैरलंकृत्य वासोभिरभिवेष्टयेत्। सूच्या सौवर्णया कार्यं सर्वेषां कर्णवेधनं५। अंजनं चापि दातव्यं तद्वद्धेमशलाकया। फलानि सप्त चाष्टौ वा कालधौतानि कारयेत्६। प्रत्येकं सर्ववृक्षाणां वेद्यांतान्यधिवासयेत्। धूपोत्र गुग्गुलुः श्रेष्ठस्ताम्रपात्रेष्वधिष्ठितान्७। सप्तधान्यस्थितान्कृत्वा वस्त्रगंधानुलेपनैः। कुंभान्सर्वेषु वृक्षेषु स्थापयित्वावनीश्वर८। पूजयित्वा दिनांते च कृत्वा बलिनिवेदनम्। यथावल्लोकपालानामिंद्रादीनां विधानतः९। वनस्पतेरधिवास एवं कार्यो द्विजातिभिः। ततः शुक्लांबरधरान्सौवर्णकृतमेखलान्१०। सकांस्यदोहां सौवर्णशृंगाभ्यामतिशालिनीं। पयस्विनीं वृक्षमध्यादुत्सृजेद्गामुदङ्मुखीम्११। ततोभिषेकमंत्रेण वाद्यमंगलगीतकैः। ऋग्यजुःसाममंत्रैश्च वारुणैरभितस्तदा१२। तैरेव कुंभैः स्नपनं कुर्युर्ब्राह्मणपुंगवाः। स्नातः शुक्लांबरधरो यजमानोभिपूजयेत्१३। गोभिर्विभवतः सर्वानृत्विजः ससमाहितान्। हेमसूत्रैः सकटकैरंगुलीयैः पवित्रकैः१४। वासोभिः शयनीयैश्च तथोपस्करपादुकैः। क्षीराभिषेचनं कुर्याद्यावद्दिनचतुष्टयम्१५। होमश्च सर्पिषा कार्यो यवैः कृष्णतिलैरपि। पलाशसमिधः शस्ताश्चतुर्थेऽह्नि तथोत्सवः१६। दक्षिणा च पुनस्तद्वद्देया तत्रापि शक्तितः। यद्यदिष्टतमं किचित्तत्तद्दद्यादमत्सरी१७। आचार्ये द्विगुणं दत्त्वा प्रणिपत्य क्षमापयेत्। अनेन विधिना यस्तु कुर्याद्वृक्षोत्सवं बुधः१८। सर्वान्कामानवाप्नोति पदं चानन्तमश्नुते। यश्चैवमपि राजेन्द्र वृक्षं संस्थापयेद्बुधः१९। सोपि स्वर्गे वसेद्राजन्यावदिंद्रायुतत्रयम्। भूतान्भव्यांश्च मनुजांस्तारयेद्रोमसंमितान्२०। परमां सिद्धिमाप्नोति पुनरावृत्तिदुर्लभाम्। य इदं शृणुयान्नित्यं श्रावयेद्वापि मानवः२१। सोपि संपूज्यते देवैर्ब्रह्मलोके महीयते। अपुत्रस्य च पुत्रित्वं पादपा एव कुर्वते२२। तीर्थेषु पिंडदानादीन्रोपकाणां ददंति ते। यत्नेनापि च राजेंद्र अश्वत्थारोपणं कुरु२३। स ते पुत्रसहस्रस्य कृत्यमेकः करिष्यति। धनी चाश्वत्थवृक्षेण अशोकः शोकनाशनः२४। प्लक्षो यज्ञप्रदः प्रोक्तः क्षीरी चायुःप्रदः स्मृतः। जंबुकी कन्यकादात्री भार्यादा दाडिमी तथा२५। अश्वत्थो रोगनाशाय पलाशो ब्रह्मदस्तथा। प्रेतत्वं जायते पुंसो रोपयेद्यो विभीतकम्२६। अंकोले कुलवृद्धिस्तु खादिरेणाप्यरोगिता। निंबप्ररोहकाणां तु नित्यं तुष्येद्दिवाकरः२७। श्रीवृक्षे शंकरो देवः पाटलायां तु पार्वती। शिंशपायामप्सरसः कुंदे गंधर्वसत्तमाः२८। तिंतिडीके दासवर्गा वंजुले दस्यवस्तथा। पुण्यप्रदः श्रीप्रदश्च चंदनः पनसस्तथा२९। सौभाग्यदश्चंपकश्च करीरः पारदारिकः। अपत्यनाशकस्तालो बकुलः कुलवर्द्धनः३०। बहुभार्या नारिकेला द्राक्षा सर्वांगसुंदरी। रतिप्रदा तथा कोली केतकी शत्रुनाशिनी३१। एवमादि नगाश्चान्ये ये नोक्तास्तेपि दायकाः। प्रतिष्ठां ते गमिष्यंति यैस्तु वृक्षाः प्ररोपिताः३२।
bhīṣma uvāca| pādapānāṃ vidhiṃ brahmanyathāvadvistarādvada| vidhinā yena karttavyaṃ pādapāropaṇaṃ budhaiḥ1| ye ca lokāḥ smṛtā yeṣāṃ tānidānīṃ vadasva me| pulastya uvāca| pādapānāṃ vidhiṃ vakṣye tathaivodyānabhūmiṣu2| taṭākavidhivatsarvaṃ samāpya jagatīśvara| ṛtviṅmaṃḍapasaṃbhāramācāryaṃ cāpi tadvidhaṃ3| pūjayedbrāhmaṇāṃstadvaddhemavastrānulepanaiḥ| sarvauṣadhyudakaiḥ siktāndadhyakṣatavibhūṣitān4| vṛkṣānmālyairalaṃkṛtya vāsobhirabhiveṣṭayet| sūcyā sauvarṇayā kāryaṃ sarveṣāṃ karṇavedhanaṃ5| aṃjanaṃ cāpi dātavyaṃ tadvaddhemaśalākayā| phalāni sapta cāṣṭau vā kāladhautāni kārayet6| pratyekaṃ sarvavṛkṣāṇāṃ vedyāṃtānyadhivāsayet| dhūpotra gugguluḥ śreṣṭhastāmrapātreṣvadhiṣṭhitān7| saptadhānyasthitānkṛtvā vastragaṃdhānulepanaiḥ| kuṃbhānsarveṣu vṛkṣeṣu sthāpayitvāvanīśvara8| pūjayitvā dināṃte ca kṛtvā balinivedanam| yathāvallokapālānāmiṃdrādīnāṃ vidhānataḥ9| vanaspateradhivāsa evaṃ kāryo dvijātibhiḥ| tataḥ śuklāṃbaradharānsauvarṇakṛtamekhalān10| sakāṃsyadohāṃ sauvarṇaśṛṃgābhyāmatiśālinīṃ| payasvinīṃ vṛkṣamadhyādutsṛjedgāmudaṅmukhīm11| tatobhiṣekamaṃtreṇa vādyamaṃgalagītakaiḥ| ṛgyajuḥsāmamaṃtraiśca vāruṇairabhitastadā12| taireva kuṃbhaiḥ snapanaṃ kuryurbrāhmaṇapuṃgavāḥ| snātaḥ śuklāṃbaradharo yajamānobhipūjayet13| gobhirvibhavataḥ sarvānṛtvijaḥ sasamāhitān| hemasūtraiḥ sakaṭakairaṃgulīyaiḥ pavitrakaiḥ14| vāsobhiḥ śayanīyaiśca tathopaskarapādukaiḥ| kṣīrābhiṣecanaṃ kuryādyāvaddinacatuṣṭayam15| homaśca sarpiṣā kāryo yavaiḥ kṛṣṇatilairapi| palāśasamidhaḥ śastāścaturthe'hni tathotsavaḥ16| dakṣiṇā ca punastadvaddeyā tatrāpi śaktitaḥ| yadyadiṣṭatamaṃ kicittattaddadyādamatsarī17| ācārye dviguṇaṃ dattvā praṇipatya kṣamāpayet| anena vidhinā yastu kuryādvṛkṣotsavaṃ budhaḥ18| sarvānkāmānavāpnoti padaṃ cānantamaśnute| yaścaivamapi rājendra vṛkṣaṃ saṃsthāpayedbudhaḥ19| sopi svarge vasedrājanyāvadiṃdrāyutatrayam| bhūtānbhavyāṃśca manujāṃstārayedromasaṃmitān20| paramāṃ siddhimāpnoti punarāvṛttidurlabhām| ya idaṃ śṛṇuyānnityaṃ śrāvayedvāpi mānavaḥ21| sopi saṃpūjyate devairbrahmaloke mahīyate| aputrasya ca putritvaṃ pādapā eva kurvate22| tīrtheṣu piṃḍadānādīnropakāṇāṃ dadaṃti te| yatnenāpi ca rājeṃdra aśvatthāropaṇaṃ kuru23| sa te putrasahasrasya kṛtyamekaḥ kariṣyati| dhanī cāśvatthavṛkṣeṇa aśokaḥ śokanāśanaḥ24| plakṣo yajñapradaḥ proktaḥ kṣīrī cāyuḥpradaḥ smṛtaḥ| jaṃbukī kanyakādātrī bhāryādā dāḍimī tathā25| aśvattho roganāśāya palāśo brahmadastathā| pretatvaṃ jāyate puṃso ropayedyo vibhītakam26| aṃkole kulavṛddhistu khādireṇāpyarogitā| niṃbaprarohakāṇāṃ tu nityaṃ tuṣyeddivākaraḥ27| śrīvṛkṣe śaṃkaro devaḥ pāṭalāyāṃ tu pārvatī| śiṃśapāyāmapsarasaḥ kuṃde gaṃdharvasattamāḥ28| tiṃtiḍīke dāsavargā vaṃjule dasyavastathā| puṇyapradaḥ śrīpradaśca caṃdanaḥ panasastathā29| saubhāgyadaścaṃpakaśca karīraḥ pāradārikaḥ| apatyanāśakastālo bakulaḥ kulavarddhanaḥ30| bahubhāryā nārikelā drākṣā sarvāṃgasuṃdarī| ratipradā tathā kolī ketakī śatrunāśinī31| evamādi nagāścānye ye noktāstepi dāyakāḥ| pratiṣṭhāṃ te gamiṣyaṃti yaistu vṛkṣāḥ praropitāḥ32|
English translation
Bhīṣma said :
1-2a. O brahman , tell me in detail about the rite (which is performed) with reference to (the planting of) trees ( pādapa ). Also tell me about the worlds that are said (to exist).
Pulastya said :
2b-3. O King, I shall describe to you the rite with reference to the (planting) of trees in gardens and other places. O lord of the worlds, having accomplished everything as in the case of the rite with reference to the lakes, he should worship the priests, parts of the pavilion and also the preceptor like that (i. e. in the same way).
4-5. He should similarly honour brāhmaṇas with gold, garments and anointment. He should cover the trees with garments after having sprinkled them with water containing all herbs and with curds, and (after having) decorated them with curds and sacred grains. Their ears should be pierced [1] with a golden needle.
6-8. He should also give (i.e. apply) collyrium to them with a small golden stick. He should also get fashioned seven or eight silver fruits; and should put each one of them on the altar (in the form) of the trees. Here the incense of guggulu is the best. O king, having filled pitchers with seven kinds of grains, having covered them with cloth, (having applied) sandal and anointment to them and having placed them in copper-vessels, he should put them on the trees.
9-10a. After worshipping them in the evening, and after properly making offerings to the regents of the quarters (and gods) like Indra , the brāhmaṇas should thus consecrate the tree.
10b-11. Then from the midst of the trees, he should give a cow covered with white cloth, with her girdle made of gold, her udders decorated with bell-metal and looking charming with golden horns and with her face turned towards the north.
12-15. Then the best brāhmaṇas should bathe with (the water in) those very pitchers to the accompaniment of religious texts (used at the time) of holy bathing, and also of musical instruments and auspicious songs and also to the accompaniment of sacred texts from the Ṛgveda , Yajurveda and Sāmaveda and texts sacred to Varuṇa . The host, having bathed and put on a white garment, should worship with grandeur, all the well-composed priests with (i.e. by giving them) cows, golden strings with bracelets, rings and sacred threads, as well as garments, beds, pieces of furniture and wooden sandals. For four days he should bathe with milk.
16. He should perform a sacrifice with ghee , barley or even with black sesamum. The sacrificial sticks of Palāśa are recommended. Similarly a festival (should be celebrated) on the fourth day.
17-18a. He also should give presents (to brāhmaṇas) according to his capacity. He should, without being jealous, do whatever is most desirable. He should give double (the presents given to brāhmaṇas) to the preceptor; and having saluted him, he should seek his pardon.
18b-19a. A wise man, who celebrates the tree-festival according to this rite, obtains (i.e. fulfils) all his desires, and an endless position.
19b-20. O lord of kings, he, who, thus installs (i.e. plants) a tree, would also live in heaven as long as three myriads of Indras (rule there); and would save (from falling into hell), past and future men (i.e. his relatives) equal to the number of hair on the body (i.e. a large number).
21-22. He attains great prosperity (making) rebirth difficult. Even that man, who listens to this, or makes others to listen to it (i.e. reads it to others), is honoured by gods and in the world of Brahman. The trees alone make a sonless person have a son.
23-24. They offer libations etc. to plants at sacred places. O lord of kings, plant an aśvattha tree even with great effort. It alone will give you a thousand sons. And by (planting) an aśvattha a man becomes wealthy; the aśoka (tree) destroys grief.
25. The plakṣa tree is said to give (the fruit of) a sacrifice; the kṣīra tree is said to cause (long) life. Jambukī gives daughters; dāḍimī gives a wife.
26. Aśvattha leads to the destruction of diseases; palāśa gives (i.e. takes one to) Brahman. A man who plants a vibhītaka (tree) becomes a ghost.
27. (The planting of) Aṅkola tree leads to the expansion of the family. Health is (caused) by (the planting of) the khadira (tree). The sun is ever pleased with the nimba shoots.
28. God Śiva (is pleased) when śrī (tree is planted); and Pārvatī (is pleased) with the red lodhra (being planted). The celestial nymphs (are pleased) with (the planting of) śiṃśapā , and the best Gandharvas with the kunda tree.
29. (One would get) groups of servants (if one plants) tintiḍīka tree; similarly (the planting of) vañjula (leads to the rise of) robbers. Candana , and panasa also give religious merit and wealth.
30. (Planting of) campaka gives good fortune, and that of karīra makes one an adulterer. (Planting of) tāla destroys one’s progeny; while (planting of) vakula (i.e. bakula ) expands the family. [2]
31. The planting of coconut tree brings many wives, while planting of the grape-creeper (makes one have) an all-beautiful (wife). Similarly (planting of) kolī causes sexual enjoyment; (planting of) ketakī destroys one’s enemies.
32. These trees and others which are not mentioned (here) are givers (of various objects). Those who have planted trees will go (i.e. attain) high position.
[1]: [1] : Karṇavedhana —ear-boring; a religious ceremony sometimes performed as a saṃskāra .
[2]: [2] : Tala : Planting of this tree is said to destroy children and that of bakula to increase the family.
[3]: [3] : Ahaṃkāra , Pradhāna and Puruṣa are principles accepted by the Sāṃkhya school of philosophy. For a detailed description of these, see Chapter 2 above.
Complete chapter-aligned witnesses. Sanskrit Wikisource page 33838, revision 332874 (2022-02-22T01:32:46Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364149.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.