Sṛṣṭi-khaṇḍa · Chapter 80
Sourceवैशंपायन उवाच- श्रुतो ग्रहेश्वरस्यैष प्रभावस्त्वत्प्रसादतः। रव्यादीनां ग्रहाणां च साधनं नो वद द्विज१। के ते रव्यादयस्तेषां कथं तोषः कथं प्रियम्। काले देशे तु संप्राप्ते दर्शनं तच्छिवाशिवम्२। व्यास उवाच-। ग्रहादयो ये लोके तु भुंजंति पुण्यपातकम्। शिवाशिवं च कुर्वंति विश्वकर्मक्षयाय वै३। सूरः कालोंतको ज्ञेयो जनेषु च ग्रहेषु च। तिग्मसौम्याच्च योगात्स निग्रहानुग्रहे प्रभुः४। ग्रहभावाच्च तस्यैव संतोषं निगदाम्यहम्। उदुम्बरपलाशाभ्यां पल्लवाभ्यां जुहोति यः५। आकृष्णेनेति मंत्रेण मूलकेनाथ शांतये। जुहुयादाज्ययुक्ताभ्यामभीष्टफलहेतवे६। शांतये सर्वरोगाणां वधबंधविमोचने। एकैकेन तु मंत्रेण होतव्यं च शतंशतम्७। शितं चच्छागलं दद्यात्सूरायादित्यवासरे। भोजयेद्ब्राह्मणान्शक्त्या हव्यकव्यैर्मनोहरैः८। सप्तम्यां च सिते पक्षे पंचदश्यां तथैव च। रोगाद्विमुच्यते रोगी न रोगात्कृच्छ्रमेष्यति९। परमं चामरं सत्वमाब्रह्मस्तंबमात्रके। ब्रह्मांडे चाणुमात्रे च सूरः संभावयिष्यते१०। संहारांतं क्रमात्सर्वमुत्पत्तिस्थितिकारणात्। प्राणसर्गे जनानां स पाता विश्वचरस्तनौ११। मृत्युकाले तनोर्मध्यात्प्राणेन सह गच्छति। शीर्षान्तस्थः सदा चंद्रो द्विरष्टकलया युतः१२। अहर्निशं सुधावृष्टिं देहे वर्षत्यधोमुखः। जंतवस्तेन जीवंति महासत्वानुमात्रकाः१३। उर्व्यां सस्यानि पुष्णाति तथा स्थावरजंगमान्। एताभ्यां पुष्पवद्भ्यां च धारितं जनितं जगत्१४। तयोराराधनात्पुष्टिः सदा पुण्यापरार्धिका। साधयेत्सर्वकार्याणि साधकः सर्वदा शुचिः१५। न पूजयति यो मोहात्सुधांशुं मानवाधमः। आयुस्तस्य क्षयं याति नरकं चाधिगच्छति१६। निष्कलंक कलाधार गंगाधर शिरोमणे। द्वितीयायां जगन्नाथ तुभ्यं चंद्र नमोस्तु ते१७। तिथिमन्यामनुप्राप्य नमस्कारं विधोरपि। प्रकरोति नरो यस्तु सोभीष्टं फलमाप्नुयात्१८। अत्रिनेत्रोद्भव श्रीमन्क्षीरोद मथनोद्भव। महेशमुकटावास तुभ्यं चंद्र नमोस्तुते१९। दिव्यरूप नमस्तुभ्यं सुधाकर जगत्पते। शुक्लपक्षे तथा कृष्णे त्रियामायां विदुर्बुधाः२०। ऊँ ह्रां ह्रीं सोमाय नमः इति जप्यमंत्रः। प्रभाते जपनीयः-। एवं यः पूजयेत्सोमं श्रावयेच्च शृणोति वा। स पीयूषसमो लोके भवेज्जन्मनि जन्मनि२१। एवं सहस्रनाम्ना यः स्तौति पूजयते भुवि। सोऽक्षयं लभते स्वर्गं पुनरावृत्तिदुर्लभम्२२। इति सोमपूजा-। पित्तले भाजने कांस्ये दधिपूर्णे घृते शिवे। न्यूनोऽधिकस्तु विभवाच्छ्रुत्वा कर्मविमत्सरः२३। स्वर्णे वा राजते वारे सौम्ये कृष्णभवे बुधम्। संस्थाप्य सर्वसंस्थाने दद्याद्बहुसुताय च२४। परं भवति सौभाग्यं पीयूषादधिकं भृशम्। स्त्रीणां च पुरुषाणां च न दौर्भाग्यं कदाचन२५। रूपसौभाग्यकामोहं दधिपूर्णं च भाजनम्। ददामि कांस्यपात्रस्थं देहि सौभाग्यरूपकम्२६। द्विजाय वाक्यपूर्वेण दद्याद्विमत्सरो नरः। शक्तितो दक्षिणा देया तथा वस्त्रादिकं नवम्२७। भोज्यान्नं सर्वसम्पूर्णं तांबूलं सुमनोहरम्। पुष्पमालादिकं दद्याद्रूपसौभाग्यहेतवे२८। एवं यः कुरुते दानं सोमोद्दिष्टं द्विजातये। स्वर्लोके नरलोके वा रूपसौभाग्यभुग्भवेत्२९। इति श्रीपाद्मपुराणे प्रथमे सृष्टिखंडे सोमार्चनं। नामाशीतितमोऽध्यायः८०।
vaiśaṃpāyana uvāca- śruto graheśvarasyaiṣa prabhāvastvatprasādataḥ| ravyādīnāṃ grahāṇāṃ ca sādhanaṃ no vada dvija1| ke te ravyādayasteṣāṃ kathaṃ toṣaḥ kathaṃ priyam| kāle deśe tu saṃprāpte darśanaṃ tacchivāśivam2| vyāsa uvāca-| grahādayo ye loke tu bhuṃjaṃti puṇyapātakam| śivāśivaṃ ca kurvaṃti viśvakarmakṣayāya vai3| sūraḥ kāloṃtako jñeyo janeṣu ca graheṣu ca| tigmasaumyācca yogātsa nigrahānugrahe prabhuḥ4| grahabhāvācca tasyaiva saṃtoṣaṃ nigadāmyaham| udumbarapalāśābhyāṃ pallavābhyāṃ juhoti yaḥ5| ākṛṣṇeneti maṃtreṇa mūlakenātha śāṃtaye| juhuyādājyayuktābhyāmabhīṣṭaphalahetave6| śāṃtaye sarvarogāṇāṃ vadhabaṃdhavimocane| ekaikena tu maṃtreṇa hotavyaṃ ca śataṃśatam7| śitaṃ cacchāgalaṃ dadyātsūrāyādityavāsare| bhojayedbrāhmaṇānśaktyā havyakavyairmanoharaiḥ8| saptamyāṃ ca site pakṣe paṃcadaśyāṃ tathaiva ca| rogādvimucyate rogī na rogātkṛcchrameṣyati9| paramaṃ cāmaraṃ satvamābrahmastaṃbamātrake| brahmāṃḍe cāṇumātre ca sūraḥ saṃbhāvayiṣyate10| saṃhārāṃtaṃ kramātsarvamutpattisthitikāraṇāt| prāṇasarge janānāṃ sa pātā viśvacarastanau11| mṛtyukāle tanormadhyātprāṇena saha gacchati| śīrṣāntasthaḥ sadā caṃdro dviraṣṭakalayā yutaḥ12| aharniśaṃ sudhāvṛṣṭiṃ dehe varṣatyadhomukhaḥ| jaṃtavastena jīvaṃti mahāsatvānumātrakāḥ13| urvyāṃ sasyāni puṣṇāti tathā sthāvarajaṃgamān| etābhyāṃ puṣpavadbhyāṃ ca dhāritaṃ janitaṃ jagat14| tayorārādhanātpuṣṭiḥ sadā puṇyāparārdhikā| sādhayetsarvakāryāṇi sādhakaḥ sarvadā śuciḥ15| na pūjayati yo mohātsudhāṃśuṃ mānavādhamaḥ| āyustasya kṣayaṃ yāti narakaṃ cādhigacchati16| niṣkalaṃka kalādhāra gaṃgādhara śiromaṇe| dvitīyāyāṃ jagannātha tubhyaṃ caṃdra namostu te17| tithimanyāmanuprāpya namaskāraṃ vidhorapi| prakaroti naro yastu sobhīṣṭaṃ phalamāpnuyāt18| atrinetrodbhava śrīmankṣīroda mathanodbhava| maheśamukaṭāvāsa tubhyaṃ caṃdra namostute19| divyarūpa namastubhyaṃ sudhākara jagatpate| śuklapakṣe tathā kṛṣṇe triyāmāyāṃ vidurbudhāḥ20| ū~ hrāṃ hrīṃ somāya namaḥ iti japyamaṃtraḥ| prabhāte japanīyaḥ-| evaṃ yaḥ pūjayetsomaṃ śrāvayecca śṛṇoti vā| sa pīyūṣasamo loke bhavejjanmani janmani21| evaṃ sahasranāmnā yaḥ stauti pūjayate bhuvi| so'kṣayaṃ labhate svargaṃ punarāvṛttidurlabham22| iti somapūjā-| pittale bhājane kāṃsye dadhipūrṇe ghṛte śive| nyūno'dhikastu vibhavācchrutvā karmavimatsaraḥ23| svarṇe vā rājate vāre saumye kṛṣṇabhave budham| saṃsthāpya sarvasaṃsthāne dadyādbahusutāya ca24| paraṃ bhavati saubhāgyaṃ pīyūṣādadhikaṃ bhṛśam| strīṇāṃ ca puruṣāṇāṃ ca na daurbhāgyaṃ kadācana25| rūpasaubhāgyakāmohaṃ dadhipūrṇaṃ ca bhājanam| dadāmi kāṃsyapātrasthaṃ dehi saubhāgyarūpakam26| dvijāya vākyapūrveṇa dadyādvimatsaro naraḥ| śaktito dakṣiṇā deyā tathā vastrādikaṃ navam27| bhojyānnaṃ sarvasampūrṇaṃ tāṃbūlaṃ sumanoharam| puṣpamālādikaṃ dadyādrūpasaubhāgyahetave28| evaṃ yaḥ kurute dānaṃ somoddiṣṭaṃ dvijātaye| svarloke naraloke vā rūpasaubhāgyabhugbhavet29| iti śrīpādmapurāṇe prathame sṛṣṭikhaṃḍe somārcanaṃ| nāmāśītitamo'dhyāyaḥ80|
English translation
Vaiśampāyana said :
1. Due to your grace we have heard about the power of the lord of planets. O brāhmaṇa , (now) tell us about the means of (pacifying) the planets like the Sun etc.
2. Who are these Sun and others? How can they be pleased? How (can that which is) dear (to them be done)? (At which) time and (which) place is their sight auspicious or inauspicious?
Vyāsa said :
3. It is the planets etc. that experience the fruits of merit or sin. For the destruction (of the fruits) of the deeds of the world, they bring about what is auspicious and what is inauspicious.
4. The Sun should be known to be the destroyer of time among men and planets. He is powerful in curbing and favouring due to his sharpness and mildness.
5-6a. I (shall) tell (you) how he can be pleased as a planet. He who offers (oblations to him) with the sprouts (i.e. sticks of) udumbara and palāśa , by reciting the sacred original hymn: ‘Ā Kṛṣṇena’ for (his) pacification, (gets merit).
6b-7 a. He should offer (the leaves) anointed with ghee for fulfilling his desire, for curing all diseases and for freedom from bondage due to a murder.
7b-9. With each sacred hymn he should offer (the oblation) a hundred times. He should present a white goat to a brāhmaṇa on a Sunday. He should feed the brāhmaṇas with lovely oblations (of food) intended for gods and manes, on the seventh or the fifteenth day of the bright fortnight. A sick person is free from his disease, and will not be troubled by the disease.
10-11a. In the universe, right from Brahman to a clump of grass, the Sun will be regarded as great, immortal being, (present) in the universe as well as in an atom till the deluge, due to his being the cause of the creation and maintenance (of the world).
11b-12a. He, who moves in the world, is present in the body of men at the time of the creation of life (in them). At the time of their death, he goes from the body with life (i.e. the vital breath).
12b-13a. In the head, the Moon ( candra ), endowed with the sixteen digits is always (present). With his face bent down he always showers nectar into the body.
13b-14. Due to that the beings, having portions of these great beings, live. (The Moon) nourishes the crops on the earth and the immobile and the mobile. Due to these two i.e. the Sun and the Moon, the world is created and sustained.
15. Due to their propitiation auspicious and very valuable nourishment always follows. A pure person who obtains (their favour), would always accomplish all his undertakings.
16. The life of the mean man, who, through delusion, does not worship the Moon, diminishes, and he obtains (i.e. goes to) hell.
17. (A man should offer the following prayer to the Moon:) ‘O spotless Moon, the prop of the digits, the gem on the head of Śiva , O lord of the world, my salutation to you on this second day.’
18. A man who, finding some other day (i.e. even on some other day than the second), offers a salutation to the Moon, would obtain the desired fruit.
19-20. (He should offer the following prayer:) ‘O Moon, born from Atri ’s eyes [1] , O you pleasing one, O you produced from the sea after its being churned, O you residing on Śiva’s crest, my salutation to you. O you Moon of a divine form, the lord of the world, my salutation to you.’ The wise ones know (this to be the sacred hymn to be recited) on a night of a bright or a dark half.
21. The sacred hymn to be recited is: ‘Om hrām, hrīm, salutation to Soma .’ It should be recited in the morning. He who would thus worship the Moon, or recite to others, or himself listen to (the account of Soma’s worship), would be (living) in a nectar-like world birth after birth.
22. He, who, on this earth, praises or worships the Moon with (the recital of his) thousand names, obtains heaven eternally wherefrom rebirth is difficult.
23-24. Thus should be done the worship of Soma. Hearing the (account) without having jealousy for the rite, a wise man, putting the collection (of the materials for worship) in an auspicious brass vessel or a vessel of bell-metal full with curds and ghee—(putting) less or more according to his wealth even in a golden or silver vessel—should offer it to a brāhmaṇa having many sons.
25. His good fortune very much excels (even) nectar. Women and men never meet with misfortune.
26. (He should say:) ‘I, desiring (good) form and good fortune, offer you the vessel full of curds. Give me good fortune and form residing in the vessel of bell metal.’
27-29. Without (any) prejudice a man should be given according to his capacity. Also new (piece of) cloth etc. should be given). For (obtaining) good form and fortune he should give food complete in all (respects) and a lovely tāmbūla , and garlands of flower etc. He, who thus makes a present to a brāhmaṇa in honour of the Moon, has a good form and good fortune in heaven or in the human world.
[1]: [1] : Atrinetrodbhava—Atri, a celebrated sage and the author of many Vedic hymns, was one of the sons of Brahmā. While he was absorbed in meditation, the essence of Soma or the Moon trickled down from his eyes. The presiding deities of the quarters, at the command of Brahmā, gladly conceived the foetus, but could not bear it. So it shot out in the form of the Moon.
Complete chapter-aligned witnesses. Sanskrit Wikisource page 43090, revision 334628 (2022-04-06T19:52:04Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364203.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.