Svarga-khaṇḍa · Chapter 4
Sourceऋषय ऊचुः-। मेरोरथोत्तरं पश्चात्पूर्वमाचक्ष्व सूततः । निखिलेन महाबुद्ध माल्यवंतं च पर्वतम् १। सूत उवाच-। दक्षिणेन तु नीलस्य मेरोः पार्श्वे तथोत्तरे । उत्तराः कुरवो विप्राः पुण्याः सिद्धनिषेविताः २। तत्र वृक्षा मधुफला नित्यपुष्पफलोपगाः । पुष्पाणि च सुगंधीनि रसवंति फलानि च ३। सर्वकामफलास्तत्र केचिद्वृत्या द्विजोत्तमाः । अपरे क्षीरिणो नाम वृक्षास्तत्र द्विजोत्तमाः ४। प्रक्षरंति सदा क्षीरं तत्र सर्वेऽमृतोपमम् । वस्त्राणि च प्रसूयंते फलेष्वाभरणानि च ५। सर्वा मणिमयी भूमिः सूक्ष्मकांचनवालुका । सर्वर्तुसुखसंस्पर्शा निष्फलाश्च तपोधनाः ६। देवलोकच्युताः सर्वे जायंते तत्र मानवाः । शुक्लाभिजनसंपन्नाः सर्वसुप्रियदर्शनाः ७। मिथुनानि च जायंते स्त्रियश्चाप्सरसोपमाः । तेषां ते क्षीरिणां क्षीरं पिबंत्यमृतसंनिभम् ८। मिथुनं जायते काले समंताच्च प्रवर्द्धते । तुल्यरूपगुणोपेतं समवेशं तथैव च ९। एकमेवानुरूपं च चक्रवाकसमं द्विजाः । निरामयाश्च ते लोका नित्यं मुदितमानसाः १०। दशवर्षसहस्राणि दशवर्षशतानि च । जीवंति ते महाभागा न चान्योन्यं जहत्युत ११। भारुंडा नाम शकुनास्तीक्ष्णतुंडा महाबलाः । तान्निर्हरंतीहमृतान्दरीषु प्रक्षिपंति च १२। उत्तराःकुरवो विप्रा व्याख्यातास्ते समासतः । मेरुपार्श्वमहं पूर्वं प्रवक्ष्यामि यथातथम् १३। तस्य मूर्द्धाभिषेकस्तु भद्राश्वस्य तपोधनाः । भद्रशालवनं यत्र कालाम्राश्च महाद्रुमाः १४। कालाम्रास्तु महाभागा नित्यंपुष्पफलाः शुभाः । द्रुमाश्च योजनोत्सेधाः सिद्धचारणसेविताः १५। तत्र ते पुरुषाः श्वेतास्तेजोयुक्तमहाबलाः । स्त्रियः कुमुदवर्णाश्च सुंदर्यः प्रियदर्शनाः १६। चंद्रवर्णाश्चतुर्वर्णाः पूर्णचंद्रनिभाननाः । चंद्रशीतलगात्राश्च नृत्यगीतविशारदाः १७। दशवर्षसहस्राणि तत्रायुर्द्विजसत्तमाः । कालाम्ररसपीतास्ते नित्यं संस्थितयौवनाः १८। दक्षिणेन तु नीलस्य निषधस्योत्तरेण तु । सुदर्शनो नाम महान्जंबूवृक्षः सनातनः १९। सर्वकामफलः पुण्यः सिद्धचारणसेवितः । तस्य नाम्ना समाख्यातो जंबूद्वीपः सनातनः २०। योजनानां सहस्रं च शतं च द्विजसत्तमाः । तथा माल्यवतः शृंगे पूर्वे पूर्वानुगांतकाः २१। योजनानां सहस्राणि पंचाशन्माल्यवान्द्विजाः । महारजतसंकाशा जायंते तत्र मानवाः २२। ब्रह्मलोकच्युताः सर्वे सर्वे च ब्रह्मवादिनः । तपस्तप्यंति ते दिव्यं भवंति ह्यूर्ध्वरेतसः २३। रक्षणार्थं तु भूतानां प्रविशंति दिवाकरम् । षष्टिस्तानि सहस्राणि षष्टिरेव शतानि च २४। अरुणस्याग्रतो यांति परिवार्य दिवाकरम् । षष्टिवर्षसहस्राणि षष्टिरेव शतानि च २५। आदित्यतापतप्तास्ते विशंति शशिमंडलम् २६। इति श्रीपाद्मे महापुराणे स्वर्गखंडे चतुर्थोऽध्यायः ४।
ṛṣaya ūcuḥ-| merorathottaraṃ paścātpūrvamācakṣva sūtataḥ | nikhilena mahābuddha mālyavaṃtaṃ ca parvatam 1| sūta uvāca-| dakṣiṇena tu nīlasya meroḥ pārśve tathottare | uttarāḥ kuravo viprāḥ puṇyāḥ siddhaniṣevitāḥ 2| tatra vṛkṣā madhuphalā nityapuṣpaphalopagāḥ | puṣpāṇi ca sugaṃdhīni rasavaṃti phalāni ca 3| sarvakāmaphalāstatra kecidvṛtyā dvijottamāḥ | apare kṣīriṇo nāma vṛkṣāstatra dvijottamāḥ 4| prakṣaraṃti sadā kṣīraṃ tatra sarve'mṛtopamam | vastrāṇi ca prasūyaṃte phaleṣvābharaṇāni ca 5| sarvā maṇimayī bhūmiḥ sūkṣmakāṃcanavālukā | sarvartusukhasaṃsparśā niṣphalāśca tapodhanāḥ 6| devalokacyutāḥ sarve jāyaṃte tatra mānavāḥ | śuklābhijanasaṃpannāḥ sarvasupriyadarśanāḥ 7| mithunāni ca jāyaṃte striyaścāpsarasopamāḥ | teṣāṃ te kṣīriṇāṃ kṣīraṃ pibaṃtyamṛtasaṃnibham 8| mithunaṃ jāyate kāle samaṃtācca pravarddhate | tulyarūpaguṇopetaṃ samaveśaṃ tathaiva ca 9| ekamevānurūpaṃ ca cakravākasamaṃ dvijāḥ | nirāmayāśca te lokā nityaṃ muditamānasāḥ 10| daśavarṣasahasrāṇi daśavarṣaśatāni ca | jīvaṃti te mahābhāgā na cānyonyaṃ jahatyuta 11| bhāruṃḍā nāma śakunāstīkṣṇatuṃḍā mahābalāḥ | tānnirharaṃtīhamṛtāndarīṣu prakṣipaṃti ca 12| uttarāḥkuravo viprā vyākhyātāste samāsataḥ | merupārśvamahaṃ pūrvaṃ pravakṣyāmi yathātatham 13| tasya mūrddhābhiṣekastu bhadrāśvasya tapodhanāḥ | bhadraśālavanaṃ yatra kālāmrāśca mahādrumāḥ 14| kālāmrāstu mahābhāgā nityaṃpuṣpaphalāḥ śubhāḥ | drumāśca yojanotsedhāḥ siddhacāraṇasevitāḥ 15| tatra te puruṣāḥ śvetāstejoyuktamahābalāḥ | striyaḥ kumudavarṇāśca suṃdaryaḥ priyadarśanāḥ 16| caṃdravarṇāścaturvarṇāḥ pūrṇacaṃdranibhānanāḥ | caṃdraśītalagātrāśca nṛtyagītaviśāradāḥ 17| daśavarṣasahasrāṇi tatrāyurdvijasattamāḥ | kālāmrarasapītāste nityaṃ saṃsthitayauvanāḥ 18| dakṣiṇena tu nīlasya niṣadhasyottareṇa tu | sudarśano nāma mahānjaṃbūvṛkṣaḥ sanātanaḥ 19| sarvakāmaphalaḥ puṇyaḥ siddhacāraṇasevitaḥ | tasya nāmnā samākhyāto jaṃbūdvīpaḥ sanātanaḥ 20| yojanānāṃ sahasraṃ ca śataṃ ca dvijasattamāḥ | tathā mālyavataḥ śṛṃge pūrve pūrvānugāṃtakāḥ 21| yojanānāṃ sahasrāṇi paṃcāśanmālyavāndvijāḥ | mahārajatasaṃkāśā jāyaṃte tatra mānavāḥ 22| brahmalokacyutāḥ sarve sarve ca brahmavādinaḥ | tapastapyaṃti te divyaṃ bhavaṃti hyūrdhvaretasaḥ 23| rakṣaṇārthaṃ tu bhūtānāṃ praviśaṃti divākaram | ṣaṣṭistāni sahasrāṇi ṣaṣṭireva śatāni ca 24| aruṇasyāgrato yāṃti parivārya divākaram | ṣaṣṭivarṣasahasrāṇi ṣaṣṭireva śatāni ca 25| ādityatāpataptāste viśaṃti śaśimaṃḍalam 26| iti śrīpādme mahāpurāṇe svargakhaṃḍe caturtho'dhyāyaḥ 4|
English translation
The sages said :
1. O Sūta , O you very intelligent one, tell us in full (about the countries) to the north, west and east of Meru , so also about the Mālyavat mountain.
Sūta said :
2. O brāhmaṇas , on the south of Nīla , and the northern side of Meru there is the auspicious land called Uttarakuru , where siddhas have resided.
3. The trees there have sweet fruits and always have flowers and fruits. The flowers are very fragrant and the fruits are tasty.
4-5. O best brāhmaṇas, some trees there give all the fruits as desired by (one who approaches them). O best brāhmaṇas, there are other trees called kṣīrin (i.e. yielding milk). All they always ooze milk that resembles nectar. They also yield clothes and in their fruits are ornaments.
6. The entire land is full of gems and has fine golden sands, O you ascetics, and there are trees bearing no fruit (but) pleasant to touch in all seasons.
7. Men that are born there have dropped from the world of gods. They are born in pure, noble families, and are very handsome.
8-11. There twins (of opposite sexes) are born and women resemble the celestial nymphs (in beauty). They (i.e. the men and women) drink the nectar-like milk of those milk-yielding trees. The twins that are born there grow equally during the (proper) period. Both have similar beauty, virtues and dresses also. They are fit for one another like the cakravāka birds, O brāhmaṇas. Those people are healthy and always of a cheerful mind. O glorious one, they live for ten thousand and ten hundred years, and do not desert each other.
12. Birds called Bhāruḍa, having sharp beaks and great strength, carry them away when dead and throw them into valleys.
13. O brāhmaṇas, I have described to you in brief (the country called) Uttarakuru. I shall now duly describe to you the eastern side of Meru.
14. O ascetics, in the country called Bhadrāśva which is the chief (country), there is a grove (called) Bhadraśāla , where there are huge trees called kālāmra .
15-18. O glorious ones, the kālāmra trees always bear flowers and fruits and are auspicious. They are a yojana tall and are resorted to by siddhas and cāraṇas . The men there are white (in complexion), bright and very strong. The women have the complexion of lotuses, are beautiful and pleasant to look at. They have complexion like that of the moon, have four (principal) colours and their faces are like the full moon. Their bodies are cool like the moon and they are skilled in dancing and singing. O best brāhmaṇas, the span of life there is ten thousand years. They who drink the juice of kālāmra, always remain young.
19-21a. On the south of Nīla, on the north of Niṣadha there is a huge, ancient, Jambu tree. It is auspicious, and grants all desired objects. It is resorted to by siddhas and cāraṇas. The ancient country Jambudvīpa is so called after its name. (The height of the jambu tree) is a thousand and a hundred yojanas , O best brāhmaṇas.
21b-26. Similarly on the eastern peak of Mālyavat there are small mountains. O brāhmaṇas, Mālyavat measures fifty thousand yojanas. Men born there resemble gold (in their complexion). All of them have fallen from Brahma ’s heaven and all expound the Vedas . They practise divine penance and live in perpetual celibacy. They enter the sun for protecting the beings. Sixty thousand and sixty hundred of them surround the sun, and go before Aruṇa . Being heated with the sun’s heat for sixty thousand years they (ultimately) enter the moon’s orb.
Complete chapter-aligned witnesses. Sanskrit Wikisource page 14812, revision 351721 (2022-09-20T23:33:12Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365223.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.