Uttara-khaṇḍa · Chapter 94
Sourceनारद उवाच- कार्तिकव्रतिनां पुंसां नियमा ये प्रकीर्तिताः । ताञ्छृणुष्व मया राजन्कथ्यमानान्समंततः १। सर्वामिषाणि मांसानि क्षौद्रं सौवीरकं तथा । राजमाषादिकं चापि नैवाद्यात्कार्तिकव्रती २। द्विदलं तिलतैलं च तथान्नमश्रुदूषितम् । भावदुष्टं शब्ददुष्टं वर्जयेत्कार्तिकव्रती ३। परान्नं च परद्रोहं परदारागमं तथा । तीर्थे प्रतिगृहं नापि गृह्णीयात्कार्तिकव्रती ४। देवदेवद्विजानां च गुरोश्च व्रतिनस्तथा । स्त्रीराजमहतां निंदां वर्जयेत्कार्तिके व्रती ५। प्राण्यंगमामिषं चूर्णं फले जंबीरमामिषम् । धान्ये मसूरिका प्रोक्ता चान्नं पर्युषितं तथा ६। अजागोमहिषीक्षीरादन्यदुग्धादि चामिषम् । द्विजक्रीता रसाः सर्वे लवणं भूमिजं तथा ७। ताम्रपात्रस्थितं गव्यं जलं पल्वलसंस्थितम् । आत्मार्थं पाचितं चान्नमामिषं तत्स्मृतं बुधैः ८। ब्रह्मचर्यमधः सुप्तिः पत्रावल्यां च भोजनम् । चतुर्थकाले भुंजीत कुर्यादेवं सदा व्रती ९। नरकस्य चतुर्दश्यां तैलाभ्यंगं च कारयेत् । अन्यत्र कार्तिकस्नायि तैलाभ्यंगं न कारयेत् १०। पलांडुं लशुनं शिग्रु छत्राकं गृंजनं तथा । नालिकां मूलकं हिंगुं वर्जयेत्कार्तिकव्रती ११। अलाबुं चापि वृंताकं कूष्मांडं बृहतीफलम् । श्लेष्मातकं कपित्थं च वर्जयेद्वैष्णवव्रती १२। रजस्वलांत्यज म्लेच्छ पतितव्रात्यकैः सह । द्विजातिवेदबाह्यैश्च न वदेत्कार्तिकव्रती १३। श्वभिर्दृष्टं च काकैश्च सूतकान्नं च वर्जयेत् । द्विःपाचितं च दग्धान्नं वर्जयेत्कार्तिकव्रती १४। तिलाभ्यंगं तथा शय्यां परान्नं कांस्यभोजनम् । कार्तिके वर्जयेद्यस्तु परिपूर्णव्रती भवेत् । एतानि वर्जयेन्नित्यं व्रती सर्वव्रतेष्वपि । कृच्छ्राद्यं चापि कुर्वीत स्वशक्त्या विष्णुतुष्टये १५। क्रमात्कूष्मांड वृंताकं बृहती मूलकं तथा । श्रीफलं च कलिंगं च फलं धात्रीभवं तथा १६। नारिकेरं महालाबुं पटोलं बदरीफलम् । चर्म वैकतकं चापि बिसं वै कट्फलं तथा १७। शाकान्येतानि वर्ज्यानि क्रमात्प्रतिपदादिषु । धात्रीफलं रवौ तद्वद्वर्जयेत्सर्वदा गृही १८। एभ्योऽपि वर्जयेत्किंचिद्यद्विष्णुप्रीतये नरः । तत्पुनर्ब्राह्मणे दत्त्वा भक्षयेत्सर्वदैव हि १९। एवमेव हि माघेऽपि कुर्याद्वै नियमान्व्रती । हरिजागरणं तत्र विधिप्रोक्तं च कारयेत् २०। यथोक्तकारिणं दृष्ट्वा कार्तिकव्रतिनं नरम् । यमदूताः पलायंते गजाः सिंहार्दिता यथा २१। वरं विष्णुव्रतं ह्येतदथ यज्ञशताधिकम् । यज्ञकृत्प्राप्नुयात्स्वर्गं वैकुंठं कार्तिकव्रती २२। भुक्तिमुक्तिप्रदानीह यानि क्षेत्राणि भूतले । वसंति तानि तद्गेहे कार्तिक्रव्रतकारिणः २३। दुःस्वप्न्नं दुष्कृतं किंचिन्मनोवाक्कायकर्मजम् । कार्त्तिकव्रतिनं दृष्ट्वा विलयं यांति तत्क्षणात् २४। कार्त्तिकव्रतिनः पुंसो विष्णुवाक्यप्रणोदिताः । रक्षां कुर्वंति शक्राद्या राज्ञो वै किंकरा यथा २५। विष्णुव्रतकरा नित्यं यत्र तिष्ठंति पूजिताः । ग्रहभूतपिशाचाद्या नैव तिष्ठंति तत्र वै २६। कार्त्तिकव्रतिनः पुण्यं यथोक्तव्रतकारिणः । न समर्थो भवेद्वक्तुं ब्रह्मापीह चतुर्मुखः २७। विष्णुप्रियं सकलकल्मषनाशनं च सर्वत्र पुत्रधनधान्यसमृद्धिकारि । ऊर्जे व्रतं सनियमं कुरुते मनुष्यः किं तस्य तीर्थपरिशीलन सेवया च २८। इति श्रीपाद्मे महापुराणे पंचपंचाशत्सहस्रसंहितायामुत्तरखंडे कार्त्तिकमाहात्म्ये श्रीकृष्णसत्यभामासंवादे नियमवर्णनोनाम चतुर्नवतितमोऽध्यायः ९४।
nārada uvāca- kārtikavratināṃ puṃsāṃ niyamā ye prakīrtitāḥ | tāñchṛṇuṣva mayā rājankathyamānānsamaṃtataḥ 1| sarvāmiṣāṇi māṃsāni kṣaudraṃ sauvīrakaṃ tathā | rājamāṣādikaṃ cāpi naivādyātkārtikavratī 2| dvidalaṃ tilatailaṃ ca tathānnamaśrudūṣitam | bhāvaduṣṭaṃ śabdaduṣṭaṃ varjayetkārtikavratī 3| parānnaṃ ca paradrohaṃ paradārāgamaṃ tathā | tīrthe pratigṛhaṃ nāpi gṛhṇīyātkārtikavratī 4| devadevadvijānāṃ ca gurośca vratinastathā | strīrājamahatāṃ niṃdāṃ varjayetkārtike vratī 5| prāṇyaṃgamāmiṣaṃ cūrṇaṃ phale jaṃbīramāmiṣam | dhānye masūrikā proktā cānnaṃ paryuṣitaṃ tathā 6| ajāgomahiṣīkṣīrādanyadugdhādi cāmiṣam | dvijakrītā rasāḥ sarve lavaṇaṃ bhūmijaṃ tathā 7| tāmrapātrasthitaṃ gavyaṃ jalaṃ palvalasaṃsthitam | ātmārthaṃ pācitaṃ cānnamāmiṣaṃ tatsmṛtaṃ budhaiḥ 8| brahmacaryamadhaḥ suptiḥ patrāvalyāṃ ca bhojanam | caturthakāle bhuṃjīta kuryādevaṃ sadā vratī 9| narakasya caturdaśyāṃ tailābhyaṃgaṃ ca kārayet | anyatra kārtikasnāyi tailābhyaṃgaṃ na kārayet 10| palāṃḍuṃ laśunaṃ śigru chatrākaṃ gṛṃjanaṃ tathā | nālikāṃ mūlakaṃ hiṃguṃ varjayetkārtikavratī 11| alābuṃ cāpi vṛṃtākaṃ kūṣmāṃḍaṃ bṛhatīphalam | śleṣmātakaṃ kapitthaṃ ca varjayedvaiṣṇavavratī 12| rajasvalāṃtyaja mleccha patitavrātyakaiḥ saha | dvijātivedabāhyaiśca na vadetkārtikavratī 13| śvabhirdṛṣṭaṃ ca kākaiśca sūtakānnaṃ ca varjayet | dviḥpācitaṃ ca dagdhānnaṃ varjayetkārtikavratī 14| tilābhyaṃgaṃ tathā śayyāṃ parānnaṃ kāṃsyabhojanam | kārtike varjayedyastu paripūrṇavratī bhavet | etāni varjayennityaṃ vratī sarvavrateṣvapi | kṛcchrādyaṃ cāpi kurvīta svaśaktyā viṣṇutuṣṭaye 15| kramātkūṣmāṃḍa vṛṃtākaṃ bṛhatī mūlakaṃ tathā | śrīphalaṃ ca kaliṃgaṃ ca phalaṃ dhātrībhavaṃ tathā 16| nārikeraṃ mahālābuṃ paṭolaṃ badarīphalam | carma vaikatakaṃ cāpi bisaṃ vai kaṭphalaṃ tathā 17| śākānyetāni varjyāni kramātpratipadādiṣu | dhātrīphalaṃ ravau tadvadvarjayetsarvadā gṛhī 18| ebhyo'pi varjayetkiṃcidyadviṣṇuprītaye naraḥ | tatpunarbrāhmaṇe dattvā bhakṣayetsarvadaiva hi 19| evameva hi māghe'pi kuryādvai niyamānvratī | harijāgaraṇaṃ tatra vidhiproktaṃ ca kārayet 20| yathoktakāriṇaṃ dṛṣṭvā kārtikavratinaṃ naram | yamadūtāḥ palāyaṃte gajāḥ siṃhārditā yathā 21| varaṃ viṣṇuvrataṃ hyetadatha yajñaśatādhikam | yajñakṛtprāpnuyātsvargaṃ vaikuṃṭhaṃ kārtikavratī 22| bhuktimuktipradānīha yāni kṣetrāṇi bhūtale | vasaṃti tāni tadgehe kārtikravratakāriṇaḥ 23| duḥsvapnnaṃ duṣkṛtaṃ kiṃcinmanovākkāyakarmajam | kārttikavratinaṃ dṛṣṭvā vilayaṃ yāṃti tatkṣaṇāt 24| kārttikavratinaḥ puṃso viṣṇuvākyapraṇoditāḥ | rakṣāṃ kurvaṃti śakrādyā rājño vai kiṃkarā yathā 25| viṣṇuvratakarā nityaṃ yatra tiṣṭhaṃti pūjitāḥ | grahabhūtapiśācādyā naiva tiṣṭhaṃti tatra vai 26| kārttikavratinaḥ puṇyaṃ yathoktavratakāriṇaḥ | na samartho bhavedvaktuṃ brahmāpīha caturmukhaḥ 27| viṣṇupriyaṃ sakalakalmaṣanāśanaṃ ca sarvatra putradhanadhānyasamṛddhikāri | ūrje vrataṃ saniyamaṃ kurute manuṣyaḥ kiṃ tasya tīrthapariśīlana sevayā ca 28| iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārttikamāhātmye śrīkṛṣṇasatyabhāmāsaṃvāde niyamavarṇanonāma caturnavatitamo'dhyāyaḥ 94|
English translation
Nārada said :
1-17. O king, listen fully to the restraints told for men observing the Kārtika vow, which (will) be told by me. The observer of the Kārtika vow should not at all eat any kind of flesh and meat, honey, jujube fruit and beans etc. The observer of the Kārtika vow should avoid corn (whose seeds have) two portions, sesamum oil, so also food polluted by tears, polluted by (bad) thoughts, polluted by (bad) words. The observer of the Kārtika vow should not accept others’ food, should not hate others, should not be an adulterer, should not accept gifts at a holy place. He who observes the vow in Kārtika should avoid the censure of the god of gods, brāhmaṇas , (his) preceptor, (another man) observing the vow, of women, kings, and great (men). The limb of an animal, meat, powder, jambīra among the fruits, flesh, masūrikā (a kind of pulse) among corns, and stale food, are said to be avoided. So also milk etc. other than that of a goat, a cow, a buffalo, āmiṣa, all liquids purchased by a brāhmaṇa , and rock salt. Gavya (i.e. milk, curds etc.) kept in a copper-vessel, water collected in a small pool, and food cooked for oneself is said to be ‘āmiṣa’ by the wise. The observer of the (Kārtika) vow should observe celibacy, should sleep on the ground, should eat from a plate made of leaves. He should eat during the fourth part of the day. He should always do this. On the Naraka Caturdaśī day the observer of the Kārtika vow should smear his body with oil. He should not smear his body with oil on any other day (than the Naraka Caturdaśī day). The observer of the Kārtika vow should avoid onions, garlic, pot-herb, mushroom, small red variety of garlic, lotus-stalk, radish, so also asafoetida. The observer of the vow (in honour) of Viṣṇu should avoid bottle-gourd, eggplant, pumpkin-gourd, and the fruit (of the plant) of bṛhatī , so also śleṣmātaka fruit and wood-apple. The observer of the Kārtika vow should not talk with a woman in her menses, a man of the lowest caste, a non-Aryan, a fallen person, an outcast, and those out of the fold of the Vedas and the (three) twice-born castes. The observer of the Kārtika vow should avoid the food seen by dogs and crows, food prepared by a woman who has recently delivered, and food cooked twice, and burnt food. He who avoids smearing his body with oil, (sleeping on) a bed, others’ food, eating from a bell-metal vessel in Kārtika, would be one who fully observes the vow. The observer of the vow should also observe the Kṛcchra vow etc. according to his capacity. (From the first day) he should avoid in order pumpkin gourd, egg-plant, root of bṛhatī, bilva -fruit, kaliṅga fruit, dhātrī , coconut, large-sized bottle-gourd, (species of cucumber called) paṭola , badarī fruit, bhūrja -fruit, vikataka-fruit, lotus-stalk and vikaṭa -fruit.
18-28. From the first day (onwards) these vegetables are to be avoided in the order (given here). Similarly, a householder should always avoid (eating) dhātri -fruit on Sunday. From among these also the man should avoid what pleases Viṣṇu. Having given that to a brāhmaṇa, the man should always eat. In the same way the observer of the vow should have restraints in Māgha also. He should keep awake and observe the rite as is told. Seeing the man observing the Kārtika vow as told (in the holy texts), Yama ’s messengers run away like elephants tormented by a lion. This vow (in honour) of Viṣṇu is superior to a hundred sacrifices. The performer of a sacrifice goes to heaven; the observer of the Kārtika vow goes to Vaikuṇṭha . All the holy places giving enjoyments and salvation, that are there on the earth, remain in the house of the observer of the Kārtika-vow. A bad dream, or whatever bad deed is done through mind, speech and body, goes away that moment only on seeing the observer of the Kārtika vow. Like the servants of a king, Indra and others urged by Viṣṇu’s words protect the man who observes the Kārtika vow. Imps, ghosts, goblins etc. do not remain there where the observers of the Viṣṇu vow are always honoured. Even Brahmā , with his four mouths, would not be able to describe the religious merit of him who observes the Kārtika vow as told (in the holy texts). (If) a man observes, along with restraints, the vow in Kārtika, which is dear to Viṣṇu, which destroys all sins, which gives sons, wealth, grains and prosperity everywhere, (then) what is the use of visiting and paying homage to sacred places for him?
Complete chapter-aligned witnesses. Sanskrit Wikisource page 44666, revision 336525 (2022-04-23T23:31:38Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365673.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.