Uttara-khaṇḍa · Chapter 12
Sourceनारद उवाच- दैत्यसैन्यं हतं दृष्ट्वा गणैर्नंदिपुरोगमैः । क्रुद्धाः शुंभादयो दैत्याः समाजग्मुर्गणान्प्रति १। ततः शुंभो महादैत्यो नंदिनं प्रत्ययुध्यत । महाकालं निशुंभोऽथ कालो लोकेश्वरं रणे २। पुष्पदंतं शैलरोमा माल्यवंतं महाबलः । कोलाहलो रणे राजन्प्राप्तो मायाबलेन च ३। चंडं भयानको नाम राहुः स्कंदमधावत । कूष्मांडं सर्परोमा च घर्घरो मदनं तथा ४। शुभं केतुमुखो हंतुं ययौ जंभो विनायकम् । हासं पातालकेतुश्च भृंगीशं रोमकंटकः ५। युयुधुः कोटिशो रुद्रगणा दैत्याः परस्परम् । पश्यतोरुभयोस्तत्र स्वामिनोरिति ते युधि ६। दृढप्रहारिणो जघ्नुर्गणा दैत्याः शरैरथ । नंदी मुमोच तान्बाणान्महासारो यथा नगे ७। ततः संपूरयामास मुखं शुंभस्य पत्रिभिः । यथा पर्णचयैर्वातो मंदरस्येव कंदरम् ८। शुंभोऽथ कार्मुकं त्यक्त्वा रथात्तं प्रत्यधावत । उत्पाट्य च गिरिं तेन जघान हृदि नंदिनः ९। नंदिनो हृदयं भित्त्वा चूर्णयित्वा रथं रणे । पपात भूमौ स गिरिर्वज्रं प्राप्य गिरिं यथा १०। मूर्च्छां प्राप्य क्षणात्संज्ञां वेगवान्स पलायितः । महाकालो निशुंभेन मुद्गरेण हतो हृदि ११। आगत्य दैत्यं गदया जघान मुकुटोपरि । तत्प्रहारमचिंत्याथ निशुंभोऽपि महाबलः १२। तं गृहीत्वा चरणयोर्महाकालं महाबलः । भ्रामयित्वा करतलाच्चिक्षेप च ननाद च १३। स तद्वक्त्रानिलं पीत्वा ननाद रुधिरारुणः । पुष्पदंतः शैलरोम्णा चाहतो मुष्टिना मुखे १४। गदया शैलरोमाणं हत्वा भूमौ न्यपातयत् । तं दृष्ट्वा पतितं भूमौ गिरिकेतुर्महाबलः १५। पुष्पदंतं महाभीमं मुद्गरेण व्यपोथयत् । पुष्पंदंतोऽथ खड्गेन गिरिकेतोः शिरोऽछिनत् १६। गृहीत्वा चर्म खड्गं च गिरिकेतोरधावत । शिरस्तं प्राह किं यासि मां त्यक्त्वा समरार्थिनम् १७। शिरोहीने च कायेऽस्मिन्किं तु धावन्न लज्जसे । इत्युक्ते शिरसा तेन कबंधेन तु पादयोः १८। विधृतः पुष्पदंतश्च कुक्षौ तीक्ष्णासिनाच्छिनत् । निश्चक्रामासुरः कुक्षेः शतशीर्षो महाबलः १९। द्विशताक्षिसमायुक्तः शतद्वयभुजाकुलः । भ्रमत्तस्य शिरो राजन्कबंधोपांतमागमत् २०। तच्छिरः प्राप्तमालोक्य पुष्पदंतोऽसिनाच्छिनत् । ततो भूकंपनो नाम ज्वरो दैत्यो भयावहः २१। पुष्पंदंतस्तदा तत्र द्वाभ्यां राजन्विमर्दितः । ज्वरेण तेन च क्लिष्टो दुःसहेनातिवेगिना २२। त्यक्त्वा शिवगणः संख्यं कंपमानो गिरिं ययौ । कोलाहलो महाधन्वी माल्यवंतं शरैस्त्रिभिः २३। विव्याध स्कंधयोर्भाले माल्यवांश्च ततोऽसुरम् । बाणाहतो माल्यवता शस्त्रैर्नानाविधैः शितैः २४। कोलाहलः प्रहृतवान्दर्शयन्नात्मलाघवम् । सोऽपि हेति व्यथां त्यक्त्वा माल्यवांश्च गणाग्रणीः २५। गिरिं गृहीत्वा तेनाजौ कोलाहलमथाहनत् । निश्चक्राम ज्वरस्तस्माज्ज्वलनो नाम भीषणः २६। त्रिशीर्षो नवहस्तश्च नवपादोऽतिपिंगलः । स ज्वरो मोहयामास माल्यवंतं स्वतेजसा २७। माल्यवान्समरं त्यक्त्वा पराक्रांतो गिरिं ययौ । चंडिर्भयानकेनाजौ पाशेन हृदये हतः २८। हयो विनिर्गतस्तस्मात्क्षिप्तः सोऽपि च सागरे । कार्त्तिकेयो रणे राहुं शितैर्बाणैः समाहनत् २९। आच्छाद्य शरजालैश्च शीघ्रं शक्तिं मुमोच ह । आपतंतीं महाशक्तिं ज्वलंतीमिव तेजसा ३०। दृष्ट्वा राहुः खमुत्पत्य कराभ्यां जगृहे द्रुतम् । स तां शक्तिं गृहीत्वा तु विनद्योच्चैः पुनः पुनः ३१। स्वर्भानुः शिरसोनोपि तस्य शक्त्या जघान तम् । वक्षस्यभिहते शक्त्या तद्देहान्निर्गता सरित् ३२। तया संप्लावितः पुत्रो महादेवस्य संयुगे । कथंचित्सा नदी रुद्धा समं पूरो गिरिं ययौ ३३। श्रुत्वार्णवजो ज्वरतः कटककदंबस्य कर्कशं विरुतम् । सुस्वरवचनविदग्धं तमपि च कोकिलापतिं न सस्मार ३४। शरैः किरंतं दहनमसिना बर्बरोऽवधीत् । कूष्मांडो निहतो मूर्ध्नि सर्परोम्णाथ मुष्टिना ३५। पातालकेतुना हासो मुद्गरेण समाहतः । तस्य देहाद्विनिष्क्रम्य हस्ती मुद्गरमाभुनक् ३६। शुंडायां मुष्टिघातेन हतः पातालकेतुना । आयुधैर्जर्जरं चक्रे भृंगीशं रोमकंटकः ३७। भृंगीशोऽपि रणाद्भीतस्त्वरन्नेव गिरिं ययौ । सहसा धूम्रवर्णश्च शुभ्रः केतुमुखेऽपतत् ३८। गणं गिलितवान्दैत्यो महाकायो महाननः । हाहाकारो महानासीद्गिलिते केतुना रणे ३९। जृंभस्य निशितैर्बाणैश्छिन्नांगोऽथ विनायकः । शुंडादंडं परशुना तस्य चिच्छेद दंतिनः ४०। जृंभासुरो जघानाथ शक्त्या लंबोदरोदरम् । मूषकोऽपि शरैर्भिन्नः प्रविवेश गुहामुखम् ४१। विनायकः प्रहारार्त्तो विललापाकुलो रणे । हा मातस्तात हा भ्रातर्हा मूषक मम प्रिय ४२। गणेशक्रंदितं श्रुत्वा भगवत्या तया तदा । समेत्य कूटादन्यस्मात्पार्वत्योक्तः शिवस्तदा ४३। हेरंबो वध्यते दैत्यैः स्कंदोऽपि विनिपातितः । शिव किं क्रीडसे शैले रक्ष पुत्रौ गणानपि ४४। सदा शूलादिशस्त्राणां धृतानामद्य वै क्षणः । अथ गौर्या वचः श्रुत्वा वीरभद्रं शिवोऽब्रवीत् ४५। वृषः सज्जीयतां शीघ्रमित्युक्ते स तदाकरोत् । बबंध मुकुटं तस्य शृंगयोर्भास्करप्रभम् ४६। कंठे घंटाशतं बद्ध्वा कर्णयोर्दर्पणौ धृतौ । स्कंधे च किंकिणीजालं चरणे नूपुरं महत् ४७। पुच्छे चामरसाहस्रं तस्य पाशाष्टकं मुखे । कल्याणी च तदा देवी शर्वपार्श्वे व्यस्थिता ४८। पाशाष्टकेन संयुक्ता तत्र खड्गधरांबिका । न्यस्तानि सर्वशस्त्राणि स वृषः सज्जितो बभौ ४९। पार्वत्या भूषितः सोऽथ निजया घंटमालया । कृतं च तिलकं देव्या प्रोक्तः सत्कृतिपूर्वकम् 6.12.५०। हरस्त्वया न मोक्तव्यो वृषेन्द्र रणसंकटे । आगंतव्यमरीन्जित्वा शंभुना सह संगरे ५१। इति श्रुत्वा वचो देव्या हरो वृषमथारुहत् । धृत्वायुधसहस्रं तु निजालंकारभूषितः । रणं गच्छामि तां प्राह पार्वतीं प्रति सादरम् ५२। ईश्वर उवाच- त्वं तिष्ठसि स्वरूपाणि एकाकिन्यपि सस्पृहा । भामिनी दुरभिप्राया दानवा हि समागताः ५३। तस्मात्त्वयात्मनैवात्मा रक्षणीयो वरानने । इत्युक्त्वा वृषभारूढो ययौ रुद्रो रणांगणम् ५४। त्रिंशन्महाब्जसाहस्रैः प्रमथानां वृतः शिवः । वीरभद्रो रथेनाशु सिंहयुक्तेन सत्वरः ५५। वामपार्श्वं महेशस्य शूरो रक्षति पार्थिव । मणिभद्रो ऽश्वयुक्तेन रथेन परवीरहा ५६। दक्षिणं धूर्जटेः पार्श्वं संरक्षति धनुर्द्धरः । तुंगादुत्तीर्य शैलेंद्राद्रणं प्राप्तो गणैः सह ५७। दृष्ट्वा जगर्जुस्ते दैत्या महेशानं वृषस्थितम् । ततो महान्निनादोऽभूद्दैत्यप्रमथसेनयोः ५८। तयोरभून्मिथो राजन्संप्रमर्दोऽथ दारुणः । ततो नंदी महाकालः कालस्कंदौ महाबलः ५९। माल्यवान्पुष्पदंतश्च वृषली स्वर्णदंतिकः । चंडीशो मदनश्चंडः कूष्मांडो गुप्तलोमकः ६०। ये ये पूर्वं रणे भग्नाः प्राप्तास्ते रणसंकटम् । शिवस्य पुरतो दैत्या युयुधुस्ते महाबलाः ६१। गणदानवयोधानां संग्रामोऽभूद्भयावहः । ततो गणानां विद्राव्य सैन्यं ते च महाबलाः ६२। रणे संवेष्टयामासुः शरौघैः सर्वतः शिवम् । शूलैः कुंतैर्गदाभिश्च मुद्गरैः परिघैरपि ६३। इंद्रियाणि यथात्मानं विषयैः पंचपंचभिः । जघानाथ रणे दैत्याञ्छंभुर्बाणैः सुदारुणैः । यथाशु माघः पापानि हंति स्नानेन तत्क्षणात् ६४। इति श्रीपाद्मे महापुराणे पंचपंचात्सहस्रसंहितायामुत्तरखण्डे नारदयुधिष्ठिरसम्वादे जालंधरोपाख्याने श्रीमहादेवरणमागमनंनाम द्वादशोऽध्यायः १२।
nārada uvāca- daityasainyaṃ hataṃ dṛṣṭvā gaṇairnaṃdipurogamaiḥ | kruddhāḥ śuṃbhādayo daityāḥ samājagmurgaṇānprati 1| tataḥ śuṃbho mahādaityo naṃdinaṃ pratyayudhyata | mahākālaṃ niśuṃbho'tha kālo lokeśvaraṃ raṇe 2| puṣpadaṃtaṃ śailaromā mālyavaṃtaṃ mahābalaḥ | kolāhalo raṇe rājanprāpto māyābalena ca 3| caṃḍaṃ bhayānako nāma rāhuḥ skaṃdamadhāvata | kūṣmāṃḍaṃ sarparomā ca ghargharo madanaṃ tathā 4| śubhaṃ ketumukho haṃtuṃ yayau jaṃbho vināyakam | hāsaṃ pātālaketuśca bhṛṃgīśaṃ romakaṃṭakaḥ 5| yuyudhuḥ koṭiśo rudragaṇā daityāḥ parasparam | paśyatorubhayostatra svāminoriti te yudhi 6| dṛḍhaprahāriṇo jaghnurgaṇā daityāḥ śarairatha | naṃdī mumoca tānbāṇānmahāsāro yathā nage 7| tataḥ saṃpūrayāmāsa mukhaṃ śuṃbhasya patribhiḥ | yathā parṇacayairvāto maṃdarasyeva kaṃdaram 8| śuṃbho'tha kārmukaṃ tyaktvā rathāttaṃ pratyadhāvata | utpāṭya ca giriṃ tena jaghāna hṛdi naṃdinaḥ 9| naṃdino hṛdayaṃ bhittvā cūrṇayitvā rathaṃ raṇe | papāta bhūmau sa girirvajraṃ prāpya giriṃ yathā 10| mūrcchāṃ prāpya kṣaṇātsaṃjñāṃ vegavānsa palāyitaḥ | mahākālo niśuṃbhena mudgareṇa hato hṛdi 11| āgatya daityaṃ gadayā jaghāna mukuṭopari | tatprahāramaciṃtyātha niśuṃbho'pi mahābalaḥ 12| taṃ gṛhītvā caraṇayormahākālaṃ mahābalaḥ | bhrāmayitvā karatalāccikṣepa ca nanāda ca 13| sa tadvaktrānilaṃ pītvā nanāda rudhirāruṇaḥ | puṣpadaṃtaḥ śailaromṇā cāhato muṣṭinā mukhe 14| gadayā śailaromāṇaṃ hatvā bhūmau nyapātayat | taṃ dṛṣṭvā patitaṃ bhūmau giriketurmahābalaḥ 15| puṣpadaṃtaṃ mahābhīmaṃ mudgareṇa vyapothayat | puṣpaṃdaṃto'tha khaḍgena giriketoḥ śiro'chinat 16| gṛhītvā carma khaḍgaṃ ca giriketoradhāvata | śirastaṃ prāha kiṃ yāsi māṃ tyaktvā samarārthinam 17| śirohīne ca kāye'sminkiṃ tu dhāvanna lajjase | ityukte śirasā tena kabaṃdhena tu pādayoḥ 18| vidhṛtaḥ puṣpadaṃtaśca kukṣau tīkṣṇāsinācchinat | niścakrāmāsuraḥ kukṣeḥ śataśīrṣo mahābalaḥ 19| dviśatākṣisamāyuktaḥ śatadvayabhujākulaḥ | bhramattasya śiro rājankabaṃdhopāṃtamāgamat 20| tacchiraḥ prāptamālokya puṣpadaṃto'sinācchinat | tato bhūkaṃpano nāma jvaro daityo bhayāvahaḥ 21| puṣpaṃdaṃtastadā tatra dvābhyāṃ rājanvimarditaḥ | jvareṇa tena ca kliṣṭo duḥsahenātiveginā 22| tyaktvā śivagaṇaḥ saṃkhyaṃ kaṃpamāno giriṃ yayau | kolāhalo mahādhanvī mālyavaṃtaṃ śaraistribhiḥ 23| vivyādha skaṃdhayorbhāle mālyavāṃśca tato'suram | bāṇāhato mālyavatā śastrairnānāvidhaiḥ śitaiḥ 24| kolāhalaḥ prahṛtavāndarśayannātmalāghavam | so'pi heti vyathāṃ tyaktvā mālyavāṃśca gaṇāgraṇīḥ 25| giriṃ gṛhītvā tenājau kolāhalamathāhanat | niścakrāma jvarastasmājjvalano nāma bhīṣaṇaḥ 26| triśīrṣo navahastaśca navapādo'tipiṃgalaḥ | sa jvaro mohayāmāsa mālyavaṃtaṃ svatejasā 27| mālyavānsamaraṃ tyaktvā parākrāṃto giriṃ yayau | caṃḍirbhayānakenājau pāśena hṛdaye hataḥ 28| hayo vinirgatastasmātkṣiptaḥ so'pi ca sāgare | kārttikeyo raṇe rāhuṃ śitairbāṇaiḥ samāhanat 29| ācchādya śarajālaiśca śīghraṃ śaktiṃ mumoca ha | āpataṃtīṃ mahāśaktiṃ jvalaṃtīmiva tejasā 30| dṛṣṭvā rāhuḥ khamutpatya karābhyāṃ jagṛhe drutam | sa tāṃ śaktiṃ gṛhītvā tu vinadyoccaiḥ punaḥ punaḥ 31| svarbhānuḥ śirasonopi tasya śaktyā jaghāna tam | vakṣasyabhihate śaktyā taddehānnirgatā sarit 32| tayā saṃplāvitaḥ putro mahādevasya saṃyuge | kathaṃcitsā nadī ruddhā samaṃ pūro giriṃ yayau 33| śrutvārṇavajo jvarataḥ kaṭakakadaṃbasya karkaśaṃ virutam | susvaravacanavidagdhaṃ tamapi ca kokilāpatiṃ na sasmāra 34| śaraiḥ kiraṃtaṃ dahanamasinā barbaro'vadhīt | kūṣmāṃḍo nihato mūrdhni sarparomṇātha muṣṭinā 35| pātālaketunā hāso mudgareṇa samāhataḥ | tasya dehādviniṣkramya hastī mudgaramābhunak 36| śuṃḍāyāṃ muṣṭighātena hataḥ pātālaketunā | āyudhairjarjaraṃ cakre bhṛṃgīśaṃ romakaṃṭakaḥ 37| bhṛṃgīśo'pi raṇādbhītastvaranneva giriṃ yayau | sahasā dhūmravarṇaśca śubhraḥ ketumukhe'patat 38| gaṇaṃ gilitavāndaityo mahākāyo mahānanaḥ | hāhākāro mahānāsīdgilite ketunā raṇe 39| jṛṃbhasya niśitairbāṇaiśchinnāṃgo'tha vināyakaḥ | śuṃḍādaṃḍaṃ paraśunā tasya ciccheda daṃtinaḥ 40| jṛṃbhāsuro jaghānātha śaktyā laṃbodarodaram | mūṣako'pi śarairbhinnaḥ praviveśa guhāmukham 41| vināyakaḥ prahārārtto vilalāpākulo raṇe | hā mātastāta hā bhrātarhā mūṣaka mama priya 42| gaṇeśakraṃditaṃ śrutvā bhagavatyā tayā tadā | sametya kūṭādanyasmātpārvatyoktaḥ śivastadā 43| heraṃbo vadhyate daityaiḥ skaṃdo'pi vinipātitaḥ | śiva kiṃ krīḍase śaile rakṣa putrau gaṇānapi 44| sadā śūlādiśastrāṇāṃ dhṛtānāmadya vai kṣaṇaḥ | atha gauryā vacaḥ śrutvā vīrabhadraṃ śivo'bravīt 45| vṛṣaḥ sajjīyatāṃ śīghramityukte sa tadākarot | babaṃdha mukuṭaṃ tasya śṛṃgayorbhāskaraprabham 46| kaṃṭhe ghaṃṭāśataṃ baddhvā karṇayordarpaṇau dhṛtau | skaṃdhe ca kiṃkiṇījālaṃ caraṇe nūpuraṃ mahat 47| pucche cāmarasāhasraṃ tasya pāśāṣṭakaṃ mukhe | kalyāṇī ca tadā devī śarvapārśve vyasthitā 48| pāśāṣṭakena saṃyuktā tatra khaḍgadharāṃbikā | nyastāni sarvaśastrāṇi sa vṛṣaḥ sajjito babhau 49| pārvatyā bhūṣitaḥ so'tha nijayā ghaṃṭamālayā | kṛtaṃ ca tilakaṃ devyā proktaḥ satkṛtipūrvakam 6.12.50| harastvayā na moktavyo vṛṣendra raṇasaṃkaṭe | āgaṃtavyamarīnjitvā śaṃbhunā saha saṃgare 51| iti śrutvā vaco devyā haro vṛṣamathāruhat | dhṛtvāyudhasahasraṃ tu nijālaṃkārabhūṣitaḥ | raṇaṃ gacchāmi tāṃ prāha pārvatīṃ prati sādaram 52| īśvara uvāca- tvaṃ tiṣṭhasi svarūpāṇi ekākinyapi saspṛhā | bhāminī durabhiprāyā dānavā hi samāgatāḥ 53| tasmāttvayātmanaivātmā rakṣaṇīyo varānane | ityuktvā vṛṣabhārūḍho yayau rudro raṇāṃgaṇam 54| triṃśanmahābjasāhasraiḥ pramathānāṃ vṛtaḥ śivaḥ | vīrabhadro rathenāśu siṃhayuktena satvaraḥ 55| vāmapārśvaṃ maheśasya śūro rakṣati pārthiva | maṇibhadro 'śvayuktena rathena paravīrahā 56| dakṣiṇaṃ dhūrjaṭeḥ pārśvaṃ saṃrakṣati dhanurddharaḥ | tuṃgāduttīrya śaileṃdrādraṇaṃ prāpto gaṇaiḥ saha 57| dṛṣṭvā jagarjuste daityā maheśānaṃ vṛṣasthitam | tato mahānninādo'bhūddaityapramathasenayoḥ 58| tayorabhūnmitho rājansaṃpramardo'tha dāruṇaḥ | tato naṃdī mahākālaḥ kālaskaṃdau mahābalaḥ 59| mālyavānpuṣpadaṃtaśca vṛṣalī svarṇadaṃtikaḥ | caṃḍīśo madanaścaṃḍaḥ kūṣmāṃḍo guptalomakaḥ 60| ye ye pūrvaṃ raṇe bhagnāḥ prāptāste raṇasaṃkaṭam | śivasya purato daityā yuyudhuste mahābalāḥ 61| gaṇadānavayodhānāṃ saṃgrāmo'bhūdbhayāvahaḥ | tato gaṇānāṃ vidrāvya sainyaṃ te ca mahābalāḥ 62| raṇe saṃveṣṭayāmāsuḥ śaraughaiḥ sarvataḥ śivam | śūlaiḥ kuṃtairgadābhiśca mudgaraiḥ parighairapi 63| iṃdriyāṇi yathātmānaṃ viṣayaiḥ paṃcapaṃcabhiḥ | jaghānātha raṇe daityāñchaṃbhurbāṇaiḥ sudāruṇaiḥ | yathāśu māghaḥ pāpāni haṃti snānena tatkṣaṇāt 64| iti śrīpādme mahāpurāṇe paṃcapaṃcātsahasrasaṃhitāyāmuttarakhaṇḍe nāradayudhiṣṭhirasamvāde jālaṃdharopākhyāne śrīmahādevaraṇamāgamanaṃnāma dvādaśo'dhyāyaḥ 12|
English translation
Nārada said :
1-6a. Seeing the demon-army killed by the attendants led by Nandin , the demons Śumbha and others, getting angry, went to (fight with) the attendants (of Śiva ). Then the great demon Śumbha fought with Nandin. Niśumbha (fought with) Mahākāla , and Kāla with Lokeśvara in the battle. Śailaroman fought with Puṣpudanta, and Mahābala with Mālyavat . Due to the power of illusion, O king, there was a din on the battlefield. Bhayānaka ran to Caṇḍa , and Rāhu to Skanda (i.e. Kārtikeya ). Sarparoman (ran) to Kūṣmāṇḍa , and Gharghara to Madana . Ketumukha went to kill Śubha , and Jambha (went to kill) Vināyaka . Pātālaketu (rushed to kill) Hāsa , and Romakaṇṭaka (rushed to kill) Bhṛṅgīśa. The attendants of Rudra and the demons in crores fought with one another.
6b-19a When the lords of both of them were watching, the attendants and the demons, striking hard, struck (one another) with arrows. Nandin discharged those arrows as a great shower would (fall) on a mountain. Then he filled the face of Śumbha with arrows as wind fills the cave of Mandara with the masses of leaves. Kumbha left his bow, and ran to him (getting down) from the chariot. He uprooted a mountain and struck with it on the chest of Nandin, and having crushed his chariot in the battle, that mountain fell on the ground as a mountain would fall on coming in contact with the thunderbolt. He fainted for a moment, (then) regaining consciousness, he ran speedily. Mahākāla was struck on the chest by Niśumbha with a mallet. Coming (to him) he struck the demon on his crown with a mace. Ignoring that stroke, that very mighty Niśumbha also seized him by his feet and the very mighty one whirling him from his palm, threw him and roared. Drinking (i.e. inhaling) the air from his mouth (i.e. his breath), he, who had been tawny due to blood, roared. Puṣpadanta was struck on his face with a fist by Śailaroman. He (i.e. Puṣpadanta) struck Śailaroman with a mace, and knocked him on the ground. Seeing him fallen on the ground, the very strong Giriketu struck with a mallet the very fierce Puṣpadanta. Then Puṣpadanta cut off Giriketu’shead with a sword and ran taking with him the shield and the sword of Giriketu. (Giriketu’s) head said to him, “Why do you go away, leaving me who desire to fight (with you)? Do you not feel ashamed of running when this body is deprived of the head?” Thus addressed by his head, the trunk of Giriketu seized Puṣpadanta by his feet, and cut (i.e. pierced) his belly with a sharp sword.
19b-29a. From the side a demon, very strong and having a hundred heads, went out. He had two hundred eyes and two hundred arms. His head, whirling round, came near his trunk, O king. Seeing the head come, Puṣpadanta cut it off with his sword. Then (came) a demon named Bhūkampana, and a fearful demon by name Jvara . Then, O king, Puṣpadanta was crushed there by the two. That unbearable and very speedy Jvara troubled him. The attendant of Śiva (viz. Puṣpadanta) left the battle and trembling went to the mountain ( Kailāsa ). A great archer Kolāhala struck Mālyavat with three arrows on his shoulders, and Mālyavat (struck) the demon on his forehead. Kolāhala who was struck by Mālyavat with sharp weapons of various kinds, showing his dexterity, struck Mālyavat. That Mālyavat, the chief among the attendants, ignoring the pain caused by the weapon, took a huge rock and struck Kolāhala with it in the battle. From him Feverish Heat, named Jvalana came out. He was very fierce, had three heads, nine hands, nine feet, and was very tawny. That Feverish Heat deluded Mālyavat with his lustre. Mālyavat, being subdued, left the battle and went to the mountain. In the battle Caṇḍi was struck with a strong noose on his chest. His horse went out (of the battlefield); from him he was hurled into the ocean.
29b-38a. In the battle Kārtikeya hit Rāhu with sharp arrows. Having covered him with volleys of arrows, he quickly discharged (the missile called) Śakti . Seeing the Śakti, burning as it were with lustre, coming to him, Rāhu flew into the sky and quickly seized it with both his hands. Seizing that Śakti, and roaring loudly, Rāhu struck him (i.e. Kārtikeya) with that same Śakti. Struck with that Śakti on his chest, a river went out of his body. In that battle, the son of Mahādeva (i.e. Kārtikeya) was washed by it. Somehow the river was checked; but a flood similarly went to the river. The Ocean’s son, having heard from Jvara, the harsh cries of the mass of the (enemy’s) army, did not remember even that melodious skilful note of the male cuckoo. Barbara killed with a sword Dahana (i.e. Agni ) who was covering him with arrows. Sarparoman struck Kūṣmāṇḍa on his head with a fist. Pātālaketu struck Hāsa with a mallet. Taking it out from his body, the elephant bent the mallet. Pātālaketu hit him on his trunk with the stroke of his fist. Romakaṇṭaka wounded the lordly Bhṛṅgin with his weapons. The lordly Bhṛṅgin also being frightened, quickly went to the mountain from the battlefield.
38b-45. The white Dhūmravaṣṇa suddenly fell into the mouth of Ketu . The demon, of a large body and a large mouth, swallowed the attendant. When he was swallowed in the battle by Ketu, there was a very loud wailing. With the sharp arrows of Jṛbha, the body of Vināyaka was pierced. He cut off the trunk of that Gajānana . Then the mouse (the vehicle of Gajā - nana ) also pierced with arrows entered a cave. In the battle Vināyaka afflicted with the stroke lamented, and was agitated. (He lamented:) “O mother, O father, O brother, O mouse dear to me.” Hearing the cry of Gaṇeśa , the revered Pārvatī , coming (to Śiva) from another peak, said to Śiva at that time: “Gajānana is being killed by the demons. Kārtikeya also is knocked down. O Śiva, why are you sporting on the mountain. Protect your two sons and the attendants also. Today is the moment (i.e. the opportunity to use) the weapons like the trident always held by you.” Then hearing the words of Pārvatī, Śiva said to Vīrabhadra : “Quickly make ready ready my bull (i.e. Nandin).”
46-52. When this was said, he did (like that) at that time. He fastened a diadem to his horns, which was lustrous like the sun. Having fastened a hundred bells round his neck, he put two mirrors on his ears. On his shoulders a mass of bells (was placed), and large anklets (were tied) to his feet. A thousand chowries were tied round his tail, and into his mouth (were placed) eight nooses. Then that auspicious goddess Ambikā , with the eight nooses and holding a sword, sat there (i.e. on the back of the bull) near Śiva. All the weapons were put (there, on his back). The bull was ready. With the string of her own bells, Pārvatī adorned him. The goddess also put a mark (on his face) and spoke to him after honouring him: “O best among the bulls, you should never leave Śiva in the dangerous battle. You should come (back) with Śiva after having vanquished the enemies in the battle.” Hearing these words of the goddess, Śiva, adorned with his own ornaments, holding a thousand weapons, mounted upon his bull. With respect he spoke to that Pārvatī: “I am going to the battlefield.”
The lord said :
53-57. With a desire for your own forms, you can remain even alone; for the demons, having a bad intention about ladies, have come. Therefore, O beautiful lady, you have to protect yourself.
Speaking thus, Śiva, mounted upon his bull, went to the battlefield. Śiva was surrounded by thirty thousand mahābja- pramathas (i.e. the goblin-attendants of Śiva) O king; the brave Vīrabhadra quickly going with (i.e. after mounting) his lion, guarded the left side of the great lord. The archer Maṇibhadra , the killer of the enemies, with (i.e. seated in) a chariot, protected the right side of Śiva. Climbing down from the high lordly mountain, Śiva reached the battlefield with his attendants.
58-62a. Seeing the great lord seated on his bull, the demons roared. Then there was a great din of (i.e. produced by) the armies of the demons and the pramathas. O king, a terrible destruction of the two (armies) took place. Then all those—Nandin, Mahākāla, Kāla, Skanda, the very strong Mālyavat, Puṣpadanta, Vṛṣalin, Svarṇadantika. Caṇḍīṣa, Madana, Caṇḍa, Kūṣmāṇḍa, and Guptalomaka—who had formerly run away from the battle came to the dangerous battle. The very mighty demons fought before Śiva. A very fearful fight between the warriors—the attendants (of Śiva) and the demons—took place.
62b-64. Then having caused the army of the attendants to flee, the very mighty (demons) surrounded Śiva on all sides with showers (i.e. volleys) of arrows, with pikes, lances, maces, mallets, clubs tipped with iron, as the sense-organs surround the soul with the five objects of senses. Then Śiva with arrows that were very fierce, killed the demons in the battle, as Māgha quickly and that moment only destroys the sins by means of a bath (taken in that month).
Complete chapter-aligned witnesses. Sanskrit Wikisource page 44601, revision 336257 (2022-04-20T15:15:06Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365443.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.