Uttara-khaṇḍa · Chapter 51
Sourceयुधिष्ठिर उवाच- अपरायाश्च माहात्म्यं श्रुतं सर्वं जनार्दन । ज्येष्ठस्य शुक्लपक्षे तु स्याद्या तां वद मानद १। श्रीकृष्ण उवाच- एनां वक्ष्यति धर्मात्मा व्यासः सत्यवतीसुतः । सर्वशास्त्रार्थतत्त्वज्ञो वेदवेदांगपारगः २। युधिष्ठिर उवाच- श्रुता मे मानवा धर्मा वासिष्ठाश्च श्रुता मया । द्वैपायन यथावत्त्वं वैष्णवान्वक्तुमर्हसि ३। श्रीवेदव्यास उवाच - श्रुतास्तु मानवा धर्मा वैदिकाश्च श्रुतास्त्वया । कलौ युगे न शक्यंते ते वै कर्तुं नराधिप ४। सुखोपायमल्पधनमल्पक्लेशं महाफलम् । पुराणानां च सर्वेषां सारभूतं महामते ५। एकादश्यां न भुंजीत पक्षयोरुभयोरपि । द्वादश्यां तु शुचिर्भूत्वा पुष्पैः संपूज्य केशवम् ६। अन्नं भुंजीत सत्कृत्य पश्चाद्विप्रपुरःसरम् । सूतकेऽपि न भोक्तव्यं नाशौचे च जनाधिप ७। यावज्जीवं व्रतमिदं कर्त्तव्यं पुरुषर्षभ । स्वर्गतिं प्राप्तुमिच्छद्भिरत्र नैवास्ति संशयः ८। आपपापा दुराचाराः पापिष्ठा धर्मवर्जिताः । एकादश्यां न भुंजाना न ते यांति यमांतिकम् ९। इति तद्वचनं श्रुत्वा कंपितोऽश्वत्थपत्रवत् । भीमसेनो महाबाहुर्नत्वोवाच गुरुं प्रति १०। भीमसेन उवाच- पितामह महाबुद्धे शृणु मे परमं वचः । युधिष्ठिरश्च कुंती च तथा द्रुपदनंदिनी ११। अर्जुनो नकुलश्चैव सहदेवस्तथैव च । एकादश्यां न भुंजंति कदाचिदपि सुव्रताः १२। ते मां ब्रुवंति वै नित्यं मा भुंक्ष्व त्वं वृकोदर । अहं तानब्रुवं तात बुभुक्षा दुःसहा मम १३। दानं दास्यामि विधिवत्पूजयिष्यामि केशवम् । भीमसेनवचः श्रुत्वा व्यासो वचनमब्रवीत् १४। व्यास उवाच- यदि स्वर्गमभीष्टं ते नरकं दुष्टमेव च । एकादश्यां न भोक्तव्यं पक्षयोरुभयोरपि १५। भीमसेन उवाच- पितामह महाबुद्धे कथयामि तवाग्रतः । एकभक्ते न शक्नोमि उपवासे कुतः प्रभो १६। वृकोऽपिनाम यो वह्निः स सदा जठरे मम । अतिवेलं यदाश्नामि तदा समुपशाम्यति १७। नैकं शक्नोम्यहं कर्तुमुपवासं महामुने । येनैव प्राप्यते स्वर्गस्तत्कर्त्तास्मि यथातथम् । तदेकं वद निश्चित्य येन श्रेयोऽहमाप्नुयाम् १८। व्यास उवाच- वृषस्थे मिथुनस्थे वा यदा चैकादशी भवेत् । ज्येष्ठमासे प्रयत्नेन सोपोष्योदकवर्जिता १९। गंडूषाचमनं वारि वर्जयित्वोदकं बुधः । उपभुंजीत नैवेह व्रतभंगोऽन्यथा भवेत् २०। उदयादुदयं यावद्वर्जयित्वोदकं नरः । श्रूयतां समवाप्नोति द्वादशद्वादशी फलम् २१। ततः प्रभाते विमले द्वादश्यां स्नानमाचरेत् । जलं सुवर्णं दत्त्वा च द्विजातिभ्यो यथाविधि २२। भुंजीत कृतकृत्यस्तु ब्राह्मणैः सहितो वशी । एवं कृते च यत्पुण्यं भीमसेन शृणुष्व तत् २३। संवत्सरे तु याश्चैव एकादश्यो भवंति हि । तासां फलमवाप्नोति ह्यत्र मे नास्ति संशयः २४। इति मां केशवः प्राह शंखचक्रगदाधरः । सर्वान्परित्यज्य पुमान्मामेकं शरणं व्रजेत् २५। एकादश्यां निराहारस्ततः पापात्प्रमुच्यते । द्रव्यशुद्धिः कलौ नास्ति संस्कारः स्मार्त्त एव च २६। वैदिकस्तु कुतश्चापि प्राप्ते दुष्टे कलौ युगे । किं नु ते बहुनोक्तेन वायुपुत्र पुनः पुनः २७। एकादश्यां न भुंजीत पक्षयोरुभयोरपि । एकादश्यां सिते पक्षे ज्येष्ठेमास्युदकं विना २८। पुण्यं फलमवाप्नोति तच्छृणुष्व वृकोदर । संवत्सरे तु या प्रोक्ताः शुक्लः कृष्णा वृकोदर २९। उपोषिता हि सर्वाः स्युरेकादश्यो न संशयः । धनधान्यप्रदा पुण्या पुत्रारोग्यशुभप्रदा ३०। उपोषिता नरव्याघ्र इति सत्यं ब्रवीमि ते । यमदूता महाकायाः करालाः कृष्णरूपिणः ३१। दंडपाशधरा रौद्रा नोपसर्पंति तं नरम् । पीतांबरधरा सौम्याश्चक्रहस्ता मनोजवाः ३२। अंतकालेन यंत्येते वैष्णवान्वैष्णवीपुरीम् । तस्मात्सर्वप्रयत्नेन उपोष्योदकवर्जिता ३३। जलधेनुं तदा दत्त्वा सर्वपापैः प्रमुच्यते । ततस्त्वमस्यां कौंतेय सोपवासोऽर्चनं हरेः ३४। कुरु सर्वप्रयत्नेन सर्वपापप्रशांतये । स्वप्नेन मेऽपराधोस्ति दंतरागतयापि वा ३५। भोक्ष्येपरेऽह्नि देवेश ह्यशनं वासराद्धरेः । इत्युच्चार्य ततो मंत्र उपवासपरो भवेत् ३६। सर्वपापविनाशाय श्रद्धा दम समन्वितः । मेरुमंदरमात्राघं स्त्रिया पुंसा च यत्कृतम् ३७। सर्वं तद्भस्मतां याति एकादश्याः प्रभावतः । न शक्नुवंति ये दातुं जलधेनुं नराधिप ३८। सकांचनः प्रदातव्यो घटको वस्त्रसंयुतः । तोयस्य नियमं योऽस्या कुरुते वै स पुण्यभाक् ३९। फलं कोटिसुवर्णस्य यामेयामे श्रुतं फलम् । स्नानं दानं जपं होमं यदस्यां कुरुते नरः ४०। तत्सर्वं चाक्षयं प्राप्तमेतत्कृष्णप्रभाषितम् । किं वापरेण धर्मेण निर्जलैकादशीं विना ४१। उपोष्य सम्यग्विधिवद्वैष्णवं पदमाप्नुयात् । सुवर्णमन्नं वासो वा यदस्यां संप्रदीयते ४२। तदस्य कुरुशार्दूल सर्वं चाप्यक्षयं भवेत् । एकादश्यां दिने योऽन्नं भुंक्ते पापं भुनक्ति सः ४३। इहलोके स चांडालो मृतः प्राप्नोति दुर्गतिम् । ये च दास्यंति दानानि द्वादश्यां समुपोषिताः ४४। ज्येष्ठमासे सिते पक्षे प्राप्स्यंति परमं पदम् । ब्रह्महा मद्यपः स्तेनो गुरुद्वेषी सदानृती ४५। मुच्यंते पातकैः सर्वैर्निर्जलायैरुपोषिता । विशेषं शृणु कौंतेय निर्जलैकादशी दिने ४६। यत्कर्त्तव्यं नरैः स्त्रीभिर्दानं श्रद्धासमन्वितैः । जलशायी च संपूज्यो देया धेनुस्तथाम्मयी ४७। प्रत्यक्षा वा नृपश्रेष्ठ घृतधेनुरथापि वा । दक्षिणाभिः सुपुष्टाभिर्मिष्टान्नैश्च पृथग्विधैः ४८। तोषणीयाः प्रयत्नेन द्विजा धर्मभृतां वर । तुष्टा भवंति वै विप्रास्तैस्तुष्टैर्मोक्षदो हरिः ४९। आत्मद्रोहः कृतस्तैर्हि यैरेषा न ह्युपोषिता । पापात्मानो दुराचारा मुष्टास्ते नात्र संशयः 6.51.५०। कुलानां शतमागामि अतीतानां तथा शतम् । आत्मना सह तैर्नीतं वासुदेवस्य मंदिरम् ५१। शांतैर्दांतैर्दानपरैरर्चयद्भिस्तथा हरिम् । कुर्वद्भिर्जागरं रात्रौ यैरेषा समुपोषिता ५२। अन्नं वस्त्रं तथा गावो जलं शय्यासनं शुभम् । कमंडलुं तथा छत्रं दातव्यं निर्जला दिने ५३। उपानहौ यो ददाति पात्रभूते द्विजोत्तमे । स सौवर्णेन यानेन स्वर्गलोके महीयते ५४। यश्चेमां शृणुयाद्भक्त्या यश्चापि परिकीर्तयेत् । उभौ तौ स्वर्गमाप्नोति नात्र कार्या विचारणा ५५। यत्फलं संनिहत्यायां राहुग्रस्ते दिवाकरे । कृत्वा श्राद्धं लभेन्मर्त्यस्तदस्याः श्रवणादपि ५६। नियमं च प्रकर्त्तव्यं दंतधावनपूर्वकम् । एकादश्यां निराहारो वर्जयिष्यामि वै जलम् ५७। केशवप्रीणनार्थाय अन्यदाचमनादृते । द्वादश्यां देवदेवेशः पूजनीयस्त्रिविक्रमः ५८। गंधैर्धूपैस्तथा पुष्पैर्वासोभिः प्रियदर्शनैः । पूजयित्वा विधानेन मंत्रमेतमुदीरयेत् ५९। देवदेव हृषीकेश संसारार्णवतारक । उदकुंभप्रदानेन नय मां परमां गतिम् ६०। ज्येष्ठे मासि तु वै भीम या शुक्लैकादशी शुभा । निर्जला समुपोष्यात्र जलकुंभान्सशर्करान् ६१। प्रदाय विप्रमुख्येभ्यो मोदते विष्णुसन्निधौ । ततः कुंभाः प्रदातव्या ब्राह्मणानां च भक्तितः ६२। भोजयित्वा ततो विप्रान्स्वयं भुंजीत तत्परः । एवं यः कुरुते पूर्णां द्वादशीं पापनाशिनीम् ६३। सर्वपापविनिर्मुक्तो पदं गच्छत्यनामयम् । ततः प्रभृति भीमेन कृता ह्येकादशी शुभा । पांडवद्वादशी नाम्ना लोके ख्याता बभूव ह ६४। इति श्रीपाद्मे महापुराणे पंचपंचाशत्साहस्र्यां संहितयामुत्तरखंडे उमापतिनारदसंवादे ज्येष्ठशुक्ला निर्जलैकादशीनामैकपंचाशत्तमोऽध्यायः ५१।
yudhiṣṭhira uvāca- aparāyāśca māhātmyaṃ śrutaṃ sarvaṃ janārdana | jyeṣṭhasya śuklapakṣe tu syādyā tāṃ vada mānada 1| śrīkṛṣṇa uvāca- enāṃ vakṣyati dharmātmā vyāsaḥ satyavatīsutaḥ | sarvaśāstrārthatattvajño vedavedāṃgapāragaḥ 2| yudhiṣṭhira uvāca- śrutā me mānavā dharmā vāsiṣṭhāśca śrutā mayā | dvaipāyana yathāvattvaṃ vaiṣṇavānvaktumarhasi 3| śrīvedavyāsa uvāca - śrutāstu mānavā dharmā vaidikāśca śrutāstvayā | kalau yuge na śakyaṃte te vai kartuṃ narādhipa 4| sukhopāyamalpadhanamalpakleśaṃ mahāphalam | purāṇānāṃ ca sarveṣāṃ sārabhūtaṃ mahāmate 5| ekādaśyāṃ na bhuṃjīta pakṣayorubhayorapi | dvādaśyāṃ tu śucirbhūtvā puṣpaiḥ saṃpūjya keśavam 6| annaṃ bhuṃjīta satkṛtya paścādviprapuraḥsaram | sūtake'pi na bhoktavyaṃ nāśauce ca janādhipa 7| yāvajjīvaṃ vratamidaṃ karttavyaṃ puruṣarṣabha | svargatiṃ prāptumicchadbhiratra naivāsti saṃśayaḥ 8| āpapāpā durācārāḥ pāpiṣṭhā dharmavarjitāḥ | ekādaśyāṃ na bhuṃjānā na te yāṃti yamāṃtikam 9| iti tadvacanaṃ śrutvā kaṃpito'śvatthapatravat | bhīmaseno mahābāhurnatvovāca guruṃ prati 10| bhīmasena uvāca- pitāmaha mahābuddhe śṛṇu me paramaṃ vacaḥ | yudhiṣṭhiraśca kuṃtī ca tathā drupadanaṃdinī 11| arjuno nakulaścaiva sahadevastathaiva ca | ekādaśyāṃ na bhuṃjaṃti kadācidapi suvratāḥ 12| te māṃ bruvaṃti vai nityaṃ mā bhuṃkṣva tvaṃ vṛkodara | ahaṃ tānabruvaṃ tāta bubhukṣā duḥsahā mama 13| dānaṃ dāsyāmi vidhivatpūjayiṣyāmi keśavam | bhīmasenavacaḥ śrutvā vyāso vacanamabravīt 14| vyāsa uvāca- yadi svargamabhīṣṭaṃ te narakaṃ duṣṭameva ca | ekādaśyāṃ na bhoktavyaṃ pakṣayorubhayorapi 15| bhīmasena uvāca- pitāmaha mahābuddhe kathayāmi tavāgrataḥ | ekabhakte na śaknomi upavāse kutaḥ prabho 16| vṛko'pināma yo vahniḥ sa sadā jaṭhare mama | ativelaṃ yadāśnāmi tadā samupaśāmyati 17| naikaṃ śaknomyahaṃ kartumupavāsaṃ mahāmune | yenaiva prāpyate svargastatkarttāsmi yathātatham | tadekaṃ vada niścitya yena śreyo'hamāpnuyām 18| vyāsa uvāca- vṛṣasthe mithunasthe vā yadā caikādaśī bhavet | jyeṣṭhamāse prayatnena sopoṣyodakavarjitā 19| gaṃḍūṣācamanaṃ vāri varjayitvodakaṃ budhaḥ | upabhuṃjīta naiveha vratabhaṃgo'nyathā bhavet 20| udayādudayaṃ yāvadvarjayitvodakaṃ naraḥ | śrūyatāṃ samavāpnoti dvādaśadvādaśī phalam 21| tataḥ prabhāte vimale dvādaśyāṃ snānamācaret | jalaṃ suvarṇaṃ dattvā ca dvijātibhyo yathāvidhi 22| bhuṃjīta kṛtakṛtyastu brāhmaṇaiḥ sahito vaśī | evaṃ kṛte ca yatpuṇyaṃ bhīmasena śṛṇuṣva tat 23| saṃvatsare tu yāścaiva ekādaśyo bhavaṃti hi | tāsāṃ phalamavāpnoti hyatra me nāsti saṃśayaḥ 24| iti māṃ keśavaḥ prāha śaṃkhacakragadādharaḥ | sarvānparityajya pumānmāmekaṃ śaraṇaṃ vrajet 25| ekādaśyāṃ nirāhārastataḥ pāpātpramucyate | dravyaśuddhiḥ kalau nāsti saṃskāraḥ smārtta eva ca 26| vaidikastu kutaścāpi prāpte duṣṭe kalau yuge | kiṃ nu te bahunoktena vāyuputra punaḥ punaḥ 27| ekādaśyāṃ na bhuṃjīta pakṣayorubhayorapi | ekādaśyāṃ site pakṣe jyeṣṭhemāsyudakaṃ vinā 28| puṇyaṃ phalamavāpnoti tacchṛṇuṣva vṛkodara | saṃvatsare tu yā proktāḥ śuklaḥ kṛṣṇā vṛkodara 29| upoṣitā hi sarvāḥ syurekādaśyo na saṃśayaḥ | dhanadhānyapradā puṇyā putrārogyaśubhapradā 30| upoṣitā naravyāghra iti satyaṃ bravīmi te | yamadūtā mahākāyāḥ karālāḥ kṛṣṇarūpiṇaḥ 31| daṃḍapāśadharā raudrā nopasarpaṃti taṃ naram | pītāṃbaradharā saumyāścakrahastā manojavāḥ 32| aṃtakālena yaṃtyete vaiṣṇavānvaiṣṇavīpurīm | tasmātsarvaprayatnena upoṣyodakavarjitā 33| jaladhenuṃ tadā dattvā sarvapāpaiḥ pramucyate | tatastvamasyāṃ kauṃteya sopavāso'rcanaṃ hareḥ 34| kuru sarvaprayatnena sarvapāpapraśāṃtaye | svapnena me'parādhosti daṃtarāgatayāpi vā 35| bhokṣyepare'hni deveśa hyaśanaṃ vāsarāddhareḥ | ityuccārya tato maṃtra upavāsaparo bhavet 36| sarvapāpavināśāya śraddhā dama samanvitaḥ | merumaṃdaramātrāghaṃ striyā puṃsā ca yatkṛtam 37| sarvaṃ tadbhasmatāṃ yāti ekādaśyāḥ prabhāvataḥ | na śaknuvaṃti ye dātuṃ jaladhenuṃ narādhipa 38| sakāṃcanaḥ pradātavyo ghaṭako vastrasaṃyutaḥ | toyasya niyamaṃ yo'syā kurute vai sa puṇyabhāk 39| phalaṃ koṭisuvarṇasya yāmeyāme śrutaṃ phalam | snānaṃ dānaṃ japaṃ homaṃ yadasyāṃ kurute naraḥ 40| tatsarvaṃ cākṣayaṃ prāptametatkṛṣṇaprabhāṣitam | kiṃ vāpareṇa dharmeṇa nirjalaikādaśīṃ vinā 41| upoṣya samyagvidhivadvaiṣṇavaṃ padamāpnuyāt | suvarṇamannaṃ vāso vā yadasyāṃ saṃpradīyate 42| tadasya kuruśārdūla sarvaṃ cāpyakṣayaṃ bhavet | ekādaśyāṃ dine yo'nnaṃ bhuṃkte pāpaṃ bhunakti saḥ 43| ihaloke sa cāṃḍālo mṛtaḥ prāpnoti durgatim | ye ca dāsyaṃti dānāni dvādaśyāṃ samupoṣitāḥ 44| jyeṣṭhamāse site pakṣe prāpsyaṃti paramaṃ padam | brahmahā madyapaḥ steno gurudveṣī sadānṛtī 45| mucyaṃte pātakaiḥ sarvairnirjalāyairupoṣitā | viśeṣaṃ śṛṇu kauṃteya nirjalaikādaśī dine 46| yatkarttavyaṃ naraiḥ strībhirdānaṃ śraddhāsamanvitaiḥ | jalaśāyī ca saṃpūjyo deyā dhenustathāmmayī 47| pratyakṣā vā nṛpaśreṣṭha ghṛtadhenurathāpi vā | dakṣiṇābhiḥ supuṣṭābhirmiṣṭānnaiśca pṛthagvidhaiḥ 48| toṣaṇīyāḥ prayatnena dvijā dharmabhṛtāṃ vara | tuṣṭā bhavaṃti vai viprāstaistuṣṭairmokṣado hariḥ 49| ātmadrohaḥ kṛtastairhi yaireṣā na hyupoṣitā | pāpātmāno durācārā muṣṭāste nātra saṃśayaḥ 6.51.50| kulānāṃ śatamāgāmi atītānāṃ tathā śatam | ātmanā saha tairnītaṃ vāsudevasya maṃdiram 51| śāṃtairdāṃtairdānaparairarcayadbhistathā harim | kurvadbhirjāgaraṃ rātrau yaireṣā samupoṣitā 52| annaṃ vastraṃ tathā gāvo jalaṃ śayyāsanaṃ śubham | kamaṃḍaluṃ tathā chatraṃ dātavyaṃ nirjalā dine 53| upānahau yo dadāti pātrabhūte dvijottame | sa sauvarṇena yānena svargaloke mahīyate 54| yaścemāṃ śṛṇuyādbhaktyā yaścāpi parikīrtayet | ubhau tau svargamāpnoti nātra kāryā vicāraṇā 55| yatphalaṃ saṃnihatyāyāṃ rāhugraste divākare | kṛtvā śrāddhaṃ labhenmartyastadasyāḥ śravaṇādapi 56| niyamaṃ ca prakarttavyaṃ daṃtadhāvanapūrvakam | ekādaśyāṃ nirāhāro varjayiṣyāmi vai jalam 57| keśavaprīṇanārthāya anyadācamanādṛte | dvādaśyāṃ devadeveśaḥ pūjanīyastrivikramaḥ 58| gaṃdhairdhūpaistathā puṣpairvāsobhiḥ priyadarśanaiḥ | pūjayitvā vidhānena maṃtrametamudīrayet 59| devadeva hṛṣīkeśa saṃsārārṇavatāraka | udakuṃbhapradānena naya māṃ paramāṃ gatim 60| jyeṣṭhe māsi tu vai bhīma yā śuklaikādaśī śubhā | nirjalā samupoṣyātra jalakuṃbhānsaśarkarān 61| pradāya vipramukhyebhyo modate viṣṇusannidhau | tataḥ kuṃbhāḥ pradātavyā brāhmaṇānāṃ ca bhaktitaḥ 62| bhojayitvā tato viprānsvayaṃ bhuṃjīta tatparaḥ | evaṃ yaḥ kurute pūrṇāṃ dvādaśīṃ pāpanāśinīm 63| sarvapāpavinirmukto padaṃ gacchatyanāmayam | tataḥ prabhṛti bhīmena kṛtā hyekādaśī śubhā | pāṃḍavadvādaśī nāmnā loke khyātā babhūva ha 64| iti śrīpādme mahāpurāṇe paṃcapaṃcāśatsāhasryāṃ saṃhitayāmuttarakhaṃḍe umāpatināradasaṃvāde jyeṣṭhaśuklā nirjalaikādaśīnāmaikapaṃcāśattamo'dhyāyaḥ 51|
English translation
Yudhiṣṭhira said :—
1. O Janārdana , I have heard the full importance of Aparā . O you who show respect (to others), tell me about that ( Ekādaśī ) which would fall (i.e. falls) in the bright half of Jyeṣṭha .
Śrīkṛṣṇa said :
2. Satyavatī ’s pious son, Vyāsa , who knows the essence of all sacred texts and who has mastered the Vedas and the Upaniṣads will tell (you about) it.
Yudhiṣṭhira said :
3. I have heard the duties as told by Manu , so also as told by Vasiṣṭha . O Dvaipāyana , you please tell properly the duties of Viṣṇu ’s devotees.
Śrī Vedavyāsa said :
4-9. O lord of men, you have listened to the duties as told by Manu, so also as told by Vasiṣṭha. They cannot be practised in Kaliyuga . O you very intelligent one, (the Ekādaśī vow) is the essence of (i.e. of what is told in) the Purāṇas , is an easy means, requires little money, little effort, (but) gives great fruit. One should not eat on the Ekādaśī-days of both the fortnights (of a month). On the Dvādaśī day, being pure, having worshipped Viṣṇu, having honoured (a brāhmaṇa ), one should then eat with a brāhmaṇa. O king, one should not eat during the impurity caused by a birth or a death in the family. O best of men, those who desire to go to heaven should practise this vow as long as they live. There is no doubt about this. Even those who are sinners, who are of a wicked conduct, who are most sinful, who are bereft of piety, go to my proximity (i.e. reach me) if they do not eat on Ekādaśī.
10. Having heard these words of him, the mighty-armed Bhīma trembled like an aśvattha -leaf, and saluting his preceptor, said to him:
Bhīmasena said :
11-14. O grandsire, O you very intelligent one, listen to my important words. Yudhiṣṭhira and Kuntī , so also Draupadī and Arjuna , Nakula and Sahadeva , who practise (this) good vow, never eat on the day of Ekādaśī. They always tell me, “O Bhīma, do not eat (on the Ekādaśī day).” I told them: “For me hunger is difficult to bear. I shall duly give gifts. I shall worship Viṣṇu.”
Hearing the words of Bhīmasena , Vyāsa said (these) words:
Vyāsa said :
15. If you desire (to go to) heaven, and if (you think) hell is painful, then you should not eat on the Ekādaśī of both the fortnights.
Bhīmasena said :
16-18. O grandsire, O you very intelligent one, I shall tell in front of (i.e. to) you. I am not able (to go on) by eating(even) once a day. Then O lord, how can I (put up with) a fast? That fire, called Vṛka , which is always present in my belly, is extinguished only when I eat many times. O great sage, I am not able to observe a (single) fast. I shall properly observe that due to which heaven is reached. Therefore, having decided about one, tell me that by (observing) which I shall obtain heaven.
Vyāsa said :
19-26. When the Ekādaśī would fall on (the day when the Sun) is in the second or the third sign of the Zodiac in the month of Jyeṣṭha, a wise man should carefully observe (the Ekādaśī fast) without (even drinking) water. He should avoid even sipping a mouthful of water and should not eat (at all). Otherwise the vow would be broken. Listen, when a man (lives even) by avoiding water from the sunrise of a day to the sunrise (of the next day), he obtains the fruit of twelve Dvādaśīs. Then in the auspicious morning of the Dvādaśī day he should bathe, and having duly given water, gold etc. to brāhmaṇas , he, being contended and controlled, should eat along with brāhmaṇas. O Bhīmasena, listen to the religious merit (which is obtained) by doing like this. There is no doubt that he hereby obtains the fruit of the Ekādaśīs that fall during the year. Keśava , the holder of a conch, a disc and a mace told me like this: “Leaving all others a man should seek my refuge only.” A man, not eating on an Ekādaśī day is freed from sins. In the Kali -age, there is no purity of objects. Rites (or ceremonies) are based on the Smṛtis .
27-33a. How can there be a rite based on the Vedas, when the wicked Kali-age has arrived? O son of Vāyu (i.e. Bhīma), what is the use of telling you much again and again? A man should not eat on the Ekādaśī of both the fortnights. Listen, O Bhīma, to the auspicious fruit that (a man) obtains by remaining without water on the Ekādaśī day of the bright half of the month of Jyeṣṭha. O Bhīma, if fasts are observed on all the auspicious Ekādaśī days that are said to fall during the year and in the bright or dark fortnights (of each month), they give wealth and grains, give sons, good health and auspicious (things). O king, there is no doubt about it. I am telling you the truth. The big-bodied, fierce, dark-formed, fearful messengers of Yama , who hold staffs and nooses, do not approach that man. (But) Viṣṇu’s messengers who have put on yellow garments, who are gentle, who have held discs in their hands, whose speed is like that of the mind, take him on his death to Viṣṇu’s city.
33b-4l. Therefore, with all efforts a man should observe the Ekādaśī-fast without (drinking even) water. Then having given he is freed from all sins. Therefore, O son of Kuntī, on this day observe a fast and worship Viṣṇu with all efforts for the destruction of your sins. “Even by means of passion as much as the size of the point of an arrow, I have not sinned even in a dream. O lord of gods, I shall eat food on the next day of the day of (i.e. sacred to) Viṣṇu.” Uttering this hymn he should engage himself in (observing) the fast of Ekādaśī after being endowed with faith and restraint for the destruction of all his sins. By the power of Ekādaśī all the sin of the size of the Meru and Mandara mountains, which a man has committed, is reduced to ash. O king, those who are not able to give should give a pitcher containing gold along with garments. He who, on this day, observes the vow of (not drinking even) water, is meritorious. The fruit of the gift of gold is said to be a crorefold in every watch. All that (like) a bath, a gift, muttering of prayers, a sacrifice that is given (or performed) by a man, becomes unending. This is told by Kṛṣṇa himself. What is the. use of any other religious rite than the Ekādaśī observed without (drinking) water?
42-52. Having properly observed it with due rites, a man would obtain Viṣṇu’s position. All that like gold, food, garments, which are given by a man on this day, would, O king, be inexhaustible. He who eats food on the Ekādasī day eats sin. In this world he becomes a cāṇḍāla and after death gets a miserable position. Those who, having fasted, will give gifts on the Dvādaśī day in the bright half of the month of Jyeṣṭha, obtain the highest position. Those like the killer of a brāhmaṇa, a drunkard, a thief, a hater of his preceptor or one who always tells lies, who fast without (even drinking) water, are freed from all sins. O son of Kuntī, listen to the special gift which is to be given on the Ekādaśī day, on which not (even) water (is to be drunk) by men and women endowed with faith. He who lies in water should be worshipped and a watery cow should be given (to a brāhmaṇa). An actual cow should be given or of ghee . O best among the righteous, brahmaṇas should be carefully pleased by means of big presents and with various kinds of sweet food. The brāhmaṇas are pleased, and when they are pleased, Viṣṇu gives salvation. Those who have not fasted on this day have wronged themselves. They—the sinners, and of a bad conduct—have been undoubtedly plundered. Those who, being calm, controlled, devoted to (giving) gifts, worshipped Viṣṇu, and keeping awake, fasted on this day, have taken along with themselves a hundred (members) past and future (of) their families to the abode of Viṣṇu.
53-58. On this day on (which even) water (should) not (be drunk) food, garments, so also cows, water, a good bed and a good seat, a water-pot used by an ascetic, so also an umbrella should be given (to a brāhmaṇa). He who gives a pair of shoes to the best brāhmaṇa—a worthy recipient—is honoured in heaven (after being taken there) by (i.e. in) a golden aeroplane. He who would listen to (the account of) this with devotion, and he who would narrate it, both go to heaven. No doubt should be raised about this. That fruit which a man obtains by offering a śrāddha at Kurukṣetra when the Sun is eclipsed by Rāhu , is obtained even by listening to (the account of) this. After cleaning his teeth, he should have the restriction: ‘On the day of the Ekādaśī, to please Viṣṇu, I shall, remaining without food, avoid water except for sipping.’ Viṣṇu, the lord of gods, should be worshipped on Dvādaśī.
59-64. Having duly worshipped (Viṣṇu) with sandal, incenses, flowers, so also pleasing garments, he should recite this hymn: “O god of gods, O Hṛṣīkeśa , O you who emancipate (beings) from the ocean of the mundane existence, take me to the highest position due to (my offering) the pitcher of water.” O Bhīma, on that auspicious Ekādaśī which falls in the bright half of Jyeṣtha, a man should fast without (even) drinking water, by giving water pitchers with sugar to the best brāhmaṇas. (Due to this) he rejoices with Viṣṇu. Then he should devoutly give pitchers to brāhmaṇas. Having then fed the brāhmaṇas, he should take food with devotion to them. He who thus observes the full Dvādaśī, removing sins, is free from all sins and goes to the good position (of Viṣṇu).
Since then Bhīma observed (a fast on) this Ekādaśī day. In the world the Dvādaśī came to be known as Pāṇḍava -Dvādaśī.
Complete chapter-aligned witnesses. Sanskrit Wikisource page 44623, revision 336432 (2022-04-22T01:45:17Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365628.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.