Bhūmi-khaṇḍa · Chapter 47
Sourceसप्तचत्वारिंशोऽध्यायः सुकलोवाच- सुदेवा चारुसर्वांगी तामुवाचाथ सूकरीम् । पशुयोनिं गता त्वं हि कथं वदसि संस्कृतम् १। एवंविधं महाज्ञानं कस्माद्भूतं वदस्व मे । कथं जानासि वै भर्तुश्चरित्रमात्मनः शुभे २। शूकर्युवाच- पशोर्भावेन मोहेन मुष्टाहं वरवर्णिनि । निहता खड्गबाणैश्च पतिता रणमूर्धनि ३। मूर्च्छयाभिपरिक्लिन्ना ज्ञानहीना वरानने । त्वयाभिषिक्ता येनाहं पुण्यहस्तेन सुंदरि ४। पुण्योदकेन शीतेन तव हस्तगतेन वै । अभिषिक्ते हि मे काये मोहो नष्टो विहाय माम् ५। यथा विनाशं तेजोभिरंधकारः प्रयाति सः । तथा तवाभिषेकेण मम पापं गतं शुभे ६। प्रसादात्तव चार्वंगि लब्धं ज्ञानं पुरातनम् । पुण्यां गतिं प्रयास्यामि इति ज्ञातं मया शुभे ७। श्रूयतामभिधास्यामि पूर्वं वृत्तांतमात्मनः । यत्कृतं तु मया भद्रे पापया दुष्कृतं बहु ८। कलिंगाख्ये महादेशे श्रीपुरंनाम पत्तनम् । सर्वसिद्धिसमाकीर्णं चतुर्वर्णनिषेवितम् ९। वसति स्म द्विजः कोपि वसुदत्त इति श्रुतः । ब्रह्माचारपरोनित्यं सत्यधर्मपरायणः १०। वेदवेत्ता ज्ञानवेत्ता शुचिमान्गुणवान्धनी । धनधान्यसमाकीर्णः पुत्रपौत्रैरलंकृतः ११। तस्याहं तनया भद्रे सोदरैः स्वजनबांधवैः । अलंकारैस्तु शृंगारैर्भूषितास्मि वरानने १२। सुदेवानाम मे तातश्चकार स महामतिः । तस्याहं दयिता नित्यं पितुश्चापि महामते १३। रूपेणाप्रतिमा जाता संसारे नास्ति तादृशी । रूपयौवनगर्वेण मत्ताहं चारुहासिनी १४। अहं कन्या सुरूपा वै सर्वालंकारशोभिता । मां च दृष्ट्वा ततो लोकाः सर्वे स्वजनवर्गकाः १५। मामेवं याचमानास्ते विवाहार्थे वरानने । याचिताहं द्विजैः सर्वैर्न ददाति पिता मम १६। स्नेहाच्चैव महाभागे मुमोह स महामतिः । न दत्ताहं तदा तेन पित्रा चैव महात्मना १७। संप्राप्तं यौवनं बाले मयि भावसमन्वितम् । रूपं मे तादृशं दृष्ट्वा मम माता सुदुःखिता १८। पितरं मे उवाचाथ कस्मात्कन्या न दीयते । त्वं कस्मै सुद्विजायैव ब्राह्मणाय महात्मने १९। देहि कन्यां महाभाग संप्राप्ता यौवनं त्वियम् । वसुदत्तो द्विजश्रेष्ठः प्रत्युवाच द्विजोत्तमः २०। मातरं मे महाभागे श्रूयतां वचनं मम । महामोहेनमुग्धोऽस्मि सुताया वरवर्णिनि २१। यो मे गृहस्थो विप्रो वै भविष्यति शुभे शृणु । तस्मै कन्यां प्रदास्यामि जामात्रे तु न संशयः २२। मम प्राणप्रिया चैषा सुदेवा नात्र संशयः । एवमूचे मदर्थे स वसुदत्तः पिता मम २३। कौशिकस्य कुले जातः सर्वविद्याविशारदः । ब्राह्मणानां गुणैर्युक्तः शीलवान्गुणवाञ्छुचिः २४। वेदाध्ययनसंपन्नं पठमानं हि सुस्वरम् । भिक्षार्थं द्वारमायांतं पितृमातृविवर्जितम् २५। तं दृष्ट्वासमनुप्राप्तं रूपं वीक्ष्य महामतिः । तं प्रोवाच पिता एवं को भवान्वै भविष्यति २६। किं ते नाम कुलं गोत्रमाचारं वद सांप्रतम् । समाकर्ण्य पितुर्वाक्यं वसुदत्तमुवाच सः २७। कौशिकस्यान्वये जातो वेदवेदांगपारगः । शिवशर्मेति मे नाम पितृमातृविवर्जितः २८। संति मे भ्रातरश्चान्ये चत्वारो वेदपारगाः । एवं कुलं समाख्यातमाचारः कुलसंभवः २९। एवं सर्वं समाख्यातं पितरं शिवशर्मणा । शुभे लग्ने तिथौ प्राप्ते नक्षत्रे भगदैवते ३०। पित्रा दत्तास्मि सुभगे तस्मै विप्राय वै तदा । पितृगेहे वसाम्येका तेन सार्धं महात्मना ३१। नैव शुश्रूषितो भर्ता मया स पापया तदा । पितृमातृसुद्रव्येण गर्वेणापि प्रमोहिता ३२। अंगसंवाहनं तस्य न कृतं हि मया कदा । रतिभावेन स्नेहेन वचनेन मया शुभे ३३। क्रूरबुद्ध्या हि दृष्टोसौ सर्वदा पापया मया । पुंश्चलीनां प्रसंगेन तद्भावं हि गता शुभे ३४। मातापित्रोश्च भर्तुश्च भ्रातॄणां हितमेव च । न करोम्यहमेवापि यत्रयत्र व्रजाम्यहम् ३५। एवं मे दुष्कृतं दृष्ट्वा शिवशर्मा पतिर्मम । स्नेहाच्छ्वशुरवर्गस्य मम भर्त्ता महामतिः ३६। न किंचिद्वक्ति मां सोपि क्षमते दुष्कृतं मम । वार्यमाणा कुटुंबेन अहमेवं सुपापिनी ३७। तस्य शीलं विदित्वा ते साधुत्वं शिवशर्मणः । पितामाता च मे सर्वे मम पापेन दुःखिताः ३८। भर्त्ता मे दुष्कृतं दृष्ट्वा स्वगृहान्निर्गतो बहिः । तं देशं ग्राममेनं च परित्यज्य गतस्ततः ३९। गते भर्तरि मे तातः संजातश्चिंतयान्वितः । मम दुःखेन दुःखात्मा यथा रोगेण पीडितः ४०। मम माता उवाचैनं भर्तारं दुःखपीडितम् । कस्माच्चिंतयसे कांत वद दुःखं ममाग्रतः ४१। वसुदत्त उवाचैनां मातरं मम नंदने । सुतां त्यक्त्वा गतो विप्रो जामाता शृणु वल्लभे ४२। इयं पापसमाचारा निर्घृणा पापचारिणी । अनया हि परित्यक्तः शिवशर्मा महामतिः ४३। समस्तस्य कुटुंबस्य दाक्षिण्येन महामतिः । ममायं स द्विजः कांते सुदेवां नैव भाषते ४४। वसते सौम्यभावेन नैव निंदति कुत्सति । सुदेवां पापसंचारां स वै पंडितबुद्धिमान् ४५। भविष्यति त्वियं दुष्टा सुदेवा कुलनाशिनी । अहमेनां परित्यज्य व्रजामि गृहवासिनि ४६। ब्राह्मण्युवाच- अद्य ज्ञातं त्वया कांत सुताया गुणदूषणम् । तव मोहेन स्नेहेन नष्टेयं शृणु सांप्रतम् ४७। तावद्विलाडयेत्पुत्रं यावत्स्यात्पंचवार्षिकः । शिक्षाबुद्ध्या सदा कांत पुनर्मोहेन पोषयेत् ४८। स्नानाच्छादनकैर्भक्ष्यैर्भोज्यैः पेयैर्न संशयः । गुणेषु योजयेत्कांत सद्विद्यासु च तं सुतम् ४९। गुणशिक्षार्थंनिर्मोहः पिता भवति सर्वदा । पालने पोषणे कांत संमोहः परिजायते ५०। सगुणं न वदेत्पुत्रं कुत्सयेच्च दिनेदिने । काठिन्यं च वदेन्नित्यं वचनैः परिपीडयेत् ५१। यथाहि साधयेन्नित्यं सुविद्यां ज्ञानतत्परः । अभिमानेच्छलेनापि पापं त्यक्त्वा प्रदूरतः ५२। नैपुण्यं जायते नित्यं विद्यासु च गुणेषु च । माता च ताडयेत्कन्यां स्नुषां श्वश्रूर्विताडयेत् ५३। गुरुश्च ताडयेच्छिष्यं ततः सिध्यंति नान्यथा । भार्यां च ताडयेत्कांत अमात्यं नृपतिस्तथा ५४। हयं च ताडयेद्धीरो गजं मात्रो दिनेदिने । शिक्षाबुद्ध्या प्रसिध्यंति ताडनात्पालनाद्विभो ५५। त्वयेयं नाशिता नाथ सर्वदैव न संशयः । सार्धं सुब्राह्मणेनापि भवता शिवशर्मणा ५६। निरंकुशा कृता गेहे तेन नष्टा महामते । तावद्धि धारयेत्कन्यां गृहे कांतवचः शृणु ५७। अष्टवर्षान्विता यावत्प्रबलां नैव धारयेत् । पितुर्गेहस्थिता पुत्री यत्पापं हि प्रकुर्वती ५८। उभाभ्यामपि तत्पापं पितृभ्यामपि विंदति । तस्मान्न धार्यते कन्या समर्था निजमंदिरे ५९। यस्य दत्ता भवेत्सा च तस्य गेहे प्रपोषयेत् । तत्रस्था साधयेत्कांतं सगुणं भक्तिपूर्वकम् ६०। कुलस्य जायते कीर्तिः पिता सुखेन जीवति । तत्रस्था कुरुते पापं तत्पापं भुंजते पतिः ६१। तत्रस्था वर्द्धते नित्यं पुत्रैः पौत्रैः सदैव सा । पिता कीर्तिमवाप्नोति सुतायाः सुगुणैः प्रिय ६२। तस्मान्न धारयेत्कांत गेहे पुत्रीं सभर्तृकाम् । इत्यर्थे श्रूयते कांत इतिहासो भविष्यति ६३। अष्टविंशतिके प्राप्ते युगे द्वापरके महान् । उग्रसेनस्य वीरस्य यदुज्येष्ठस्य यत्प्रभो ६४। चरित्रं ते प्रवक्ष्यमि शृणुष्वैकमना द्विज ६५। इति श्रीपद्मपुराणे भूमिखंडे वेनोपाख्याने सुकलाचरित्रे। सप्तचत्वारिंशोऽध्यायः ४७।
saptacatvāriṃśo'dhyāyaḥ sukalovāca- sudevā cārusarvāṃgī tāmuvācātha sūkarīm | paśuyoniṃ gatā tvaṃ hi kathaṃ vadasi saṃskṛtam 1| evaṃvidhaṃ mahājñānaṃ kasmādbhūtaṃ vadasva me | kathaṃ jānāsi vai bhartuścaritramātmanaḥ śubhe 2| śūkaryuvāca- paśorbhāvena mohena muṣṭāhaṃ varavarṇini | nihatā khaḍgabāṇaiśca patitā raṇamūrdhani 3| mūrcchayābhipariklinnā jñānahīnā varānane | tvayābhiṣiktā yenāhaṃ puṇyahastena suṃdari 4| puṇyodakena śītena tava hastagatena vai | abhiṣikte hi me kāye moho naṣṭo vihāya mām 5| yathā vināśaṃ tejobhiraṃdhakāraḥ prayāti saḥ | tathā tavābhiṣekeṇa mama pāpaṃ gataṃ śubhe 6| prasādāttava cārvaṃgi labdhaṃ jñānaṃ purātanam | puṇyāṃ gatiṃ prayāsyāmi iti jñātaṃ mayā śubhe 7| śrūyatāmabhidhāsyāmi pūrvaṃ vṛttāṃtamātmanaḥ | yatkṛtaṃ tu mayā bhadre pāpayā duṣkṛtaṃ bahu 8| kaliṃgākhye mahādeśe śrīpuraṃnāma pattanam | sarvasiddhisamākīrṇaṃ caturvarṇaniṣevitam 9| vasati sma dvijaḥ kopi vasudatta iti śrutaḥ | brahmācāraparonityaṃ satyadharmaparāyaṇaḥ 10| vedavettā jñānavettā śucimānguṇavāndhanī | dhanadhānyasamākīrṇaḥ putrapautrairalaṃkṛtaḥ 11| tasyāhaṃ tanayā bhadre sodaraiḥ svajanabāṃdhavaiḥ | alaṃkāraistu śṛṃgārairbhūṣitāsmi varānane 12| sudevānāma me tātaścakāra sa mahāmatiḥ | tasyāhaṃ dayitā nityaṃ pituścāpi mahāmate 13| rūpeṇāpratimā jātā saṃsāre nāsti tādṛśī | rūpayauvanagarveṇa mattāhaṃ cāruhāsinī 14| ahaṃ kanyā surūpā vai sarvālaṃkāraśobhitā | māṃ ca dṛṣṭvā tato lokāḥ sarve svajanavargakāḥ 15| māmevaṃ yācamānāste vivāhārthe varānane | yācitāhaṃ dvijaiḥ sarvairna dadāti pitā mama 16| snehāccaiva mahābhāge mumoha sa mahāmatiḥ | na dattāhaṃ tadā tena pitrā caiva mahātmanā 17| saṃprāptaṃ yauvanaṃ bāle mayi bhāvasamanvitam | rūpaṃ me tādṛśaṃ dṛṣṭvā mama mātā suduḥkhitā 18| pitaraṃ me uvācātha kasmātkanyā na dīyate | tvaṃ kasmai sudvijāyaiva brāhmaṇāya mahātmane 19| dehi kanyāṃ mahābhāga saṃprāptā yauvanaṃ tviyam | vasudatto dvijaśreṣṭhaḥ pratyuvāca dvijottamaḥ 20| mātaraṃ me mahābhāge śrūyatāṃ vacanaṃ mama | mahāmohenamugdho'smi sutāyā varavarṇini 21| yo me gṛhastho vipro vai bhaviṣyati śubhe śṛṇu | tasmai kanyāṃ pradāsyāmi jāmātre tu na saṃśayaḥ 22| mama prāṇapriyā caiṣā sudevā nātra saṃśayaḥ | evamūce madarthe sa vasudattaḥ pitā mama 23| kauśikasya kule jātaḥ sarvavidyāviśāradaḥ | brāhmaṇānāṃ guṇairyuktaḥ śīlavānguṇavāñchuciḥ 24| vedādhyayanasaṃpannaṃ paṭhamānaṃ hi susvaram | bhikṣārthaṃ dvāramāyāṃtaṃ pitṛmātṛvivarjitam 25| taṃ dṛṣṭvāsamanuprāptaṃ rūpaṃ vīkṣya mahāmatiḥ | taṃ provāca pitā evaṃ ko bhavānvai bhaviṣyati 26| kiṃ te nāma kulaṃ gotramācāraṃ vada sāṃpratam | samākarṇya piturvākyaṃ vasudattamuvāca saḥ 27| kauśikasyānvaye jāto vedavedāṃgapāragaḥ | śivaśarmeti me nāma pitṛmātṛvivarjitaḥ 28| saṃti me bhrātaraścānye catvāro vedapāragāḥ | evaṃ kulaṃ samākhyātamācāraḥ kulasaṃbhavaḥ 29| evaṃ sarvaṃ samākhyātaṃ pitaraṃ śivaśarmaṇā | śubhe lagne tithau prāpte nakṣatre bhagadaivate 30| pitrā dattāsmi subhage tasmai viprāya vai tadā | pitṛgehe vasāmyekā tena sārdhaṃ mahātmanā 31| naiva śuśrūṣito bhartā mayā sa pāpayā tadā | pitṛmātṛsudravyeṇa garveṇāpi pramohitā 32| aṃgasaṃvāhanaṃ tasya na kṛtaṃ hi mayā kadā | ratibhāvena snehena vacanena mayā śubhe 33| krūrabuddhyā hi dṛṣṭosau sarvadā pāpayā mayā | puṃścalīnāṃ prasaṃgena tadbhāvaṃ hi gatā śubhe 34| mātāpitrośca bhartuśca bhrātṝṇāṃ hitameva ca | na karomyahamevāpi yatrayatra vrajāmyaham 35| evaṃ me duṣkṛtaṃ dṛṣṭvā śivaśarmā patirmama | snehācchvaśuravargasya mama bharttā mahāmatiḥ 36| na kiṃcidvakti māṃ sopi kṣamate duṣkṛtaṃ mama | vāryamāṇā kuṭuṃbena ahamevaṃ supāpinī 37| tasya śīlaṃ viditvā te sādhutvaṃ śivaśarmaṇaḥ | pitāmātā ca me sarve mama pāpena duḥkhitāḥ 38| bharttā me duṣkṛtaṃ dṛṣṭvā svagṛhānnirgato bahiḥ | taṃ deśaṃ grāmamenaṃ ca parityajya gatastataḥ 39| gate bhartari me tātaḥ saṃjātaściṃtayānvitaḥ | mama duḥkhena duḥkhātmā yathā rogeṇa pīḍitaḥ 40| mama mātā uvācainaṃ bhartāraṃ duḥkhapīḍitam | kasmācciṃtayase kāṃta vada duḥkhaṃ mamāgrataḥ 41| vasudatta uvācaināṃ mātaraṃ mama naṃdane | sutāṃ tyaktvā gato vipro jāmātā śṛṇu vallabhe 42| iyaṃ pāpasamācārā nirghṛṇā pāpacāriṇī | anayā hi parityaktaḥ śivaśarmā mahāmatiḥ 43| samastasya kuṭuṃbasya dākṣiṇyena mahāmatiḥ | mamāyaṃ sa dvijaḥ kāṃte sudevāṃ naiva bhāṣate 44| vasate saumyabhāvena naiva niṃdati kutsati | sudevāṃ pāpasaṃcārāṃ sa vai paṃḍitabuddhimān 45| bhaviṣyati tviyaṃ duṣṭā sudevā kulanāśinī | ahamenāṃ parityajya vrajāmi gṛhavāsini 46| brāhmaṇyuvāca- adya jñātaṃ tvayā kāṃta sutāyā guṇadūṣaṇam | tava mohena snehena naṣṭeyaṃ śṛṇu sāṃpratam 47| tāvadvilāḍayetputraṃ yāvatsyātpaṃcavārṣikaḥ | śikṣābuddhyā sadā kāṃta punarmohena poṣayet 48| snānācchādanakairbhakṣyairbhojyaiḥ peyairna saṃśayaḥ | guṇeṣu yojayetkāṃta sadvidyāsu ca taṃ sutam 49| guṇaśikṣārthaṃnirmohaḥ pitā bhavati sarvadā | pālane poṣaṇe kāṃta saṃmohaḥ parijāyate 50| saguṇaṃ na vadetputraṃ kutsayecca dinedine | kāṭhinyaṃ ca vadennityaṃ vacanaiḥ paripīḍayet 51| yathāhi sādhayennityaṃ suvidyāṃ jñānatatparaḥ | abhimānecchalenāpi pāpaṃ tyaktvā pradūrataḥ 52| naipuṇyaṃ jāyate nityaṃ vidyāsu ca guṇeṣu ca | mātā ca tāḍayetkanyāṃ snuṣāṃ śvaśrūrvitāḍayet 53| guruśca tāḍayecchiṣyaṃ tataḥ sidhyaṃti nānyathā | bhāryāṃ ca tāḍayetkāṃta amātyaṃ nṛpatistathā 54| hayaṃ ca tāḍayeddhīro gajaṃ mātro dinedine | śikṣābuddhyā prasidhyaṃti tāḍanātpālanādvibho 55| tvayeyaṃ nāśitā nātha sarvadaiva na saṃśayaḥ | sārdhaṃ subrāhmaṇenāpi bhavatā śivaśarmaṇā 56| niraṃkuśā kṛtā gehe tena naṣṭā mahāmate | tāvaddhi dhārayetkanyāṃ gṛhe kāṃtavacaḥ śṛṇu 57| aṣṭavarṣānvitā yāvatprabalāṃ naiva dhārayet | piturgehasthitā putrī yatpāpaṃ hi prakurvatī 58| ubhābhyāmapi tatpāpaṃ pitṛbhyāmapi viṃdati | tasmānna dhāryate kanyā samarthā nijamaṃdire 59| yasya dattā bhavetsā ca tasya gehe prapoṣayet | tatrasthā sādhayetkāṃtaṃ saguṇaṃ bhaktipūrvakam 60| kulasya jāyate kīrtiḥ pitā sukhena jīvati | tatrasthā kurute pāpaṃ tatpāpaṃ bhuṃjate patiḥ 61| tatrasthā varddhate nityaṃ putraiḥ pautraiḥ sadaiva sā | pitā kīrtimavāpnoti sutāyāḥ suguṇaiḥ priya 62| tasmānna dhārayetkāṃta gehe putrīṃ sabhartṛkām | ityarthe śrūyate kāṃta itihāso bhaviṣyati 63| aṣṭaviṃśatike prāpte yuge dvāparake mahān | ugrasenasya vīrasya yadujyeṣṭhasya yatprabho 64| caritraṃ te pravakṣyami śṛṇuṣvaikamanā dvija 65| iti śrīpadmapurāṇe bhūmikhaṃḍe venopākhyāne sukalācaritre| saptacatvāriṃśo'dhyāyaḥ 47|
English translation
Sukalā said :
1. Sudevā , whose entire body was beautiful, said to the female hog: “How is it that you, who are born in a species of beasts, speak Sanskrit ?
2. Tell me wherefrom you had such great knowledge. O you auspicious one, how do you know the account of your husband and of yourself?”
The female hog said :
3-7. Due to my being a beast I was enveloped by delusion, O you of an excellent complexion; and struck with swords and arrows, I fell on the battlefield. I was overpowered by swoon, and was unconscious, O you of an excellent face. O beautiful lady, with your pious hand you sprinkled (water on me). When my body was sprinkled over with the holy water by your hand, swoon left me and disappeared. As the darkness disappears due to lustre (i.e. light), similarly, O auspicious one, my sin disappeared due to your having sprinkled (over my body). O you of a charming body, by your favour I obtained old knowledge (i.e. knowledge of previous existence). O you auspicious one, I realised that I shall reach a holy position.
8. Listen, I shall narrate my former account. O you auspicious one (I shall tell you) what great sin, I, a sinner, had (formerly) committed.
9-12. In the great country called Kaliṅga , there was a city by name Śrīpura , which was full of all accomplishments, and was inhabited by (the people of) the four castes. There lived a certain brāhmaṇa , known as Vasudatta , who was always engaged in the duties of a brāhmaṇa, and always devoted to truthful acts. He knew the Vedas ; he was erudite; he was pure, virtuous and rich. He was full of (i.e. he had ample) wealth and grains, and was adorned (blessed) with sons and grandsons. O you auspicious lady, I am his daughter adorned (blessed) with brothers and sisters, kinsmen, relatives, ornaments and decorations, O you of a beautiful face.
13-17. My very intelligent father named me Sudevā. O you highly intelligent one, I was always dear to my father. I was matchless in beauty; and like that (i.e. like me) there was none in the (whole) world. I, of a charming smile, was puffed up with the pride of my beauty and youth. I was a maiden very beautiful and adorned with all ornaments. Seeing me, all the people—all relatives of my class (i.e. caste) solicited me in marriage, O you of a beautiful face. I (i.e. my hand) was solicited by all brāhmaṇas ; (but) my father did not give me (in marriage to any brāhmaṇa). O you glorious one, the highly intelligent one (i.e. my father) was deluded through his affection (for me). That my magnanimous father did not give me (to anyone in marriage).
18-21. Youth with (all its accompanying) feelings set upon me, O you young lady. Seeing my beauty like that, my mother, being greatly afflicted, said to my father: “Why do you not give (our) daughter (in marriage to a brāhmaṇa)? O glorious one, give this daughter (in marriage) to a good, magnanimous brāhmaṇa (for) she has (now) attained youth.” The best and excellent brāhmaṇa, Vasudatta, said to (my) mother: “O you noble one, listen to my words. O you of an excellent complexion, I am deluded by great fascination for (our) daughter.
22-23. O auspicious one, listen, I shall give my daughter to that son-in-law, who would be a householder. This Sudevā is dear to me like my own life. There is no doubt about it.” Thus my father Sudatta spoke (to my mother).
24-27a. (There was a brāhmaṇa, who was) virtuous, pure, born in the family of Kauśika , and was well-versed in all lores, and was endowed with the qualities of brāhmaṇas. Seeing him, who did not have father and mother, who was endowed with the study of the Vedas, and who was reciting (them) melodiously, and seeing the form of him, who had come to (our) door for alms, my very intelligent father said: “Who are you? Tell me now your name; (tell me about your) family, lineage, your practices.”
27b-29. Hearing (my) father’s words he said to Vasudatta (my father): “I am born in the family of Kauśika. I have, mastered the Vedas and the Vedāṅgas . My name is Śivaśarman . I do not have father and mother (i.e. I am an orphan). I have four other brothers, who have mastered the Vedas. I have thus told you (about) my family, and about the practices of my family.”
30-35. Thus everything was told to my father by Śivaśarman. O you blessed one, when an auspicious time, date and the star of the deity presiding over marriage arrived, I was given (in marriage) to that brāhmaṇa by my father. With that glorious one I stayed alone in my father’s house. Being very much deluded by the great wealth of my father and mother and pride, I, a sinner, did not serve my husband. O you auspicious one, I never shampooed his body through love or affection or (pleased him) with (sweet) words. A sinner that I was, I always looked at (i.e. treated) him cruelly. O auspicious one, due to my contact with unchaste women, I reached their condition. I did no good to my mother, father, husband and brothers. I went here and there.
36-38. Seeing such wicked behaviour of me, my husband, through his love for his father-in-law (and mother-in-law) my very intelligent husband did not say anything to me. I, a great sinner, was however, warded off by (the members of) my family. All those (members of the family like) my father and mother, knowing the character and goodness of Śivaśarman, were afflicted by my sin (-ful acts).
39-46. Seeing my wicked acts, my husband went out of the house. He left the country and the village and went (away) from it. When my husband had gone, my father was full of anxiety, and was afflicted with grief as one would be afflicted with a disease. My mother said to her husband (i.e. my father) who was afflicted with grief: “What for is your worry, O my dear (husband)? Tell me your worry.” “O pleasing one, the brāhmaṇa, (our) son-in-law, has abandoned (our) daughter and gone. This one is of a sinful conduct, merciless and performs sinful acts. The very intelligent Śivaśarman has been forsaken by this one (only). The highly intelligent brāhmaṇa, O dear one, due to his courtesy towards our entire family and me, does not say anything at all to Sudevā. He lives peacefully and the intelligent, learned man does not condemn or censure Sudevā moving wantonly. This wicked Sudevā will destroy (our) family. O you housewife, leaving her, I (shall) go.”
The brāhmaṇa’s wife said :
47-65. O dear one, today you have understood the virtues and the vices of (our) daughter. She has now been spoiled because of your affection and love for her. One should fondle one’s son till he is five years old. O dear one, one should always nourish him with the idea of training him (even) through affection also, by giving him bath, coverings, food, (other) eatables, drinks. There is no doubt about this. O dear one, one should urge the son in (i.e. to acquire) virtues and true learning. A father is always free from affection for the sake of teaching virtues (to his son). O dear one, affections take place (i.e. should be shown) in the protection and nourishment (of the son). (A father) should never describe his son as virtuous. Everyday he should censure him. He should always talk to him (with) sternness, and should afflict him with (harsh) words, so that the son, intent upon (acquiring) learning, will pursue true knowledge. Even through a device used to correct his pride, he leaves his sin far away. Perfection in learning and virtues is produced (in him). A mother should beat her daughter, and a mother-in-law should beat her daughter-in-law. A preceptor should beat his pupil. Thus they acquire perfection, not otherwise. A wife should flog her husband, a king should punish his minister. A soldier should beat his horse, and the elephant’s driver should beat him. O lord, by means of being beaten and being protected, they are prepared with a thought for training. O lord, along with the good brāhmaṇa Śivaśarman, you yourself have foreover spoilt her. In the house she was made undisciplined (i.e. was not checked); therefore, O you highly intelligent one, she is spoilt. O dear one, listen to my words: The father should keep his daughter in his house till she becomes eight years old. He should not keep a strong (i.e. grown up) one. Both the parents get the (fruit of the) sin which a daughter, living in her father’s house, commits. Therefore an able (i.e. a grown up) daughter is not kept in his house (by the father). She should get nourishment in the house of him to whom she is given. She, living there, should devoutly win over her virtuous husband. The family becomes famous; the father lives happily. The husband suffers due to the sin which she, living there (i.e. in the husband’s house) commits. Living there, she always prospers with sons and grandsons. O dear one, the father obtains fame due to the good qualities of his daughter. Therefore, O dear one, one should not keep in one’s house one’s daughter with her husband (i.e. a married daughter). O dear one, in this context there is an account that is so heard: O brāhmaṇa, I shall tell you the account of the hero Ugrasena , the eldest Yadu , as it took place, when the great twenty-eighth Dvāpara yuga arrived. Listen to it with a concentrated mind.
Complete chapter-aligned witnesses. Sanskrit Wikisource page 20393, revision 335473 (2022-04-09T00:02:26Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364254.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.