Uttara-khaṇḍa · Chapter 112
Sourceश्रीकृष्ण उवाच। इति तद्वचनं श्रुत्वा पृथुर्विस्मितमानसः । संपूज्य नारदं भक्त्या विससर्ज तदा प्रिये १। तस्माद्व्रतत्रयं ह्येतन्ममातीवप्रियंकरम् । माघकार्तिकयोस्तद्वत्तथैवैकादशीव्रतम् २। वनस्पतीनां तुलसी मासानां कार्तिकः प्रियः । एकादशी तिथीनां च क्षेत्राणां द्वारका मम ३। एतेषां सेवनं यस्तु करोति च जितेंद्रियः । स मे वल्लभतां याति न तथा यजनादिभिः ४। पापेभ्यो न भयं तेन कर्त्तव्यं नियमादपि । एतेषां सेवनं कांते कुर्वता मत्प्रसादतः ५। सत्यभामोवाच। विस्मापनीयं तन्नाथ यत्त्वया कथितं मम । परदत्तेन पुण्येन कलहा मुक्तिमागता ६। इत्थं प्रभावो मासोऽयं कार्त्तिकस्ते प्रियंकरः । स्वामिद्रोहादिपापानि स्नानदानैर्गतानि यत् ७। दत्तं च लभते पुण्यं यत्परेण कृतं विभो । अदत्तं केन मार्गेण लभते चापि मानवः ८। श्रीकृष्ण उवाच। अदत्तान्यपि पुण्यानि पापानि च यथा नरैः । प्राप्यंते कर्मणा येन तद्यथावन्निशामय ९। देशग्रामकुलानि स्युर्भागभांजि कृतादिषु । कलौ तु केवलं कर्त्ता फलभुक्पुण्यपापयोः १०। अकृतेऽपि हि संसर्गे व्यवस्थेयमुदाहृता । संसर्गात्पुण्यपापानि यथा यांति निबोध तत् ११। एकत्रमैथुनाद्यानादेकपात्रस्थभोजनात् । फलार्द्धं प्राप्नुयान्मर्त्यो यथावत्पुण्यपापयोः १२। अध्यापनाद्याजनाद्वाप्येकपंक्त्यशनादपि । तुर्यांशं पुण्यपापानां नित्यं प्राप्नोति मानवः १३। एकासनादेकयानान्निःश्वासस्यांगसंगतः । षडंशं फलभागी स्यान्नयतं पुण्यपापयोः १४। स्पर्शनाद्भाषणाद्वापि परस्य स्तवनादपि । दशांशं पुण्यपापानां नित्यं प्राप्नोति मानवः १५। दर्शनश्रवणाभ्यां च मनोध्यानात्तथैव च । परस्य पुण्यपापानां शतांशं प्राप्नुयान्नरः १६। परस्य निंदां पैशुन्यं धिक्कारं च करोति यः । तत्कृतं पातकं प्राप्य स्वपुण्यं प्रददाति सः १७। कुर्वतः पुण्यकर्माणि सेवां यः कुरुते नरः । पत्नीभृतकशिष्येभ्यो यदन्यः कोऽपि मानवः १८। तस्य सेवानुरूपेण द्रव्यं किंचिन्न दीयते । सोऽपि सेवानुरूपेण तत्पुण्यफलभाग्भवेत् । एकपंक्त्यश्नतां यस्तु लंघयेत्परिवेषणम् १९। तस्य पापषडंशं तु लभेद्वै परिवेषकः । स्नानसंध्यादिकं कुर्वन्यः स्पृशेद्वा प्रभाषते २०। स पुण्यकर्मषष्ठांशं दद्यात्तस्मै सुनिश्चितम् । धर्मोद्देशेन यो द्रव्यमपरं याचते नरः २१। तत्पुण्यकर्मजं तस्य धनदस्त्वाप्नुयात्फलम् । अपहृत्य परद्रव्यं पुण्यकर्म करोति यः २२। कर्मकृत्पापभाक्तत्र धनिनस्तद्भवं फलम् । नापनुद्य ऋणं यस्तु परस्य म्रियते नरः २३। धनी तत्पुण्यमाधत्ते स्वधनस्यानुरूपतः । बुद्धिदस्त्वनुमंता च यश्चोपकरणप्रदः २४। बलकृच्चापि षष्ठांशं प्राप्नुयात्पुण्यपापयोः । प्रजाभ्यः पुण्यपापानां राजा षष्ठांशमुद्धरेत् २५। शिष्याद्गुरुः स्त्रियो भर्त्ता पितापुत्रात्तथैव च । स्वपतेरपि पुण्यस्य योषिदर्द्धमवाप्नुयात् २६। चित्तस्यानुव्रता शश्वद्वर्तते तुष्टिकारिणी । परहस्तेन दानादि कुर्वतः पुण्यकर्मणि २७। विना भृतकपुत्राभ्यां कर्त्ता षष्ठांशमुद्धरेत् । वृत्तिदो वृत्तिसंभोक्तुः पुण्यमष्टांशमुद्धरेत् २८। आत्मनो वा परस्यापि यदि सेवां न कारयेत् २९। श्रीकृष्ण उवाच। इत्थं ह्यदत्तान्यपि पुण्यपापान्या यांति नित्यं परसंचितानि । शृणुष्व चेमं इतिहासमग्र्यं पुराभवं पुण्यमतिप्रदं च ३०। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे कार्त्तिकमाहात्म्ये श्रीकृष्णसत्यभामासंवादे पुण्यपापांशकथनंनाम द्वादशाधिकशततमोऽध्यायः ११२।
śrīkṛṣṇa uvāca| iti tadvacanaṃ śrutvā pṛthurvismitamānasaḥ | saṃpūjya nāradaṃ bhaktyā visasarja tadā priye 1| tasmādvratatrayaṃ hyetanmamātīvapriyaṃkaram | māghakārtikayostadvattathaivaikādaśīvratam 2| vanaspatīnāṃ tulasī māsānāṃ kārtikaḥ priyaḥ | ekādaśī tithīnāṃ ca kṣetrāṇāṃ dvārakā mama 3| eteṣāṃ sevanaṃ yastu karoti ca jiteṃdriyaḥ | sa me vallabhatāṃ yāti na tathā yajanādibhiḥ 4| pāpebhyo na bhayaṃ tena karttavyaṃ niyamādapi | eteṣāṃ sevanaṃ kāṃte kurvatā matprasādataḥ 5| satyabhāmovāca| vismāpanīyaṃ tannātha yattvayā kathitaṃ mama | paradattena puṇyena kalahā muktimāgatā 6| itthaṃ prabhāvo māso'yaṃ kārttikaste priyaṃkaraḥ | svāmidrohādipāpāni snānadānairgatāni yat 7| dattaṃ ca labhate puṇyaṃ yatpareṇa kṛtaṃ vibho | adattaṃ kena mārgeṇa labhate cāpi mānavaḥ 8| śrīkṛṣṇa uvāca| adattānyapi puṇyāni pāpāni ca yathā naraiḥ | prāpyaṃte karmaṇā yena tadyathāvanniśāmaya 9| deśagrāmakulāni syurbhāgabhāṃji kṛtādiṣu | kalau tu kevalaṃ karttā phalabhukpuṇyapāpayoḥ 10| akṛte'pi hi saṃsarge vyavastheyamudāhṛtā | saṃsargātpuṇyapāpāni yathā yāṃti nibodha tat 11| ekatramaithunādyānādekapātrasthabhojanāt | phalārddhaṃ prāpnuyānmartyo yathāvatpuṇyapāpayoḥ 12| adhyāpanādyājanādvāpyekapaṃktyaśanādapi | turyāṃśaṃ puṇyapāpānāṃ nityaṃ prāpnoti mānavaḥ 13| ekāsanādekayānānniḥśvāsasyāṃgasaṃgataḥ | ṣaḍaṃśaṃ phalabhāgī syānnayataṃ puṇyapāpayoḥ 14| sparśanādbhāṣaṇādvāpi parasya stavanādapi | daśāṃśaṃ puṇyapāpānāṃ nityaṃ prāpnoti mānavaḥ 15| darśanaśravaṇābhyāṃ ca manodhyānāttathaiva ca | parasya puṇyapāpānāṃ śatāṃśaṃ prāpnuyānnaraḥ 16| parasya niṃdāṃ paiśunyaṃ dhikkāraṃ ca karoti yaḥ | tatkṛtaṃ pātakaṃ prāpya svapuṇyaṃ pradadāti saḥ 17| kurvataḥ puṇyakarmāṇi sevāṃ yaḥ kurute naraḥ | patnībhṛtakaśiṣyebhyo yadanyaḥ ko'pi mānavaḥ 18| tasya sevānurūpeṇa dravyaṃ kiṃcinna dīyate | so'pi sevānurūpeṇa tatpuṇyaphalabhāgbhavet | ekapaṃktyaśnatāṃ yastu laṃghayetpariveṣaṇam 19| tasya pāpaṣaḍaṃśaṃ tu labhedvai pariveṣakaḥ | snānasaṃdhyādikaṃ kurvanyaḥ spṛśedvā prabhāṣate 20| sa puṇyakarmaṣaṣṭhāṃśaṃ dadyāttasmai suniścitam | dharmoddeśena yo dravyamaparaṃ yācate naraḥ 21| tatpuṇyakarmajaṃ tasya dhanadastvāpnuyātphalam | apahṛtya paradravyaṃ puṇyakarma karoti yaḥ 22| karmakṛtpāpabhāktatra dhaninastadbhavaṃ phalam | nāpanudya ṛṇaṃ yastu parasya mriyate naraḥ 23| dhanī tatpuṇyamādhatte svadhanasyānurūpataḥ | buddhidastvanumaṃtā ca yaścopakaraṇapradaḥ 24| balakṛccāpi ṣaṣṭhāṃśaṃ prāpnuyātpuṇyapāpayoḥ | prajābhyaḥ puṇyapāpānāṃ rājā ṣaṣṭhāṃśamuddharet 25| śiṣyādguruḥ striyo bharttā pitāputrāttathaiva ca | svapaterapi puṇyasya yoṣidarddhamavāpnuyāt 26| cittasyānuvratā śaśvadvartate tuṣṭikāriṇī | parahastena dānādi kurvataḥ puṇyakarmaṇi 27| vinā bhṛtakaputrābhyāṃ karttā ṣaṣṭhāṃśamuddharet | vṛttido vṛttisaṃbhoktuḥ puṇyamaṣṭāṃśamuddharet 28| ātmano vā parasyāpi yadi sevāṃ na kārayet 29| śrīkṛṣṇa uvāca| itthaṃ hyadattānyapi puṇyapāpānyā yāṃti nityaṃ parasaṃcitāni | śṛṇuṣva cemaṃ itihāsamagryaṃ purābhavaṃ puṇyamatipradaṃ ca 30| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe kārttikamāhātmye śrīkṛṣṇasatyabhāmāsaṃvāde puṇyapāpāṃśakathanaṃnāma dvādaśādhikaśatatamo'dhyāyaḥ 112|
English translation
Śrī Kṛṣṇa said :
1-5. Hearing these words of him, Pṛthu , with his mind amazed, devoutly honoured Nārada and allowed him to go, O dear one. Therefore, this triad of vows—the two in Māgha and Kārtika , and the one of Ekādaśī —is very dear to me. To me Tulasī among plants is dear, Kārtika among months is dear, Ekādaśī among days is dear, and Dvārakā among the holy places is dear. He who with his senses conquered resorts to these, becomes dear to me; not like that (i.e. so dear) with sacrifices etc. He who is devoted to these, should not, due to my grace, he afraid of sins as a rule.
Satyabhāmā said :
6-8. O lord what you told me, viz. that Kalahā was emancipated by the religious merit given by others, causes wonder. This month of Kārtika having such efficacy, is dear to you, since due to bath and (giving) gifts (in that month) sins like cheating one’s master have gone (i.e. go). O lord, if one gets the religious merit given by another person, then in what way does a man get the religious merit not given to him?
Śrī Kṛṣṇa said :
9-29. Listen properly with which act men receive religious merit and sins not given to them. The region, the village and the families should have the portion of (the fruit of) acts etc. But in Kali -age only the doer gets the fruit of the religious merit or the sin. This arrangement is said (to obtain) even when no contact takes place. Know as to how religious merit and sins pass (to another person) through contact. Due to being paired together, going together, eating from the same pot, a man would duly get half the portion of religious merit or sin. A man always gets one-fourth portion of the religious merit or sin (of another person) through teaching, acting as a priest at a sacrifice, or eating (after sitting) in the same line. A man gets one-sixth portion of the religious merit or sin (of another) through (sitting on) the same seat, same vehicle, and due to the contact of (another man’s) breath with his body. A man always gets one-tenth portion of the religious merit and sins (of another person) through touching (him), talking (to him) or praising (that) other person. A man would obtain one-hundredth portion of the religious merit or sin of another person by seeing, listening to, or thinking in his mind about him. He who censures another person, acts wickedly towards him or disregards him, gets (the fruit of) the sin committed by him, and gives him his own religious merit. A person, except the wife, a hired servant and a disciple of the man who does meritorious acts, serving him, and not getting the money in accordance with his service would also share the religious merit of him (who is served) in lieu of his service. A waiter at meals who ignores serving a man taking food after sitting in the same line as others, would share one-sixth of his sin. He who, while bathing or performing sandhyā prayer etc., would touch or speak (with another person), would very certainly give one-sixth of his religious merit to that person. Another person who gives money to a person who asks for it for a religious purpose would get the fruit due to his (i.e. latter’s) religious merit. He who performs a religious act after snatching another’s wealth, incurs sin, and the fruit due to that (religious act) goes to the person having money (and giving it for the religious purpose). A rich man shares in proportion with his wealth the religious merit of the man who dies without repaying the money (borrowed from the rich man for the religious act). One who gives an idea, one who approves of it, one who gives the implement, one who compels, would obtain one-sixth portion of the religious merit or sin. A king would take out from his subjects one-sixth portion of their religious merit or sin. A preceptor would obtain half the portion of the religious merit from (i.e. of) his disciple; a husband (would obtain half the portion of the religious merit) of his wife, a father of his son, and a wife also (would obtain half the portion of the religious merit) of her husband. She, pleasing him, always behaves according to his mind (i.e. desire). The giver of a gift for the man who gives gifts with the hand of (i.e. through) another person, except a hired servant or his son, would extract one-sixth portion (of the religious merit of the donor). He who gives subsistence would extract one-sixth of the portion of him to whom the subsistence is given, provided he does not make him serve himself or any other (person).
Śrī Kṛṣṇa said :
30. In this way, the religious merit and sins earned by others, always go, though not given (to others). Listen to this excellent account, which is old, and which gives great religious merit.
Complete chapter-aligned witnesses. Sanskrit Wikisource page 44681, revision 333959 (2022-03-21T11:19:49Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365691.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.