Brahma-khaṇḍa · Chapter 9
Sourceसूत उवाच- ततोऽमरगणास्ते च सगंधर्वाः सदानवा । उत्पाट्य मंदरं शैलं चिक्षिपुः पयसां निधौ १। ततः सनातनः श्रीमान्दयालुर्जगदीश्वरः । अधारयद्गिरेर्मूलं कूर्मरूपेण पृष्ठतः २। अनंतं तत्र संवेष्ट्य ममंथुर्दुग्धसागरम् । एकादश्यां मथ्यमाने चोद्भूतं प्रथमं द्विज ३। कालकूटविषं ते तु दृष्ट्वा सर्वे प्रदुद्रुवुः । ततस्तान्विद्रुतान्दृष्ट्वा शंकरश्चोक्तवानिदम् ४। भोभोऽमरगणा यूयं विषं कुरुतमादरम् । वारयिष्याम्यहं तूर्णं कालकूटं महाविषम् ५। इत्युक्त्वा पार्वतीनाथो ध्यायन्नारायणं हृदि । महामंत्रं समुच्चार्य विषमादद्भयंकरम् ६। महामंत्रप्रभावेण विषं जीर्णं गतं महत् । अच्युतानंतगोविंद इति नामत्रयं हरेः ७। योजपेत्प्रयतो भक्त्या प्रणवाद्यं नमोंऽतिकम् । विषभोगाग्निजं तस्य नास्ति मृत्योर्भयं तथा ८। ततो हृष्टमना देवा ममंथुः क्षीरसागरम् । ततोऽलक्ष्मीः समुत्पन्ना कालास्या रक्तलोचना ९। रूक्षपिंगलकेशा च जरतीं बिभ्रती तनुम् । सा च ज्येष्ठाब्रवीद्देवान्किंकर्तव्यं मयेति वै १०। देवास्तथाब्रुवंस्तां च देवीं दुःखस्यभाजनम् । येषां नॄणां गृहे देवी कलहः संप्रवर्तते ११। तत्र स्थानं प्रयच्छामो वस ज्येष्ठे शुभान्विता । निष्ठुरं वचनं ये च वदंति येऽनृतं नराः १२। संध्यायां ये हि चाश्नंति दुःखदा तिष्ठ तद्गृहे । कपालकेशभस्मास्थि तुषांगाराणि यत्र तु १३। स्थानं ज्येष्ठे तत्र तव भविष्यति न संशयः । अकृत्वा पादयोर्धौतं ये चाश्नंति नराधमाः १४। तद्गृहे सर्वदा तिष्ठ दुःखदारिद्रदायिनी । वालुकालवणांगारैः कुर्वंति दंतधावनम् १५। तेषां गेहे सदा तिष्ठ दुःखदा कलिना सह । छत्राकं श्रीफलं शिष्टं ये खादंति नराधमाः १६। गेहे तेषां तव स्थानं ज्येष्ठे कलुषदायिनि । तिलपिष्टमलाबुं ये गृंजनं पोतिकादलम् १७। कलं बुकं पलांडुं ये चाश्नंति पापबुद्धयः । तेषां गृहे तव स्थानं भविष्यति न संशयः १८। गुरु देवातिथीनां च यज्ञदानविवर्जितम् । यत्रवेदध्वनिर्नास्ति तत्र तिष्ठ सदाऽशुभे १९। दंपत्योः कलहो यत्र पितृदेवार्चनं न वै । दुरोदररता यत्र तत्र तिष्ठ सदाशुभे २०। परदाररता यत्र परद्रव्यापहारिणः । विप्रसज्जनवृद्धानां यत्र पूजा न विद्यते । तत्र स्थाने सदा तिष्ठ पापदारिद्र्यदायिनी २१। इत्यादिश्य सुरा ज्येष्ठां सर्वेषां कलिवल्लभाम् । क्षीराब्धेर्मथनं चक्रुः पुनस्ते सुसमाहिताः २२। इति श्रीपाद्मे महापुराणे ब्रह्मखंडे सूतशौनकसंवादे समुद्रमथनंनाम नवमोऽध्यायः ९।
sūta uvāca- tato'maragaṇāste ca sagaṃdharvāḥ sadānavā | utpāṭya maṃdaraṃ śailaṃ cikṣipuḥ payasāṃ nidhau 1| tataḥ sanātanaḥ śrīmāndayālurjagadīśvaraḥ | adhārayadgirermūlaṃ kūrmarūpeṇa pṛṣṭhataḥ 2| anaṃtaṃ tatra saṃveṣṭya mamaṃthurdugdhasāgaram | ekādaśyāṃ mathyamāne codbhūtaṃ prathamaṃ dvija 3| kālakūṭaviṣaṃ te tu dṛṣṭvā sarve pradudruvuḥ | tatastānvidrutāndṛṣṭvā śaṃkaraścoktavānidam 4| bhobho'maragaṇā yūyaṃ viṣaṃ kurutamādaram | vārayiṣyāmyahaṃ tūrṇaṃ kālakūṭaṃ mahāviṣam 5| ityuktvā pārvatīnātho dhyāyannārāyaṇaṃ hṛdi | mahāmaṃtraṃ samuccārya viṣamādadbhayaṃkaram 6| mahāmaṃtraprabhāveṇa viṣaṃ jīrṇaṃ gataṃ mahat | acyutānaṃtagoviṃda iti nāmatrayaṃ hareḥ 7| yojapetprayato bhaktyā praṇavādyaṃ namoṃ'tikam | viṣabhogāgnijaṃ tasya nāsti mṛtyorbhayaṃ tathā 8| tato hṛṣṭamanā devā mamaṃthuḥ kṣīrasāgaram | tato'lakṣmīḥ samutpannā kālāsyā raktalocanā 9| rūkṣapiṃgalakeśā ca jaratīṃ bibhratī tanum | sā ca jyeṣṭhābravīddevānkiṃkartavyaṃ mayeti vai 10| devāstathābruvaṃstāṃ ca devīṃ duḥkhasyabhājanam | yeṣāṃ nṝṇāṃ gṛhe devī kalahaḥ saṃpravartate 11| tatra sthānaṃ prayacchāmo vasa jyeṣṭhe śubhānvitā | niṣṭhuraṃ vacanaṃ ye ca vadaṃti ye'nṛtaṃ narāḥ 12| saṃdhyāyāṃ ye hi cāśnaṃti duḥkhadā tiṣṭha tadgṛhe | kapālakeśabhasmāsthi tuṣāṃgārāṇi yatra tu 13| sthānaṃ jyeṣṭhe tatra tava bhaviṣyati na saṃśayaḥ | akṛtvā pādayordhautaṃ ye cāśnaṃti narādhamāḥ 14| tadgṛhe sarvadā tiṣṭha duḥkhadāridradāyinī | vālukālavaṇāṃgāraiḥ kurvaṃti daṃtadhāvanam 15| teṣāṃ gehe sadā tiṣṭha duḥkhadā kalinā saha | chatrākaṃ śrīphalaṃ śiṣṭaṃ ye khādaṃti narādhamāḥ 16| gehe teṣāṃ tava sthānaṃ jyeṣṭhe kaluṣadāyini | tilapiṣṭamalābuṃ ye gṛṃjanaṃ potikādalam 17| kalaṃ bukaṃ palāṃḍuṃ ye cāśnaṃti pāpabuddhayaḥ | teṣāṃ gṛhe tava sthānaṃ bhaviṣyati na saṃśayaḥ 18| guru devātithīnāṃ ca yajñadānavivarjitam | yatravedadhvanirnāsti tatra tiṣṭha sadā'śubhe 19| daṃpatyoḥ kalaho yatra pitṛdevārcanaṃ na vai | durodararatā yatra tatra tiṣṭha sadāśubhe 20| paradāraratā yatra paradravyāpahāriṇaḥ | viprasajjanavṛddhānāṃ yatra pūjā na vidyate | tatra sthāne sadā tiṣṭha pāpadāridryadāyinī 21| ityādiśya surā jyeṣṭhāṃ sarveṣāṃ kalivallabhām | kṣīrābdhermathanaṃ cakruḥ punaste susamāhitāḥ 22| iti śrīpādme mahāpurāṇe brahmakhaṃḍe sūtaśaunakasaṃvāde samudramathanaṃnāma navamo'dhyāyaḥ 9|
English translation
Sūta said :
1. Then the hosts of gods with gandharvas and demons uprooted the Mandara mountain and put it into the ocean.
2-7a. Then the glorious, kind, ancient lord of the world supported on his back the bottom of the mountain. (Then the gods) putting Ananta (the lord of serpents) round it churned the milky ocean. When it was being churned on the Ekādaśī day, all of them ran away seeing the Kālakūṭa poison that had come up. Seeing them running away Śaṅkara said these (words): “O hosts of gods, hand over the poison to me. I shall quickly inactivate the great (i.e. severe) poison, viz. Kālakūṭa”. Saying so, that lord of Pārvatī , meditating upon Viṣṇu in his heart and uttering the great hymn, took that fearful poison. By the power of the great hymn, that great (deadly) poison was digested.
7b-22. He who, being controlled, would devoutly mutter the three names, viz. Acyuta , Ananta, and Govinda , of Viṣṇu with Praṇava (i.e. Om) at the beginning and Om at the end, has no fear of taking poison, or from fire and also from death. Then gods with their minds delighted, churned the milky ocean. Then Alakṣmī (i.e. Evil Fortune), of a dark face and red eyes, having rough and tawny hair, and having an old body, sprang up. She, the eldest one, said to the gods: “What should I do?” The gods spoke to that goddess, the repository of misery: “O goddess, we are giving you a place in the homes of those men where quarrel takes place. O eldest one, accompanied by evil stay (there). Always remain, causing misery, in the houses of those men who speak cruel and false words and who the mean men, eat at dusk. O eldest one, there is no doubt that your stay will be there where there are skulls, hair, ashes, bones, and chaff fire. Always remain, causing grief and poverty in the houses of those mean men who eat without washing their feet. Stay, always giving grief, and with dissension, in the houses of those who clean their teeth with sand, salt or charcoal. O you eldest one, causing filth, your stay will be in the houses of those mean men who eat mushrooms and a left-over coconut. There is no doubt that you will stay in the houses of those men of sinful thoughts, who eat sesamum-flour, bottle-gourd, garlic, shoots of young plants, a species of kadamba (called kalambaka ) and onions. O you inauspicious one, always stay there (i.e. in that house) which is bereft of sacrifices (offered to) preceptors and gods, and bereft of gifts to guests, and where the sound of(the recital of) the Vedas is absent. O you inauspicious one, always stay there, where there takes place quarrel between a husband and his wife, where no worship of the dead ancestors or gods takes place, and where there is (indulgence in) gambling. Causing sins and poverty, always stay in that place where there dwell men who are adulterers, who snatch away the wealth of others, and where brāhmaṇas , good men and old men are not honoured.” Having thus directed that eldest of all, who liked (to set up) quarrels, the gods again together churned the ocean.
Complete chapter-aligned witnesses. Sanskrit Wikisource page 43525, revision 335792 (2022-04-15T03:23:32Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365293.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.