Bhūmi-khaṇḍa · Chapter 87
Sourceकुंजल उवाच- व्रतभेदान्प्रवक्ष्यामि यैर्यैश्चाराधितो हरिः । जया च विजया चैव जयंती पापनाशिनी १। त्रिस्पृशा वंजुली चान्या तिलदग्धा तथापरा । अखंडाचारकन्या च मनोरथा सुपुत्रक २। एकादश्यास्तु भेदाश्च संति पुत्र अनेकधा । अशून्यशयनं चान्यज्जन्माष्टमी महाव्रतम् ३। एतैर्व्रतैर्महापुण्यैः पापं दूरं प्रयाति च । प्राणिनां नात्र संदेहः सत्यं सत्यं वदाम्यहम् ४। कुंजल उवाच- स्तोत्रं तस्य प्रवक्ष्यामि पापराशिविनाशनम् । सुपुत्रशतनामाख्यं नराणां गतिदायकम् ५। तस्य देवस्य कृष्णस्य शतनामाख्यमुत्तमम् । संप्रत्येव प्रवक्ष्यामि तच्छृणुष्व सुतोत्तम ६। विष्णोर्नामशतस्यापि ऋषिं छंदो वदाम्यहम् । देवं चैव महाभाग सर्वपापविशोधनम् ७। विष्णोर्नामशतस्यापि ऋषिर्ब्रह्मा प्रकीर्तितः । ॐकारो देवता प्रोक्तश्छंदोनुष्टुप्तथैव च ८। सर्वकामिकसंसिद्ध्यै मोक्षे च विनियोगकः । अस्य विष्णोः शतनामस्तोत्रस्य । ब्रह्मा ऋषिः विष्णुर्देवता अनुष्टुप्छंदः । सर्वकामसमृद्ध्यर्थं सर्वपापक्षयार्थे विनियोगः ९। नमाम्यहं हृषीकेशं केशवं मधुसूदनम् । सूदनं सर्वदैत्यानां नारायणमनामयम् १०। जयंतं विजयं कृष्णमनंतं वामनं ततः । विष्णुं विश्वेश्वरं पुण्यं विश्वाधारं सुरार्चितम् ११। अनघं त्वघहंतारं नरसिंहं श्रियः प्रियम् । श्रीपतिं श्रीधरं श्रीदं श्रीनिवासं महोदयम् १२। श्रीरामं माधवं मोक्षं क्षमारूपं जनार्दनम् । सर्वज्ञं सर्ववेत्तारं सर्वदं सर्वनायकम् १३। हरिं मुरारिं गोविंदं पद्मनाभं प्रजापतिम् । आनंदं ज्ञानसंपन्नं ज्ञानदं ज्ञाननायकम् १४। अच्युतं सबलं चंद्रं चक्रपाणिं परावरम् । युगाधारं जगद्योनिं ब्रह्मरूपं महेश्वरम् १५। मुकुंदं तं सुवैकुंठमेकरूपं जगत्पतिम् । वासुदेवं महात्मानं ब्रह्मण्यं ब्राह्मणप्रियम् १६। गोप्रियं गोहितं यज्ञंयज्ञांगं यज्ञवर्द्धनम् । यज्ञस्यापि सुभोक्तारं वेदवेदांगपारगम् १७। वेदज्ञं वेदरूपं तं विद्यावासं सुरेश्वरम् । अव्यक्तं तं महाहंसं शंखपाणिं पुरातनम् १८। पुरुषं पुष्कराक्षं तु वाराहं धरणीधरम् । प्रद्युम्नं कामपालं च व्यासं व्यालं महेश्वरम् १९। सर्वसौख्यं महासौख्यं मोक्षं च परमेश्वरम् । योगरूपं महाज्ञानं योगिनां गतिदं प्रियम् २०। मुरारिं लोकपालं तं पद्महस्तं गदाधरम् । गुहावासं सर्ववासं पुण्यवासं महाभुजम् २१। वृंदानाथं बृहत्कायं पावनं पापनाशनम् । गोपीनाथं गोपसखं गोपालं गोगणाश्रयम् २२। परात्मानं पराधीशं कपिलं कार्यमानुषम् । नमामि निश्चलं नित्यं मनोवाक्कायकर्मभिः २३। नाम्नां शतेनापि सुपुण्यकर्ता यः स्तौति कृष्णं मनसा स्थिरेण । स याति लोकं मधुसूदनस्य विहाय लोकानिह पुण्यपूतः २४। नाम्नां शतं महापुण्यं सर्वपातकशोधनम् । जपेदनन्यमनसा ध्यायेद्ध्यानसमन्वितम् २५। नित्यमेव नरः पुण्यैर्गंगास्नानफलं लभेत् । तस्मात्तु सुस्थिरो भूत्वा समाहितमना जपेत् २६। त्रिकालं च जपेन्मर्त्यो नियतो नियमे स्थितः । अश्वमेधफलं तस्य जायते नात्र संशयः २७। एकादश्यामुपोष्यैव पुरतो माधवस्य यः । जागरे प्रजपेन्मर्त्यस्तस्य पुण्यं वदाम्यहम् २८। पुंडरीकस्य यज्ञस्य फलमाप्नोति मानवः । तुलसीसंनिधौ स्थित्वा मनसा यो जपेन्नरः २९। राजसूयफलं भुंक्ते वर्षेणापि च मानवः । शालग्रामशिला यत्र यत्र द्वारावती शिला ३०। उभयोः संनिधौ जाप्यं कर्तव्यं सुखमिच्छता । बहुसौख्यं प्रभुक्त्वैव कुलानां शतमेव च ३१। एकेन चाधिकं मर्त्य आत्मना सह तारयेत् । कार्तिके स्नानकर्ता यः पूजयेन्मधुसूदनम् ३२। यः पठेत्प्रयतः स्तोत्रं प्रयाति परमां गतिम् । माघस्नायी हरिं पूज्य भक्त्या च मधुसूदनम् ३३। ध्यायेच्चैव हृषीकेशं जपेद्वाथ शृणोति वा । सुरापानादिकं पापं विहाय परमं पदम् ३४। विना विघ्नं नरः पुत्र संप्रयाति जनार्दनम् । श्राद्धकाले हि यो मर्त्यो विप्राणां भुंजतां पुरः ३५। यो जपेच्च शतं नाम्नां स्तोत्रं पातकनाशनम् । पितरस्तुष्टिमायांति तृप्ता यांति परां गतिं ३६। ब्राह्मणो वेदविद्वान्स्यात्क्षत्रियो विंदते महीम् । धनऋद्धिं प्रभुंजीत वैश्यो जपति यः सदा ३७। शूद्रः सुःखं प्रभुंक्ते च ब्राह्मणत्वं च गच्छति । प्राप्य जन्मांतरं वत्स वेदविद्यां प्रविंदति ३८। सुखदं मोक्षदं स्तोत्रं जप्तव्यं च न संशयः । केशवस्य प्रसादेन सर्वसिद्धो भवेन्नरः ३९। इति श्रीपद्मपुराणे भूमिखंडे वेनोपाख्याने गुरुतीर्थवर्णने च्यवनचरित्रे सप्ताशीतितमोऽध्यायः ८७।
kuṃjala uvāca- vratabhedānpravakṣyāmi yairyaiścārādhito hariḥ | jayā ca vijayā caiva jayaṃtī pāpanāśinī 1| trispṛśā vaṃjulī cānyā tiladagdhā tathāparā | akhaṃḍācārakanyā ca manorathā suputraka 2| ekādaśyāstu bhedāśca saṃti putra anekadhā | aśūnyaśayanaṃ cānyajjanmāṣṭamī mahāvratam 3| etairvratairmahāpuṇyaiḥ pāpaṃ dūraṃ prayāti ca | prāṇināṃ nātra saṃdehaḥ satyaṃ satyaṃ vadāmyaham 4| kuṃjala uvāca- stotraṃ tasya pravakṣyāmi pāparāśivināśanam | suputraśatanāmākhyaṃ narāṇāṃ gatidāyakam 5| tasya devasya kṛṣṇasya śatanāmākhyamuttamam | saṃpratyeva pravakṣyāmi tacchṛṇuṣva sutottama 6| viṣṇornāmaśatasyāpi ṛṣiṃ chaṃdo vadāmyaham | devaṃ caiva mahābhāga sarvapāpaviśodhanam 7| viṣṇornāmaśatasyāpi ṛṣirbrahmā prakīrtitaḥ | oṃkāro devatā proktaśchaṃdonuṣṭuptathaiva ca 8| sarvakāmikasaṃsiddhyai mokṣe ca viniyogakaḥ | asya viṣṇoḥ śatanāmastotrasya | brahmā ṛṣiḥ viṣṇurdevatā anuṣṭupchaṃdaḥ | sarvakāmasamṛddhyarthaṃ sarvapāpakṣayārthe viniyogaḥ 9| namāmyahaṃ hṛṣīkeśaṃ keśavaṃ madhusūdanam | sūdanaṃ sarvadaityānāṃ nārāyaṇamanāmayam 10| jayaṃtaṃ vijayaṃ kṛṣṇamanaṃtaṃ vāmanaṃ tataḥ | viṣṇuṃ viśveśvaraṃ puṇyaṃ viśvādhāraṃ surārcitam 11| anaghaṃ tvaghahaṃtāraṃ narasiṃhaṃ śriyaḥ priyam | śrīpatiṃ śrīdharaṃ śrīdaṃ śrīnivāsaṃ mahodayam 12| śrīrāmaṃ mādhavaṃ mokṣaṃ kṣamārūpaṃ janārdanam | sarvajñaṃ sarvavettāraṃ sarvadaṃ sarvanāyakam 13| hariṃ murāriṃ goviṃdaṃ padmanābhaṃ prajāpatim | ānaṃdaṃ jñānasaṃpannaṃ jñānadaṃ jñānanāyakam 14| acyutaṃ sabalaṃ caṃdraṃ cakrapāṇiṃ parāvaram | yugādhāraṃ jagadyoniṃ brahmarūpaṃ maheśvaram 15| mukuṃdaṃ taṃ suvaikuṃṭhamekarūpaṃ jagatpatim | vāsudevaṃ mahātmānaṃ brahmaṇyaṃ brāhmaṇapriyam 16| gopriyaṃ gohitaṃ yajñaṃyajñāṃgaṃ yajñavarddhanam | yajñasyāpi subhoktāraṃ vedavedāṃgapāragam 17| vedajñaṃ vedarūpaṃ taṃ vidyāvāsaṃ sureśvaram | avyaktaṃ taṃ mahāhaṃsaṃ śaṃkhapāṇiṃ purātanam 18| puruṣaṃ puṣkarākṣaṃ tu vārāhaṃ dharaṇīdharam | pradyumnaṃ kāmapālaṃ ca vyāsaṃ vyālaṃ maheśvaram 19| sarvasaukhyaṃ mahāsaukhyaṃ mokṣaṃ ca parameśvaram | yogarūpaṃ mahājñānaṃ yogināṃ gatidaṃ priyam 20| murāriṃ lokapālaṃ taṃ padmahastaṃ gadādharam | guhāvāsaṃ sarvavāsaṃ puṇyavāsaṃ mahābhujam 21| vṛṃdānāthaṃ bṛhatkāyaṃ pāvanaṃ pāpanāśanam | gopīnāthaṃ gopasakhaṃ gopālaṃ gogaṇāśrayam 22| parātmānaṃ parādhīśaṃ kapilaṃ kāryamānuṣam | namāmi niścalaṃ nityaṃ manovākkāyakarmabhiḥ 23| nāmnāṃ śatenāpi supuṇyakartā yaḥ stauti kṛṣṇaṃ manasā sthireṇa | sa yāti lokaṃ madhusūdanasya vihāya lokāniha puṇyapūtaḥ 24| nāmnāṃ śataṃ mahāpuṇyaṃ sarvapātakaśodhanam | japedananyamanasā dhyāyeddhyānasamanvitam 25| nityameva naraḥ puṇyairgaṃgāsnānaphalaṃ labhet | tasmāttu susthiro bhūtvā samāhitamanā japet 26| trikālaṃ ca japenmartyo niyato niyame sthitaḥ | aśvamedhaphalaṃ tasya jāyate nātra saṃśayaḥ 27| ekādaśyāmupoṣyaiva purato mādhavasya yaḥ | jāgare prajapenmartyastasya puṇyaṃ vadāmyaham 28| puṃḍarīkasya yajñasya phalamāpnoti mānavaḥ | tulasīsaṃnidhau sthitvā manasā yo japennaraḥ 29| rājasūyaphalaṃ bhuṃkte varṣeṇāpi ca mānavaḥ | śālagrāmaśilā yatra yatra dvārāvatī śilā 30| ubhayoḥ saṃnidhau jāpyaṃ kartavyaṃ sukhamicchatā | bahusaukhyaṃ prabhuktvaiva kulānāṃ śatameva ca 31| ekena cādhikaṃ martya ātmanā saha tārayet | kārtike snānakartā yaḥ pūjayenmadhusūdanam 32| yaḥ paṭhetprayataḥ stotraṃ prayāti paramāṃ gatim | māghasnāyī hariṃ pūjya bhaktyā ca madhusūdanam 33| dhyāyeccaiva hṛṣīkeśaṃ japedvātha śṛṇoti vā | surāpānādikaṃ pāpaṃ vihāya paramaṃ padam 34| vinā vighnaṃ naraḥ putra saṃprayāti janārdanam | śrāddhakāle hi yo martyo viprāṇāṃ bhuṃjatāṃ puraḥ 35| yo japecca śataṃ nāmnāṃ stotraṃ pātakanāśanam | pitarastuṣṭimāyāṃti tṛptā yāṃti parāṃ gatiṃ 36| brāhmaṇo vedavidvānsyātkṣatriyo viṃdate mahīm | dhanaṛddhiṃ prabhuṃjīta vaiśyo japati yaḥ sadā 37| śūdraḥ suḥkhaṃ prabhuṃkte ca brāhmaṇatvaṃ ca gacchati | prāpya janmāṃtaraṃ vatsa vedavidyāṃ praviṃdati 38| sukhadaṃ mokṣadaṃ stotraṃ japtavyaṃ ca na saṃśayaḥ | keśavasya prasādena sarvasiddho bhavennaraḥ 39| iti śrīpadmapurāṇe bhūmikhaṃḍe venopākhyāne gurutīrthavarṇane cyavanacaritre saptāśītitamo'dhyāyaḥ 87|
English translation
Kuñjala said :
1-4. I shall explain to you the kinds of vows by which Hari (i.e. Viṣṇu ) is propitiated. O good son, there are many kinds of Ekādaśī : Jayā , Vijayā , and Jayantī , Pāpanāśinī , Trispṛśā, Vañjulī ; the next is Tiladagdhā, then the other one is Akhaṇḍā, Cārakanyā, and Manorathā. There is (the vow of) Aśūnyaśayana (i.e. not sleeping on a bed), and there is the great vow of Janmāṣṭamī . There is no doubt that the sin of beings goes away due to these very auspicious vows. I am telling you the truth (and) the truth (only).
Kuñjala said :
5-9. I shall tell you about his hymn, destroying a heap of sins, called ‘Suputra- śata ’, and giving salvation to men. I shall now only tell you about the hymn of that god Kṛṣṇa , which is excellent and is called ‘Śatanāma’. O best son, listen to it. I shall tell you the sage of (i.e. the composer of), and the metre of the hundred names of Viṣṇu. I shall also tell you about the deity, purifying all sins, O glorious one. Brahmā is said to be the sage (i.e. the author) of the hundred names of Viṣṇu. Oṃkāra is declared to be the deity, and anuṣṭubh is (said to be) the metre. It leads to the acquisition (i.e. fulfilment) of all desires and is employed in (obtaining) salvation. Of this hymn of the hundred names of Viṣṇu, Brahmā is the sage, Viṣṇu the deity, anuṣṭubh the metre. It is used for the fulfilment of all desires and for the destruction of all sins.
10-24. “I salute Hṛṣīkeśa , Keśava , Madhusūdana , the killer of all demons, sound Nārāyaṇa , Jayanta , Vijaya , Kṛṣṇa, Ananta , Vāmana , Viṣṇu, the auspicious lord of the universe, the prop of the universe, worshipped by gods, sinless, destroyer of sins, Narasiṃha and dear to Śrī, lord of Lakṣmī , Śrīdhara (possessing glory of Lakṣmī), giver of wealth, Śrīnivāsa (i.e. abode of Lakṣmī), and very prosperous, Śrī Rāma , Mādhava , Mokṣa (i.e. Salvation), of the nature off orgiveness, Janārdana , omniscient, knowing and giving everything, the leader of all, Hari, Murāri , Govinda , Padmanābha , the lord of beings, giver of joy, endowed with knowledge, giver of knowledge, master of knowledge; Acyuta , possessing power, the moon, holding a disc in his hand, higher and lower, the support of the yugas , the source of the world, of the nature of Brahman , the great lord, Mukunda , good (i.e. great) Vaikuṇṭha (i.e. Viṣṇu), of one form, the lord of the world, glorious Vāsudeva , holy and dear to brāhmaṇas , loving and beneficial to the cows, sacrifice, constituent of the sacrifice, causing sacrifice to prosper, a good enjoyer of sacrifice, master of Vedas and Vedāṅgas ; knower of the Vedas, of the form of the Vedas, abode of learning and lord of gods, the unmanifest one, a great Brahman, having a conch in his hand, the ancient man, lotus-eyed, (of the form of) Varāha (i.e. a boar), supporting the earth, Pradyumna , Kāmapāla , Vyāsa , Vyāla , and Maheśvara (i.e. the great lord), (full of) all pleasures (and) great pleasures, salvation and the highest lord, of the form of Yoga (i.e. abstract meditation), of great knowledge, giving salvation to the meditating saints and dear to them; the enemy of Mura , the protector of the world, the one having a lotus in his hand, and holding a mace, living in a cave, living everywhere, of an auspicious abode, and possessing large arms, lord of Vṛndā , of a huge body, purifier and destroyer of sins, lord of the gopīs (i.e. the cowherdesses), the friend of the cowherds, the protector of cows, the refuge of the herds of cattle, the highest soul, the highest lord, Kapila and having human activities, steady and eternal—I salute with my mind, speech and bodily acts.” He, doer of virtuous acts, who, even with (these) hundred names, praises, with a steady mind, Kṛṣṇa, (he) being purified by religious merit here (i.e. in this world), leaving (other) worlds, goes to Viṣṇu’s heaven.
25-27. A man should mutter with a concentrated mind, the very meritorious hundred names, cleansing all sins, and should meditate upon them with abstract contemplation. Such a man would always obtain the fruit of having a bath in the Ganges with religious merit. Therefore a man should be very steady and mutter (these names) with a composed mind. A restrained man, being devoted, should mutter (these names) three times (a day). There is no doubt that for him there is (i.e. he gets) the fruit of (having performed) a hundred horse-sacrifices.
28-32a. I shall tell (you) about the religious merit of the man, who having fasted on the Ekādaśī day in front ofViṣṇu and (keeping) awake, would, mutter these names: The man obtains the fruit of Puṇḍarīka sacrifice (i.e. offered in honour of Viṣṇu). A man, who, remaining near Tulasī , would mentally mutter (these names) obtains the fruit of the Rājasūya sacrifice even after a year. One desiring happiness should mutter (these names) near the two (viz. at a place) where there is the Śālagrāma stone and the Dvārāvatī stone. A man (who does this) having enjoyed many pleasures and a hundred families would emancipate more than one along with him.
32b-39. He who would bathe (every morning) in Kārtika and would worship Viṣṇu, and also he, who, being purified, would recite the hymn (in honour of Viṣṇu) goes to (i.e. obtains) a superior position. The man, who bathes every morning in Māgha , having worshipped with devotion, Viṣṇu, the killer of (the demon) Madhu , and would meditate upon Hṛṣīkeśa (i.e. Viṣṇu), or would mutter (his names) or listens to them (being recited), and, giving up sinful (deeds) like drinking liquor, goes, without any difficulty, to Janārdana, O (my) son. The dead ancestors of the man, who at the time of a Śrāddha , would mutter hymn (containing) the hundred names destroying sins, in front of the brāhmaṇas eating (food), become pleased, and being gratified obtain salvation. A brāhmaṇa who always mutters it, becomes learned in the Vedas; a kṣatriya , (who always mutters it) obtains (i.e. rules over) the earth; a vaiśya (who always mutters it) would enjoy wealth and prosperity; a śūdra (who always mutters it) enjoys happiness and obtains brāhmaṇahood after getting another (i.e. next) existence and obtains (mastery over) the Vedic lore. This hymn, giving happiness and salvation should always be muttered. There is no doubt that due to the grace of Viṣṇu a man would be equipped with everything.
Complete chapter-aligned witnesses. Sanskrit Wikisource page 43129, revision 335549 (2022-04-11T00:03:12Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365179.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.