Bhūmi-khaṇḍa · Chapter 104
Sourceकुंजल उवाच- गते तस्मिन्महाभागे दत्तात्रेये महामुनौ । आजगाम महाराज आयुश्च स्वपुरं प्रति १। इंदुमत्या गृहं हृष्टः प्रविवेश श्रियान्वितम् । सर्वकामसमृद्धार्थमिंद्रस्य सदनोपमम् २। राज्यं चक्रे स मेधावी यथा स्वर्गे पुरंदरः । स्वर्भानुसुतया सार्द्धमिंदुमत्या द्विजोत्तम ३। सा च इंदुमती राज्ञी गर्भमाप फलाशनात् । दत्तात्रेयस्य वचनाद्दिव्यतेजः समन्वितम् ४। इंदुमत्या महाभाग स्वप्नं दृष्टमनुत्तमम् । रात्रौ दिवान्वितं तात बहुमंगलदायकम् ५। गृहांतरे विशंतं च पुरुषं सूर्यसन्निभम् । मुक्तामालान्वितं विप्रं श्वेतवस्त्रेणशोभितम् ६। श्वेतपुष्पकृतामाला तस्य कंठे विराजते । सर्वाभरणशोभांगो दिव्यगंधानुलेपनः ७। चतुर्भुजः शंखपाणिर्गदाचक्रासिधारकः । छत्रेण ध्रियमाणेन चंद्रबिंबानुकारिणा ८। शोभमानो महातेजा दिव्याभरणभूषितः । हारकंकणकेयूर नूपुराभ्यां विराजितः ९। चंद्रबिंबानुकाराभ्यां कुंडलाभ्यां विराजितः । एवंविधो महाप्राज्ञो नरः कश्चित्समागतः १०। इंदुमतीं समाहूय स्नापिता पयसा तदा । शंखेन क्षीरपूर्णेन शशिवर्णेन भामिनी ११। रत्नकांचनबद्धेन संपूर्णेन पुनः पुनः । श्वेतं नागं सुरूपं च सहस्रशिरसं वरम् १२। महामणियुतं दीप्तं धामज्वालासमाकुलम् । क्षिप्तं तेन मुखप्रांते दत्तं मुक्ताफलं पुनः १३। कंठे तस्याः स देवेश इंदुमत्या महायशाः । पद्मं हस्ते ततो दत्वा स्वस्थानं प्रति जग्मिवान् १४। एवंविधं महास्वप्नं तया दृष्टं सुतोत्तमम् । समाचष्ट महाभागा आयुं भूमिपतीश्वरम् १५। समाकर्ण्य महाराजश्चिंतयामास वै पुनः । समाहूय गुरुं पश्चात्कथितं स्वप्नमुत्तमम् १६। शौनकं सुमहाभागं सर्वज्ञं ज्ञानिनां वरम् । राजोवाच- अद्य रात्रौ महाभाग मम पत्न्या द्विजोत्तम १७। विप्रो गेहं विशन्दृष्टः किमिदं स्वप्नकारणम् । शौनक उवाच- वरो दत्तस्तु ते पूर्वं दत्तात्रेयेण धीमता १८। आदिष्टं च फलं राज्ञां सुगुणं सुतहेतवे । तत्फलं किं कृतं राजन्कस्मै त्वया निवेदितम् १९। सुभार्यायै मया दत्तमिति राज्ञोदितं वचः । श्रुत्वोवाच महाप्राज्ञः शौनको द्विजसत्तमः २०। दत्तात्रेयप्रसादेन तव गेहे सुतोत्तमः । वैष्णवांशेन संयुक्तो भविष्यति न संशयः २१। स्वप्नस्य कारणं राजन्नेतत्ते कथितं मया । इंद्रोपेंद्र समः पुत्रो दिव्यवीर्यो भविष्यति २२। पुत्रस्ते सर्वधर्मात्मा सोमवंशस्य वर्द्धनः । धनुर्वेदे च वेदे च सगुणोसौ भविष्यति २३। एवमुक्त्वा स राजानं शौनको गतवान्गृहम् । हर्षेण महताविष्टो राजाभूत्प्रियया सह २४। इति श्रीपद्मपुराणे भूमिखंडे वेनोपाख्याने गुरुतीर्थमाहात्म्ये च्यवनचरित्रे चतुरधिकशततमोऽध्यायः १०४।
kuṃjala uvāca- gate tasminmahābhāge dattātreye mahāmunau | ājagāma mahārāja āyuśca svapuraṃ prati 1| iṃdumatyā gṛhaṃ hṛṣṭaḥ praviveśa śriyānvitam | sarvakāmasamṛddhārthamiṃdrasya sadanopamam 2| rājyaṃ cakre sa medhāvī yathā svarge puraṃdaraḥ | svarbhānusutayā sārddhamiṃdumatyā dvijottama 3| sā ca iṃdumatī rājñī garbhamāpa phalāśanāt | dattātreyasya vacanāddivyatejaḥ samanvitam 4| iṃdumatyā mahābhāga svapnaṃ dṛṣṭamanuttamam | rātrau divānvitaṃ tāta bahumaṃgaladāyakam 5| gṛhāṃtare viśaṃtaṃ ca puruṣaṃ sūryasannibham | muktāmālānvitaṃ vipraṃ śvetavastreṇaśobhitam 6| śvetapuṣpakṛtāmālā tasya kaṃṭhe virājate | sarvābharaṇaśobhāṃgo divyagaṃdhānulepanaḥ 7| caturbhujaḥ śaṃkhapāṇirgadācakrāsidhārakaḥ | chatreṇa dhriyamāṇena caṃdrabiṃbānukāriṇā 8| śobhamāno mahātejā divyābharaṇabhūṣitaḥ | hārakaṃkaṇakeyūra nūpurābhyāṃ virājitaḥ 9| caṃdrabiṃbānukārābhyāṃ kuṃḍalābhyāṃ virājitaḥ | evaṃvidho mahāprājño naraḥ kaścitsamāgataḥ 10| iṃdumatīṃ samāhūya snāpitā payasā tadā | śaṃkhena kṣīrapūrṇena śaśivarṇena bhāminī 11| ratnakāṃcanabaddhena saṃpūrṇena punaḥ punaḥ | śvetaṃ nāgaṃ surūpaṃ ca sahasraśirasaṃ varam 12| mahāmaṇiyutaṃ dīptaṃ dhāmajvālāsamākulam | kṣiptaṃ tena mukhaprāṃte dattaṃ muktāphalaṃ punaḥ 13| kaṃṭhe tasyāḥ sa deveśa iṃdumatyā mahāyaśāḥ | padmaṃ haste tato datvā svasthānaṃ prati jagmivān 14| evaṃvidhaṃ mahāsvapnaṃ tayā dṛṣṭaṃ sutottamam | samācaṣṭa mahābhāgā āyuṃ bhūmipatīśvaram 15| samākarṇya mahārājaściṃtayāmāsa vai punaḥ | samāhūya guruṃ paścātkathitaṃ svapnamuttamam 16| śaunakaṃ sumahābhāgaṃ sarvajñaṃ jñānināṃ varam | rājovāca- adya rātrau mahābhāga mama patnyā dvijottama 17| vipro gehaṃ viśandṛṣṭaḥ kimidaṃ svapnakāraṇam | śaunaka uvāca- varo dattastu te pūrvaṃ dattātreyeṇa dhīmatā 18| ādiṣṭaṃ ca phalaṃ rājñāṃ suguṇaṃ sutahetave | tatphalaṃ kiṃ kṛtaṃ rājankasmai tvayā niveditam 19| subhāryāyai mayā dattamiti rājñoditaṃ vacaḥ | śrutvovāca mahāprājñaḥ śaunako dvijasattamaḥ 20| dattātreyaprasādena tava gehe sutottamaḥ | vaiṣṇavāṃśena saṃyukto bhaviṣyati na saṃśayaḥ 21| svapnasya kāraṇaṃ rājannetatte kathitaṃ mayā | iṃdropeṃdra samaḥ putro divyavīryo bhaviṣyati 22| putraste sarvadharmātmā somavaṃśasya varddhanaḥ | dhanurvede ca vede ca saguṇosau bhaviṣyati 23| evamuktvā sa rājānaṃ śaunako gatavāngṛham | harṣeṇa mahatāviṣṭo rājābhūtpriyayā saha 24| iti śrīpadmapurāṇe bhūmikhaṃḍe venopākhyāne gurutīrthamāhātmye cyavanacaritre caturadhikaśatatamo'dhyāyaḥ 104|
English translation
Kuñjala said :
1-4. When that illustrious great sage Dattātreya had left, that great king Āyu came (back) to his own city. Being delighted, he entered Indumatī ’s house endowed with glory, rich with all desired objects and resembling Indra ’s house. O best brāhmaṇa , like Indra in heaven, the intelligent one ruled with Indumatī, the daughter of Svarbhānu , over his kingdom. By the words of Dattātreya, that queen Indumatī conceived a child endowed with divine lustre as a result of eating the fruit.
5-14. O illustrious one, Indumatī saw, at night accompanied by day (i.e. in the early morning), an excellent dream giving many auspicious objects. (She saw in the dream) a man, who was a brāhmaṇa, resembling the sun, endowed with necklace of pearls, and adorned with a white garment, entering her house. A garland fashioned with white flowers shone round his neck. His body looked charming with all ornaments, and was besmeared with divine sandal (-paste). He had four hands, he had a conch in his hand, and held a mace, a disc and a sword. He, of a great lustre, adorned with divine ornaments, shone with an umbrella, resembling the orb of the moon, which was held (over him). He appeared handsome with a necklace, bracelets, armlets and anklets. He (also) shone with ear-rings resembling the orb of the moon. A very wise man like this came (there). Having called Indumatī, he repeatedly bathed the beautiful lady with milk, with (i.e. from) a conch full of milk and having the colour like that of the moon and decked with gems and gold. He threw (i.e. put) into her mouth a white, beautiful snake, covered with a thousand hoods, endowed with a gem and full of bright flames. On her neck he also put a pearl. That very glorious lord of gods then gave a lotus into Indumatī’s hand and went to his own place.
15. Like this she saw a great dream and the best son. The illustrious one narrated it to Āyu, the lord of kings.
16-17a. Having heard it, the great king thought again. Then having called his preceptor Śaunaka , the very glorious, omniscient and best among the learned, narrated the best dream to him.
The king said :
17b-18a. O illustrious one, O best brāhmaṇa, today, (late) in the night, my wife saw (in a dream) a brāhmaṇa entering the house. What is the meaning of this dream?
Śaunaka said :
18b-23. Formerly intelligent Dattātreya gave you a boon; and directed (you to give) a very effective fruit to the queen for (obtaining) a son. What have you done with the fruit, O king? To whom have you given it?
Having heard the words uttered by the king, viz. “I have given it to my good wife,” the very intelligent, best brāhmaṇa Śaunaka said: “There is no doubt that, due to Dattātreya’s grace, the best son, possessed of a portion of Viṣṇu will be born in your house. O king, I have told you this meaning of the dream. A son of a divine power, and resembling Indra and Viṣṇu will be born (in your house). Your son will be the soul of all good practices and will perpetuate the lunar dynasty. He will be proficient in the science of archery and the (Ṛg-) Veda (etc.)”.
24. Having spoken thus to the king, Śaunaka went home. The king, with his wife, was full of great joy.
Complete chapter-aligned witnesses. Sanskrit Wikisource page 43142, revision 335627 (2022-04-12T03:41:41Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365197.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.