Bhūmi-khaṇḍa · Chapter 68
Sourceययातिरुवाच- अधर्मस्य फलं सूत श्रुतं सर्वं मया विभो । धर्मस्यापि फलं ब्रूहि श्रोतुं कौतूहलं मम १। मातलिरुवाच- अथ पापैरिमे यांति यमलोकं चतुर्विधाः । संत्रासजननं घोरं विवशाः सर्वदेहिनः २। गर्भस्थैर्जायमानैश्च बालैस्तरुणमध्यमैः । पुंस्त्रीनपुंसकैर्वृद्धैर्यातव्यं जंतुभिस्ततः ३। शुभाशुभफलं तत्र देहिनां प्रविचार्यते । चित्रगुप्तादिभिः सर्वैर्मध्यस्थैः सर्वदर्शिभिः ४। न तेत्र प्राणिनः संति ये न यांति यमक्षयम् । अवश्यं हि कृतं कर्म भोक्तव्यं तद्विचारितम् ५। ये तत्र शुभकर्माणः सौम्यचित्तादयान्विताः । ते नरा यांति सौम्येन पथा यमनिकेतनम् ६। यः प्रदद्याच्च विप्राणामुपानत्काष्ठपादुके । स विमानेन महता सुखं याति यमालयम् ७। छत्रदानेन गच्छंति पथा साभ्रेण देहिनः । दिव्यवस्त्रपरीधाना यांति वस्त्रप्रदायिनः ८। शिबिकायाः प्रदानेन विमानेन सुखं व्रजेत् । सुखासनप्रदानेन सुखं यांति यमालयम् ९। आरामकर्ता छायासु शीतलासु सुखं व्रजेत् । यांति पुष्पकयानेन पुष्पारामप्रदायिनः १०। देवायतनकर्ता च यतीनामाश्रमस्य च । अनाथमंडपानां च क्रीडन्याति गृहोत्तमैः ११। देवाग्निगुरुविप्राणां मातापित्रोश्च पूजकः १२। विप्रेषु दीनेषु गुणान्वितेषु यच्छ्रद्धया स्वल्पमपि प्रदत्तम् । तत्सर्वकामान्समुपैति लोके श्राद्धे च दानं प्रवदंति संतः १३। श्रद्धादानेन विज्ञेयमपि वालाग्रमात्रकम् । यत्पात्रादि चतुष्टयं श्रद्धा तेषु सदा मम १४। श्रद्धीयते सदा तस्माच्छ्रद्धायास्तत्फलं भवेत् । गुणान्वितेषु दीनेषु यच्छत्यावसथान्यपि १५। स प्रयाति सर्वकामं स्थानं पैतामहं नृप । श्रद्धयायेन विप्राय दत्तं काकिणिमात्रकम् १६। सस्याद्दिव्यतिथिर्भूप देवानां कीर्तिवर्धनः । तस्माच्छ्रद्धान्वितैर्देयं तत्फलं भवति ध्रुवम् १७। इति श्रीपद्मपुराणे भूमिखंडे वेनोपाख्याने पितृतीर्थवर्णने ययातिचरित्रेऽष्टषष्टितमोऽध्यायः ६८।
yayātiruvāca- adharmasya phalaṃ sūta śrutaṃ sarvaṃ mayā vibho | dharmasyāpi phalaṃ brūhi śrotuṃ kautūhalaṃ mama 1| mātaliruvāca- atha pāpairime yāṃti yamalokaṃ caturvidhāḥ | saṃtrāsajananaṃ ghoraṃ vivaśāḥ sarvadehinaḥ 2| garbhasthairjāyamānaiśca bālaistaruṇamadhyamaiḥ | puṃstrīnapuṃsakairvṛddhairyātavyaṃ jaṃtubhistataḥ 3| śubhāśubhaphalaṃ tatra dehināṃ pravicāryate | citraguptādibhiḥ sarvairmadhyasthaiḥ sarvadarśibhiḥ 4| na tetra prāṇinaḥ saṃti ye na yāṃti yamakṣayam | avaśyaṃ hi kṛtaṃ karma bhoktavyaṃ tadvicāritam 5| ye tatra śubhakarmāṇaḥ saumyacittādayānvitāḥ | te narā yāṃti saumyena pathā yamaniketanam 6| yaḥ pradadyācca viprāṇāmupānatkāṣṭhapāduke | sa vimānena mahatā sukhaṃ yāti yamālayam 7| chatradānena gacchaṃti pathā sābhreṇa dehinaḥ | divyavastraparīdhānā yāṃti vastrapradāyinaḥ 8| śibikāyāḥ pradānena vimānena sukhaṃ vrajet | sukhāsanapradānena sukhaṃ yāṃti yamālayam 9| ārāmakartā chāyāsu śītalāsu sukhaṃ vrajet | yāṃti puṣpakayānena puṣpārāmapradāyinaḥ 10| devāyatanakartā ca yatīnāmāśramasya ca | anāthamaṃḍapānāṃ ca krīḍanyāti gṛhottamaiḥ 11| devāgniguruviprāṇāṃ mātāpitrośca pūjakaḥ 12| vipreṣu dīneṣu guṇānviteṣu yacchraddhayā svalpamapi pradattam | tatsarvakāmānsamupaiti loke śrāddhe ca dānaṃ pravadaṃti saṃtaḥ 13| śraddhādānena vijñeyamapi vālāgramātrakam | yatpātrādi catuṣṭayaṃ śraddhā teṣu sadā mama 14| śraddhīyate sadā tasmācchraddhāyāstatphalaṃ bhavet | guṇānviteṣu dīneṣu yacchatyāvasathānyapi 15| sa prayāti sarvakāmaṃ sthānaṃ paitāmahaṃ nṛpa | śraddhayāyena viprāya dattaṃ kākiṇimātrakam 16| sasyāddivyatithirbhūpa devānāṃ kīrtivardhanaḥ | tasmācchraddhānvitairdeyaṃ tatphalaṃ bhavati dhruvam 17| iti śrīpadmapurāṇe bhūmikhaṃḍe venopākhyāne pitṛtīrthavarṇane yayāticaritre'ṣṭaṣaṣṭitamo'dhyāyaḥ 68|
English translation
Yayāti said :
l. O charioteer, O lord, I have heard everything about the fruit of unrighteousness. Tell me also about the fruit of righteousness. I have a curiosity to hear it.
Mātali said :
2-12. These four kinds of all the embodied ones, being helpless, go to Yama ’s world which causes fear and which is terrible, due to their sins. All beings, that remain in the womb, that are born, and children, young men, middle-aged men, old men, men, women and eunuchs have to go (to Yama’s world). There the auspicious or inauspicious fruit (of the deeds) of human beings is decided by all like impartial and omniscient Citragupta and others. There are no beings (in the world) that do not go to Yama’s abode. (The fruit of) the deed done (by a being) has to be enjoyed as decided by them. Those men, who do auspicious deeds, who have soft hearts, who are endowed with pity, go to Yama’s abode along a pleasing path. A man who would give (i.e. who gives) shoes, wood or sandals to brāhmaṇas , happily goes to Yama’s abode in a great aeroplane. By giving umbrellas (as gifts to brāhmaṇa ) human beings go (to Yama’s abode). By giving a palanquin (as a gift to a brāhmaṇa) one would happily go (to Yama’s abode) along a path in the sky. Those who give garments (as gifts to brāhmaṇas), go, wearing divine garments (to Yama’s abode). By giving a palanquin (as a gift to a brāhmaṇa) one would happily go (to Yama’s abode) in an aeroplane. By giving a comfortable seat (to a brāhmaṇa) (human beings) happily go to Yama’s abode. One who has constructed groves would go happily (enjoying) very cool shadows. Those who give gardens (with trees full of) flowers go to Yama’s abode in the Puṣpaka aeroplane. He, who builds a temple, or a hermitage for ascetics, or pavilions for the helpless, playfully goes, due to (having constructed) best dwellings (to Yama’s abode). So also he, who worships deities, fire, preceptors, brāhmaṇas, and his father and mother, (playfully goes to Yama’s abode).
13-17. All that, even though little, which is given with faith to helpless, virtuous brāhmaṇas obtains (i.e. secures for him) all the desired objects. The saints say that in the world gifts (should be given) at a śrāddha . It should be realized that whatever—even of the measure of that which remains on the tip of a hair—is given with faith (gives good fruit); I always rely upon the four recipients (at a śrāddha). Therefore (if) one always has faith, the fruit of faith would be (obtained) by him. O king, he, who gives dwellings to the virtuous (but) helpless brāhmaṇas, goes to the abode of the grandsire, which satisfies all his desires. O king, he who has given with faith, (something even) of the size of a cowrie to a brāhmaṇa, would be a divine guest, enhancing the glory of gods. Therefore, those, who have faith, should give (i.e. human beings should give with faith). There is certainly (obtained) the fruit of that.
Complete chapter-aligned witnesses. Sanskrit Wikisource page 14571, revision 335513 (2022-04-10T07:19:23Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365160.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.