Uttara-khaṇḍa · Chapter 163
Sourceमहादेव उवाच। तीर्थानां प्रवरं तीर्थं महापातकनाशनम् । गोतीर्थमिति विख्यातं काश्यपह्रदसमीपतः १। यानि कानि च पापानि ब्रह्महत्या समानि च । गोतीर्थे तु ततः स्नात्वा नश्यंते नात्र संशयः २। गावः कृष्णां तनुं प्राप्य पूर्वपातकयोगतः । यत्र तीर्थे ततः स्नात्वा शुक्लत्वं पुनरागताः ३। तत्र तीर्थे नरः स्नात्त्वा दत्वा गोभ्यो गवाह्निकम् । गोमातॄणां प्रसादेन मातॄणामनृणी भवेत् ४। गोतीर्थे तु नरो गत्वा स्नात्वा गां तु पयस्विनीम् । ददाति विप्रमुख्येभ्यः स याति ब्रह्मणः पदम् ५।
mahādeva uvāca| tīrthānāṃ pravaraṃ tīrthaṃ mahāpātakanāśanam | gotīrthamiti vikhyātaṃ kāśyapahradasamīpataḥ 1| yāni kāni ca pāpāni brahmahatyā samāni ca | gotīrthe tu tataḥ snātvā naśyaṃte nātra saṃśayaḥ 2| gāvaḥ kṛṣṇāṃ tanuṃ prāpya pūrvapātakayogataḥ | yatra tīrthe tataḥ snātvā śuklatvaṃ punarāgatāḥ 3| tatra tīrthe naraḥ snāttvā datvā gobhyo gavāhnikam | gomātṝṇāṃ prasādena mātṝṇāmanṛṇī bhavet 4| gotīrthe tu naro gatvā snātvā gāṃ tu payasvinīm | dadāti vipramukhyebhyaḥ sa yāti brahmaṇaḥ padam 5|
English translation
Mahādeva said :
1-5. The best holy place among the holy places is the well-known Gotīrtha , destroying great sins and situated near Kāśyapa -pool. There is no doubt that whatever sins, like the murder of a brāhmaṇa , are there, they perish on bathing at Gotīrtha. Cows that had become dark due to some former sin, again became white on having bathed at that sacred place. Having bathed there, a man on offering grass etc. to cows, is free from the debt of Mātṛs by the grace of the cow-mothers. A man who, having gone to and bathed at Gotīrtha, gives a milch cow to chief brāhmaṇas , goes to the position of Brahmā .
Complete chapter-aligned witnesses. Sanskrit Wikisource page 31427, revision 334301 (2022-03-31T02:17:21Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365742.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.