Pātāla-khaṇḍa · Chapter 2
Sourceशेष उवाच। अथ तद्दर्शनोत्कण्ठा विह्वलीकृतचेतसा । पुनः पुनः स्मृतो भ्राता भरतो धार्मिकाग्रणीः १। उवाच च हनूमंतं बलवंतं समीरजम् । प्रस्फुरद्दशनव्याज चन्द्रकांतिहतांधकः २। शृणु वीर हनूमंस्त्वं मद्गिरं भ्रातृनोदिताम् । चिरंतनवियोगेन गद्गदीकृतविह्वलाम् ३। गच्छ तं भ्रातरं वीर समीरणतनूद्भव । मद्वियोगकृशां यष्टिं वपुषो बिभ्रतं हठात् ४। यो वल्कलं परीधत्ते जटां धत्ते शिरोरुहे । फलानां भक्षणमपि न कुर्याद्विरहातुरः ५। परस्त्री यस्य मातेव लोष्टवत्कांचनं पुनः । प्रजाः पुत्रानिवोद्रक्षेद्बांधवो मम धर्मवित् ६। मद्वियोगजदुःखाग्निज्वालादग्धकलेवरम् । मदागमनसंदेश पयोवृष्ट्याशु सिंचतम् ७। सीतया सहितं रामं लक्ष्मणेन समन्वितम् । सुग्रीवादिकपींद्रैश्च रक्षोभिः सबिभीषणैः ८। प्राप्तं निवेदय सुखात्पुष्पकासनसंस्थितम् । येन मे सोऽनुजः शीघ्रं सुखमेति मदागमात् ९। इति श्रुत्वा ततो वाक्यं रघुवीरस्य धीमतः । जगाम भरतावासं नंदिग्रामं निदेशकृत् १०। गत्वा स नंदिग्रामं तु मंत्रिवृद्धैः सुसंयतम् । भरतं भ्रातृविरहक्लिन्नं धीमान्ददर्श ह ११। कथयंतं मंत्रिवृद्धान्रामचंद्रकथानकम् । तदीय पदापाथोज मकरंदसुनिर्भरः १२। नमश्चकार भरतं धर्मं मूर्तियुतं किल । विधात्रा सकलांशेन सत्त्वेनैव विनिर्मितम् १३। तं दृष्ट्वा भरतः शीघ्रं प्रत्युत्थाय कृतांजलि । स्वागतं चेति होवाच रामस्य कुशलं वद १४। इत्येवं वदतस्तस्य भुजो दक्षिणतोऽस्फुरत् । हृदयाच्च गतः शोको हर्षास्रैः पूरिताननः १५। विलोक्य तादृशं भूपं प्रत्युवाच कपीश्वरः । निकटे हि पुरः प्राप्तं विद्धि रामं सलक्ष्मणम् १६। रामागमनसंदेशामृतसिक्तकलेवरः । प्रापयद्धर्षपूरं हि सहस्रास्यो न वेद्म्यहम् १७। जगाद मम तन्नास्ति यत्तुभ्यं दीयते मया । दासोऽस्मि जन्मपर्यंतं रामसंदेशहारकः १८। वसिष्ठोऽपि गृहीत्वार्घ्यं मंत्रिवृद्धाः सुहर्षिताः । जग्मुस्ते रामचंद्रं च हनुमद्दर्शिताध्वना १९। दृष्ट्वा दूरात्समायांतं रामचंद्रं मनोरमम् । पुष्पकासनमध्यस्थं ससीतं सहलक्ष्मणम् २०। रामोऽपि दृष्ट्वा भरतं पादचारेण संगतम् । जटावल्कलकौपीन परिधानसमन्वितम् २१। अमात्यान्भ्रातृवेषेण समवेषाञ्जटाधरान् । नित्यं तपः क्लिष्टतया कृशरूपान्ददर्श ह २२। रामोऽपि चिंतयामास दृष्ट्वा वै तादृशं नृपम् । अहो दशरथस्यायं राजराजस्य धीमतः २३। पुत्रः पदातिरायाति जटावल्कलवेषभृत् । न दुःखं तादृशं मेऽन्यद्वनमध्यगतस्य हि २४। यादृशं मद्वियोगेन चैतस्य परिवर्त्तते । अहो पश्यत मे भ्राता प्राणात्प्रियतमः सखा २५। श्रुत्वा मां निकटे प्राप्तं मंत्रिवृद्धैः सुहर्षितैः । द्रष्टुं मां भरतोऽभ्येति वसिष्ठेन समन्वितः २६। इति ब्रुवन्नरपतिः पुष्पकान्नभसोंऽगणात् । बिभीषणहनूमद्भ्यां लक्ष्मणेन कृतादरः २७। यानादवतताराशु विरहात्क्लिन्नमानसः । भ्रातर्भ्रातः पुनर्भ्रातर्भ्रातर्भ्रातर्वदन्मुहुः २८। दृष्ट्वा समुत्तीर्णमिमं रामचंद्रं सुरैर्युतम् । भरतो भ्रातृविरहक्लिन्नं धीमान्ददर्श ह । हर्षाश्रूणि प्रमुंचंश्च दंडवत्प्रणनाम ह २९। रघुनाथोऽपि तं दृष्ट्वा दंडवत्पतितं भुवि । उत्थाप्य जगृहे दोर्भ्यां हर्षालोकसमन्वितः ३०। उत्थापितोऽपि हि भृशं नोदतिष्ठद्रुदन्मुहुः । रामचंद्रपदांभोजग्रहणासक्तबाहुभृत् ३१। भरत उवाच। दुराचारस्य दुष्टस्य पापिनो मे कृपां कुरु । रामचंद्र महाबाहो कारुण्यात्करुणानिधे ३२। यस्ते विदेहजा पाणिस्पर्शं क्रूरममन्यत । स एव चरणो राम वने बभ्राम मत्कृते ३३। इत्युक्त्वाश्रुमुखो दीनः परिरभ्य पुनः पुनः । प्रांजलिः पुरतस्तस्थौ हर्षविह्वलिताननः ३४। रघुनाथस्तमनुजं परिष्वज्य कृपानिधिः । प्रणम्य च महामंत्रिमुख्यानापृच्छ्य सादरम् ३५। भरतेन समं भ्रात्रा पुष्पकासनमास्थितः । सीतां ददर्श भरतो भ्रातृपत्नीमनिंदिताम् ३६। अनसूयामिवात्रेः किं लोपामुद्रां घटोद्भुवः । पतिव्रतां जनकजाममन्यतननाम च ३७। मातः क्षमस्व यदघं मया कृतमबुद्धिना । त्वत्सदृश्यः पतिपराः सर्वेषां साधुकारिकाः ३८। जानक्यापि महाभागा देवरं वीक्ष्य सादरम् । आशीर्भिरभियुज्याथ समपृच्छदनामयम् ३९। विमानवरमारूढास्ते सर्वे नभसोंऽगणे । क्षणादालोकयांचक्रे निकटे स्वपितुः पुरीम् ४०। इति श्रीपद्मपुराणे पातालखंडे रामाश्वमेधे शेषवात्स्यायनसंवादे रामराजधानीदर्शनोनाम द्वितीयोऽध्यायः २। ।
śeṣa uvāca| atha taddarśanotkaṇṭhā vihvalīkṛtacetasā | punaḥ punaḥ smṛto bhrātā bharato dhārmikāgraṇīḥ 1| uvāca ca hanūmaṃtaṃ balavaṃtaṃ samīrajam | prasphuraddaśanavyāja candrakāṃtihatāṃdhakaḥ 2| śṛṇu vīra hanūmaṃstvaṃ madgiraṃ bhrātṛnoditām | ciraṃtanaviyogena gadgadīkṛtavihvalām 3| gaccha taṃ bhrātaraṃ vīra samīraṇatanūdbhava | madviyogakṛśāṃ yaṣṭiṃ vapuṣo bibhrataṃ haṭhāt 4| yo valkalaṃ parīdhatte jaṭāṃ dhatte śiroruhe | phalānāṃ bhakṣaṇamapi na kuryādvirahāturaḥ 5| parastrī yasya māteva loṣṭavatkāṃcanaṃ punaḥ | prajāḥ putrānivodrakṣedbāṃdhavo mama dharmavit 6| madviyogajaduḥkhāgnijvālādagdhakalevaram | madāgamanasaṃdeśa payovṛṣṭyāśu siṃcatam 7| sītayā sahitaṃ rāmaṃ lakṣmaṇena samanvitam | sugrīvādikapīṃdraiśca rakṣobhiḥ sabibhīṣaṇaiḥ 8| prāptaṃ nivedaya sukhātpuṣpakāsanasaṃsthitam | yena me so'nujaḥ śīghraṃ sukhameti madāgamāt 9| iti śrutvā tato vākyaṃ raghuvīrasya dhīmataḥ | jagāma bharatāvāsaṃ naṃdigrāmaṃ nideśakṛt 10| gatvā sa naṃdigrāmaṃ tu maṃtrivṛddhaiḥ susaṃyatam | bharataṃ bhrātṛvirahaklinnaṃ dhīmāndadarśa ha 11| kathayaṃtaṃ maṃtrivṛddhānrāmacaṃdrakathānakam | tadīya padāpāthoja makaraṃdasunirbharaḥ 12| namaścakāra bharataṃ dharmaṃ mūrtiyutaṃ kila | vidhātrā sakalāṃśena sattvenaiva vinirmitam 13| taṃ dṛṣṭvā bharataḥ śīghraṃ pratyutthāya kṛtāṃjali | svāgataṃ ceti hovāca rāmasya kuśalaṃ vada 14| ityevaṃ vadatastasya bhujo dakṣiṇato'sphurat | hṛdayācca gataḥ śoko harṣāsraiḥ pūritānanaḥ 15| vilokya tādṛśaṃ bhūpaṃ pratyuvāca kapīśvaraḥ | nikaṭe hi puraḥ prāptaṃ viddhi rāmaṃ salakṣmaṇam 16| rāmāgamanasaṃdeśāmṛtasiktakalevaraḥ | prāpayaddharṣapūraṃ hi sahasrāsyo na vedmyaham 17| jagāda mama tannāsti yattubhyaṃ dīyate mayā | dāso'smi janmaparyaṃtaṃ rāmasaṃdeśahārakaḥ 18| vasiṣṭho'pi gṛhītvārghyaṃ maṃtrivṛddhāḥ suharṣitāḥ | jagmuste rāmacaṃdraṃ ca hanumaddarśitādhvanā 19| dṛṣṭvā dūrātsamāyāṃtaṃ rāmacaṃdraṃ manoramam | puṣpakāsanamadhyasthaṃ sasītaṃ sahalakṣmaṇam 20| rāmo'pi dṛṣṭvā bharataṃ pādacāreṇa saṃgatam | jaṭāvalkalakaupīna paridhānasamanvitam 21| amātyānbhrātṛveṣeṇa samaveṣāñjaṭādharān | nityaṃ tapaḥ kliṣṭatayā kṛśarūpāndadarśa ha 22| rāmo'pi ciṃtayāmāsa dṛṣṭvā vai tādṛśaṃ nṛpam | aho daśarathasyāyaṃ rājarājasya dhīmataḥ 23| putraḥ padātirāyāti jaṭāvalkalaveṣabhṛt | na duḥkhaṃ tādṛśaṃ me'nyadvanamadhyagatasya hi 24| yādṛśaṃ madviyogena caitasya parivarttate | aho paśyata me bhrātā prāṇātpriyatamaḥ sakhā 25| śrutvā māṃ nikaṭe prāptaṃ maṃtrivṛddhaiḥ suharṣitaiḥ | draṣṭuṃ māṃ bharato'bhyeti vasiṣṭhena samanvitaḥ 26| iti bruvannarapatiḥ puṣpakānnabhasoṃ'gaṇāt | bibhīṣaṇahanūmadbhyāṃ lakṣmaṇena kṛtādaraḥ 27| yānādavatatārāśu virahātklinnamānasaḥ | bhrātarbhrātaḥ punarbhrātarbhrātarbhrātarvadanmuhuḥ 28| dṛṣṭvā samuttīrṇamimaṃ rāmacaṃdraṃ surairyutam | bharato bhrātṛvirahaklinnaṃ dhīmāndadarśa ha | harṣāśrūṇi pramuṃcaṃśca daṃḍavatpraṇanāma ha 29| raghunātho'pi taṃ dṛṣṭvā daṃḍavatpatitaṃ bhuvi | utthāpya jagṛhe dorbhyāṃ harṣālokasamanvitaḥ 30| utthāpito'pi hi bhṛśaṃ nodatiṣṭhadrudanmuhuḥ | rāmacaṃdrapadāṃbhojagrahaṇāsaktabāhubhṛt 31| bharata uvāca| durācārasya duṣṭasya pāpino me kṛpāṃ kuru | rāmacaṃdra mahābāho kāruṇyātkaruṇānidhe 32| yaste videhajā pāṇisparśaṃ krūramamanyata | sa eva caraṇo rāma vane babhrāma matkṛte 33| ityuktvāśrumukho dīnaḥ parirabhya punaḥ punaḥ | prāṃjaliḥ puratastasthau harṣavihvalitānanaḥ 34| raghunāthastamanujaṃ pariṣvajya kṛpānidhiḥ | praṇamya ca mahāmaṃtrimukhyānāpṛcchya sādaram 35| bharatena samaṃ bhrātrā puṣpakāsanamāsthitaḥ | sītāṃ dadarśa bharato bhrātṛpatnīmaniṃditām 36| anasūyāmivātreḥ kiṃ lopāmudrāṃ ghaṭodbhuvaḥ | pativratāṃ janakajāmamanyatananāma ca 37| mātaḥ kṣamasva yadaghaṃ mayā kṛtamabuddhinā | tvatsadṛśyaḥ patiparāḥ sarveṣāṃ sādhukārikāḥ 38| jānakyāpi mahābhāgā devaraṃ vīkṣya sādaram | āśīrbhirabhiyujyātha samapṛcchadanāmayam 39| vimānavaramārūḍhāste sarve nabhasoṃ'gaṇe | kṣaṇādālokayāṃcakre nikaṭe svapituḥ purīm 40| iti śrīpadmapurāṇe pātālakhaṃḍe rāmāśvamedhe śeṣavātsyāyanasaṃvāde rāmarājadhānīdarśanonāma dvitīyo'dhyāyaḥ 2| |
English translation
Śeṣa said :
1-2. Then Rāma , with his heart being distressed by the eagerness to see him, repeatedly remembered his brother Bharata who was the foremost among the righteous persons; and removing the darkness with the moon-like lustre of his teeth that became visible, he said to the powerful Hanūmat, the son of Wind:
3-9. “O hero Hanūmat, hear my words which are impelled by my long-standing separation from my brother, and which are faltering and confused. O hero born from the body of Wind, go to that (my) brother whose body is emaciated due to separation from me and which he sustains forcibly (i.e. against his will). He puts on a bark-garment, he wears matted hair; being affected by separation from me, he would not even eat fruits. For him the wife of another person is like his mother, and gold is like a clod. My brother who knows the right way, would look upon his subjects as his own sons. Quickly sprinkle him whose body is burning with the flames of the fire of grief due to separation from me, with the shower of the water of the message of my arrival. Tell him that Rāma has come with Sītā , is accompanied by Lakṣmaṇa , and the lords of monkeys like Sugrīva and demons with Bibhīṣaṇa and that he is com foríably seated on a seat in the Puṣpaka (aeroplane), so that my younger brother quickly becomes happy due to my arrival.”
10-13. Having heard these words of the intelligent Raghu -hero (i.e. Rāma), the obedient (Hanūmat) went to Nandigrāma , the abode of Bharata. Having gone to Nandigrāma, the intelligent one saw Bharata in the company of old ministers, afflicted with the separation from his brother (Rāma), and telling his old ministers the account of Rāmacandra ; and full of the honey of the lotuses of his feet he saluted Bharata possessing the form of Dharma .
14-15. Seeing him who was fashioned with all portions of goodness only by the Creator, Bharata with the palms of his hands joined, quickly rose, and said: “Welcome to you; tell me about the safety of Rāma”. The right hand of him who was speaking like this, throbbed. Grief went (away) from his heart, and his face was filled with tears of joy.
16-17. Seeing the king like that the lord of the monkeys spoke to him: “Know that Rāma, with Lakṣmaṇa, has reached the vicinity of the town.” He, whose body was sprinkled over with the nectar of the message of Rāma’s arrival, had flood of joy. I do not know whether he had a thousand faces.
18. He said (to Hanūmat): “I do not have what I could give to you. As long as I live, I am the servant of Rāma carrying out his order.”
19-22. Vasiṣṭha too, taking the materials of worship, and the very much delighted old ministers, went to Rāma along the path shown by Hanūmat. From a distance (they) saw the delightful Rāma who had come there seated on a seat in the Puṣpaka (aeroplane) along with Sītā and Lakṣmaṇa. Rāma also saw Bharata walking (to him) and having matted hair and having put on bark-garment with a small piece of cloth worn round his privities. He also saw his ministers whose dresses were similar to that of his brother (Bharata) and who had matted hair, and whose forms were emaciated due to being afflicted by daily penance.
23-28. Seeing the king (i.e. Bharata) like that, Rāma too thought (to himself): ‘Oh! this son of the intelligent Daśaratha , the king of kings, having matted hair and dressed in bark-garments is coming on foot to me. I, even when I was in the forest, did not experience so much grief as this one had due to separation from me. Oh! see Bharata, my brother, my companion dearer (to me) than (my) life, having heard that I have come in the vicinity, comes, accompanied by his old, very much delighted ministers and Vasiṣṭha, to see me’. The king (i.e. Rāma) honoured by Bibhīṣaṇa, Hanūmat and Lakṣmaṇa, and with his mind afflicted due to separation (from Bharata), and again and again saying, ‘O (my) brother, O my brother’, quickly got down from the (aerial) car, viz. the Puṣpaka (come down) from the wide firmament.
29-31. The intelligent Bharata, saw Rāma who was accompanied by gods, and who was afflicted due to his separation from his brother (i.e. Bharata himself), getting down from the (aerial) car. Shedding tears of joy, he saluted him like a staff (i.e. prostrated himself before Rāma). The chief of Raghus (i.e. Rāma) also, seeing him falling on the ground like a staff (i e. having prostrated himself), raised him, and full of joy and grief, held him by the arms (i.e embraced him). The hero, fond of seizing the lotuslike feet of Rāmacandra, and repeatedly weeping, did not get up, though strongly lifted (by Rāma).
Bharata said :
32-33. O great hero, O treasure of compassion, O Rāma, through kindness favour me who am of a bad conduct, who am wicked and sinful. O Rāma, just that foot (those feet) of yours which felt the touch of the hand(s) of Sītā to be harsh, wandered on my account in the forest.
34. Speaking like this, he, the dejected one, with his face full of tears again and again embraced (Rāma), and with the palms of his hands joined and his face full of joy stood before (Rāma).
35-36a. Raghunātha (i.e. Rāma), the abode of compassion, having embraced that younger brother (of him), having saluted the great principal ministers and having taken their leave, occupied with (his) brother Bharata a seat in the Puṣpaka.
36b-40. Bharata saw the praiseworthy Sītā, his brother's wife. He looked upon the daughter of Janaka , a chaste wife, like Anasūyā , (the wife) of Atri , or like Lopāmudrā (the wife) of ( Agastya ) born from a pitcher, and saluted her. (He said to her): “O mother, forgive (me) the sin, which I, the ignorant one, committed. Ladies like you, devoted to their husbands, do good to all.” The glorious Sītā also, respectfully looked at her brother-in-law, gave him blessings, and enquired after his health. All of them got into that aerial car in the wide firmament. In a moment (Rāma) saw his father’s city (drawing) near.
Complete chapter-aligned witnesses. Sanskrit Wikisource page 43578, revision 335827 (2022-04-15T11:26:47Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365313.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.