Brahma-khaṇḍa · Chapter 19
Sourceशौनक उवाच। अज्ञानात्प्राश्य विण्मूत्रं सुरां संस्पृश्य वा पुनः । यथा शुद्धिर्भवेत्तेषां कथयामि शृणु द्विज १। प्राजापत्यद्वयं कुर्य्यात्तीर्थाभिगमनं मुने । वृषैकादशगोदानं सशिखं वपनं ततः २। गत्वा चतुष्पथं सर्वं प्राजापत्यव्रतं तथा । गोद्वयं तु ततो दद्यात्पंचगव्यं पिबेत्ततः ३। ब्राह्मणान्भोजयित्वा तु शुद्ध्यत्यत्र न संशयः । चांडालान्नं जलं चैव ज्ञानतोऽपि विपत्तिषु ४। यदि भुङ्क्ते नरः कश्चित्कृच्छ्रं चांद्रायणं चरेत् । सशिखं वपनं कृत्वा पंचगव्यं ततः पिबेत् ५। एकद्वित्रिचतुर्गावो देयाद्विप्रेष्वनुक्रमात् । वृषलान्नं सूतकान्नं अभोज्यान्नं जलं च वै ६। शूद्रोच्छिष्टं यदा भुंक्ते ज्ञानतो वा विपत्तिषु । प्राजापत्यद्वयं कुर्याच्चांद्रायणत्रयं तथा ७। गोद्वयं तु ततो दद्यात्पंचगव्यं पिबेद्द्विज । हुत्वा ह्यग्नौ बहून्विप्रान्भोज्यशुद्धो भवेद्ध्रुवम् ८। आखुनकुलमार्ज्जारैरन्नं चेद्भक्षितं द्विज । तिलदर्भोदकैः प्रोक्ष्य शुद्ध्यत्येव न संशयः ९। पलांडुं लशुनं शिग्रुमलाबुं गृंजनं पलम् । भुंक्ते यो वै नरो ब्रह्मन्व्रतं चांद्रायणं चरेत् १०। मद्यमांसप्रियं शूद्रं नीचकर्म्मानुवर्त्तनैः । तं शूद्रं वर्जयेद्विप्र श्वपाकमिव दूरतः ११। द्विजसेवानुरक्ता ये मद्यमांसविवर्जिताः । दान स्वकर्म्मनिरतास्ते ज्ञेया वृषलोत्तमाः १२। अज्ञानाद्भुंजते विप्र सूतके मृतके यदि । गायत्रीदशभिर्विप्रः सहस्रैश्च शुचिर्भवेत् १३। सहस्रैः क्षत्रियश्चैव वैश्यः पंचसहस्रकैः । पंचगव्यैर्भवेच्छुद्धो वृषलोऽपि तपोधन १४। आज्यं तु तोयं नीचस्य भांडस्थं दधि यः पिबेत् । अज्ञानतोऽपि यो वर्णः प्राजापत्यव्रतं चरेत् १५। दानं बहुतरं दद्याच्छुद्धो ह्यग्नौ यथाविधि । शूद्राणां नोपवासोऽपि दानेनैव विशुद्ध्यति १६। सशिखं वपनं कुर्यादहोरात्रोपवासतः । नीचैर्दंडादिभिश्चैव ताडितो यो नरो द्विज १७। प्राज्ञापत्यव्रतं कुर्य्याच्चांद्रायणव्रतं तु वा । सशिखं वपनं चैव पंचगव्यं पिबेत्ततः १८। गोद्वयं तु ततो दद्यादग्नौ चान्नादिकं हुतम् । मद्यपानं गृहे विप्र ज्ञानतोऽपि यदृच्छया १९। यदि भुंक्ते नरः कश्चित्पात्यः सोऽपि कुलान्नरः । गोबीजहंता यो विप्रच्छेदकश्च दलस्य च २०। स्वर्णस्तेयी भवेत्कृच्छ्रं प्राजापत्यत्रयं चरेत् । सशिखं वपनं कृत्वा पंचगव्यं तथा पिबेत् २१। यथाविधिहुतं चाग्नौ दद्याद्धेनुत्रयं तथा । तस्य भुक्तं जलं चैव ग्राह्यं स्याद्वै तपोधन २२। प्रातस्त्र्यहं तु चाश्नीयात्र्यहं सायमयाचितम् । त्र्यहं चैव तु नाश्नीयात्प्राजापत्यमिदं व्रतम् २३। गोमूत्रं गोमयं क्षीरं दधिसर्पिः कुशोदकम् । दिनद्वयं पिबेद्विप्र चैकरात्रमुपोषितः । सर्वपापहरं कृच्छ्रं मुने सांतपनं स्मृतम् २४। ग्रासं त्र्यहं तु चैकैकं प्रातःसायमयाचितम् । अद्यात्त्र्यहं चोपवसेदतिकृच्छ्रमिदं व्रतम् २५। प्रतित्र्यहं पिबेदुष्णं जलं क्षीरं घृतं द्विज । सकृत्स्नायी तप्तकृच्छ्रं स्मृतं पापहरं मुने २६। अभोजनं द्वादशाहं कृच्छ्रोऽयं पापनाशनः । पराको नाम विज्ञेयः प्रसिद्धश्च तपोधन २७। एकैकं वर्द्धयेत्पिंडं शुक्ले कृष्णे च ह्रासयेत् । इंदुक्षये न भुंजीत चांद्रायणव्रतं स्मृतम् २८। अश्नीयाच्चतुरः प्रातः पिंडान्विप्र समाहितः । चतुरोऽस्तमिते चार्के शिशुचांद्रायणं स्मृतम् २९। कूष्मांडघाती या नारी पंचगव्यं पिबेत्त्र्यहम् । कूष्मांडपंचकं दद्यात्ससुवर्णं सवस्त्रकम् । तस्या वारि तथा भक्तं ग्राह्यं स्याद्वै तपोधन ३०। इति श्रीपाद्मे महापुराणे ब्रह्मखंडे सूतशौनकसंवादे एकोनविंशोऽध्यायः १९।
śaunaka uvāca| ajñānātprāśya viṇmūtraṃ surāṃ saṃspṛśya vā punaḥ | yathā śuddhirbhavetteṣāṃ kathayāmi śṛṇu dvija 1| prājāpatyadvayaṃ kuryyāttīrthābhigamanaṃ mune | vṛṣaikādaśagodānaṃ saśikhaṃ vapanaṃ tataḥ 2| gatvā catuṣpathaṃ sarvaṃ prājāpatyavrataṃ tathā | godvayaṃ tu tato dadyātpaṃcagavyaṃ pibettataḥ 3| brāhmaṇānbhojayitvā tu śuddhyatyatra na saṃśayaḥ | cāṃḍālānnaṃ jalaṃ caiva jñānato'pi vipattiṣu 4| yadi bhuṅkte naraḥ kaścitkṛcchraṃ cāṃdrāyaṇaṃ caret | saśikhaṃ vapanaṃ kṛtvā paṃcagavyaṃ tataḥ pibet 5| ekadvitricaturgāvo deyādvipreṣvanukramāt | vṛṣalānnaṃ sūtakānnaṃ abhojyānnaṃ jalaṃ ca vai 6| śūdrocchiṣṭaṃ yadā bhuṃkte jñānato vā vipattiṣu | prājāpatyadvayaṃ kuryāccāṃdrāyaṇatrayaṃ tathā 7| godvayaṃ tu tato dadyātpaṃcagavyaṃ pibeddvija | hutvā hyagnau bahūnviprānbhojyaśuddho bhaveddhruvam 8| ākhunakulamārjjārairannaṃ cedbhakṣitaṃ dvija | tiladarbhodakaiḥ prokṣya śuddhyatyeva na saṃśayaḥ 9| palāṃḍuṃ laśunaṃ śigrumalābuṃ gṛṃjanaṃ palam | bhuṃkte yo vai naro brahmanvrataṃ cāṃdrāyaṇaṃ caret 10| madyamāṃsapriyaṃ śūdraṃ nīcakarmmānuvarttanaiḥ | taṃ śūdraṃ varjayedvipra śvapākamiva dūrataḥ 11| dvijasevānuraktā ye madyamāṃsavivarjitāḥ | dāna svakarmmaniratāste jñeyā vṛṣalottamāḥ 12| ajñānādbhuṃjate vipra sūtake mṛtake yadi | gāyatrīdaśabhirvipraḥ sahasraiśca śucirbhavet 13| sahasraiḥ kṣatriyaścaiva vaiśyaḥ paṃcasahasrakaiḥ | paṃcagavyairbhavecchuddho vṛṣalo'pi tapodhana 14| ājyaṃ tu toyaṃ nīcasya bhāṃḍasthaṃ dadhi yaḥ pibet | ajñānato'pi yo varṇaḥ prājāpatyavrataṃ caret 15| dānaṃ bahutaraṃ dadyācchuddho hyagnau yathāvidhi | śūdrāṇāṃ nopavāso'pi dānenaiva viśuddhyati 16| saśikhaṃ vapanaṃ kuryādahorātropavāsataḥ | nīcairdaṃḍādibhiścaiva tāḍito yo naro dvija 17| prājñāpatyavrataṃ kuryyāccāṃdrāyaṇavrataṃ tu vā | saśikhaṃ vapanaṃ caiva paṃcagavyaṃ pibettataḥ 18| godvayaṃ tu tato dadyādagnau cānnādikaṃ hutam | madyapānaṃ gṛhe vipra jñānato'pi yadṛcchayā 19| yadi bhuṃkte naraḥ kaścitpātyaḥ so'pi kulānnaraḥ | gobījahaṃtā yo vipracchedakaśca dalasya ca 20| svarṇasteyī bhavetkṛcchraṃ prājāpatyatrayaṃ caret | saśikhaṃ vapanaṃ kṛtvā paṃcagavyaṃ tathā pibet 21| yathāvidhihutaṃ cāgnau dadyāddhenutrayaṃ tathā | tasya bhuktaṃ jalaṃ caiva grāhyaṃ syādvai tapodhana 22| prātastryahaṃ tu cāśnīyātryahaṃ sāyamayācitam | tryahaṃ caiva tu nāśnīyātprājāpatyamidaṃ vratam 23| gomūtraṃ gomayaṃ kṣīraṃ dadhisarpiḥ kuśodakam | dinadvayaṃ pibedvipra caikarātramupoṣitaḥ | sarvapāpaharaṃ kṛcchraṃ mune sāṃtapanaṃ smṛtam 24| grāsaṃ tryahaṃ tu caikaikaṃ prātaḥsāyamayācitam | adyāttryahaṃ copavasedatikṛcchramidaṃ vratam 25| pratitryahaṃ pibeduṣṇaṃ jalaṃ kṣīraṃ ghṛtaṃ dvija | sakṛtsnāyī taptakṛcchraṃ smṛtaṃ pāpaharaṃ mune 26| abhojanaṃ dvādaśāhaṃ kṛcchro'yaṃ pāpanāśanaḥ | parāko nāma vijñeyaḥ prasiddhaśca tapodhana 27| ekaikaṃ varddhayetpiṃḍaṃ śukle kṛṣṇe ca hrāsayet | iṃdukṣaye na bhuṃjīta cāṃdrāyaṇavrataṃ smṛtam 28| aśnīyāccaturaḥ prātaḥ piṃḍānvipra samāhitaḥ | caturo'stamite cārke śiśucāṃdrāyaṇaṃ smṛtam 29| kūṣmāṃḍaghātī yā nārī paṃcagavyaṃ pibettryaham | kūṣmāṃḍapaṃcakaṃ dadyātsasuvarṇaṃ savastrakam | tasyā vāri tathā bhaktaṃ grāhyaṃ syādvai tapodhana 30| iti śrīpādme mahāpurāṇe brahmakhaṃḍe sūtaśaunakasaṃvāde ekonaviṃśo'dhyāyaḥ 19|
English translation
Sūta said :
1. O brāhmaṇa , listen, I shall tell you, how those who, through ignorance, have eaten feces (or drunk) urine or have sipped liquor, are purified.
2-4a. O sage, he should observe two Prājāpatya (-vows); he should go to a holy place. He should give a bull and eleven cows, and then should get himself clean-shaved with the tuft of hair on the crown of the head (removed). Having gone to all crossways he should observe the Prājāpatya (-vow). Then he should give a pair of cows and drink the mixture of the five products of a cow. There is no doubt that he is purified after having fed brāhmaṇas .
4b-8. If a man eats the food of a cāṇḍāla or drinks his water knowingly or while in a difficulty, he should observe Kṛcchra Cāndrāyaṇa ; (and) having got himself clean-shaved with the tuft of hair on the crown of the head (removed), he should drink the mixture of the five products of a cow. One or two or three or four cows should be respectively given to brāhmaṇas if he eats the food of a cāṇḍāla or of (i.e. prepared by) a woman recently delivered or food which is not fit to be eaten or water which should not be drunk. If knowingly or while in difficulty he eats the food left over by a śūdra , he should observe two Prājāpatya-vows and three Cāndrāyaṇa-vows. O brāhmaṇa, then he should give a couple of cows and drink the mixture of the five products of a cow. Then, after offering oblations into fire and having fed many brāhmaṇas, he would certainly be purified.
9. There is no doubt that if (a portion of) the food is eaten by rats, mongooses or cats it is purified, when it is sprinkled over with water mixed with sesamum and darbhas , O brāhmaṇa.
10-11. O brāhmaṇa, a man who eats an onion, garlic, a potherb, bottle-gourd, a small red variety of garlic and meat, should observe the Cāndrāyaṇa-vow. Due to his doing vile acts a śūdra loves liquor and meat. One should avoid from (i.e. keep at) a distance such a śūdra like a cāṇḍāla.
12. Those who are engaged in serving the twice-born who avoid liquor and meat, who are engaged in giving gifts and in their own duties, should be known to be best vṛṣalas .
13-17a. O brāhmaṇa, ifa brāhmaṇa unknowingly eats (food) in a family where impurity is caused by child-birth or by death, he would be purified by reciting the Gāyatrī (-hymn) ten thousand times. O ascetic, a kṣatriya would be purified by reciting it thousands of times, and a cāṇḍāla by (taking) the mixtures of the five products of a cow. A man of a (higher) caste, who, even unknowingly, would drink ghee , or water of curd contained in a vessel of a low-caste man, should observe the Prājāpatya vow. He should give many gifts. By offering oblations into the fire according to the proper rite he is purified. For a śūdra there is no fast. He is purified just by giving gifts. Observing a fast day and night he should get himself clean-shaved with the tuft of hair on the crown of the head (removed).
17b-19a. O brāhmaṇa, a man who is beaten by the low-caste ones with sticks etc. should observe (either) the Prājāpatya-vow orthe Cāndrāyaṇa-vow. He should get himself clean-shaved with the tuft of hair on the crown of the head (removed) and should drink the mixture ofthe five products of a cow. Then he should give a couple of cows and offer oblations of food etc. into fire.
19b-23. O brāhmaṇa, if a man takes liquor knowingly or casually in his house, he should be dropped from (i.e. driven out of) the family. A man who destroys cow’s seed or cuts off shoots, or steals gold, should observe Kṛcchra and three Prājāpatya-vows. Having got himself clean-shaved with the tuft of hair on the crown of his head (removed), he should also drink the mixture of the five products of a cow. In the same way he should thrice offer oblations into fire. O ascetic, food and water from him may be accepted. He should eat in the morning for three days without begging. For three days he should not eat. This is the Prājāpatya -vow.
24-29. O sage, he should drink cow’s urine, cow-dung, (cow’s) milk, curd, ghee and water mixed with kuśa for two days and should observe fast for a night. This is said to be Kṛcchra Sāntapana which removes all sins. He should eat one morsel for three days in the morning and in the evening without begging and should fast for three days. This vow is (called) Atikṛcchra. O brāhmaṇa, he should drink hot water, milk and ghee for three days. O sage, he should bathe once (a day). This is said to be Tapta-Kṛcchra. Not taking food for twelve days is known as Parāka Kṛcchra, which removes sin and is well-known. He should increase one morsel everyday in the bright half and reduce one morsel everyday during the dark half. He should not eat when the moon has waned (i.e. on the new-moon day). This is known as the Cāndrāyaṇa-vow. A brāhmaṇa should eat four morsels in the morning, four when the sun has set (i.e. in the evening). This is known as Śiśu -Cāndrāyaṇa.
30. A woman who destroys a pumpkin gourd, should drink the mixture of the five products of a cow for three days and should give five pumpkin gourds along with gold and garments (to a brāhmaṇa). (Then) O ascetic, water and food of (i.e. offered by) her may be accepted.
Complete chapter-aligned witnesses. Sanskrit Wikisource page 43549, revision 335807 (2022-04-15T08:56:16Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365303.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.