Pātāla-khaṇḍa · Chapter 102
Sourceयम उवाच- ततस्तु करुणावार्धिस्तेषां शोकेन पीडितः । भूपतिः श्रीहरेर्दूतान्विनयेनाह वाडव १। ऐश्वर्यस्याभिजात्यस्य गुणानां सुकृतस्य च । संतः फलं हि गण्यंते यद्भीतपरिरक्षणम् २। यद्यस्ति सुकृतं किंचिन्मम तेनैव जंतवः । स्वर्गे गच्छंतु मुक्तौघाः स्थाने तेषां वसाम्यहम् ३। एवं भूपवचः श्रुत्वा तस्य सत्यवतो हि ते । ध्यायंतः सत्यमौदार्यमब्रुवंस्ते वचो नृपम् ४। दूता ऊचु- अनेन तव कारुण्यकर्मणा वचसा नृप । बभूव वृद्धिर्धर्मस्य संचितस्य विशेषतः ५। स्नानं दानं जपो होमस्तपो देवार्चनादिकम् । कृतं यन्माधवे मासि तदनंतफलं विदुः ६। स्वर्गे यज्वा च दाता च क्रीडते त्रिदशैः सह । वापीषु हेमपद्मासु कल्पवृक्षतलेऽपि च ७। गीयमानो मुदं याति गीर्वाणरमणीगणैः । जलान्नदानतो लोकं लभते वारुणं शुभम् ८। कुलानि हेलया सप्त संतारयति गोप्रदः । हयं दत्वा रवेर्लोकं याति विद्याप्रदो नरः ९। ब्रह्मलोकं तथा हेमदानाद्याति सुरालये । यो ददाति तथा कन्यां विष्णुलोकं स गच्छति १०। माधवेमासि यः स्नात्वा दत्वा संपूज्य माधवम् । अवाप्य सकलान्कामान्प्रयाति पदमव्ययम् ११। एकतोऽपि तपो दान क्रतु सुत्यादिकाः क्रियाः । एकतो विधिवन्मासो माधवश्चरितो महान् १२। तस्य माधवमासस्य दिनैकस्यापि भूपते । कृतं यत्सुकृतं तत्ते सर्वदानाधिकं पुरा १३। कारुण्येन दिनैकस्य पुण्यं देहि धरापते । निरये पच्यमानेभ्यो दुःखितेभ्यो दयानिधे १४। न दयासदृशो धर्मो न दयासदृशं तपः । न दयासदृशं दानं न दयासदृशः सखा १५। पुण्यदः पुण्यमाप्नोति नरो लक्षगुणं सदा । कारुण्येन विशेषात्ते धर्मवृद्धिस्ततो भवेत् १६। दुःखितानां हि भूतानां दुःखोद्धर्त्ता नरो हि यः । स एव सुकृती लोके ज्ञेयो नारायणांशजः १७। वैशाखे मासि पूर्णायां स्नानदानादिकं त्वया । यत्तीर्थे विहितं वीर सर्वाघविनिषूदनम् १८। तदेभ्यो देहि विधिवत्कृत्वा साक्ष्ये हरिं प्रभुम् । त्रिवाचिकं च निरयाद्येनामी स्वर्गमाप्नुयुः १९। कपोतार्थं स्वमांसानि कारुण्येन पुरा शिबिः । दत्वा दयानिधिः स्वर्गे राजते कीर्तिवारिधिः २०। दधीचिरपि राजर्षिर्दत्वास्थि च यमात्मनः । त्रैलोक्यकौमुदीं कीर्तिं लब्धवान्स्वर्गमक्षयम् २१। सहस्रजिच्च राजर्षिः प्राणानिष्टान्महायशाः । ब्राह्मणार्थे परित्यज्य गतो लोकाननुत्तमान् २२। न स्वर्गे नापवर्गेऽपि तत्सुखं लभते नरः । यदार्तजंतुनिर्व्वाणदानोत्थमिति नो मतिः २३। सर्वेषु दातृजातेषु पुरा जातोसि भूपते । कर्मणानेन संख्यासु धीर धैर्यं नियोज्य च २४। दृष्ट्वा तवधियं धर्म दया दानं सुनिश्चलम् । अस्माभिरपि तूत्साहः क्रियते धर्म्मवादिभिः २५। यदि ते रोचते राजन्न विलंबतया ततः । तदेभ्यो देहि तत्पुण्यं यातनादुःखदाहकम् २६। इत्युक्तः स तदा देवं कृत्वा साक्ष्ये गदाधरम् । तेभ्यस्त्रिवाचिकं पुण्यं दयावान्विधिना ददौ २७। दत्ते माधवमासस्य तस्मिन्नेकदिनोद्भवे । स्वकृते जंतवो याम्ययातनापरिवर्जिताः २८। विमानवरमारूढाः सर्वे ते त्रिदिवं ययुः । प्रणमंतः स्तुवंतश्च पश्यंतस्तं प्रहर्षिताः २९। नृपेण दत्तं तदवाप्य पुण्यं वैशाखमासैकदिनाभिजातम् । सर्वे ययुस्ते नरकाद्विमुक्ता दिवं विमानाधिगता हि चित्रम् ३०। नूनं विचित्रो भुवि भूतवर्गः संभूतभावो बहुधा विचित्रः । तथा विचित्रोऽखिलकर्मयोगस्तत्कर्मशक्तिप्रचयो विचित्रः ३१। संस्तूयमानो मुनिदेवसंघैर्यस्तद्विशेषाधिकलब्धपुण्यः । परं पदं योगिवरैरलभ्यं ययौ जगन्नाथगणाभिवंद्यः ३२। इति श्रीपद्मपुराणे पातालखंडे वैशाखमासमाहात्म्ये । द्व्युत्तरशततमोऽध्यायः १०२।
yama uvāca- tatastu karuṇāvārdhisteṣāṃ śokena pīḍitaḥ | bhūpatiḥ śrīharerdūtānvinayenāha vāḍava 1| aiśvaryasyābhijātyasya guṇānāṃ sukṛtasya ca | saṃtaḥ phalaṃ hi gaṇyaṃte yadbhītaparirakṣaṇam 2| yadyasti sukṛtaṃ kiṃcinmama tenaiva jaṃtavaḥ | svarge gacchaṃtu muktaughāḥ sthāne teṣāṃ vasāmyaham 3| evaṃ bhūpavacaḥ śrutvā tasya satyavato hi te | dhyāyaṃtaḥ satyamaudāryamabruvaṃste vaco nṛpam 4| dūtā ūcu- anena tava kāruṇyakarmaṇā vacasā nṛpa | babhūva vṛddhirdharmasya saṃcitasya viśeṣataḥ 5| snānaṃ dānaṃ japo homastapo devārcanādikam | kṛtaṃ yanmādhave māsi tadanaṃtaphalaṃ viduḥ 6| svarge yajvā ca dātā ca krīḍate tridaśaiḥ saha | vāpīṣu hemapadmāsu kalpavṛkṣatale'pi ca 7| gīyamāno mudaṃ yāti gīrvāṇaramaṇīgaṇaiḥ | jalānnadānato lokaṃ labhate vāruṇaṃ śubham 8| kulāni helayā sapta saṃtārayati gopradaḥ | hayaṃ datvā raverlokaṃ yāti vidyāprado naraḥ 9| brahmalokaṃ tathā hemadānādyāti surālaye | yo dadāti tathā kanyāṃ viṣṇulokaṃ sa gacchati 10| mādhavemāsi yaḥ snātvā datvā saṃpūjya mādhavam | avāpya sakalānkāmānprayāti padamavyayam 11| ekato'pi tapo dāna kratu sutyādikāḥ kriyāḥ | ekato vidhivanmāso mādhavaścarito mahān 12| tasya mādhavamāsasya dinaikasyāpi bhūpate | kṛtaṃ yatsukṛtaṃ tatte sarvadānādhikaṃ purā 13| kāruṇyena dinaikasya puṇyaṃ dehi dharāpate | niraye pacyamānebhyo duḥkhitebhyo dayānidhe 14| na dayāsadṛśo dharmo na dayāsadṛśaṃ tapaḥ | na dayāsadṛśaṃ dānaṃ na dayāsadṛśaḥ sakhā 15| puṇyadaḥ puṇyamāpnoti naro lakṣaguṇaṃ sadā | kāruṇyena viśeṣātte dharmavṛddhistato bhavet 16| duḥkhitānāṃ hi bhūtānāṃ duḥkhoddharttā naro hi yaḥ | sa eva sukṛtī loke jñeyo nārāyaṇāṃśajaḥ 17| vaiśākhe māsi pūrṇāyāṃ snānadānādikaṃ tvayā | yattīrthe vihitaṃ vīra sarvāghaviniṣūdanam 18| tadebhyo dehi vidhivatkṛtvā sākṣye hariṃ prabhum | trivācikaṃ ca nirayādyenāmī svargamāpnuyuḥ 19| kapotārthaṃ svamāṃsāni kāruṇyena purā śibiḥ | datvā dayānidhiḥ svarge rājate kīrtivāridhiḥ 20| dadhīcirapi rājarṣirdatvāsthi ca yamātmanaḥ | trailokyakaumudīṃ kīrtiṃ labdhavānsvargamakṣayam 21| sahasrajicca rājarṣiḥ prāṇāniṣṭānmahāyaśāḥ | brāhmaṇārthe parityajya gato lokānanuttamān 22| na svarge nāpavarge'pi tatsukhaṃ labhate naraḥ | yadārtajaṃtunirvvāṇadānotthamiti no matiḥ 23| sarveṣu dātṛjāteṣu purā jātosi bhūpate | karmaṇānena saṃkhyāsu dhīra dhairyaṃ niyojya ca 24| dṛṣṭvā tavadhiyaṃ dharma dayā dānaṃ suniścalam | asmābhirapi tūtsāhaḥ kriyate dharmmavādibhiḥ 25| yadi te rocate rājanna vilaṃbatayā tataḥ | tadebhyo dehi tatpuṇyaṃ yātanāduḥkhadāhakam 26| ityuktaḥ sa tadā devaṃ kṛtvā sākṣye gadādharam | tebhyastrivācikaṃ puṇyaṃ dayāvānvidhinā dadau 27| datte mādhavamāsasya tasminnekadinodbhave | svakṛte jaṃtavo yāmyayātanāparivarjitāḥ 28| vimānavaramārūḍhāḥ sarve te tridivaṃ yayuḥ | praṇamaṃtaḥ stuvaṃtaśca paśyaṃtastaṃ praharṣitāḥ 29| nṛpeṇa dattaṃ tadavāpya puṇyaṃ vaiśākhamāsaikadinābhijātam | sarve yayuste narakādvimuktā divaṃ vimānādhigatā hi citram 30| nūnaṃ vicitro bhuvi bhūtavargaḥ saṃbhūtabhāvo bahudhā vicitraḥ | tathā vicitro'khilakarmayogastatkarmaśaktipracayo vicitraḥ 31| saṃstūyamāno munidevasaṃghairyastadviśeṣādhikalabdhapuṇyaḥ | paraṃ padaṃ yogivarairalabhyaṃ yayau jagannāthagaṇābhivaṃdyaḥ 32| iti śrīpadmapurāṇe pātālakhaṃḍe vaiśākhamāsamāhātmye | dvyuttaraśatatamo'dhyāyaḥ 102|
English translation
Yama said :
1-4. O brāhmaṇa , then the king, the ocean of compassion, afflicted by their grief, spoke politely to Viṣṇu ’s messengers: “The good ones look upon the protection of the frightened one as the fruit of affluence, nobility of birth and meritorious deeds. If I have some religious merit (to my credit) then, by means of that let these beings, free from their sins, go to heaven. I shall live in their place.” Having heard these words of the truthful king, they, thinking of his truthfulness and generosity, said these words to the king:
The messengers said :
5-11. O king, due to this your kind deed and your words, your religious merit, especially the accumulated one, has increased. They know that a bath, gift, muttering, sacrifice, penance, worship of deities etc. which is done in the month of Vaiśākha , gives an inexhaustible fruit. A sacrificer or a donor plays in heaven with the gods in ponds having golden lotuses and at the root of the desire-yielding tree. Being sung by the bevy of divine young beautiful damsels he is delighted. By giving water and food a man obtains the auspicious heaven of Varuṇa . One who gives a cow easily liberates seven (members) of his family. By giving a horse a man goes to the Sun’s heaven. A man who imparts knowledge goes to Brahmā ’s heaven. Similarly by giving gold a man goes to the abode of gods. In the same way, one who gives his daughter (in marriage) goes to Viṣṇu’s world. A man who bathes in the month of Vaisākha, gives gifts after worshipping Viṣṇu, obtains all his desired objects and reaches an immutable place.
12-14. On one side are penance, gifts and rites like sacrifices and extraction of Soma juice, and on the other is the great month of Vaisākha observed properly. O king, the good deed which you formerly did even on one day of the month of Vaiśākha is more than all gifts. O king, O treasure of compassion, give, through pity, your religious merit of a day to the afflicted ones being roasted in the hell.
15-20. There is no virtue like compassion. There is no penance like compassion. There is no gift like compassion. There is no friend like compassion. A man who gives his religious merit (to others) always gets religious merit a lakh times (more); especially due to pity your religious merit would increase. A man who removes the affliction of afflicted beings, is alone blessed in the world; he should be known as born from a portion of Viṣṇu. Give duly, repeating thrice, the religious merit of your bath, gifts etc.—destroying all sins—which you did on the full-moon day of Vaiśākha, to these, by keeping lord Viṣṇu as the witness; by that they would obtain heaven. Śibi , the ocean of fame, gave formerly, through kindness, his flesh for (saving the life of) a pigeon, and the ocean of compassion shines in the heaven.
21. The royal sage Dadhīci also gave the collection of his bones, and obtained glory, the moonlight to the three worlds, and inexhaustible heaven.
22-32. The royal sage Sahasrajit abandoned his dear life for a brāhmaṇa, and he of a great fame went to the best heavens. We think that a man does not get that happiness even in salvation which he gets by offering complete satisfaction to an afflicted being. O king, O wise one, due to this deed you have, employing your courage, become the foremost among donors in the tales (about donors). Seeing (i.e. knowing) your intention, your religious merit, pity and your very firm gift, we also, speaking meritorious things, have made an effort to speak. O king, if you like, then without delay, give your religious merit, burning their torment and affliction, to these.
Thus addressed, the kind one, making the mace-holder (Viṣṇu) the witness, duly gave, repeating thrice, his religious merit to them. All those beings, free from the torments inflicted by Yama , got into an excellent aeroplane, and being delighted and saluting, praising and looking at him, went to heaven, when he gave them the religious merit that he had earned on a day of the month of Vaiśākha. Having accepted the religious merit given by the king, which was earned (just) on a day of the month of Vaiśākha, all of them, freed from hell, got into an aeroplane and went to heaven. This is the wonder. Strange is the host of beings on the earth, and strange in many ways is the devotion arisen in them. In the same way, the path of action is strange; (and) the heap of its powers is strange. He who is being praised by groups of sages, who has got more religious merit due to that particular act, who is being saluted by the attendants of the lord of the world, went to that highest place that cannot be obtained by meditating saints.
Complete chapter-aligned witnesses. Sanskrit Wikisource page 43984, revision 333752 (2022-03-16T02:38:40Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365414.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.