Uttara-khaṇḍa · Chapter 93
Sourceनारद उवाच- नाडीद्वयावशिष्टायां रात्रौ गच्छेज्जलाशयम् । तिलगंधाक्षतैः पुष्पैर्दीपाद्यैः सहितः शुचिः १। मानुषे देवखाते च नद्यां नद्योश्च संगमे । क्रमाद्दशगुणं स्नानं तीर्थेऽनंतफलं स्मृतम् २। विष्णुं स्मृत्वा ततः कुर्यात्संकल्पं सवनस्य तु । तीर्थादिदेवतादिभ्यः क्रमादर्घादि दापयेत् ३। ॐनमः कमलनाभाय नमस्ते जलशायिने । नमस्तेऽस्तु हृषीकेश गृहाणार्घं नमोऽस्तु ते ४। वैकुंठे च प्रयागे च तथा बदरिकाश्रमे । यतो विष्णुर्विचक्रमे त्रेधा स निदधे पदम् ५। अतो देवा मामवंतु यतो विष्णुर्विचक्रमे । तैरेव सहितैः सर्वैर्मुनिदेवसमन्वितैः ६। कार्तिकेऽहं करिष्यामि प्रातःस्नानं सुरोत्तम । प्रीत्यर्थं देवदेवेश दामोदर मया सह ७। ध्यात्वाहं त्वां च देवेश जलेऽस्मिन्स्नातुमुद्यतः । तव प्रसादात्पापं मे दामोदर विनश्यतु ८। नित्यनैमित्तिके कृष्णे कार्तिके पापनाशने । गृहाणार्घ्यं मया दत्तं राधया सहितो हरे ९। व्रतिना कार्तिके मासि स्नातस्य विधिवन्मम । गृहाणार्घ्यं मया दत्तं राधया सहितो हरे १०। स्मृत्वा भागीरथीं विष्णुं शिवं सूर्यं जले विशेत् । नाभिमात्रे जले तिष्ठन्व्रती स्नायाद्यथाविधि ११। तिलामलकचूर्णेन गृही स्नानं समाचरेत् । वनस्थानां यतीनां च तुलसीमूलमृत्तिका १२। सप्तमी दर्श नवमी द्वितीया दशमीषु च । त्रयोदश्यां च न स्नायाद्धात्रीफल तिलैः सह १३। आदौ कुर्यान्मलस्नानं मंत्रस्नानं ततः परम् । स्त्री शूद्राणां न वेदोक्तैर्मंत्रैस्तेषां पुराणजैः १४। स्नान मन्त्राः । त्रिधाभूद्देवकार्याय यः पुरा भक्तिभावतः । स विष्णुः सर्वपापघ्नः पुनातु कृपयात्र माम् १५। विष्णोराज्ञामनुप्राप्य कार्तिकव्रतकारणात् । रक्षंतु देवास्ते सर्वे मां पुनंतु सदैव ते १६। वेदमंत्राः सबीजास्तु सरहस्याः सवीर्यकाः । कश्यपाद्याश्च मुनयो मां पुनंतु सदैव ते १७। गंगाद्याः सरितः सर्वास्तीर्थानि जलदा नदाः । ससप्तसागराः सर्वे मां पुनंतु जलाशयाः १८। पतिव्रतास्त्वदित्याद्या यक्षाः सिद्धाः सपन्नगाः । ओषध्यः पर्वताश्चाशु मां पुनंतु त्रिलोकजाः १९। एभिः स्नात्वा व्रती मंत्रैर्हस्तन्यस्तपवित्रकः । देवर्षीन्मानवपितॄंस्तर्पयेच्च यथाविधि २०। यावंतः कार्तिके मासि वर्तंते पितृतर्पणे । तिलास्तत्संख्यकाब्दानि पितरः स्वर्गवासिनः २१। ततो जलाद्विनिष्क्रम्य शुचिवस्त्रावृतो व्रती । प्रातःकालोदितं कर्म समाप्यार्चेद्धरिं पुनः २२। तीर्थादिदेवान्संस्मृत्य पुनरर्चां प्रदापयेत् । गंधपुष्पफलैर्युक्तो भक्तितत्परमानसः २३। अर्घमंत्रः । व्रतिनः कार्तिके मासि स्नातस्य विधिवन्मम । गृहाणार्घ्यं मया दत्तं दनुजेंद्र निषूदन २४। ततश्च ब्राह्मणान्भक्त्या भोजयेद्वेदपारगान् । गंधपुष्पैः सतांबूलैः प्रणमेच्च पुनः पुनः २५। तीर्थानि दक्षिणे पादे वेदाश्च मुखमाश्रिताः । सर्वांगे संस्थिता देवाः पूजिताः स्युर्द्विजार्चनात् २६। अव्यक्तरूपिणो विष्णोः स्वरूपं ब्राह्मणा भुवि । नावमान्या नो विरोध्याः कदाचिच्छुभमिच्छता २७। तां वै हरिप्रियां देवि तुलसीमर्चयेद्व्रती । प्रदक्षिणनमस्कारान्कुर्यादेकाग्रमानसः २८। देवैस्त्वं निर्मिता पूर्वमर्चितासि मुनीश्वरैः । नमो नमस्ते तुलसि पापं हर हरिप्रिये २९। ततो विष्णुकथां श्रुत्वा पौराणीं स्निग्धमानसः । तं ब्राह्मणं मुनिं विप्रं पूजयेद्भक्तिमान्व्रती ३०। एवं पूर्णविधिं सम्यक्पूर्वोक्तं भक्तिमान्नरः । करोति यः स लभते नारायणसलोकताम् ३१। रोगापहं पापविनाशकृत्परं सद्बुद्धिदं पुत्रधनादिसाधनम् । मुक्तेर्निदानं न हि कार्तिकव्रताद्विष्णुप्रियादन्यतमं हि भूतले ३२। इति श्रीपाद्मे महापुराणे पंचपंचाशत्सहस्रसंहितायामुत्तरखंडे कार्तिकमाहात्म्ये श्रीकृष्णसत्यभामासंवादे स्नानविधिवर्णनोनाम त्रिनवतितमोऽध्यायः ९३।
nārada uvāca- nāḍīdvayāvaśiṣṭāyāṃ rātrau gacchejjalāśayam | tilagaṃdhākṣataiḥ puṣpairdīpādyaiḥ sahitaḥ śuciḥ 1| mānuṣe devakhāte ca nadyāṃ nadyośca saṃgame | kramāddaśaguṇaṃ snānaṃ tīrthe'naṃtaphalaṃ smṛtam 2| viṣṇuṃ smṛtvā tataḥ kuryātsaṃkalpaṃ savanasya tu | tīrthādidevatādibhyaḥ kramādarghādi dāpayet 3| oṃnamaḥ kamalanābhāya namaste jalaśāyine | namaste'stu hṛṣīkeśa gṛhāṇārghaṃ namo'stu te 4| vaikuṃṭhe ca prayāge ca tathā badarikāśrame | yato viṣṇurvicakrame tredhā sa nidadhe padam 5| ato devā māmavaṃtu yato viṣṇurvicakrame | taireva sahitaiḥ sarvairmunidevasamanvitaiḥ 6| kārtike'haṃ kariṣyāmi prātaḥsnānaṃ surottama | prītyarthaṃ devadeveśa dāmodara mayā saha 7| dhyātvāhaṃ tvāṃ ca deveśa jale'sminsnātumudyataḥ | tava prasādātpāpaṃ me dāmodara vinaśyatu 8| nityanaimittike kṛṣṇe kārtike pāpanāśane | gṛhāṇārghyaṃ mayā dattaṃ rādhayā sahito hare 9| vratinā kārtike māsi snātasya vidhivanmama | gṛhāṇārghyaṃ mayā dattaṃ rādhayā sahito hare 10| smṛtvā bhāgīrathīṃ viṣṇuṃ śivaṃ sūryaṃ jale viśet | nābhimātre jale tiṣṭhanvratī snāyādyathāvidhi 11| tilāmalakacūrṇena gṛhī snānaṃ samācaret | vanasthānāṃ yatīnāṃ ca tulasīmūlamṛttikā 12| saptamī darśa navamī dvitīyā daśamīṣu ca | trayodaśyāṃ ca na snāyāddhātrīphala tilaiḥ saha 13| ādau kuryānmalasnānaṃ maṃtrasnānaṃ tataḥ param | strī śūdrāṇāṃ na vedoktairmaṃtraisteṣāṃ purāṇajaiḥ 14| snāna mantrāḥ | tridhābhūddevakāryāya yaḥ purā bhaktibhāvataḥ | sa viṣṇuḥ sarvapāpaghnaḥ punātu kṛpayātra mām 15| viṣṇorājñāmanuprāpya kārtikavratakāraṇāt | rakṣaṃtu devāste sarve māṃ punaṃtu sadaiva te 16| vedamaṃtrāḥ sabījāstu sarahasyāḥ savīryakāḥ | kaśyapādyāśca munayo māṃ punaṃtu sadaiva te 17| gaṃgādyāḥ saritaḥ sarvāstīrthāni jaladā nadāḥ | sasaptasāgarāḥ sarve māṃ punaṃtu jalāśayāḥ 18| pativratāstvadityādyā yakṣāḥ siddhāḥ sapannagāḥ | oṣadhyaḥ parvatāścāśu māṃ punaṃtu trilokajāḥ 19| ebhiḥ snātvā vratī maṃtrairhastanyastapavitrakaḥ | devarṣīnmānavapitṝṃstarpayecca yathāvidhi 20| yāvaṃtaḥ kārtike māsi vartaṃte pitṛtarpaṇe | tilāstatsaṃkhyakābdāni pitaraḥ svargavāsinaḥ 21| tato jalādviniṣkramya śucivastrāvṛto vratī | prātaḥkāloditaṃ karma samāpyārceddhariṃ punaḥ 22| tīrthādidevānsaṃsmṛtya punararcāṃ pradāpayet | gaṃdhapuṣpaphalairyukto bhaktitatparamānasaḥ 23| arghamaṃtraḥ | vratinaḥ kārtike māsi snātasya vidhivanmama | gṛhāṇārghyaṃ mayā dattaṃ danujeṃdra niṣūdana 24| tataśca brāhmaṇānbhaktyā bhojayedvedapāragān | gaṃdhapuṣpaiḥ satāṃbūlaiḥ praṇamecca punaḥ punaḥ 25| tīrthāni dakṣiṇe pāde vedāśca mukhamāśritāḥ | sarvāṃge saṃsthitā devāḥ pūjitāḥ syurdvijārcanāt 26| avyaktarūpiṇo viṣṇoḥ svarūpaṃ brāhmaṇā bhuvi | nāvamānyā no virodhyāḥ kadācicchubhamicchatā 27| tāṃ vai haripriyāṃ devi tulasīmarcayedvratī | pradakṣiṇanamaskārānkuryādekāgramānasaḥ 28| devaistvaṃ nirmitā pūrvamarcitāsi munīśvaraiḥ | namo namaste tulasi pāpaṃ hara haripriye 29| tato viṣṇukathāṃ śrutvā paurāṇīṃ snigdhamānasaḥ | taṃ brāhmaṇaṃ muniṃ vipraṃ pūjayedbhaktimānvratī 30| evaṃ pūrṇavidhiṃ samyakpūrvoktaṃ bhaktimānnaraḥ | karoti yaḥ sa labhate nārāyaṇasalokatām 31| rogāpahaṃ pāpavināśakṛtparaṃ sadbuddhidaṃ putradhanādisādhanam | mukternidānaṃ na hi kārtikavratādviṣṇupriyādanyatamaṃ hi bhūtale 32| iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye śrīkṛṣṇasatyabhāmāsaṃvāde snānavidhivarṇanonāma trinavatitamo'dhyāyaḥ 93|
English translation
Nārada said :
1-10. When the night is left as much as two nāḍikās (i.e. forty-eight minutes), he, being pure (i.e. having purified himself), should (taking) with (him) sesamum-seeds, sandal, sacred rice grains, flowers, lights etc., go to a pond. The bath in an artificial pond, a natural pond, in a river or at a confluence of two rivers, is said to be giving tenfold merit in (the succeeding) order. (A bath taken) at a holy place is said to give unending fruit. Having remembered Viṣṇu , he should take the solemn vow of bathing. He should offer respectful oblations to the holy places, deities etc. in (proper) order. (He should say): “Om, salutation to Kamalanābha. Salutation to him lying in water. Accept (this) respectful offering. Salutation to you. Since Viṣṇu moved in Vaikuṇṭha , Prayāga and Badarikāśrama , he planted his foot in three ways. With all those sages and deities, may gods protect me for this reason that from here Viṣṇu moved on. In Kārtika , to please (you), O best god, Dāmodara , lord of the god of gods, I shall bathe in the morning (everyday). (Be) with me. O lord of gods, O Dāmodara, I am eager to bathe in this water after having reflected on you. May my sin perish due to your grace. O Hari , with Rādhā accept the respectful offering made by me at (the time of) an obligatory or occasional (rite) in the sin-destroying Kārtika in the Kali age. O Hari, with Rādhā accept the respectful offering given by me who observe a vow in the month of Kārtika, of me who have bathed duly.”
11-19. After having remembered Gaṅgā , Viṣṇu, Śiva , the Sun, he should enter the water. He who observes the vow, should, standing in water deep up to the navel, bathe duly. A householder should bathe with (i.e. after applying) the powder of sesamum-seeds and āmalaka . For the hermits and ascetics the clay at the root of Tulasī (is recommended). He should not bathe with (i.e. after applying) āmalaka fruits and sesamum-seeds on the seventh, the new-moon day, the ninth of both (fortnights) and on the tenth day. First he should bathe with dust (i.e. applying clay etc.). Then he should bathe with the (recital of) hymns. For women and śūdras (the bath is) not (recommended) with (the recital of) Vedic hymns, (but only) with the Purāṇic ones. (Now follow) the hymns at the time of bathing: “May Viṣṇu, the destroyer of all sins, who formerly for the mission of the gods divided himself into three due to devotion for them, now protect me compassionately. For this Kārtika vow may all gods having received Viṣṇu’s order, always protect and purify me. May all the Vedic hymns along with their seeds, secrets and power, so also sages like Kaśyapa , always purify me. May all rivers like Gaṅgā, the big rivers giving water, all tanks with the seven seas, purify me. May chaste women like Aditi , yakṣas , siddhas with serpents, herbs, mountains, beings in the three worlds quickly purify me.”
20-32. Having bathed with (the recital ot) these hymns, the observer of the vow, putting a ring of kuśa grass on (the fourth finger of) his hand, should properly offer libations of water to gods, sages, human beings and (his) dead ancestors. Then the observer of the vow, having come out of the water and having covered himself with a pure garment, should, after having finished rites proper for the morning, again worship Viṣṇu. Being diligent and with his mind fixed on him (i.e. Viṣṇu), he should, after remembering the holy places etc. and deities, again offer worship with sandal, flowers and fruits. The prayer at (the time of making) the respectful offering is: “O destroyer of the lord of demons, accept the respectful oblation given by me—(oblation) of me who have properly bathed (in the morning) in the month of Kārtika.” Then devoutly (honouring) the brāh- maṇas who have mastered the Vedas with sandal, flowers and fruits, he should feed them and salute them again and again. By worshipping the brāhmaṇas , the holy places residing in the right foot, the Vedas residing in the mouth, and the deities residing in the entire body, would be worshipped. The brāhmaṇas are the forms of the unmanifest Viṣṇu on the earth. By one desiring (one’s) good they should never be humiliated; they should never be opposed. The observer of the vow should worship Tulasī, dear to Viṣṇu. With a concentrated mind he should go round and salute Tulasī. “O Tulasī, you have been formerly created by gods. You have been worshipped by the best sages. Salutation, obeisance to you, O Tulasī. O you dear to Viṣṇu, remove my sin.” Then the devout observer of the vow, of an affectionate mind, should listen to Viṣṇu’s account (as told) in the Purāṇa , and should honour that brāhmaṇa , the brāhmaṇa sage (who reads or tells the account). A devout man who properly performs the complete rite which is told before, obtains the same world as of Viṣṇu. On the earth there is no vow other than that of Kārtika and dear to Viṣṇu, which removes diseases, which destroys sins, which is great, which gives good thoughts, which is the means of sons, wealth etc., and which is the cause of salvation.
Complete chapter-aligned witnesses. Sanskrit Wikisource page 44665, revision 336524 (2022-04-23T23:30:24Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365672.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.