Bhūmi-khaṇḍa · Chapter 21
Sourceसूत उवाच- एकदा व्यास देवोऽसौ ब्रह्माणं जगतः पतिम् । सुव्रताख्यानकं सर्वं पप्रच्छातीव विस्मितः १। व्यास उवाच- लोकात्मँल्लोकविन्यास देवदेव महाप्रभो । सुव्रतस्याथ चरितं श्रोतुमिच्छामि सांप्रतम् २। ब्रह्मोवाच- पाराशर्यमहाभाग श्रूयतां पुण्यमुत्तमम् । सुव्रतस्य सुविप्रस्य तपश्चर्यासमन्वितम् ३। सुव्रतो नाम मेधावी बाल्यादपि स चिंतयन् । गर्भे नारायणं देवं दृष्टवान्पुरुषोत्तमम् ४। स पूर्वकर्माभ्यासेन हरेर्ध्यानं गतस्तदा । शंखचक्रधरं देवं पद्मनाभं सुपुण्यदम् ५। ध्यायते चिंतयेत्सो हि गीते ज्ञाने प्रपाठने । एवं देवं हरिं ध्यायन्सदैव द्विजसत्तमः ६। क्रीडत्येवं सदा डिंभैः सार्द्धं च बालकोत्तमः । बालकानां स्वकं नाम हरेश्चैव महात्मनः ७। चकार स हि मेधावी पुण्यात्मा पुण्यवत्सलः । समाह्वयति वै मित्रं हरेर्नाम्ना महामतिः ८। भोभोः केशव एह्येहि एहि माधवचक्रधृक् । क्रीडस्व च मया सार्धं त्वमेव पुरुषोत्तम ९। सममेवं प्रगंतव्यमावाभ्यां मधुसूदन । एवमेव समाह्वानं नामभिश्च हरेर्द्विजः १०। क्रीडने पठने हास्ये शयने गीतप्रेक्षणे । याने च ह्यासने ध्याने मंत्रे ज्ञाने सुकर्मसु ११। पश्यत्येवं वदत्येवं जगन्नाथं जनार्दनम् । स ध्यायते तमेकं हि विश्वनाथं महेश्वरम् १२। तृणे काष्ठे च पाषाणे शुष्के सार्द्रे हि केशवम् । पश्यत्येवं स धर्मात्मा गोविंदं कमलेक्षणम् १३। आकाशे भूमिमध्ये तु पर्वतेषु वनेषु च । जले स्थले च पाषाणे जीवेष्वेव महामतिः १४। नृसिंहं पश्यते विप्रः सुव्रतः सुमनासुतः । बालक्रीडां समासाद्य रमत्येवं दिनेदिने १५। गीतैश्च गायते कृष्णं सुरागैर्मधुराक्षरैः । तालैर्लयसमायुक्तैः सुस्वरैर्मूर्च्छनान्वितैः १६। सुव्रत उवाच- ध्यायंति वेदविदुषः सततं सुरारिं यस्यांगमध्ये सकलं हि विश्वम् । योगेश्वरं सकलपापविनाशनं च व्रजामि शरणं मधुसूदनस्य १७। लोकेषु यो हि सकलेष्वनुवर्तते यो लोकाश्च यस्मिन्निवसंति सर्वे । दोषैर्विहीनमखिलैः परमेश्वरं तं तस्यैव पादयुगलं सततं नमामि १८। नारायणं गुणनिधानमनंतवीर्यं वेदांतशुद्धमतयः प्रपठंति नित्यम् । संसारसागरमनंतमगाधदुर्गमुत्तारणार्थमखिलं शरणं प्रपद्ये १९। योगींद्र मानससरोवरराजहंसं शुद्धं प्रभावमखिलं सततं हि यस्य । तस्यैव पादयुगलं विमलं विशालं दीनस्य मेऽसुररिपो कुरु तस्य रक्षाम् २०। ध्यायेऽखिलस्य भुवनं स्वपतिं च देवं दुःखांधकारदलनार्थमिहैव चंद्रम् । लोकस्य पालनकृते परिणीतधर्मं सत्यान्वितं सकललोकगुरुं सुरेशम् २१। गायाम्यहं सुरसगीतकतालमानैः श्रीरंगमेकमनिशं भुवनस्य देवम् । अज्ञाननाशकमलं च दिनेशतुल्यमानंदकंदमखिलं महिमा समेतम् २२। संपूर्णमेवममृतस्यकलानिधानं तं गीतकौशलमनन्यरसैः प्रगाये । युक्तं स्वयोगकरणैः परमार्थदृष्टिं विश्वं स पश्यति चराचरमेव नित्यम् २३। पश्यंति नैव यमिहाथ सुपापलोकास्तं केशवं शरणमेवमुपैति नित्यम् २४। कराभ्यां वाद्यमानस्तु तालं तालसमन्वितम् । गीतेनगायते कृष्णं बालकैः सह मोदते २५। एवं क्रीडारतो नित्यं बालभावेन वै तदा । सुव्रतः सुमनापुत्रो विष्णुध्यानपरायणः २६। क्रीडमानं प्राह माता सुव्रतं चारुलक्षणम् । भोजनं कुरु मे वत्स क्षुधा त्वां परिपीडयेत् २७। तामुवाच पुनः प्राज्ञः सुमना मातरं पुनः । महामृतेन तृप्तोस्मि हरिध्यानरसेन वै २८। भोजनासनमारूढो मिष्टमन्नं प्रपश्यति । इदमन्नं स्वयं विष्णुरात्मा ह्यन्नं समाश्रितः २९। आत्मरूपेण यो विष्णुरनेनान्नेन तृप्यतु । क्षीरसागरसंवासो यस्यैव परिसंस्थितः ३०। जलेनानेन पुण्येन तृप्तिमायातु केशवः । तांबूलचंदनैर्गंधैरेभिः पुष्पैर्मनोहरैः ३१। आत्मस्वरूपेण तृप्तस्तृप्तिमायातु केशवः । शयने याति धर्मात्मा तदा कृष्णं प्रचिंतयेत् ३२। योगनिद्रान्वितं कृष्णं तमहं शरणं गतः । भोजनाच्छादनेष्वेवमासने शयने द्विजः ३३। चिंतयेद्वासुदेवं तं तस्मै सर्वं प्रकल्पयेत् । तारुण्यं प्राप्य धर्मात्मा कामभोगान्विहाय वै ३४। स युक्तः केशवध्याने वैडूर्यपर्वतोत्तमे । यत्र सिद्धेश्वरं लिंगं वैष्णवं पापनाशनम् ३५। रुद्रमोंकारसंज्ञं च ध्यात्वा चैव महेश्वरम् । ब्रह्मणा वर्द्धितं देवं नर्मदादक्षिणे तटे ३६। सिद्धेश्वरं समाश्रित्य तपोभावं व्यचिंतयत् ३७। इति श्रीपद्मपुराणे पंचपंचाशत्सहस्रसंहितायां भूमिखंडे ऐंद्रे सुमनोपाख्याने एकविंशोऽध्यायः २१।
sūta uvāca- ekadā vyāsa devo'sau brahmāṇaṃ jagataḥ patim | suvratākhyānakaṃ sarvaṃ papracchātīva vismitaḥ 1| vyāsa uvāca- lokātma~llokavinyāsa devadeva mahāprabho | suvratasyātha caritaṃ śrotumicchāmi sāṃpratam 2| brahmovāca- pārāśaryamahābhāga śrūyatāṃ puṇyamuttamam | suvratasya suviprasya tapaścaryāsamanvitam 3| suvrato nāma medhāvī bālyādapi sa ciṃtayan | garbhe nārāyaṇaṃ devaṃ dṛṣṭavānpuruṣottamam 4| sa pūrvakarmābhyāsena harerdhyānaṃ gatastadā | śaṃkhacakradharaṃ devaṃ padmanābhaṃ supuṇyadam 5| dhyāyate ciṃtayetso hi gīte jñāne prapāṭhane | evaṃ devaṃ hariṃ dhyāyansadaiva dvijasattamaḥ 6| krīḍatyevaṃ sadā ḍiṃbhaiḥ sārddhaṃ ca bālakottamaḥ | bālakānāṃ svakaṃ nāma hareścaiva mahātmanaḥ 7| cakāra sa hi medhāvī puṇyātmā puṇyavatsalaḥ | samāhvayati vai mitraṃ harernāmnā mahāmatiḥ 8| bhobhoḥ keśava ehyehi ehi mādhavacakradhṛk | krīḍasva ca mayā sārdhaṃ tvameva puruṣottama 9| samamevaṃ pragaṃtavyamāvābhyāṃ madhusūdana | evameva samāhvānaṃ nāmabhiśca harerdvijaḥ 10| krīḍane paṭhane hāsye śayane gītaprekṣaṇe | yāne ca hyāsane dhyāne maṃtre jñāne sukarmasu 11| paśyatyevaṃ vadatyevaṃ jagannāthaṃ janārdanam | sa dhyāyate tamekaṃ hi viśvanāthaṃ maheśvaram 12| tṛṇe kāṣṭhe ca pāṣāṇe śuṣke sārdre hi keśavam | paśyatyevaṃ sa dharmātmā goviṃdaṃ kamalekṣaṇam 13| ākāśe bhūmimadhye tu parvateṣu vaneṣu ca | jale sthale ca pāṣāṇe jīveṣveva mahāmatiḥ 14| nṛsiṃhaṃ paśyate vipraḥ suvrataḥ sumanāsutaḥ | bālakrīḍāṃ samāsādya ramatyevaṃ dinedine 15| gītaiśca gāyate kṛṣṇaṃ surāgairmadhurākṣaraiḥ | tālairlayasamāyuktaiḥ susvarairmūrcchanānvitaiḥ 16| suvrata uvāca- dhyāyaṃti vedaviduṣaḥ satataṃ surāriṃ yasyāṃgamadhye sakalaṃ hi viśvam | yogeśvaraṃ sakalapāpavināśanaṃ ca vrajāmi śaraṇaṃ madhusūdanasya 17| lokeṣu yo hi sakaleṣvanuvartate yo lokāśca yasminnivasaṃti sarve | doṣairvihīnamakhilaiḥ parameśvaraṃ taṃ tasyaiva pādayugalaṃ satataṃ namāmi 18| nārāyaṇaṃ guṇanidhānamanaṃtavīryaṃ vedāṃtaśuddhamatayaḥ prapaṭhaṃti nityam | saṃsārasāgaramanaṃtamagādhadurgamuttāraṇārthamakhilaṃ śaraṇaṃ prapadye 19| yogīṃdra mānasasarovararājahaṃsaṃ śuddhaṃ prabhāvamakhilaṃ satataṃ hi yasya | tasyaiva pādayugalaṃ vimalaṃ viśālaṃ dīnasya me'suraripo kuru tasya rakṣām 20| dhyāye'khilasya bhuvanaṃ svapatiṃ ca devaṃ duḥkhāṃdhakāradalanārthamihaiva caṃdram | lokasya pālanakṛte pariṇītadharmaṃ satyānvitaṃ sakalalokaguruṃ sureśam 21| gāyāmyahaṃ surasagītakatālamānaiḥ śrīraṃgamekamaniśaṃ bhuvanasya devam | ajñānanāśakamalaṃ ca dineśatulyamānaṃdakaṃdamakhilaṃ mahimā sametam 22| saṃpūrṇamevamamṛtasyakalānidhānaṃ taṃ gītakauśalamananyarasaiḥ pragāye | yuktaṃ svayogakaraṇaiḥ paramārthadṛṣṭiṃ viśvaṃ sa paśyati carācarameva nityam 23| paśyaṃti naiva yamihātha supāpalokāstaṃ keśavaṃ śaraṇamevamupaiti nityam 24| karābhyāṃ vādyamānastu tālaṃ tālasamanvitam | gītenagāyate kṛṣṇaṃ bālakaiḥ saha modate 25| evaṃ krīḍārato nityaṃ bālabhāvena vai tadā | suvrataḥ sumanāputro viṣṇudhyānaparāyaṇaḥ 26| krīḍamānaṃ prāha mātā suvrataṃ cārulakṣaṇam | bhojanaṃ kuru me vatsa kṣudhā tvāṃ paripīḍayet 27| tāmuvāca punaḥ prājñaḥ sumanā mātaraṃ punaḥ | mahāmṛtena tṛptosmi haridhyānarasena vai 28| bhojanāsanamārūḍho miṣṭamannaṃ prapaśyati | idamannaṃ svayaṃ viṣṇurātmā hyannaṃ samāśritaḥ 29| ātmarūpeṇa yo viṣṇuranenānnena tṛpyatu | kṣīrasāgarasaṃvāso yasyaiva parisaṃsthitaḥ 30| jalenānena puṇyena tṛptimāyātu keśavaḥ | tāṃbūlacaṃdanairgaṃdhairebhiḥ puṣpairmanoharaiḥ 31| ātmasvarūpeṇa tṛptastṛptimāyātu keśavaḥ | śayane yāti dharmātmā tadā kṛṣṇaṃ praciṃtayet 32| yoganidrānvitaṃ kṛṣṇaṃ tamahaṃ śaraṇaṃ gataḥ | bhojanācchādaneṣvevamāsane śayane dvijaḥ 33| ciṃtayedvāsudevaṃ taṃ tasmai sarvaṃ prakalpayet | tāruṇyaṃ prāpya dharmātmā kāmabhogānvihāya vai 34| sa yuktaḥ keśavadhyāne vaiḍūryaparvatottame | yatra siddheśvaraṃ liṃgaṃ vaiṣṇavaṃ pāpanāśanam 35| rudramoṃkārasaṃjñaṃ ca dhyātvā caiva maheśvaram | brahmaṇā varddhitaṃ devaṃ narmadādakṣiṇe taṭe 36| siddheśvaraṃ samāśritya tapobhāvaṃ vyaciṃtayat 37| iti śrīpadmapurāṇe paṃcapaṃcāśatsahasrasaṃhitāyāṃ bhūmikhaṃḍe aiṃdre sumanopākhyāne ekaviṃśo'dhyāyaḥ 21|
English translation
Sūta said :
1. Once that resplendent Vyāsa , being extremely amazed, asked Brahmā , the lord of the world, (about) the entire account of Savrata.
Vyāsa said :
2. O soul of the worlds, O you in whom the worlds are deposited, O god of gods, O great lord, I now desire to hear the life-account of Suvrata .
Brahmā said :
3. O you noble Pārāśarya (i.e. son of Parāśara ), listen to the meritorious, excellent account, full of practice of penance, of the brāhmaṇa Suvrata.
4-8. The intelligent Suvrata reflected upon Nārāyaṇa (i.e. Viṣṇu ), even from his childhood, (since) he had seen (that) god Puruṣottama Nārāyaṇa while (still) in the womb (of his mother). Due to his having performed (good) deeds (in the) former (birth), he always meditated upon Hari (i.e. Viṣṇu). He meditated and reflected upon that god Padmanābha , holding a conch and a disc and giving great merit, in (i.e. while he sang) songs, (did) study and recitations. Thus the best brāhmaṇa, the excellent boy, always reflecting upon Hari (i.e. Viṣṇu) only, always played with children. The intelligent, pious one, loving merit, named the sons of him, the magnanimous one (i.e. his own sons), after Hari. The very intelligent one called his friend by Hari’s name:
9-16. ‘O Keśava , come, come along; O Mādhava come; O Cakradhṛk (i.e. the disc-holder i.e. Viṣṇu) come; O Puruṣottama, play with me only. O Madhusūdana , we shall go together only.’ In way the brāhmaṇa called (others) by the names of Hari, while playing, reciting, laughing, lying, singing or viewing (something), or in a vehicle, on a seat, while meditating, (reciting) sacred hymns, or comprehending or (doing) good acts. He saw Janardana (i.e. Viṣṇu) the lord of the world only; he talked to only. He the very wise one, meditated upon (i.e. saw) that great lord, the ruler of the world viz. Keśava, Govinda , having lotus-like eyes, in grass, in wood, in a dry or wet (object), and also in the sky, on the ground, on mountains, in forests, in water, on dry land, in a stone or in beings. (Thus) Sumanā ’s son, that brāhmaṇa Suvrata, that religious-minded one, saw Nṛsiṃha (i.e. Viṣṇu) everywhere. Resorting to a child’s sports he thus played everyday; and sang about Kṛṣṇa with songs with good musical modes, couched in sweet words, having beating times, [1] or laya (i.e. times in music), with charming notes of the gamut and melodies.
Suvrata said :
17-24a. Those who know the Vedas always meditate upon him, who is the enemy of demons, in whose body (remains) the entire universe, who is the lord of reflective meditation, and who destroys all sins. I shall seek the shelter of (that) Madhusūdana (i.e. Viṣṇu), who occupies all the worlds, and in whom all the worlds abide. I salute that highest lord free from all faults and I always salute his pair of feet. Those whose minds are purified by the (study of) Vedānta everyday recite (the hymns about) Nārāyaṇa, the treasure of virtues, and of unlimited power. I seek his shelter in order to cross the entire ocean of the worldly existence which is endless, fathomless and difficult to cross. O enemy of demons, protect this poor one viz. me (who am devoted to) the pure and large pair of the feet of who is the royal swan in the Mānasa lake (i.e. the minds) of the best reflecting sages, who is pure and whose entire prowess always (continues). I meditate upon the god, the lord of the entire world, who is the moon (that has come) here only to destroy the darkness in the form of grief, who has led Dharma (i.e. piousness) for the protection of the world, who is endowed with truth, who, the lord of the worlds, is the chief of all the worlds. With charming songs and measuring the beatings of time I constantly meditate upon Śrīraṅga (i.e. Viṣṇu), the lord of the world, destroyer of ignorance, comparable to the sun only, the root ofjoy, and full of all prowess. I sing with unique joy (the praise of) him who alone is full treasure of the portion of nectar, who is endowed with his senses of deep meditation and who has the true perspective. He always observes the mobile and immobile universe. The very sinful people do not at all see to be here.
24b. He (i.e. Suvrata) always sought the shelter of that Keśava.
25. Beating the time with (the clappings of) the hands he sang songs (about) Kṛṣṇa and rejoiced with (other) children.
26. Thus, being a child, Suvrata, Sumanā’s son, intent on meditating upon Viṣṇu, was engaged in sports.
27. His mother said to Suvrata of fine characteristics, (and) playing: “O my boy, have your meal; hunger might oppress you.”
28. The wise Suvrata again said to his mother: “I am satisfied with the great nectar viz. the delight (derived) from the meditation upon Hari.”
29-34a. When he got (i.e. sat) upon the seat (used while taking) meal he saw sweet food. (He reflected:) “This food is Viṣṇu (himself); the soul has resorted to this food. May that Viṣṇu who is (present here) in the form of the soul be gratified with this water in which he dwells due to his remaining in the milky ocean. May Keśava, satisfied with his own form be grati-fied, with tāmbūla , sandal, fragrant substances and these charming flowers.” When the religious-minded one went to bed, he would reflect upon Kṛṣṇa: “I have sought the refuge of that Kṛṣṇa who is endowed with the Yoganidrā (i.e. his sleep at the end of a yuga ).” The brāhmaṇa (Suvrata) would reflect upon that Vāsudeva , while taking meal, while covering himself, on a seat or bed, and would prepare everything for him.
34b-37. When the religious-minded one attained youth, he gave up enjoyment of pleasures and was engaged in meditating upon Keśava on the excellent Vaidūrya mountain, where there is the symbol of Viṣṇu called Siddheśvara and destroyer of sins. He, reflecting upon the great lord called Maheśvara glorified by Brahmā (and situated) on the right bank of Narmada , and having resorted to Siddheśvara, thought of (practising) penance.
[1]: [1] : Rāga, tāla, laya etc. are te^nns used in music. Laya—Time in music. It is of three kinds: druta, madhya and vilambita. Mūrcchanā—The rising of sounds, an intonation, a duly regulated rise and fall of sounds, conducting the air and the harmony through the keys in a pleasing manner, changing the key or passing from one key to another.
Complete chapter-aligned witnesses. Sanskrit Wikisource page 37664, revision 333804 (2022-03-17T01:54:15Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364228.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.