Uttara-khaṇḍa · Chapter 234
Sourceपार्वत्युवाच- भगवञ्छ्रोतुमिच्छामि द्वादश्याश्च विधानकम् । विष्णोः पूजाविधानं च कर्त्तव्यं तत्र वै प्रभो १। एकादश्याः प्रभावं च सर्वपापहरंनृणाम् । आचक्ष्व विस्तरेणैव मयि प्रीत्या महेश्वर २। महादेव उवाच- शृणु देवि प्रवक्ष्यामि द्वादश्याश्च विधानकम् । तस्याः स्मरणमात्रेण संतुष्टः स्याज्जनार्दनः ३। एकादश्यां तु प्राप्तायां समुपोष्येह मानवः । सर्वपापविनिर्मुक्ता यांति विष्णोः परम्पदम् ४। सप्तजन्मार्जितं पाप ज्ञानतोऽज्ञानतः कृतम् । क्षणादेव लयं याति द्वादश्यां हरिपूजनात् ५। अश्वमेधसहस्राणि वाजपेयशतानि च । एकादश्युपवासस्य कलां नार्हंति षोडशीम् ६। धर्म्मदा ह्यर्थदा चैव कामदा मोक्षदा किल । सर्व्वकामदुघा नॄणां द्वादशी वरवर्णिनी ७। एकादशी समं किंचित्पापत्राणं न विद्यते । एकादशीसमंकिचिद्व्रतं नास्ति शुभेक्षणे ८। एकादशीं परित्यज्य यो ह्यन्यद्व्रतमाचरेत् । स करस्थं महाराज्यं त्यक्त्वा भैक्ष्यं तु याचते ९। एकादशेंद्रियैः पापं यत्कृतं भवति प्रिये । एकादश्युपवासेन तत्सर्वं विलयं व्रजेत् १०। रटंतीह पुराणानि भूयोभूयो वरानने । न भोक्तव्यं न भोक्तव्यं संप्राप्ते हरिवासरे ११। अभक्ष्यं सर्वदा प्रोक्तं किं पुनः शुक्लकृष्णयोः । वर्णानामाश्रमाणां च सर्वेषां वरवर्णिनी १२। एकादश्युपवासस्तु कर्त्तव्यो नात्र संशयः । एकादश्यां च प्राप्तायां मातापित्रोर्मृतेऽहनि १३। द्वादश्यां तु प्रदातव्यं नोपवासदिने क्वचित् । गर्हितान्नं न वाश्नंति पितरश्च दिवौकसः १४। एकादश्यां न भोक्तव्यं सुरां वा न पिबेत्क्वचित् । ब्राह्मणं नैव हन्यात्तु सममेतत्त्रयं मतम् १५। तस्मादेकादशीं शुद्धामुपवासं समाचरेत् । अवस्थात्रितये यस्तु यत्नो वाक्कायकर्म्मभिः १६। दशमीमिश्रितां तां तु प्रयत्नेन विवर्ज्जयेत् । अरुणोदयवेलायां दशमीमिश्रिता भवेत् १७। तां त्यक्त्वा द्वादशीं शुद्धामुपोष्येहाविचारयन् । कलायां विद्यमानायां सूर्य्यस्योदयनं प्रति १८। त्रयोदश्यां तथा देवि द्वादशी परिविद्यते । तथा च द्वादशी शुद्धा ह्युपवासे विधीयते १९। अरुणोदयवेलायां कृत्यं सर्वं समाचरेत् । कलायामपि द्वादश्यां पारणं तत्र चोदितम् २०। शुद्धामेकादशीं चापि त्यजेदत्र न संशयः । कलाप्येकादशी यत्र द्वादश्यामुदिते रवौ २१। सर्वामेकादशीं त्यक्त्वा तत्रैवोपवसेद्द्विजः । एवं विधिं विनिश्चित्य समुपोष्यं हरेर्द्दिनम् २२। सायमाद्यंतयोरह्नोः सायंप्रातस्तु मध्यमे । तत्रोपवासं कुर्वीत त्यक्त्वा भुक्तिचतुष्टयम् २३। दशम्यामेकभक्तस्तु नारीसंगमवर्जितः । अवनीतल्पशायी च परेऽहनि वसेच्छुचिः २४। धात्रीफलानुलिप्तांगः स्नानं संध्यां समाचरेत् । उपवासपरो भूत्वा रात्रौ संपूजयेद्धरिम् २५। पाखंडिनं विकर्मस्थं पतितं श्वपचं तथा । नावलोकेन्न संभाषेन्न स्पृशेत्तत्र वैष्णवः २६। अवैष्णवस्तु यो विप्रः स पाषण्डः प्रकीर्तितः । शिखोपवीतत्यागी च विकर्मस्थ इतीरितः २७। महापापोपपापाभ्यां युक्तः पतित उच्यते । अंत्यजः श्वपचः प्रोक्तो वेदैस्तत्र सुनिर्णयः २८। रात्रौ संपूज्य देवेशं जागरं च समाचरेत् । गंधैः पुष्पैस्तथा दीपैर्वस्त्रैराभरणैः शुभैः २९। जपैस्तोत्रैर्नमस्कारैः पूजयेन्निशि भक्तितः । ततः प्रभातसमये तुलसीमिश्रितैर्जलैः ३०। स्नात्वा सम्यग्विधानेन संतर्प्य पितृदेवताः । पूजयेज्जगतामीशं लक्ष्म्या सह जनार्दनम् ३१। कोमलैस्तुलसीपत्रैः पुष्पैश्चैव सुगंधिभिः । दीपान्नीराजयेत्तत्र वारमष्टोत्तरं शतम् ३२। शतपत्रकृतां मालां ताभ्यां सम्यङिनवेदयेत् । धूपं दीपं च नैवेद्यं तांबूलं च समर्प्पयेत् ३३। शर्करासहितं दिव्यं पायसान्नं समर्पयेत् । कर्पूरेण च संयुक्तं तांबूलं च निवेदयेत् ३४। प्रदक्षिणे नमस्कारं कृत्वा भक्त्या समन्वितः । आज्येन जुहुयाद्वह्नौ शतमष्टोत्तरं तथा ३५। प्रत्यृचं पुरुषसूक्तेन लक्ष्मीसूक्तेन पायसम् । ब्राह्मणान्भोजयेद्भक्त्या स्वयं भुंजीतवाग्यतः ३६। पुराणादि प्रपाठेन क्षपयेत्तद्दिनं महत् । क्षितिशायी ब्रह्मचारी तस्यामेव निशि स्वपेत् ३७। एवं संपूज्यमानं स द्वादश्यां कमलापतिः । क्षणात्प्रसन्नो भगवान्सर्वाभीष्टप्रदो ध्रुवम् ३८। इत्येतत्कथितं देवि द्वादशीव्रतमुत्तमम् । किमन्यच्छ्रोतुकामासि तद्वक्तव्यं ब्रवीम्यहम् ३९। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमामहेश्वरसंवादे द्वादशीमाहात्म्यंनाम चतुस्त्रिंशदधिकद्विशततमोऽध्यायः २३४ ।
pārvatyuvāca- bhagavañchrotumicchāmi dvādaśyāśca vidhānakam | viṣṇoḥ pūjāvidhānaṃ ca karttavyaṃ tatra vai prabho 1| ekādaśyāḥ prabhāvaṃ ca sarvapāpaharaṃnṛṇām | ācakṣva vistareṇaiva mayi prītyā maheśvara 2| mahādeva uvāca- śṛṇu devi pravakṣyāmi dvādaśyāśca vidhānakam | tasyāḥ smaraṇamātreṇa saṃtuṣṭaḥ syājjanārdanaḥ 3| ekādaśyāṃ tu prāptāyāṃ samupoṣyeha mānavaḥ | sarvapāpavinirmuktā yāṃti viṣṇoḥ parampadam 4| saptajanmārjitaṃ pāpa jñānato'jñānataḥ kṛtam | kṣaṇādeva layaṃ yāti dvādaśyāṃ haripūjanāt 5| aśvamedhasahasrāṇi vājapeyaśatāni ca | ekādaśyupavāsasya kalāṃ nārhaṃti ṣoḍaśīm 6| dharmmadā hyarthadā caiva kāmadā mokṣadā kila | sarvvakāmadughā nṝṇāṃ dvādaśī varavarṇinī 7| ekādaśī samaṃ kiṃcitpāpatrāṇaṃ na vidyate | ekādaśīsamaṃkicidvrataṃ nāsti śubhekṣaṇe 8| ekādaśīṃ parityajya yo hyanyadvratamācaret | sa karasthaṃ mahārājyaṃ tyaktvā bhaikṣyaṃ tu yācate 9| ekādaśeṃdriyaiḥ pāpaṃ yatkṛtaṃ bhavati priye | ekādaśyupavāsena tatsarvaṃ vilayaṃ vrajet 10| raṭaṃtīha purāṇāni bhūyobhūyo varānane | na bhoktavyaṃ na bhoktavyaṃ saṃprāpte harivāsare 11| abhakṣyaṃ sarvadā proktaṃ kiṃ punaḥ śuklakṛṣṇayoḥ | varṇānāmāśramāṇāṃ ca sarveṣāṃ varavarṇinī 12| ekādaśyupavāsastu karttavyo nātra saṃśayaḥ | ekādaśyāṃ ca prāptāyāṃ mātāpitrormṛte'hani 13| dvādaśyāṃ tu pradātavyaṃ nopavāsadine kvacit | garhitānnaṃ na vāśnaṃti pitaraśca divaukasaḥ 14| ekādaśyāṃ na bhoktavyaṃ surāṃ vā na pibetkvacit | brāhmaṇaṃ naiva hanyāttu samametattrayaṃ matam 15| tasmādekādaśīṃ śuddhāmupavāsaṃ samācaret | avasthātritaye yastu yatno vākkāyakarmmabhiḥ 16| daśamīmiśritāṃ tāṃ tu prayatnena vivarjjayet | aruṇodayavelāyāṃ daśamīmiśritā bhavet 17| tāṃ tyaktvā dvādaśīṃ śuddhāmupoṣyehāvicārayan | kalāyāṃ vidyamānāyāṃ sūryyasyodayanaṃ prati 18| trayodaśyāṃ tathā devi dvādaśī parividyate | tathā ca dvādaśī śuddhā hyupavāse vidhīyate 19| aruṇodayavelāyāṃ kṛtyaṃ sarvaṃ samācaret | kalāyāmapi dvādaśyāṃ pāraṇaṃ tatra coditam 20| śuddhāmekādaśīṃ cāpi tyajedatra na saṃśayaḥ | kalāpyekādaśī yatra dvādaśyāmudite ravau 21| sarvāmekādaśīṃ tyaktvā tatraivopavaseddvijaḥ | evaṃ vidhiṃ viniścitya samupoṣyaṃ harerddinam 22| sāyamādyaṃtayorahnoḥ sāyaṃprātastu madhyame | tatropavāsaṃ kurvīta tyaktvā bhukticatuṣṭayam 23| daśamyāmekabhaktastu nārīsaṃgamavarjitaḥ | avanītalpaśāyī ca pare'hani vasecchuciḥ 24| dhātrīphalānuliptāṃgaḥ snānaṃ saṃdhyāṃ samācaret | upavāsaparo bhūtvā rātrau saṃpūjayeddharim 25| pākhaṃḍinaṃ vikarmasthaṃ patitaṃ śvapacaṃ tathā | nāvalokenna saṃbhāṣenna spṛśettatra vaiṣṇavaḥ 26| avaiṣṇavastu yo vipraḥ sa pāṣaṇḍaḥ prakīrtitaḥ | śikhopavītatyāgī ca vikarmastha itīritaḥ 27| mahāpāpopapāpābhyāṃ yuktaḥ patita ucyate | aṃtyajaḥ śvapacaḥ prokto vedaistatra sunirṇayaḥ 28| rātrau saṃpūjya deveśaṃ jāgaraṃ ca samācaret | gaṃdhaiḥ puṣpaistathā dīpairvastrairābharaṇaiḥ śubhaiḥ 29| japaistotrairnamaskāraiḥ pūjayenniśi bhaktitaḥ | tataḥ prabhātasamaye tulasīmiśritairjalaiḥ 30| snātvā samyagvidhānena saṃtarpya pitṛdevatāḥ | pūjayejjagatāmīśaṃ lakṣmyā saha janārdanam 31| komalaistulasīpatraiḥ puṣpaiścaiva sugaṃdhibhiḥ | dīpānnīrājayettatra vāramaṣṭottaraṃ śatam 32| śatapatrakṛtāṃ mālāṃ tābhyāṃ samyaṅinavedayet | dhūpaṃ dīpaṃ ca naivedyaṃ tāṃbūlaṃ ca samarppayet 33| śarkarāsahitaṃ divyaṃ pāyasānnaṃ samarpayet | karpūreṇa ca saṃyuktaṃ tāṃbūlaṃ ca nivedayet 34| pradakṣiṇe namaskāraṃ kṛtvā bhaktyā samanvitaḥ | ājyena juhuyādvahnau śatamaṣṭottaraṃ tathā 35| pratyṛcaṃ puruṣasūktena lakṣmīsūktena pāyasam | brāhmaṇānbhojayedbhaktyā svayaṃ bhuṃjītavāgyataḥ 36| purāṇādi prapāṭhena kṣapayettaddinaṃ mahat | kṣitiśāyī brahmacārī tasyāmeva niśi svapet 37| evaṃ saṃpūjyamānaṃ sa dvādaśyāṃ kamalāpatiḥ | kṣaṇātprasanno bhagavānsarvābhīṣṭaprado dhruvam 38| ityetatkathitaṃ devi dvādaśīvratamuttamam | kimanyacchrotukāmāsi tadvaktavyaṃ bravīmyaham 39| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde dvādaśīmāhātmyaṃnāma catustriṃśadadhikadviśatatamo'dhyāyaḥ 234 |
English translation
Pārvatī said :
1-2. O lord, I desire to hear about the rule about Dvādaśī , and about (how) the worship of Viṣṇu should be done on that (day). O great lord, due to your love for me (i.e. since you love me), tell me in detail the power of Ekādaśī that removes all sins of men.
Mahādeva said :
3-8. O goddess, listen. I shall tell you the rule about Dvādaśī. Merely by (one’s) remembering it, Viṣṇu would be pleased. Men fasting on Ekādaśī when it has come, are freed from all sins, and reach the highest position of Viṣṇu. By worshipping Viṣṇu on Dvādaśī all the sin (of one) committed knowingly or unknowingly perishes in a moment. Thousands of horse-sacrifices and hundreds of Vājapeya sacrifices do not equal even a sixteenth part af [of?] Ekādaśī-fast. The excellent Dvādaśī (vow) gives merit, wealth, desired objects and salvation also. It fulfils all desires of men. O you of beautiful eyes, there is nothing else that saves (one) from sins like Ekadaśī. There is no other vow like that of Ekādaśī.
9-16. He who, ignoring Ekādaśī, would observe some other vow, asks for begging after abandoning great kingdom which is in his hand . O dear one, all the sin that is committed with the eleven (sensory and motor) organs would perish by means of a fast on the Ekādaśī (day). O you of an excellent face, the Purāṇas repeatedly announce: “One should not eat, one should not eat, when the day of (i.e. sacred to) Viṣṇu has come.” O you of an excellent complexion, there are always certain articles of food prohibited for the castes and stages of life. The more so on the Ekādaśī of the bright half and the dark half (of a month). There is no doubt that the Ekādaśī-fast should be observed. If the anniversary day of the death of one’s mother and father is on the day on which Ekādaśī falls, the presents should be given on the Dvādaśī day, but never on the Ekādaśī day. Dead ancestors and gods do not eat censured food. On an Ekādaśī day one should not eat, should never drink liquor, should not hurt a brāhmaṇa . These three (sins) are said to be equal (in gravity). Therefore, on a pure (i.e. unmixed) Ekādaśī (day), one should observe a fast. In the three conditions, with speech, body and deeds, an effort should be made (for observing a fast).
17-24. Ekādaśī mixed with Daśamī should be carefully avoided. (If Daśamī continues) at the time of dawn (on the Ekādaśī day), it (i.e. the Ekādaśī) would be mixed with Daśamī. Leaving it (i.e. that Ekādaśī day) he should, without (further) thought, observe a fast on the pure (i.e. unmixed) Dvādaśī. O goddess, if a part of Ekādaśī continues at the sunrise on the Trayodaśī day, then Dvādaśī remains on that day also. At dawn he should perform all rites. Even if a part of Dvādaśī is there, breaking the fast (on that day) is recommended. In this case one should ignore even a pure Ekādaśī. There is no doubt about it. Even if a part of the Ekādaśī continues on the Dvādaśī, when the sun has risen, one should ignore the entire Ekādaśī (on the previous day) and observe a fast on that (Dvādaśī) day. Having decided the rite like this, one should observe a fast on the day of (i.e. sacred to) Viṣṇu. Avoiding four meals, one in the evening of the first day, another in the morning of the last (i.e. the third) day, and two on the middle (i.e. the second) day, one should observe a fast. On the Daśamī day he should eat once (only), avoid (sexual) union with his wife, sleep on the ground, and should remain pure on the next day.
25-32. With his body smeared with (the pulp of) the dhātrī -fruit, he should bathe and offer the sandhyā (prayer). Intent on (observing) a fast, he should worship Viṣṇu at night. A devotee of Viṣṇu should not see, talk with or touch a heretic, one doing a prohibited act, a fallen person or a cāṇḍāla . A brāhmaṇa who is not devoted to Viṣṇu is called a heretic. One who has given up the tuft of hair on the crown of the head and the sacred thread is said to be one remaining (i.e. persisting) in (doing) prohibited acts. One having (committed) major and minor sins is said to be fallen. One belonging to the lowest caste is said to be śvapaca . This proper decision is taken by the Vedas . Having worshipped the lord of gods, one should keep awake. With sandal, flowers, lights, garments, ornaments, auspicious mutterings, hymns, salutations, one should devoutly worship (Viṣṇu) at night. Then in the morning having bathed according to the proper rule with water mixed with Tulasī , and having gratified the dead ancestors and deities, one should worship Viṣṇu, the lord of the world along with Lakṣmī , with tender Tulasī-leaves, and fragrant flowers. Then one hundred and eight times he should wave lights (before Viṣṇu’s idol).
33-39. To both of them (i.e. Viṣṇu and Lakṣmī) he should offer a garland made of lotuses. He should also offer them incense, light, articles of food and tāmbūla . One should offer (them) charming food of rice boiled in milk along with sugar, and should offer a tāmbūla with camphor. He should devoutly salute (them) while going round them. One hundred and eight times he should offer oblations into fire with ghee , offering rice boiled in milk with the recital of every ṛc, with (the recital of) the Puruṣa-sūkta and Lakṣmī- sūkta . He should feed the brāhmaṇas , and controlled in speech he himself should also eat. He should pass that great day by the recital of the Purāṇas etc. That night he, observing celibacy, should sleep on the ground. That lord of Kamalā , being thus worshipped on the Dvādaśī day, is pleased in a moment, and the lord certainly gives all desired objects. O goddess, I have thus told you the excellent vow of Dvādaśī. What else do you desire to hear? I shall tell that to you.
Complete chapter-aligned witnesses. Sanskrit Wikisource page 45056, revision 336652 (2022-04-26T00:49:45Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365818.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.