Bhūmi-khaṇḍa · Chapter 92
Sourceकुंजल उवाच- कालंजरं समासाद्य निवसंति सुदुःखिताः । महापापैस्तु संदग्धा हाहाभूता विचेतनाः १। तत्र कश्चित्समायातःसिद्धश्चैव महायशाः । तेन पृष्टाः सुदुःखार्ता भवंतः केन दुःखिताः २। स तैः प्रोक्तो महाप्राज्ञः सर्वज्ञानविशारदः । तेषां ज्ञात्वा महापापं कृपां चक्रे सुपुण्यभाक् ३। सिद्ध उवाच- अमासोमसमायोगे प्रयागः पुष्करश्च यः । अर्घतीर्थं तृतीयं तु वाराणसी चतुर्थका ४। गच्छंतु तत्र वै यूयं चत्वारः पातकाविलाः । गंगांभसि यदा स्नातास्तदा मुक्ता भविष्यथ ५। पातकेभ्यो न संदेहो निर्मलत्वं गमिष्यथ । आदिष्टास्तेन वै सर्वे प्रणेमुस्तं प्रयत्नतः ६। कालंजरात्ततो जग्मुः सत्वरं पापपीडिताः । वाराणसीं समासाद्य स्नात्वा चै वद्विजोत्तमाः ७। प्रयागं पुष्करं चैव अर्घतीर्थं तु सत्तम । अमासोमं सुसंप्राप्य जग्मुस्ते च महापुरीम् ८। विदुरश्चंद्रशर्मा च वेदशर्मा तृतीयकः । वैश्यो वंजुलकश्चैव सुरापः पापचेतनः ९। तस्मिन्पर्वणि संप्राप्ते स्नाता गंगांभसि द्विज । स्नानमात्रेण मुक्तास्तु गोवधाद्यैश्च किल्बिषैः १०। ब्रह्महत्या गुरुहत्या सुरापानादि पातकैः । लिप्तानि तानि तीर्थानि परिभ्रमंति मेदिनीम् ११। पुष्करो अर्धतीर्थस्तु प्रयागः पापनाशनः । वाराणसी चतुर्थी तु लिप्ता पापैर्द्विजोत्तम १२। कृष्णत्वं पेदिरे सर्वे हंसरूपेण बभ्रमुः । सर्वेष्वेव सुतीर्थेषु स्नानं चक्रुर्द्विजोत्तमाः १३। कृष्णत्वं नैव गच्छेत तेषां पापेन चागतम् । सुतीर्थेषु महाराज स्नाताः सर्वेषु वै पुनः १४। यं यं तीर्थं प्रयांत्येते सर्वे तीर्था द्विजोत्तम । हंसरूपेण वै यांति तैः सार्द्धं तु सुदुःखिताः १५। भार्याः पातकरूपाश्च भ्रमंति परितस्तथा । अष्टषष्टिसु तीर्थानि हंसरूपेण बभ्रमुः १६। तैः सार्द्धं सु महाराज महातीर्थैः समं पुनः । मानसं चागतास्ते च पातकाकुलमानसाः १७। तत्र स्नाता महाराज न जहाति च पातकः । लज्जयाविष्टमनसा मानसो हंसरूपधृक् १८। संजातः कृष्णकायस्तु यं त्वं वै दृष्टवान्पुरा । रेवातीरं ततो जग्मुरुत्तरं पापनाशनम् १९। कुब्जायाः संगमे ते तु सुरसिद्धनिषेविते । स्नानमात्रेण मुक्तास्ते पापेभ्यो द्विजसत्तम २०। विहाय वर्णमेवैतं सुकृतं प्रतिजग्मिरे । यं यं तीर्थं प्रयांत्येते हंसाः स्नानं प्रचक्रमुः २१। जहसुस्ताः स्त्रियो दृष्ट्वा पातकं नैव गच्छति । तोयानलेन कुब्जायाः पातकं वरमेव च २२। भस्मावशेषं संजातं तदा मृतास्तु ताः स्त्रियः । ब्रह्महत्या गुरोर्हत्या सुरापानागमागमाः २३। भस्मीभूतास्तु संजाता रेवायाः कुब्जया हताः । तास्तु हता महाभाग या मृतास्तु सरित्तटे २४। अष्टषष्टि सुतीर्थानां हंसरूपेण तानि तु । सार्द्धं हंसः समायातो विद्धि तं त्वं तु मानसम् २५। चत्वारः कृष्णहंसाश्च तेषां नामानि मे शृणु । प्रयागः पुष्करश्चैव अर्घतीर्थमनुत्तमम् २६। वाराणसी चतुर्थी च चत्वारः पापनाशनाः । ब्रह्महत्याभिभूतानि चत्वारि परिबभ्रमुः २७। तीर्थान्येतानि दुःखेन तीर्थेषु च महामते । न गतं पातकं घोरं तेषां तु भ्रमतां सुत २८। कुब्जायाः संगमे शुद्धा विमुक्ताः किल्बिषात्किल । तीर्थानामेव सर्वेषां पुण्यानामिह संमतः २९। राजा प्रयागः संजात इंद्रस्य पुरतः किल । तावद्गर्जंतु तीर्थानि यावद्रेवा न दृश्यते ३०। ब्रह्महत्यादि पापानां विनाशाय प्रतिष्ठिता । कपिलासंगमे पुण्ये रेवायाः संगमे तथा ३१। मेघनादसमायोगे तथा चैवोरुसंगमे । महापुण्या महाधन्या रेवा सर्वत्रदुर्लभा ३२। सा च ॐकारे भृगुक्षेत्रे नर्मदाकुब्जसंगमे । दुःप्राप्या मानवै रेवा माहिष्मत्यां सुरोत्तमैः ३३। विटंकासंगमे पुण्या श्रीकंठे मंगलेश्वरे । सर्वत्र दुर्लभा रेवा सुरपुण्यसमाकुला ३४। तीर्थमाता महादेवी अघराशिविनाशिनी । उभयोः कूलयोर्मध्ये यत्र तत्र सुखी नरः ३५। अश्वमेधफलं भुंक्ते स्नानेनैकेन मानवः । एतत्ते सर्वमाख्यातं यत्त्वया परिपृच्छितम् ३६। सर्वपापापहं पुण्यं गतिदं चापिशृण्वताम् । एवमुक्त्वा महाप्राज्ञ तृतीयं पुत्रमब्रवीत् ३७। इति श्रीपद्मपुराणे भूमिखंडे वेनोपाख्याने गुरुतीर्थे च्यवनचरित्रे द्विनवतितमोऽध्यायः ९२।
kuṃjala uvāca- kālaṃjaraṃ samāsādya nivasaṃti suduḥkhitāḥ | mahāpāpaistu saṃdagdhā hāhābhūtā vicetanāḥ 1| tatra kaścitsamāyātaḥsiddhaścaiva mahāyaśāḥ | tena pṛṣṭāḥ suduḥkhārtā bhavaṃtaḥ kena duḥkhitāḥ 2| sa taiḥ prokto mahāprājñaḥ sarvajñānaviśāradaḥ | teṣāṃ jñātvā mahāpāpaṃ kṛpāṃ cakre supuṇyabhāk 3| siddha uvāca- amāsomasamāyoge prayāgaḥ puṣkaraśca yaḥ | arghatīrthaṃ tṛtīyaṃ tu vārāṇasī caturthakā 4| gacchaṃtu tatra vai yūyaṃ catvāraḥ pātakāvilāḥ | gaṃgāṃbhasi yadā snātāstadā muktā bhaviṣyatha 5| pātakebhyo na saṃdeho nirmalatvaṃ gamiṣyatha | ādiṣṭāstena vai sarve praṇemustaṃ prayatnataḥ 6| kālaṃjarāttato jagmuḥ satvaraṃ pāpapīḍitāḥ | vārāṇasīṃ samāsādya snātvā cai vadvijottamāḥ 7| prayāgaṃ puṣkaraṃ caiva arghatīrthaṃ tu sattama | amāsomaṃ susaṃprāpya jagmuste ca mahāpurīm 8| viduraścaṃdraśarmā ca vedaśarmā tṛtīyakaḥ | vaiśyo vaṃjulakaścaiva surāpaḥ pāpacetanaḥ 9| tasminparvaṇi saṃprāpte snātā gaṃgāṃbhasi dvija | snānamātreṇa muktāstu govadhādyaiśca kilbiṣaiḥ 10| brahmahatyā guruhatyā surāpānādi pātakaiḥ | liptāni tāni tīrthāni paribhramaṃti medinīm 11| puṣkaro ardhatīrthastu prayāgaḥ pāpanāśanaḥ | vārāṇasī caturthī tu liptā pāpairdvijottama 12| kṛṣṇatvaṃ pedire sarve haṃsarūpeṇa babhramuḥ | sarveṣveva sutīrtheṣu snānaṃ cakrurdvijottamāḥ 13| kṛṣṇatvaṃ naiva gaccheta teṣāṃ pāpena cāgatam | sutīrtheṣu mahārāja snātāḥ sarveṣu vai punaḥ 14| yaṃ yaṃ tīrthaṃ prayāṃtyete sarve tīrthā dvijottama | haṃsarūpeṇa vai yāṃti taiḥ sārddhaṃ tu suduḥkhitāḥ 15| bhāryāḥ pātakarūpāśca bhramaṃti paritastathā | aṣṭaṣaṣṭisu tīrthāni haṃsarūpeṇa babhramuḥ 16| taiḥ sārddhaṃ su mahārāja mahātīrthaiḥ samaṃ punaḥ | mānasaṃ cāgatāste ca pātakākulamānasāḥ 17| tatra snātā mahārāja na jahāti ca pātakaḥ | lajjayāviṣṭamanasā mānaso haṃsarūpadhṛk 18| saṃjātaḥ kṛṣṇakāyastu yaṃ tvaṃ vai dṛṣṭavānpurā | revātīraṃ tato jagmuruttaraṃ pāpanāśanam 19| kubjāyāḥ saṃgame te tu surasiddhaniṣevite | snānamātreṇa muktāste pāpebhyo dvijasattama 20| vihāya varṇamevaitaṃ sukṛtaṃ pratijagmire | yaṃ yaṃ tīrthaṃ prayāṃtyete haṃsāḥ snānaṃ pracakramuḥ 21| jahasustāḥ striyo dṛṣṭvā pātakaṃ naiva gacchati | toyānalena kubjāyāḥ pātakaṃ varameva ca 22| bhasmāvaśeṣaṃ saṃjātaṃ tadā mṛtāstu tāḥ striyaḥ | brahmahatyā gurorhatyā surāpānāgamāgamāḥ 23| bhasmībhūtāstu saṃjātā revāyāḥ kubjayā hatāḥ | tāstu hatā mahābhāga yā mṛtāstu sarittaṭe 24| aṣṭaṣaṣṭi sutīrthānāṃ haṃsarūpeṇa tāni tu | sārddhaṃ haṃsaḥ samāyāto viddhi taṃ tvaṃ tu mānasam 25| catvāraḥ kṛṣṇahaṃsāśca teṣāṃ nāmāni me śṛṇu | prayāgaḥ puṣkaraścaiva arghatīrthamanuttamam 26| vārāṇasī caturthī ca catvāraḥ pāpanāśanāḥ | brahmahatyābhibhūtāni catvāri paribabhramuḥ 27| tīrthānyetāni duḥkhena tīrtheṣu ca mahāmate | na gataṃ pātakaṃ ghoraṃ teṣāṃ tu bhramatāṃ suta 28| kubjāyāḥ saṃgame śuddhā vimuktāḥ kilbiṣātkila | tīrthānāmeva sarveṣāṃ puṇyānāmiha saṃmataḥ 29| rājā prayāgaḥ saṃjāta iṃdrasya purataḥ kila | tāvadgarjaṃtu tīrthāni yāvadrevā na dṛśyate 30| brahmahatyādi pāpānāṃ vināśāya pratiṣṭhitā | kapilāsaṃgame puṇye revāyāḥ saṃgame tathā 31| meghanādasamāyoge tathā caivorusaṃgame | mahāpuṇyā mahādhanyā revā sarvatradurlabhā 32| sā ca oṃkāre bhṛgukṣetre narmadākubjasaṃgame | duḥprāpyā mānavai revā māhiṣmatyāṃ surottamaiḥ 33| viṭaṃkāsaṃgame puṇyā śrīkaṃṭhe maṃgaleśvare | sarvatra durlabhā revā surapuṇyasamākulā 34| tīrthamātā mahādevī agharāśivināśinī | ubhayoḥ kūlayormadhye yatra tatra sukhī naraḥ 35| aśvamedhaphalaṃ bhuṃkte snānenaikena mānavaḥ | etatte sarvamākhyātaṃ yattvayā paripṛcchitam 36| sarvapāpāpahaṃ puṇyaṃ gatidaṃ cāpiśṛṇvatām | evamuktvā mahāprājña tṛtīyaṃ putramabravīt 37| iti śrīpadmapurāṇe bhūmikhaṃḍe venopākhyāne gurutīrthe cyavanacaritre dvinavatitamo'dhyāyaḥ 92|
English translation
Kuñjala said :
1-3. Reaching Kālañjara (the four) very much afflicted, tormented by great sins, lamenting and senseless lived there; and there came a very glorious siddha . He asked them who were afflicted with great grief: “For what reason are you unhappy?” He the very wise one, and proficient in all (branches of) knowledge was told by them (the cause of their grief). The very meritorious one having known their great sin, showed compassion to them.
The siddha said :
4-36a. On the occasion of the new moon day falling on Monday, you four, impure with sins, should go to Prayāga , Puṣkara , Arghatīrtha, being the third, and Vārāṇasī , the fourth one. You will be free from sins when you will have bathed in the water of the Ganges . There is no doubt that you will attain purity.
All of them, instructed by him, carefully saluted him, (and) tormented by sins, quickly went from Kālañjara. The best twice-born ones— Vidura , Candraśarman, Vedśarman as the third, the drunkard and wicked-hearted vaiśya (named) Vañjūlaka, having reached Vārāṇasī, O you best one, then to Prayāga, Puṣkara, and Arghatīrtha, when the new moon day fell on a Monday, went to the great city. When that auspicious day came they bathed in the water of the Ganges. Just by bathing (in the water of the Ganges) they became free from the sins like the murder of a cow. Those Holy Places, polluted with sins like the murder of a brāhmaṇa , of a preceptor, and of drinking liquor, roamed over the earth. O best brāhmaṇa, Puṣkara, Arghatīrtha, Prayāga—the destroyer of sins, and Vārāṇasī as the fourth, were polluted with sins. All became black, and roamed in the form of swans. The best brāhmaṇas bathed at all holy places. Their blackness that had come to them through sin would not leave (them, though), O king, they again and again bathed at very holy places. O best brāhmaṇa, whichever holy places they, in the form of swans, visited, all of them, being very much afflicted went with them. Women of the form of sins roamed around them. In the form of swans they went to sixty-eight very holy places. O great king, they (i.e. Vidura and others), with their minds full of sins, again came to the Manasa (lake) along with the very Holy Places. O great king, there they bathed, but the major sin did not leave them. The Mānasa (lake), with its mind full of the sense of shame, and having taken the form of a swan, became black-bodied—whom you have seen before. Then they went to the northern bank of Revā which destroys sins. O best brāhmaṇa, they became free from sins just by (taking) a bath at the confluence of (Revā and Kubjā ), which was resorted to by gods and siddhas . Having given up that (dark) complexion, they obtained merit. Whichever sacred place the swans had gone to, and had bathed at, women seeing them, laughed (at them); and the sin did not leave them at all, (but) by the fire in the form of the water of Kubjā even the greatest sin was reduced to ashes; and those women died. The sins of the murder of a brāhmaṇa, of a preceptor, that of drinking liquor and of illicit intercourse were reduced to ashes, destroyed by (the confluence of) Kubjā with Revā. Those that died on the bank of the river, were, O noble one, gone. Know that swan to be Mānasa (lake) which accompanied the sixty-eight very holy places (moving) in the form of swans. Hear from me the names of the four black swans: Prayāga, Puṣkara, the excellent Arghatīrtha, and Vārāṇasī as the fourth one. All the four destroy sins. These four Holy Places, overcome with (the sin of) the murder of brāhmaṇas, went sadly to holy places, O you highly intelligent one. O son, the terrible sin of them, who were (thus) wandering, did not go away. They were indeed purified at the confluence of Kubjā (with Revā), and were freed from their sins. It is said that in front of Indra Prayāga became the king of all the meritorious holy places, (as he was) approved of by them. Let (other) holy places roar as long as the Revā is not seen as destroying sins like the murder of a brāhmaṇa. Revā is greatly meritorious and very blessed at the conjunction with Meghanāda and the big confluence; Revā is not obtainable everywhere. She is difficult to be reached by men at Oṃkāra , Bhṛgukṣetra , and at her confluence with Narmadā and Kubjā, and by best gods at Māhiṣmatī . She is meritorious at her confluence with Viṭaṅkā, at Śrīkaṇṭha and Maṅgaleśvara . Revā, full of the merit of gods is not obtainable everywhere. A man is happy there, where (Revā) the mother of holy places, the great goddess and the destroyer of heaps of sins (flows) between the two banks. A man obtains the fruit of the horse-sacrifice by just one bath (in Revā).
36b-37. I have told you all this that you asked for, and that removes all sins, that is holy, giving salvation to those who listen to it.
Having spoken thus the very intelligent ( Kuñjala ) spoke to his third son.
Complete chapter-aligned witnesses. Sanskrit Wikisource page 43132, revision 335588 (2022-04-11T11:17:47Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365185.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.