Bhūmi-khaṇḍa · Chapter 71
Sourceययातिरुवाच- यत्त्वया सर्वमाख्यातं धर्माधर्ममनुत्तमम् । शृण्वतोऽथ मम श्रद्धा पुनरेव प्रवर्तते १। देवानां लोकसंस्थानां वद संख्याः प्रकीर्तिताः । यस्य पुण्यप्रसंगेन येन प्राप्तं च मातले २। मातलिरुवाच- योगयुक्तं प्रवक्ष्यामि तपसा यदुपार्जितम् । देवानां लोकसंस्थानं सुखभोगप्रदायकम् ३। धर्मभावं प्रवक्ष्यामि आयासैरर्जितं पृथक् । उपरिष्टाच्च लोकानां स्वरूपं चाप्यनुक्रमात् ४। तत्राष्टगुणमैश्वर्यं पार्थिवं पिशिताशिनाम् । तस्मात्सद्यो गतानां च नराणां तत्समं स्मृतम् ५। रक्षसां षोडशगुणं पार्थिवानां च तद्विधम् । एवं निरवशेषं च यच्छेषं कुलतेजसाम् ६। गंधर्वाणां च वायव्यं याक्षं च सकलं स्मृतम् । पांचभौतिकमिंद्रस्य चत्वारिंशद्गुणं महत् ७। सोमस्य मानसं दिव्यं विश्वेशं पांचभौतिकम् । सौम्यं प्रजापतीशानामहंकारगुणाधिकम् ८। चतुष्षष्टिगुणं ब्राह्मं बौधमैश्वर्यमुत्तमम् । विष्णोः प्राधानिकं तंत्रमैश्वर्यं ब्रह्मणः पदम् ९। श्रीमच्छिवपुरे दिव्ये ऐश्वर्यं सर्वकामिकम् । अनंतगुणमैश्वर्यं शिवस्यात्मगुणं महत् १०। आदिमध्यांतरहितं विशुद्धं तत्त्वलक्षणम् । सर्वावभासकं सूक्ष्ममनौपम्यं परात्परम् ११। सुसंपूर्णं जगद्वेषं पशुपाशाविमोक्षणम् । यो यत्स्थानमनुप्राप्तस्तस्य भोगस्तदात्मकः १२। विमानं तत्समानं च भवेदीशप्रसादतः । नानारूपाणि ताराणां दृश्यंते कोटयस्त्विमा १३। अष्टविंशतिरेवं ते संदीप्ताः सुकृतात्मनाम् । ये कुर्वंति नमस्कारमीश्वराय क्वचित्क्वचित् १४। संपर्कात्कौतुकाल्लोभात्तद्विमानं लभंति ते । नामसंकीर्तनाद्वापि प्रसंगेन शिवस्य यः १५। कुर्याद्वापि नमस्कारं न तस्य विलयो भवेत् । इत्येता गतयस्तत्र महत्यः शिवकर्मणि १६। कर्मणाभ्यंतरेणापि पुंसामीशानभावतः । प्रसंगेनापि ये कुर्युः शंकरस्मरणं नराः १७। तैर्लभ्यं त्वतुलं सौख्यं किं पुनस्तत्परायणैः । विष्णुचिंतां प्रकुर्वंति ध्यानेन गतमानसाः १८। ते यांति परमं स्थानं तद्विष्णोः परमं पदम् । शैवं च वैष्णवं रूपमेकरूपं नरोत्तम १९। द्वयोश्च अंतरं नास्ति एकरूपमहात्मनोः । शिवाय विष्णुरूपाय शिवरूपाय विष्णवे २०। शिवस्य हृदयं विष्णुर्विष्णोश्च हृदयं शिवः । एकमूर्तिस्त्रयो देवा ब्रह्मविष्णुमहेश्वराः २१। त्रयाणामंतरं नास्ति गुणभेदाः प्रकीर्तिताः । शिवभक्तोसि राजेंद्र तथा भागवतोसि वै २२। तेन देवाः प्रसन्नास्ते ब्रह्मविष्णुमहेश्वराः । सुप्रीता वरदा राजन्कर्मणस्तव सुव्रत २३। इंद्रादेशात्समायातः सन्निधौ तव मानद । ऐंद्रमेनं पदं याहि पश्चाद्ब्राह्मं महेश्वरम् २४। वैष्णवं च प्रयाहि त्वं दाहप्रलयवर्जितम् । अनेनापि विमानेन दिव्येन सर्वगामिना २५। दिव्यमूर्तिरतो भुंक्ष्व दिव्यभोगान्मनोरमान् । समारुह्य विमानं त्वं पुष्पकं सुखगामिनम् २६। सुकर्मोवाच- एवमुक्त्वा द्विजश्रेष्ठ मौनवान्मातलिस्तदा । राजानं धर्मतत्त्वज्ञं ययातिं नहुषात्मजम् २७। इति श्रीपद्मपुराणे भूमिखंडे वेनोपाख्याने मातापितृतीर्थवर्णने ययातिचरित्रे एकसप्ततितमोऽध्यायः ७१।
yayātiruvāca- yattvayā sarvamākhyātaṃ dharmādharmamanuttamam | śṛṇvato'tha mama śraddhā punareva pravartate 1| devānāṃ lokasaṃsthānāṃ vada saṃkhyāḥ prakīrtitāḥ | yasya puṇyaprasaṃgena yena prāptaṃ ca mātale 2| mātaliruvāca- yogayuktaṃ pravakṣyāmi tapasā yadupārjitam | devānāṃ lokasaṃsthānaṃ sukhabhogapradāyakam 3| dharmabhāvaṃ pravakṣyāmi āyāsairarjitaṃ pṛthak | upariṣṭācca lokānāṃ svarūpaṃ cāpyanukramāt 4| tatrāṣṭaguṇamaiśvaryaṃ pārthivaṃ piśitāśinām | tasmātsadyo gatānāṃ ca narāṇāṃ tatsamaṃ smṛtam 5| rakṣasāṃ ṣoḍaśaguṇaṃ pārthivānāṃ ca tadvidham | evaṃ niravaśeṣaṃ ca yaccheṣaṃ kulatejasām 6| gaṃdharvāṇāṃ ca vāyavyaṃ yākṣaṃ ca sakalaṃ smṛtam | pāṃcabhautikamiṃdrasya catvāriṃśadguṇaṃ mahat 7| somasya mānasaṃ divyaṃ viśveśaṃ pāṃcabhautikam | saumyaṃ prajāpatīśānāmahaṃkāraguṇādhikam 8| catuṣṣaṣṭiguṇaṃ brāhmaṃ baudhamaiśvaryamuttamam | viṣṇoḥ prādhānikaṃ taṃtramaiśvaryaṃ brahmaṇaḥ padam 9| śrīmacchivapure divye aiśvaryaṃ sarvakāmikam | anaṃtaguṇamaiśvaryaṃ śivasyātmaguṇaṃ mahat 10| ādimadhyāṃtarahitaṃ viśuddhaṃ tattvalakṣaṇam | sarvāvabhāsakaṃ sūkṣmamanaupamyaṃ parātparam 11| susaṃpūrṇaṃ jagadveṣaṃ paśupāśāvimokṣaṇam | yo yatsthānamanuprāptastasya bhogastadātmakaḥ 12| vimānaṃ tatsamānaṃ ca bhavedīśaprasādataḥ | nānārūpāṇi tārāṇāṃ dṛśyaṃte koṭayastvimā 13| aṣṭaviṃśatirevaṃ te saṃdīptāḥ sukṛtātmanām | ye kurvaṃti namaskāramīśvarāya kvacitkvacit 14| saṃparkātkautukāllobhāttadvimānaṃ labhaṃti te | nāmasaṃkīrtanādvāpi prasaṃgena śivasya yaḥ 15| kuryādvāpi namaskāraṃ na tasya vilayo bhavet | ityetā gatayastatra mahatyaḥ śivakarmaṇi 16| karmaṇābhyaṃtareṇāpi puṃsāmīśānabhāvataḥ | prasaṃgenāpi ye kuryuḥ śaṃkarasmaraṇaṃ narāḥ 17| tairlabhyaṃ tvatulaṃ saukhyaṃ kiṃ punastatparāyaṇaiḥ | viṣṇuciṃtāṃ prakurvaṃti dhyānena gatamānasāḥ 18| te yāṃti paramaṃ sthānaṃ tadviṣṇoḥ paramaṃ padam | śaivaṃ ca vaiṣṇavaṃ rūpamekarūpaṃ narottama 19| dvayośca aṃtaraṃ nāsti ekarūpamahātmanoḥ | śivāya viṣṇurūpāya śivarūpāya viṣṇave 20| śivasya hṛdayaṃ viṣṇurviṣṇośca hṛdayaṃ śivaḥ | ekamūrtistrayo devā brahmaviṣṇumaheśvarāḥ 21| trayāṇāmaṃtaraṃ nāsti guṇabhedāḥ prakīrtitāḥ | śivabhaktosi rājeṃdra tathā bhāgavatosi vai 22| tena devāḥ prasannāste brahmaviṣṇumaheśvarāḥ | suprītā varadā rājankarmaṇastava suvrata 23| iṃdrādeśātsamāyātaḥ sannidhau tava mānada | aiṃdramenaṃ padaṃ yāhi paścādbrāhmaṃ maheśvaram 24| vaiṣṇavaṃ ca prayāhi tvaṃ dāhapralayavarjitam | anenāpi vimānena divyena sarvagāminā 25| divyamūrtirato bhuṃkṣva divyabhogānmanoramān | samāruhya vimānaṃ tvaṃ puṣpakaṃ sukhagāminam 26| sukarmovāca- evamuktvā dvijaśreṣṭha maunavānmātalistadā | rājānaṃ dharmatattvajñaṃ yayātiṃ nahuṣātmajam 27| iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāticaritre ekasaptatitamo'dhyāyaḥ 71|
English translation
Yayāti said :
1-2. The faith of me, to whom you have excellently explained everything about merit and demerit, has been all the more stimulated by it. Tell me the number said to be that of the gods staying in the (various) worlds (i.e. tell me about their position in the various worlds), O Mātali , and also (tell me that) by whose contact with religious merit and by whom it (i.e. that position) is reached.
3-9. I shall explain to you the position of gods’ worlds endowed with (obtained by?) deep abstract meditation ( yogayuktam ), and attained by penance, and giving pleasures and enjoyments. I shall (also) separately explain to you the capacity of merit; and also (describe) in (proper) sequence the nature of the worlds above. There the earthly power of the goblins is eight times. Therefore the power of the men who have recently gone (to Yama ’s world) is said to be equal to that. That of the demons is sixteen-fold, and like that is that of the kings. Thus whatever is left of the lustre of the family is complete. Gandharvas have (power) from the wind; that of the Yakṣas is said to be full. That of Indra is (derived from) the five elements, and it is forty times great. That of Soma is mental and divine, and that of the lord of the universe is (derived from) the five elements. That of the lords of the created beings has the properties of the moon and has egoism as an additional quality. That of Brahmā is sixtyfour-fold and the power of knowledge is excellent. The pre-eminent ritual of Viṣṇu is the power of Brahmā’s position.
10-18a. In the divine city of Śiva there is affluence capable of satisfying all desires. The infinite supremacy of Śiva is great and self-eminent. It is without beginning, middle or end; its true characteristic is pure; it illumines everything; it is subtle; it has no match; it is higher than the highest; it is quite full, has the garb of the world; it abandons the noose for the souls. A man enjoys the pleasure belonging to the place which he has reached; and due to the grace of the lord, the aeroplane would be in accordance with it; various forms of the stars are seen; there are crores of these; to the meritorious twenty-eight become bright (i.e. manifest). Those, who at times salute the lord, through association, curiosity or greed obtain that aeroplane. He who, through recital of (the lord’s) name occasionally salutes Śiva, does not perish. These are thus the ways of rites pertaining to Śiva. Even through internal act (i.e. mentally) men (may salute the lord) through devotion for him. Those men who occasionally remember Śiva, would get incomparable happiness; what to say of those who are intensely devoted to him?
18b-26. With their minds gone to (i.e. set upon) him through meditation, men reflected on Viṣṇu. They go to the highest place. That is the highest position of Viṣṇu. O king, the form of Śiva and that of Viṣṇu are identical. There is no difference between the glorious two, who are of the same form. (One can) salute Śiva of the form of Viṣṇu, and Viṣṇu of the form of Śiva. Viṣṇu is the heart of Śiva, and Śiva is the heart of Viṣṇu. The three gods Brahmā, Viṣṇu and Śiva are (just) one form. There is no distinction among the three, only the qualitative differences are narrated. O king, you are a devotee of Śiva, so also you are a follower of Viṣṇu. Therefore the three gods Brahmā, Viṣṇu and Maheśvara are pleased with you. O you of a good vow, they—the givers of boons—are very much pleased with your deeds. O you, who remove the pride (of your enemies), I have come in your vicinity (i.e. to you) by the order of Indra. (First) go to the position of Indra, then to that of Brahmā, and then to that of Śiva. Go to Viṣṇu’s position, free from tormentation and destruction. (Go to these places) in divine aeroplane, going everywhere. Being of a divine form, and getting into the Puṣpaka , moving comfortably, enjoy divine, charming pleasures.
Sukarman said :
27. Mātali, having thus spoken to king Yayāti , the son of Nahuṣa , who knew the essence of religion, O best brāhmaṇa , became silent.
Complete chapter-aligned witnesses. Sanskrit Wikisource page 14625, revision 335530 (2022-04-10T12:57:09Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365163.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.