Uttara-khaṇḍa · Chapter 97
Sourceनारद उवाच- ये देवैर्निर्जिताः पूर्वं दैत्याः पातालसंस्थिताः १। ते हि भूमंडलं जाता निर्भयास्तमुपासितुम् । कदाचिच्छिन्नशिरसं राहुं दृष्ट्वा स दैत्यराट् । पप्रच्छ भार्गवं विप्रं केनेदं विहितं प्रभो २। भार्गवस्तस्य शिरसश्छेदं राहोः शशंस ह । अमृतार्थं समुद्रस्य मथनं देवकारितम् ३। रत्नापहरणं चैव दैत्यानां च पराभवम् । तच्छ्रुत्वा क्रोधरक्ताक्षः स्वपितुर्मथनं तदा ४। स दूतं प्रेषयामास घस्मरं शक्रसंनिधौ । दूतस्त्रिविष्टपं गत्वा सुधर्मां प्राप्य सत्वरम् ५। गर्वादखर्वमौलिस्तु देवेंद्रं वाक्यमब्रवीत् । दूत उवाच- जलंधरोऽब्धितनयः सर्वदैत्यजनेश्वरः ६। दूतोऽहं प्रेषितस्तेन स यदाह शृणुष्व तत् । कस्मात्त्वया मम पिता मथितः सागरोऽद्रिणा ७। नीतानि सर्वरत्नानि तानि शीघ्रं प्रयच्छ मे । इति दूतवचः श्रुत्वा विस्मितस्त्रिदशाधिपः । उवाच घस्मरं घोरं भयरोषसमन्वितः ८। ईश्वर उवाच- शृणु दूत मया पूर्वं मथितः सागरो यथा । अद्रयो मद्भयाद्भीताः स्वकुक्षिस्थास्तथा कृताः ९। अन्येऽपि मद्द्विषस्तेन रक्षिता दितिजास्तथा । तस्मात्तद्रत्नजातं तु मयाप्यपहृतं किल १०। शंखोऽप्येवं पुरा देवानद्विषत्सागरात्मजः । ममानुजेन निहतः प्रविष्टः सागरोदरम् ११। तद्गच्छ कथयस्वास्यसर्वं मथनकारणम् १२। नारद उवाच- इत्थं विसर्जितो दूतस्तदेंद्रेणागमद्गृहम् । तदिंद्रवचनं दैत्यराजायाकथयत्तदा १३। तन्निशम्य तदा दैत्यो रोषात्प्रस्फुरिताधरः । उद्योगमकरोत्तूर्णं सर्वदेवजिगीषया १४। तदोद्योगे सुरेंद्रस्य दिग्भ्यः पातालतस्तथा । दितिजाः प्रत्यपद्यंत शतशः कोटिशस्तथा १५। अथ शुंभनिशुंभाद्यैर्बलाधिपतिकोटिभिः । गत्वा त्रिविष्टपं दैत्यो युद्धायाधिष्ठितोऽभवत् १६। निर्ययुस्त्वमरावत्या देवा युद्धाय दंशिताः । पुरमावृत्य तिष्ठंति दृष्ट्वा दैत्यबलं महत् १७। ततः समभवद्युद्धं देवदानवसेनयोः । मुशलैः परिघैर्बाणैर्गदापरशुशक्तिभिः १८। तेऽन्योन्यं समधावेतां जघ्नतुश्च परस्परम् । क्षणेनाभवतां सेने रुधिरौघ परिप्लुते १९। पतितैः पात्यमानैश्च गजाश्वरथपत्तिभिः । व्यराजत रणे भूमिः संध्याभ्रपटलैरिव २०। तत्र युद्धे हतान्दैत्यान्भार्गवस्तूदतिष्ठयत् । विद्ययाऽमृतजीविन्या मंत्रितैस्तोयबिंदुभिः २१। देवास्तत्र तथा युद्धे जीवयेदंगिरस्सुतः । दिव्यौषधीः समानीय द्रोणदेश्याः पुनः पुनः २२। दृष्ट्वा देवांस्तथा युद्धे पुनरेव समुत्थितान् । जलंधरः क्रोधवशो भार्गवं वाक्यमब्रवीत् २३। जलंधर उवाच- मया देवा हता युद्धे उत्तिष्ठंति कथं पुनः । तव संजीवनीविद्या नैवान्यत्रेति विश्रुतम् २४। भृगुरुवाच- दिव्यौषधीः समानीय द्रोणाद्रेरंगिराः सुरान् । जीवयत्येष वै शीघ्रं द्रोणाद्रिं समपाहर २५। नारद उवाच- इत्युक्तः स तु दैत्येंद्रो नीत्वा द्रोणाचलं तदा । प्राक्षिपत्सागरे तूर्णं पुनरागान्महाहवम् २६। अथ देवान्हतान्दृष्ट्वा द्रोणाद्रिमगमद्गुरुः । तावत्तत्र गिरींद्रं तं न ददर्श सुरार्चितः २७। ज्ञात्वा दैत्यहृतं द्रोणं विषण्णो भयविह्वलः । आगत्य दूराद्व्याजह्रे श्वासाकुलितविग्रहः २८। पलायध्वं पलायध्वं नायं जेतुं हि शक्यते । रुद्रांशसंभवो ह्येष स्मरध्वं शक्रचेष्टितम् २९। श्रुत्वा तद्वचनं देवा भयविह्वलितास्तदा । दैत्यैस्तैर्वध्यमानास्ते पलायंत दिशो दश ३०। देवान्विदारितान्दृष्ट्वा दैत्यः सागरनंदनः । शंखभेरीजयरवैः प्रविवेशामरावतीम् ३१। प्रविष्टे नगरं दैत्ये देवाःशक्रपुरोगमाः । सुवर्णाद्रिगुहां प्राप्य न्यवसन्दैत्यतापिताः ३२। ततश्च सर्वेष्वसुराधिकारेष्विंद्रादिकानां विनिवेशयत्तदा । शुंभादिकान्दैत्यवरान्पृथक्पृथक्स्वयं सुवर्णाद्रिगुहामगात्पुनः ३३। इति श्रीपाद्मे महापुराणे पंचपंचाशत्सहस्रसंहितायामुत्तरखंडे कार्तिकमाहात्म्ये अमरावतीविजयोनाम सप्तनवतितमोऽध्यायः ९७।
nārada uvāca- ye devairnirjitāḥ pūrvaṃ daityāḥ pātālasaṃsthitāḥ 1| te hi bhūmaṃḍalaṃ jātā nirbhayāstamupāsitum | kadācicchinnaśirasaṃ rāhuṃ dṛṣṭvā sa daityarāṭ | papraccha bhārgavaṃ vipraṃ kenedaṃ vihitaṃ prabho 2| bhārgavastasya śirasaśchedaṃ rāhoḥ śaśaṃsa ha | amṛtārthaṃ samudrasya mathanaṃ devakāritam 3| ratnāpaharaṇaṃ caiva daityānāṃ ca parābhavam | tacchrutvā krodharaktākṣaḥ svapiturmathanaṃ tadā 4| sa dūtaṃ preṣayāmāsa ghasmaraṃ śakrasaṃnidhau | dūtastriviṣṭapaṃ gatvā sudharmāṃ prāpya satvaram 5| garvādakharvamaulistu deveṃdraṃ vākyamabravīt | dūta uvāca- jalaṃdharo'bdhitanayaḥ sarvadaityajaneśvaraḥ 6| dūto'haṃ preṣitastena sa yadāha śṛṇuṣva tat | kasmāttvayā mama pitā mathitaḥ sāgaro'driṇā 7| nītāni sarvaratnāni tāni śīghraṃ prayaccha me | iti dūtavacaḥ śrutvā vismitastridaśādhipaḥ | uvāca ghasmaraṃ ghoraṃ bhayaroṣasamanvitaḥ 8| īśvara uvāca- śṛṇu dūta mayā pūrvaṃ mathitaḥ sāgaro yathā | adrayo madbhayādbhītāḥ svakukṣisthāstathā kṛtāḥ 9| anye'pi maddviṣastena rakṣitā ditijāstathā | tasmāttadratnajātaṃ tu mayāpyapahṛtaṃ kila 10| śaṃkho'pyevaṃ purā devānadviṣatsāgarātmajaḥ | mamānujena nihataḥ praviṣṭaḥ sāgarodaram 11| tadgaccha kathayasvāsyasarvaṃ mathanakāraṇam 12| nārada uvāca- itthaṃ visarjito dūtastadeṃdreṇāgamadgṛham | tadiṃdravacanaṃ daityarājāyākathayattadā 13| tanniśamya tadā daityo roṣātprasphuritādharaḥ | udyogamakarottūrṇaṃ sarvadevajigīṣayā 14| tadodyoge sureṃdrasya digbhyaḥ pātālatastathā | ditijāḥ pratyapadyaṃta śataśaḥ koṭiśastathā 15| atha śuṃbhaniśuṃbhādyairbalādhipatikoṭibhiḥ | gatvā triviṣṭapaṃ daityo yuddhāyādhiṣṭhito'bhavat 16| niryayustvamarāvatyā devā yuddhāya daṃśitāḥ | puramāvṛtya tiṣṭhaṃti dṛṣṭvā daityabalaṃ mahat 17| tataḥ samabhavadyuddhaṃ devadānavasenayoḥ | muśalaiḥ parighairbāṇairgadāparaśuśaktibhiḥ 18| te'nyonyaṃ samadhāvetāṃ jaghnatuśca parasparam | kṣaṇenābhavatāṃ sene rudhiraugha pariplute 19| patitaiḥ pātyamānaiśca gajāśvarathapattibhiḥ | vyarājata raṇe bhūmiḥ saṃdhyābhrapaṭalairiva 20| tatra yuddhe hatāndaityānbhārgavastūdatiṣṭhayat | vidyayā'mṛtajīvinyā maṃtritaistoyabiṃdubhiḥ 21| devāstatra tathā yuddhe jīvayedaṃgirassutaḥ | divyauṣadhīḥ samānīya droṇadeśyāḥ punaḥ punaḥ 22| dṛṣṭvā devāṃstathā yuddhe punareva samutthitān | jalaṃdharaḥ krodhavaśo bhārgavaṃ vākyamabravīt 23| jalaṃdhara uvāca- mayā devā hatā yuddhe uttiṣṭhaṃti kathaṃ punaḥ | tava saṃjīvanīvidyā naivānyatreti viśrutam 24| bhṛguruvāca- divyauṣadhīḥ samānīya droṇādreraṃgirāḥ surān | jīvayatyeṣa vai śīghraṃ droṇādriṃ samapāhara 25| nārada uvāca- ityuktaḥ sa tu daityeṃdro nītvā droṇācalaṃ tadā | prākṣipatsāgare tūrṇaṃ punarāgānmahāhavam 26| atha devānhatāndṛṣṭvā droṇādrimagamadguruḥ | tāvattatra girīṃdraṃ taṃ na dadarśa surārcitaḥ 27| jñātvā daityahṛtaṃ droṇaṃ viṣaṇṇo bhayavihvalaḥ | āgatya dūrādvyājahre śvāsākulitavigrahaḥ 28| palāyadhvaṃ palāyadhvaṃ nāyaṃ jetuṃ hi śakyate | rudrāṃśasaṃbhavo hyeṣa smaradhvaṃ śakraceṣṭitam 29| śrutvā tadvacanaṃ devā bhayavihvalitāstadā | daityaistairvadhyamānāste palāyaṃta diśo daśa 30| devānvidāritāndṛṣṭvā daityaḥ sāgaranaṃdanaḥ | śaṃkhabherījayaravaiḥ praviveśāmarāvatīm 31| praviṣṭe nagaraṃ daitye devāḥśakrapurogamāḥ | suvarṇādriguhāṃ prāpya nyavasandaityatāpitāḥ 32| tataśca sarveṣvasurādhikāreṣviṃdrādikānāṃ viniveśayattadā | śuṃbhādikāndaityavarānpṛthakpṛthaksvayaṃ suvarṇādriguhāmagātpunaḥ 33| iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe kārtikamāhātmye amarāvatīvijayonāma saptanavatitamo'dhyāyaḥ 97|
English translation
Nārada said :
1-6a. Those demons living in the nether world and formerly vanquished by gods, became fearless and came to the earth to serve him. Some time seeing Rāhu with his head cut off, the lord of the demons asked the brāhmaṇa , viz. Śukra : “O lord, who has done this?” Bhārgava told him (the account of) the cutting off of Rāhu’s head and the churning of the ocean for nectar done by gods. So also the snatching of the jewels and the defeat of the demons. Hearing about that churning of his father, his eyes were red with anger. He sent a gluttonous messenger to Indra . The messenger, going to heaven, quickly reached the assembly of gods, (and) with his head not bent due to pride, said to the lord of gods.
The messenger said :
6b-8. The Ocean’s son Jalandhara is the lord of all demons. I. am the messenger sent by him. Listen to what he has said: “Why did you churn my father with a mountain? Give back quickly to me all those jewels taken (by you).”
Hearing these words of the messenger, the lord of the gods was amazed. And with fear and anger he spoke to the fearful, voracious (messenger):
The lord said :
9-12. Listen, O messenger, since the mountains afraid of me were put by him to his side, I formerly churned the Ocean. He also protected my other enemies, the sons of Diti . Therefore, I took away all that collection of the jewels. Formerly Śaṅkha , the Ocean’s son, hated gods. He too, struck by my younger brother (i.e. Viṣṇu ), entered the interior of the Ocean. So go and tell him fully the reason of the churning (of the Ocean).
Nārada said :
13-23. The messenger, thus dismissed by Indra, came home. He then told the words (i.e. the message) of Indra to his king. Hearing it, the demon, with his lips quivering with anger, quickly exerted (himself) with a desire to conquer the gods. In that exertion of (conquering) Indra, the sons of Diti came in hundreds and crores from the directions and the nether world. The demon (Jalandhara) with crores of generals of the army like Śumbha and Niśumbha , went to heaven and stood for the war. Gods, furnished with armours for the war, went out of Amarāvatī . Seeing the demon-army, they stood surrounding the city. Then the war between the armies of gods and demons took place with (the use of) pestles, iron clubs, arrows, maces, axes and (the weapons called) śakti . Rushing to one another, they struck one another. In a moment the two armies were wet with the stream of blood. The battlefield appeared like the evening with the cover of clouds, due to the elephants, horses, chariots and foot-soldiers that had fallen and that were being knocked down. Bhārgava brought back to life the demons killed in that war with drops of water consecrated with the magic formulas bringing back the dead to life. In the same way Bṛhaspati also brought the gods back to life in that war after repeatedly bringing the herbs from the region of Droṇa (mountain). Seeing gods again coming back to life in that war Jalandhara, being angry, said (these) words to Bhārgava:
Jalandhara said :
24. How is it that the gods killed by me in the war again come back to life? It is well-known that your science of bringing back (the dead) to life does not reside anywhere else (i.e. is not known to anyone else).
Bhṛgu said :
25. Bṛhaspati, bringing herbs from the Droṇa mountain, brings back the gods to life. Quickly snatch away the Droṇa mountain.
Nārada said :
26-33. The lord of the demons, thus told, quickly took the Droṇa mountain and threw it into the ocean and again came back to the great battle(field). Then seeing the gods killed, Guru went to the Droṇa mountain. He, honoured by the gods, did not see the lordly mountain there. Knowing that Droṇa was snatched by the demon, he was sad and overcome by fear. He with his body overcome by breathlessness (i.e. panting), spoke from a distance: “Flee, flee; he cannot be conquered. He is born of the portion of Rudra . Remember Indra’s act.” Hearing his words, gods, overpowered by fear and being killed by the demons, ran in the ten directions. Seeing the gods rent, the demon, the Ocean’s son, entered Amarāvatī with the sounds of conches, drums and shouts of victory. When the demon entered the city, gods led by Indra and tormented by the demons, reached a cave in Meru and lived there. Then having separately made the excellent demons like Śumbha in-charge of Indra etc. he (i.e. Jalandhara) again went to the cave on the golden mountain (i.e. Meru).
Complete chapter-aligned witnesses. Sanskrit Wikisource page 44667, revision 336528 (2022-04-23T23:35:40Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365676.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.