Uttara-khaṇḍa · Chapter 67
Sourceमहेश्वर उवाच- इति श्रुतं धर्ममुखान्मुद्गलो द्विजसत्तमः । कथयित्वा ममाग्रे वै गतो यादृच्छिको मुने १। गोपिकाचंदनं यत्र तिष्ठते वै द्विजोत्तम । तद्गृहं तीर्थरूपं च विष्णुना भाषितं किल २। शोकमोहौ न तत्रास्तां न भवत्यशुभं क्वचित् । गोपिकाचंदनं यस्य तिष्ठति द्विजसद्मनि ३। सुखिनः पूर्वजास्तेषां संततिर्वर्द्धते सदा । गोपिकाचंदनं यस्य वर्त्ततेऽहर्निशं गृहे ४। गोपीपुष्करजा मृत्स्ना पवित्रा कायशोधिनी । उद्वर्त्तनाद्विनश्यंति व्याधयो ह्याधयश्च ये ५। अतो देहे धृतं पुंभिर्मुक्तिदं सर्वकामिकम् । तावद्गर्जंति तीर्थानि तावत्क्षेत्राणि सर्वदा ६। गोपिकाचंदनं यावन्न दृष्टं न श्रुतं द्विज । इदं ध्येयमिदं पूज्यं मलदोषविनाशनम् ७। यस्य संस्पर्शनादेव पूतो भवति मानवः । अंतकाले तु मर्त्यानां मुक्तिदं पावनं परम् ८। किं वदामि द्विजश्रेष्ठ मुक्तिदं गोपिचंदनम् । विष्णोस्तु तुलसीकाष्ठं तथा वै मूलमृत्तिका ९। गोपिकाचंदनं चैव तथा वै हरिचंदनम् । चत्वारि ह्येतानि संमील्य अंगमुद्वर्तयेत्सुधीः १०। तेन तीर्थं कृतं सर्वं जंबूद्वीपेषु सर्वदा । तिलकं कुरुते यस्तु गोपिकाचंदनद्रवैः ११। सर्वपापविनिर्मुक्तो याति विष्णोः परं पदम् । पितुः श्राद्धादिकं तेन गयां गत्वा तु वै कृतम् १२। येन वा पुरुषेणापि विधृतं गोपिचंदनम् । मद्यपो ब्रह्महा चैव गोघ्नो वा बालहा तथा । मुच्यते तत्क्षणादेव गोपीचंदनधारणात् १३। इति श्रीपाद्मे महापुराणे पंचपंचाशत्साहस्र्यां संहितायामुमापतिनारदसंवादे गोपीचंदनमाहात्म्ये सप्तषष्टितमोऽध्यायः ६७।
maheśvara uvāca- iti śrutaṃ dharmamukhānmudgalo dvijasattamaḥ | kathayitvā mamāgre vai gato yādṛcchiko mune 1| gopikācaṃdanaṃ yatra tiṣṭhate vai dvijottama | tadgṛhaṃ tīrtharūpaṃ ca viṣṇunā bhāṣitaṃ kila 2| śokamohau na tatrāstāṃ na bhavatyaśubhaṃ kvacit | gopikācaṃdanaṃ yasya tiṣṭhati dvijasadmani 3| sukhinaḥ pūrvajāsteṣāṃ saṃtatirvarddhate sadā | gopikācaṃdanaṃ yasya varttate'harniśaṃ gṛhe 4| gopīpuṣkarajā mṛtsnā pavitrā kāyaśodhinī | udvarttanādvinaśyaṃti vyādhayo hyādhayaśca ye 5| ato dehe dhṛtaṃ puṃbhirmuktidaṃ sarvakāmikam | tāvadgarjaṃti tīrthāni tāvatkṣetrāṇi sarvadā 6| gopikācaṃdanaṃ yāvanna dṛṣṭaṃ na śrutaṃ dvija | idaṃ dhyeyamidaṃ pūjyaṃ maladoṣavināśanam 7| yasya saṃsparśanādeva pūto bhavati mānavaḥ | aṃtakāle tu martyānāṃ muktidaṃ pāvanaṃ param 8| kiṃ vadāmi dvijaśreṣṭha muktidaṃ gopicaṃdanam | viṣṇostu tulasīkāṣṭhaṃ tathā vai mūlamṛttikā 9| gopikācaṃdanaṃ caiva tathā vai haricaṃdanam | catvāri hyetāni saṃmīlya aṃgamudvartayetsudhīḥ 10| tena tīrthaṃ kṛtaṃ sarvaṃ jaṃbūdvīpeṣu sarvadā | tilakaṃ kurute yastu gopikācaṃdanadravaiḥ 11| sarvapāpavinirmukto yāti viṣṇoḥ paraṃ padam | pituḥ śrāddhādikaṃ tena gayāṃ gatvā tu vai kṛtam 12| yena vā puruṣeṇāpi vidhṛtaṃ gopicaṃdanam | madyapo brahmahā caiva goghno vā bālahā tathā | mucyate tatkṣaṇādeva gopīcaṃdanadhāraṇāt 13| iti śrīpādme mahāpurāṇe paṃcapaṃcāśatsāhasryāṃ saṃhitāyāmumāpatināradasaṃvāde gopīcaṃdanamāhātmye saptaṣaṣṭitamo'dhyāyaḥ 67|
English translation
Maheśvara said :
1-13. That best brāhmaṇa , having heard like this from the mouth of Yama told it to me and the independent sage went (his way). O best brāhmaṇa, that house where there is gopīkācandana is of the nature of a holy place. This has indeed been told by Viṣṇu . In the house of that brāhmaṇa where there is gopikācandana, grief and delusion do not stay. Nor is there any inauspicious (event). The ancestors of him (or them) are happy and his (or their) progeny grows in whose house gopikācandana is present day and night. The clay from Gopīpuṣkara is pure and purifies the body. By rubbing (one’s body with it) physical and mental diseases that are there, perish. Therefore, it giving salvation and fulfilling desires is put on their bodies by men. The holy places and sacred places roar till that time, O brāhmaṇa, as long as gopikācandana is not seen or heard about. It should be meditated upon, it should be worshipped; it destroys dirt and sins. Merely with its touch a man becomes as pure as a god. It gives salvation and is highly purifying at the time of (one’s) death. O best brāhmaṇa, what should I say? Gopīcandana gives salvation. A wise man should rub his body with the mixture of Tulaśī[ Tulasī ?]-wood of (i.e. sacred to) Viṣṇu, so also the clay at the root (of the tree) and gopikācandana and haricandana also. He who puts on a mark with the fluids (i.e. pastes) of gopikācandana has always visited all holy places in Jambū Dvīpa . Freed from all sins he goes to the highest position of Viṣṇu. He has also performed the Śrāddha after having gone to Gayā . So also the man who has put on (the mark with) gopīcandana, (even though) he is a drunkard, or has murdered a brāhmaṇa or a cow or a child, is freed that moment only due to having (the mark of) gopīcandana.
Complete chapter-aligned witnesses. Sanskrit Wikisource page 44639, revision 336463 (2022-04-22T22:34:26Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365644.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.