Uttara-khaṇḍa · Chapter 177
Source[https://www.youtube.com/watch?v=2JKoUdPCATw&t=0s हिन्दीरूपान्तरम्]श्रीभगवानुवाच। जनस्थाने जडो नाम द्विजन्मा कौशिकान्वयी । हित्वा जात्युचितं धर्मं वणिग्वृत्त्यां मनो दधे १। व्यसनी परदारेषु दीव्यन्नक्षैः पिबन्मधु । मृगया निरतो नित्यं कालमेवं निनाय सः २। क्षीणे वित्ते ततो रात्रौ चौर्यामारब्धवांस्ततः । प्रतिपेदे धनं तेन यज्वनां यष्टुमर्थिनाम् ३। स दूरमगमत्तेन वाणिज्यायोत्तरां दिशम् । कस्तूरिमगुरुं कृष्णं चामरांश्चंद्रिकोज्ज्वलान् ४। गृहीत्वा वृत्य चानिन्ये पंचषादध्वयोजनात् । अथापरस्मिन्नहनि प्रियादर्शनदोहनि ५। दूरमध्वानमुल्लंघ्य रवावस्तमिते सति । ध्वांते प्रसर्पति स्वैरं दिशो दश तरोस्तले ६। गतो वशं सदस्यूनां निजघ्ने तैश्च सत्वरम् । धर्मलोपादसौ जज्ञे घोरश्चोग्रतरो ग्रहः ७। पिपासितो बुभुक्षार्तो लेलिहानश्च सृक्किणी । उर्ध्वकेशोऽतिजंघालुः पृष्टलग्नोदरो महत् ८। अस्थिमात्रशरीरोऽभूद्दुर्वृत्तनयनो भृशम् । अत्रांतरे सुतस्तस्य धर्मात्मा वेदकोविदः ९। पर्यपालयदत्यर्थं दिदृक्षुस्तं तदागमत् । नित्यमन्वेषयन्वार्त्तां पांथेभ्यो नोपलब्धवान् १०। ततः कदाचिदायाते सहायिनि च मानवे । तस्माद्विदितवृत्तांतः शुशोच पितरं बहु ११। ततो विमृश्य मेधावी चिकीर्षुः पारलौकिकम् । वाराणसीं ससंभारः स गंतुमुपचक्रमे १२। मार्गे निवासान्सप्ताष्टौ नीत्वा तस्य तरोस्तले । संध्यां प्रचक्रमे कर्तुं यत्रास्य निहतः पिता १३। तत्राध्यायं स गीतानां तृतीयं संजजाप ह । ततो घोरस्वरस्तत्र व्योममध्ये परामृशत् १४। ददर्श घोरमाकाशात्पतंतं पितरं ततः । विस्मयेन भयेनापि विकलीकृतचेतनः १५। तेजसा भूयसा व्याप्तमालुलोके पुरोऽम्बरे । किंकिणीकोटिसंकीर्णं तेजसा व्याप्तदिङ्मुखम् १६। विमानमग्रतोऽपश्यद्दिव्यमध्यग्रचेतनः । तत्रापश्यत्समारूढं दिव्याभिः स्त्रीभिरावृतम् १७। संस्तूयमानं मुनिभिः पितरं पीतवाससम् । प्रणतस्तं समालोक्य युयुजे तेन चाशिषा १८। ततोऽपृच्छदिदं वृत्तं स च तस्मै न्यवेदयत् । दुस्त्यजात्कर्मणो वत्स वपुषो पुण्यकारणात् १९। मोचितोऽस्मि त्वया दैवादध्यायं जपतांतिके । तन्निवर्त्तस्व जपतः सांप्रतं त्वामुपस्थितम् २०। वाराणसीं यदर्थं यत्तदनुष्ठितमात्मनः । श्रीभगवानुवाच। एवमुक्तः स च प्राह पितरं दीप्ततेजसम् २१। सुत उवाच। हितं ममानुशाधि त्वं कार्यमन्यन्मयानु किम् । श्रीभगवानुवाच। ततः प्राह पिता पुत्रं कार्यमेतत्त्वयानघ २२। यन्मयाचरितं कर्म भ्रात्रा मम तु तत्कृतम् । स यातो नरकं घोरं तं मोचयितुमर्हसि २३। अन्ये मदन्वये ये वै निरयं प्रतिपेदिरे । ते च मोचयितव्यास्ते इति मेऽस्ति मनोरथः २४। इत्येवमुक्तः पुत्रस्तं पुनः प्राह कृतांजलि । कर्मणा केन तान्सर्वान्मोचयामि तदादिश २५। एवं निवेदितो वाक्यं पिता सुतमुवाच ह । पितोवाच। येनाहं मोचितो वत्स तदनुष्ठातुमर्हसि २६। अनुष्ठाय तदुत्पन्नं तेभ्यः पुण्यं समुत्सृज । ततोऽहमिव ते सर्वे पूर्वे संत्यज्य यातनाम् २७। गमिष्यंत्यचिरेणैव तद्विष्णोः परमं पदम् । स संदिष्टोवदत्पुत्रो यद्येवं तात नारकान् २८। सर्वानपि विमोक्ष्यामि यदि ते रोचते वचः । एवमस्तु शिवं भूयादुपपन्नं महत्प्रियम् २९। इत्यादिश्य पिता पुत्रं ययौ विष्णोः परं पदम् । सोऽपि तस्मात्परावृत्त्य जनस्थानं प्रपद्य च ३०। सुंदरस्य पुरः शौरेश्चालये कालमभ्यगात् । स कुर्वाणोःसमादीनि पित्रा च यदुदीरितम् ३१। उत्ससर्ज कृतं पुण्यं मोचयिष्यन्स नारकान् । अत्रांतरे पदे विष्णोर्यातनापदमीयुषः ३२। नारकान्मोचयिष्यंतः किंकरा यममभ्ययुः । तेन ते पूजिताः सर्वे सत्क्रियाभिरनेकधा ३३। कुशलं परिपृष्टास्ते सर्वतः सुखमूचिरे । एमं सत्कृत्य मेधावी पितृलोक महेश्वरः ३४। हेतुमागमने पृच्छत्ते च तस्मै न्यवेदयन् । विद्धि कीनाशनाथ त्वं शेषपर्यंकशायिना ३५। शौरिणा प्रहितानस्मान्समादेष्टुं त्वदंतिके । अस्मन्मुखेन देवस्त्वां कुशलं परिपृच्छति ३६। नारकान्प्राणिनः सर्वान्विमोक्तुं च नियच्छति । इत्याकर्ण्य समादिष्टं विष्णोरमिततेजसः ३७। न तेन मूर्ध्ना संभाव्य दध्यौ किंचन चेतसा । विमुक्तान्निरयात्सर्वांस्तान्विलोक्य मदोत्कटान् ३८। स तैरनुगतः सर्वैर्विष्णोरायतनं ततः । ययौ स वरयानेन यत्रास्ते दुग्धवारिधिः ३९। तदंत उदितानेकसूर्यकोटिसमप्रभम् । इंदीवरदलश्याममालुलोक जगद्गुरुम् ४०। शय्याफणिफणारत्नमरीच्यामिश्रतेजसम् । विलोक्यमानमानंदनिर्भरं प्रीतमानसम् ४१। भावानुगैर्दृगालीकैः श्रिया प्रेम्णेक्षितं मुहुः । योगिभिः परितो जुष्टं ध्याननिष्पंदतारकैः ४२। स्तूयमानं महेंद्रेण पराजेतुं विरोधिनः। आम्नायवचसामंते ब्रह्मणो निःसृतैर्मुखात् ४३। मूर्तिमद्भिर्वचोभिश्च गीयमानं गुणोत्करम् । संप्रीतं चाप्युदासीनमपि सर्वासु योनिषु ४४। योगसंचितपुण्यानां यौगपद्येन जंतुषु । विलोकमानमात्मानमखिलं सचराचरम् ४५। आमोद्यन्नमालोकैरात्मानं दीप्तिपूरितैः । आबिभ्राणं वपुर्व्यापि द्योतितं भोगिनस्विषा ४६। इंदीवरदलश्यामं ज्योत्स्नयेव नभस्तलम् । विलोक्य तं स तुष्टाव धिया बहुलयानतः ४७। यम उवाच। नमः समस्तनिर्माणनिर्मलीभूतचेतसे । वद नोद्गीर्णवेदाय विश्वरूपाय वेधसे ४८। बलवेगसुदुर्द्धर्ष दानवेंद्र मदद्रुहे । नमः स्थितौ च सत्वाय विश्वाधाराय विष्णवे ४९। नमः पातकसंघात जिष्णवेऽखिलदेहिनाम् । ईषदुन्मीलल्लालाटनेत्राग्निप्रभवार्चिषे 6.177.५०। त्वं हि सर्वस्य लोकस्य गुरुरात्मा महेश्वरः । विसृज्य वैष्णवान्सर्वानतस्त्वमनुकंपसे ५१। व्यापयन्नखिलं लोकं मायया परिबृंहितम् । न तया परिभूतोऽसि न च तत्प्रभवैर्गुणैः ५२। अंतरावर्तमानोऽपि न ताभ्यामभिभूयसे । दृशा विषयवर्तिन्या निग्रहीतमना अपि ५३। तया फलाभिगामिन्या आत्मन्येवाभिलीयसे । न तवास्ति महिम्नोंतो यथा निरवधिः स्वयम् ५४। मौनमेवात्रयुक्तं मे विषयोऽसि कथं गिराम् । इति स्तुत्वा ततो वाक्यमिदमाह कृतांजलि ५५। विनियोगादमी युक्ता देहिनो निर्गुणा मया । समादिश यदन्यन्मे कार्यमस्ति जगद्गुरो ५६। इति विज्ञापितस्तेन तमाह मधुसूदनः । मेघगंभीरया वाचा सिंचन्निव सुधारसैः ५७। पापादुद्धार्य ते लोको मया समयवर्तिना । त्वयि विन्यस्तभारोऽहं नानुशोचामि देहिनः ५८। तदाचर निजं कर्म प्रयाहि स्वं निकेतनम् । श्रीभगवानुवाच। इत्युक्त्वांतर्दधे देवः सोऽपि स्वपुरमाययौ ५९। सोऽपि स्वजातिजान्सर्वान्निरयस्थाननेकशः । उद्धृत्य वरयानेन विष्णुलोकं ययौ स्वयम् ६०। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे गीतामाहात्म्ये सप्तसप्तत्यधिकशततमोऽध्यायः १७७।
[https://www.youtube.com/watch?v=2JKoUdPCATw&t=0s hindīrūpāntaram]śrībhagavānuvāca| janasthāne jaḍo nāma dvijanmā kauśikānvayī | hitvā jātyucitaṃ dharmaṃ vaṇigvṛttyāṃ mano dadhe 1| vyasanī paradāreṣu dīvyannakṣaiḥ pibanmadhu | mṛgayā nirato nityaṃ kālamevaṃ nināya saḥ 2| kṣīṇe vitte tato rātrau cauryāmārabdhavāṃstataḥ | pratipede dhanaṃ tena yajvanāṃ yaṣṭumarthinām 3| sa dūramagamattena vāṇijyāyottarāṃ diśam | kastūrimaguruṃ kṛṣṇaṃ cāmarāṃścaṃdrikojjvalān 4| gṛhītvā vṛtya cāninye paṃcaṣādadhvayojanāt | athāparasminnahani priyādarśanadohani 5| dūramadhvānamullaṃghya ravāvastamite sati | dhvāṃte prasarpati svairaṃ diśo daśa tarostale 6| gato vaśaṃ sadasyūnāṃ nijaghne taiśca satvaram | dharmalopādasau jajñe ghoraścogrataro grahaḥ 7| pipāsito bubhukṣārto lelihānaśca sṛkkiṇī | urdhvakeśo'tijaṃghāluḥ pṛṣṭalagnodaro mahat 8| asthimātraśarīro'bhūddurvṛttanayano bhṛśam | atrāṃtare sutastasya dharmātmā vedakovidaḥ 9| paryapālayadatyarthaṃ didṛkṣustaṃ tadāgamat | nityamanveṣayanvārttāṃ pāṃthebhyo nopalabdhavān 10| tataḥ kadācidāyāte sahāyini ca mānave | tasmādviditavṛttāṃtaḥ śuśoca pitaraṃ bahu 11| tato vimṛśya medhāvī cikīrṣuḥ pāralaukikam | vārāṇasīṃ sasaṃbhāraḥ sa gaṃtumupacakrame 12| mārge nivāsānsaptāṣṭau nītvā tasya tarostale | saṃdhyāṃ pracakrame kartuṃ yatrāsya nihataḥ pitā 13| tatrādhyāyaṃ sa gītānāṃ tṛtīyaṃ saṃjajāpa ha | tato ghorasvarastatra vyomamadhye parāmṛśat 14| dadarśa ghoramākāśātpataṃtaṃ pitaraṃ tataḥ | vismayena bhayenāpi vikalīkṛtacetanaḥ 15| tejasā bhūyasā vyāptamāluloke puro'mbare | kiṃkiṇīkoṭisaṃkīrṇaṃ tejasā vyāptadiṅmukham 16| vimānamagrato'paśyaddivyamadhyagracetanaḥ | tatrāpaśyatsamārūḍhaṃ divyābhiḥ strībhirāvṛtam 17| saṃstūyamānaṃ munibhiḥ pitaraṃ pītavāsasam | praṇatastaṃ samālokya yuyuje tena cāśiṣā 18| tato'pṛcchadidaṃ vṛttaṃ sa ca tasmai nyavedayat | dustyajātkarmaṇo vatsa vapuṣo puṇyakāraṇāt 19| mocito'smi tvayā daivādadhyāyaṃ japatāṃtike | tannivarttasva japataḥ sāṃprataṃ tvāmupasthitam 20| vārāṇasīṃ yadarthaṃ yattadanuṣṭhitamātmanaḥ | śrībhagavānuvāca| evamuktaḥ sa ca prāha pitaraṃ dīptatejasam 21| suta uvāca| hitaṃ mamānuśādhi tvaṃ kāryamanyanmayānu kim | śrībhagavānuvāca| tataḥ prāha pitā putraṃ kāryametattvayānagha 22| yanmayācaritaṃ karma bhrātrā mama tu tatkṛtam | sa yāto narakaṃ ghoraṃ taṃ mocayitumarhasi 23| anye madanvaye ye vai nirayaṃ pratipedire | te ca mocayitavyāste iti me'sti manorathaḥ 24| ityevamuktaḥ putrastaṃ punaḥ prāha kṛtāṃjali | karmaṇā kena tānsarvānmocayāmi tadādiśa 25| evaṃ nivedito vākyaṃ pitā sutamuvāca ha | pitovāca| yenāhaṃ mocito vatsa tadanuṣṭhātumarhasi 26| anuṣṭhāya tadutpannaṃ tebhyaḥ puṇyaṃ samutsṛja | tato'hamiva te sarve pūrve saṃtyajya yātanām 27| gamiṣyaṃtyacireṇaiva tadviṣṇoḥ paramaṃ padam | sa saṃdiṣṭovadatputro yadyevaṃ tāta nārakān 28| sarvānapi vimokṣyāmi yadi te rocate vacaḥ | evamastu śivaṃ bhūyādupapannaṃ mahatpriyam 29| ityādiśya pitā putraṃ yayau viṣṇoḥ paraṃ padam | so'pi tasmātparāvṛttya janasthānaṃ prapadya ca 30| suṃdarasya puraḥ śaureścālaye kālamabhyagāt | sa kurvāṇoḥsamādīni pitrā ca yadudīritam 31| utsasarja kṛtaṃ puṇyaṃ mocayiṣyansa nārakān | atrāṃtare pade viṣṇoryātanāpadamīyuṣaḥ 32| nārakānmocayiṣyaṃtaḥ kiṃkarā yamamabhyayuḥ | tena te pūjitāḥ sarve satkriyābhiranekadhā 33| kuśalaṃ paripṛṣṭāste sarvataḥ sukhamūcire | emaṃ satkṛtya medhāvī pitṛloka maheśvaraḥ 34| hetumāgamane pṛcchatte ca tasmai nyavedayan | viddhi kīnāśanātha tvaṃ śeṣaparyaṃkaśāyinā 35| śauriṇā prahitānasmānsamādeṣṭuṃ tvadaṃtike | asmanmukhena devastvāṃ kuśalaṃ paripṛcchati 36| nārakānprāṇinaḥ sarvānvimoktuṃ ca niyacchati | ityākarṇya samādiṣṭaṃ viṣṇoramitatejasaḥ 37| na tena mūrdhnā saṃbhāvya dadhyau kiṃcana cetasā | vimuktānnirayātsarvāṃstānvilokya madotkaṭān 38| sa tairanugataḥ sarvairviṣṇorāyatanaṃ tataḥ | yayau sa varayānena yatrāste dugdhavāridhiḥ 39| tadaṃta uditānekasūryakoṭisamaprabham | iṃdīvaradalaśyāmamāluloka jagadgurum 40| śayyāphaṇiphaṇāratnamarīcyāmiśratejasam | vilokyamānamānaṃdanirbharaṃ prītamānasam 41| bhāvānugairdṛgālīkaiḥ śriyā premṇekṣitaṃ muhuḥ | yogibhiḥ parito juṣṭaṃ dhyānaniṣpaṃdatārakaiḥ 42| stūyamānaṃ maheṃdreṇa parājetuṃ virodhinaḥ| āmnāyavacasāmaṃte brahmaṇo niḥsṛtairmukhāt 43| mūrtimadbhirvacobhiśca gīyamānaṃ guṇotkaram | saṃprītaṃ cāpyudāsīnamapi sarvāsu yoniṣu 44| yogasaṃcitapuṇyānāṃ yaugapadyena jaṃtuṣu | vilokamānamātmānamakhilaṃ sacarācaram 45| āmodyannamālokairātmānaṃ dīptipūritaiḥ | ābibhrāṇaṃ vapurvyāpi dyotitaṃ bhoginasviṣā 46| iṃdīvaradalaśyāmaṃ jyotsnayeva nabhastalam | vilokya taṃ sa tuṣṭāva dhiyā bahulayānataḥ 47| yama uvāca| namaḥ samastanirmāṇanirmalībhūtacetase | vada nodgīrṇavedāya viśvarūpāya vedhase 48| balavegasudurddharṣa dānaveṃdra madadruhe | namaḥ sthitau ca satvāya viśvādhārāya viṣṇave 49| namaḥ pātakasaṃghāta jiṣṇave'khiladehinām | īṣadunmīlallālāṭanetrāgniprabhavārciṣe 6.177.50| tvaṃ hi sarvasya lokasya gururātmā maheśvaraḥ | visṛjya vaiṣṇavānsarvānatastvamanukaṃpase 51| vyāpayannakhilaṃ lokaṃ māyayā paribṛṃhitam | na tayā paribhūto'si na ca tatprabhavairguṇaiḥ 52| aṃtarāvartamāno'pi na tābhyāmabhibhūyase | dṛśā viṣayavartinyā nigrahītamanā api 53| tayā phalābhigāminyā ātmanyevābhilīyase | na tavāsti mahimnoṃto yathā niravadhiḥ svayam 54| maunamevātrayuktaṃ me viṣayo'si kathaṃ girām | iti stutvā tato vākyamidamāha kṛtāṃjali 55| viniyogādamī yuktā dehino nirguṇā mayā | samādiśa yadanyanme kāryamasti jagadguro 56| iti vijñāpitastena tamāha madhusūdanaḥ | meghagaṃbhīrayā vācā siṃcanniva sudhārasaiḥ 57| pāpāduddhārya te loko mayā samayavartinā | tvayi vinyastabhāro'haṃ nānuśocāmi dehinaḥ 58| tadācara nijaṃ karma prayāhi svaṃ niketanam | śrībhagavānuvāca| ityuktvāṃtardadhe devaḥ so'pi svapuramāyayau 59| so'pi svajātijānsarvānnirayasthānanekaśaḥ | uddhṛtya varayānena viṣṇulokaṃ yayau svayam 60| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe gītāmāhātmye saptasaptatyadhikaśatatamo'dhyāyaḥ 177|
English translation
[ Note : this page corresponds to chapter 177 of the Book 6 (Uttarakhaṇḍa) of the translation of The Padmapurāṇa ]
The lord said :
1-11. A brāhmaṇa , named Jaḍa , of the family of Kauśika (living) in Janasthāna , abandoned the acts proper for his caste, and fixed his mind on living as a merchant. He was addicted to others’ wives; he played with dice; he drank liquor; he was always engrossed in hunting. Thus he passed his time. When his wealth was exhausted, he started stealing. He seized the wealth of those who desired to perform sacrifices. For trading he went away and having secured musk, kṛṣṇāgaru (sandal), and chowries bright like the moonlight, brought them from (a place) at a distance of five or six yojanas . The next day he, having crossed a great distance, was overpowered by robbers when the sun was setting and darkness was spreading, and was quickly killed by them. Due to his loss of religious merit he was born as a very fierce goblin. He was thirsty; he was oppressed by hunger; he licked the corners of his mouth; his hair was raised; he had big shanks; his mighty belly had sunk into his back. His body was one in which only bones were left. He very much turned his eyes wickedly. In the meanwhile, his son who was religious-minded and conversant with Vedas , very much guarded (piety) and desiring to see him, went (to look for him). Everyday he sought for news from the travellers, but did not get (any). Then, a man, his companion, arrived. Having learnt the account from him, he very much lamented for his father.
12-21a. Then the wise one, having thought, desiring to perform the obsequies, set out, with necessary materials, to go to Vārāṇasī Having passed seven or eight nights on the way, he began offering the sandhyā prayer at the root of the tree where his father was killed. There he muttered the third chapter of the Gītā . Then a terrible sound was heard in the middle of the sky. He then saw his fierce father falling from the sky. With his mind overcome with wonder and fear, he saw before him in the sky, (his father) full of great lustre. With a concentrated mind he saw in the sky a divine aeroplane which was full of a crore of small bells and which had pervaded the quarters with its lustre. There he saw his father who had got into it and who was surrounded by divine damsels, who was being praised by sages and who had put on a yellow garment. Seeing him, he bowed down, and he (the father) blessed him. Then he asked him this account, and he too told it to him: “O son, due to the religious merit of my body, you, muttering (the third chapter of Gītā) near (me) have fortunately released me from the (effects of) acts, difficult to be abandoned. Then now desist from muttering, since that for which you did (the muttering after going) to Vārāṇasī, has come to you.”
The lord said :
21b. Thus addressed, he said to his father, of a blazing lustre:
The son said :
22a. Advise me about my well-being. What else should I do?
22b-26a. Then the father said -to the son: “O innocent one, do this. My brother has done the same act as I have done. He has gone to a terrible hell. Please release him (from there). My desire is: You should release others in my family who have gone to hell.” Thus addressed, the son, with the pālms of his hands joined, said: “Tell me, by (doing) which act I shall release them all.” The father who was thus addressed, said to his son:
The father said :
26b-47. O son do that, by (doing) which I was liberated. Do that and give the religious merit springing from it. Then, they, giving up (i.e. free from) pangs like me, will soon go to that highest position of Viṣṇu .
The son, who was advised, said: “O father, if you like my words, I shall release all those denizens of hell.” “Let it be so; may happiness come to you. A great dear thing has come up.” Having thus directed his son, the father went to the highest position of Viṣṇu. He too, having returned from him, and having gone to Janasthāna, spent his time in the abode of the beautiful city of Śauri . For years he did what his father had told him. He gave the religious merit which he had got, and liberated the denizens of hell. In the meanwhile the servants of Viṣṇu, freeing the denizens. of hell, going to the place of torture came there. He honoured them in various ways with acts of hospitality. Asked about their welfare, they spoke about complete happiness. Having thus honoured them, the wise lord of the world of dead ancestors asked them the reason of their arrival, and they told it to him: “O lord Yama , know that Śauri (i.e. Viṣṇu), lying on the bed of Śeṣa , has sent us to you to direct you. Through our mouth (i.e. through us) the god asks about your well-being. He directs (you) to release all the beings in hell.” Having heard the order of Viṣṇu of unlimited lustre with his head bent down, having honoured it, he thought about something in his mind. Seeing all of them released and proud, he, followed by all of them, then went to Viṣṇu’s abode. By an excellent vehicle he went where the Milky Ocean was. Near it he saw the lord of the world, whose lustre was like many crores of suns that had risen, who was dark-blue like a blue lotus, whose lustre was mixed with that of the rays of the jewels on the hood of the serpent (Śeṣa) that was his bed, who was being seen with his mind full of joy and pleased, who was repeatedly and affectionately seen by Lakṣmī with glances full of devotion, who was served by meditating saints around him with the pupils of their eyes steady due to meditation, who was being praised by Indra in order to vanquish his antagonists, who, the heap of virtues, was being sung by words embodied, issued from the mouth of Brahman at the end of (the utterance of) the Vedic words, who was pleased and also neutral, who saw himself simultaneously with the mobile and the immobile in all beings in all stocks having their merit collected, who delighted himself with glances full of lustre, who had a body, all-pervading, and brightened by the lustre of the serpent (i.e. Śeṣa), who was dark-blue like the petal of a blue lotus or like the sky seen in the moonlight. Seeing him, he extolled him with many prayers.
Yama said :
48-60. O creator of all, salutation to (you) whose mind is pure, from whose mouths the Vedas were emitted, who are of a universal form, who are the creator. O you dreadful one due to the force of your strength, salutation to (you) Viṣṇu who destroyed the pride of the lord of demons; salutation to the excellence in preservation(?), and to the prop of the universe. Salutation to (you) who conquered the multitude of sins of all living beings, from whose eye on the forehead, that is slightly opened, lustre has sprung up. You are the lord, the soul of all the worlds and the great god. Therefore, having sent forth all devotees of Viṣṇu, you pity them. You pervade the entire world nourished by Maya but you are not overcome by it by qualities born of it. Though you are within them, you are not overcome by the two (i.e. Māyā and its qualities). With your mind controlled, you rest within yourself in spite of your eyes turning to the objects of senses and moving towards the fruit. As you are limitless, your greatness also has no end. In this case silence alone is proper for me. How can you be the object of words?
Having praised him like this, he with the palms of his hands folded, said these words: “These vicious beings were fastened by me in pursuance of my duty. O lord of the world, order if I have to do some other piece of work.” Thus respectfully addressed by him, Viṣṇu spoke, as if sprinkling (him) with nectar, with a voice deep like (the thundering of) the clouds: “I, acting as is proper for the occasion, emancipate people from -sins. Having entrusted the responsibility to you, I am not sorry for the embodied beings. So do your duty. Go home.” (Thus) spoke the lord. And speaking like this, the god vanished. He too came to his city. He too, having emancipated all those kinsmen of him living in various hells, himself went to Viṣṇu’s heaven by an excellent vehicle.
Complete chapter-aligned witnesses. Sanskrit Wikisource page 44898, revision 335477 (2022-04-09T01:17:31Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-bhagavad-gita-mahatmya/d/doc365757.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.