Sṛṣṭi-khaṇḍa · Chapter 82
Sourceभीष्म उवाच- श्रुतं सूर्यस्य चंद्रस्य भौमस्यापि प्रपूजनं। बुधस्य सोमसूनोश्च पूजनं कथयाधुना१। पुलस्त्य उवाच-। तारागर्भसमुद्भूतो बुधश्चंद्रकुमारकः। सौम्यः क्रूरो ग्रहो ज्ञेयः शुभाशुभप्रदो नृणां२। शराकारं मंडलं तु बुधस्य परिकीर्तितं। हरिन्मणिसमैर्वर्णैश्चूर्णैः कुर्यात्तु मंडलं३। पूजयेत्तत्र गंधाद्यैः पुष्पैर्धूपैस्सुशोभनैः। दानं च विधिवत्कुर्याद्दशारिष्टे च गोचरे४। कर्पूराश्चैव मुद्गाश्च हरिद्वस्त्रं हरिन्मणिः। सुवर्णं च यथाशक्ति दद्याद्बोधनतुष्टये५। सोमपुत्र महाप्राज्ञ वेदवेदांगपारग। नमस्ते ग्रहमध्यस्थ प्रसन्नो भव मे सदा६। इति स्तुत्वा महाराज बुधं भक्त्या समाहितः। प्राप्नुयान्निखिलान्कामान्सोमसूनुप्रसादतः७। गुरोश्च पूजनं प्रोक्तं पट्टसाकारमंडले। पीतवर्णैः सुनिष्पन्नैश्चूर्णैराजन्सुशोभनैः८। पीतैर्गंधयुतैः पुष्पैर्वस्त्रैर्हेम्ना च पूजयेत्। दशागोचरयोर्दौष्ट्ये दानं दद्याच्च शक्तितः९। चणकद्विदलं चैव पीतवस्त्रं सुवर्णकं। पुष्यरागं तु विप्राय दद्याच्चारिष्टशांतये१०। बृहस्पते सुराचार्य सर्वशास्त्रविशारद। दानेनानेन संतुष्टो भव सौम्यो ममाधुना११। एवं कृते तु राजेंद्र स्वानुकूलो भवेद्गुरुः। सर्वान्कामानवाप्नोति नरो गुरुसमर्चनात्१२। भार्गवस्यापि वक्ष्यामि पूजनं नृपतेधुना। यत्कृत्वा सर्वकामाप्तिः सम्यक्पुंसां प्रजायते१३। पंचकोणं समुद्दिष्टं मंडलं भार्गवस्य तु। चूर्णकैः श्वेतवर्णैश्च विधिना सुधिया कृतं१४। श्वेतगंधैश्च पुष्पैश्च वस्त्रैश्चापि सितैस्तथा। पूजयेद्भार्गवं भक्त्या नरः श्रद्धासमन्वितः१५। रौप्यं च दक्षिणादानं यथाशक्ति प्रकीर्तितं। दशाद्यरिष्टे चोत्पन्ने सितमश्वं प्रदापयेत्१६। तंडुलाः श्वेतवस्त्रं च रौप्यं चंदनमेव च। कर्पूरं च सुगंधाढ्यं देयं दानं द्विजातये१७। भृगुपुत्र महाभाग दानवानां पुरोहित। दानेनानेन संतुष्टो भव सर्वासुरार्चित१८। इति मंत्रं समुच्चार्य दद्याद्दानं यथोदितं। तस्य तुष्टो भवत्याशु भार्गवः कुरुनंदन१९। शनैश्चरस्य पूजार्थं मंडलं च नराकृति। कृत्वा चूर्णैः कृष्णवर्णैः पूजयेत्तत्र भक्तितः२०। कृष्णैर्गन्धैश्च पुष्पैश्च वस्त्रैश्चापि तथाविधैः। लोहं च दक्षिणादानं पिण्याकं च तिलस्य च२१। दानं शनैश्चरारिष्टे कृष्णां गां कृष्णवस्त्रकं। सुवर्णं च यथाशक्ति दद्यान्नीलमणिं तथा२२। सूर्यसूनो महाभाग छायापुत्र महाबल। अधोदृष्टे भव शने प्रसन्नोऽस्मात्प्रदानतः२३। एवं स्तुत्वा शनिं भक्त्या यश्च दद्याद्द्विजातये। स्वानुकूलो भवेत्तस्य शनिः पापे च गोचरे२४। राहोर्वर्णादिकं सर्वं शनिवन्मंडलं तथा। सूर्याकारं समुद्दिष्टं तत्र पूजार्कसूनुवत्२५। गोमेदं सर्षपाश्चैव तिला माषाश्च कृष्णकाः। महिषी च तथा च्छागो दानं राहोः प्रकीर्तितम्२६। सिंहिकासुत दैत्येंद्र राहो चंद्रार्कमर्दन। भव तुष्टो महाभाग दानेनानेन सुव्रत२७। केतोर्मंडलकं कुर्याद्ध्वजाकृतिसुशोभनम्। शनिवत्सकलं ज्ञेयं पूजावर्णादिकं नृप२८। सप्तधान्यं समुद्दिष्टं सस्वर्णं केतुदानकम्। एवं कृते स्वानुकूलौ भवेतां च नृणां नृप२९। प्रदद्यातां धनं पुत्रान्सुखं सौभाग्यमेव च। आकृष्णेति रवेर्मंत्र इमं देवास्तथा विधोः३०। अग्निर्मूर्धेति भौमस्य मंत्रो जप्येर्हणे तथा। उद्बुध्यस्वेतींदुसूनोर्बृहस्पते गुरोस्तथा३१। अन्नात्परीति शुक्रस्य शन्नोदेवीरयं शनेः। कया न इति राहोश्च केतोः केतुमिति स्मृतः३२। एते मंत्रास्समुद्दिष्टा ग्रहणां पूजने जपे। एवं कृते नृपश्रेष्ठानुकूला अखिला ग्रहाः३३। भवंति पुंसां सततं यच्छंति च सुसंपदः। एतन्महाराज मया समस्तं तुभ्यं समुद्दिष्टमिहक्रमेण३४। श्रुत्वा नरः सर्वश्रुतार्थसारमेतीश्वरस्यैव च सन्निधानम्। इदं पवित्रं यशसो निधानमिदं पितॄणामतिवल्लभं स्यात्३५। इदं च देवेष्वमृताय कल्पते पुण्यावहं पातकिनां च पुंसाम्। इति पठति यशस्यं यः शृणोतीह भक्त्या मधुमुरनकारेरर्चनं वाथ पश्येत्३६। मतिमपि च जनानां यो ददातींद्रलोके विधिशिवविबुधेन्द्रैः पूज्यते कल्पमेकम्। य इदं शृणुयान्नित्यमृषीणां चरितं शुभम्३७। विमुक्तस्सर्वपापेभ्यः स्वर्गलोके महीयते। तपः कृते प्रशंसंति त्रेतायां ज्ञानमेव च३८। द्वापरे यज्ञमित्याहुर्दानमेकं कलौ युगे। सर्वेषामेव दानानामिदमेवैकमुत्तमम्३९। अभयं सर्वभूतानां नास्ति दानमतः परम्। दानं प्रधानं शूद्रस्य त्वित्याह भगवान्प्रभुः४०। दानेन सर्वकामाप्तिस्तस्य संजायते तपः। पुण्यं पवित्रमायुष्यं सर्वपापविनाशनम्४१। पुराणमेतत्कथितं तीर्थश्राद्धानुवर्णनम्। शृणोति यः पठेद्वापि श्रीमान्संजायते नरः४२। सर्वपापविनिर्मुक्तः सलक्ष्मीकं हरिं लभेत्। इदं महाराज अगादि तुभ्यं पुण्यं महापातकनाशनं च४३। ब्रह्मार्करुद्रैश्च सुपूजितं च श्रोतव्यमेतत्प्रवदंति तज्ज्ञाः। सृष्टिखंडमिदं राजन्मया तुभ्यं प्रकीर्तितम्४४। पुराणस्यादिभूतं च नवधा सृष्टि पौष्करम्। द्विजेभ्यः श्रावयेद्विद्वान्यश्च वै शृणुयात्पठेत्। कल्पकोटिशतं साग्रं ब्रह्मलोके स मोदते४५। इति श्रीपाद्मपुराणे सृष्टिखंडे पुराणावतारे ग्रहार्चनवर्णनंनाम द्व्यशीतितमोऽध्यायः८२। सृष्टिखंडं समाप्तम्। शुभं भवतु।
bhīṣma uvāca- śrutaṃ sūryasya caṃdrasya bhaumasyāpi prapūjanaṃ| budhasya somasūnośca pūjanaṃ kathayādhunā1| pulastya uvāca-| tārāgarbhasamudbhūto budhaścaṃdrakumārakaḥ| saumyaḥ krūro graho jñeyaḥ śubhāśubhaprado nṛṇāṃ2| śarākāraṃ maṃḍalaṃ tu budhasya parikīrtitaṃ| harinmaṇisamairvarṇaiścūrṇaiḥ kuryāttu maṃḍalaṃ3| pūjayettatra gaṃdhādyaiḥ puṣpairdhūpaissuśobhanaiḥ| dānaṃ ca vidhivatkuryāddaśāriṣṭe ca gocare4| karpūrāścaiva mudgāśca haridvastraṃ harinmaṇiḥ| suvarṇaṃ ca yathāśakti dadyādbodhanatuṣṭaye5| somaputra mahāprājña vedavedāṃgapāraga| namaste grahamadhyastha prasanno bhava me sadā6| iti stutvā mahārāja budhaṃ bhaktyā samāhitaḥ| prāpnuyānnikhilānkāmānsomasūnuprasādataḥ7| gurośca pūjanaṃ proktaṃ paṭṭasākāramaṃḍale| pītavarṇaiḥ suniṣpannaiścūrṇairājansuśobhanaiḥ8| pītairgaṃdhayutaiḥ puṣpairvastrairhemnā ca pūjayet| daśāgocarayordauṣṭye dānaṃ dadyācca śaktitaḥ9| caṇakadvidalaṃ caiva pītavastraṃ suvarṇakaṃ| puṣyarāgaṃ tu viprāya dadyāccāriṣṭaśāṃtaye10| bṛhaspate surācārya sarvaśāstraviśārada| dānenānena saṃtuṣṭo bhava saumyo mamādhunā11| evaṃ kṛte tu rājeṃdra svānukūlo bhavedguruḥ| sarvānkāmānavāpnoti naro gurusamarcanāt12| bhārgavasyāpi vakṣyāmi pūjanaṃ nṛpatedhunā| yatkṛtvā sarvakāmāptiḥ samyakpuṃsāṃ prajāyate13| paṃcakoṇaṃ samuddiṣṭaṃ maṃḍalaṃ bhārgavasya tu| cūrṇakaiḥ śvetavarṇaiśca vidhinā sudhiyā kṛtaṃ14| śvetagaṃdhaiśca puṣpaiśca vastraiścāpi sitaistathā| pūjayedbhārgavaṃ bhaktyā naraḥ śraddhāsamanvitaḥ15| raupyaṃ ca dakṣiṇādānaṃ yathāśakti prakīrtitaṃ| daśādyariṣṭe cotpanne sitamaśvaṃ pradāpayet16| taṃḍulāḥ śvetavastraṃ ca raupyaṃ caṃdanameva ca| karpūraṃ ca sugaṃdhāḍhyaṃ deyaṃ dānaṃ dvijātaye17| bhṛguputra mahābhāga dānavānāṃ purohita| dānenānena saṃtuṣṭo bhava sarvāsurārcita18| iti maṃtraṃ samuccārya dadyāddānaṃ yathoditaṃ| tasya tuṣṭo bhavatyāśu bhārgavaḥ kurunaṃdana19| śanaiścarasya pūjārthaṃ maṃḍalaṃ ca narākṛti| kṛtvā cūrṇaiḥ kṛṣṇavarṇaiḥ pūjayettatra bhaktitaḥ20| kṛṣṇairgandhaiśca puṣpaiśca vastraiścāpi tathāvidhaiḥ| lohaṃ ca dakṣiṇādānaṃ piṇyākaṃ ca tilasya ca21| dānaṃ śanaiścarāriṣṭe kṛṣṇāṃ gāṃ kṛṣṇavastrakaṃ| suvarṇaṃ ca yathāśakti dadyānnīlamaṇiṃ tathā22| sūryasūno mahābhāga chāyāputra mahābala| adhodṛṣṭe bhava śane prasanno'smātpradānataḥ23| evaṃ stutvā śaniṃ bhaktyā yaśca dadyāddvijātaye| svānukūlo bhavettasya śaniḥ pāpe ca gocare24| rāhorvarṇādikaṃ sarvaṃ śanivanmaṃḍalaṃ tathā| sūryākāraṃ samuddiṣṭaṃ tatra pūjārkasūnuvat25| gomedaṃ sarṣapāścaiva tilā māṣāśca kṛṣṇakāḥ| mahiṣī ca tathā cchāgo dānaṃ rāhoḥ prakīrtitam26| siṃhikāsuta daityeṃdra rāho caṃdrārkamardana| bhava tuṣṭo mahābhāga dānenānena suvrata27| ketormaṃḍalakaṃ kuryāddhvajākṛtisuśobhanam| śanivatsakalaṃ jñeyaṃ pūjāvarṇādikaṃ nṛpa28| saptadhānyaṃ samuddiṣṭaṃ sasvarṇaṃ ketudānakam| evaṃ kṛte svānukūlau bhavetāṃ ca nṛṇāṃ nṛpa29| pradadyātāṃ dhanaṃ putrānsukhaṃ saubhāgyameva ca| ākṛṣṇeti ravermaṃtra imaṃ devāstathā vidhoḥ30| agnirmūrdheti bhaumasya maṃtro japyerhaṇe tathā| udbudhyasvetīṃdusūnorbṛhaspate gurostathā31| annātparīti śukrasya śannodevīrayaṃ śaneḥ| kayā na iti rāhośca ketoḥ ketumiti smṛtaḥ32| ete maṃtrāssamuddiṣṭā grahaṇāṃ pūjane jape| evaṃ kṛte nṛpaśreṣṭhānukūlā akhilā grahāḥ33| bhavaṃti puṃsāṃ satataṃ yacchaṃti ca susaṃpadaḥ| etanmahārāja mayā samastaṃ tubhyaṃ samuddiṣṭamihakrameṇa34| śrutvā naraḥ sarvaśrutārthasārametīśvarasyaiva ca sannidhānam| idaṃ pavitraṃ yaśaso nidhānamidaṃ pitṝṇāmativallabhaṃ syāt35| idaṃ ca deveṣvamṛtāya kalpate puṇyāvahaṃ pātakināṃ ca puṃsām| iti paṭhati yaśasyaṃ yaḥ śṛṇotīha bhaktyā madhumuranakārerarcanaṃ vātha paśyet36| matimapi ca janānāṃ yo dadātīṃdraloke vidhiśivavibudhendraiḥ pūjyate kalpamekam| ya idaṃ śṛṇuyānnityamṛṣīṇāṃ caritaṃ śubham37| vimuktassarvapāpebhyaḥ svargaloke mahīyate| tapaḥ kṛte praśaṃsaṃti tretāyāṃ jñānameva ca38| dvāpare yajñamityāhurdānamekaṃ kalau yuge| sarveṣāmeva dānānāmidamevaikamuttamam39| abhayaṃ sarvabhūtānāṃ nāsti dānamataḥ param| dānaṃ pradhānaṃ śūdrasya tvityāha bhagavānprabhuḥ40| dānena sarvakāmāptistasya saṃjāyate tapaḥ| puṇyaṃ pavitramāyuṣyaṃ sarvapāpavināśanam41| purāṇametatkathitaṃ tīrthaśrāddhānuvarṇanam| śṛṇoti yaḥ paṭhedvāpi śrīmānsaṃjāyate naraḥ42| sarvapāpavinirmuktaḥ salakṣmīkaṃ hariṃ labhet| idaṃ mahārāja agādi tubhyaṃ puṇyaṃ mahāpātakanāśanaṃ ca43| brahmārkarudraiśca supūjitaṃ ca śrotavyametatpravadaṃti tajjñāḥ| sṛṣṭikhaṃḍamidaṃ rājanmayā tubhyaṃ prakīrtitam44| purāṇasyādibhūtaṃ ca navadhā sṛṣṭi pauṣkaram| dvijebhyaḥ śrāvayedvidvānyaśca vai śṛṇuyātpaṭhet| kalpakoṭiśataṃ sāgraṃ brahmaloke sa modate45| iti śrīpādmapurāṇe sṛṣṭikhaṃḍe purāṇāvatāre grahārcanavarṇanaṃnāma dvyaśītitamo'dhyāyaḥ82| sṛṣṭikhaṃḍaṃ samāptam| śubhaṃ bhavatu|
English translation
Bhīṣma said :
1. I have heard about the worship of the Sun, the Moon and that of Mars also. (Please) now tell (me) about the worship of Budha (i.e. Mercury), the son of Soma (i.e. the Moon).
Pulastya said :
2. Budha or Saumya , the son of Candra (i.e. the Moon) and born from the womb of Tārā should be known as a cruel planet ( graha ), giving auspicious and inauspicious things to men.
3. The orb of Budha is said to be arrow-shaped. One should fashion the circle, the powders having colours like green gems.
4-5. There he should worship him with sandal etc., flowers and lovely incense. He should also make presents according to the rules when he is unfavourable at the time of birth or while passing to another zodiacal sign. He should also give camphor, kidney beans, green piece of cloth, gems, and gold according to his capacity to please Bodhana .
6. (He should recite the hymn:) ‘O son of Soma (i.e. the Moon), O you very intelligent one, O you who have mastered Vedas and Vedāṅgas , O you who remain among the planets ( graha ), be always pleased with me.’
7. O great king, thus praising Budha, and being absorbed in devotion to him, one would satisfy all one’s desires by the favour of the son of Soma (Budha or Mercury).
8. The worship of Guru (i.e. Jupiter) is prescribed on a circle on a slab (drawn with) very lovely powders of yellow colour effected well, O king.
9. He should worship him with yellow, fragrant flowers, pieces of cloth and gold. When he is unfavourable at the time of (one’s) birth or badly placed while passing to another zodiacal sign, a man should give gifts according to his capacity.
10. For the removal of evils he should give to a brāhmaṇa two-portioned grams, yellow garment, and gold and (the gem) puṣyarāga .
11. (He should recite the hymn:) ‘O Bṛhaspati , O preceptor of gods, O you well-versed in all branches of knowledge be pleased with this present and now be soft towards me.’
12. O lord of kings, when this is done, Guru (i.e. Jupiter) becomes favourable (to the man). A man has all his desires fulfilled by worshipping Guru.
13. O king, I shall now tell you (the procedure of) the worship of Bhārgava (or Śukra , i.e. Venus ), by following which all the desires of men are properly satisfied.
14. The circle (i.e. the figure) for Śukra is said to be five-angled fashioned duly by a very intelligent person with white powders.
15. A man, full of faith, should devoutly worship Śukra with white sandal, (white) flowers and pieces of white cloth.
16. The present of silver according to one’s capacity is also recommended. If the planet is unfavourable at the time of one’s birth or when passing from a zodiacal sign, one should present a white horse (to a brāhmaṇa).
17. Rice, white garment, silver, sandal, fragrant camphor should be given as gift to a brāhmaṇa.
18. (He should recite the hymn:) ‘O son of Bhṛgu , O magnanimous one, O priest of the demons, O you worshipped by all demons, be pleased with this gift.’
19. Reciting this sacred hymn one should give the presents as mentioned. O you descendant of Kuru , Śukra is quickly pleased with him.
20-21a. For the worship of Śanaiścara (i.e. Saturn) one should draw a circle (i.e. figure) resembling a human figure, with black powders and there should devoutly worship (the planet) with black sandal, (black) flowers, pieces of cloth of that kind (i.e. of black colour).
21b-22. Iron and (other) gifts should be given, also oil cakes and sesamum. The present for Saturn being unfavourable is a black cow and a black garment. One should also give according to one’s capacity gold and sapphire.
23. (One should recite the hymn:) ‘O Sun’s son, O glorious one, O son of Chāyā [1] , O you very mighty one, O you having a downward look, O Śani , be pleased by means of these presents made by me.’
24. He, who, having thus devoutly pleased Śani would give the presents to a brāhmaṇa, has Śani favourable to him if he was unfavourable at his birth and while passing to other zodiacal sign.
25. In the case of the worship of Rāhu , the colour (of the objects) should be the same as in the case of Śani. It is recommended that the circle should be like the shape of the Sun and the worship (-procedure) would be the same like that in the case of the Sun’s son (i.e. Śani).
26. The presents (in honour) of Rāhu are said to be gomeda , [2] mustard, sesamum, black beans, a buffalo, and a goat.
27. (He should recite the hymn:) ‘O son of Siṃhikā , O lord of demons, O you who torment the Moon and the Sun, O you of a good vow, be pleased with this present, O you glorious one.’
28. One should draw a very lovely, flag-shaped, circle (i.e. figure) (for the worship) of Ketu . O king, the procedure of his worship and the colour of the objects presented should be known to be like that of Śani and the like.
29-30a. The present for Ketu is said to be the seven (kinds of) grains and gold. O king, if this is done, the two (i.e. Rāhu and Ketu) would be favourable to men, and would give wealth, sons, happiness and good fortune.
30b-32. The sacred hymn for Ravi i.e. the Sun is ‘Ā Kṛṣṇa .’ For the Moon it is ‘Imām devāḥ ...’ For Mars it is ‘Agnimūrdha’ for muttering and also for worship. The hymn for Budha (i.e. Mercury) is ‘Udbudhyasva...’ and for Guru (i.e. Jupiter) is ‘Bṛhaspate...’. For Śukra (i.e. Venus) it is ‘Annāt pari ...’; for Śani (i.e. Saturn) it is ‘Śanno devī ...’; for Rāhu it is ‘ Kayā naḥ...’ and for Ketu it is said to be ‘Ketum...’.
33-34a These hymns are intended at the time of worshipping or muttering prayers. O best among men, when this is done, all planets, always become favourable to men and give them ample wealth.
34b-35. O great king, I have in due order told you everything. Hearing it—the essence of the meaning of all scriptures—a man reaches the presence of god. This is pure, it is the treasure of glory, it would be very dear to the manes.
36-38a. It leads to immortality among gods; it gives religious merit (even) to sinful men. He who recites this (account) leading to glory, he who devoutly listens to this or sees the worship of the enemy of Madhu , Mura and Naraka , he who gives the idea (about this) to people, is honoured for one kalpa in the heaven of Indra by Brahma , Śiva and other lords of gods. He who everyday listens to this auspicious practice of sages, is free from all sins and is honoured in heaven.
38b-39. The (wise) recommend penance in Kṛta (- yuga ); they recommend knowledge in Tretā ; they say sacrifice (is important) in Dvāpara ; and they recommend giving gifts alone in Kaliyuga . Of all the gifts this one viz. making all beings fearless is the best.
40-41. There is no greater gift than it. The revered lord said that for a śūdra the most important (thing) is giving a gift. By giving a gift all his desires are satisfied, and (merit due to) penance arises for him; it is auspicious, sacred, (giving a long) life, and destroys all sins.
42-43a. Here old accounts are narrated; descriptions of sacred places and śrāddha are given. The man, who listens to or would recite it becomes rich. Being free from all sins, he would obtain (i.e. reach) Viṣṇu with Lakṣmī .
43b-45. O great king, I have narrated to you this Purāṇa which is auspicious and which destroys great sins. This is very much honoured by Brahmā , Arka (i.e. the Sun) and Rudra , and the wise say that it should be listended to. O prince, I have narrated this Sṛṣṭikhaṇḍa to you. It forms the beginning of the Purāṇa. This first or Pauṣkara Parvan (describes) the nine kinds of creation. A learned man who would recite this to brāhmaṇas or would listen to or recite this, would be happy in Brahmā’s world for a full hundred crores of kalpas .
[1]: [1] : Chāyāputra—Chāyā is the name of a wife of the Sun. She was but a shadow or likeness of Saṃjñā, the wife of the Sun. Saṃjñā on one occasion wished to go to her father’s house and asked her husband’s permission; but he did not grant it. Determined to carry out her purpose, she created, by means of her superhuman power, a woman exactly like herself, who was, as it were, her own shadow and was therefore called Chāyā. She bore to the Sun three children—Sāvarṇi, Śani and a daughter Tapati.
[2]: [2] : Gomeda—A gem brought from the Himālaya and Indus, described as of four different colours—white, pale-yellow, red and dark-blue.
Complete chapter-aligned witnesses. Sanskrit Wikisource page 45234, revision 334629 (2022-04-06T19:53:56Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364205.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.