Pātāla-khaṇḍa · Chapter 57
Sourceवात्स्यायन उवाच। जगत्पवित्रसत्कीर्ति जानक्या वाच्यवाचनम् । कथं समकरोत्स्वामी तन्मे कथय सुव्रत १। यथा मे मनसः सौख्यं भविष्यति सुशोभनम् । तथा कुरुष्व शेषाद्य त्वन्मुखान्निःसृतामृतम् । पिबतस्तृप्तिरेव स्याद्यया संसृतिकृं तनम् २। शेष उवाच। मिथिलायां महापुर्यां जनको नाम भूपतिः । तस्यां करोति सद्राज्यं धर्मेणाराधयन्प्रजाः ३। तस्य संकर्षतो भूमिं सीतया दीर्घमुख्यया । सीरध्वजस्य निरगात्कुमारी ह्यतिसुंदरी ४। तदात्यंतं मुदं प्राप्तः सीरकेतुर्महीपतिः । सीता नामाकरोत्तस्या मोहिन्या जगतः श्रियः ५। सैकदोद्यानविपिने खेलंती सुमनोहरा । अपश्यत्स्वमनःकांतं शुकशुक्योर्युगं वदत् ६। अत्यंतं हर्षमापन्नमत्यंतं कामलोलुपम् । परस्परं भाषमाणं स्नेहेन शुभया गिरा ७। रममाणं तदा युग्मं नभसि क्षिप्रवेगतः । समुत्पतन्नगोपस्थे स्थितं शब्दं चकार तत् ८। रामो महीपतिर्भूमौ भविष्यति मनोहरः । तस्य सीतेति नाम्ना तु भविष्यति महेलिका ९। स तया सह वर्षाणां सहस्राण्येकयुग्दश । राज्यं करिष्यते धीमान्कर्षन्भूमिपतीन्बली १०। धन्या सा जानकी देवी धन्योऽसौ रामसंज्ञितः । यौ परस्परमापन्नौ पृथिव्यां रंस्यतो मुदा ११। इति संभाष्यमाणं तु शुकयुग्मं तु मैथिली । ज्ञात्वेदं देवतायुग्मं वाणीं तस्य विलोक्य च १२। मदीयास्तु कथा रम्याः कुरुते शुकयोर्युगम् । एतद्गृहीत्वा पृच्छामि सर्वं वाक्यं गतार्थकम् १३। एवं विचार्य सा स्वीयाः सखीः प्रतिजगाद ह । गृह्णंतु शनकैरेतत्पक्षियुग्मं मनोहरम् १४। सख्यस्तास्तद्गिरिं गत्वा गृह्णन्पक्षियुगं वरम् । निवेदयामासुरिदं स्वसख्याः प्रियकाम्यया १५। बहुधा विविधाञ्छब्दान्कुर्वद्वीक्ष्य मनोहरम् । आश्वासयामास तदा पप्रच्छ तदिदं वचः १६। सीतोवाच। मा भैषातां युवां रम्यौ कौ वां कुत्र समागतौ । को रामः का च सा सीता तज्ज्ञानं तु कुतः स्मृतम् १७। तत्सर्वं शंसतं क्षिप्रं मत्तो वां व्येतु यद्भयम् । इति पृष्टं तया पक्षियुगं सर्वमशंसत १८। पक्षियुग्ममुवाच। वाल्मीकिरास्ते सुमहानृषिर्धर्मविदुत्तमः । आवां तदाश्रमस्थाने सर्वदा सुमनोहरे १९। सशिष्यान्गापयामास भावि रामायणं मुनिः । प्रत्यहं तत्पदस्मारी सर्वभूतहिते रतः २०। तदावाभ्यां श्रुतं सर्वं भावि रामायणं महत् । मुहुर्मुहुर्गीयमानमायातं परिपाठतः २१। शृण्वावां तेऽभिधास्यावो यो रामो या च जानकी । यद्यद्भविष्यते तस्या रामेण क्रीडितात्मना २२। ऋष्यशृंगकृतेष्ट्यां च चतुर्धा त्वंगतो हरिः । प्रादुर्भविष्यति श्रीमान्सुरस्त्रीगीतसत्कथः २३। स कौशिकेन मिथिलां प्राप्स्यते भ्रातृसंयुतः । धनुष्पाणिस्तदा दृष्ट्वा दुर्ग्राह्यमन्यभूभुजाम् २४। धनुर्भंक्त्वा जनकजां प्राप्स्यते सुमनोहराम् । तया सह महद्राज्यं करिष्यति श्रुतं वरे २५। एतदन्यच्च तत्रस्थैः श्रुतमस्माभिरुद्गतैः । कथितं तव चार्वंगि मुंचावां गंतुकामुकौ २६। इति वाक्यं तयोर्धृत्वा श्रोत्रयोः सुमनोहरम् । पुनरेवजगादेदं वाक्यं पक्षियुगं प्रति २७। स रामः कुत्र वर्तेत कस्य पुत्रः कथं तु ताम् । परिग्रहीष्यति वरः कीदृग्रूपधरो नरः २८। मया पृष्टमिदं सर्वं कथयंतु यथातथम् । पश्चात्सर्वं करिष्यामि प्रियं युष्मन्मनोहरम् २९। तच्छ्रुत्वा तां तु कामेन पीडितां वीक्ष्य सा शुकी । जानकीं हृदये ज्ञात्वा पपाठ पुरतस्ततः ३०। सूर्यवंशध्वजो धीमान्राजा पंक्तिरथो बली । यं देवाः श्रित्य सर्वारीन्विजेष्यंति च सर्वशः ३१। तस्य भार्यात्रयं भावि शक्रमोहनरूपधृक् । तस्मिन्नपत्य चातुष्कं भविष्यति बलोन्नतम् ३२। सर्वेषामग्रजो रामो भरतस्तदनुस्मृतः । लक्ष्मणस्तदनु श्रीमाञ्छत्रुघ्नः सर्वतो बली ३३। रघुनाथ इति ख्यातिं गमिष्यति महामनाः । तेषामनंतनामानि रामस्य बलिनः सखि ३४। पद्मकोश इव शोभनं मुखं । पंकजाभनयने सुदीर्घके । उन्नता पृथुमनोहरा नसा । वल्गुसंगत मनोहरे भ्रुवौ ३५। जानुलंबित मनोहरौ भुजौ । कंबुशोभिगलकोऽतिह्रस्वकः । सत्कपाटतलविस्तृतश्रिकं । वक्ष एतदमलं सलक्ष्मकम् ३६। शोभनोरुकटिशोभया युतं । जानुयुग्मममलं स्वसेवितम् । पादपद्ममखिलैर्निजैः सदा । सेवितं रघुपतिं सुशोभनम् ३७। एतद्रूपधरो रामो मया किं तु स वर्ण्यते । शताननोपि नो याति पक्षिणः किमु मादृशाः ३८। यद्रूपं वीक्ष्य ललिता मनोहरवपुर्धरा । लक्ष्मीर्मुमोह भुविका वर्तते या न मोहति ३९। महाबलो महावीर्यो महामोहनरूपधृक् । किं वर्णयामि श्रीरामं सर्वैश्वर्यगुणान्वितम् ४०। धन्या सा जानकीदेवी महामोहनरूपधृक् । रंस्यते येन सहिता वर्षाणामयुतं मुदा ४१। त्वं कासि किं तु नामासि बत सुंदरि यत्तु माम् । परिपृच्छसि वैदग्ध्याद्रामकीर्तनमादरात् ४२। एतद्वाक्यं समाकर्ण्य जानकी पक्षिणोर्युगम् । उवाच जन्मललितं शंसंती स्वस्य मोहनम् ४३। या त्वया जानकी प्रोक्ता साहं जनकपुत्रिका । स रामो मां यदाभ्येत्य प्राप्स्यते सुमनोहरः ४४। तदा वां मोचयाम्यद्धानान्यथा वाक्यलोभिता । लालयामि सुखेनास्तां मद्गेहे मधुराक्षरौ ४५। इत्युक्तं तत्समाकर्ण्य वेपतुर्भयतां गतौ । परस्परं प्रक्षुभितौ जानकीमित्यवोचताम् ४६। वयं वै पक्षिणः साध्वि वनस्था वृक्षगोचराः । परिभ्रमाम सर्वत्र नो सुखं नो भवेद्गृहे ४७। अंतर्वत्नी स्वके स्थाने गत्वा संसूय पुत्रकान् । त्वत्स्थानमागमिष्यामि सत्यं मे ह्युदितं वचः ४८। एवं प्रोक्ता तया सा तु न मुमोच शुकीं स्वयम् । तदापतिस्तां प्रोवाच विनीतवदनुत्सुकः ४९। सीते मुंच कथं भार्यां रक्षसे मे मनोहरीम् । आवां गच्छाव विपिने विचरावः सुखं वने ५०। अंतर्वत्नी तु वर्तेत भार्या मम मनोरमा । तस्याः प्रसूतिं कृत्वा त्वामागमिष्यामि शोभने ५१। इत्युक्ता निजगादेमं सुखं गच्छ महामते । एतां रक्षामि सुखिनीं मत्पार्श्वे प्रियकारिणीम् ५२। इत्युक्तो दुःखितः पक्षी तामूचे करुणान्वितः । योगिभिः प्रोच्यते यद्वै तद्वचस्तथ्यमेव हि ५३। न वक्तव्यं न वक्तव्यं मौनमाश्रित्य तिष्ठताम् । नोचेत्स वाक्यदोषेण प्राप्नोत्यालानमुन्मदः ५४। वयं चेदत्र वाक्यं नाकरिष्याम नगोपरि । बंधनं कथमावां स्यात्तस्मान्मौनं समाचरेत् ५५। इत्युक्त्वा तां प्रत्युवाच नाहं जीवामि सुंदरि । एतया भार्यया सीते तस्मान्मुंच मनोहरे ५६। अनेकविधवाक्यैः सा बोधिता नामुचत्तदा । कुपिता दुःखिता भार्या शशाप जनकात्मजाम् ५७। यथा त्वं पतिना सार्धं वियोजयसि मामितः । तथा त्वमपि रामेण वियुक्ता भव गर्भिणी ५८। इत्युक्तवत्यां तस्यां तु दुःखितायां पुनः पुनः । प्राणा निरगमन्दुःखात्पतिदुःखेन पूरितात् ५९। रामं रामं स्मरंत्याश्च वदंत्यांश्च पुनः पुनः । विमानमागतं सुष्ठु पक्षिणी स्वर्गता बभौ ६०। तस्यां मृतायां दुःखार्तो भर्ता तस्याः स पक्षिराट् । परमं क्रोधमापन्नो जाह्नव्यां दुःखितोऽपतत् ६१। तथा भवामि रामस्य नगरे जनपूरिते । मद्वाक्यादियमुद्विग्ना वियोगेन सुदुःखिता ६२। इत्युक्त्वा स पपातोदे जाह्नव्या भ्रमशोभिते । दुःखितः कुपितो भीतस्तद्वियोगेन कंपितः ६३। क्रुद्धत्वाद्दुःखितत्वाच्च सीताया अपमाननात् । अंत्यजत्वं परं प्राप्तो रजकः क्रोधनाभिधः ६४। यः क्रोधाच्च स्वकान्प्राणान्महतां दुष्टमाचरन् । संत्यजेत्स मृतो याति अंत्यजत्वं द्विजोत्तमः ६५। तज्जातं रजकोक्त्यासौ निंदिता च वियोगिता । रजकस्य च शापेन वियुक्ता सा वनं गता ६६। एतत्ते कथितं विप्र यत्ते पृष्टं विदेहजाम् । पुनरत्र परं वृत्तं शृणुष्व निगदामि तत् ६७।
vātsyāyana uvāca| jagatpavitrasatkīrti jānakyā vācyavācanam | kathaṃ samakarotsvāmī tanme kathaya suvrata 1| yathā me manasaḥ saukhyaṃ bhaviṣyati suśobhanam | tathā kuruṣva śeṣādya tvanmukhānniḥsṛtāmṛtam | pibatastṛptireva syādyayā saṃsṛtikṛṃ tanam 2| śeṣa uvāca| mithilāyāṃ mahāpuryāṃ janako nāma bhūpatiḥ | tasyāṃ karoti sadrājyaṃ dharmeṇārādhayanprajāḥ 3| tasya saṃkarṣato bhūmiṃ sītayā dīrghamukhyayā | sīradhvajasya niragātkumārī hyatisuṃdarī 4| tadātyaṃtaṃ mudaṃ prāptaḥ sīraketurmahīpatiḥ | sītā nāmākarottasyā mohinyā jagataḥ śriyaḥ 5| saikadodyānavipine khelaṃtī sumanoharā | apaśyatsvamanaḥkāṃtaṃ śukaśukyoryugaṃ vadat 6| atyaṃtaṃ harṣamāpannamatyaṃtaṃ kāmalolupam | parasparaṃ bhāṣamāṇaṃ snehena śubhayā girā 7| ramamāṇaṃ tadā yugmaṃ nabhasi kṣipravegataḥ | samutpatannagopasthe sthitaṃ śabdaṃ cakāra tat 8| rāmo mahīpatirbhūmau bhaviṣyati manoharaḥ | tasya sīteti nāmnā tu bhaviṣyati mahelikā 9| sa tayā saha varṣāṇāṃ sahasrāṇyekayugdaśa | rājyaṃ kariṣyate dhīmānkarṣanbhūmipatīnbalī 10| dhanyā sā jānakī devī dhanyo'sau rāmasaṃjñitaḥ | yau parasparamāpannau pṛthivyāṃ raṃsyato mudā 11| iti saṃbhāṣyamāṇaṃ tu śukayugmaṃ tu maithilī | jñātvedaṃ devatāyugmaṃ vāṇīṃ tasya vilokya ca 12| madīyāstu kathā ramyāḥ kurute śukayoryugam | etadgṛhītvā pṛcchāmi sarvaṃ vākyaṃ gatārthakam 13| evaṃ vicārya sā svīyāḥ sakhīḥ pratijagāda ha | gṛhṇaṃtu śanakairetatpakṣiyugmaṃ manoharam 14| sakhyastāstadgiriṃ gatvā gṛhṇanpakṣiyugaṃ varam | nivedayāmāsuridaṃ svasakhyāḥ priyakāmyayā 15| bahudhā vividhāñchabdānkurvadvīkṣya manoharam | āśvāsayāmāsa tadā papraccha tadidaṃ vacaḥ 16| sītovāca| mā bhaiṣātāṃ yuvāṃ ramyau kau vāṃ kutra samāgatau | ko rāmaḥ kā ca sā sītā tajjñānaṃ tu kutaḥ smṛtam 17| tatsarvaṃ śaṃsataṃ kṣipraṃ matto vāṃ vyetu yadbhayam | iti pṛṣṭaṃ tayā pakṣiyugaṃ sarvamaśaṃsata 18| pakṣiyugmamuvāca| vālmīkirāste sumahānṛṣirdharmaviduttamaḥ | āvāṃ tadāśramasthāne sarvadā sumanohare 19| saśiṣyāngāpayāmāsa bhāvi rāmāyaṇaṃ muniḥ | pratyahaṃ tatpadasmārī sarvabhūtahite rataḥ 20| tadāvābhyāṃ śrutaṃ sarvaṃ bhāvi rāmāyaṇaṃ mahat | muhurmuhurgīyamānamāyātaṃ paripāṭhataḥ 21| śṛṇvāvāṃ te'bhidhāsyāvo yo rāmo yā ca jānakī | yadyadbhaviṣyate tasyā rāmeṇa krīḍitātmanā 22| ṛṣyaśṛṃgakṛteṣṭyāṃ ca caturdhā tvaṃgato hariḥ | prādurbhaviṣyati śrīmānsurastrīgītasatkathaḥ 23| sa kauśikena mithilāṃ prāpsyate bhrātṛsaṃyutaḥ | dhanuṣpāṇistadā dṛṣṭvā durgrāhyamanyabhūbhujām 24| dhanurbhaṃktvā janakajāṃ prāpsyate sumanoharām | tayā saha mahadrājyaṃ kariṣyati śrutaṃ vare 25| etadanyacca tatrasthaiḥ śrutamasmābhirudgataiḥ | kathitaṃ tava cārvaṃgi muṃcāvāṃ gaṃtukāmukau 26| iti vākyaṃ tayordhṛtvā śrotrayoḥ sumanoharam | punarevajagādedaṃ vākyaṃ pakṣiyugaṃ prati 27| sa rāmaḥ kutra varteta kasya putraḥ kathaṃ tu tām | parigrahīṣyati varaḥ kīdṛgrūpadharo naraḥ 28| mayā pṛṣṭamidaṃ sarvaṃ kathayaṃtu yathātatham | paścātsarvaṃ kariṣyāmi priyaṃ yuṣmanmanoharam 29| tacchrutvā tāṃ tu kāmena pīḍitāṃ vīkṣya sā śukī | jānakīṃ hṛdaye jñātvā papāṭha puratastataḥ 30| sūryavaṃśadhvajo dhīmānrājā paṃktiratho balī | yaṃ devāḥ śritya sarvārīnvijeṣyaṃti ca sarvaśaḥ 31| tasya bhāryātrayaṃ bhāvi śakramohanarūpadhṛk | tasminnapatya cātuṣkaṃ bhaviṣyati balonnatam 32| sarveṣāmagrajo rāmo bharatastadanusmṛtaḥ | lakṣmaṇastadanu śrīmāñchatrughnaḥ sarvato balī 33| raghunātha iti khyātiṃ gamiṣyati mahāmanāḥ | teṣāmanaṃtanāmāni rāmasya balinaḥ sakhi 34| padmakośa iva śobhanaṃ mukhaṃ | paṃkajābhanayane sudīrghake | unnatā pṛthumanoharā nasā | valgusaṃgata manohare bhruvau 35| jānulaṃbita manoharau bhujau | kaṃbuśobhigalako'tihrasvakaḥ | satkapāṭatalavistṛtaśrikaṃ | vakṣa etadamalaṃ salakṣmakam 36| śobhanorukaṭiśobhayā yutaṃ | jānuyugmamamalaṃ svasevitam | pādapadmamakhilairnijaiḥ sadā | sevitaṃ raghupatiṃ suśobhanam 37| etadrūpadharo rāmo mayā kiṃ tu sa varṇyate | śatānanopi no yāti pakṣiṇaḥ kimu mādṛśāḥ 38| yadrūpaṃ vīkṣya lalitā manoharavapurdharā | lakṣmīrmumoha bhuvikā vartate yā na mohati 39| mahābalo mahāvīryo mahāmohanarūpadhṛk | kiṃ varṇayāmi śrīrāmaṃ sarvaiśvaryaguṇānvitam 40| dhanyā sā jānakīdevī mahāmohanarūpadhṛk | raṃsyate yena sahitā varṣāṇāmayutaṃ mudā 41| tvaṃ kāsi kiṃ tu nāmāsi bata suṃdari yattu mām | paripṛcchasi vaidagdhyādrāmakīrtanamādarāt 42| etadvākyaṃ samākarṇya jānakī pakṣiṇoryugam | uvāca janmalalitaṃ śaṃsaṃtī svasya mohanam 43| yā tvayā jānakī proktā sāhaṃ janakaputrikā | sa rāmo māṃ yadābhyetya prāpsyate sumanoharaḥ 44| tadā vāṃ mocayāmyaddhānānyathā vākyalobhitā | lālayāmi sukhenāstāṃ madgehe madhurākṣarau 45| ityuktaṃ tatsamākarṇya vepaturbhayatāṃ gatau | parasparaṃ prakṣubhitau jānakīmityavocatām 46| vayaṃ vai pakṣiṇaḥ sādhvi vanasthā vṛkṣagocarāḥ | paribhramāma sarvatra no sukhaṃ no bhavedgṛhe 47| aṃtarvatnī svake sthāne gatvā saṃsūya putrakān | tvatsthānamāgamiṣyāmi satyaṃ me hyuditaṃ vacaḥ 48| evaṃ proktā tayā sā tu na mumoca śukīṃ svayam | tadāpatistāṃ provāca vinītavadanutsukaḥ 49| sīte muṃca kathaṃ bhāryāṃ rakṣase me manoharīm | āvāṃ gacchāva vipine vicarāvaḥ sukhaṃ vane 50| aṃtarvatnī tu varteta bhāryā mama manoramā | tasyāḥ prasūtiṃ kṛtvā tvāmāgamiṣyāmi śobhane 51| ityuktā nijagādemaṃ sukhaṃ gaccha mahāmate | etāṃ rakṣāmi sukhinīṃ matpārśve priyakāriṇīm 52| ityukto duḥkhitaḥ pakṣī tāmūce karuṇānvitaḥ | yogibhiḥ procyate yadvai tadvacastathyameva hi 53| na vaktavyaṃ na vaktavyaṃ maunamāśritya tiṣṭhatām | nocetsa vākyadoṣeṇa prāpnotyālānamunmadaḥ 54| vayaṃ cedatra vākyaṃ nākariṣyāma nagopari | baṃdhanaṃ kathamāvāṃ syāttasmānmaunaṃ samācaret 55| ityuktvā tāṃ pratyuvāca nāhaṃ jīvāmi suṃdari | etayā bhāryayā sīte tasmānmuṃca manohare 56| anekavidhavākyaiḥ sā bodhitā nāmucattadā | kupitā duḥkhitā bhāryā śaśāpa janakātmajām 57| yathā tvaṃ patinā sārdhaṃ viyojayasi māmitaḥ | tathā tvamapi rāmeṇa viyuktā bhava garbhiṇī 58| ityuktavatyāṃ tasyāṃ tu duḥkhitāyāṃ punaḥ punaḥ | prāṇā niragamanduḥkhātpatiduḥkhena pūritāt 59| rāmaṃ rāmaṃ smaraṃtyāśca vadaṃtyāṃśca punaḥ punaḥ | vimānamāgataṃ suṣṭhu pakṣiṇī svargatā babhau 60| tasyāṃ mṛtāyāṃ duḥkhārto bhartā tasyāḥ sa pakṣirāṭ | paramaṃ krodhamāpanno jāhnavyāṃ duḥkhito'patat 61| tathā bhavāmi rāmasya nagare janapūrite | madvākyādiyamudvignā viyogena suduḥkhitā 62| ityuktvā sa papātode jāhnavyā bhramaśobhite | duḥkhitaḥ kupito bhītastadviyogena kaṃpitaḥ 63| kruddhatvādduḥkhitatvācca sītāyā apamānanāt | aṃtyajatvaṃ paraṃ prāpto rajakaḥ krodhanābhidhaḥ 64| yaḥ krodhācca svakānprāṇānmahatāṃ duṣṭamācaran | saṃtyajetsa mṛto yāti aṃtyajatvaṃ dvijottamaḥ 65| tajjātaṃ rajakoktyāsau niṃditā ca viyogitā | rajakasya ca śāpena viyuktā sā vanaṃ gatā 66| etatte kathitaṃ vipra yatte pṛṣṭaṃ videhajām | punaratra paraṃ vṛttaṃ śṛṇuṣva nigadāmi tat 67|
English translation
Vātsyāyana said :
1-2. O you of a good vow, tell me how the lord received the utterance of the censure of Jānakī having pure, excellent fame in the world. O Śeṣa , do that by which my mind shall have very splendid happiness, so that I who drink the nectar coming out from your mouth, shall be satisfied, and by which my worldly existence will be cut off.
Śeṣa said :
3-11. In Mithilā , a great city, there lived a king by name Janaka . Pleasing his subjects, he ruled righteously. When that Sīradhvaja (i.e. Janaka) was ploughing the field, an extremely beautiful girl came out from the long, first furrow. Then king Sīraketu (i.e. Janaka) became extremely glad. He named her, the fascinating one, the glory of the world, Sītā . When she, extremely charming, was playing in the grove of the garden, she saw a pair of a male and a female parrot that delighted her mind. The parrots were extremely delighted and lustful, and affectionately talking to each other in pleasant words. That pair, enjoying (each other’s company), quickly flew in the sky, settled on the lap of a mountain, and spoke (to each other): “On the earth, charming Rāma will be the king. His wife will be (a woman) by name Sitā . The intelligent, powerful king, vanquishing (his enemies), will rule (over the earth) along with her for eleven thousand years. Blessed is that queen Jānakī, and blessed is he, named Rāma, who having approached each other, will gladly enjoy.”
12-16. When the couple of parrots was conversing in this way, Maithilī , observing their words and realising that this was a divine couple and thinking, ‘this couple of parrots is telling charming tales about me, (so) I shall catch the couple, and will ask about all the words, the meaning of which is already expressed’, she said to her friends: “Slowly catch this charming pair of the birds.” The friends just then went to the mountain, and caught the excellent pair of the birds, and with a desire to do what was dear to their friend (Sītā), reported it to her. Seeing the pair uttering many words in various ways, she comforted it, and said to it these words.
Sītā said :
17-18. Do not be scared. Who are you two, the charming ones? Where have you come from? Who is Rāma, and who is Sītā? Where from did you have the information about them? Tell me all that quickly. Let your fear of me go away.
The pair of birds said :
19-26. There is a very great sage Vālmīki who i s the best among those who know dharma . That sage made his disciples sing the future adventures of Rama . He, engrossed in the wellbeing of all beings, everyday remembered its words. All those future adventures of Rāma, being sung repeatedly, were heard by both of us; they came to us (i.e. were mastered by us) due to repetition. Listen to them. In the end we shall tell who that Rāma is and who that Jānakī is and what will happen to her with Rāma of a playful nature. Glorious Viṣṇu , good stories about whom are sung by celestial women, will, having divided himself into four, come up at the sacrifice performed by Ṛṣyaśṛṅga . He, having a bow in his hand, will come along with Visvāmitra and his own brothers to Mithilā. Then there seeing a bow difficult to be taken (i.e. wielded) by other kings, he will break it, and will obtain the very charming daughter of Janaka. O excellent one, we have heard that with her he will rule over a large kingdom. O you of a beautiful body, we who had flown there, heard this and other (things) about you, told by those who lived there. Release us who desire to go.
27-40. Grasping (i.e.hearing) these words very pleasant to the ears, she again spoke (these) words to that pair of birds: “Where would that Rāma be? Whose son (will he be)? In what way will he marry her? What form will the excellent man have? Tell me exactly all this that I have asked you. Later I will do all good things liked by you.” Hearing those (words), the female parrot, seeing Jānakī and realising in her heart that she was oppressed by love, then said to her: “There will be an intelligent mighty king having a line of chariots, and the scion of the solar dynasty, having resorted to whom gods will be fully victorious. He will have three wives, having forms that will fascinate (even) Indra . On them (i.e. from them) four children (sons) lofty on account of might, will be born. Rāma will be the eldest of all. Bharata is said to be (born) after him. After him (i.e. Bharata) Lakṣmaṇa (will be born), and after him (will be born) Śatrughna . powerful everywhere. The large-minded one (i.e. Rāma) will go by the name Raghunātha . They will have endless names; O friend, the face of the powerful Rāma will be charming like the calyx of a lotus. His very long (i.e. large) eyes will have the beauty of lotuses. His nose will be raised, large and charming. His eyebrows will be lovely and charming due to their being harmonious. His lovely hands will be hanging up to his knees. His very small neck will be charming like a conch. His chest will be plain and expansive and charming. His chest will be pure and will have a mark. Endowed with the beauty of charming thighs and waist, he will have a pair of knees, pure and naturally adored. His lotus-like feet will always be worshipped by all his (votaries). The very charming Raghupati (will be like this). Rāma possess a form like this. Who am I to describe him? Even one having a hundred mouths cannot describe him. Then what a bout birds like me? Seeing his form, (even) Lakṣmī , charming and having a beautiful body, was enticed. (Then) which (lady) is there on the earth that will not be enticed? He has great power, great valour, and has a very enticing form. What power do I have to describe Rāma endowed with all glory and virtues?
41-53. Lucky is that queen Jānakī (i.e. Sītā), having a very attractive form, who will gladly enjoy with him for a myriad years. O beautiful lady, who are you? What is your name that you cleverly and respectfully ask me to narrate (the account) of Rāma?” Hearing these words, Jānakī, telling the couple of birds about the charming and enticing (story of) her birth, said to them: “I am that Jānakī, the daughter of Janaka, whom you mentioned. I shall truly release you when that very charming Rāma comes to me; not otherwise—being (just) allured by your words! I shall caress you. You, having (i.e. speaking) sweet words, stay happily (with me).” Hearing these words they trembled and were frightened. They were mutually (i.e. both) afraid; (and) said this to Jānakī: “O good lady, we are birds, living in forests and resorting to trees. We wander everywhere. We would not get happiness (merely by staying) at home. I am pregnant. Having gone to my place and having given birth to sons (i.e. young ones) I shall come (back). I have told you the truth.” (Though) thus addressed by the female parrot, she did not release her. Then her husband (i.e. the male parrot), eager, and with his face hung down spoke to her: “Sītā, release my wife. How do you keep this my beautiful wife? We shall go to the forest and shall happily move in the forest. My charming wife would be (i.e. is) pregnant. Having performed her (i.e. after her) delivery I shall come to you, O lovely one?” Thus, addressed, she said to him: “O you very intelligent one, you can gladly go. I shal l keep this happy one, doing what is dear to me, near me.” Thus addressed, the bird was unhappy; and full of tenderness, he said to her: “Those words which are uttered by the meditating saints are true: (The words a re:)
54-56. ‘One should not speak, one should not speak. One should remain by resorting to silence. Otherwise, due to the blemish in one's utterance, the mad one would be fettered.’ Had we not talked (to each other) on this tree, how would we have been bound? Therefore, one should resort to silence.” Saying so, he spoke to her: “O beautiful lady, O Sītā, I shall not live without this wife of me. Therefore, O you charming one, leave her.”
57-66. Though admonished with various words, she did not release her. The (parrot’s) wife, who was angry, and miserable, then cursed Janaka’s daughter: “As you are separating me from my husband, in the same way you will be, when pregnant, separated from Rāma.” When she, the afflicted one, was repeatedly saying like this, her life departed due to misery, full of the distress of her husband. For her who was repeatedly remembering Rāma and uttering (the name) Rāma, a divine car properly arrived. The female parrot became luminous when she had gone to heaven. When she died, her husband, that lord of birds, was extremely angry, and being distressed, fell into Gaṅga : “In Rāma’s city, full of people, I will be born as (a śūdra so) that due to my words she will be dejected, and extremely unhappy due to separation (from her husband).” Saying so, he who was distressed, angry, frightened and shaking due to separation from her, fell into the water of Gaṅgā graced with eddies. Due to his being angry, due to his being distressed, and due to his having insulted Sītā, he obtained very (mean) śūdra-hood (as he was born as) a washerman named Krodhana . That best bird (or best brāhmaṇa ) who, doing ill to the great, abandons his life through anger, obtains śūdrahood after he dies. That took place. Due to the words of the washerman she was censured and separated. On account of the curse of the washerman, she was separated (from Rāma), and she went to the forest.
67. O brāhmaṇa, I have told you what you had asked about (Sītā), born in Videha . Listen to the further account here (i.e. regarding Sītā). I (shall) narrate it.
Complete chapter-aligned witnesses. Sanskrit Wikisource page 25206, revision 335999 (2022-04-17T11:45:02Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365368.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.