Bhūmi-khaṇḍa · Chapter 32
Sourceसूत उवाच- नानारत्नैः सुदीप्तांगो हाटकेनापि सर्वतः । राजमानो गिरिश्रेष्ठो यथा सूर्यः स्वरश्मिभिः १। छायामशोकां संप्राप्य शीतलां सुखदायिनीम् । ध्यायंति योगिनः सर्वे उपविष्टा दृढासने २। क्वचित्तपंति मुनयः क्वचिद्गायंति किन्नराः । संतुष्टा ऋषिगंधर्वा वीणातालकराविलाः ३। तालमानलये लीनाः स्वरैः सप्तभिरन्वितैः । मूर्च्छनारत्निसंयुक्तैर्व्यक्तं गीतं मनोहरम् ४। तस्मिन्वै पर्वतश्रेष्ठे चंदनच्छायसंश्रिताः । गंधर्वा गीततत्वज्ञा गीतं गायंति तत्पराः ५। नृत्यंति योषितस्तत्र देवानां पर्वत्तोत्तमे । पापहा पुण्यदो दिव्यः सुश्रेयसां प्रदायकः ६। वेदध्वनिः समधुरः श्रूयते पर्वतोत्तमे । चंदनाशोकपुन्नागैः शालैस्तालैस्तमालकैः ७। वटैस्तु मेघसंकाशै राजते पर्वतोत्तमः । संतानकैः कल्पवृक्षै रंभापादपसंकुलैः ८। नगेंद्रो भाति सर्वत्र नाकवृक्षैः सुपुष्पितैः । नानाधातुसमाकीर्णो नानारत्नचयो गिरिः ९। नानाकौतुकसंयुक्तो नानामंगलसंयुतः । वेदवृंदैः सुसंजुष्टो ह्यप्सरोगणसंकुलः १०। ऋषिभिर्मुनिभिः सिद्धैर्गंधर्वैःपरिभातिसः । गजैश्चाचलसंकाशैः सिंहनादैर्विराजते ११। शरभैर्मत्तशार्दूलैर्मृगधूर्तैरलंकृतः । वापीकूपतडागैश्च संपूर्णैर्विमलोदकैः १२। हंसकारंडवाकीर्णैः सर्वत्र परिशोभते । कनकोत्पलैश्च श्वेतैश्च रक्तोत्पलैर्विराजते १३। नदीस्रवणसंघातैर्विमलैश्चोदकैस्तथा । शालतालैश्च रूपैश्च सगजैः स्फाटिकैस्तथा १४। विस्तीर्णैः कांचनैर्दिव्यैः सूर्यवह्निसमप्रभैः । शिलातलैश्च संपूर्णः शैलराजो विराजते १५। विमानैर्देवतानां च प्रासादैः पर्वतोत्तमैः । हंसचंद्रप्रतीकाशैर्हेमदंडैरलंकृतः १६। कलशैश्चामरैर्युक्तैः प्रासादैः परिशोभितः । नानागुणप्रमुदित देववृंदैश्च शोभितः १७। देववृंदैरनेकैश्च गंधर्वैश्चारणैस्तथा । सर्वत्र राजते पुण्यो मेरुर्गिरिवरोत्तमः १८। तस्माद्गंगामहापुण्या पुण्यतोया महानदी । प्रसूता पुण्यतीर्थाढ्या हंसपद्मैः समाकुला १९। मुनिभिः सेव्यमाना सा ऋषिसंघैर्महानदी । एवंगुणं गिरिश्रेष्ठं पुण्यकौतुकमंगलम् २०। अंगश्चात्रिसुतः पुण्यः प्रविवेश महामुनिः । गंगातीरे सुपुण्ये च एकांते चारुकंदरे २१। तत्रोपविश्य मेधावी कामक्रोधविवर्जितः । सर्वेंद्रियाणि संयम्य हृषीकेशं मनोगतम् २२। ध्यायमानः स धर्मात्मा कृष्णं क्लेशापहं प्रभुम् । आसने शयने याने ध्याने च मधुसूदनम् २३। नित्यं पश्यति युक्तात्मा योगयुक्तो जितेंद्रियः । चराचरेषु जीवेषु तेषु पश्यति केशवम् २४। आर्द्रेषु चैव शुष्केषु सर्वेष्वन्येषु स द्विजः । एवं वर्षशतं जातं तप्यमानस्य तस्य च २५। समालोक्य जगन्नाथश्चक्रपाणिर्द्विजोत्तमम् । बहुविघ्नान्सुघोरांश्च दर्शयत्येव नित्यशः २६। तेजसा तस्य देवस्य नृसिंहस्य महात्मनः । निरातंकः स धर्मात्मा दहत्यग्निरिवेंधनम् २७। नियमैः संयमैश्चान्यैरुपवासैर्द्विजोत्तमः । क्षीयमाणस्तु संजातो दीप्यमानः स्वतेजसा २८। सूर्यपावकसंकाशस्त्वंग एवं प्रदृश्यते । एवं तपःसु निरतं ध्यायमानं जनार्दनम् २९। आविर्भूयाब्रवीद्देवो वरं वरय मानद । तं च दृष्ट्वा हृषीकेशमंगः परम निर्वृतः ३०। तुष्टाव प्रणतो भूत्वा वासुदेवं प्रसन्नधीः ३१। अंग उवाच- त्वं गतिः सर्वभूतानां भूतभावन पावन । भूतात्मा सर्वभूतेश नमस्तुभ्यं गुणात्मने ३२। गुणरूपाय गुह्याय गुणातीताय ते नमः । गुणाय गुणकर्त्रे च गुणाढ्याय गुणात्मने ३३। भवाय भवकर्त्रे च भक्तानां भवहारिणे । भवोद्भवाय गुह्याय नमो भवविनाशिने ३४। यज्ञाय यज्ञरूपाय यज्ञेशाय नमोनमः । यज्ञकर्मप्रसंगाय नमः शंखधराय च ३५। नमोनमो हिरण्याय नमो रथांगधारिणे । सत्याय सत्यभावाय सर्वसत्यमयाय च ३६। धर्माय धर्मकर्त्रे च सर्वकर्त्रे च ते नमः । धर्मांगाय सुवीराय धर्माधाराय ते नमः ३७। नमः पुण्याय पुत्राय ह्यपुत्राय महात्मने । मायामोहविनाशाय सर्वमायाकराय ते ३८। मायाधराय मूर्ताय त्वमूर्ताय नमोनमः । सर्वमूर्तिधरायैव शंकराय नमोनमः ३९। ब्रह्मणे ब्रह्मरूपाय परब्रह्मस्वरूपिणे । नमस्ते सर्वधाम्ने च नमो धामधराय च ४०। श्रीमते श्रीनिवासाय श्रीधराय नमोनमः । क्षीरसागरवासाय चामृताय च ते नमः ४१। महौषधाय घोराय महाप्रज्ञापराय च । अक्रूराय प्रमेध्याय मेध्यानां पतये नमः ४२। अनंताय ह्यशेषाय चानघाय नमोनमः । आकाशस्य प्रकाशाय पक्षिरूपाय ते नमः ४३। हुताय हुतभोक्त्रे च हवीरूपाय ते नमः । बुद्धाय बुधरूपाय सदाबुद्धाय ते नमः ४४। नमो हव्यायकव्याय स्वधाकाराय ते नमः । स्वाहाकाराय शुद्धाय ह्यव्यक्ताय महात्मने ४५। व्यासाय वासवायैव वसुरूपाय ते नमः । वासुदेवाय विश्वाय वह्निरूपाय ते नमः । हरये केवलायैव वामनाय नमोनमः ४६। नमो नृसिंहदेवाय सत्वपालाय ते नमः ४७। नमो गोविंदगोपाय नम एकाक्षराय च । नमः सर्वाक्षरायैव हंसरूपाय ते नमः ४८। त्रितत्त्वाय नमस्तुभ्यं पंचतत्त्वाय ते नमः । पंचविंशतितत्त्वाय तत्त्वाधाराय वै नमः ४९। कृष्णाय कृष्णरूपाय लक्ष्मीनाथाय ते नमः । नमः पद्मपलाशाय आनंदाय पराय च ५०। नमो विश्वंभरायैव पापनाशाय वै नमः । नमः पुण्यसुपुण्याय सत्यधर्माय ते नमः ५१। नमोनमः शाश्वतअव्ययाय नमोनमः संघ नभोमयाय । श्रीपद्मनाभाय महेश्वराय नमामि ते केशवपादपद्मम् ५२। आनंदकंद कमलाप्रिय वासुदेव सर्वेश ईश मधुसूदन देहि दास्यम् । पादौ नमामि तव केशव जन्मजन्म कृपां कुरुष्व मम शांतिद शंखपाणे ५३। संसारदारुणहुताशनतापदग्धं पुत्रादिबंधुमरणैर्बहुशोकतापैः । ज्ञानांबुदेन मम प्लावय पद्मनाभ दीनस्य मच्छरणरूपभवस्व नाथ ५४। एवं स्तोत्रं समाकर्ण्य त्वंगस्यापि महात्मनः । दर्शयित्वा स्वकं रूपं घनश्यामं महौजसम् ५५। शंखचक्रगदापाणिं पद्महस्तं महाप्रभुम् । वैनतेयसमारूढमात्मरूपं प्रदर्शितम् ५६। सर्वाभरणशोभांगं हारकंकणकुंडलैः । राजमानं परं दिव्यं निर्मलं वनमालया ५७। अंगस्याग्रे हृषीकेशः शोभमान महत्प्रभः । श्रीवत्सांकेन पुण्येन कौस्तुभेन जनार्दनः ५८। दर्शयित्वा स्वकं देहं सर्वदेवमयो हरिः । स उवाच महात्मानं तमंगमृषिसत्तमम् ५९। भो भो विप्र महाभाग श्रूयतां वचनं शुभम् । मेघगंभीरघोषेण समाभाष्य द्विजोत्तमम् ६०। तपसानेन तुष्टोस्मि वरं वरय शोभनम् । तुष्यमाणं हृषीकेशं तं दृष्ट्वा कमलापतिम् ६१। दीप्यमानं विराजंतं विश्वरूपं जनेश्वरम् । पादांबुजद्वयं तस्य प्रणम्य च पुनःपुनः ६२। हर्षेण महताविष्टस्तमुवाच जनार्दनम् । दासोहं तव देवेश शंखचक्रगदाधर ६३। वरं मे दातुकामोसि देहि त्वं वंशजं सुतम् । दिवि शक्रो यथाऽभाति सर्वतेजः समन्वितः ६४। तादृशं देहि मे पुत्रं सर्वलोकस्य रक्षकम् । सर्वदेवप्रियं देव ब्रह्मण्यं धर्मपंडितम् ६५। दातारं ज्ञानसंपन्नं धर्मतेजः समन्वितम् । त्रैलोक्यरक्षकं कृष्ण सत्यधर्मानुपालकम् ६६। यज्वनामुत्तमं चैकं शूरं त्रैलोक्यभूषणम् । ब्रह्मण्यं वेदविद्वांसं सत्यसंधं जितेंद्रियम् ६७। अजितं सर्वजेतारं विष्णुं तेजःसमप्रभम् । वैष्णवं पुण्यकर्तारं पुण्यजं पुण्यलक्षणम् ६८। शांतं तु तपसोपेतं सर्वशास्त्रविशारदम् । वेदज्ञं योगिनां श्रेष्ठं भवतो गुणसंनिभम् ६९। ईदृशं देहि मे पुत्रं दातुकामो यदा वरम् । श्रीवासुदेव उवाच- एभिर्गुणैः समोपेतस्तव पुत्रो भविष्यति ७०। अत्रिवंशस्य वै धर्ता विश्वस्यास्य महामते । तेजसा यशसा पुण्यैः पितरं चोद्धरिष्यति ७१। उद्धरिष्यति यः सत्यैः पितरं च पितामहम् । भवान्यास्यति मे स्थानं तद्विष्णोः परमं पदम् ७२। इत्युक्त्वा देवदेवेशस्तमंगं प्रति स द्विज । कस्यचित्पुण्यवीर्यस्य पुण्यां कन्यां विवाहय ७३। तस्यामुत्पादय सुतं शुभं पुण्यावह प्रियम् । स भविष्यति धर्मात्मा मत्प्रसादान्महामते ७४। सर्वज्ञः सर्ववेत्ता च यादृशो वांछितस्त्वया । एवं वरं ततो दत्वा अंतर्धानं गतो हरिः ७५। इति श्रीपद्मपुराणे भूमिखंडे वेनोपाख्याने अंगवरप्रदानं । नाम द्वात्रिंशोऽध्यायः ३२।
sūta uvāca- nānāratnaiḥ sudīptāṃgo hāṭakenāpi sarvataḥ | rājamāno giriśreṣṭho yathā sūryaḥ svaraśmibhiḥ 1| chāyāmaśokāṃ saṃprāpya śītalāṃ sukhadāyinīm | dhyāyaṃti yoginaḥ sarve upaviṣṭā dṛḍhāsane 2| kvacittapaṃti munayaḥ kvacidgāyaṃti kinnarāḥ | saṃtuṣṭā ṛṣigaṃdharvā vīṇātālakarāvilāḥ 3| tālamānalaye līnāḥ svaraiḥ saptabhiranvitaiḥ | mūrcchanāratnisaṃyuktairvyaktaṃ gītaṃ manoharam 4| tasminvai parvataśreṣṭhe caṃdanacchāyasaṃśritāḥ | gaṃdharvā gītatatvajñā gītaṃ gāyaṃti tatparāḥ 5| nṛtyaṃti yoṣitastatra devānāṃ parvattottame | pāpahā puṇyado divyaḥ suśreyasāṃ pradāyakaḥ 6| vedadhvaniḥ samadhuraḥ śrūyate parvatottame | caṃdanāśokapunnāgaiḥ śālaistālaistamālakaiḥ 7| vaṭaistu meghasaṃkāśai rājate parvatottamaḥ | saṃtānakaiḥ kalpavṛkṣai raṃbhāpādapasaṃkulaiḥ 8| nageṃdro bhāti sarvatra nākavṛkṣaiḥ supuṣpitaiḥ | nānādhātusamākīrṇo nānāratnacayo giriḥ 9| nānākautukasaṃyukto nānāmaṃgalasaṃyutaḥ | vedavṛṃdaiḥ susaṃjuṣṭo hyapsarogaṇasaṃkulaḥ 10| ṛṣibhirmunibhiḥ siddhairgaṃdharvaiḥparibhātisaḥ | gajaiścācalasaṃkāśaiḥ siṃhanādairvirājate 11| śarabhairmattaśārdūlairmṛgadhūrtairalaṃkṛtaḥ | vāpīkūpataḍāgaiśca saṃpūrṇairvimalodakaiḥ 12| haṃsakāraṃḍavākīrṇaiḥ sarvatra pariśobhate | kanakotpalaiśca śvetaiśca raktotpalairvirājate 13| nadīsravaṇasaṃghātairvimalaiścodakaistathā | śālatālaiśca rūpaiśca sagajaiḥ sphāṭikaistathā 14| vistīrṇaiḥ kāṃcanairdivyaiḥ sūryavahnisamaprabhaiḥ | śilātalaiśca saṃpūrṇaḥ śailarājo virājate 15| vimānairdevatānāṃ ca prāsādaiḥ parvatottamaiḥ | haṃsacaṃdrapratīkāśairhemadaṃḍairalaṃkṛtaḥ 16| kalaśaiścāmarairyuktaiḥ prāsādaiḥ pariśobhitaḥ | nānāguṇapramudita devavṛṃdaiśca śobhitaḥ 17| devavṛṃdairanekaiśca gaṃdharvaiścāraṇaistathā | sarvatra rājate puṇyo merurgirivarottamaḥ 18| tasmādgaṃgāmahāpuṇyā puṇyatoyā mahānadī | prasūtā puṇyatīrthāḍhyā haṃsapadmaiḥ samākulā 19| munibhiḥ sevyamānā sā ṛṣisaṃghairmahānadī | evaṃguṇaṃ giriśreṣṭhaṃ puṇyakautukamaṃgalam 20| aṃgaścātrisutaḥ puṇyaḥ praviveśa mahāmuniḥ | gaṃgātīre supuṇye ca ekāṃte cārukaṃdare 21| tatropaviśya medhāvī kāmakrodhavivarjitaḥ | sarveṃdriyāṇi saṃyamya hṛṣīkeśaṃ manogatam 22| dhyāyamānaḥ sa dharmātmā kṛṣṇaṃ kleśāpahaṃ prabhum | āsane śayane yāne dhyāne ca madhusūdanam 23| nityaṃ paśyati yuktātmā yogayukto jiteṃdriyaḥ | carācareṣu jīveṣu teṣu paśyati keśavam 24| ārdreṣu caiva śuṣkeṣu sarveṣvanyeṣu sa dvijaḥ | evaṃ varṣaśataṃ jātaṃ tapyamānasya tasya ca 25| samālokya jagannāthaścakrapāṇirdvijottamam | bahuvighnānsughorāṃśca darśayatyeva nityaśaḥ 26| tejasā tasya devasya nṛsiṃhasya mahātmanaḥ | nirātaṃkaḥ sa dharmātmā dahatyagniriveṃdhanam 27| niyamaiḥ saṃyamaiścānyairupavāsairdvijottamaḥ | kṣīyamāṇastu saṃjāto dīpyamānaḥ svatejasā 28| sūryapāvakasaṃkāśastvaṃga evaṃ pradṛśyate | evaṃ tapaḥsu nirataṃ dhyāyamānaṃ janārdanam 29| āvirbhūyābravīddevo varaṃ varaya mānada | taṃ ca dṛṣṭvā hṛṣīkeśamaṃgaḥ parama nirvṛtaḥ 30| tuṣṭāva praṇato bhūtvā vāsudevaṃ prasannadhīḥ 31| aṃga uvāca- tvaṃ gatiḥ sarvabhūtānāṃ bhūtabhāvana pāvana | bhūtātmā sarvabhūteśa namastubhyaṃ guṇātmane 32| guṇarūpāya guhyāya guṇātītāya te namaḥ | guṇāya guṇakartre ca guṇāḍhyāya guṇātmane 33| bhavāya bhavakartre ca bhaktānāṃ bhavahāriṇe | bhavodbhavāya guhyāya namo bhavavināśine 34| yajñāya yajñarūpāya yajñeśāya namonamaḥ | yajñakarmaprasaṃgāya namaḥ śaṃkhadharāya ca 35| namonamo hiraṇyāya namo rathāṃgadhāriṇe | satyāya satyabhāvāya sarvasatyamayāya ca 36| dharmāya dharmakartre ca sarvakartre ca te namaḥ | dharmāṃgāya suvīrāya dharmādhārāya te namaḥ 37| namaḥ puṇyāya putrāya hyaputrāya mahātmane | māyāmohavināśāya sarvamāyākarāya te 38| māyādharāya mūrtāya tvamūrtāya namonamaḥ | sarvamūrtidharāyaiva śaṃkarāya namonamaḥ 39| brahmaṇe brahmarūpāya parabrahmasvarūpiṇe | namaste sarvadhāmne ca namo dhāmadharāya ca 40| śrīmate śrīnivāsāya śrīdharāya namonamaḥ | kṣīrasāgaravāsāya cāmṛtāya ca te namaḥ 41| mahauṣadhāya ghorāya mahāprajñāparāya ca | akrūrāya pramedhyāya medhyānāṃ pataye namaḥ 42| anaṃtāya hyaśeṣāya cānaghāya namonamaḥ | ākāśasya prakāśāya pakṣirūpāya te namaḥ 43| hutāya hutabhoktre ca havīrūpāya te namaḥ | buddhāya budharūpāya sadābuddhāya te namaḥ 44| namo havyāyakavyāya svadhākārāya te namaḥ | svāhākārāya śuddhāya hyavyaktāya mahātmane 45| vyāsāya vāsavāyaiva vasurūpāya te namaḥ | vāsudevāya viśvāya vahnirūpāya te namaḥ | haraye kevalāyaiva vāmanāya namonamaḥ 46| namo nṛsiṃhadevāya satvapālāya te namaḥ 47| namo goviṃdagopāya nama ekākṣarāya ca | namaḥ sarvākṣarāyaiva haṃsarūpāya te namaḥ 48| tritattvāya namastubhyaṃ paṃcatattvāya te namaḥ | paṃcaviṃśatitattvāya tattvādhārāya vai namaḥ 49| kṛṣṇāya kṛṣṇarūpāya lakṣmīnāthāya te namaḥ | namaḥ padmapalāśāya ānaṃdāya parāya ca 50| namo viśvaṃbharāyaiva pāpanāśāya vai namaḥ | namaḥ puṇyasupuṇyāya satyadharmāya te namaḥ 51| namonamaḥ śāśvataavyayāya namonamaḥ saṃgha nabhomayāya | śrīpadmanābhāya maheśvarāya namāmi te keśavapādapadmam 52| ānaṃdakaṃda kamalāpriya vāsudeva sarveśa īśa madhusūdana dehi dāsyam | pādau namāmi tava keśava janmajanma kṛpāṃ kuruṣva mama śāṃtida śaṃkhapāṇe 53| saṃsāradāruṇahutāśanatāpadagdhaṃ putrādibaṃdhumaraṇairbahuśokatāpaiḥ | jñānāṃbudena mama plāvaya padmanābha dīnasya maccharaṇarūpabhavasva nātha 54| evaṃ stotraṃ samākarṇya tvaṃgasyāpi mahātmanaḥ | darśayitvā svakaṃ rūpaṃ ghanaśyāmaṃ mahaujasam 55| śaṃkhacakragadāpāṇiṃ padmahastaṃ mahāprabhum | vainateyasamārūḍhamātmarūpaṃ pradarśitam 56| sarvābharaṇaśobhāṃgaṃ hārakaṃkaṇakuṃḍalaiḥ | rājamānaṃ paraṃ divyaṃ nirmalaṃ vanamālayā 57| aṃgasyāgre hṛṣīkeśaḥ śobhamāna mahatprabhaḥ | śrīvatsāṃkena puṇyena kaustubhena janārdanaḥ 58| darśayitvā svakaṃ dehaṃ sarvadevamayo hariḥ | sa uvāca mahātmānaṃ tamaṃgamṛṣisattamam 59| bho bho vipra mahābhāga śrūyatāṃ vacanaṃ śubham | meghagaṃbhīraghoṣeṇa samābhāṣya dvijottamam 60| tapasānena tuṣṭosmi varaṃ varaya śobhanam | tuṣyamāṇaṃ hṛṣīkeśaṃ taṃ dṛṣṭvā kamalāpatim 61| dīpyamānaṃ virājaṃtaṃ viśvarūpaṃ janeśvaram | pādāṃbujadvayaṃ tasya praṇamya ca punaḥpunaḥ 62| harṣeṇa mahatāviṣṭastamuvāca janārdanam | dāsohaṃ tava deveśa śaṃkhacakragadādhara 63| varaṃ me dātukāmosi dehi tvaṃ vaṃśajaṃ sutam | divi śakro yathā'bhāti sarvatejaḥ samanvitaḥ 64| tādṛśaṃ dehi me putraṃ sarvalokasya rakṣakam | sarvadevapriyaṃ deva brahmaṇyaṃ dharmapaṃḍitam 65| dātāraṃ jñānasaṃpannaṃ dharmatejaḥ samanvitam | trailokyarakṣakaṃ kṛṣṇa satyadharmānupālakam 66| yajvanāmuttamaṃ caikaṃ śūraṃ trailokyabhūṣaṇam | brahmaṇyaṃ vedavidvāṃsaṃ satyasaṃdhaṃ jiteṃdriyam 67| ajitaṃ sarvajetāraṃ viṣṇuṃ tejaḥsamaprabham | vaiṣṇavaṃ puṇyakartāraṃ puṇyajaṃ puṇyalakṣaṇam 68| śāṃtaṃ tu tapasopetaṃ sarvaśāstraviśāradam | vedajñaṃ yogināṃ śreṣṭhaṃ bhavato guṇasaṃnibham 69| īdṛśaṃ dehi me putraṃ dātukāmo yadā varam | śrīvāsudeva uvāca- ebhirguṇaiḥ samopetastava putro bhaviṣyati 70| atrivaṃśasya vai dhartā viśvasyāsya mahāmate | tejasā yaśasā puṇyaiḥ pitaraṃ coddhariṣyati 71| uddhariṣyati yaḥ satyaiḥ pitaraṃ ca pitāmaham | bhavānyāsyati me sthānaṃ tadviṣṇoḥ paramaṃ padam 72| ityuktvā devadeveśastamaṃgaṃ prati sa dvija | kasyacitpuṇyavīryasya puṇyāṃ kanyāṃ vivāhaya 73| tasyāmutpādaya sutaṃ śubhaṃ puṇyāvaha priyam | sa bhaviṣyati dharmātmā matprasādānmahāmate 74| sarvajñaḥ sarvavettā ca yādṛśo vāṃchitastvayā | evaṃ varaṃ tato datvā aṃtardhānaṃ gato hariḥ 75| iti śrīpadmapurāṇe bhūmikhaṃḍe venopākhyāne aṃgavarapradānaṃ | nāma dvātriṃśo'dhyāyaḥ 32|
English translation
Sūta said :
1-20. The best mountain (i.e. Meru ), with its regions very bright with various gems and gold on all sides, shone like the Sun with his rays. All the meditating saints, seated on firm seats after resorting to very pleasing, cool, comfortable shades, meditated. At some places the sages practised penance; at some places Kinnaras sang (songs). Gandharvas , being delighted, (sang songs), beating time with their hands. Delightful songs were presented by them, who were engrossed in beating (and) measuring time in music, and with the seven musical notes; and with melody and closed fists. On that greatest mountain, Gandharvas, knowing the essential nature of songs, and being intent on singing, sang them, after having resorted to the shades of sandal-trees. The divine women danced there on the excellent mountain. The sound (of the recitation) of the Vedas , which destroyed sins, gave religious merit, which was divine, which bestowed great bliss, and which was very sweet, was heard on the best mountain. The excellent mountain shone with (trees like) sandal, Aśoka , Punnāga , Śāla , Tāla , and bunyan, resembling clouds. The lord of mountains shone at every place with Santānaka [1] trees, desire-yielding trees crowded with Ambhā (?) trees and well-blossomed divine trees. The mountain was full of many minerals and full of heaps of gems. It was full of many wonders and of various auspicious things. It was resorted to by groups of Vedas and was full of the groups of celestial nymphs. It shone with sages, ascetics, Siddhas and Gandharvas. It looked beautiful with elephants resembling mountains and with the roars of lions. It was adorned with Śarabhas [2] , with furious tigers and cunning beasts. Everywhere it looked charming with wells, pools and tanks containing spotless water and crowded with swans and ducks. It looked beautiful with golden, white and red lotuses. The lord of mountains looked charming with groups of rivers and streams having clear water, with Śāla and Tāla trees, and with crystal forms and elephants, and with slabs of stone which were extensive, golden, divine and which resembled the sun and fire. It was adorned with the mansions of deities, and palaces (resembling) excellent mountains, and with golden staffs resembling swans and the moon. It was also decorated with pitchers, chowries and palaces. It was also adorned with hosts of gods delighted by various excellences (of the mountain). That holy, best mountain Meru shone all round with many hosts of gods, Gandharvas and bards. That great river, which is very holy, which contains sacred water, which is rich with holy places, which is crowded with swans and lotuses, and which is resorted to by ascetics and hosts of sages, has risen from it.
21-31. Aṅga , the great meritorious sage, the son of Atri , (went to) that best mountain having such excellences and auspicious on account of holy wonders. He entered a beautiful cave on the very sacred and secluded bank of the Gaṅgā . The intelligent one, free from desire and anger, sat there after having controlled all his senses, and meditated upon the pious Viṣṇu - Kṛṣṇa , the lord who removes all afflictions and who remained in his mind. He, being attentive, full of deep meditation and with his senses conquered (i.e. controlled) always saw Madhusūdana (i.e. Viṣṇu) on a seat or bed or in a vehicle or in meditation. He saw Viṣṇu in the beings—mobile and immobile. That brāhmaṇa (saw Viṣṇu) in all wet, dry and other things. In this way a hundred years passed, while he was practising penance. Seeing the best brāhmaṇa (practising penance like this), the lord of the world, with the disc in his hand, always presented before him many very fearful dangers. With that lustre of the glorious god Nṛsiṃha , the pious and fearless (brāhmaṇa) burnt (himself) as fire burns the fuel. The best brāhmaṇa Aṅga was getting emaciated by observances and restraints; yet by means of his own lustre he appeared shining like the sun and fire. The god appeared before him who was thus deeply engrossed in penances and was meditating upon Janārdana , and said to him, “O you who show respect, choose a boon.” Seeing that Hṛṣīkeśa , Aṅga, who was highly delighted, with his mind pleased, and bowing down, praised him.
Aṅga said :
32-54. O you origin of beings, O you purifier, you are the refuge of all beings; O you lord of all beings, you are the soul of beings. My salutation to you who are full of merit. My salutation to you who are of the nature of merit, who are a mystery and are beyond all qualities; to you who are merit (itself), who are the cause of merit, who are endowed with merit and are of the nature of merit; to you who are the worldly life, the cause of the worldly life and who remove (i.e. free) your devotees from the worldly existence; to you from whom the worldly life has sprung up, to you who are a mystery, and the destroyer of the worldly life. Salutation to you, who are the sacrifice, who are of the form of sacrifices and the lord of sacrifice; who are connected with the sacrificial act and the holder of the conch. My repeated salutations to (you who are) gold, who hold a disc, to you who are truth, and are of true thoughts and are full of all truth. My salutation to you who are Dharma (i.e. Piety), the cause of Dharma and the cause of everything. My salutation to you whose body is Dharma, who are a great hero and who are the prop of righteousness. My salutation to you who are a meritorious and noble son and not a son; to you who destroy illusion and delusion and who bring about entire illusion. My repeated salutations to you who sustain illusion, who are embodied and formless. My salutation to you who take up all forms and are Śaṅkara (i.e. you who bring about blisses). My salutation to you, who are Brahman , of the nature of Brahman and identical with the highest Brahman; to you who are all lustre and possess lustre. My salutation to you who possess glory, who live in glory and sustain glory; to you who live in the ocean and are immortal. My salutation to you who are a great mineral, who are fierce and are beyond great wisdom; to you who are not cruel, who are pure and the lord of sacred things. My salutations to you, the unlimited one, the complete one, and to the sinless one. Salutation to you who are the light of the sky and are of the form of a bird. Salutation to you who are the one to whom oblations are offered, who enjoys the oblations and who are of the form of oblations. Salutation to you who are Buddha (i.e. enlightened), who are a god, and you who are ever enlightened. Salutation to you, who are the oblation offered to the' gods and to the manes; to you who are the utterance svadhā (used at the time of offering oblation to the manes) and svāhā (the utterance used at the time of offering oblation to the gods), to you who are pure, who are unmanifest and glorious. Salutation to you who are Vyāsa , Indra and of the nature of the Vasus ; to you who are Vāsudeva , who are everything and to you who arc of the form of fire; repeated salutations to you, who alone are Hari , Vāmana (i.e. Viṣṇu). Salutation to the god Nṛsiṃha and to you who maintain righteousness. My salutation to the cowherd Govinda and to the one-syllabled one. My salutation to you who are omni-syllabled and of the nature of the Supreme Soul. My salutation to you who are of the nature of the three principles or of the nature of the five elements; salutation to you who are (of the form of) the twenty-five principles and the support of the elements. Salutation to you who are Kṛṣna (i.e. Viṣṇu or dark), who are of the nature of Kṛṣna and are the lord of Lakṣmī . My salutation to you who are (charming) like a lotus-petal and are the highest bliss. My salutation to you who are the supporter of all and the destroyer of sins. My salutation to you who are the very great merit and you who practise truth. O eternal one, my repeated salutations to you who are immutable and a misty heap; to you having a lotus in (i.e. rising from) your navel; to you who are the great god. O Keśava , I salute your lotus-like feet. O you root of joy, O you dear to Lakṣmī, O Vāsudeva, O lord of all, O god, O Madhusūdana, make me your slave. O Keśava, I salute your feet. Be gracious to me in existence after existence, O you who give tranquility and who have a conch in your hand. Sprinkle me with water of knowledge, who am burnt by the heat of the fierce fire of the worldly existence and by many (kinds of) anguish and agony due to the deaths of sons etc. and of kinsmen; O lord Padmanābha , be a refuge to me.
55-58. Having heard this hymn of praise of (i.e. recited by) the noble Aṅga, Hṛṣīkeśa, shining with great lustre, and with the holy Kaustubha , marked with the Śrīvatsa , presented before Aṅga his own and very superior form having the conch, the disc and the mace in his hands, (and also) a lotus in his hand, and mounted upon Garuḍa , and with all limbs of his body beautified with a necklace, bracelets, and ear-rings, and looking great, divine and spotless, and charming due to the sylvan garland.
59-70a. Having thus manifested his own form, Hari, of the nature of all gods, said to that best noble sage, Aṅga: “O blessed brāhmaṇa, listen to (these) auspicious words.” With a sound deep like (the thundering of) clouds, he spoke to the best brāhmaṇa: “I am pleased with this penance (practised by you). Choose an auspicious boon.” He, full of great joy, again and again saluted the feet of Janārdana, who was shining, looking bright, who was the lord of people, who was of a universal form, who, the lord of Lakṣmī, was pleased, and said to him: “O you god of gods, O you holder of the conch, the disc and the mace, I am your slave. (If) you desire to grant me a boon, then give me a son born in my family (i.e. of my blood). Give me a son, the protector of all the people, and one full of all lustre shining like Indra in heaven. When you desire to grant me a boon, (then) (give me) a son, who is dear to all gods, who knows the Vedas, who is well-versed in the code of conduct, who is a donor, who is endowed with knowledge, and with the lustre of piety, who is the protector of the three worlds, who is Kṛṣṇa, who protects the truthful conduct, who is the best among the sacrificers, who is a unique hero, and who is the ornament of the three worlds, who is hospitable to brāhmaṇas , who knows the Vedas, whose promises are true, who has curbed his senses, who is unconquerable, who is the conqueror of all, whose lustre is like that of Viṣṇu, who is a devotee of Viṣṇu, who performs meritorious deeds, who is born due to merit, who has auspicious marks, who is tranquil, who is endowed with penance, who has mastered all branches of knowledge, who knows the Vedas, who is best among the meditating sages, and who is like you in point of virtues. Give me such a son.”
Vāsudeva said :
70b-72. O you very intelligent one, you will have a son endowed with all these qualities. He will support the family of Atri, and also this universe. He will also emancipate his father by means of his lustre, glory and merit; with his truthfulness he will emancipate his father (i.e. you) and his grandfather; you will reach my place, that is Viṣṇu’s highest position.
73-75. The lord of gods, spoke like this to that Aṅga, O brāhmaṇa. (He said to him): “Marry the auspicious daughter of someone of virtuous power. Generate on her a son, who will be auspicious, bringing merit and dear (to you). O you very intelligent one, by my favour, he will be religious-minded, omniscient, knowing all, (that is) as desired by you.” Thus giving (Aṅga) a boon Hari then vanished.
[1]: [1] : Santānaka—One of the five trees of Indra’s paradise.
[2]: [2] : Śarabha—a fabulous animal said to have eight legs and to be stronger than a lion.
Complete chapter-aligned witnesses. Sanskrit Wikisource page 37674, revision 362543 (2022-11-30T23:55:44Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364239.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.