Bhūmi-khaṇḍa · Chapter 15
Sourceसोमशर्मोवाच- पापिनां मरणं भद्रे कीदृशैर्लक्षणैर्युतम् । तन्मे त्वं विस्तराद्ब्रूहि यदि जानासि भामिनि १। सुमनोवाच- श्रूयतामभिधास्यामि तस्मात्सिद्धाच्छ्रुतं मया । पापिनां मरणे कांत यादृशं लिंगमेव च २। महापातकिनां चैव स्थानं चेष्टां वदाम्यहम् । विण्मूत्रामेध्यसंयुक्तां भूमिं पापसमन्विताम् ३। सतां प्राप्य सुदुष्टात्मा प्राणान्दुःखेन मुंचति । चांडालभूमिं संप्राप्य मरणं याति दुःस्थितः ४। गर्दभाचरितां भूमिं वेश्यागेहं समाश्रितः । कल्पपालगृहं गत्वा निधनायोपगच्छति ५। अस्थिचर्मनखैः पूर्णमाश्रितं पापकिल्बिषैः । तां प्राप्य च स दुष्टात्मा मृत्युं याति सुनिश्चितम् ६। अन्यां पापसमाचारां प्राप्य मृत्युं स गच्छति । अथ चेष्टां प्रवक्ष्यामि दूतानां तु तमिच्छताम् ७। भैरवान्दारुणान्घोरानतिकृष्णान्महोदरान् । पिंगाक्षान्पीतनीलांश्च अतिश्वेतान्महोदरान् ८। अत्युच्चान्विकरालांश्च शुष्कमांसवसोपमान् । रौद्रदंष्ट्रान्करालांश्च सिंहास्यान्सर्पहस्तकान् ९। सतान्दृष्ट्वा प्रकंपेत खिद्यते च मुहुर्मुहुः । शिवासंनादवद्घोरान्महारावान्महामते १०। मुंचंति दूतकाः सर्वे कर्णमूले तु तस्य हि । गले पाशैः प्रबद्ध्वा ते कटिं बद्ध्वा तथोदरे ११। समाधृष्य निपात्यंते हाहेति वदते मुहुः । म्रियमाणस्य या चेष्टा तामेवं प्रवदाम्यहम् १२। परद्रव्यापहरणं परभार्याविडंबनम् । ऋणं परस्य सर्वस्वं गृहीतं यत्तु पापिभिः १३। पुनर्नैव प्रदत्तं हि लोभास्वादविमोहतः । अन्यदेवं महापापं कुप्रतिग्रहमेव च १४। कंठमायांति ते सर्वे म्रियमाणस्य तस्य च । यानिकानि च पापानि पूर्वमेव कृतानि च १५। आयांति कंठमूलं ते महापापस्य नान्यथा । दुःखमुत्पादयंत्येते कफबंधेन दारुणम् १६। पीडाभिर्दारुणाभिस्तु कंठो घुरघुरायते । रोदते कंपतेऽत्यर्थं मातरं पितरं पुनः १७। स्मरते भ्रातरं तत्र भार्यां पुत्रान्पुनःपुनः । पुनर्विस्मरणं याति महापापेन मोहितः १८। तस्य प्राणान गच्छंति बहुपीडासमाकुलाः । पतते कंपते चैव मूर्च्छते च पुनःपुनः १९। एवं पीडासमायुक्तो दुःखं भुंक्तेति मोहितः । तस्य प्राणाः सुदुःखेन महाकष्टैः प्रचालिताः २०। अपानमार्गमाश्रित्य शृणु कांत प्रयांति ते । एवं प्राणी महामुग्धो लोभमोहसमन्वितः २१। नीयते यमदूतैस्तु तस्य दुःखं वदाम्यहम् २२।
somaśarmovāca- pāpināṃ maraṇaṃ bhadre kīdṛśairlakṣaṇairyutam | tanme tvaṃ vistarādbrūhi yadi jānāsi bhāmini 1| sumanovāca- śrūyatāmabhidhāsyāmi tasmātsiddhācchrutaṃ mayā | pāpināṃ maraṇe kāṃta yādṛśaṃ liṃgameva ca 2| mahāpātakināṃ caiva sthānaṃ ceṣṭāṃ vadāmyaham | viṇmūtrāmedhyasaṃyuktāṃ bhūmiṃ pāpasamanvitām 3| satāṃ prāpya suduṣṭātmā prāṇānduḥkhena muṃcati | cāṃḍālabhūmiṃ saṃprāpya maraṇaṃ yāti duḥsthitaḥ 4| gardabhācaritāṃ bhūmiṃ veśyāgehaṃ samāśritaḥ | kalpapālagṛhaṃ gatvā nidhanāyopagacchati 5| asthicarmanakhaiḥ pūrṇamāśritaṃ pāpakilbiṣaiḥ | tāṃ prāpya ca sa duṣṭātmā mṛtyuṃ yāti suniścitam 6| anyāṃ pāpasamācārāṃ prāpya mṛtyuṃ sa gacchati | atha ceṣṭāṃ pravakṣyāmi dūtānāṃ tu tamicchatām 7| bhairavāndāruṇānghorānatikṛṣṇānmahodarān | piṃgākṣānpītanīlāṃśca atiśvetānmahodarān 8| atyuccānvikarālāṃśca śuṣkamāṃsavasopamān | raudradaṃṣṭrānkarālāṃśca siṃhāsyānsarpahastakān 9| satāndṛṣṭvā prakaṃpeta khidyate ca muhurmuhuḥ | śivāsaṃnādavadghorānmahārāvānmahāmate 10| muṃcaṃti dūtakāḥ sarve karṇamūle tu tasya hi | gale pāśaiḥ prabaddhvā te kaṭiṃ baddhvā tathodare 11| samādhṛṣya nipātyaṃte hāheti vadate muhuḥ | mriyamāṇasya yā ceṣṭā tāmevaṃ pravadāmyaham 12| paradravyāpaharaṇaṃ parabhāryāviḍaṃbanam | ṛṇaṃ parasya sarvasvaṃ gṛhītaṃ yattu pāpibhiḥ 13| punarnaiva pradattaṃ hi lobhāsvādavimohataḥ | anyadevaṃ mahāpāpaṃ kupratigrahameva ca 14| kaṃṭhamāyāṃti te sarve mriyamāṇasya tasya ca | yānikāni ca pāpāni pūrvameva kṛtāni ca 15| āyāṃti kaṃṭhamūlaṃ te mahāpāpasya nānyathā | duḥkhamutpādayaṃtyete kaphabaṃdhena dāruṇam 16| pīḍābhirdāruṇābhistu kaṃṭho ghuraghurāyate | rodate kaṃpate'tyarthaṃ mātaraṃ pitaraṃ punaḥ 17| smarate bhrātaraṃ tatra bhāryāṃ putrānpunaḥpunaḥ | punarvismaraṇaṃ yāti mahāpāpena mohitaḥ 18| tasya prāṇāna gacchaṃti bahupīḍāsamākulāḥ | patate kaṃpate caiva mūrcchate ca punaḥpunaḥ 19| evaṃ pīḍāsamāyukto duḥkhaṃ bhuṃkteti mohitaḥ | tasya prāṇāḥ suduḥkhena mahākaṣṭaiḥ pracālitāḥ 20| apānamārgamāśritya śṛṇu kāṃta prayāṃti te | evaṃ prāṇī mahāmugdho lobhamohasamanvitaḥ 21| nīyate yamadūtaistu tasya duḥkhaṃ vadāmyaham 22|
English translation
Somaśarman said :
1. O good and beautiful lady, tell me, if you know it, in detail, what characteristics appear at the death of sinners.
Sumanā said :
2-4a. O my dear husband, listen; I shall tell you what I learnt from the Siddha about the death of the sinners and what its marks are. I (shall) also tell you about the place and actions of great sinners. A very wicked man reaches a region which is inauspicious due to its being impure on account of excretion and urine; and has a painful death.
4b-7a. That (wicked man) being afflicted, reaches the land of a cāṇḍāla , or a land roamed over by donkeys or resorts to a prostitute’s house, and dies in a painful condition; (or) he dies after having gone to the house of a seller of spirituous liquors which is full of bones, skins and nails, and full of evils and blemishes. Having reached that (place) the wicked one surely dies; (or) having reached some other place with evil practices, he dies.
7b-12a. Now I shall tell you the movements of ( Yama ’s) messengers, desiring (to take) him (to Yama’s abode), and frightful, terrible, fearful, very dark and of large bellies, of tawny eyes, yellow and dark-blue, or very white and large-bellied, very tall, very dreadful, resembling dry flesh and marrow, of fearful fangs, fearful, having faces like those of lions and having serpents in their hands. O you very intelligent one, seeing them he trembles and is repeatedly afflicted. All the messengers make loud cries like those of jackals into his ears. Having tied him with nooses round his neck, waist and belly, and overcoming him knock him down. He repeatedly cries—‘Ah’, ‘Ah’.
12b-15a. Now I shall tell the actions of the dying sinners who have taken away another’s wealth, molested another’s wife, not returned debt or wealth of others taken through greed, enjoyment and infatuation. Al the (messengers) seize the neck of the dying man who commits the great sin of accepting a gift from a bad person.
15b-16a. Whatever sins were formerly committed by that great sinner come to his throat; (this) does not (happen) in any other manner.
16b-21a. Due to obstruction caused by excessive phlegm they produce affliction. Due to servere pains his throat snorts. He weeps and trembles very much. He repeatedly remembers his mother, father, brother and wife. Being deluded by great sin he again forgets them. His life, full of many afflictions, does not depart. He falls, trembles and swoons again and again. The deluded one, thus full of suffering, experiences grief. O my dear husband, listen. His life going (out) with great grief and pain, resorts to his anus and pass out (through it).
21b-22. In this way a being, who is greatly deluded and who is full of greed and infatuation, is carried by Yama’s messengers. I shall now tell you about the suffering.
Complete chapter-aligned witnesses. Sanskrit Wikisource page 35304, revision 334912 (2022-04-07T22:44:38Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364222.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.