Chapter 170

महादेव उवाच। अत्र तीर्थात्परं तीर्थं सङ्गमाख्यमिति श्रुतम् । अत्र साभ्रमती गंगा मिलिता सागरेण तु १। तत्र स्नानं च दानं च कर्तव्यं विधिपूर्वकम् । यत्र स्नात्वा तु मुच्यंते महापातकिनोऽपि ये २। तत्र श्राद्धं प्रकर्तव्यं स्वानां च हितमिच्छता । यत्र वै तु कृते श्राद्धे पितृलोके वसेद्ध्रुवम् ३। यत्र वै सागरो देवो नित्यं मिलति गंगया । ब्रह्महा तत्र मुच्येत किमन्यैरितरैरघैः ४। यत्र तीर्थं न जानंति लोका वै मंदबुद्धयः । तदा वै मम नाम्ना च कर्तव्यं तीर्थमुत्तमम् ५। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे सङ्गमतीर्थंनाम सप्तत्यधिकशततमोऽध्यायः १७०।

mahādeva uvāca| atra tīrthātparaṃ tīrthaṃ saṅgamākhyamiti śrutam | atra sābhramatī gaṃgā militā sāgareṇa tu 1| tatra snānaṃ ca dānaṃ ca kartavyaṃ vidhipūrvakam | yatra snātvā tu mucyaṃte mahāpātakino'pi ye 2| tatra śrāddhaṃ prakartavyaṃ svānāṃ ca hitamicchatā | yatra vai tu kṛte śrāddhe pitṛloke vaseddhruvam 3| yatra vai sāgaro devo nityaṃ milati gaṃgayā | brahmahā tatra mucyeta kimanyairitarairaghaiḥ 4| yatra tīrthaṃ na jānaṃti lokā vai maṃdabuddhayaḥ | tadā vai mama nāmnā ca kartavyaṃ tīrthamuttamam 5| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe saṅgamatīrthaṃnāma saptatyadhikaśatatamo'dhyāyaḥ 170|