Uttara-khaṇḍa · Chapter 110
Sourceधर्मदत्त उवाच। जयश्च विजयश्चैव विष्णोर्द्वास्थौ मया श्रुतौ । किंतु ताभ्यां पुरा चीर्णं यस्मात्तद्रूपधारिणौ १। गणावूचतुः। तृणबिंदोस्तु कन्यायां देवहूत्यां पुरा द्विज । कर्दमस्य तु दृष्ट्यैव पुत्रौ द्वौ संबभूवतुः २। ज्येष्ठो जयः कनिष्ठोऽभूद्विजयश्चेति नामतः । अन्यस्यामभवत्पश्चात्कपिलो योगधर्मवित् ३। जयश्च विजयश्चैव विष्णुभक्तिरतौ सदा । संनियम्येंद्रियग्रामं धर्मशीलौ बभूवतुः ४। नित्यमष्टाक्षरी जाप्यौ विष्णुव्रतकरावुभौ । साक्षात्कारं ददौ विष्णुस्तयोर्नित्यार्चने सदा ५। मरुत्तेन कदाचित्तावाहूतौ यज्ञकर्मणि । जग्मतुर्यज्ञकुशलौ देवर्षिगणसेवितौ ६। जयस्तत्राभवद्ब्रह्मा याजको विजयोऽभवत् । ततो यज्ञविधिं कृत्स्नं परिपूर्णं च चक्रतुः ७। मरुतोऽवभृथस्नातस्ताभ्यां वित्तं ददौ बहु । तत्समादाय तौ वित्तं जग्मतुः स्वाश्रमं प्रति ८। यजनाय तदा विष्णोस्तुष्ट्यर्थं तौ तदा मुने । तद्धनं विभजंतो वै पस्पर्द्धाते परस्परम् ९। जयोऽब्रवीत्समो भागः क्रियतामिति तत्र सः । विजयश्चाब्रवीत्तत्र यल्लब्धं येन तस्य तत् १०। ततो जयोऽशपत्क्रोधाद्विजयं क्षुब्धमानसः । गृहीत्वा न ददास्येतत्तस्माद्ग्राहो भवेति तम् ११। विजयस्तस्य तं शापं श्रुत्वा सोऽप्यशपच्च तम् । मदभ्रांतोशपद्यस्मात्तस्मान्मातंगतां व्रज १२। तौ तथा चख्यतुर्विष्णुं दृष्ट्वा नित्यार्चने विभुम् । शापयोस्तुनिवृत्तिं तौ ययाचाते रमापतिम् १३। भक्तावावां कथं देव ग्राहमांतगयोनिगौ । भविष्यावः कृपासिंधो तच्छापो विनिवर्त्यताम् १४। श्रीभगवानुवाच। मद्भक्तयोर्वचोऽसत्यं न कदाचिद्भविष्यति । मयापि नान्यथा कर्तुं शक्यते तत्कदाचन १५। प्रह्लादवचनात्स्तंभऽप्याविर्भूतो ह्यहं पुरा । तथांबरीषवाक्येन जातो मार्गे स्वयं किल १६। तस्माद्ध्रुवमिमौ शापावनुभूय स्वयंकृतौ । लभेतां मत्पदं नित्यमित्युक्त्वांतर्दधे हरिः १७। गणावूचतुः । ततस्तौ ग्राहमातंगा बभूतां गंडकी तटे । जातिस्मरौ च तद्योन्यामपि विष्णुव्रते स्थितौ १८। कदाचित्स गजः स्नातुं कार्तिके गंडकीं गतः । तावज्जग्राह च ग्राहः संस्मरञ्छापकारणम् १९। ग्राहगृहीतोऽसौ नागः संस्मार श्रीपतिं तदा । तावदाविरभूद्विष्णुः शंखचक्रगदाधरः २०। तॄतस्तौ ग्राहमातंगौ चक्रं क्षिप्त्वा समुद्धृतौ । दत्त्वा च निजसारूप्यं वैकुंठमनयद्विभुः २१। तदाप्रभृति तत्स्थानं हरिक्षेत्रमिति श्रुतम् । चक्रसंघर्षणाद्यस्मिन्पाषाणोऽपि हि लांछितः २२। ताविमौ विश्रुतौ लोके जयश्च विजयश्च ह । नित्यं विष्णुप्रियौ द्वाःस्थौ पृष्टौ यौ हि त्वया द्विज २३। अतस्त्वमपि धर्मज्ञ नित्यं विष्णुव्रते स्थितः । त्यक्तमात्सर्यदंभो हि भव स्वसमदर्शनः २४। तुलामकरमेषेषु प्रातःस्नायी सदा भव । एकादशीव्रते तिष्ठ तुलसीवनपालकः २५। ब्राह्मणानपि गाश्चापि वैष्णवांश्च सदा भज । मसूराश्चारनालाश्च वृंताकानपि खाद मा २६। एवं त्वमपि देहांते तद्विष्णोः परमं पदम् । प्राप्नोषि धर्मदत्त त्वं तद्भक्त्यैव यथा वयम् २७। तवाजन्मव्रतात्तस्माद्विष्णुसंतुष्टिकारकात् । न यज्ञा न च दानानि न तीर्थान्यधिकानि वै २८। धन्योऽसि विप्राग्र्य यतस्त्वयैतद्व्रतं कृतं तुष्टिकरं जगद्गुरोः । यत्पुण्यभागाप्तफलं मुरारेः प्रणीयतेस्माभिरियं सलोकताम् २९। नारद उवाच। इत्थं तौ धर्मदत्तं तमुपदिश्य विमानगौ । तया कलहया सार्द्धं वैकुंठभवनं गतौ ३०। धर्मदत्तोप्यसौ जातप्रत्ययस्तद्व्रते स्थितः । देहांते तद्विभोः स्थानं भार्याभ्यामन्वितोऽभ्यगात् ३१। इतिहासमिमं पुराभवं शृणुते यश्च पुमान्यथाविधि । हरिसंनिधिकारिणीं मतिं लभतेऽसौ कृपया जगद्गुरोः ३२। इति श्रीपाद्मे महापुराणे पंचपंचाशत्सहस्रसंहितायामुत्तर। खण्डे कार्तिकमाहात्म्ये श्रीकृष्णसत्यभामासंवादे कलहोपाख्याने गणपूर्वपुण्यवर्णनोनाम दशाधिशततमोऽध्यायः११०।
dharmadatta uvāca| jayaśca vijayaścaiva viṣṇordvāsthau mayā śrutau | kiṃtu tābhyāṃ purā cīrṇaṃ yasmāttadrūpadhāriṇau 1| gaṇāvūcatuḥ| tṛṇabiṃdostu kanyāyāṃ devahūtyāṃ purā dvija | kardamasya tu dṛṣṭyaiva putrau dvau saṃbabhūvatuḥ 2| jyeṣṭho jayaḥ kaniṣṭho'bhūdvijayaśceti nāmataḥ | anyasyāmabhavatpaścātkapilo yogadharmavit 3| jayaśca vijayaścaiva viṣṇubhaktiratau sadā | saṃniyamyeṃdriyagrāmaṃ dharmaśīlau babhūvatuḥ 4| nityamaṣṭākṣarī jāpyau viṣṇuvratakarāvubhau | sākṣātkāraṃ dadau viṣṇustayornityārcane sadā 5| maruttena kadācittāvāhūtau yajñakarmaṇi | jagmaturyajñakuśalau devarṣigaṇasevitau 6| jayastatrābhavadbrahmā yājako vijayo'bhavat | tato yajñavidhiṃ kṛtsnaṃ paripūrṇaṃ ca cakratuḥ 7| maruto'vabhṛthasnātastābhyāṃ vittaṃ dadau bahu | tatsamādāya tau vittaṃ jagmatuḥ svāśramaṃ prati 8| yajanāya tadā viṣṇostuṣṭyarthaṃ tau tadā mune | taddhanaṃ vibhajaṃto vai pasparddhāte parasparam 9| jayo'bravītsamo bhāgaḥ kriyatāmiti tatra saḥ | vijayaścābravīttatra yallabdhaṃ yena tasya tat 10| tato jayo'śapatkrodhādvijayaṃ kṣubdhamānasaḥ | gṛhītvā na dadāsyetattasmādgrāho bhaveti tam 11| vijayastasya taṃ śāpaṃ śrutvā so'pyaśapacca tam | madabhrāṃtośapadyasmāttasmānmātaṃgatāṃ vraja 12| tau tathā cakhyaturviṣṇuṃ dṛṣṭvā nityārcane vibhum | śāpayostunivṛttiṃ tau yayācāte ramāpatim 13| bhaktāvāvāṃ kathaṃ deva grāhamāṃtagayonigau | bhaviṣyāvaḥ kṛpāsiṃdho tacchāpo vinivartyatām 14| śrībhagavānuvāca| madbhaktayorvaco'satyaṃ na kadācidbhaviṣyati | mayāpi nānyathā kartuṃ śakyate tatkadācana 15| prahlādavacanātstaṃbha'pyāvirbhūto hyahaṃ purā | tathāṃbarīṣavākyena jāto mārge svayaṃ kila 16| tasmāddhruvamimau śāpāvanubhūya svayaṃkṛtau | labhetāṃ matpadaṃ nityamityuktvāṃtardadhe hariḥ 17| gaṇāvūcatuḥ | tatastau grāhamātaṃgā babhūtāṃ gaṃḍakī taṭe | jātismarau ca tadyonyāmapi viṣṇuvrate sthitau 18| kadācitsa gajaḥ snātuṃ kārtike gaṃḍakīṃ gataḥ | tāvajjagrāha ca grāhaḥ saṃsmarañchāpakāraṇam 19| grāhagṛhīto'sau nāgaḥ saṃsmāra śrīpatiṃ tadā | tāvadāvirabhūdviṣṇuḥ śaṃkhacakragadādharaḥ 20| tṝtastau grāhamātaṃgau cakraṃ kṣiptvā samuddhṛtau | dattvā ca nijasārūpyaṃ vaikuṃṭhamanayadvibhuḥ 21| tadāprabhṛti tatsthānaṃ harikṣetramiti śrutam | cakrasaṃgharṣaṇādyasminpāṣāṇo'pi hi lāṃchitaḥ 22| tāvimau viśrutau loke jayaśca vijayaśca ha | nityaṃ viṣṇupriyau dvāḥsthau pṛṣṭau yau hi tvayā dvija 23| atastvamapi dharmajña nityaṃ viṣṇuvrate sthitaḥ | tyaktamātsaryadaṃbho hi bhava svasamadarśanaḥ 24| tulāmakarameṣeṣu prātaḥsnāyī sadā bhava | ekādaśīvrate tiṣṭha tulasīvanapālakaḥ 25| brāhmaṇānapi gāścāpi vaiṣṇavāṃśca sadā bhaja | masūrāścāranālāśca vṛṃtākānapi khāda mā 26| evaṃ tvamapi dehāṃte tadviṣṇoḥ paramaṃ padam | prāpnoṣi dharmadatta tvaṃ tadbhaktyaiva yathā vayam 27| tavājanmavratāttasmādviṣṇusaṃtuṣṭikārakāt | na yajñā na ca dānāni na tīrthānyadhikāni vai 28| dhanyo'si viprāgrya yatastvayaitadvrataṃ kṛtaṃ tuṣṭikaraṃ jagadguroḥ | yatpuṇyabhāgāptaphalaṃ murāreḥ praṇīyatesmābhiriyaṃ salokatām 29| nārada uvāca| itthaṃ tau dharmadattaṃ tamupadiśya vimānagau | tayā kalahayā sārddhaṃ vaikuṃṭhabhavanaṃ gatau 30| dharmadattopyasau jātapratyayastadvrate sthitaḥ | dehāṃte tadvibhoḥ sthānaṃ bhāryābhyāmanvito'bhyagāt 31| itihāsamimaṃ purābhavaṃ śṛṇute yaśca pumānyathāvidhi | harisaṃnidhikāriṇīṃ matiṃ labhate'sau kṛpayā jagadguroḥ 32| iti śrīpādme mahāpurāṇe paṃcapaṃcāśatsahasrasaṃhitāyāmuttara| khaṇḍe kārtikamāhātmye śrīkṛṣṇasatyabhāmāsaṃvāde kalahopākhyāne gaṇapūrvapuṇyavarṇanonāma daśādhiśatatamo'dhyāyaḥ110|
English translation
Dharmadatta said :
1. I have heard that Jaya and Vijaya are Viṣṇu ’s doorkeepers. (But I do not know) what they did due to which they had these forms.
The two attendants said :
2-14. Due to just being seen by Kardama , Devahūtī , Tṛṇabindu ’s daughter, formerly gave birth to two sons, O brāhmaṇa . The elder one was Jaya byname, and the younger Vijaya. On (i.e. from) the other wife was born Kapila , a knower of yoga , and Dharma . Jaya and Vijaya were always engrossed in devotion to Viṣṇu. Controlling their senses, they were disposed to virtue. Everyday they both recited the eight-syllabled hymn and observed the Viṣṇu-vow. Viṣṇu always presented himself at their worship (of him). Sometime Marutta invited them for a sacrifice. They, skilled in performing a sacrifice, went there, being waited upon by divine sages. Jaya became the Brahmā priest and Vijaya the sacrificing priest. Then they fully accomplished the sacrificial rite. Marutta, after having bathed at the end of the sacrifice, gave them much wealth. Taking that wealth they went to their hermitage. O sage, then for worshipping and gratifying Viṣṇu they vied with each other and they divided the wealth. Jaya said: “Let it be divided into equal parts.” Vijaya said: “Whatever is received by one is one’s (share).” Then Jaya angrily and with his mind agitated, cursed Vijaya; “Since having received (the wealth) you are not giving it, therefore, be a crocodile.” Vijaya too, having heard that curse of (i.e. pronounced by) him, cursed him: “Be an elephant”, since he, erring due to arrogance had cursed him. Seeing lord Viṣṇu at the time of the daily worship, they told him like that. They solicited Lakṣmī ’s lord for rendering the curse ineffective. “O god, how shall we, your devotees, go to the stock of a crocodile and an elephant? O ocean of kindness, turn away that curse.”
The lord said :
15-29. The words of my devotees shall never be untrue. I too can never change it. Formerly due to Prahlāda ’s words I appeared in a pillar. In the same way due to Ambarīṣa ’s words I arose on the way(?). Therefore, having certainly undergone these two curses pronounced by yourselves, obtain my eternal position.
Speaking like this, Viṣṇu vanished.
The two attendants said :
Then the crocodile and the elephant were (born) on the bank of Gaṇḍakī . Even in that state they remembered their (former) birth, and observed Viṣṇu-vow. Some time in Kārtika the elephant went to Gaṇḍakī to bathe. Just then, the crocodile remembering the cause of the curse seized him. The elephant seized by the crocodile remembered Viṣṇu. Just then Viṣṇu, holding a conch, a disc, a mace appeared (there). Then the lord, throwing his disc, emancipated the crocodile and the elephant, and absorbing them into himself, took them to Vaikuṇṭha . Since then the place is known as Harikṣetra, where even (now) the stones bear the mark of the disc. Those two, O brāhmaṇa, known as Jaya and Vijaya, and dear to Viṣṇu, are his doorkeepers. Therefore, you too, O you who know piety, always observing Viṣṇu’s vow and having given up jealousy and hypocrisy, view all equally. Always bathe in the morning (when the Sun is) in (the signs of) Libra, Capricornus and Aries, and maintaining a Tulasī -grove observe the Ekādaśī -vow. Always worship brāhmaṇas , cows, and Viṣṇu’s devotees. Do not eat masūra (pulse), gruel made from fermentation of boiled rice and egg-plants. O Dharmadatta , by devotion to him (i.e. Viṣṇu) you too, on your death obtain that highest position of Viṣṇu, as we (have obtained). Sacrifices, gifts and (visits to holy places) are not superior to your vow (commenced) from birth and pleasing Viṣṇu. O best brāhmaṇa, you are lucky that you have observed this vow which gratifies the lord of the world, having got the fruit of which this meritorious one is taken by us to the world of Viṣṇu.
Nārada said :
30-32. Having thus instructed that Dharmadatta, the two, getting into the aeroplane, went with Kalahā . to Viṣṇu’s abode. Dharmadatta also, being convinced, observed the vow and on his death went, accompanied by his two wives, to that place of the lord. One who duly listens to his account which took place in ancient times, his mind, by the favour of the lord of the world, becomes disposed to reach Viṣṇu’s proximity.
Complete chapter-aligned witnesses. Sanskrit Wikisource page 44680, revision 336561 (2022-04-24T08:35:27Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365689.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.