Sṛṣṭi-khaṇḍa · Chapter 74
Sourceव्यास उवाच- चतुर्भिस्तुरगैर्जुष्टं रथं सूर्यसमप्रभं। त्रैपुरिः संरुरोहाथाब्रवीद्वाक्यं गणाधिपं१। पिता मे निहतः पित्रा तव यस्माद्गणाधिप। तस्मात्त्वामद्य विशिखैर्नयामि यमसादनं२। ततस्तमब्रवीद्देवो गणेशस्त्रिपुरात्मजं। तव तातेन दुष्टेन सुराणामहितं पुरा३। कृतं कर्ममहत्पापं श्रुतं नो जनकेन हि। पापकर्मरतं दुष्टं ज्ञात्वा ज्ञानबलेन च४। अवधीत्तं शरैकेन पितरं ते बलेन च। पंकात्प्रतारितो मोहात्प्रेषितो यममंदिरं५। त्वां चाहं तत्पथं दैत्य प्रेषयामि क्षणादिह। उक्तवंतं महाप्राज्ञं सुराणां च गणाधिपं६। विव्याध दशभिस्तीक्ष्णैः कालानलसमप्रभैः। ततः शरसहस्रैस्तु दैत्यं विव्याध साहसात्७। यमदंडसमैर्बाणैः क्षुरप्रैश्च शिलीमुखैः। कंकपत्रैर्महातीक्ष्णैर्वज्रानलसमप्रभैः८। विचकर्त शरांश्चास्य लंबोदरः सुरार्चितः। पुनर्विव्याध विशिखैः सहसाभि दुरोपमैः९। शरैरर्दितसर्वांगो मूर्च्छितस्त्वपतद्भुवि। ततो भद्रश्च सौभद्रो भीषणो निर्जरांतकः१०। स्वां स्वां गदां समादाय दुद्रुवुस्तं विनायकम्। युगपत्ते गदापातैर्निजघ्नुर्गणनायकम्११। लाघवात्तु वृथा कृत्वा गदास्तेषां महाबलः। भद्रकस्य तु शीर्षे चाहनत्परशुना तदा१२। सौभद्रस्योत्तमांगं च असिनाग्रे निपातितम्। भीषणस्य कुठारेण खड्गेन निर्जरांतकम्१३। पातयित्वा च हेरम्बो महागिरिसमांस्तदा। चतुरो गणमुख्यांश्च अन्यांश्चापातयद्द्विषः१४। ततः संज्ञां समालभ्य त्रैपुरिश्चासुरोत्तमः। समारुह्य रथं स्वं च जघान सुरसत्तमम्१५। विशिखैरर्धचंद्रैश्च क्षुरप्रैर्भल्लकैस्तथा। तांस्तु चिच्छेद धर्मात्मा पुनर्विव्याध तं शरैः१६। चतुर्भिः सैंधवांश्चैव शरैकेन च सारथिम्। शरैः संपातयामास धरण्यां गणनायकान्१७। लाघवात्तु रथं चान्यं गत्वा त्रिपुरनंदनः। विशिखैर्वज्रसंकाशैः संबिभेद गणाधिपम्१८। रुधिरेणावसिक्तांगो रुषा घोर यमप्रभः। ललाटे च त्रिभिर्बाणैस्सप्तभिश्च स्तनांतरे१९। चतुर्भिर्नाभिदेशे च पंचभिर्मुष्टिमस्तके। संबिभेद महाक्रोधो बलिनं शंभुनंदनः२०। शरैरर्दितसर्वांगः स दैत्यो रणमूर्धनि। कश्मलं परमं गत्वा संपपात रथोपरि२१। ततः सूतेन धीरेण अपनीतो रणाजिरात्। विमुखं नाहनच्छूरो विनायकः सुरार्चितः२२। चिरात्संज्ञां समालभ्य यंतारं चाब्रवीद्वचः। गच्छ सूत रणे भीरुं विनायकं हरात्मजम्२३। ततो यंताब्रवीद्वाक्यं सत्यं पथ्यं च कोमलम्। हरात्मजशरान्सोढुं कस्समर्थो रणाजिरे२४। तस्मान्मोहगतस्त्वं च मयानीतः प्रभासुत। एतज्ज्ञात्वा त्विदानीं भो यद्युक्तं तद्विधीयताम्२५। एतस्मिन्नंतरे राज्ञा प्रेरितः कविसत्तमः। औषधादिप्रयोगेण गजः संज्ञामबोधयत्२६। अकारयच्छतगुण प्राणं च जयमादिशत्। प्राग्जलं मंत्रितं दत्वा रुरोधास्याङ्गकव्रणान्२७। स गजो दशनैरेव स्फोटयामास वै गिरिम्। एवं शतसहस्राणि सैन्यानि सैन्यपालकान्२८। पातयामास समितौ गजः परमदुर्जयः। स दैत्यस्तस्य पृष्ठस्थः शरैः कालानलप्रभैः२९। हत्वा त्वपातयच्चोर्व्यां मुख्यमुख्यान्सुराधिपान्। शरैस्तस्य तदा देवा यमदंडसमप्रभैः३०। निपतंति महावीर्या रुधिरौघपरिप्लुताः। यस्मिन्यस्मिंश्च मार्गे तु स दैत्यः सगजो गतः३१। तत्र तत्र चकाराशु भीषणं संचितं शरैः। गजेन पातिताः केचिद्गजारोहेण चापरे३२। वेगेन भ्रमणेनैव सुराः केचित्प्रतापिताः। एवं सुरगणाध्यक्षाः शस्त्रास्त्रैर्विविधैश्च तम्३३। सगजं युद्धनिर्भीता निजघ्नुर्बहुभिः शरैः। तथापि तद्गजं योद्धुं न शक्तास्ते महाबलाः३४। क्षिप्रं तांस्तु गजो दंतैस्त्रैपुरोऽपातयच्छरैः। न गता ये धरण्यां च देवा जर्जरविग्रहाः३५। शरण्यं गणपं जग्मुर्भीतास्ते वेदनातुराः। देवानां कदनं दृष्ट्वा गणाधीशः प्रतापवान्३६। स गजं ताडयामास वज्रानलसमैः शरैः। स गजो वेगसंरुद्धः शरेण च समुत्थितः३७। अथोतौ द्वौ शरैरेव बिभिदाते परस्परम्। उभौ तौ नर्दमानौ च अन्योन्यं जयमैच्छताम्३८। शोणितैर्लिप्तसर्वांगौ वीरमुख्यौ सुरासुरौ। अथाखुं स गजो मत्तो बिभेद दशनैः स्वकैः३९। आखुनाभिद्रुतो नागो घोरयुद्धं तयोः परम्। अधोर्ध्वं संविभागे च चतुर्भिर्युद्धमद्भुतम्४०। सशब्दं तुमुलं युद्धं सर्वलोकभयंकरम्। दशनैर्दशनैरेव शरैरेव शरोत्तमैः४१। तद्घोरमभवद्युद्धं देवदानवसंगरे। आखुको भेदयांचक्रे महानांगं महाबलम्४२। पर्शुना पृष्ठवंशाग्रे स्थित्वा तेनाहनत्पुनः। दैत्यस्य दशनद्वारे हृदिस्कंधेथ लाघवात्४३। सगजः स पपातोर्व्यां गतासुर्लोहितं वमन्। शशंसुर्मुनयो देवास्साधुसाध्विति चाब्रुवत्४४। अत्रान्येस्त्रैरमोघैश्च दैत्यानाजघ्नुराहवे। यावत्तु सेनयोर्नैव जययुद्धं समापयेत्४५। इति श्रीपाद्मपुराणे प्रथमे सृष्टिखंडे त्रैपुरिविमर्दोनाम चतुस्सप्ततितमोऽध्यायः७४।
vyāsa uvāca- caturbhisturagairjuṣṭaṃ rathaṃ sūryasamaprabhaṃ| traipuriḥ saṃrurohāthābravīdvākyaṃ gaṇādhipaṃ1| pitā me nihataḥ pitrā tava yasmādgaṇādhipa| tasmāttvāmadya viśikhairnayāmi yamasādanaṃ2| tatastamabravīddevo gaṇeśastripurātmajaṃ| tava tātena duṣṭena surāṇāmahitaṃ purā3| kṛtaṃ karmamahatpāpaṃ śrutaṃ no janakena hi| pāpakarmarataṃ duṣṭaṃ jñātvā jñānabalena ca4| avadhīttaṃ śaraikena pitaraṃ te balena ca| paṃkātpratārito mohātpreṣito yamamaṃdiraṃ5| tvāṃ cāhaṃ tatpathaṃ daitya preṣayāmi kṣaṇādiha| uktavaṃtaṃ mahāprājñaṃ surāṇāṃ ca gaṇādhipaṃ6| vivyādha daśabhistīkṣṇaiḥ kālānalasamaprabhaiḥ| tataḥ śarasahasraistu daityaṃ vivyādha sāhasāt7| yamadaṃḍasamairbāṇaiḥ kṣurapraiśca śilīmukhaiḥ| kaṃkapatrairmahātīkṣṇairvajrānalasamaprabhaiḥ8| vicakarta śarāṃścāsya laṃbodaraḥ surārcitaḥ| punarvivyādha viśikhaiḥ sahasābhi duropamaiḥ9| śarairarditasarvāṃgo mūrcchitastvapatadbhuvi| tato bhadraśca saubhadro bhīṣaṇo nirjarāṃtakaḥ10| svāṃ svāṃ gadāṃ samādāya dudruvustaṃ vināyakam| yugapatte gadāpātairnijaghnurgaṇanāyakam11| lāghavāttu vṛthā kṛtvā gadāsteṣāṃ mahābalaḥ| bhadrakasya tu śīrṣe cāhanatparaśunā tadā12| saubhadrasyottamāṃgaṃ ca asināgre nipātitam| bhīṣaṇasya kuṭhāreṇa khaḍgena nirjarāṃtakam13| pātayitvā ca herambo mahāgirisamāṃstadā| caturo gaṇamukhyāṃśca anyāṃścāpātayaddviṣaḥ14| tataḥ saṃjñāṃ samālabhya traipuriścāsurottamaḥ| samāruhya rathaṃ svaṃ ca jaghāna surasattamam15| viśikhairardhacaṃdraiśca kṣuraprairbhallakaistathā| tāṃstu ciccheda dharmātmā punarvivyādha taṃ śaraiḥ16| caturbhiḥ saiṃdhavāṃścaiva śaraikena ca sārathim| śaraiḥ saṃpātayāmāsa dharaṇyāṃ gaṇanāyakān17| lāghavāttu rathaṃ cānyaṃ gatvā tripuranaṃdanaḥ| viśikhairvajrasaṃkāśaiḥ saṃbibheda gaṇādhipam18| rudhireṇāvasiktāṃgo ruṣā ghora yamaprabhaḥ| lalāṭe ca tribhirbāṇaissaptabhiśca stanāṃtare19| caturbhirnābhideśe ca paṃcabhirmuṣṭimastake| saṃbibheda mahākrodho balinaṃ śaṃbhunaṃdanaḥ20| śarairarditasarvāṃgaḥ sa daityo raṇamūrdhani| kaśmalaṃ paramaṃ gatvā saṃpapāta rathopari21| tataḥ sūtena dhīreṇa apanīto raṇājirāt| vimukhaṃ nāhanacchūro vināyakaḥ surārcitaḥ22| cirātsaṃjñāṃ samālabhya yaṃtāraṃ cābravīdvacaḥ| gaccha sūta raṇe bhīruṃ vināyakaṃ harātmajam23| tato yaṃtābravīdvākyaṃ satyaṃ pathyaṃ ca komalam| harātmajaśarānsoḍhuṃ kassamartho raṇājire24| tasmānmohagatastvaṃ ca mayānītaḥ prabhāsuta| etajjñātvā tvidānīṃ bho yadyuktaṃ tadvidhīyatām25| etasminnaṃtare rājñā preritaḥ kavisattamaḥ| auṣadhādiprayogeṇa gajaḥ saṃjñāmabodhayat26| akārayacchataguṇa prāṇaṃ ca jayamādiśat| prāgjalaṃ maṃtritaṃ datvā rurodhāsyāṅgakavraṇān27| sa gajo daśanaireva sphoṭayāmāsa vai girim| evaṃ śatasahasrāṇi sainyāni sainyapālakān28| pātayāmāsa samitau gajaḥ paramadurjayaḥ| sa daityastasya pṛṣṭhasthaḥ śaraiḥ kālānalaprabhaiḥ29| hatvā tvapātayaccorvyāṃ mukhyamukhyānsurādhipān| śaraistasya tadā devā yamadaṃḍasamaprabhaiḥ30| nipataṃti mahāvīryā rudhiraughapariplutāḥ| yasminyasmiṃśca mārge tu sa daityaḥ sagajo gataḥ31| tatra tatra cakārāśu bhīṣaṇaṃ saṃcitaṃ śaraiḥ| gajena pātitāḥ kecidgajāroheṇa cāpare32| vegena bhramaṇenaiva surāḥ kecitpratāpitāḥ| evaṃ suragaṇādhyakṣāḥ śastrāstrairvividhaiśca tam33| sagajaṃ yuddhanirbhītā nijaghnurbahubhiḥ śaraiḥ| tathāpi tadgajaṃ yoddhuṃ na śaktāste mahābalāḥ34| kṣipraṃ tāṃstu gajo daṃtaistraipuro'pātayaccharaiḥ| na gatā ye dharaṇyāṃ ca devā jarjaravigrahāḥ35| śaraṇyaṃ gaṇapaṃ jagmurbhītāste vedanāturāḥ| devānāṃ kadanaṃ dṛṣṭvā gaṇādhīśaḥ pratāpavān36| sa gajaṃ tāḍayāmāsa vajrānalasamaiḥ śaraiḥ| sa gajo vegasaṃruddhaḥ śareṇa ca samutthitaḥ37| athotau dvau śaraireva bibhidāte parasparam| ubhau tau nardamānau ca anyonyaṃ jayamaicchatām38| śoṇitairliptasarvāṃgau vīramukhyau surāsurau| athākhuṃ sa gajo matto bibheda daśanaiḥ svakaiḥ39| ākhunābhidruto nāgo ghorayuddhaṃ tayoḥ param| adhordhvaṃ saṃvibhāge ca caturbhiryuddhamadbhutam40| saśabdaṃ tumulaṃ yuddhaṃ sarvalokabhayaṃkaram| daśanairdaśanaireva śaraireva śarottamaiḥ41| tadghoramabhavadyuddhaṃ devadānavasaṃgare| ākhuko bhedayāṃcakre mahānāṃgaṃ mahābalam42| parśunā pṛṣṭhavaṃśāgre sthitvā tenāhanatpunaḥ| daityasya daśanadvāre hṛdiskaṃdhetha lāghavāt43| sagajaḥ sa papātorvyāṃ gatāsurlohitaṃ vaman| śaśaṃsurmunayo devāssādhusādhviti cābruvat44| atrānyestrairamoghaiśca daityānājaghnurāhave| yāvattu senayornaiva jayayuddhaṃ samāpayet45| iti śrīpādmapurāṇe prathame sṛṣṭikhaṃḍe traipurivimardonāma catussaptatitamo'dhyāyaḥ74|
English translation
Vyāsa said :
1. The son of Tripura mounted upon a chariot to which four horses were yoked and which resembled the sun in lustre and said (these) words to the lord of the Gaṇas (i.e. Gaṇeśa ):
2. “O lord of the Gaṇas, since your father killed my father, therefore, I shall today take your father to Yama ’s abode (i.e. shall kill him) with arrows.”
3-6a. Then Gaṇesa said to that son of Tripura: “Formerly your wicked father did a great sinful deed, detrimental to the gods. My father heard it. Knowing about your wicked father engaged in a sinful act, my father, with (i.e. using his) strength, killed him with an arrow. He has been emancipated from sin and delusion and is sent to Yama’s abode. O demon, here, in a moment, I shall send you along the same path.”
6b-7a. (The demon) struck with ten arrows resembling the fire at the end of the world, the lord of Gaṇas who spoke thus, and who was very intelligent among the gods.
7b-8. Then (Gaṇesa) hit with force the demon with thousands of arrows, with arrows like the staff of Yama, with arrows with sharp horse-shoe-shaped heads, with heron-feathered arrows, and very sharp arrows resembling the fire of the thunderbolt.
9-10a. The pot-bellied (god, i.e. Gaṇeśa) adored by gods also cut off his arrows. He again struck him with force with arrows resembling a thunderbolt. With his entire body hurt with arrows, he fell down on the ground in a swoon.
10b-11. Then (the demons) Bhadra , Saubhadra , Bhīṣaṇa and Nirjarāntaka, taking their maces rushed at Gaṇeśa. They struck the lord of the Gaṇas simultaneously with the strokes of their maces.
12-14. Smartly he rendered useless the strokes of their maces and with his axe he hit Bhadraka on his head. Then he first struck down Nirjarāntaka with a sword. Heramba (i.e. Gaṇeśa) having struck down the four heads of the (demons’) troops who resembled great mountains, also struck down other enemies.
15-16. Then the best demon, Tripura’s son, regained consciousness, mounted upon his own chariot and struck the best god (i.e. Gaṇeśa) with crescent-shaped arrows, with arrows with sharp horse-shoe-shaped heads and with spears. The virtuous one cut them off, and again struck him with arrows.
17-18. With four arrows he struck down his horses, with one arrow he struck down his charioteer, and with arrows he struck down on the grounds the chiefs of the troops. The son of Tripura quickly went to another chariot and pierced the lord of the Gaṇas with arrows resembling the thunderbolt.
19-20. With his body moistened with blood, the son of Śiva (i.e. Gaṇeśa) whose terrible power was like that of Yama, and who was very angry, pierced him on his forehead with three arrows, between his breasts with seven arrows, on the region of his navel with four (arrows), and on the top of his penis with five (arrows).
21. With his entire body injured, the demon being extremely depressed (i.e. who fainted) fell on the chariot in the battle.
22. Then his wise charioteer took him away from the battle (-field). The brave Gaṇeśa, worshipped by the gods, never attacked one who had turned away from the battle.
23. (Tripura’s son) regaining consciousness after a long time, said (these) words to his charioteer: “O charioteer, go (with me) to that timid Gaṇeśa, Śiva’s son (remaining) in the battle-field”.
24-25. Then the charioteer uttered these true, wholesome and soft words: “Who is able to bear the arrows of Śiva’s son in the battle? Therefore, O son of Prabhā , I brought you, who had fainted. Realizing this, you may now do what is proper.”
26-27a. In the meanwhile the king had employed the best one i.e. Kavi (i.e. Śukra ). The elephant regained consciousness with the employment of medicines etc. He made him hundred times more powerful and indicated (the means to) victory.
27b-29. Having first given him water consecrated with sacred hymns, he checked (i.e. healed) the wounds on his body. The elephant just with his tusks broke (i.e. would break) a great mountain. In the battle, that elephant, very difficult to vanquish, struck down hundreds of thousands of troops and their guardians. The demon, seated on his back, hit and struck down on the ground principal lords of gods with arrows resembling the fire at the end of the world.
30. Then gods of great might, fell down with their bodies covered with streams of blood after being struck with his arrows resembling the staff of Yama.
31. Whichever way the demon with (i.e. seated on) the elephant went, there he put up a terrible volley of (i.e. discharged his terrible) arrows.
32-34. Some (gods) were struck down by the elephant, others by the rider. By whirling them speedily certain gods were tormented. So (also) the chiefs of the hosts of gods, not at all afraid of fighting, struck him with his elephant with various weapons and missiles and many arrows. But those very mighty gods could not subdue that elephant.
35-36a. The elephant with his tusks and Tripura’s son with his arrows quickly struck them down. Those gods who did not fall on the ground with their bodies split, being frightened, and afflicted with pain, sought the shelter of Gaṇeśa, who was fit to protect (them).
36b-39a. Seeing the havoc among gods, the brave Gaṇeśa struck him along with his elephant with arrows resembling the fire of the thunderbolt. He, along with his elephant whose speed was checked by an arrow, rose (to fight). Then the two (i.e. Gaṇeśa and Tripura’s son) broke down each other with arrows only. Both the principal warriors, the god and the demon, roaring and desiring to conquer each other had their entire bodies covered with blood.
39b-40. Then the elephant pierced the rat (the vehicle of Gaṇeśa) with his own tusks. The elephant (also) was attacked by the rat. Then there was a terrible battle between them. A wonderful fight with (i.e. among) the four (jointly) and separately, below and above, ensued.
41. The fight was noisy, fierce, and caused fear to all the worlds, in which fighting tusks with teeth and arrows with best arrows (took place).
42-43. In the war between gods and demons it was a terrible battle. The rat pierced the great, very mighty elephant. Seated on the backbone, (Gaṇeśa) again skilfully struck with his axe the mouth, chest and shoulder of the demon.
44-45. With his elephant he, vomitting blood, fell down on the ground. Sages and gods, saying, ‘Well (done), well (done)’, praised (Gaṇeśa). Here in the battle other (gods) struck the demons with infallible missiles, till the war giving victory (to one) of the two armies was not over.
Complete chapter-aligned witnesses. Sanskrit Wikisource page 45228, revision 334622 (2022-04-06T19:42:56Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364197.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.