Uttara-khaṇḍa · Chapter 131
Sourceपार्वत्युवाच। शालग्रामशिला शुद्धा मूर्त्तयः संति भूतले । तासां चैव तु मूर्तीनां पूजनं कतिधा स्मृतम् १। ब्राह्मणैः कति पूज्यास्ताः क्षत्रियैर्वा सुरेश्वर । वैश्यैर्वापि कथं शूद्रैः स्त्रीभिर्वापि समादिश २। महादेव उवाच। शालग्रामशिला पुण्या पवित्रा धर्मकारिणी । यस्या दर्शनमात्रेण ब्रह्महा शुध्यते नरः ३। तद्गृहं सर्वतीर्थानां प्रवरं श्रुतिनोदितम् । यत्रेयं सर्वदा मूर्तिः शालग्रामशिला शुभा ४। ब्राह्मणैः पंचपूज्या स्युश्चतस्रः क्षत्रियैस्तथा । वैश्यैस्तिस्रस्तथापूज्याएकापूज्याप्रयत्नतः ५। तस्यादर्शनमात्रेणशूद्रो मुक्तिमवाप्नुयात् । अनेन विधिना देवि ये नराः पूजयंति वै ६। भोगान्सर्वांस्तत्र भुक्त्वा यांति विष्णोः सनातनम् । इयं सा महती मूर्तिः सर्वदा पापहारिणी ७। कैलासाद्यं फलं देवि जायते पूजनाद्यतः । तत्र गंगा च यमुना गोदावरी सरस्वती ८। तिष्ठते च शिला यत्र सर्वं तत्र न संशयः । किमत्र बहुनोक्तेन भूयोभूयो वरानने ९। पूजनं मनुजैः सम्यक्कर्त्तव्यं मुक्तिमिच्छुभिः । भक्तिभावेन देवेशि येऽर्चयंति जनार्दनम् १०। तेषां दर्शनमात्रेण ब्रह्महा शुध्यते जनः । दासभावेन ये शूद्राः स्वर्चनं कुर्वते सदा ११। तेषां पुण्यं न जानंति ब्रह्माद्याश्च सुरेश्वरि । भक्तिभावेन ये विप्रा हरिमभ्यर्चयंति वै १२। एकविंशतिकुलं तैस्तु तारितं तेषु जन्मसु । शंखचक्रांकितो यस्तु विप्रः पूजनमाचरेत् १३। पूजितं तु जगत्सर्वं तेन विष्णुप्रपूजनात् । पितरः संवदंत्यस्मत्कुले जाताश्च वैष्णवाः १४। तत्कुलं तारितं तैस्तु यावदाभूतसंप्लवम् । ते तु चास्मान्समुद्धृत्य नयंते विष्णुमंदिरम् १५। स एव दिवसो धन्यो धन्या माताऽथ बांधवाः । पिता तस्य च वै धन्यो धन्या वै सुहृदस्तथा १६। सर्वे धन्यतमा ज्ञेया विष्णुभक्तिपरायणाः । तेषां दर्शनमात्रेण महापापात्प्रमुच्यते १७। उपपातकानि सर्वाणि महांति पातकानि च । तानि सर्वाणि नश्यंति वैष्णवानां च दर्शनात् १८। पावका इव दीप्यंते ये नरा वैष्णवा भुवि । विमुक्ताः सर्वपापेभ्यो मेघेभ्य इव चंद्रमाः १९। आर्द्रशुष्कं लघुस्थूलं वाङ्मनः कर्मभिः कृतम् । तत्सर्वं नाशमायाति वैष्णवानां च दर्शनात् २०। हिंसादिकं च यत्पापं ज्ञानाज्ञानं कृतं च यत् । तत्सर्वं नाशमायाति दर्शनाद्वैष्णवस्य च २१। निःपापास्त्रिदिवं यांति पापिष्ठा यांति शुद्धिताम् । दर्शनादेव साधूनां सत्यं तुभ्यं मयोदितम् २२। संसारकर्दमालेपप्रक्षालनविशारदः । पावनः पावनानां च विष्णुभक्तो न संशयः २३। प्रत्यहं विष्णुभक्ता ये स्मरंति मधुसूदनम् । ते तु विष्णुमया ज्ञेया विष्णुस्तत्र न संशयः २४। नवनीलघनश्यामं नलिनायतलोचनम् । शंखचक्रगदापद्मधरं पीतांबरावृतम् २५। कौस्तुभेन विराजंतं वनमालाधरं हरिम् । उल्लसत्कुंडलज्योतिः कपोलवदनश्रिया २६। विराजितं किरीटेन वलयांगदनूपुरैः । प्रसन्नवदनांभोजं चतुर्बाहुं श्रियान्वितम् २७। एवं ध्यायंति ये विप्रा विष्णुं चैव तु पार्वति । ते विप्रा विष्णुरूपाश्च वैष्णवास्ते न संशयः २८। तेषां दर्शनमात्रेण भक्त्या वा भोजनेन वा । पूजनेन च देवेशि वैकुंठं लभते ध्रुवम् २९। इति श्रीपाद्मे महापुराणे पंचपंचाशत्सहस्रसंहितायामुत्तरखंडे शालग्रामशिलापूजनमाहात्म्यंनामैकत्रिंशाधिकशततमोऽध्यायः १३१।
pārvatyuvāca| śālagrāmaśilā śuddhā mūrttayaḥ saṃti bhūtale | tāsāṃ caiva tu mūrtīnāṃ pūjanaṃ katidhā smṛtam 1| brāhmaṇaiḥ kati pūjyāstāḥ kṣatriyairvā sureśvara | vaiśyairvāpi kathaṃ śūdraiḥ strībhirvāpi samādiśa 2| mahādeva uvāca| śālagrāmaśilā puṇyā pavitrā dharmakāriṇī | yasyā darśanamātreṇa brahmahā śudhyate naraḥ 3| tadgṛhaṃ sarvatīrthānāṃ pravaraṃ śrutinoditam | yatreyaṃ sarvadā mūrtiḥ śālagrāmaśilā śubhā 4| brāhmaṇaiḥ paṃcapūjyā syuścatasraḥ kṣatriyaistathā | vaiśyaistisrastathāpūjyāekāpūjyāprayatnataḥ 5| tasyādarśanamātreṇaśūdro muktimavāpnuyāt | anena vidhinā devi ye narāḥ pūjayaṃti vai 6| bhogānsarvāṃstatra bhuktvā yāṃti viṣṇoḥ sanātanam | iyaṃ sā mahatī mūrtiḥ sarvadā pāpahāriṇī 7| kailāsādyaṃ phalaṃ devi jāyate pūjanādyataḥ | tatra gaṃgā ca yamunā godāvarī sarasvatī 8| tiṣṭhate ca śilā yatra sarvaṃ tatra na saṃśayaḥ | kimatra bahunoktena bhūyobhūyo varānane 9| pūjanaṃ manujaiḥ samyakkarttavyaṃ muktimicchubhiḥ | bhaktibhāvena deveśi ye'rcayaṃti janārdanam 10| teṣāṃ darśanamātreṇa brahmahā śudhyate janaḥ | dāsabhāvena ye śūdrāḥ svarcanaṃ kurvate sadā 11| teṣāṃ puṇyaṃ na jānaṃti brahmādyāśca sureśvari | bhaktibhāvena ye viprā harimabhyarcayaṃti vai 12| ekaviṃśatikulaṃ taistu tāritaṃ teṣu janmasu | śaṃkhacakrāṃkito yastu vipraḥ pūjanamācaret 13| pūjitaṃ tu jagatsarvaṃ tena viṣṇuprapūjanāt | pitaraḥ saṃvadaṃtyasmatkule jātāśca vaiṣṇavāḥ 14| tatkulaṃ tāritaṃ taistu yāvadābhūtasaṃplavam | te tu cāsmānsamuddhṛtya nayaṃte viṣṇumaṃdiram 15| sa eva divaso dhanyo dhanyā mātā'tha bāṃdhavāḥ | pitā tasya ca vai dhanyo dhanyā vai suhṛdastathā 16| sarve dhanyatamā jñeyā viṣṇubhaktiparāyaṇāḥ | teṣāṃ darśanamātreṇa mahāpāpātpramucyate 17| upapātakāni sarvāṇi mahāṃti pātakāni ca | tāni sarvāṇi naśyaṃti vaiṣṇavānāṃ ca darśanāt 18| pāvakā iva dīpyaṃte ye narā vaiṣṇavā bhuvi | vimuktāḥ sarvapāpebhyo meghebhya iva caṃdramāḥ 19| ārdraśuṣkaṃ laghusthūlaṃ vāṅmanaḥ karmabhiḥ kṛtam | tatsarvaṃ nāśamāyāti vaiṣṇavānāṃ ca darśanāt 20| hiṃsādikaṃ ca yatpāpaṃ jñānājñānaṃ kṛtaṃ ca yat | tatsarvaṃ nāśamāyāti darśanādvaiṣṇavasya ca 21| niḥpāpāstridivaṃ yāṃti pāpiṣṭhā yāṃti śuddhitām | darśanādeva sādhūnāṃ satyaṃ tubhyaṃ mayoditam 22| saṃsārakardamālepaprakṣālanaviśāradaḥ | pāvanaḥ pāvanānāṃ ca viṣṇubhakto na saṃśayaḥ 23| pratyahaṃ viṣṇubhaktā ye smaraṃti madhusūdanam | te tu viṣṇumayā jñeyā viṣṇustatra na saṃśayaḥ 24| navanīlaghanaśyāmaṃ nalināyatalocanam | śaṃkhacakragadāpadmadharaṃ pītāṃbarāvṛtam 25| kaustubhena virājaṃtaṃ vanamālādharaṃ harim | ullasatkuṃḍalajyotiḥ kapolavadanaśriyā 26| virājitaṃ kirīṭena valayāṃgadanūpuraiḥ | prasannavadanāṃbhojaṃ caturbāhuṃ śriyānvitam 27| evaṃ dhyāyaṃti ye viprā viṣṇuṃ caiva tu pārvati | te viprā viṣṇurūpāśca vaiṣṇavāste na saṃśayaḥ 28| teṣāṃ darśanamātreṇa bhaktyā vā bhojanena vā | pūjanena ca deveśi vaikuṃṭhaṃ labhate dhruvam 29| iti śrīpādme mahāpurāṇe paṃcapaṃcāśatsahasrasaṃhitāyāmuttarakhaṃḍe śālagrāmaśilāpūjanamāhātmyaṃnāmaikatriṃśādhikaśatatamo'dhyāyaḥ 131|
English translation
Pārvatī said :
1-2. There are the pure images of the Śālagrāma stone on the earth. In how many ways is the worship of those image said to be done? Tell (me), O lord of gods, how many (images) are to be worshipped by brāhmaṇas ? (How many) by kṣatriyas ? How are they to be worshipped by vaiśyas , śūdras and women?
Mahādeva said :
3-18. The Śālagrama stone is auspicious, pure and leads to religious merit; even by seeing it a man, (even if he is a) killer of a brāhmaṇa , is purified. That house where this auspicious image of the Śālagrāma stone exists, is said to be the best of all by all holy texts. Brāhmaṇas should worship five, kṣatriyas four, similarly vaiśyas should worship three, or one with care. A śūdra would obtain salvation just by seeing it. O goddess, those men who worship the (Śālagrāma) according to this rite, enjoy all pleasures and go to the eternal (position) of Viṣṇu . This is the great image which always removes sins. For, O goddess, the fruit beginning with Kailāsa is produced by worshipping (it). Gaṅgā , Yamunā , Godāvarī , Sarasvatī are there where the stone is. There is no doubt about this. O beautiful lady, what is the use of repeatedly saying much? Men, desiring salvation, should properly worship it. A man is purified by seeing them who, O chief goddess, worship Viṣṇu devoutly. O chief goddess, Brahmā and others are not aware of the religious merit of the śūdras who as their servants, worship them well. Twenty-one (generations of) the family of those brāhmaṇas who devoutly worship Viṣṇu are emancipated in those existences. The brāhmaṇa having marks of a conch and a disc (on his person), who would worship (Viṣṇu), has, by means of having worshipped Viṣṇu, worshipped the entire world. The dead ancestors speak with one another: ‘Viṣṇu’s devotees are born in our family. Till the final deluge they have emancipated that family. They will, after emancipating us, take us to Viṣṇu’s abode. That day alone is lucky. The mother is blessed. The relatives are blessed. So also his father is blessed, and his relatives also.’ All intent upon Viṣṇu’s devotion should be known to be most lucky. Merely by seeing them one gets freed from a major sin. By seeing Viṣṇu’s devotees, all minor sins, so also all major sins perish.
19-29. Those men who are Viṣṇu’s devotees, shine on the earth like fires and are freed from all sins like the moon from clouds. All the sins, deliberate, non-deliberate, small, big, committed through speech, mind, (physical) act, perish on seeing Viṣṇu’s devotees. On seeing a devotee of Viṣṇu all the sin due to having done harm (to others) knowingly or unknowingly, perishes. On just seeing the good the sinless go to heaven; the most sinful become purified. I have told you the truth. A devotee of Viṣṇu, skilled in washing the smearing of the mud of the mundane existence, is undoubtedly the purifier of the purifiers. Those devotees of Viṣṇu who everyday remember Viṣṇu, should be known to be full of Viṣṇu. Viṣṇu is undoubtedly there (i.e. in them). Those brāhmaṇas who meditate upon Viṣṇu as dark like a fresh cloud, having long(i.e. big) lotus-like eyes, holding a conch, a disc, a mace, a lotus, covered with a yellow garment, shining with the Kaustubha , wearing a garland of wood-flowers, with the lustre of his ear-ring being brightened up by the grace of the face, adorned with a crown and bracelets, armlets and anklets, with his lotus-like face pleased, endowed with the grace of four arms (i.e. with four graceful arms), are of the form of Viṣṇu. There is no doubt about it, O Pārvatī . One certainly obtains Vaikuṇṭha by just seeing them, being devoted to them, feeding them or honouring them, O chief goddess.
Complete chapter-aligned witnesses. Sanskrit Wikisource page 44814, revision 334386 (2022-04-02T23:36:01Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365710.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.