Bhūmi-khaṇḍa · Chapter 56
Sourceविष्णुरुवाच- तस्याः सत्यविनाशाय मन्मथः ससुराधिपः । प्रस्थितः सुकलां तर्हि सत्यो धर्ममथाब्रवीत् १। पश्य धर्म महाप्राज्ञ मन्मथस्य विचेष्टितम् । तवार्थमात्मनश्चैव पुण्यस्यापि महात्मनः २। विसृजामि महास्थानं वास्तुरूपं सुखोदयम् । सत्याख्यं च सुप्रियाख्यं सुदेवाख्यं गृहोत्तमम् ३। तमेव नाशयेद्गत्वा काम एष प्रमत्तधीः । रिपुरूपः सुदुष्टात्मा अस्माकं हि न संशयः ४। पतिस्तपोधनो विप्रः सुसती या पतिव्रता । सुसत्यो भूपतिर्धर्मममगेहानसंशयः ५। यत्राहं वृद्धिसंपुष्टस्तत्र वासो हि ते भवेत् । तत्र पुण्यं समायाति श्रद्धया सह क्रीडते ६। क्षमा शांत्या समायुक्ता आयाति मम मंदिरम् । यथा सत्यो दमश्चैव दया सौहृदमेव च ७। प्रज्ञायुक्तः स निर्लोभो यत्राहं तत्र संस्थितः । शुचिः स्वभावस्तत्रैव अमी च मम बांधवाः ८। अस्तेयमप्यहिंसा च तितिक्षा वृद्धिरेव च । मम गेहे समायाता धन्यतां शृणु धर्मराट् ९। गुरूणां चापि शुश्रूषा विष्णुर्लक्ष्म्या समावृतः । मद्गेहं तु समायांति देवाश्चाग्निपुरोगमाः १०। मोक्षमार्गं प्रकाशेद्यो ज्ञानोदीप्त्या समन्वितः । एतैः सार्धं वसाम्येव सतीषु धर्मवत्सु च ११। साधुष्वेतेषु सर्वेषु गृहरूपेषु मे सदा । उक्तेनापि कुटुंबेन वसाम्येव त्वया सह १२। ससत्वाः साधुरूपास्ते वेधसा मे गृहीकृताः । संचरामि महाभाग स्वच्छंदेन च लीलया १३। ईश्वरश्च जगत्स्वामी त्रिनेत्रो वृषवाहनः । मम गेहे स्वरूपेण वर्तते शिवया युतः १४। तदिदं संसृतेः सारं गृहरूपं महेश्वरम् । सदनं शंकरेत्याख्यं नाशितं मन्मथेन वै १५। विश्वामित्रं महात्मानं तपंतं तप उत्तमम् । मेनकां हि समाश्रित्य कामोयं जितवान्पुरा १६। सती पतिव्रताहल्या गौतमस्य प्रिया शुभा । सुसत्याच्चालिता तेन मन्मथेन दुरात्मना १७। मुनयः सत्यधर्मज्ञा नानास्त्रियः पतिव्रताः । मद्गृहास्ता इमाः सर्वा दीपिताः कामवह्निना १८। दुर्धरो दुःसहो व्यापी योतिसत्येषु निष्ठुरः । मामेवं पश्यते नित्यं क्व सत्यः परितिष्ठति १९। समां ज्ञात्वा समायाति बाणपाणिर्धनुर्धरः । नाशयेन्मद्गृहं पापो वीतिहोत्रैश्च नामकैः २०। पापलेशाश्च ये क्रूरा अन्ये पाखंडसंश्रयाः । ते तु बुद्ध्याऽहिताः सर्वे सत्यगेहं विशंति हि २१। सेनाध्यक्षैरसत्यैस्तु छद्मना तेन साधितः । पातयेदर्दयेद्गेहं पापः शस्त्रैर्दुरात्मभिः २२। मामेवं ताडयेत्पापो महाबल मनोभवः । अस्य धाम्ना प्रदग्धोहं शून्यतां हि व्रजामि वै २३। नूतनं गृहमिच्छामि स्त्रियाख्यं पतिभूपतिम् । कृकलस्यापि पुण्यस्य प्रियेयं शिवमंगला २४। तद्गृहं सुकलाख्यं मे दग्धुं पापः समुद्यतः । अयमेष सहस्राक्षः कामेन सहितो बली २५। कामस्य कारणात्कस्मात्पूर्ववृत्तं न विंदति । अहल्यायाः प्रसंगेन मेषोपस्थो व्यजायत २६। पौरुषं हि मुनेर्दृष्ट्वा सत्याश्चैव प्रधषर्णात् । नष्टः कामस्य दोषेण सुरराट्तत्र संस्थितः २७। भुक्तवान्दारुणं शापं दुःखेन महतान्वितः । कृकलस्य प्रियामेनां सुकलां पुण्यचारिणीम् २८। एष हंतुं सहस्राक्ष उद्यतः कामसंयुतः । यथा चेंद्रेण नायाति काम एष तथा कुरु २९। धर्मराज महाप्राज्ञ भवान्मतिमतां वरः । धर्मराज उवाच- ऊनं तेजः करिष्यामि कामस्य मरणं तथा ३०। एकोपायो मया दृष्टस्तमिहैव प्रपश्यतु । प्रज्ञा चैषा महाप्राज्ञा शकुनीरूपचारिणी ३१। भर्तुरागमनं पुण्यं शब्देनाख्यातु खे यतः । शकुनस्य प्रभावेण भर्तुश्चागमनेन च ३२। दुष्टैर्नष्टा न भूयेत स्वस्थचित्ता न संशयः । प्रज्ञा संप्रेषिता तेन गता सा सुकलागृहम् ३३। प्रकुर्वती महच्छब्दं दृष्टदेवेव सा बभौ । पूजिता मानिता प्रज्ञा धूपदीपादिभिस्तदा ३४। ब्राह्मणं सुकलापृच्छत्किमेषा च वदेन्मम । ब्राह्मण उवाच- भर्तुश्चागमनं ब्रूते तवैव सुभगे स्थिरा ३५। दिनसप्तकमध्ये स आगमिष्यति नान्यथा ३६। इत्येवमाकर्ण्यसुमंगलं वचः प्रहर्षयुक्ता सहसा बभूव । धर्मज्ञमेकं सगुणं हि कांतं शकुनात्प्रदिष्टं हि समागतं तम् ३७।
viṣṇuruvāca- tasyāḥ satyavināśāya manmathaḥ sasurādhipaḥ | prasthitaḥ sukalāṃ tarhi satyo dharmamathābravīt 1| paśya dharma mahāprājña manmathasya viceṣṭitam | tavārthamātmanaścaiva puṇyasyāpi mahātmanaḥ 2| visṛjāmi mahāsthānaṃ vāsturūpaṃ sukhodayam | satyākhyaṃ ca supriyākhyaṃ sudevākhyaṃ gṛhottamam 3| tameva nāśayedgatvā kāma eṣa pramattadhīḥ | ripurūpaḥ suduṣṭātmā asmākaṃ hi na saṃśayaḥ 4| patistapodhano vipraḥ susatī yā pativratā | susatyo bhūpatirdharmamamagehānasaṃśayaḥ 5| yatrāhaṃ vṛddhisaṃpuṣṭastatra vāso hi te bhavet | tatra puṇyaṃ samāyāti śraddhayā saha krīḍate 6| kṣamā śāṃtyā samāyuktā āyāti mama maṃdiram | yathā satyo damaścaiva dayā sauhṛdameva ca 7| prajñāyuktaḥ sa nirlobho yatrāhaṃ tatra saṃsthitaḥ | śuciḥ svabhāvastatraiva amī ca mama bāṃdhavāḥ 8| asteyamapyahiṃsā ca titikṣā vṛddhireva ca | mama gehe samāyātā dhanyatāṃ śṛṇu dharmarāṭ 9| gurūṇāṃ cāpi śuśrūṣā viṣṇurlakṣmyā samāvṛtaḥ | madgehaṃ tu samāyāṃti devāścāgnipurogamāḥ 10| mokṣamārgaṃ prakāśedyo jñānodīptyā samanvitaḥ | etaiḥ sārdhaṃ vasāmyeva satīṣu dharmavatsu ca 11| sādhuṣveteṣu sarveṣu gṛharūpeṣu me sadā | uktenāpi kuṭuṃbena vasāmyeva tvayā saha 12| sasatvāḥ sādhurūpāste vedhasā me gṛhīkṛtāḥ | saṃcarāmi mahābhāga svacchaṃdena ca līlayā 13| īśvaraśca jagatsvāmī trinetro vṛṣavāhanaḥ | mama gehe svarūpeṇa vartate śivayā yutaḥ 14| tadidaṃ saṃsṛteḥ sāraṃ gṛharūpaṃ maheśvaram | sadanaṃ śaṃkaretyākhyaṃ nāśitaṃ manmathena vai 15| viśvāmitraṃ mahātmānaṃ tapaṃtaṃ tapa uttamam | menakāṃ hi samāśritya kāmoyaṃ jitavānpurā 16| satī pativratāhalyā gautamasya priyā śubhā | susatyāccālitā tena manmathena durātmanā 17| munayaḥ satyadharmajñā nānāstriyaḥ pativratāḥ | madgṛhāstā imāḥ sarvā dīpitāḥ kāmavahninā 18| durdharo duḥsaho vyāpī yotisatyeṣu niṣṭhuraḥ | māmevaṃ paśyate nityaṃ kva satyaḥ paritiṣṭhati 19| samāṃ jñātvā samāyāti bāṇapāṇirdhanurdharaḥ | nāśayenmadgṛhaṃ pāpo vītihotraiśca nāmakaiḥ 20| pāpaleśāśca ye krūrā anye pākhaṃḍasaṃśrayāḥ | te tu buddhyā'hitāḥ sarve satyagehaṃ viśaṃti hi 21| senādhyakṣairasatyaistu chadmanā tena sādhitaḥ | pātayedardayedgehaṃ pāpaḥ śastrairdurātmabhiḥ 22| māmevaṃ tāḍayetpāpo mahābala manobhavaḥ | asya dhāmnā pradagdhohaṃ śūnyatāṃ hi vrajāmi vai 23| nūtanaṃ gṛhamicchāmi striyākhyaṃ patibhūpatim | kṛkalasyāpi puṇyasya priyeyaṃ śivamaṃgalā 24| tadgṛhaṃ sukalākhyaṃ me dagdhuṃ pāpaḥ samudyataḥ | ayameṣa sahasrākṣaḥ kāmena sahito balī 25| kāmasya kāraṇātkasmātpūrvavṛttaṃ na viṃdati | ahalyāyāḥ prasaṃgena meṣopastho vyajāyata 26| pauruṣaṃ hi munerdṛṣṭvā satyāścaiva pradhaṣarṇāt | naṣṭaḥ kāmasya doṣeṇa surarāṭtatra saṃsthitaḥ 27| bhuktavāndāruṇaṃ śāpaṃ duḥkhena mahatānvitaḥ | kṛkalasya priyāmenāṃ sukalāṃ puṇyacāriṇīm 28| eṣa haṃtuṃ sahasrākṣa udyataḥ kāmasaṃyutaḥ | yathā ceṃdreṇa nāyāti kāma eṣa tathā kuru 29| dharmarāja mahāprājña bhavānmatimatāṃ varaḥ | dharmarāja uvāca- ūnaṃ tejaḥ kariṣyāmi kāmasya maraṇaṃ tathā 30| ekopāyo mayā dṛṣṭastamihaiva prapaśyatu | prajñā caiṣā mahāprājñā śakunīrūpacāriṇī 31| bharturāgamanaṃ puṇyaṃ śabdenākhyātu khe yataḥ | śakunasya prabhāveṇa bhartuścāgamanena ca 32| duṣṭairnaṣṭā na bhūyeta svasthacittā na saṃśayaḥ | prajñā saṃpreṣitā tena gatā sā sukalāgṛham 33| prakurvatī mahacchabdaṃ dṛṣṭadeveva sā babhau | pūjitā mānitā prajñā dhūpadīpādibhistadā 34| brāhmaṇaṃ sukalāpṛcchatkimeṣā ca vadenmama | brāhmaṇa uvāca- bhartuścāgamanaṃ brūte tavaiva subhage sthirā 35| dinasaptakamadhye sa āgamiṣyati nānyathā 36| ityevamākarṇyasumaṃgalaṃ vacaḥ praharṣayuktā sahasā babhūva | dharmajñamekaṃ saguṇaṃ hi kāṃtaṃ śakunātpradiṣṭaṃ hi samāgataṃ tam 37|
English translation
Viṣṇu said :
1-11a. Cupid, with the lord of gods, started to go to Sukalā to bring about a genuine destruction of her. At that time Satya (i.e. Truth) said to Dharma : “See, O very intelligent Dharma Cupid’s misdeed. I create (i.e. have created) a great place, an excellent house, of the nature of an abode, causing (i.e. giving) happiness, and called Satya (truth), Supriya (very dear) and Sudeva (with good deities), for the sake of you, the righteous and magnanimous one, and for my sake. This wicked Cupid, of a blundering mind, and of an inimical nature, would go to it and certainly destroy that excellent house of us. There is no doubt that a Brāhmaṇa with penance as his wealth as the husband, a very poius chaste woman, and a very truthful king, are, O Dharma, my abodes. There is no doubt about it. You would reside there where I am nourished with prosperity. Pu Q.ya (i.e. Merit) comes there and sports with Śraddhā (i.e. Faith). Kṣamā (i.e. Forbearance) accompanied by Śānti (i.e. Tranquility) comes to my abode. Real Dama (i.e. Restraint), and Dayā (i.e. Pity) and Sauhārda (i.e. Good-heartedness), Nirlobha (i.e. Absence of greed), along with Intelligence are there where I live. Śuci Svabhāva (i.e. Pure Nature) (stays) there only. These are my kinsmen. Non-stealing, Harmlessness, Endurance and Prosperity have come to my house. O king Dharma, listen to my blessedness. Service of preceptors and elderly persons, Viṣṇu accompanied by Lakṣmī , gods led by Agni , come to my house. Jñāna (i.e. Knowledge) accompanied by Brilliance, that would illumine the path to salvation (has come to my house).
11b-14. I always live with these in chaste women, religious persons, and in all good people that are of the form of my house. Along with you I just live with the family about which I told you. They, who are virtuous and of a good nature, have been made my abode by the Creator. O magnanimous one, I move comfortably and at will. The lord, the master of the three worlds, the threeeyed one, having the bull (viz. Nandi ) as his vehicle, lives, with Śivā (i.e. Pārvatī ), in his own form in my house.
15-20. This, then, is the essence of the worldly existence, of the form of a house, of a lordly nature—an abode called Śaṅkara . That is destroyed by Cupid. This Cupid formerly subdued, after having taken resort to (i.e. the help of) Menakā , the magnanimous Viśvāmitra , practising excellent penance. That wicked Cupid led the chaste, loyal Ahalyā , the dear, auspicious wife of Gautama away from great truth. All sages, knowing the genuine Dharma, many chaste women—all these my abodes were burnt by the fire of Cupid. He is irresistible, unbearable, (all-) pervasive, and very harsh to great truths. He is looking for me (saying:) ‘Where does Truth stay?’ Knowing me (i.e. finding out my abode) he, the archer, with arrows in his hands, comes; and the sinful one would destroy my house with fires.
21-25. All those having bits of sins, who are cruel, who have resorted to heretics, who are malevolent in mind, will enter the house of Satya. Subdued by the generals of the army who are untruthful and by that Chadman (i.e. Dishonesty), the sinner would ruin (and) strike (my) house with sinful weapons. The wicked, very powerful Cupid will strike me like this. Burnt by his lustre I shall be a non-entity. I desire (to have) a new house called the woman looking upon her husband as her king. This one, good and auspicious, is the dear (wife) of the meritorious Kṛkala. This wicked (Cupid) is intent on burning that house called Sukalā.
26-30a. How is it that the mighty thousand-eyed ( Indra ) does not know (i.e. remember) his former account (i.e. what happened to him) on account of Cupid? He became one having the scrotum of a ram due to his attachment to Ahalyā. The lord of gods (i.e. Indra), who had remained there (i.e. in Gautama’s hermitage), had perished on seeing the manliness of the sage and due to the outrage of a chaste woman, as a result of Cupid’s fault. He suffered a terrible curse, and was full of great grief. This thousand-eyed (Indra), along with Cupid, is eager to strike this Sukalā, Kṛkala’s dear wife practising meritorious acts. O Dharmarāja , O very intelligent one, act in such a way that this Cupid would not come (to her) with Indra. You are the best among the intelligent ones.”
Dharmarāja said :
30b-33a. I shall lessen the lustre of Cupid and bring about his death. I have found out one remedy. You may (please) examine it now only. This very intelligent Prajñā moving in the form of a bird, may tell (i.e. announce), from the sky, the auspicious arrival of ( Sukala ’s) husband. She, due to the prowess of the omen, and with her mind steady, would certainly not be ruined by the wicked.
33b-35a. He (then) sent Prajñā. She went to the house of Sukalā. Making a great sound she shone like one who had been seen (i.e. favoured) by gods. Then she was worshipped and honoured with incense, lights etc. Sukalā asked the brāhmaṇa: “What would she (i.e. does she) say to me?”
The brāhmaṇa said :
35b-36. The steady one announces the arrival of your husband, O blessed one. He will arrive within seven days. This will not be otherwise.
37. Hearing these very auspicious words, she at once became very glad. (She thought that) her virtuous, dear husband, knowing righteousness, had arrived.
Complete chapter-aligned witnesses. Sanskrit Wikisource page 32447, revision 335495 (2022-04-09T18:51:00Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc364263.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.