Brahma-khaṇḍa · Chapter 18
Sourceशौनक उवाच। अगम्यागमनं सूत कुर्याद्यो वै विमोहितः । तस्य शुद्धिर्भवेत्केन कथयस्व समूलतः १। सूत उवाच। अभिगच्छति चांडालीं श्वपाकीं यो द्विजोत्तमः । उपवासत्रयं कुर्यात्प्राजापत्यं चरेत्ततः २। सशिखं वपनं चैव दद्याद्गोद्वयमेव च । यथार्थदक्षिणां दत्वा शुद्धिमाप्नोति स द्विजः ३। क्षत्त्रियो वापि चांडालीं वैश्यो वा यदि गच्छति । प्राजापत्यं सकृच्छ्रं च दद्याद्गोमिथुनद्वयम् ४। अनुगच्छति शूद्रो हि श्वपाकीं च तपोधन । चतुर्गोमिथुनं दद्यात्प्राजापत्यं व्रतं चरेत् ५। मातरं यदि वा गच्छेद्भगिनीं स्वसुतामपि । वधूं च मोहितो गच्छंस्त्रीणि कृच्छ्राण्यथाचरेत् ६। चांद्रायणत्रयं कृत्वा दद्याद्गोमिथुनत्रयम् । सशिखं वपनं कृत्वा पंचगव्यं पिबेत्ततः ७। हुते ह्यग्नौ तथाप्यत्र शुद्ध्यत्येवं तपोधन । पितृदारान्द्विजश्रेष्ठ मातुश्च भगिनीं तथा ८। गुरुपत्नीं मातुलानीं भ्रातुर्भार्यां स्वगोत्रजाम् । यदि गच्छति मोहेन प्राजापत्यद्वयं चरेत् ९। चांद्रायणत्रयं ब्रह्मन्पंचगोमिथुनानि च । विप्रेभ्यो दक्षिणां दद्याच्छुध्यते नात्र संशयः १०। गां च गच्छति यो मूढ उपवासत्रयं चरेत् । धेनुं दत्त्वा तथा चान्नं शुद्ध्यत्यत्र न संशयः ११। वेश्यां खरीं शूकरीं च कपिं तुं महिषीं द्विज । आकंठतः समाक्षिप्य गोमयोदककर्द्दमे १२। तत्र तिष्ठेन्निराहारो त्रिरात्रेणैव शुद्ध्यति । सशिखं वपनं कृत्वा त्रिरात्रमुपवासयेत् १३। एकरात्रं जले स्थित्वा शुद्ध्यत्येव न संशयः । ब्राह्मणीं तु यदा गच्छेत्यो नरः काममोहितः १४। प्राजापत्यत्रयं कुर्य्याच्चांद्रायणत्रयं तथा । गोत्रयं तु तथा दद्याच्छुद्ध्यत्येव तपोधन १५। ब्राह्मणी पंचगव्यं तु पंचरात्रं पिबेद्द्विज । गोद्वयं दक्षिणां दद्याच्छुध्यत्यत्र न संशयः १६। परांगनां यदागच्छेत्कृच्छ्रं सांतपनं चरेत् । यथार्गला तथा योषित्तस्मात्तां परिवर्जयेत् १७। वर्णबाह्यां तथा नीचामनुगच्छेत्सकृन्नरः । प्राजापत्यं चरेत्कृच्छ्रं शुद्ध्यत्येव न संशयः १८। अंगारसदृशी योषित्सर्पिः कुंभसमः पुमान् । तस्याः परिसरे ब्रह्मन्न स्थातव्यं कदाचन १९। जारेण जनयेद्गर्भं या च नारी कुलांतका । त्याज्या सा सर्वथा ब्रंह्मस्तत्र दोषो न विद्यते २०। या च नारी गृहाद्गच्छेत्त्यक्त्वा बंधून्स्वकानपि । नष्टा सा च कुलभ्रष्टा न तस्याः संगमः पुनः २१। या च नारी यदा गच्छेन्मोहिता परपूरुषम् । प्राजापत्यं चरेत्कृच्छ्रं पंचगव्यं पिबेत्ततः २२। गोद्वयं तु ततो दद्याच्छुध्यत्येव न संशयः । ब्राह्मणी बालिशा ब्रह्मन्मोहिता परपूरुषम् २३। यदा गच्छेत्तदा त्याज्या जनैर्दोषो न विद्यते । यो गच्छेद्ब्राह्मणीं विप्र भूसुरः काममोहितः । गो तिलांश्च तदा दद्याच्छुद्ध्यत्यत्र न संशयः २४। इति श्रीपाद्मे महापुराणे ब्रह्मखंडे सूतशौनकसंवादे अष्टादशोऽध्यायः १८।
śaunaka uvāca| agamyāgamanaṃ sūta kuryādyo vai vimohitaḥ | tasya śuddhirbhavetkena kathayasva samūlataḥ 1| sūta uvāca| abhigacchati cāṃḍālīṃ śvapākīṃ yo dvijottamaḥ | upavāsatrayaṃ kuryātprājāpatyaṃ carettataḥ 2| saśikhaṃ vapanaṃ caiva dadyādgodvayameva ca | yathārthadakṣiṇāṃ datvā śuddhimāpnoti sa dvijaḥ 3| kṣattriyo vāpi cāṃḍālīṃ vaiśyo vā yadi gacchati | prājāpatyaṃ sakṛcchraṃ ca dadyādgomithunadvayam 4| anugacchati śūdro hi śvapākīṃ ca tapodhana | caturgomithunaṃ dadyātprājāpatyaṃ vrataṃ caret 5| mātaraṃ yadi vā gacchedbhaginīṃ svasutāmapi | vadhūṃ ca mohito gacchaṃstrīṇi kṛcchrāṇyathācaret 6| cāṃdrāyaṇatrayaṃ kṛtvā dadyādgomithunatrayam | saśikhaṃ vapanaṃ kṛtvā paṃcagavyaṃ pibettataḥ 7| hute hyagnau tathāpyatra śuddhyatyevaṃ tapodhana | pitṛdārāndvijaśreṣṭha mātuśca bhaginīṃ tathā 8| gurupatnīṃ mātulānīṃ bhrāturbhāryāṃ svagotrajām | yadi gacchati mohena prājāpatyadvayaṃ caret 9| cāṃdrāyaṇatrayaṃ brahmanpaṃcagomithunāni ca | viprebhyo dakṣiṇāṃ dadyācchudhyate nātra saṃśayaḥ 10| gāṃ ca gacchati yo mūḍha upavāsatrayaṃ caret | dhenuṃ dattvā tathā cānnaṃ śuddhyatyatra na saṃśayaḥ 11| veśyāṃ kharīṃ śūkarīṃ ca kapiṃ tuṃ mahiṣīṃ dvija | ākaṃṭhataḥ samākṣipya gomayodakakarddame 12| tatra tiṣṭhennirāhāro trirātreṇaiva śuddhyati | saśikhaṃ vapanaṃ kṛtvā trirātramupavāsayet 13| ekarātraṃ jale sthitvā śuddhyatyeva na saṃśayaḥ | brāhmaṇīṃ tu yadā gacchetyo naraḥ kāmamohitaḥ 14| prājāpatyatrayaṃ kuryyāccāṃdrāyaṇatrayaṃ tathā | gotrayaṃ tu tathā dadyācchuddhyatyeva tapodhana 15| brāhmaṇī paṃcagavyaṃ tu paṃcarātraṃ pibeddvija | godvayaṃ dakṣiṇāṃ dadyācchudhyatyatra na saṃśayaḥ 16| parāṃganāṃ yadāgacchetkṛcchraṃ sāṃtapanaṃ caret | yathārgalā tathā yoṣittasmāttāṃ parivarjayet 17| varṇabāhyāṃ tathā nīcāmanugacchetsakṛnnaraḥ | prājāpatyaṃ caretkṛcchraṃ śuddhyatyeva na saṃśayaḥ 18| aṃgārasadṛśī yoṣitsarpiḥ kuṃbhasamaḥ pumān | tasyāḥ parisare brahmanna sthātavyaṃ kadācana 19| jāreṇa janayedgarbhaṃ yā ca nārī kulāṃtakā | tyājyā sā sarvathā braṃhmastatra doṣo na vidyate 20| yā ca nārī gṛhādgacchettyaktvā baṃdhūnsvakānapi | naṣṭā sā ca kulabhraṣṭā na tasyāḥ saṃgamaḥ punaḥ 21| yā ca nārī yadā gacchenmohitā parapūruṣam | prājāpatyaṃ caretkṛcchraṃ paṃcagavyaṃ pibettataḥ 22| godvayaṃ tu tato dadyācchudhyatyeva na saṃśayaḥ | brāhmaṇī bāliśā brahmanmohitā parapūruṣam 23| yadā gacchettadā tyājyā janairdoṣo na vidyate | yo gacchedbrāhmaṇīṃ vipra bhūsuraḥ kāmamohitaḥ | go tilāṃśca tadā dadyācchuddhyatyatra na saṃśayaḥ 24| iti śrīpādme mahāpurāṇe brahmakhaṃḍe sūtaśaunakasaṃvāde aṣṭādaśo'dhyāyaḥ 18|
English translation
Śaunaka said :
1. O Sūta , tell me fully, with what can a man who having through delusion h ad illegitimate intercourse, be purified?
Sūta said :
2-8a. The best brāhmaṇa , who cohabits with a cāṇḍāla woman or an outcaste woman, should observe three fasts, then should observe the Prājāpatya vow, get clean-shaved with (even) the tuft of hair on the crown of his head (removed), and should give a couple of cows (to a brāhmaṇa). The brāhmaṇa becomes purified after giving proper present (to a brāhmaṇa). If a kṣatriya or a vaiśya cohabits with a cāṇḍālī , he should (observe) the Kṛcchra Prājāpatya (vow) and should give two pairs of cows to (a brāhmaṇa). O you ascetic, if a śūdra cohabits with an outcaste woman, he should give four pairs of cows (to a brāhmaṇa) and observe the Prājāpatya vow. If a man being infatuated, cohabits with his mother or sister or daughter, or his daughter-in-law, he should observe three Kṛcchra (-vows). Having observed three Cāndrāyaṇa (-vows), he should give three pairs of cows. Getting clean-shaved with (even) the tuft of hair on the crown of the head (removed), he should drink the mixture of the five products of a cow. O ascetic, in this case he becomes purified even after making offerings into fire.
8b-10. O best brāhmaṇa, if a man through infatuation, cohabits with the wife (other than his mother) of his father, or his mother’s sister, or his preceptor’s wife, or his maternal uncle’s wife, or his brother’s wife born in the same family, he should observe a couple of Prājāpatya (-vows). O brāhmaṇa, he should observe three Cāndrāyaṇa-vows, (should give) five pairs of cows to brāhmaṇas and should give them a present. He is (by doing so) purified. There is no doubt about this.
11-14a. That fool who cohabits with a cow, should observe three fasts; there is no doubt that he is purified by giving a cow and food. He who cohabits with a prostitute, a female ass, a female pig or a monkey or a she-buffalow, should remain without eating in mud after having thrown himself there upto his neck. He is purified after three nights. He should observe fast for three nights after having got clean-shaved with the tuft of hair on the crown of his head (removed). Undoubtedly he is purified on remaining in water for a night.
14b-17a. O you ascetic, he who being infatuated by love, would cohabit with a brāhmaṇa-woman should observe three Prājāpatya (-vows) and three Cāndrāyaṇa (-vows). Similarly he should give three cows (to a brāhmaṇa). The brāhmaṇa woman should drink the mixture of the products of a cow for five nights, O brāhmaṇa. There is no doubt that by giving a pair of cows and a present (to a brāhmaṇa) she is purified. When a man cohabits with the wife of someone else he should observe (the vow of) Kṛcchra Sāntapana .
17b-24. A woman is like a bar. Therefore, he should avoid her. If a man (even) once cohabits with a woman out of his caste or a mean one, he should observe Prājāpatya Kṛcchra. There is no doubt that thereby he is purified. A woman is like a burning charcoal. A man is like ghee . Therefore, O brāhmaṇa, he should never remain in her vicinity. O brāhmaṇa, that woman, the destroyer of the family, who conceives (due to cohabitation) with her paramour, should be altogether abandoned. There is no blemish in doing so. That woman who would, leaving her own relatives, go (away) from her house, is spoiled, has fallen from the family. One should have no contact with her again. That woman who, being infatuated, cohabits with another man (who is not her husband), should observe the Prājāpatya Kṛcchra, and then should drink the mixture of the five products of a cow. Then she should give a pair of cows (to a brāhmaṇa). She is (thus) undoubtedly purified. When a childish brāhmaṇa woman, being deluded, cohabits with a stranger, she should be abandoned by (her) men. There is no blemish (in doing so). O brāhmaṇa, that brāhmaṇa who, being deluded by passion of love, would cohabit with a brāhmaṇa-woman, should give a cow and sesamum. Undoubtedly he is (thereby) purified.
Complete chapter-aligned witnesses. Sanskrit Wikisource page 43548, revision 335806 (2022-04-15T08:55:08Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365302.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.