Chapter 173

महादेव उवाच। दुर्गया संगता यत्र देवि साभ्रमती नदी । संगमः सागरेणाथ स्नानं तत्र समाचरेत् १। वीतदोषा भविष्यंति कलौ वै नात्र संशयः । तत्र श्राद्धं प्रकर्त्तव्यं दुर्गया संगमे तथा २। तत्र गत्वा विशेषेण ब्राह्मणानां च भोजनम् । दानं गोमहिषीणां च कर्तव्यं विधिपूर्वकम् ३। इयं धन्या धन्यतमा पवित्रा पापनाशिनी । यां दृष्ट्वा चापि भो देवि मुच्यते पातकैर्नरः ४। यथा गंगा तथा चेयं ज्ञेया साभ्रमती नदी । कलौ देवि विशेषेण बहुकालफलप्रदा ५। यदि चेच्छतशो जिह्वा मुखे वै मामके सति । तस्या अपि न शक्नोमि गुणान्वक्तुं कदाचन ६। इति श्रीपाद्मे महापुराणे पंचपंचाशत्साहस्र्यां संहितायामुत्तरखंडे उमामहेश्वरसंवादे साभ्रमतीमाहात्म्यंनाम त्रिसप्तत्यधिकशततमोऽध्यायः १७३।

mahādeva uvāca| durgayā saṃgatā yatra devi sābhramatī nadī | saṃgamaḥ sāgareṇātha snānaṃ tatra samācaret 1| vītadoṣā bhaviṣyaṃti kalau vai nātra saṃśayaḥ | tatra śrāddhaṃ prakarttavyaṃ durgayā saṃgame tathā 2| tatra gatvā viśeṣeṇa brāhmaṇānāṃ ca bhojanam | dānaṃ gomahiṣīṇāṃ ca kartavyaṃ vidhipūrvakam 3| iyaṃ dhanyā dhanyatamā pavitrā pāpanāśinī | yāṃ dṛṣṭvā cāpi bho devi mucyate pātakairnaraḥ 4| yathā gaṃgā tathā ceyaṃ jñeyā sābhramatī nadī | kalau devi viśeṣeṇa bahukālaphalapradā 5| yadi cecchataśo jihvā mukhe vai māmake sati | tasyā api na śaknomi guṇānvaktuṃ kadācana 6| iti śrīpādme mahāpurāṇe paṃcapaṃcāśatsāhasryāṃ saṃhitāyāmuttarakhaṃḍe umāmaheśvarasaṃvāde sābhramatīmāhātmyaṃnāma trisaptatyadhikaśatatamo'dhyāyaḥ 173|