Pātāla-khaṇḍa · Chapter 16
Sourceसुमतिरुवाच। एवं तया क्रीडमानः सर्वत्र धरणीतले । नाबुध्यत गतानब्दाञ्छतसंख्या परीमितान् १। ततो ज्ञात्वाथव तद्विप्रः स्वकालपरिवर्तिनीम् । मनोरथैश्च संपूर्णां स्वस्यप्रियतमां वराम् २। न्यवर्तताश्रमं श्रेष्ठं पयोष्णीतीरसंस्थितम् । निर्वैरजं तु जनतासंकुलं मृगसेवितम् ३। तत्रावसत्स सुतपाः शिष्यैर्वेदसमन्वितैः । सेवितांघ्रियुगो नित्यं तताप परमं तपः ४। कदाचिदथ शर्यातिर्यष्टुमैच्छत देवताः । तदा च्यवनमानेतुं प्रेषयामास सेवकान् ५। तैराहूतो द्विजवरस्तत्रागच्छन्महातपाः । सुकन्यया धर्मपत्न्या स्वाचार परिनिष्ठया ६। आगतं तं मुनिवरं पत्न्या पुत्र्या महायशाः । ददर्श दुहितुः पार्श्वे पुरुषं सूर्यवर्चसम् ७। राजा दुहितरं प्राह कृतपादाभिवंदनाम् । आशिषो न प्रयुंजानो नातिप्रीतमना इव ८। चिकीर्षितं ते किमिदं पतिस्त्वया । प्रलंभितो लोकनमस्कृतो मुनिः । त्वया जराग्रस्तमसंमतं पतिं । विहाय जारं भजसेऽमुमध्वगम् ९। कथं मतिस्तेऽवगतान्यथासतां कुलप्रसूतेः कुलदूषणं त्विदम् । बिभर्षि जारं यदपत्रपाकुलं पितुः स्वभर्तुश्च नयस्यधस्तमाम् १०। एवं ब्रुवाणं पितरं स्मयमाना शुचिस्मिता । उवाच तात जामाता तवैष भृगुनंदनः ११। शशंस पित्रे तत्सर्वं वयोरूपाभिलंभनम् । विस्मितः परमप्रीतस्तनयां परिषस्वजे १२। सोमेनायाजयद्वीरं ग्रहं सोमस्य चाग्रहीत् । असोमपोरप्यश्विनोश्च्यवनः स्वेन तेजसा १३। ग्रहं तु ग्राहयामास तपोबलसमन्वितः । वज्रं गृहीत्वा शक्रस्तु हंतुं ब्राह्मणसत्तमम् १४। अपंक्तिपावनौ देवौ कुर्वाणं पंक्तिगोचरौ । शक्रं वज्रधरं दृष्ट्वा मुनिः स्वहननोद्यतम् १५। हुंकारमकरोद्धीमान्स्तंभयामास तद्भुजम् । इंद्रः स्तब्धभुजस्तत्र दृष्टः सर्वैश्च मानवैः १६। कोपेन श्वसमानोऽहिर्यथा मंत्रनियंत्रितः । तुष्टाव स मुनिं शक्रः स्तब्धबाहुस्तपोनिधिम् १७। अश्विभ्यां भागदानं च कुर्वंतं निर्भयांतरम् । कथयामास भोः स्वामिन्दीयतामश्विनोर्बलि १८। मया न वार्यते तात क्षमस्वाघं महत्कृतम् । इत्युक्तः स मुनिः कोपं जहौ तूर्णं कृपानिधिः १९। इंद्रो मुक्तभुजोऽप्यासीत्तदानीं पुरुषर्षभ । एतद्वीक्ष्य जनाः सर्वे कौतुकाविष्टमानसाः २०। शशंसुर्ब्राह्मणबलं ते तु देवादिदुर्ल्लभम् । ततो राजा बहुधनं ब्राह्मणेभ्योऽददन्महान् २१। चक्रे चावभृथस्नानं यागांते शत्रुतापनः । त्वया पृष्टं यदाचक्ष्व च्यवनस्य महोदयम् २२। स मया कथितः सर्वस्तपोयोगसमन्वितः । नमस्कृत्वा तपोमूर्तिमिमं प्राप्य जयाशिषः २३। प्रेषय त्वं सपत्नीकं रामयज्ञे मनोरमे । शेष उवाच। एवं तु कुर्वतोर्वार्तां हयः प्रापाश्रमं प्रति २४। विदधद्वायुवेगेन पृथ्वीं खुरविलक्षिताम् । दूर्वांकुरान्मुखाग्रेण चरंस्तत्र महाश्रमे २५। मुनयो यावदादाय दर्भान्स्नातुं गता नदीम् । शत्रुघ्नः शत्रुसेनायास्तापनः शूरसंमतः २६। तावत्प्राप मुनेर्वासं च्यवनस्यातिशोभितम् । गत्वा तदाश्रमे वीरो ददर्श च्यवनं मुनिम् २७। सुकन्यायाः समीपस्थं तपोमूर्तिमिवस्थितम् । ववंदे चरणौ तस्य स्वाभिधां समुदाहरन् २८। शत्रुघ्नोहं रघुपतेर्भ्राता वाहस्य पालकः २९। नमस्करोमि युष्मभ्यं महापापोपशांतये । इति वाक्यं समाकर्ण्य जगाद मुनिसत्तमः ३०। शत्रुघ्न तव कल्याणं भूयान्नरवरर्षभ । यज्ञं पालयमानस्य कीर्तिस्ते विपुला भवेत् ३१। चित्रं पश्यत भो विप्रा रामोऽपि मखकारकः । यन्नामस्मरणादीनि कुर्वंति पापनाशनम् ३२। महापातकसंयुक्ताः परदाररता नराः । यन्नामस्मरणोद्युक्ता मुक्ता यांति परां गतिम् ३३। पादपद्मसमुत्थेन रेणुना ग्रावमूर्तिभृत् । तत्क्षणाद्गौतमार्धांगी जाता मोहनरूपधृक् ३४। मामकीयस्य रूपस्य ध्यानेन प्रेमनिर्भरा । सर्वपातकराशिं सा दग्ध्वा प्राप्ता सुरूपताम् ३५। दैत्या यस्य मनोहारिरूपं प्रधनमण्डले । पश्यंतः प्रापुरेतस्य रूपं विकृतिवर्जितम् ३६। योगिनो ध्याननिष्ठा ये यं ध्यात्वा योगमास्थिताः । संसारभयनिर्मुक्ताः प्रयाताः परमं पदम् ३७। धन्योऽहमद्य रामस्य मुखं द्रक्ष्यामि शोभनम् । पयोजदलनेत्रांतं सुनसं सुभ्रुसून्नतम् ३८। सा जिह्वा रघुनाथस्य नामकीर्तनमादरात् । करोति विपरीता या फणिनो रसना समा ३९। अद्य प्राप्तं तपःपुण्यमद्य पूर्णा मनोरथाः । यद्द्रक्ष्ये रामचंद्रस्य मुखं ब्रह्मादिदुर्ल्लभम् ४०। तत्पादरेणुना स्वांगं पवित्रं विदधाम्यहम् । विचित्रतरवार्ताभिः पावये रसनां स्वकाम् ४१। इत्यादि रामचरणस्मरणप्रबुद्ध- प्रेमव्रजप्रसृतगद्गदवागुदश्रुः । श्रीरामचंद्र रघुपुंगवधर्ममूर्ते भक्तानुकंपकसमुद्धर संसृतेर्माम् ४२। जल्पन्नश्रुकलापूर्णो मुनीनां पुरतस्तदा । नाज्ञासीत्तत्र पारक्यं निजं ध्यानेन संस्थितः ४३। शत्रुघ्नस्तं मुनिं प्राह स्वामिन्नो मखसत्तमः । क्रियतां भवता पादरजसा सुपवित्रितः ४४। महद्भाग्यं रघुपतेर्यद्युष्मन्मानसांतरे । तिष्ठत्यसौ महाबाहुः सर्वलोकसुपूजितः ४५। इत्युक्तः सपरीवारः सर्वाग्निपरिसंवृतः । जगाम च्यवनस्तत्र प्रमोदह्रदसंप्लुतः ४६। हनूमांस्तं पदायांतं रामभक्तमवेक्ष्य ह । शत्रुघ्नं निजगादासौ वचो विनयसंयुतः ४७। स्वामिन्कथयसि त्वं चेन्महापुरुषसुंदरम् । रामभक्तं मुनिवरं नयामि स्वपुरीमहम् ४८। इति श्रुत्वा महद्वाक्यं कपिवीरस्य शत्रुहा । आदिदेश हनूमंतं गच्छ प्रापयतं मुनिम् ४९। हनूमांस्तं मुनिं स्वीये पृष्ठ आरोप्य वेगवान् । सकुटुंबं निनायाशु वायुः ख इव सर्वगः ५०। आगतं तं मुनिं दृष्ट्वा रामो मतिमतां वरः । अर्घ्यपाद्यादिकं चक्रे प्रीतः प्रणयविह्वलः ५१। धन्योऽस्मि मुनिवर्यस्य दर्शनेन तवाधुना । पवित्रितो मखो मह्यं सर्वसंभारसंभृतः ५२। इति वाक्यं समाकर्ण्य च्यवनो मुनिसत्तमः । उवाच प्रेमनिर्भिन्न पुलकांगोऽतिनिर्वृतः ५३। स्वामिन्ब्रह्मण्यदेवस्य तव वाडवपूजनम् । युक्तमेव महाराज धर्ममार्गं प्ररक्षितुः ५४। इति श्रीपद्मपुराणे पातालखंडे शेषवात्स्यायनसंवादे रामाश्वमेधे च्यवनाश्रमे हयगमनोनाम षोडशोऽध्यायः १६ ।
sumatiruvāca| evaṃ tayā krīḍamānaḥ sarvatra dharaṇītale | nābudhyata gatānabdāñchatasaṃkhyā parīmitān 1| tato jñātvāthava tadvipraḥ svakālaparivartinīm | manorathaiśca saṃpūrṇāṃ svasyapriyatamāṃ varām 2| nyavartatāśramaṃ śreṣṭhaṃ payoṣṇītīrasaṃsthitam | nirvairajaṃ tu janatāsaṃkulaṃ mṛgasevitam 3| tatrāvasatsa sutapāḥ śiṣyairvedasamanvitaiḥ | sevitāṃghriyugo nityaṃ tatāpa paramaṃ tapaḥ 4| kadācidatha śaryātiryaṣṭumaicchata devatāḥ | tadā cyavanamānetuṃ preṣayāmāsa sevakān 5| tairāhūto dvijavarastatrāgacchanmahātapāḥ | sukanyayā dharmapatnyā svācāra pariniṣṭhayā 6| āgataṃ taṃ munivaraṃ patnyā putryā mahāyaśāḥ | dadarśa duhituḥ pārśve puruṣaṃ sūryavarcasam 7| rājā duhitaraṃ prāha kṛtapādābhivaṃdanām | āśiṣo na prayuṃjāno nātiprītamanā iva 8| cikīrṣitaṃ te kimidaṃ patistvayā | pralaṃbhito lokanamaskṛto muniḥ | tvayā jarāgrastamasaṃmataṃ patiṃ | vihāya jāraṃ bhajase'mumadhvagam 9| kathaṃ matiste'vagatānyathāsatāṃ kulaprasūteḥ kuladūṣaṇaṃ tvidam | bibharṣi jāraṃ yadapatrapākulaṃ pituḥ svabhartuśca nayasyadhastamām 10| evaṃ bruvāṇaṃ pitaraṃ smayamānā śucismitā | uvāca tāta jāmātā tavaiṣa bhṛgunaṃdanaḥ 11| śaśaṃsa pitre tatsarvaṃ vayorūpābhilaṃbhanam | vismitaḥ paramaprītastanayāṃ pariṣasvaje 12| somenāyājayadvīraṃ grahaṃ somasya cāgrahīt | asomaporapyaśvinoścyavanaḥ svena tejasā 13| grahaṃ tu grāhayāmāsa tapobalasamanvitaḥ | vajraṃ gṛhītvā śakrastu haṃtuṃ brāhmaṇasattamam 14| apaṃktipāvanau devau kurvāṇaṃ paṃktigocarau | śakraṃ vajradharaṃ dṛṣṭvā muniḥ svahananodyatam 15| huṃkāramakaroddhīmānstaṃbhayāmāsa tadbhujam | iṃdraḥ stabdhabhujastatra dṛṣṭaḥ sarvaiśca mānavaiḥ 16| kopena śvasamāno'hiryathā maṃtraniyaṃtritaḥ | tuṣṭāva sa muniṃ śakraḥ stabdhabāhustaponidhim 17| aśvibhyāṃ bhāgadānaṃ ca kurvaṃtaṃ nirbhayāṃtaram | kathayāmāsa bhoḥ svāmindīyatāmaśvinorbali 18| mayā na vāryate tāta kṣamasvāghaṃ mahatkṛtam | ityuktaḥ sa muniḥ kopaṃ jahau tūrṇaṃ kṛpānidhiḥ 19| iṃdro muktabhujo'pyāsīttadānīṃ puruṣarṣabha | etadvīkṣya janāḥ sarve kautukāviṣṭamānasāḥ 20| śaśaṃsurbrāhmaṇabalaṃ te tu devādidurllabham | tato rājā bahudhanaṃ brāhmaṇebhyo'dadanmahān 21| cakre cāvabhṛthasnānaṃ yāgāṃte śatrutāpanaḥ | tvayā pṛṣṭaṃ yadācakṣva cyavanasya mahodayam 22| sa mayā kathitaḥ sarvastapoyogasamanvitaḥ | namaskṛtvā tapomūrtimimaṃ prāpya jayāśiṣaḥ 23| preṣaya tvaṃ sapatnīkaṃ rāmayajñe manorame | śeṣa uvāca| evaṃ tu kurvatorvārtāṃ hayaḥ prāpāśramaṃ prati 24| vidadhadvāyuvegena pṛthvīṃ khuravilakṣitām | dūrvāṃkurānmukhāgreṇa caraṃstatra mahāśrame 25| munayo yāvadādāya darbhānsnātuṃ gatā nadīm | śatrughnaḥ śatrusenāyāstāpanaḥ śūrasaṃmataḥ 26| tāvatprāpa munervāsaṃ cyavanasyātiśobhitam | gatvā tadāśrame vīro dadarśa cyavanaṃ munim 27| sukanyāyāḥ samīpasthaṃ tapomūrtimivasthitam | vavaṃde caraṇau tasya svābhidhāṃ samudāharan 28| śatrughnohaṃ raghupaterbhrātā vāhasya pālakaḥ 29| namaskaromi yuṣmabhyaṃ mahāpāpopaśāṃtaye | iti vākyaṃ samākarṇya jagāda munisattamaḥ 30| śatrughna tava kalyāṇaṃ bhūyānnaravararṣabha | yajñaṃ pālayamānasya kīrtiste vipulā bhavet 31| citraṃ paśyata bho viprā rāmo'pi makhakārakaḥ | yannāmasmaraṇādīni kurvaṃti pāpanāśanam 32| mahāpātakasaṃyuktāḥ paradāraratā narāḥ | yannāmasmaraṇodyuktā muktā yāṃti parāṃ gatim 33| pādapadmasamutthena reṇunā grāvamūrtibhṛt | tatkṣaṇādgautamārdhāṃgī jātā mohanarūpadhṛk 34| māmakīyasya rūpasya dhyānena premanirbharā | sarvapātakarāśiṃ sā dagdhvā prāptā surūpatām 35| daityā yasya manohārirūpaṃ pradhanamaṇḍale | paśyaṃtaḥ prāpuretasya rūpaṃ vikṛtivarjitam 36| yogino dhyānaniṣṭhā ye yaṃ dhyātvā yogamāsthitāḥ | saṃsārabhayanirmuktāḥ prayātāḥ paramaṃ padam 37| dhanyo'hamadya rāmasya mukhaṃ drakṣyāmi śobhanam | payojadalanetrāṃtaṃ sunasaṃ subhrusūnnatam 38| sā jihvā raghunāthasya nāmakīrtanamādarāt | karoti viparītā yā phaṇino rasanā samā 39| adya prāptaṃ tapaḥpuṇyamadya pūrṇā manorathāḥ | yaddrakṣye rāmacaṃdrasya mukhaṃ brahmādidurllabham 40| tatpādareṇunā svāṃgaṃ pavitraṃ vidadhāmyaham | vicitrataravārtābhiḥ pāvaye rasanāṃ svakām 41| ityādi rāmacaraṇasmaraṇaprabuddha- premavrajaprasṛtagadgadavāgudaśruḥ | śrīrāmacaṃdra raghupuṃgavadharmamūrte bhaktānukaṃpakasamuddhara saṃsṛtermām 42| jalpannaśrukalāpūrṇo munīnāṃ puratastadā | nājñāsīttatra pārakyaṃ nijaṃ dhyānena saṃsthitaḥ 43| śatrughnastaṃ muniṃ prāha svāminno makhasattamaḥ | kriyatāṃ bhavatā pādarajasā supavitritaḥ 44| mahadbhāgyaṃ raghupateryadyuṣmanmānasāṃtare | tiṣṭhatyasau mahābāhuḥ sarvalokasupūjitaḥ 45| ityuktaḥ saparīvāraḥ sarvāgniparisaṃvṛtaḥ | jagāma cyavanastatra pramodahradasaṃplutaḥ 46| hanūmāṃstaṃ padāyāṃtaṃ rāmabhaktamavekṣya ha | śatrughnaṃ nijagādāsau vaco vinayasaṃyutaḥ 47| svāminkathayasi tvaṃ cenmahāpuruṣasuṃdaram | rāmabhaktaṃ munivaraṃ nayāmi svapurīmaham 48| iti śrutvā mahadvākyaṃ kapivīrasya śatruhā | ādideśa hanūmaṃtaṃ gaccha prāpayataṃ munim 49| hanūmāṃstaṃ muniṃ svīye pṛṣṭha āropya vegavān | sakuṭuṃbaṃ nināyāśu vāyuḥ kha iva sarvagaḥ 50| āgataṃ taṃ muniṃ dṛṣṭvā rāmo matimatāṃ varaḥ | arghyapādyādikaṃ cakre prītaḥ praṇayavihvalaḥ 51| dhanyo'smi munivaryasya darśanena tavādhunā | pavitrito makho mahyaṃ sarvasaṃbhārasaṃbhṛtaḥ 52| iti vākyaṃ samākarṇya cyavano munisattamaḥ | uvāca premanirbhinna pulakāṃgo'tinirvṛtaḥ 53| svāminbrahmaṇyadevasya tava vāḍavapūjanam | yuktameva mahārāja dharmamārgaṃ prarakṣituḥ 54| iti śrīpadmapurāṇe pātālakhaṃḍe śeṣavātsyāyanasaṃvāde rāmāśvamedhe cyavanāśrame hayagamanonāma ṣoḍaśo'dhyāyaḥ 16 |
English translation
Sumati said :
1-4. Thus sporting with her everywhere on the earth, he did not notice the years counted in hundreds that rolled by. Then the brāhmaṇa , being a ware of the lapse of his time, and realising that his excellent dear wife was full of (i.e. fully satisfied with) her desires (being satisfied), returned to his best hermitage which was situated on the bank of Payoṣṇī and which was crowded with foeless beings and people and resorted to by beasts. He, of an excellent penance, lived there with his disciples, endowed with (the knowledge of) the Vedas ; and with his pair of feet being served (by his disciples etc.) everyday, he practised a great (i.e. severe) penance.
5-8. Then, sometime Śaryāti desired to perform a sacrifice in honour of deities. At that time he sent his servants to fetch Cyavana . Being invited by them, he, of a great penance went there along with Sukanyā , his religiously wedded wife, and greatly devoted to (proper) conduct. (The king) of a great fame, saw the best sage—a man with sun-like lustre—by the side of the sage’s wife i.e. of his daughter. The king who did not give her blessings and whose mind was not very much pleased, said to his daughter who had saluted her father (i.e. him).
9-10. “What is this that you have desired to do? You who have abandoned your husband stricken by old age and are resorting to this paramour who is a wayfarer, have deceived the sage saluted by the world. How has your mind wrongly gone down (like this)? This is a family-bane to the child born in the family of the good. Since you, being shameless, are having a paramour, you are degrading the family of your father and of your husband to the lowest position.”
11-14a. She, smiling a bright smile, said to her father who was speaking like this: “O father, this is your son-in-law, the son of Bhṛgu .” She told her father everything about (Cyavana’s) acquisition of youth and handsome form. The father, being amazed and very much pleased, embraced his daughter. A Soma sacrifice was got performed by the wise one, and he took a cup of Soma. Cyavana, endowed with power, made the Aśvins , who did not (up to then) drink Soma, have a cup of Soma.
14b-22a. Indra , (seeing) the two deities, allowed to sit in the line (of those who we reserved Soma), (though they were) not fit to be in the line, by Cyavana, took his thunderbolt to kill the best brāhmaṇa (viz. Cyavana). The intelligent sage, seeing Indra, holding his bolt and ready to kill him, gave out a ‘hum’ sound, and stupefied the arm of Indra. All men saw there Indra, whose arm was stupefied and who like a snake controlled by a charm, was breathing with anger. Indra whose arm was stupefied, praised the sage, the treasure of penance, and giving with a fearless heart a portion (of Soma) to the Asvins , told (him): “O lord, give an oblation to the Asvins; O Sir, I shall not prevent it; paradon me, a great sin I have committed.” Thus addressed, the sage, the treasure of kindness, quickly gave up his anger. O best of men, at that time Indra’s arm became free. Seeing this, all men, with their minds full of curiosity, praised the brāhmaṇa’s power, difficult to be obtained (even) by gods etc. Then the great king gave much wealth to brāhmaṇas . He, the tormentor of his enemies, had the bath of purification at the end of the sacrifice.
22b-24a. Since I was asked by you to tell the great rise of Cyavana, endowed with penance and deep meditation, I have told you all about it. Having saluted this (Cyavana), an embodiment of penance, and having received (from him) blessings for victory, send him, along with his wife to the charming sacrifice of Rāma .
Śeṣa said :
24b-30a. When he was talking like this, the horse, imprinting the earth with the marks of his hoofs, due to his wind-like speed, reached the hermitage. He, eating with his mouth the dūrvā -shoots, moved into the great hermitage. When the sages had, after fetching darbhas , gone to the river to bathe, Śatrughna , the tormentor of enemies and liked by heroes, reached the extremely beautiful hermitage of Cyavana. The brave one (i.e. Śatrughna), having gone into the hermitage, saw Cyavana, being the (very) embodiment of penance, near Sukanyā; and announcing his own name, saluted his feet: “I am Śatrughna, the brother of Rāma and the protector of the (sacrificial) horse. For the appeasement of great sins, I am saluting both of you.”
30b-39. Hearing these words, the best of the sages said: “O Śatrughna, O best among the heroes, may you attain prosperity. You who are protecting the (horse of the) sacrifice, will attain great fame. O brāhmaṇas, note the wonder; even that Rāma, by remembering whose name men having committed great sins and having had sexual intercourse with others’ wives, destroy their sins and the free souls engaged in remembering whose name attain salvation, is performing the (horse-) sacrifice. Due to the touch of the dust rising from his lotuslike feet, the better-half of Gautama became at once one having an enamouring form. She (i.e. Ahalyā , Gautama’s wife), full of love, by meditating upon that form of Rāma burnt all the heaps of her sins and became beautiful. By seeing his charming form in the battle (even) demons reached his changeless form. Those ascetics who are devoted to meditation, on meditating upon him have gone, being fully free from the fear of the mundane existence, to the highest position. Blessed I am that today I shall see Rāma's charming face, the corners of the eyes of whom resemble the cloud-water, which has a fine nose, beautiful eye-brows and which is well high. That is (really) the tongue that respectfully utters Rāma’s name. The one other than this is like the tongue of a serpent.
40-46. Today I have obtained the merit of my penance; today my desires are fulfilled because I shall see Rāmacandra ’s face difficult (to be seen even) by Brahmā etc. I shall purify my body with the dust of his feet; I shall purify my tongue by means of very wonderful talk (with him).” With tears flowing and his words faltering he said “Go”, when love for Rāma had increased by remembering Rāma’s feet. In front of the sages, he, with his eyes full of tears said: “O Śrī Rāmacandra, O best among the Raghus , O you embodiment of righteousness, O you who take pity on your devotees, emancipate me from the worldly existence.” Firm in his meditation he did not feel alien there, when he talked like this before the sages. Śatrughna said to the sage: “O lord, make very pure our best sacrifice by the dust of your feet. It is the great fortune of the lord of Raghus, that he, of mighty arms dwells in your heart”. Thus addressed, and very much honoured by all people Cyavana, with his attendants and surrounded by all fires, and floating in the deep pool of joy, went there (near Śatrughna).
47. Seeing that devotee of Rāma, coming there on foot, Hanūmān , full of modesty, said these words to Śatrughna:
48. “O lord, if you tell me, I shall carry this very great and extremely handsome devotee of Rāma, the best sage to your city.”
49. Hearing these important words of the warrior-monkey, Śatrughna, ordered Hanūmat: “Go, take the sage (to the city).”
50. Hanūmān put the sage on his back, and, (moving) like Wind going everywhere, took the sage along with his family.
51-54. Seeing the sage, who had arrived (at Ayodhyā ), Rāma, the best among the intelligent, being pleased and agitated through affection, offered him respectful offering and water for washing his feet etc. (Rāma said:) “Now I am blessed due to having seen you, the best sage. This sacrifice of me, which is equipped with all requisites has been purified.” Hearing these words, the best sage Cyavana, extremely delighted, and with his body horripilated due to love, said: “O lord, O great king, the worshipping of fire by you, the knower of Veda , and the protector of the path of dharma , is but proper.”
Complete chapter-aligned witnesses. Sanskrit Wikisource page 43661, revision 335882 (2022-04-16T01:13:56Z). English is N. A. Deshpande’s complete translation, controlled against its chapter page at https://www.wisdomlib.org/hinduism/book/the-padma-purana/d/doc365327.html and the ten-volume archival witness. The witnesses are aligned at chapter level; no unsupported verse-by-verse equivalence is asserted.